كل حاجة عن التحويل الورقي [الأرشيف] - بوابة الثانوية العامة المصرية

eng--zako

24-08-2009, 01:01 PM

بسم الله الرحمن الرحيم
و مبروك للي حولو و اللي تحويلهم متقبلش و حيحولو
انا حشرحلكوا مثال عليا انا مثلا الحمد لله جيبت 380.5 و جالي فنون جميلة عمارة المنيا و عملت تحويل لأسكندرية اللي واخدة من 381.5 فرق درجة و كنت متأكد انه مش هيتقبل طب ليه؟
- اولا فنون جميلة عمارة اسكندرية كانت واخدة 97 طالب من الثانوية العامة و بالتالي 10/100 يعملو 10 طلاب لكن اللي كانو جايبين 381 كانو حوالي 15 تقريبا فكل اللي كان جايب 381 في المنيا و عايز يحول اسكندرية عشان القرب اتوافق عليهم لكن اللي جابو 380.5 او 380 و عايزين يروحو اسكندرية حيعملو كالأتي؟
الكلية الل يعايزين يحولولها فين ؟ جامعة اسكندرية؟
يبقي حروح ادارة الجامعة في الأسكندرية و معايا ايه اثبات اقامة و وصل نور و ميا حاجات تثبت انك في اسكندرية؟
طيب ازاي طب مانا واخد ال ث ع من اسكندرية ؟ معلش روتين بقا ؟ اوك و معاك بطاقة ترشبحك علي فنون جميلة عمارة المنيا و الشهادة بتاعة النجاح و حتسأل في ادارة الجامعة عن التحويلات و تروح تعمل تحويل لكلية مناظرة رسومه حوالي 100 جنيه اوك و بعدين هيقلك التحويل حيخلص علي امتي تيجي رايح عالكلية اللي حولتها و حتكون اتبلغت بأسمك و انضاف للكشوف و حتروح و معاك ورقك و تقدم عادي و تمتحن كشف طبي بس خلي بالك
ممكن يطلبوا منك تبرع ؟؟؟ في حدود كام ؟؟
من 500-1000 جنيه و قاصل معاهم و ادفع 300 جنيه و تتقبل عادي و ده ان شاء الله اللي حعملو
التبرع ده مش رشوة اصلا قبل ما يكون التنسيق عالنت كان التحويل التناظر بيوصل لنسبة 20 و 30 /100 ورقي
بس ده حاجة كدة عشان الجامعة و الوزارة تستفاد و تخلي التحويل المتناظر 10/100 عشان تعبي فلوس من الباقي
طب عرفت منين الكلام ده ؟

انا قولت قبل كده ان والدي اصلا شغال مدير عام شئون طلبة بكلية الاداب بدمنهور - و كان شغال امين عام مكتب التنسيق ايام ما كان ورقي
و الحمد ببه بردو انا بنت خالتي حولنالها ورقي من صيدلة المنيا (اقل صيدلة ) لأسكندرية و تقدروا تشوفوا الفرق السنة اللي فاتت .
اي استفسار انا موجود
و السلام ختام

lost bird

24-08-2009, 01:07 PM

شكرااااا ليك...........بس التحويل ده بيظهر بسرعة ولا بياخد وقت طويل وممكن لحد شهر 11

طالبه ثانويه

24-08-2009, 01:15 PM

لو سمحتى واحده صاحبتى جالها رياض اطفال بورسعيد وكانت هاتحول لرياض اطفال المنصوره بس التحويل اترفضت ع درجه بردو دلوقتى هى عاوزه تحول اداب المنصوره ومجموعها اعلى بكتير من اداب يعنى تقبل فيها ان شاء الله
المفروض بقى تعمل اييييييييييييييييييه

د/بسمة الاسلام

24-08-2009, 01:19 PM

طب يعني انا اعمل
التماس ولا تظلم ولا تحويل ورقي
والنهاردة خلص خلاص اكيد الجامعى قفلت
اروح بكرة ولا افقد الامل
ومعلشي بس
يعني
اخد معايا ايه بالظبط ؟؟
جزاك الله الف خير

lost bird

24-08-2009, 01:22 PM

تعمل التماس وتحول عادي لرياض اطفال المنصورة لو لسة عايزاها ولو عاوزة اداب مش عارفة ينفع ولا لا

وفين وامتي بردو مش عارفة............ياريت صاحب الموضوع يرد علينا

eng--zako

24-08-2009, 01:25 PM

شكرااااا ليك...........بس التحويل ده بيظهر بسرعة ولا بياخد وقت طويل وممكن لحد شهر 11
ان شاء الله ف خلال اسبوع من عمل التحويل

eng--zako

24-08-2009, 01:26 PM

eng--zako

24-08-2009, 01:28 PM

طب يعني انا اعمل
التماس ولا تظلم ولا تحويل ورقي
والنهاردة خلص خلاص اكيد الجامعى قفلت
اروح بكرة ولا افقد الامل
ومعلشي بس
يعني
اخد معايا ايه بالظبط ؟؟
جزاك الله الف خير
حضرتك عايزة تحولي منين لفين تاخدي معاكي ( الشهادة - بطاقة الترشيح الاولانية -البطاقة - عقد الشقة - وصل نور و ميا )
لا تفقدي الامل ان شاء الله تحولي ده مضمون

يارب ادخل هندسه

24-08-2009, 01:36 PM

بليز ان كنت هندسه خاصه منصوره وحولت علوم اليكس وانا اساسا من المنصوره واترفضت وانا جايبه مجموع علوم اليكس وانا عايزه اقدم تاني في اليكس اعمل ايه

سندس الربيع

24-08-2009, 01:37 PM

انا عاوز احول من هندسة الزقازيق لهندسة المنصورة
اروح اقدم ورقي لمكتب التنسيق في المنصورة ولا لكلية هندس المنصورة

lost bird

24-08-2009, 01:39 PM

ان شاء الله ف خلال اسبوع من عمل التحويل

جزاك الله خيراا

eng--zako

24-08-2009, 01:41 PM

بليز ان كنت هندسه خاصه منصوره وحولت علوم اليكس وانا اساسا من المنصوره واترفضت وانا جايبه مجموع علوم اليكس وانا عايزه اقدم تاني في اليكس اعمل ايه
ملكش غير علوم المنصورة يا أما تجيب اثبات بأنتقال عمل الوالد من المنصورة لأسكندرية غير كده صعب جدا

eng--zako

24-08-2009, 01:43 PM

انا عاوز احول من هندسة الزقازيق لهندسة المنصورة
اروح اقدم ورقي لمكتب التنسيق في المنصورة ولا لكلية هندس المنصورة
ادارة جامعة المنصورة

Bo2loz Afandy

24-08-2009, 01:50 PM

طب انا تحويلى اتقبل ومش عايز اروح
عايز افضل فى الكلية اللى اترشحت فيها الأول
ومعايا بطاقة الترشيح القديمة
اعمل ايه؟؟؟

يارب ادخل هندسه

24-08-2009, 01:58 PM

معلش سؤال تاني انا عاوزه ادخل قسم كيما في اليكس لان القسم ده مش موجود في المنصوره لعلمي رياضه ممكن ياخدوا التبرع ويقبلوا ولا لا برده

فى السكة

24-08-2009, 02:04 PM

طب عقد الشقة لية

كاندى33

24-08-2009, 02:06 PM

انا بردو التحويل بتاعى متقبلش من فنون جميله المنيا لفنون جميله اسكندريه ولسه جايهخ من مبنى الجامعه فى اسكندريه بتاع الشاطبى قالو التحويل الورقى هيكون بكرة او بعده ان شاء الله وبيكون 3 ايام والنتيجه بتظهر على طول لانه بيكون اخر تنسيق وبتكون الكليات خلاص وقالو كمان ان الحكومه عايزة فلوس ومفيش حد التحويل بتاعه هيترفض مادام هيدفع يبقى هيتقبل

بس للاسف التحويل دا بيكون التماس على ورقه الترشيح بتاعتك يعنى انا مثلا فنون جميله المنيا وعايزة احولاداب اسكندريه ومجموعى جايبها طبعا قالو مينفعش خالص تعملى كدا فى التحويل الورقى والفلوس اللى بتفعها بتكون من 1000الى 1500

eng--zako

24-08-2009, 02:06 PM

طب انا تحويلى اتقبل ومش عايز اروح
عايز افضل فى الكلية اللى اترشحت فيها الأول
ومعايا بطاقة الترشيح القديمة
اعمل ايه؟؟؟

صراحة مش متأكد بس انت تروح تسأل في ادارة الجامعة اللي انت فيها اصلا و ثانيا ممكن تروح تقدم ف الكلية الاولانية و تعمل تجاهل للتحويل نفضله يعني

eng--zako

24-08-2009, 02:09 PM

eng--zako

24-08-2009, 02:11 PM

معلش سؤال تاني انا عاوزه ادخل قسم كيما في اليكس لان القسم ده مش موجود في المنصوره لعلمي رياضه ممكن ياخدوا التبرع ويقبلوا ولا لا برده
لا صعب جدا بس روح اسأل بردو ف ادارة الجامعة شكلهم حيمشوها مادام في فلوس بس صعب و ربنا يستر

كاندى33

24-08-2009, 02:15 PM

طيب و حضرتك ايه اللي يوديك اداب اعملي تحويل عادي لفنون جميلة اسكندرية بس حكاية 1000-1500 يبقي ممكن حياخدو التبرع للجامعة مرة واحدة بدل ما يلموه من الكليات يلا مش مهم اهم حاجة نحول شكرا علي المعلومة انا كنت حروح اسأل بجد وفرتي عليا

اصل انا مش عارفه خايفه متقبلش بردو فى التحويل دا بس قالو هناك ان هما عايزين فلوس وكله بيتقبل بس بردو خايفه

روحت سالت فى اداب قالو مينفعش اصلا

eng--zako

24-08-2009, 02:16 PM

طب عقد الشقة لية
روتين..........:078111rg3:

eng--zako

24-08-2009, 02:17 PM

اصل انا مش عارفه خايفه متقبلش بردو فى التحويل دا بس قالو هناك ان هما عايزين فلوس وكله بيتقبل بس بردو خايفه

روحت سالت فى اداب قالو مينفعش اصلا
لا متخفيش هيتقبل بنت خالتي حولت من صيدلة المنيا لأسكندرية كلو حيتقبلللللللل

محمد على شاكر

24-08-2009, 02:19 PM

طاب انا جاتلى صيدلة بنى سويف وحولت لصيدلة اسكندرية بس التحويل متقبلش ارجو الرد لو سمحت اصل انا بجد زهقان ومش عارف اعمل اية خالص

محمد على شاكر

24-08-2009, 02:30 PM

محدش راضى يرد عليا لية ارجوكم ردوا عليا بسرعة

فى السكة

24-08-2009, 02:30 PM

انا كمان جاتلى صيدلة بنى سويف والتماس بعد بكرة وانشاء اللة هيتقبل

لمى 2016

24-08-2009, 02:43 PM

اممممممممم
مبروك يا جماعة للناس اللى حولت
بس فيه حاجة صغنتوتة
واحدة صاحبتى لما عملت الرغبات و كده جالها كلية فى بلدها
و بعدين عملت تحويل عشان تروح لكلية تانية كانت عايزة تروح علاج طبيعى القاهرة
بس مش اتقبل رغم انها جايبة الحد الادنى منالدرجات
مش عارفة بقى
هى طبعا مغيرتش محل الاقامة
و مقدمتش فى بيطرى اللى هى كليتها الاولانية لسه
دى بقى تعمل ايه
و لا خلاص مش ينفع خالص
و بعدين هل كل الناس اللى بتحول مكان بعيد عنها حتى لو مفيش كليات غير ف المكان ده
غيرت محل اقامتها يعنى و لا ايه؟
اها صحيح هى مش معاها ورقة الترشيح دى
ممكن لو مش فيها رخامة بعد اذن حضرتك تقولى اقولها تعمل ايه
بس يا ريت يبقى فى نقط محددة يعنى 1 كذا 2 كذا
معلش انا عارفة انى بتقل على حضرتك
متاسفة جدا للاطالة

eng--zako

24-08-2009, 03:29 PM

eng--zako

24-08-2009, 06:04 PM

ايه الموضوع مش عاجبكم ولا ايه فين الردود

د/بسمة الاسلام

24-08-2009, 06:17 PM

LATICS FAN 2008-2009

24-08-2009, 06:28 PM

انا حايلى هندسه الزقازيق وكنت عايز احول المنصوره بس التحويل ماتقبلش انا عايز اقدم تحويل ورقى بس خايف يروح على التقديم فى الزقازيق او المنصوره يبقى لا طلت بلح الشام ولا عنب اليمن
د

eng--zako

24-08-2009, 07:21 PM

[quote=asd159;1529327]حضرتك عايزة تحولي منين لفين تاخدي معاكي ( الشهادة - بطاقة الترشيح الاولانية -البطاقة - عقد الشقة - وصل نور و ميا )
لا تفقدي الامل ان شاء الله تحولي ده مضمون[/qu

انا عيزة احول من طب عين شمس لطب الزقازيق
وانا من الشرقية الزقازيق اقربلي
الشهادة الى هيا بتاعة سنة كام :- ثانوية عامة ولا ايه

جزاكم الله الف خير بجد بجد
ربنا يباركلك
ويكرمك

اخد معايا 1000 جنية مع الحاجات دي
واطمن ؟؟
ان شاء الله

الف الف الف شكر
ايوة طبعا شهادة الثانوية و الحافز الرياضي ان وجد بالنسبة للفلوس فرسوم التحويل السنة اللي فاتت كانت 100 جنيه و الترع بيبقي ف الكلية مش عارف ايه النظام السنادي بس خدي فلوس احتياطي و لازم بيتهيقلي ولي الامر

eng--zako

24-08-2009, 07:33 PM

انا حايلى هندسه الزقازيق وكنت عايز احول المنصوره بس التحويل ماتقبلش انا عايز اقدم تحويل ورقى بس خايف يروح على التقديم فى الزقازيق او المنصوره يبقى لا طلت بلح الشام ولا عنب اليمن
د
متخفش الورقي مصموووووون

د/بسمة الاسلام

25-08-2009, 03:06 AM

الورقي مضمون

أكيد ؟؟؟

د/بسمة الاسلام

25-08-2009, 03:42 AM

هو صحيح لازم ناخد ازن من الكليتين قبل التحويل الورقي؟؟

perfect-girl

25-08-2009, 03:57 AM

يبقي حروح ادارة الجامعة في الأسكندرية

طب كويس انك من اسكندريه زيى
انا روحت انهاردا اداره الجامعه قالوا معندهمش فكره ولا بيان رسمى
انت تعرف اى معلومه عن الكلام ده!!
سؤال معلش
انت سالت فى مكتب التسيق الى فالمجمع ولا لا !!

بعدين هيقلك التحويل حيخلص علي امتي تيجي رايح عالكلية اللي حولتها و حتكون اتبلغت بأسمك و انضاف للكشوف و حتروح و معاك ورقك و تقدم عادي

نفترض انه خلص السبت
النتيجه حتبقى امتا بقا !!
ولا انت قصدك بعد ما التحويل ينفع واقبل

و الحمد ببه بردو انا بنت خالتي حولنالها ورقي من صيدلة المنيا (اقل صيدلة ) لأسكندرية و تقدروا تشوفوا الفرق السنة اللي فاتت .

هى كل الناس بتتقبل ولا لا:(

اي استفسار انا موجود

ممكن اعرف الخطوات الى حتعملها وحتبتدى من امتا التحويل ده

انا جاتلى علوم عين شمس وعايزه علوم اسكندريه :blush:

د/بسمة الاسلام

25-08-2009, 04:01 AM

المسئول بيقول لام ناخد ازن

انا مش فاهمة

ازن للتحويل ولا ازن للالتماس

وايه الفرق

fathyalazhary

25-08-2009, 05:13 AM

ان شاء الله الموضوع دة هيبقى فية كل المعلومات ال فى المنتدى عن كل من الالتماس-التحويل الورقى-التظلم

التحويل الورقى
ازاى؟؟ بتروح الكلية ال عاوز تحول ليها و و تقدم طلب تحويل
المطلوب؟؟ 1-النتيجة 2-وصل غاز كهرباء اى حاجة تدل أنك موجود فى المنطقة بتاعت الكلية 3-بطاقة الترشيح
هيفتح امتا؟؟ محدش عارف لعياط دلوقتى

بصراحة هو دة ال أنا أعرفوا بس
الالتماس و التظلم ما أعرفش عنهم حاجة فياريت ال يعرف يقول

ال الالتماس
http://massai.ahram.org.eg/Index.asp....htm&DID=10049 (http://massai.ahram.org.eg/Index.asp?CurFN=fron5.htm&DID=10049)

+

1-كونت عاوز أعرف هل ممكن أعمل تحويل ورقى فى جامعتين بحيث ال ما ينفعش فى واحدة ينفع فى التانية ؟؟

2-أنا جالى صيدلة حلوان و عاوز عين شمس أو القاهرة قسم مميز و لو لاقدر الله ما نفعش التحويل و قعدت سنة فى حلوان و عاوز أحول لعين شمس قسم مميز هل دة ممكن و لا لازم أعيد السنة و لا هطلع بكام مادة مع العلم لا يوجد قسم مميز فى حلوان يعنى التحويل هيبقى من قسم عادى لمميز هل دة عادى ؟؟

ياريت ال عاوز يسأل يكون بنفس النظام
و يا ريت مسئول عن استفسارات وشكاوى التنسيق (http://www.thanwya.com/vb/member.php?u=158228) عضو نشيط يرد علينا و يفهمنا أكتر

د/بسمة الاسلام

25-08-2009, 05:25 AM

ياريت

الف شكر للمجهود بتاعك والخير
ي

hamada_baz

25-08-2009, 06:43 AM

كلام يطمن
بس انا بقة حكايتى حكاية و عندى ظروووف اعتقد مش عند حد
اولا انا من مواليد اسكندرية و لكن عائلتى من دمياااط عشت فى اسكندرية فترة كان عندى شقة و كل الحجات اى تسبت انى من اسكندرية ولكن لظروف سفر ابويا و امى للخارج اطريت انى ارجع دمياط بلد ابويا و اخد الثانوية من دمياط عشان كدة التنسيق بتاعى و التوزيع الجغرافى بتاعىى كان بتاع دمياط انا جبت 389.5 و جتلى هندسة بورسعييد و للكننى بحاارب عشان ارجع اسكندرية تانى و خش هندسة اسكندرية!!! للعلم لما عائلتى سفرت برة بعناشقة اسكندرية لكن التيليفون موجود لغايط دلوقتى....... قدمت تحويل من علنت متقبلتش .. سؤالى الوقتى هل ينفع احول اسكندرية ولا لأ ياريت تتفهم ظروفى و ترد عليا

معلش طولت فى الكلام بس كنت عايز افهمك ظروفى كلهااااااااااااااااااااا

eng--zako

25-08-2009, 10:43 AM

هو صحيح لازم ناخد ازن من الكليتين قبل التحويل الورقي؟؟
لا ملكيش دعوة بالكلية القديمة حتروحي ادارة الجامعة بتاعة الكلية الجديدة

eng--zako

25-08-2009, 10:49 AM

طب كويس انك من اسكندريه زيى
انا روحت انهاردا اداره الجامعه قالوا معندهمش فكره ولا بيان رسمى
انت تعرف اى معلومه عن الكلام ده!!
سؤال معلش
انت سالت فى مكتب التسيق الى فالمجمع ولا لا !!

نفترض انه خلص السبت
النتيجه حتبقى امتا بقا !!
ولا انت قصدك بعد ما التحويل ينفع واقبل

هى كل الناس بتتقبل ولا لا:(

ممكن اعرف الخطوات الى حتعملها وحتبتدى من امتا التحويل ده

انا جاتلى علوم عين شمس وعايزه علوم اسكندريه :blush:

اولا انا والدي سئل زمايله في ادارة الجامعة ثانيا الكلام ده تقريبا ف ادارة الجامعة ف الشاطبي و استني لغاية يوم الاربعاء حيبتدوا.
لو التحويل خلص السبت تروحي علي التلات او الاربعاء تقدمي وهما حيقلوللك امتي بالضبط
ايوة كل الناس بتتقبل ان شاء الله
الخطوات زي ما ذكرت فوق بس لما سئلت السنادي بيقولو مش لازم وصل النور و الميا بس خدي عقد الاقامة احتياطي و ولي الامر معاكي عشان بياخدو تقريبا صور البطاقتين بتاعة ولي الامر و الطالب ان وجد له بطاقة.
و ان شاء الله تحولي علوم اسكندرية

eng--zako

25-08-2009, 10:50 AM

المسئول بيقول لام ناخد ازن

انا مش فاهمة

ازن للتحويل ولا ازن للالتماس

وايه الفرق
التحويل الورقي بيقولو عليه التماس تحويل

eng--zako

25-08-2009, 10:53 AM

osama amer

25-08-2009, 11:37 AM

لو ممكن حد يعرفني طريقه عمل الالتماس
و لو فيه مصاريف يقول برضو
لاني في هندسه المنيا و عاوز احول لاسكندريه

منتظر ردودكم

Totta_222

25-08-2009, 12:24 PM

شكرا على الموضوع

the black rose

25-08-2009, 12:34 PM

تم التثبيت لاهمية الموضوع فى الوقت الحالى :)

eng.ahmed55

25-08-2009, 12:34 PM

شكرا ليك وربنا يجعلوا فى ميزان حسناتك

عربيا انا

25-08-2009, 12:39 PM

انا روحت جامعة اسكندرية اللي في الشاطبي وقالي احنا منتظرين الفاكس علشان نبدا بتحويل

د/بسمة الاسلام

25-08-2009, 12:53 PM

لا والله معرفش

هل التحويل الورقي مضمون
بنسبة 100 في المية
المسئول عن التنسيق قال ممكن يترفض
بس يبقي حرام لو رفضوا
يارب يقبل لينا كلنا يا رب
مش بعد طول الترقـــــــــــــــــب
يلا الحمد لله

عربيا انا

25-08-2009, 12:56 PM

الفرق درجتين بس اقسام الكلية طنطا غير اسكندرية خالص

الشبح عشماوي

25-08-2009, 01:28 PM

أنا في كلية علوم رياضة سوهاج بس انا من المنوفية وقدمت تحويل لعلوم شبين بس التحويل اترفض وسالت عن التحويل الورقي بس قالولي الاسبوع الجاي وانا خايفة ميقبلوش التحويل الورقي او يضيع التقديم عليا فياريت اللي متاكد من حكاية التحويل الورقي وضامنها يقوللي بلييز دلوقتي .............

الشبح عشماوي

25-08-2009, 01:56 PM

eng--zako

25-08-2009, 02:12 PM

eng--zako

25-08-2009, 02:16 PM

يجماعة حد يرد عليا ويطمني انا حاسة اني تايهة :confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused:
مضمون ان شاء الله مسمعتش قبل كدة عن واحد جه يحول ورقي مناظر لكلية في بلدة و منفعش او لكلية ملهاش مناظر زي علاج طبيعي مثلا اللي بيترفض انك لو عايز تروح كلية مناظرة و مجموعك يجيبك اللي في بلدك لكن المستند الوحيد اللي ينفع مثلا لو واحد في اسكندرية و مجموعه يجيب علوم اسكندرية و جاتلو و عايز يحول القاهرة عشان قسم الفلك مثلا لازم يجيب مستند يثبت انتقال عمل الوالد للقاهرة بس هو ده كل الموضوع:078111rg3:

eng--zako

25-08-2009, 02:18 PM

تم التثبيت لاهمية الموضوع فى الوقت الحالى :)

شكرا لتثبيتك موضوعي و مرورك وربنا يقدرني علي اجابة الاستفسارات

eng--zako

25-08-2009, 02:25 PM

eng--zako

25-08-2009, 02:37 PM

لو ممكن حد يعرفني طريقه عمل الالتماس
و لو فيه مصاريف يقول برضو
لاني في هندسه المنيا و عاوز احول لاسكندريه

منتظر ردودكم

بيتهيقلي انت اسامه احمد على عامر الستاوى و من دمنهور اكيد تعرفني بالنسبة لسؤالك بيتهيقلي انا مجاوب عليه في الموضوع انصحك اقره الموضوع و الردود.
انا جاتلي فنون جميلة عماره خمن انا مين ؟؟؟:slap1qk6:

perfect-girl

25-08-2009, 02:50 PM

بالنسبة يا جماعة لرسوم التحويل السنادي زادت من 100 جنيه ل 150 جنيه و الورق اللي بيطلب بطاقة الترشيح و شهادة الثانوية العامة و مش بيطلبوا عقد الشقة و الميا و النور و التحويلات في اسكندرية حتبدأ من بكره و اعملو حسابكو علي فلوس في حدود 500-1000 جنيه تبرع للكلية .
اتمني التوفيق للجميع و ان شاء الله تبلغوني بكرة عملتو ايه و خصوصا للي ف اسكندرية :078111rg3:

كده تمااام الحمد لله
نفس المعلومات الى عندى
انا سالت انهاردا بكرا ان شاء الله التحويل فى مكتب التنسيق الى فى كليه حقوق
بس موضوع التبرع ده بيختلف من كليه لكليه
ولو ليك وسطه مش حتدفع اكتر من 500 جنيه ده لو دفعت اساسا:d
الحمد لله بجد
انهم حيفتحوا التحويلات
ربنا يستر بقا من موضوع ترقبوا نتيجه التحويل الورقى:angry2:
:av4056bb7jp3:
بالتوفيق للجميييع
..

عربيا انا

25-08-2009, 03:14 PM

كده تمااام الحمد لله

نفس المعلومات الى عندى
انا سالت انهاردا بكرا ان شاء الله التحويل فى مكتب التنسيق الى فى كليه حقوق
بس موضوع التبرع ده بيختلف من كليه لكليه
ولو ليك وسطه مش حتدفع اكتر من 500 جنيه ده لو دفعت اساسا:d
الحمد لله بجد
انهم حيفتحوا التحويلات
ربنا يستر بقا من موضوع ترقبوا نتيجه التحويل الورقى:angry2:
:av4056bb7jp3:
بالتوفيق للجميييع
..

بكرة اشطة

eng--zako

25-08-2009, 03:20 PM

كده تمااام الحمد لله
نفس المعلومات الى عندى
انا سالت انهاردا بكرا ان شاء الله التحويل فى مكتب التنسيق الى فى كليه حقوق
بس موضوع التبرع ده بيختلف من كليه لكليه
ولو ليك وسطه مش حتدفع اكتر من 500 جنيه ده لو دفعت اساسا:d
الحمد لله بجد
انهم حيفتحوا التحويلات
ربنا يستر بقا من موضوع ترقبوا نتيجه التحويل الورقى:angry2:
:av4056bb7jp3:
بالتوفيق للجميييع
..

معايا وسطه
:p

عربيا انا

25-08-2009, 03:25 PM

معايا وسطه
:p
حبيب قلبي يا ابو علاء

fathyalazhary

25-08-2009, 04:55 PM

معلش ياريت حد يرد عليا

1-كونت عاوز أعرف هل ممكن أعمل تحويل ورقى فى جامعتين بحيث ال ما ينفعش فى واحدة ينفع فى التانية ؟؟

2-أنا جالى صيدلة حلوان و عاوز عين شمس أو القاهرة قسم مميز و لو لاقدر الله ما نفعش التحويل و قعدت سنة فى حلوان و عاوز أحول لعين شمس قسم مميز هل دة ممكن و لا لازم أعيد السنة و لا هطلع بكام مادة مع العلم لا يوجد قسم مميز فى حلوان يعنى التحويل هيبقى من قسم عادى لمميز هل دة عادى ؟؟

سندس الربيع

25-08-2009, 05:10 PM

the Bosy cat

25-08-2009, 05:50 PM

لو سمحتم هو التحويل الورقى هيبدا امتى ولو انا مقدمتش فى الكلية اللى جتلى الاول وعايزة احول نفس الكلية بس جامعة تانية فيها مشكلة

the Bosy cat

25-08-2009, 05:55 PM

انا جالى حاسبات ومعلومات حلوان وعايزة احول عين شمس اعمل ايه مع العلم اننى لم اقدم لسه فى حلوان

the Bosy cat

25-08-2009, 05:56 PM

هو التحويل الورقى لجامعة عين شمس هيبدا امتى

eng--zako

25-08-2009, 07:48 PM

eng--zako

25-08-2009, 07:51 PM

يا جماعة
انا تحويلي الالكتروني اترفض من هندية الزقازيق لهندسة المنصورة
المفروض اقدم التماس ورقي
في جامعة المنصورة

محدش يعرف التنسيق الورقي هيفتح امتي؟ونتيجته هتبان امتي؟
والاجراءات اللي ممكن اعملها علشان اقدم في التنسيق الورقي؟

وجزاكم الله خيرا
التنسيق الورقي ابتداءا من الاسبوع الجاي كل الجامعات حتكون بدأت و اسكندرية بالأخص لأني ححول ف اسكندرية و سائل حتبدأ بكره - نتيجته مضمونة في حدود يومين بعد التقديم حتروح تقدم الكلية و هما حيلولك و بالنسبة ليك التحويل حيكون ف ادارة جامعة المنصورة و الأجراءات ذكرتها ف الموضوع

eng--zako

25-08-2009, 07:53 PM

هو التحويل الورقى لجامعة عين شمس هيبدا امتى
مش عارف بس عموما من بداية الاسبوع الجاي كل الجامعات حتكون اشتغلت ف التحويلت اسكندرية بالأخص حتبدأ بكره روحي اسألي في ادارة جامعة عين شمس

eng--zako

25-08-2009, 07:55 PM

انا جالى حاسبات ومعلومات حلوان وعايزة احول عين شمس اعمل ايه مع العلم اننى لم اقدم لسه فى حلوان
صعب جدا لأن الاتنين في نفس النطاق و بعدين حاسبات حلوان حلوة فيها قسم هندسة البرمجيات خاص بفلوس 6 الاف ف السنة تقريبا جامد جدا مش موجود غير ف حلوان و غير كده فيها الاقسام العادية زي علوم الحاسب و نظم المعلومات و تكنولوجيا المعلومات فكري فيها

ولاء555

25-08-2009, 07:58 PM

eng--zako

25-08-2009, 08:00 PM

السلام عليكم انا اسمي ولاء وانا محتارا انا اتقبلت في ايه مجموعي 87.5 وانا تنسيق مرحلة اولي وكتبت الكلية التكنولوجيه المتقدمة في الاميريةhttp://www.thanwya.com/vb/life/icons/icon114.gif

حضرتك ادبي ولا علمي بيتهيقلي ادبي عشان 87.5 و مرحلة اولي طيب و المطلوب ؟

توته.

25-08-2009, 08:17 PM

حد يعرف التحويل الورقي امتى ف جامعة المنصورة؟؟؟؟؟؟؟؟

eng--zako

25-08-2009, 09:24 PM

حد يعرف التحويل الورقي امتى ف جامعة المنصورة؟؟؟؟؟؟؟؟
اسألي من بكرو ف ادارة جامعة المنصورة

د/بسمة الاسلام

25-08-2009, 11:23 PM

كده تمااام الحمد لله

نفس المعلومات الى عندى
انا سالت انهاردا بكرا ان شاء الله التحويل فى مكتب التنسيق الى فى كليه حقوق
بس موضوع التبرع ده بيختلف من كليه لكليه
ولو ليك وسطه مش حتدفع اكتر من 500 جنيه ده لو دفعت اساسا:d
الحمد لله بجد
انهم حيفتحوا التحويلات
ربنا يستر بقا من موضوع ترقبوا نتيجه التحويل الورقى:angry2:ليه كده بس حرام عليكي

مبلاش ترقبوا دي
بشروا ولا تنفروا
:av4056bb7jp3:
بالتوفيق للجميييع
..

يا جماعة أنا سألت وقالولى لازم اجيب حاجة اسمها بيان حالة

حد يعرف ايه بيان حالة ده
وبيتجاب ازاى
ومنين

د/بسمة الاسلام

26-08-2009, 03:28 AM

ارجو الافادة السريعة

Dr/sooma

26-08-2009, 01:58 PM

حد يعرف التحويل الورقي امتى ف جامعة المنصورة؟؟؟؟؟؟؟؟

أنا سألت هناك في المنصورة وقالوا ان التحويل الورقي وتقديم الإلتماسات يوم السبت الجاي 29/8 وتقديم المحولين بعد أسبوع أو 10 أيام

eng--zako

26-08-2009, 03:32 PM

انا روحت و عملت التحويل في اسكندرية احتاجو 150 جنيه + صورة شهادة الثانوية + صورة بطاقى الترشيح و حتاخد استمارة تملاها انا والدي خلص كل حاجة اي حد حول في جامعة اسكندرية يقولي انا حولت و التقديم بيبقي بعد مدة تكون كشوف المحولين ورقي توصل
علي فكرة مكان التحويل ف اسكندرية فرع مكتب التنسيق الاسكندرية ف مكتبة كلية الحقوق جامعة اسكندرية.

eng--zako

26-08-2009, 03:33 PM

طمنوني..............

توته.

26-08-2009, 03:49 PM

أنا سألت هناك في المنصورة وقالوا ان التحويل الورقي وتقديم الإلتماسات يوم السبت الجاي 29/8 وتقديم المحولين بعد أسبوع أو 10 أيام

التحويل الورقي بدا النهاردة الصيح ف جامعة المنصورة من الساعة 9الى3 في مركز التحويلات بشارع جيهان مدينة الطالبات ولسة في بكرة كمان ان شاء الله بس مش يوم السبت

فى السكة

26-08-2009, 05:08 PM

انا حولت انهاردة لصيدلة اسكندرية ياريت لو عارف تقولى تقريبا هنقدم في الكلية امتى

د/بسمة الاسلام

26-08-2009, 05:43 PM

د/بسمة الاسلام

26-08-2009, 05:45 PM

حد يعرف التحويل الورقي الى جامعة الزقازيق

امتى ؟؟:bosyht9:

لمى 2016

26-08-2009, 06:09 PM

يا جماعة انا سمعت من عميد كلية عندنا ان اللى عايز يغير الكلية بتاعته
يروح يغيرها من مكتب التنسيق الرئيسى اللى ف القاهرة
و يغير الرغبات بتاعته
و يروح على الكلية الجديدة
يا ترى ايه مدى صحة الكلام ده
لو عندكم معلومات بس
لانى تعبت من السفر رايح جاى

Eng. Alios

26-08-2009, 09:04 PM

eng--zako

26-08-2009, 09:39 PM

eng--zako

26-08-2009, 09:40 PM

eng--zako

26-08-2009, 09:47 PM

يعني في التحويل مش محتاجين صورة بطاقة ولى الأمر ؟؟
والاستمارة الى بنملاها دي فيها ايه بالظبط ؟؟
وهل هما اعطوك ايصال يثبت انك حولت ورقي ؟؟
وهل هما قالولك انه مضمون ؟؟
وهل دفعت تبرعات للكلية ؟؟
امتى النتيجة هتطلع ؟؟
الف مبروك ويارب القبول وعقبالنا كلنا يارب
ربنا يسهل
اولا مش حيحتاجو صورة بطاقة ولي الأمر خدي معاكي بطاقتك
الاستمارة فيها اسئلة عن بيانات عايز تحول منين لفين و شوية بيانات كده عن الطالب و تمنها 150 جنيه بتاعة التحويل
و حتسلمي معاها صورة شهادة الثانوية و صورة بطاقة الترشيح
بتاخدي ايصال يثبت انك عملتي تحويل و دفعتي الفلوس
ان شاء الله مضمون مش معقولة الحكومة خدت 150 جنيه و لما تعرف ان الطالب حيدفع كمان تبرعات و تسيبه
لأ لسة مدفعتش التبرعات ديه بتبقي يوم ما تيجي تقدمي ف الكلية
بعد ما تعملي التحويل تستني من اسبوع لعشرة ايام تكون كشوف المحولين وصلت و تروحي تسئلي و اول ما تيجي الكشوف من حقك تقدمي عادي
الله يبارك فيكي و ربنا يسهلنا كلنا ان شاء الله

eng--zako

26-08-2009, 09:51 PM

و الله اللي ح يعمل تحويل ورقي ح يدوخ السبع دوخات

ان ممعهوش واسطة طبعاً

لكن لو في واحد ح يخلص لك الموضوع , يبقى اضمن التحويل ان شاء الله

انا دوخت السبع دوخات علشان انقل حاسبات حلوان لعين شمس

و ف الآخر مانفعش ...

و قالوا لي استحمل سنة بهدلة و حول بعديها على عين شمس ...
مش انت ناويت تدخل قسم هندسة البرمجيات ف حاسبات حلوان اللي بفلوس ولا ايه بالظبط و ايه اللي غير رأيك انا لو منك عين شمس بلا عين قمر الكلية كويسة و قسم ملوش مثيل ف مصر و نادر علي مستوي العالم و موجود في السعوية في كلية علوم الحاسبات و نظم المعلومات يبقي ليه تحير نفسك :stickjo4:

eng--zako

26-08-2009, 09:52 PM

ايه يا جدعان مفيش حد عمل التحويل غيري ولا ايه ؟؟؟؟؟

eng--zako

26-08-2009, 10:48 PM

طاب انا جاتلى صيدلة بنى سويف وحولت لصيدلة اسكندرية بس التحويل متقبلش ارجو الرد لو سمحت اصل انا بجد زهقان ومش عارف اعمل اية خالص
بيتهيقلي لو قريت الموضوع و الردود حتلاقي كل الاجابات علي اي استفسار و بعدين لو قريت حتعرف انك مفروض تروح مكتبة كلية الحقوق جامعة الاسكندرية فيها فرع مكتب التنسيق عشان تعمل التحويل حتحتاج 150 جنيه و صورة شهادة الثانوية و صورة بطاقة الترشيح

freedom_age

27-08-2009, 12:22 AM

انا بطاقه الترشيح بتعتي ضاعت ازاي استبدل واحده تانيه مكانها ضروري لانهم محتاجنها في التحويل الورقي

ابراهيم اسعد

27-08-2009, 01:06 AM

انا في علوم السويس

وانا اقاااامة البحيرة

طبعا انا هعمل التحويل من اسكندارية لان الفرع الرئيسي للجااامعة هناااك

فهل ممكن اعمل التحويل لعلوم الاسكندارية

ولا دمنهور بس

كي كو

27-08-2009, 01:09 AM

من فضلك ده بيكون للمرحلة الثالثة بردوا
ارجو الرد

bosycat28

27-08-2009, 03:21 AM

طاب انا جاتلى صيدلة بنى سويف وحولت لصيدلة اسكندرية بس التحويل متقبلش ارجو الرد لو سمحت اصل انا بجد زهقان ومش عارف اعمل اية خالص
ممكن تعمل التماس في الكليه نفسها وان شاء الله يتقبل

bosycat28

27-08-2009, 03:23 AM

انا بطاقه الترشيح بتعتي ضاعت ازاي استبدل واحده تانيه مكانها ضروري لانهم محتاجنها في التحويل الورقي
ممكن تطبع اى بطاقه تانيه من علي النت وبالتوفيق ان شاء الله

bosycat28

27-08-2009, 03:29 AM

معايا وسطه :p و خلصتة بس انا عارف انه صعب جدا ليك عشان عايز تحول من حلوان ل عين شمس حاسبات صعبة.
علي فكرة مش صعبه ولا حاجه انا الحمد لله تحويلي اتقبل عادى من حلوان لعين شمس ومن غير وسطه وان شاء الله ربنا مع الجميع وان شاء الله يقبل الالتماسات

eng--zako

27-08-2009, 11:16 AM

من فضلك ده بيكون للمرحلة الثالثة بردوا
ارجو الرد
ان شاء الله بس غالبا حتكون التحويلات في المكتب الرئيسي للتنسيق ف القاهرة

eng--zako

27-08-2009, 11:18 AM

ممكن تعمل التماس في الكليه نفسها وان شاء الله يتقبل
يعني ايه التماس ف الكلية مش فاهم ؟ الالتماس ده بيبقيف ادارة الجامعة استمارة بتملاها و تقدم معاها صور لشصهادة الثانوية و بطاقة الترشيح الكلية يقتصر دورها علي التقديم و اخد التبرعات و بعدين حضرتك حولتي من عين شمس ل حلوان نت ولا ورقي ولو ورقي عملتي ايه ؟

eng--zako

27-08-2009, 11:20 AM

انا في علوم السويس

وانا اقاااامة البحيرة

طبعا انا هعمل التحويل من اسكندارية لان الفرع الرئيسي للجااامعة هناااك

فهل ممكن اعمل التحويل لعلوم الاسكندارية

ولا دمنهور بس

دمنهور بس و التحويل حيكون في مكتبة كلية الحقوق في المجمع جامعة الاسكندرية

eng--zako

27-08-2009, 11:22 AM

انا حولت انهاردة لصيدلة اسكندرية ياريت لو عارف تقولى تقريبا هنقدم في الكلية امتى
من اسبوع لعشر ايام المهم تتابع بالتليفون بتاع الكلية و تتصل و تسأل كشوف المحولين ورقي وصلت طيب اسمي موجود كدة بدل ما تروح مشوار عالفاضي

فى السكة

27-08-2009, 11:56 AM

شكرا ليك طيب انا اتصل بكلية العلوم ولا الصيدلة علشان بيقولوا ان احنا اول سنة لينا هتبقى فى العلوم وبنقدم ورقنا فى العلوم

menahero

27-08-2009, 12:15 PM

طيب يا جماعه معلش سؤال
هو التحويل الورقي دا لازم يبقي تحويل مناظر ؟
ولو ممكن يبقي مش مناظر ممكن يتم التحويل من غير الحد الادني يعني اقل منه بحاجه بسيطه كدا؟
اصل انا جايب 378.5
و جالي علوم قنا
و عايز احول معهد علي طاقه اسوان وهو بيقبل 379 ممكن اعمل تحويل ورقي او التماس دا
و علي فكره انا من الاقصر و اسمع ان المعهد دا القبول فيه جغرافي

eng--zako

27-08-2009, 12:31 PM

شكرا ليك طيب انا اتصل بكلية العلوم ولا الصيدلة علشان بيقولوا ان احنا اول سنة لينا هتبقى فى العلوم وبنقدم ورقنا فى العلوم
i
هو حضرتك منين دمنهور ولا اسكندرية صراحتا مش متأكد بس اتصل بصيدلة الاسكندرية و هما هيدلوك

nagar3321

27-08-2009, 12:35 PM

تم من امس بداية التحويل الورقى فى بعض من الجامعات المصرية

Eng. Alios

27-08-2009, 01:01 PM

الأخت bosycat

تحويل من حلوان لعين شمس مش ح ينقبل عن طريق النت , لان المنطقة واحدة و هى القاهرة الكبرى

اما لو حولتي ورقي فاعتقد انه ماينفعش , علشان انا جربت و مانفعش برضه
الا بقى لو كان معاكي واسطة حلوة كده

الشبح عشماوي

27-08-2009, 01:34 PM

eng--zako

27-08-2009, 04:53 PM

انا روحت وعملت التحويل الورقي وقالولي ان النتيجة بعد اسبوعين بس عايزة استفسر عن حاجة هو احنا هنعرف النتيجة ازاي من ادارة الجامعة واللا من الكلية نفسها؟؟؟؟؟؟ وياريت لو حد يعرف يقوللي وربنا يوفقنا جميعا !!!!
ويا ترى هم بيقبلوا التحويلات كلها اكيد ؟؟؟؟؟؟؟؟؟؟؟؟؟؟؟
من الكلية اللي حتحوليلها تسألي هناك عن كشوف المحولين ورقي و اول ما تنزل و تلاقي اسمك فيها تقدمي و دي بتوصل في خلال 10 ايام او اكتر
ان شاء الله كل التحويلات مقبولة

دودو الخواجه

27-08-2009, 06:20 PM

لمى 2016

27-08-2009, 10:20 PM

eng--zako

27-08-2009, 10:35 PM

انا حولت الامس من صيدله حلوان الى صيدله المنصوره
من غير اى واسطه صدقونى الموضوع بسيط
كل المطلوب
1 صوره بطاقه الترشيح
2صوره استماره النجاح
150جنيه
4فاتوره كهرباء او ماءاو تليفون قبل 6اشهر
وقالوا النتيجه مش قبل 20يوم
ربنا يوفقنا يارب
مانا عارف انه من غير وسطة عادي اي حد يعمله بسهولة انا كان اذدي لو في زحمة جامد حتحتاج وسطة عشان تخلص الاول بس هو ده اذدي

eng--zako

27-08-2009, 10:41 PM

انا عارفة انى بقرف حضرتك
بس علش سؤال اخير
لو افترضنا انى عملت التماس ده
هو انا روحت الجامعة بس عمو هناك قالى لسه الاستمارات بتاعة الالتماسات مش جت
لو فرضنا انى عملت الالتماس و لا قدر الله ما اتقبلش
انا كده هيبقى ضاع عليا التقديم فى الكلية الزبالة اللى جاتلى دى
صح و لا لاء؟
فهل اناينفع اعمل الاتنين فى وقت واحد يعنى
اعمل التماس و اقدم فى الكلية و لما بامر الله يقبلوا
ابقى اسحب الملف بتاعى و لا هما مش هيرضوا و لا ايه
سؤال كمان لو مفيهاش قلة ذوق
هو اخر ميعاد اقدم فيه الملف ده بتاعى يعنى اللى فيه الصور و الحاجات دى امتى

ان شاء الله تعملي الالتماس و مضمون ان شاء الله لو لكلية مناظرة في بلدك او غير مناظرة ف بلدك و التقديم ف الكلية مفتوح متخافيش مش هيخلص ممكن قبل الدراسة بأسبوع تقدمي لكن المشكلة هي حجز المدينة لكن اولا و اخيرا ان شاء الله التحويل مضمون
نصيحة متلخميش نفسك و تقدمي و تحولي ف نفس الوقت لأنه عندما التحويل يتقبل حتروحي تسحبي ملفاتك وورقك و دي عملية محتاجة وقت لذا انصحك بالتحويل

و خلو بالكو مفيش حاجة اسمها لو الكلية خدت اعلي من مجموعك بنص درجة تعمل التماس للكلية دي تخاريف يعني مثلا لو واحد جاب 381.5 و اقل هندسة 382 مينفعش يروح يعمل التماس عشان يخش هندسة .

brave solider

28-08-2009, 03:39 PM

طب النتيجه فى خلال قد ايه ؟ و التقديم مفتوح لحد امتى علشان السنه متضعش علينا؟

eng--zako

28-08-2009, 05:38 PM

طب النتيجه فى خلال قد ايه ؟ و التقديم مفتوح لحد امتى علشان السنه متضعش علينا؟
في خلال 10 ايام من عمل التحويل و التقديم مفتوح ان شاء الله

a7med bas

28-08-2009, 09:59 PM

انا رايح اعنل التماس بكره ياريت حد يقولى ايه الاوراق المطلوبه لعمل الالتماس

بنوتة**

28-08-2009, 10:19 PM

انا كنت في مكتب التنسيق الرئيسي في القاهرة وقالولي ان مطلوب
شهاده النجاح
وبطاقه الترشيح
اللي يثبت محل الاقامه زي وصل نور وكهرباء مايعديش عليهم 3 شهور
بس انت متأكد ان الالتماسات بدأت ولا لسه؟؟؟
ولو عندك معلومات قولي لو الالتماسات بدأت في جامعه عين شمس ولا لا

Tiger masked

28-08-2009, 10:27 PM

انا متهيقلى ان الالتماسات بتفرق من جامعة لجامعة
يعنى ممكن جامعة تكون فتحت الالتماسات وجامعة تانية لسة
لو كلامى مش مظبوط حد يرد عليا

لمى 2016

28-08-2009, 10:44 PM

و الله انا عارفة انى قارفة حضرتك معايا بس سؤال اخير
انا مش كنت طبعت بطاقة الترشيح الاولى اللى فيها الكلية اللى انا مرشحة ليها
و عملت تحويل
فاترفض
فبقت بطاقة الترشيح مكتوب فيها انه لا تنطبق شروط التحويل
هل ينفع بقى اعمل الالتماس بالبطاقة دى
و لا لازم الاولانية
و لو لازم الاولانية هل فيه طريقة تانية عشان اجيبها
يعنى مثلا م المكتب الرئيسى اللى ف القاهرة ده و لا خلاص كده

eng--zako

28-08-2009, 11:19 PM

سندسه

29-08-2009, 12:21 AM

مفيش تحويل للشهادات المعادله
مش كده يا جماعه ؟؟؟؟؟؟؟؟؟؟؟؟؟؟؟؟؟؟؟؟؟؟

rocky man

29-08-2009, 12:28 AM

طب لو سمحت هو انا لازم اقدم ورقى فى الكلية الى انان مرشح ليها قبل معمل التحويل للكلية الى انا عاوزها

بنت الزمان

29-08-2009, 12:40 AM

طب لو سمحت هو انا لازم اقدم ورقى فى الكلية الى انان مرشح ليها قبل معمل التحويل للكلية الى انا عاوزها
لا مش لازم روح للكلية اللى هتحول ليها علطول

MENH

29-08-2009, 01:08 AM

الالتماس بدأ فى المنصوره من يوم الخميس
المطلوب استماره الثانويه العامه ووصل كهرباء أوتليفون بس يكون قديم ده بس على ما اظن وربنا يوفقك ويقبل

بنوتة**

29-08-2009, 01:20 AM

هي الالتماسات بتفرق من جامعه للتانيه ولا ايه؟
و الالتماسات بتفضل كام يوم؟؟؟؟؟؟
لو حد عندو اي معلومات يقولي

ahmed samy mohamed

29-08-2009, 03:03 AM

انا عامل التماس عاوز اروح هندسه المنصوره لأن جيالى هندسه بعيده والورق المطلوب هو
1- صوره من شهاده الميلاد.
2-صوره من استماره النجاح ( الصوره وش وظهر)
3-وصل نور او مياه او تليفون -قديــم-يعنى يكون بتاع شهر(1/2009) الجديد مش بيرضو يخدوه
4-صوره البطاقه
5-مصروفات عباره عن 150 جنيه
بس...............

د/بسمة الاسلام

29-08-2009, 04:48 AM

يا خبر ابيض
لا بقي
انا الفاتورة الى ودتها مش فبل 20 يوم
يار باستر
يااااااااااااااارب
لا حول ولاقوة الا بالله
بجد يا جماعة
لازم قبل 20 يوم ؟؟

د/بسمة الاسلام

29-08-2009, 04:51 AM

كي كو

29-08-2009, 07:48 AM

من فضلك وهل طلاب المرحلة التالتة هيلحقوا التحويل الورقي ان شاء الله

eng--zako

29-08-2009, 12:42 PM

طب لو سمحت
الله يباركلك يارب
ويجزيك خير
ويعطيك عن كل حرف بتساعد بيه الناس جبال من الحسنات
هل نتيجة التحويل الورقي هتتأخر
اصلي لما سألت قالولى بعد العيد بعد شهر شهرين ...
وكانو بيتكلمو باستهتار كده
وأنا لسه مقدمتش في حتة
ياترى انتو قدمتوا
ولا برده مستنين نتيجة الالتماسات الورقية
يارب استر يارب
هو ممكن التقديم يخلص
والسنة تروح علينا ؟؟

صراحتا النتيجة المفروص حتكون في خلال 10 ايام و لكن اذا تأخرت لأي سبب بقول تتأخر لكن كل التحويلات مضمونة
حيسمح ليكي دخول الكلية الجديدة ببطاقة الترشيح القديمة مثلا لو حضرتك عايزة تحولي من طب الاسماعيلية لطب اسكندرية مثلا حتدخلي كلية طب الاسكندرية ببطاقة الترشيح بتاعة الاسماعيلية ده في حالة اذا تأخرت التحويلات لأسبوع بعد الدراسة و لكن ده صعب انه يحصل

eng--zako

29-08-2009, 12:44 PM

من فضلك وهل طلاب المرحلة التالتة هيلحقوا التحويل الورقي ان شاء الله

طلاب المرحلة التالتة غالبا حيعملو التحويل الورقي في المركز الرئيسي للتنسيق في القاهرة بس

د/بسمة الاسلام

29-08-2009, 02:00 PM

الف شكر لسيادتك
وربنا يطمنك يارب
وياريت اول ما تعرف امتى النتيجة هتظهر تطمئنا
جزاكم الله خيرا

eng--zako

29-08-2009, 02:17 PM

مفيش تحويل للشهادات المعادله
مش كده يا جماعه ؟؟؟؟؟؟؟؟؟؟؟؟؟؟؟؟؟؟؟؟؟؟
اكيد بس لو النتيجة طبعت متأخر يبقي التحويل حيكون ف الكركز الرئيسي للتنسيق ف القاهرة

eng--zako

29-08-2009, 02:18 PM

الف شكر لسيادتك
وربنا يطمنك يارب
وياريت اول ما تعرف امتى النتيجة هتظهر تطمئنا
جزاكم الله خيرا
العفو يا دكتورة و ان شاء الله نطمن كلنا
أمين يا رب

eng...lido

29-08-2009, 04:14 PM

ياجماعة نتيجة التحويل الورقى بتطلع بعد اد ايه

basmasaad

29-08-2009, 06:53 PM

انا عملت التماس من هندسه اسيوط لهندسه المنصوره
وهما طلبوا :
1.صوره من استماره النجاح
2.صوره من بطاقه الترشيح
3.وصل نور او مياه واغاز او تليفون بس يكون قديم شويه و150 جنيه

esso1992

30-08-2009, 01:22 AM

طب انا كنت عاوز اعرف حاجه انا تجاره اسكندرية و عاوز احول اداب اسكندرية بس انا قدمت فى تجاره ينفع

eng--zako

30-08-2009, 02:14 AM

طب انا كنت عاوز اعرف حاجه انا تجاره اسكندرية و عاوز احول اداب اسكندرية بس انا قدمت فى تجاره ينفع
ينفع بعد ما التحويل يخلص تسحبي ورقك م التجارة و تقدمي ف الأداب

dabondy

30-08-2009, 02:25 AM

هل ينفع احول من حاسبات القاهرة الهندسه اى حته

eng--zako

30-08-2009, 03:16 AM

هل ينفع احول من حاسبات القاهرة الهندسه اى حته
يا ريت توضح معلومات عنك مجموعك مكانك و عايز تحول لفين

perfect-girl

30-08-2009, 03:55 AM

حد عنده معلومه عن النتيجه امتا وحنعرفها ازااااى;)

fathyalazhary

30-08-2009, 04:48 AM

حد عنده معلومه عن النتيجه امتا وحنعرفها ازااااى;)

el natiga b3d 10 days X 3en shams we 15 days X el kahera mn awel youm mn el t5wel:078111rg3:

حسن شاه

30-08-2009, 09:46 AM

الوقتى انا لما جيت احول التحويل متمش وجالى الكلمة دى مكان خانة الكلية ناسف لا تنطبق شروط التحويل
وبعدين انا مكنتش طبعت بطاقة الترشيح الاولى قبل كده فالوقتى مش عارفة اجيبها منين رحت مكتب التنسيق برضه نفس الكلام

وكمان كنت عايزة استفسر ان انا كنت لسه عايزة اقدم التماس بس من مكان قريب لبعيد عايزة اروح كلية البنات وكمان كلية اعلى من كليتى الحالية ومجموعى جايبها فلسه عايزة اعمل التماس فالالتماس ده محتاج وصل نور او ايجار فانا اجيبهم ازاى اصلا اذا كنت من المنصورة

eng--zako

30-08-2009, 12:32 PM

ممكن تجيبي اي عقدايجار عالورق و مكتوب في شروط العقد علما بأن وصولات المياه و الكهرباء بأسم المالك

أما بالنسبة لبطاقة الترشيح ممكن تجيبيها من موقع بتحتاج دايل اب يعني نت تليفون زي
http://www.algomhuria.net.eg/algomhuria/index.htm

eng--zako

30-08-2009, 12:37 PM

اذدك كلية البنات تربية ولا اداب عين شمس ؟ لازم تكون مش موجودة ف بلدك او ف بلد اقرب عشان تحوليلها ممكن توضحي جالك كلية ايه و عايزة تحولي لفين و مجموعك كام؟

romioloveg

30-08-2009, 10:27 PM

esso1992

31-08-2009, 12:20 AM

طب انا عاوز احول من تجاره اسكندرية الى اداب اسكندرية ايه الاوراق اللازمه و ايه نظام الفلوس وكده

eng--zako

31-08-2009, 12:37 AM

طب انا عاوز احول من تجاره اسكندرية الى اداب اسكندرية ايه الاوراق اللازمه و ايه نظام الفلوس وكده
الورق المطلوب
1- صورة من شهادة النجاح اللي فيها الدرجات وش + ظهر
2- صورة من بطاقة الترشيح اللي فيها تم ترشيحك لكلية التجارة اسكندرية
3- 150 جنيه
4- صورة البطاقة
5- احتمال يطلبو وصل ميا او نور
--- حتاخد استمارة تملي فيها بيانات و عايزة تحولي منين لفين و كدة
حتروحي فرع مكتب التنسيق بالاسكندرية في مكتبة كلية الحقوق جامعة اسكندرية ف المجمع هناك يوميا من ص9-1 ظهرا
عادي ممكن تحولي بعد ما قدمتي لكن بعد ما التحويل يخلص حتسحبي ورقك من التجارة
و بالتوفيق

eng--zako

31-08-2009, 12:46 AM

انا جالى هندسة اسيوط بس انا من اسكندرية اروح الادارة بالورق اللى اولت علية ؟ ولا اعمل اية و هل فى chance انهم مايقبالوش طلبى ولا اية؟ طب واحد صاحبى جالو تربية بس هو عايز علوم بورسعيد عشان هو جايب مجموعها يعمل اية؟
ايوة خد الورق اللي قولت عليه العنوان ف اسكندرية مكتبة كلية الحقوق و ان شاء الله كل التحويلات مضمونة
بالنسبة لصحبك هو لو من بورسعيد او اقرب علوم ليه بورسعيد ماشي لكن من اسكندرية مالوش غير علوم اسكندرية الا لو عيعمل عملية جراحية

ريم ريم ريم

31-08-2009, 02:04 AM

كل سنه وانتوا طيبين انا بس عايزه اعرف هو التحويل الورقي بيتقبل علطول ولا ممكن ناس متتقبلش وياريت الي يتكلم تكون معلوماته مؤكده

esso1992

31-08-2009, 02:11 AM

طب انا عندى كشف طبى يوم الاربعاء مروحوش

a7med bas

31-08-2009, 02:41 AM

ان شاء الله يتقبل مادام فيها فلوس:abdoog8:

perfect-girl

31-08-2009, 03:05 AM

el natiga b3d 10 days X 3en shams we 15 days X el kahera mn awel youm mn el t5wel:078111rg3:
واحنا حنسافر علشان نعرف النتيجه ان شاء الله:mad:
مينفعش من اسكندريه هنا

eng--zako

31-08-2009, 05:07 AM

واحنا حنسافر علشان نعرف النتيجه ان شاء الله:mad:
مينفعش من اسكندريه هنا

لأ ده اذدوه عندهم هناك للي حول لكلية ف جامعة عين شمس او كلية ف جامعة القاهرة احنا هنا هنسأل الكلية عالكشوف بس متخفوش لسة فاضل 10 ايام من يوم الاربعاء يعني حتطلع السبت بعد الجي ربنا يستر و متتأخرش ده بالنسبة للمحولين ورقي لكن المحولين نت ف خلال يومين هتكون وصلت ان شاء الله معظم الكليات و في كليات كشوف المحولين من النت وصلت فعلا .

د/بسمة الاسلام

31-08-2009, 05:07 AM

يعني النتيجة يوم كام كده ؟؟

د/بسمة الاسلام

31-08-2009, 05:09 AM

طب هو التقديم ممكن يخلص ؟؟؟؟؟؟؟

انا مقدمتش في الكلية الى جاتلى

انا خايفة السنة تروح عليا

ربنا يستر

eng--zako

31-08-2009, 05:09 AM

طب انا عندى كشف طبى يوم الاربعاء مروحوش
لأ مش لازم الكشف الطبي يوم ما تيجي تقدم تعملو مفتوح و هيجيبولك دكتور يكشف عليك ما تنخدعش بكلام الناس ولازم تبقي مع مرحلتك في الكشف الطبي اصلها بتتقسم لمراحل وكدة

eng--zako

31-08-2009, 05:10 AM

النتيجة للمحولين ورقي اول كشوف حتوصل ليهم يوم السبت اللي بعد الجاي تقريبا و ممكن قبل كده

الكومى123456

31-08-2009, 01:42 PM

حظوظظظظظظظظظظظظظظظظظظ

الكومى123456

31-08-2009, 01:50 PM

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

وربنا معاك

Dr\heba

31-08-2009, 02:28 PM

ه ىنتيجة التحويل الورقى امتى؟

fathyalazhary

31-08-2009, 03:27 PM

هو لازم الاصل من شهادة الميلاد و لا ينفع الصورة ؟؟؟؟

nono1992

31-08-2009, 04:01 PM

ياجماعه النتيجه امتي هتظهر لجامعه القاهره؟ هوالتحويل ده مضمون ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

perfect-girl

31-08-2009, 05:31 PM

لأ ده اذدوه عندهم هناك للي حول لكلية ف جامعة عين شمس او كلية ف جامعة القاهرة احنا هنا هنسأل الكلية عالكشوف بس متخفوش لسة فاضل 10 ايام من يوم الاربعاء يعني حتطلع السبت بعد الجي ربنا يستر و متتأخرش ده بالنسبة للمحولين ورقي لكن المحولين نت ف خلال يومين هتكون وصلت ان شاء الله معظم الكليات و في كليات كشوف المحولين من النت وصلت فعلا .

طب كويس الحمد لله
كويس انك طمتنى
بس سؤؤاال معلش
هو احنا فعلا لو مقدمناش فى الكليه الاقاليم ممكن تروح علينا السنه

وحنعرفها ازاااى
من اداره الجامعه ولا من الكليه الى مرغوب التحويل ليها

د/بسمة الاسلام

31-08-2009, 05:36 PM

ياريت حد يرد

eng--zako

31-08-2009, 06:13 PM

يا جدعان التقديم ف الكليات مفتوح لو روحت بعد اسبوع من الدراسة مش هيقول لأ صدقوني بأمانة انا والدي شغال ف الجامعة دونت ووري

دودو الخواجه

31-08-2009, 10:53 PM

كل سنه وانتوا طيبين انا بس عايزه اعرف هو التحويل الورقي بيتقبل علطول ولا ممكن ناس متتقبلش وياريت الي يتكلم تكون معلوماته مؤكده

انا سئلت فى مكتب النسيق المركزى بالمنصوره وقالوا انه مضمون
وكمان سئلت انى اقدم فى الجامعه الى انا اقبلت فيه علشان السنه ماتروحش على
الى اخذ التحويل منى
قال لا التحويل الورقى مضمون

eng--zako

01-09-2009, 02:13 AM

مانا قلت انه مضموووووووون
و علي فكرة النتيجة حتتعرف م الكلية المرغوب التحويل اليها

بنت الزمان

01-09-2009, 02:44 AM

مانا قلت انه مضموووووووون
و علي فكرة النتيجة حتتعرف م الكلية المرغوب التحويل اليها
انت متاكد من الكلام دة اصل انا قلقانة اوى

genious girl

01-09-2009, 09:23 PM

شكرااااااااااااااا على الافادة

esso1992

02-09-2009, 02:59 AM

طب معلش انا هسال سؤال هو انا لازم ادفع 1000 علشان اتحول من تجاره اسكندرية لاداب اسكندرية ولا لاه وممكن ارفض التحويل و لا لاه

دودو الخواجه

02-09-2009, 08:50 PM

هو فى فعلا تبرع للجامعه فى حاله التحويل الورقى
اناسمعت ان فى تبرع 1000او1500:abdoog8:

EnG.Mohammed

03-09-2009, 03:22 PM

النتيجه شكلها بعد سنة

د/بسمة الاسلام

04-09-2009, 10:49 AM

معرفش

بيقولو التبرعات دي ساعة التقديم ؟؟؟

بس نقبل
وياخدوا الى يخدوه ؟؟

Bo2loz Afandy

05-09-2009, 12:29 PM

انا عايز احول من كلية لكلية تانى اعمل التحويل الورقى ده ازاى
يعنى ايه الورق المطلوب وكده مع العلم انى قدمت فى الكلية اللى كنت مترشح فيها الاول ومحولتش على النت

Bo2loz Afandy

05-09-2009, 12:37 PM

ايوه ما اللينك ده انا دخلت عليه بس مفهمتش حاجة
يعنى دلوقتى انا اروح مكتب التحويلات اعمل ايه مانا مش معايا اى ورق خالص مانا سملت كل حاجة فى الكلية اللى قدمت فيها
فكنت بسأل فى ورق مطلوب ولا بعمل طلب التحويل ده من غير ورق ولا حاجة

حنان حلوة

05-09-2009, 07:51 PM

طيب انا شايفة كل هذه التساؤلات ولا احد بيرد طيب ممكن لو سمحتوا تردوا على معلش انا تعبت والله انا قدمت تحويل ورقى بالمركز الرئسى بالاسكندرية وقالوا النتيجة بعد عشر ايام رحت النهاردة قالوا تانى بعد عشر ايام يبقى اسأل يوم الاثنين اللى موافق14 سبتمبر يبقى باقى على العيداربع او خمس ايام وبعدين الدراسة واستمارة الثانوية العامة عندى فى البيت لم اضعها فى الكلية التى رشحت اليها وعاوز احول منها حد يجيب على اعمل ايه هل سوف يقبلون تحويلى ولكم جزيل الشكر ويارب حد يرد على ويطمنى

الاميرمحمد

05-09-2009, 09:31 PM

الله الله الله الله

eng--zako

06-09-2009, 12:06 AM

Dr\heba

06-09-2009, 12:17 AM

فى واحده بتقول ان النتيجه طلعت

حنان حلوة

06-09-2009, 04:31 AM

انا متشكرة ياasd159 على ردك المطمئن بس انا قلقة انا عاوز احول من اثار القاهرة الى كلية بالاسكندرية وانا اقليمى اسكندرية بس من محافظة اخرى هل سوف يقبل تحويلى بائ الله .......................................
وفعلا ياhapyhopa انا قرأت ان كاندى شافت النتيجة طيب ازاى وانا كنت بادارة الجامعة بالشاطبى وقالوا بعد عشرة ايام اوسوف تصلك رسالة عاى الموبيل هل حكاية الموبيل دى صح عموما اللى يعرف حاجة يقولها وياريت حد حلو كده يصور الكشوف ويضعها على المنتدى باى بس انا عاوزة اطمئن

romantic angel

06-09-2009, 05:54 AM

انا عاوز احول من هندسة الزقازيق لهندسة المنصورة
اروح اقدم ورقي لمكتب التنسيق في المنصورة ولا لكلية هندس المنصورة
هااااى
مش هتفرق معاك فى اى حاجة

romantic angel

06-09-2009, 05:58 AM

حنان انتى فعلا
رحتى انهاردة وقالولك كمان 10 ايام

\

romantic angel

06-09-2009, 05:59 AM

هوة انا لو عايز احول من هندسة المنيا
ممكن ليا عادى علشان انا جايب الحد الادنى من الهندسة

romantic angel

06-09-2009, 06:03 AM

ياريت حد بحد يا جماعة برد عليا ويحاول يقولى

romantic angel

06-09-2009, 06:13 AM

يا جماعة هوة حد موجود علشان يرد عليا يا ريت اى حد يعرف اى حاجة عن التحويلات الورقية او نتيجتها ياريت ابلغنا كلنا علشان احنا كدة مش عارفين اى حاجة

حنان حلوة

06-09-2009, 06:21 AM

اوى انا رحت يوم السبت الموافق5-9-2009 ياromantic angel مبنى ادارة الجامعة بالشاطبى واللى على البوابة قالوا داخلة ليه قلت لهم اسأل عن التحويل الورقى قالوا بعد عشر ايام وبدأو يشككو فى ان التحويل سوف يتم وفى الاخر قالوا احنا مش ح نفتى فارجوك اللى يعرف حاجة يقول باى

حنان حلوة

06-09-2009, 06:24 AM

وعلى فكرة يوجد كاندى33 بتقول انها عرفت النتيجة وحولت هى واصحابها يا ريت حد يرد علينا لو سمحتم

حنان حلوة

06-09-2009, 06:29 AM

حد طيب يعرف اى حد من ادارة الجامعة يسألوا عن التحويلات ويطمنا او حد يصور الكشوف المحولة حتى بارقام وصلات الدفع150 جنيه اى حاجه احنا على وشك الانهيار

esso1992

06-09-2009, 08:14 PM

فى السكة

06-09-2009, 09:40 PM

انا روحت انهاردة ولقيت نفسى حولت بس مردوش يورونى اسمى غير لمل التلقهم ان انا من مكان بعيد اوى

eng--zako

06-09-2009, 09:41 PM

يا جماعة نتيجة التحويل الورقي بتوصل علي مراحل و كله هيحول و مضمون مليون في المية اللي حولو من اول يوم او يومين حتلاقيهم ف اول كشوف و فعلا في كشوف ف ادارة الجامعة مستنية امضاء النائب و حتوصل الكليات و التقديم في الكليات للمحولين ورقيا حتبدأ يوم الاربعاء ده بالنسبة للي حولو الاول لكليات الفنون الجميلة و الهندسة غير كدة يستنو شوية و بالنسبة للي بتقول عايزة تحول لهندسة ف بلدها و جايبة الحد الادني معلوماتي انه صعب بس حاولي غير كدة ممكن تروحي المنيا بس لازم تجيبي عقدالجار و في من شروطه ان المياة و الكهربا بأسم المالك و تحول لهندسة المنيا

فى السكة

06-09-2009, 09:52 PM

طيب انت متعرفش هنقدم امتى بالنسبة للصيدلة على العلم ان انا روحت انهاردة ولقيت اسمى وكانت كشوف الصيدلة كلها اتكبت لو عارف حاجة ياريت ترد عليا لو سمحت

حنان حلوة

06-09-2009, 10:35 PM

معلش يا فى السكة شوفت اسمك عند مين علشان انا رايحة بكرة اسكندرية اشوف تحويلى يا ريت ترد على علشان ما ادخوش

فى السكة

06-09-2009, 11:41 PM

فى مبنى الجامعة فى الشاطبى

eng--zako

07-09-2009, 02:07 AM

يوم الاربعاء لو لقيت اسمك و ممكن كمات التلات ربنا يسهل

ronyelporgy

08-09-2009, 05:15 AM

ممكن لوحد يعرف هل كشوف علوم وصلت ولا لأ إدارة الجامعة

emamy

08-09-2009, 12:54 PM

تحويلات جامعه المنصورة الورقية امتى ان شاء الله

eng--zako

08-09-2009, 02:47 PM

شوفو اخر كلام انا لسة متصل بشئون الطلبة ف كلية الفنون الجميلة قالولي الكشوف وصلت انهردة بس تيجي تقدم السبت
قلتلهم ليه قالولي عشان ف خلاف علي فلوس الترعات عاوزين بزودوها من 1500 ل 3000 جنيه شوفتو المصيبة

EnG.Mohammed

08-09-2009, 03:49 PM

المنصوووووووووووووووووووووووووووووووورة محدش عندوا معلومات عن المنصورة

دودو الخواجه

08-09-2009, 11:28 PM

انا من المنصوره ومنتظره التحويل واى جديد عن النتيجه ان شاء الله هقول لكم

ronyelporgy

09-09-2009, 12:48 AM

عايزة أعرف أى حاجة عن التحويل بالنسبة لكلية العلوم

اميرة كمال25

09-09-2009, 03:19 AM

هى الشاطبى دى تحص اسكندرية بس ولا كل التحويلات

اميرة كمال25

09-09-2009, 03:21 AM

وبعدين التبرعات دى لكل الناس يعنى انا مثلا جايبة اعلى من المجموع الى الكلية طالباة
هدفع تبرعات ولا اية ممكن حد يفهمنى براحة

EnG.Mohammed

09-09-2009, 03:50 AM

اي حد من المنصورة عندو اي معلومه ياريت يحطها

في واحد صاحبي قالي ان النتيجه حتطلع يوم 15 في المنصورة مش عارف الكلام ده صح ولالا ؟؟؟

حنان حلوة

09-09-2009, 10:48 AM

ممكن تليفون شئو الطلبة بكلية فنون جميلة وشكرا

حنان حلوة

09-09-2009, 10:59 AM

طيب عرفنا تقريبا ان الجميع اتقبل تحويلهم ماعدا الذين لا تنطبق عليهم شروط التحويل حد يعرف ايه هى دى حاجة حاجة تانية حد يعرف ح يبعتوا اسماء المحولين امتى

حنان حلوة

09-09-2009, 01:11 PM

عاوزة اعرف تليفون شئون الطلبة بفنون جميلة

eng--zako

09-09-2009, 03:03 PM

0166355583
نمرة ا. علاء شئون الطلبة بالكلية معلش عشان التليفون الارضي الداخلي االخاص بالقسم بايظ
عموما هو انتي يا حنان داخلة فنون جميلة عمارة و لا فنون جميلة فنون

eng--zako

09-09-2009, 03:09 PM

romantic
للأسف مينفعش تحولي لهندسة ف بلدك و مجموعك جايب المنيا الا لو جاتليك هندسة اصلا او حتي هندسة الكترونية بيعتبروها مناظرة لكن ف حول انك تحولي لهندسة المنيا و تعدي سنة لكن لو طلبو و انتي بتعملي التحويل هناك وصل نور او ميا جيبي اي عقد ايجار ضمن شروطه بأن وصول الميا و الكهربا بأسم المالك و فقا لقانون الايجار الجديد و تعدي سنة هناك و تيجي هندسة ف بلدك
عموما هو حضرتك جيبتي كام بالزبط و جالك ايه؟

terror

09-09-2009, 04:38 PM

كاب انا عملت تحويل ورقى من هندسة بور سعيد لهندسة طنطا وقالولى تعالى بعد 10 ايام ولما روحت قالولى لسة
ماحدش يعرف نتيجة التحويلات الورقية هتظهر امتى

حنان حلوة

10-09-2009, 04:28 AM

شكرا ياasd156 على اهتمامك والتلفون لواحدة قابلتنى فى ادارة الشا طبى ومعها نمرة الفنون السويتش ولا احد يرد وهو035840706

حنان حلوة

10-09-2009, 04:34 AM

طيب معلش يا asd159 باقى التحويلات فى اسكندرية حتوصل امتى الكليات دى حاجة حاجة تانية هى الاسماء اللى مكتوبة فى شئون الطلبة بالشاطبى اتقبل تحويلها بالفعل ولالسه

dengwan

12-09-2009, 12:30 AM

السلام عليكم

طيب المرحلة التالتة ليها تحويل عادى عشان انا مش موتاكد يعنى انا مثلا جايب 65 % و انا من اسكندرية لو جالى مثلا حقوق طنطا.... اى حاجة انا لسة معرفش ليا التحويل الورقى دة عادى ولا اية يا ريت العندة اى معلومة يقولى يعنى ينفع احول

eng--zako

12-09-2009, 04:21 PM

احتمال يتفتح تحويلات نت للمرحلة التالتة بس اللي متأكد منه ان التحويل الورفي شغالللللللللل

Eng_lfc

12-09-2009, 06:57 PM

هو التحويل الورقى لسه شفال ؟؟؟؟؟؟؟

EnG.Mohammed

13-09-2009, 01:23 AM

هو التحويل الورقى لسه شفال ؟؟؟؟؟؟؟

روح اسال في الجامعه في مبنى الادارة الي ع المشايه لو انتا حتحتول جامعه المنصورة

romioloveg

13-09-2009, 09:16 AM

sorry bs el pc bta3y mesh met3arab
ana 3ayz a3raf 7aga howa mesh asd allnah en el natiga 100% ma2bola we mesh betetrfed?
tab leh b2a kolko al2anen awy 3la el natiga
3shan ya3ny 3ayzeen tro7o t2dmo
wla eh? tab mahowa kman allna en el ta2deem fel kolyat mmoken 7ta ba3d bd2 el drasa be esbo3 ya3ny mat2la2osh we ya gma3a elly 3ando m3loma el natiga tal3t wla la2 we nshofha feen yaret y2ool 3shan ana kman 2al2an zayko:av4056bb7jp3:

eng--zako

13-09-2009, 05:59 PM

eng--zako

13-09-2009, 06:01 PM

انا asd159 >> eng--zako
غيرت اسمي بس

حنان حلوة

13-09-2009, 09:22 PM

ليه غيرت اسمك يا asd159 عاوزة اعرف ح نودى ورقنا امتى فى الكلية المحولين اليها

ابوصلاح الجن

14-09-2009, 12:54 PM

طيب انا جايب 54% وجالى معهد عالى خدمة اجتماعية بالقاهرة

اول مشكلة انا مااعرفش مكانه فين فى القاهرة .

تانى مشكلة ان انا محتاج ان انا احول المنصورة او كفرصقر يعنى محتاج ان انا احول لان انا من الشرقية

والقاهرة سفر وانا مابحبش كدة لو محتاج ان انا احول ايه المطلوب ان انا اعمله انا لسه ماروحتش اى مكان لسه

لان انا مااعرفش مكانه فين فى القاهرة .

ياريت لو حد عارف حاجة يقولى

eng--zako

14-09-2009, 02:28 PM

الي حنان تابعي الكلية الي حتحوليلها و اسألي علي كشوف المحولين ورقي و بالنسبة لأسمي خليته كدة عشان ان شاء الله ابقي مهندس معماري
بالنسبة لابو صلاح انت مرحلة تالتة حبتفتحلكو تحوبلات عالنت استني الموفع

ابوصلاح الجن

14-09-2009, 03:38 PM

طيب بس ممكن حد يقولى التحويلات هتتفتح امتى

واكيد هعرف ان انا احول ولا ايه النظام

ولك خالص تحياتى

Uokohama

15-09-2009, 02:44 AM

'طب أنا بأه لو عرفتو حكايتي هتولعو فيا أنا جالي طب المنصورة وحولت اسنان المنصورة بردو تحويل ورقي يا ترى هيتقبل واللا لأ وموضوع التبرع دا إيه نظامه أرجو الرد بسرعة

onlygrob

15-09-2009, 10:34 AM

جزاء الله خيراً بس مكن تقولنا متى يبدأ التحويل للمرحلة الثالثة

Dr/ Samara _ vet

15-09-2009, 07:28 PM

ارجوكم حد يعرف اي حاجه عن ميعاد ظهور النتيجه في المنصوره انا خلاص زهقت ..... هنفضل مستنيين لحد امتي ؟؟؟؟؟؟ وبالنسبه للكشف الطبي والتقديم هيرووح علينا ولا ايه؟؟؟

amr_egypt

15-09-2009, 07:30 PM

شكرا لك
انا شهادات معادله وجتلى هندسه الكترونيه بمنوف
هل ينفع احول لهندسة الزقازيق ؟ مع ان هندسة الزقازيق واخده من 396.41875 وانا درجتى 393.14

EnG.Mohammed

15-09-2009, 07:38 PM

ارجوكم حد يعرف اي حاجه عن ميعاد ظهور النتيجه في المنصوره انا خلاص زهقت ..... هنفضل مستنيين لحد امتي ؟؟؟؟؟؟ وبالنسبه للكشف الطبي والتقديم هيرووح علينا ولا ايه؟؟؟

واحد صحبي سال قاللو بعد العيد:angry2:

وواحد تاني قالي ان الكشوفات على وصول:av4056bb7jp3:

Dr/ Samara _ vet

16-09-2009, 12:45 AM

واحد صحبي سال قاللو بعد العيد:angry2:

وواحد تاني قالي ان الكشوفات على وصول:av4056bb7jp3:
مشكور علي الرد بس في سؤال تاني رخم .... هو مش بعد العيد ممكن يكون لحد الدراسه وممكن بعدها كمان ولا ايه ؟؟؟ يعني ان شاء الله كده التقديم والكشف الطبي هيروح

منجد17

16-09-2009, 02:21 AM

النتيجة يا جماعة ظهرت النهاردة وانا جبتها بس من جامعة المنوفية

Dr/ Samara _ vet

16-09-2009, 03:38 AM

النتيجة يا جماعة ظهرت النهاردة وانا جبتها بس من جامعة المنوفية
مبروووك علي النتيجة بس نفسي اعرف هو جامعة المنصورة مغضوب عليها السنه دي

EnG.Mohammed

16-09-2009, 03:58 AM

مشكور علي الرد بس في سؤال تاني رخم .... هو مش بعد العيد ممكن يكون لحد الدراسه وممكن بعدها كمان ولا ايه ؟؟؟ يعني ان شاء الله كده التقديم والكشف الطبي هيروح

لا مفيش حاجه حتروح

اكيد المحولين كلهم حيبقى ليهم مواعيد كشف طبي تانيه متقلقيش خالص من الموضوع ده;)

عدول المصري

16-09-2009, 05:37 AM

ياجماعة انا شهادة معادلة وجاتلي هندسة شبين
وعايز احول لاسكندرية
ومجموعها 397.5
وأنا مجموعي 396.2

اسير الدرب

16-09-2009, 05:47 AM

السلام عليكم

لو سمحت عايز اعرف احول اواي ؟؟

انا جالي علوم بنها بس عايزة احول هندسة .. اي هندسة مش مشكلة

بس احول ازاي ؟؟

مش مشكلة لو هدفع بس هو ينفع ..

اصلي كده بحول لأعلى من مجموعي

ولا هو مش ينفع احول الا لكلية مناظرة

انا جاي من برة مصر

hamdi48

16-09-2009, 01:26 PM

طيب وبتوع الشهادات المعادلة الى استنفذت رغباتهم هيعملو لهم تحويل او اعادة كتابة رغبات والى متى يقدمو و كيف ارجو الافادة مشكورين

محمد عبد المحسن سليمان

16-09-2009, 02:05 PM

انا جالى حقوق انتساب بنى سويف وكنت عاوز احول القاهرة نفس التخصص
كتبت الالتماس على الموقع فى التحويل وقلقااااااااان عاوز اعرف بنسبة كام فى الميه ممكن يتقبل من على الموقع احسن من وجع القلب بتاع التحويل الورقى
وانا معدى حقوق انتساب القاهرة بـ 4 % وعلمى رياضة

romantic angel

17-09-2009, 06:18 AM

يا جماعة نتيجة التحويلات ظهرت من زمان بس مشعارف ازا كانت كلها والا لا لكن عل اللعموم المحولين الى هندسة الاسكندرية ظهرت من اسبوع كدة واللى عايز يروح يقدم الملف ويكشف طبى عادى مسموح هناك بكدة دلوقتى والمصاؤيف 2000جنية (رسوم التحويلات )

dr.abdullah

17-09-2009, 12:36 PM

انا شهادات معادلة
وجالي طب الاسماعيلية وعايز احول لطب عين شمس

علما بان الحد الادنى طب عين شمس 401,39

وطب الاسماعيلية 401,18

انا جايب 401,39

بس طلعت غلط واكتشفت اني جايب 401,18

ارجو الرد سريعا

eng--zako

17-09-2009, 03:36 PM

1-للأخ اللي جالو هندسة الكترونية ممكن تحول لهندسة بلدك عشان تعتبر مناظرة دلوقتي و نفس الكلام للجانلو هندسة شبين ممكن يحول لاسكندرية لو مقيم ف اسكندرية دلوقتي
التحويلات للشهادات المعادلة هتكون في المركز الرئيسي للتنسيق و بس في القاهرة
بالنسبة لاسير الدرب انت مينفعش نحول لهندسة الا لو جايب مجموع اقل هندسة في تنسيقك
بس يا دكتور عبد الله انت لو مقيم في القاهرة ممكن تحول لعين شمس تقليل اغتراب او تحول للقاهرة او لحلوان طب

dr_bosy

17-09-2009, 05:01 PM

التحويل الورقي للمرحله التالته امتي ياجماعه

dr.abdullah

17-09-2009, 05:27 PM