|
مشاهدة النسخة كاملة : لو تحويلك تقبل تفضل أدخل قول أنطباعتك وهل حتدخل بوابه الثانويه تاني ولا قضى الأمر محمد السيد طلبه 24-08-2009, 02:35 PM طبعا ألف مبروك لكل من قبل تحويله واللي مش قبل يا ريت بسرعه يروح للكليه اللي عايز يحوللها يعمل ألتماس وبالتوفيق أن شاء الله قول أنطباعك عن نتيجه التحويل وهل تأخير النتيجه أثر فيك الأيام اللي فاتت:078111rg3::078111rg3::078111rg3: وهل ناوي تدخل بوابه الثانويه تاني ولا محمد على شاكر 24-08-2009, 02:40 PM طبعا ناوي مع ان تحويلى متقبلش ومش عارف اعمل اية ................لكن كفاية ان بوابة الثانوية خلتنى اعرف ناس حلوين زيكم محمد السيد طلبه 24-08-2009, 02:45 PM شكراااااااااا يا محمد يا على بالتوفيق في الألتماس عمرو ع 24-08-2009, 02:47 PM طبعا احنا خلاص خلصنا ثانويه لكن يا جماعه احنا بصراحه شوفنا ايام سودا هنا فى المنتدى مش عشان المنتدى وحش لا عشان ال بتعمله فينا الوزاره من خوف وقلق ورعب وطبعا كنا محتاجين اى حد يقف معانا ولو كان اكبر مننا عشان يفهمنا اى حاجه فلازم نعمل كدا ويكون دا دورنا الفتره ال الجايه اننا نساعد زمايلنا الى فى تانيه وتالته ثانوى وليه يعنى مش هندخل بوابه الثانويه تانى هو خلاص الصله اتقطعت لا؟لان فى قسم الجامعات المصريه اظن هنكون محتاجينله فاكيد هندخل ولازم ندخل نسلم على المدرسين فى الغرفه الصوتيه ال امتعونا وافادونا بجد والله مش مجامله ولازم ندخل نساعد زمايلنا الاصغر مننا سنا وشكرا تحياتى,, محمد السيد طلبه 24-08-2009, 02:50 PM تعليق ممتاز شكرااااااااااااااااااااا على المرور الأيام السودا ولت ما قادم أسعد بأنتظار متفوقين في الكليات ان شاء الله timo mido 24-08-2009, 02:55 PM بصراحه انا عارف انا في كليه ايه من زمان ( انا من اسماعيليه وجالي طب اسماعيليه) بس عادي كنت بدخل البوابه وبعمل مواضيع ومتغيرش حاجه محمد السيد طلبه 24-08-2009, 02:57 PM والله كويس اننا كلنا عندنا وفاء ومش بننسى جميل بل بنحاول نرده eng.ahmed55 24-08-2009, 03:04 PM المنتدى ده احلى منتدى شوفته فى حياتى بجد انا عمر ما مشاركاتى فى اى منتدى تانى اتعدت 10 مشاركات اتصاحبت على اشخاص كتير من كليتى ومن غيركليتى فانا من هنا بشكر كل اللى قام على المنتدى وان شاء الله هدخل عليه فى قسم الكلية بتاعتى ya reat ya gama3a besro3a 24-08-2009, 03:05 PM انا الحمد لله اتقبل تحويلي ودخلت طب الزقازيق بس مهما روحنا المنتدي دا اصبح بيتي بصراحة رغم الايام اسودة اللي احنا شوفناها في التنسيق وقبليها النتيجة واخر حاجة التحويلات محمد السيد طلبه 24-08-2009, 03:06 PM والله برافو بجد أنا فرحان من الكلام ده ياسمينايا 24-08-2009, 04:18 PM انا دخلت المنتدى ده متأخر ..يعنى قبل الامتحانات بشهرين كده ... وبجد فادنى فى حاجات كتير ((مش مجامله ده بجد )).. وكنت متوقعه بينى وبين نفسي انى بعد ما تخلص الامتحانات هسيب المنتدى بس لاقيت نفسي مسبتهووش .. قولت يمكن بعد ما تخلص النتيجه ..بس بردوا مسيبتهوش .. قولت بعد ما تطلعلى الجامعه ..وطلعتلى الحمد لله ومسيبتهووش .. وبعدين اتأكدت ان المنتدى ده بجد بقى جزء من حياتى ..يعنى مقدرش مدخلهوش وفعلا لازم نساعد زمايلنا الاصغر منا ..عشان ميحصلهمش الحصلنا ..والحمد لله على كل شئ .. وكل سنه وانتو طيبين ..ورمضان كريم .. وميرسي ع التوبيك .. محمد السيد طلبه 24-08-2009, 04:23 PM شكراااااااااا على المرور بجد ردود ممتازه محمد السيد طلبه 24-08-2009, 04:34 PM أنا حجري بلاك روز أيجت وهيا بينها وبين مواضيعي طار أكيد حتحذفه حسيبكم بئا تقبض عليكو مش تخافو حبئا أجي أضمنكو في القسم شيمو_ثانويه 24-08-2009, 04:34 PM انا بحب المنتدى ده اوى والوحيد اللى شاركت فيه وعرفت فيه ناس من سنى واتكلمت معاهم وفادونى كتير وطبعا لازم افتحه على طول واستمر معاكوا ولاء لولا 24-08-2009, 04:35 PM انا بقالى فترة قصيرة فى المنتدى بس بجد حبيته لانه تجمع كبير لبنات وولاد فى نفس المرحلة واللى عنده حاجة بيقولها وبنسمع اراء بعض وبننصح بعض ولازم كمان نبقى جنب اللى حيدخلوا الثانوية محمد السيد طلبه 24-08-2009, 04:38 PM طيب يا شيمو انتي قولتي حفتحه على طول طيب تيجي كل يوم تمضي لأن لو مش شفتك كل يوم في المنتدى حبعت فيكي شكوى :stickjo4::stickjo4:ه:d:d:d شيمو_ثانويه 24-08-2009, 04:41 PM والله بجد انتى محسسنى انك هنا بدل المشرفه بلاك روز ماتعين نفسك معاها وخلاص ولا ايه رايك؟؟ محمد السيد طلبه 24-08-2009, 04:41 PM انا بقالى فترة قصيرة فى المنتدى بس بجد حبيته لانه تجمع كبير لبنات وولاد فى نفس المرحلة واللى عنده حاجة بيقولها وبنسمع اراء بعض وبننصح بعض ولازم كمان نبقى جنب اللى حيدخلوا الثانوية هو لسه في حد ناوي يدخل ثانويه ده اللي حيسألني حقوله سيبك من ثانويه ترقبوا دي خالص مش في أحسن من التأهيل المهني:p:p محمد السيد طلبه 24-08-2009, 04:42 PM بلاك روز مش حد يقولي الأسم ده أصلي بتخض ومش بعرف أنام ليه كده يا شيمو ربنا يسامحك اللهم أني صائم شيمو_ثانويه 24-08-2009, 04:45 PM حرام عليك دى طيوبه اوى وبعدين متتكلمش عنها كده لتحزفلك الموضوع وتقعد تبكى من الزعل محمد السيد طلبه 24-08-2009, 04:47 PM أه طيوبه أكيد طيبه ده الست بلاك روز عسل حد يئدر يتكلم عايزه توئعيني في الغلط وبس انتي يا شيمو متأكده أنك من أليكس ولا من روض الفرج بهزر شيمو_ثانويه 24-08-2009, 04:48 PM على فكره انا مش من اليكس ولا من روض الفرج هههههههههههههههههههههههههه هشام 2000 24-08-2009, 04:52 PM انا الحمد لله تحويلى اتقبل بس مش الكليه اللى كان نفسى فيها طبعا بس الحمد لله انه اتقبل وبقيت قريب الحمد لله محمد السيد طلبه 24-08-2009, 04:53 PM خلاص يمكن تكوني من بير السبع لا ولا يمكن من القمر لا لا لا متهيألي المريخ محمد السيد طلبه 24-08-2009, 04:58 PM عموما يا جماعه أنا والله زعلان اوي على الناس مش قبلت وأن شاء الله موضوع الألتماسات ده مضمون بس هما عايزين لعب من تحت الطربيزه كده رشاوي كده يعني الاميرمحمد 24-08-2009, 05:14 PM اولا احب اشكر واهنئ اخوتي في المنتدي الحمد لله تم قبول تحويلي ........... 2/ مش معني اني دخلت الكلية انس المنتدي الجميل ولصحبة الجميلة ......... ربنا يجمعنا كده ان شاء الله في الجنة ..........والسلام عليكم وكل عام انتم بخير الاميرمحمد 24-08-2009, 05:16 PM الحمد لله اتقبا تحويلي تجارة القاهرة محمد السيد طلبه 24-08-2009, 05:34 PM بالتوفيق يا محمد في تجاره القاهره SOMA_2010 24-08-2009, 05:38 PM انا الحمد للة تحويلى اتقبل وفرحانة جدا بعد الايام الصعبة الى عشتها ف توتر و تلف للاعصاب وبجد بشكر الاستاذ محمد السيد طلبة لانة بجد طمنى شوية قبل النتيجة ما تتطلع وانا على فكرة هافضل متابعة اخبار الثانوية كل سنة من البوابة لانها فعلا افادتنى ف حجات كتير ف الدراسة والمراجعة soma محمد السيد طلبه 24-08-2009, 05:44 PM بالتوفيق سوما في الحياه الجامعيه اسلام فودة 24-08-2009, 06:17 PM الحمد للة تحويلى اتقبل محمد السيد طلبه 24-08-2009, 06:22 PM بالتوفيق أسلام eng.ahmed55 24-08-2009, 06:58 PM انا بشكر الاستاذ محمد السيد طلبه ربنا يكتر من امثالك وان بجد مبسوط من المنتدى ده وهفضل متابعه على طول شكرا ليكم كلكم انتم افادتونى كتير شكرا ليكم كلكم محمد السيد طلبه 24-08-2009, 07:02 PM كلنا زمايل يا أحمد وبنخاف على بعض وربنا يوفقك أن شاء الله في كليتك ريناد2025 24-08-2009, 08:43 PM أنا حجري بلاك روز أيجت وهيا بينها وبين مواضيعي طار أكيد حتحذفه حسيبكم بئا تقبض عليكو مش تخافو حبئا أجي أضمنكو في القسم وسيتك بتكلم كدة لية على بلاك روز:040vk0::040vk0::040vk0: |