اولا ;كل سنه وكل الاعضاء طيبين وبخير
انا عندى اسفسار وارجو الرد سريعا
انا قبلت فى سياحه وفنادق الفيوم وانا من الجيزه ومجموعى 348 وفى علم النفس 50ومجموع اللغات عندى87%
وكنت عايزه احول اداب علم نفس بس خايفه من التنسيق الداخلى
وكمان انى مقبلش
كنت عايزه اعرف لو ممكن احول ديركت لاداب علم نفس ولا لازم املا استمارة التنسيق الداخلى الاول ولو مقبلتش فى علم نفس ممكن اسحب ورقى تانى ولا هيحولونى لقسم تانى

أهلاً يا ريهام معلش مقدرتش أرد عليكى فى الرسالة
انتى ممكن تحولى لأى كلية طالما باب التحويل مفتوح
و مجموعك ما شاء الله ممكن يدخلك أى كلية آداب فى أى جامعة فى مصر
و تتقبلى إنتظام بإذن الله بس ده لو القسم ماكتفاش
يعنى شوفى الأقل القسم قابل دخول طلبة مستجدين تانى ولا لأ
لو لقيتى إن فى فرصة لدخولك القسم و فى مكان ليكى يبقى تتوكلى على الله و تحولى لآداب علم نفس
بالنسبة للإستمارة تقريباً بيكون فى إستمارة التنسيق لإنها بتكون ملفك الأساسى فى الكلية
لو ماقبلتيش فى علم نفس و ده إحتمال ضعيف ممكن تحولى للكلية اللى تعجبك بس يكون برده باب التحويل مفتوح

معلش أنا رديت بسرعة علشان مستعجلة و آسفة على التأخير
لو إحتجتى أى حاجة هتلاقينى موجودة
و ربنا يوفقك و يقدملك اللى فيه الخير بإذن الله

ميرسيييييييييييييييييييييييييييييييييييييييييييييي يييييييييييييييييييييي يا مها على ردك
اخيرا لاقيت حد هنا يرد عليا

إحنا موجودين بس انتى عارفة الأجازة بقى و رمضان فا مش بندخل القسم بتاع الكلية ده كتير
منورة يا قمر و إحنا فى الخدمة
سلام عليكم