ايهما تفضل فى حياتك قلبك ام كرامتك [الأرشيف] - بوابة الثانوية العامة المصرية

مشاهدة النسخة كاملة : ايهما تفضل فى حياتك قلبك ام كرامتك

sympathique

25-08-2009, 04:54 AM

لكل منّا كرامة وفي نفس الوقت له قلب فأي منهم أهم بحياتك
(قلبك) أم (كرامتك)
هل من المعقول أن نستغنى عن قلوبنا
للإحتفاظ بكرامتنا في سبيل ذلك
لماذا يبيع الصديق صديقه .. والحبيب حبيبته والعاشق عشيقته وغيرهم
وكل شخص أكيد صار له موقف من الحياة
سواءاً مع صديق أو حبيب أو زوج .. هذه هي الحياة ؟
!..! لم نجد سبباً لذلك !..!
صحيح أنه لابد أن تكون كرامة النفس فوق كل إعتبار
ولكن لماذا ولدت التضحية إذا كانت كرامة النفس هي المنتصره غالبـاً
أم هي مجرد كلمات نؤيد مضمونها ولكن بدون العمل بها
لنقف لحظة على بعض الجمل
هي موجودة في حياتنا ودائماً نرددها في موقف معين
لا ..وإنما في حدث
خـــــــــــداع
خيـــــانـــــة
كــراهــيـــة
كــــــــــذب
ضـــعــــــف
هــزيــمــــة
!..! قــالــــــــــوا !..!
( من باعنا بعناه )
( إللي هواك إهواه .. وإللي نساك إنساه )
( الصديق وقت الضيق )
..::.. فكـــروا قليــــلاً ..::..
هل نستطيع حقاً تطبيق ذلك
فعندما نلتقي بصديقٍ مثلاً .. نثق به .. ونبوح له بمشاكلنا
ثم مع مرور الأيام نكتشف أنه لا يحبنا .. ولا يعتبرنا إلا خيال
في غيابه نسأل عنه .. وإن غبنا لا يسأل عنا
هل حقا نتخلى عنه .. لا أدري ..!
تذكر انك لاتقدر على العيش بدون كرامة ولا بدون عاطقة
ولكن ..
أيهما أهــم بحياتك {كرامتك} أم { قلبك)
ياريت اعرف ردودكم وكمان لو فيه مواقف كمان بين صديق وصديقه او صديقته
وهل ممكن الواحد فعلا يستغنى عن اقرب الناس ليه؟
سؤال يطرح نفسه

__________________

sympathique

25-08-2009, 11:34 PM

انا شايف ان الناس بتدخل تتفرج وخلااااااص

هو الموضوع محتاج جرأة للرد ولا ايه

Prof.Dr/A.T.M

26-08-2009, 12:48 AM

sympathique

30-08-2009, 05:40 AM

الموضوع مش موضوع جرأة انا عن نفسي مش عارفة اعبر
اصل صراحة الموضوع صعب شوية
بس على حسب الموقف يعني ايه قلبك ولا كرامتك اكيد اللى قدامك ده انسان بيغلط
يعني لو انا عارفة ان اللى قدامى ده كويس ومحترم بجد بس اللى صدر منه ده لما اتعصب بس
ولو بجد غالى عندى هاسامحه
لكن لو الالم جامد يبقي الباب اللى يودي
يعني لو جرحنى جرح جامد يبقي ادوس على قلبي بالجزمة
وكرامتى فوق اى اعتبار طبعا

تمام اوى يادكتورة

يعنى الواحد يعنى الكرامة والعقل هتغلب على العاطفة فى المواقف واللحظات الحرجة بدون اى تفكير يادكتورة

مهما كان اللى بينكم ده ايه ومش هيكون عندك اى اعتبار لاى شئ بينكم

وفعلا هتكون هى دى النهاية

طب هو جه سؤال تانى

ممكن تجمعى بين القلب والكرامة فى وقت واحد؟!

ياريت اعرف رايكم ايه

ميراج

31-08-2009, 01:49 AM

روميو

01-09-2009, 06:15 AM

بص الحب حالة بتحصلك ووقت بنعيشه

بس الكرامة جزء من الانسان ولو اتنازل ولو للحظة عنها هتضيع منه بقية عمره انا عن نفسى كرامتى فوق اى حاجة فى الدنيا لكن لو قلبى هيخلينى اتهاون فى كرامتى يبقى ادوس على قلبى

sympathique

01-09-2009, 09:58 PM

ممكن اقول انى افضل قلبى

بس مش فى كل الاوقات
ومش معنى انى اخترت قلبى يبقا كرامتى عندى ملهاش لازمه
بالعكس يعنى ممكن الواحد تتجرح كرامته من حد قريب منه
بس الحد ده مكنش قصدوه انه يجرحه
فى الحاله دى قلبى عندى اللى ممكن اختاره
حتى لو هدوس على كرامتى
لكن برضوا فى حدود ساعات فى مواقف لازم تكون كرامتك
فوق كل شى
وطبعا الاختيار على فكره صعب اوى مش سهل
انك تختار بين قلبك وبين كرامتك
وممكن احتفاظك بكرامتك يضيع منك الناس اللى بتحبهم
وده بيحصل كتير
يعنى فى مواقف لازم تحافظ فيها على قلبك
وفى مواقف لازم تحافظ فيها على كرامتك
هوه الانسان ايه غير قلب وكرامه

فعلا ممكن الواحد يتعرض لمواقف احراج من حد قريب منه اوى بس ميقدرش يستغنى عنه
وممكن كمان يقدر يستغنى عنه وينساه خالص
يعنى لو حد جرحك بغض النظر عن كون الجرح جامد اوهين
هتختارى قلبك وده واضح من كلامك
واضح كده ان تاثير العاطفة عليكى اكبر وان قلبك كبير

بص الحب حالة بتحصلك ووقت بنعيشه

بس الكرامة جزء من الانسان ولو اتنازل ولو للحظة عنها هتضيع منه بقية عمره انا عن نفسى كرامتى فوق اى حاجة فى الدنيا لكن لو قلبى هيخلينى اتهاون فى كرامتى يبقى ادوس على قلبى

وفى النهاية احب اقول لكم انى انا عاطفى من الدرجة الاولى
بس انا ليا مبدا فى الحياة ومتشى بيه انى انا بجمع بين القلب والكرامة فى آن واحد
بمعنى فعلا ان الحمد لله ماشى بسيستم معين فى حياتى وكل الناس اللى عرفانى وبتتعامل معايا كل واحد عارف حدوده كويس حتى اقرب الناس ليا
بس كل اللى حواليا بيحبونى الحمد لله

ياترى فعلا ممكن حد يقدر يجمع بين الكرامة والقلب فى نفس الوقت؟

basma810

01-09-2009, 10:26 PM

أنا عن نفسي لو قلبي هيجي على كرامتي بفضل كرامتي بلا شك

eng_emy

02-09-2009, 01:05 AM

مممممممممممممممممممممم
بصراحة موضوع جمممممممميييييييييييل
اوى
وفى الحقيقة انا بختار القلب او الكرامة على حسب الموقف
اللى بتحط فيه
مثلا يعنى
لو فى انسان بحبه اوى
(خطيبى مثلا او جوزى مستقبلا ان شاء الله)
عمرى ماحتعامل معاه بكرامتى خالص
لان مفيش اتنين بيحبوا بعض
يكون بينهم كرامة وكدة
بس حتعامل بالقلب بس
مهما كانت التضحيات
ومهما اتنازلت وضحيت بكرامتى او اى حاجة
كله حيهون تحت مسمى الحب
بس مع الناس التانين
اى حد فى الحياة زميلى صديقى او ......................
حتعامل بكرامتى اى نعم مش حلغى قلبى خالص
واكون قاسية مثلا ومش بسامح وكدة
بس مش حيكون زى ما بتعامل مع جوزى او خطيبى
عشان الحيااة كدة
لازم اشغل الاتنين

**تسابيح**

02-09-2009, 09:06 PM

أولا ::: أنا كرامتي فوق كل شيء ومش احب أي مخلوق مهما كان معزته في قلبي يتجاوز الخطوط الحمرة اللي ممكن كرامتي فيها تتهان
ثانيا :: أنا حصل لي موقف مع صديقتي
ممكن تقول انها عزيزة عليه اوي
المهم انها حبت تنتقدني (ع فكرة عادي جدا وكمان كلامها ممكن اعترض عليه ووممكن اوافق بس مش كانت دي المشكلة )
المشكلة الحقيقة ان النقد كان ادام واحدة ماشية معانا
وقالت لي كلمة مش بتتفهم اللي بمعني واحد
وطبعا هي مش كانت تقصد الكلمة دي
وساعتها مش بقيت طايقها ورحت ماشية وسيباها
انا فاكرة اني عيطت عياط في اليوم دا (الله لا يرجعه ) وكمان اعتذرت لي
بعدها ع طول بس بصراحة قلبي كان راضي بس كرامتي **لا**
بس لما سألت خالي وحكيتله عن الكلمة دي قالي لو اعتذرلك تاني
لازم تقبلي اعتذرها بدل فعلا لو هي مش قصدها انها تجرحك او كانت تقصد كلمة تانية
بس الحمدلله رجعنا لبعض :friendsxs3:اصلي بصراحة بموت فيها :022yb4:
ع العموم
شكرا ع الموضوع

sympathique

03-09-2009, 01:19 AM

روميو

03-09-2009, 04:19 AM

انا عاوز اقول حاجة ان قليل اوى ان حد يقدر يجمع بين قلبه وكرامته يعنى مثلا

لو واحد وواحدة مخطوبين والشاب اتخانق مع خطيبته فى مكان عام او وسط اصحابهم مثلا وجرحها ياترى البنت دى ممكن تنسى اللى حصلها عشان بتحبه ولا ياترى هتكون كرامتها اهم من حبها ياريت اعرف راى الناس اللى بتقول انها بتلغى كرامتها فى الحب والناس اللى بتقول انها ممكن تجمع بين القلب والكرامة

يا جماعة الكرامة مبدا من حياة كل واحد فينا
والحب عاطفة موجودة عند كل واحد

بس ياترى مبدائك ولا عاطفتك ؟

Rymonda

03-09-2009, 02:05 PM

.. اصون كرامتي من قبل حبي ..

:)

sympathique

04-09-2009, 12:57 AM

انا عاوز اقول حاجة ان قليل اوى ان حد يقدر يجمع بين قلبه وكرامته يعنى مثلا

مش عارف بقى ان كان قليل ولا كتييير

لو واحد وواحدة مخطوبين والشاب اتخانق مع خطيبته فى مكان عام او وسط اصحابهم مثلا وجرحها ياترى البنت دى ممكن تنسى اللى حصلها عشان بتحبه ولا ياترى هتكون كرامتها اهم من حبها ياريت اعرف راى الناس اللى بتقول انها بتلغى كرامتها فى الحب والناس اللى بتقول انها ممكن تجمع بين القلب والكرامة

انا اقولك هتنسى اللى حصل لها وانا واثق من ده واى واحدة هتقول غير كده مش هتبقى صادقة فى كلامها

وانا بعرف اجمع بين قلبى وكرامتى
وانا وضحت ده فوق

يا جماعة الكرامة مبدا من حياة كل واحد فينا
والحب عاطفة موجودة عند كل واحد

بس ياترى مبدائك ولا عاطفتك ؟

الكرامة والعاطفة مرتبطان مع بعض

الاصل فى العاطفة عند الانسان هى الكرامة

وهكذا الحب

sympathique

04-09-2009, 12:59 AM

.. اصون كرامتي من قبل حبي ..

:)

نايس

اصون كرامتى من قبل حبى

**(elktra)**

04-09-2009, 01:06 AM

يعنى الواحد يعنى الكرامة والعقل هتغلب على العاطفة فى المواقف واللحظات الحرجة بدون اى تفكير يادكتورة

مهما كان اللى بينكم ده ايه ومش هيكون عندك اى اعتبار لاى شئ بينكم

وفعلا هتكون هى دى النهاية

طب هو جه سؤال تانى

ممكن تجمعى بين القلب والكرامة فى وقت واحد؟!
في بعض المواقف الي ممكن وتتطلب القلب والكرامة معا
ياريت اعرف رايكم ايه

بي الحمد لله دائما وابدا كرامتي فوق كل شئ
موضوع جميل
جزاك الله خيرا

riham_eg

21-09-2009, 03:09 AM

وليه منجمعش بين الاتنين اللى بيحبنى هيحافظ على كرامتى
ممهما كان هو مين
وكل واحد عارف اللى بيتعامل معاه بيحب ايه وبيكره ايه وايه الحدود اللى لو اتخطاها هتزعلوا وتضايقه وتجرح كرامته
انا عن نفسى شايفه انا لو حد مش هيحافظ على كرامتى مهما كان يبقى مابيحبنيش

EBTISAMEMOHAMMED

29-11-2009, 09:38 PM

السلام عليكم ورحمة الله وبركاته
شكرا ليك على موضوعك الجميل
فى علاقات ما ينفعش ان الكرامه تبقى موجوده فيها اصلا زى ما بين (الزوج والزوجه ،الاب والام وابنائهم ،الاخ والاخت ) العلاقات دى ما ينفعش فيها استعمال كلمة كرامه خالص ولازم يربطهم العفو والتسامح وصلة الرحم
أما بالنسبه للعلاقات اللى مابين باقى الناس فأكيد الكرامة فوق كل اعتبار بس برضه لازم يبقى جنبها بعض التسامح والعفو ويبقى من الاحسن الجمع ما بين الاتنين بس الكرامه والعاطفه فى الاول وفى الاخر مرتبطين ببعض مش منفصلين

بنت دمنهور

29-11-2009, 10:46 PM

اكيد طبعا لازم كرامتي تكون فوق كل شئ
حتى لو كان ده علي حساب قلبي
بس برضه لو قدرت بقدر الامكان اني اجمع بين الاتنين تبقى حاجة كويسة اوي
شكرا على الموضوع

dr/a.a.a.h

30-11-2009, 12:37 AM

هو فعلا سؤال محير بس اعتقد ان كرامتى فوق اي شى حتي لو قلبي هو الضحية