حاجات غريبة بس غريبة [الأرشيف] - بوابة الثانوية العامة المصرية

مشاهدة النسخة كاملة : حاجات غريبة بس غريبة

sympathique

26-08-2009, 05:29 AM

الواحد مننا كل يوم بيشوف حاجات غريبة اوى

فى الشارع فى الجامعة فى البيت

مع اصحابه فى رحلة فى اجازة

المهم ان هى بتكون حاجات غريبة

من الاخر كده ومش عاوزين نطول علشان الصيام

الموضوع ده بتاعك انت(ى) مش بتاعى انا

يلريت كل واحد حصله موقف غريب ولو كل يوم يدخل يقوله

وافتكر ان احنا الشعب الوحيد شعب المواقف الغريبة ايا كانت حلوة او وحشة

sympathique

26-08-2009, 05:33 AM

انا هحكي الموقف ده

هو موقف غبى اصلااااا بس كوميدى

مرة واحنا فى الجامعة ماشيين عادى

فكان فيه بنتين من اتحاد الطلبة عندنا ساندين على عربية وفاتحين كتب وظهرهم لنا

فواحد صاحبنا ماشى معانا عارفهم

اتسحب واحدة واحدة كده من وراهم من غير مايحسوا

وراح مادد رقبته فى وسطيهم وفجأة وبصوت اجش راح قايل

درووووووووس دى

راحت البنات مصوتة والدنيا اتقلبت

واحنا بصراحة مقدرناااااش نمسك نفسنا من الضحك

*ساسُّو*

26-08-2009, 10:00 AM

فيه حاجة حصلتلى بس مش اظن انها ممكن تحصل لحد
كنت يوم الشفوى*بنمتحن القران شفوى وتحريرى* ولسة هدخل باب المدرسة
لقيت *سورى الشوز بتاعى* اتقطع بطريقة غريبة *الجانب الشمال منه اتقطع كله كانه اتقطع بكاتر
دخلت اللجنة وانا شبه يائسة من ان حد يلحقنى قبلها
لما جيت اروح مش عرفت اكلم حد خالص
فكرت اقعد على الرصيف واقعد اعيط *مش عارفة اعمل ايه*
وفكرت فى انى اتخيل نفسي بتمشي على البحر وماشية على رمل سخن*الطريق كان نضيف بس الاسفلت سخن اوى اوى*
وفضلت على الوهم ده ولبست الشوز عشان المظهر العام بس واقع الامر انى ماشية على الارض ومش فيه شوز خالص
وروحت الحمد لله شبه حافية
بس لما روحت قعدت اعيط واضحك والحمد لله ربنا ستر
عدّت الحمد لله
بس على فكرة الشعب المصرى بالذات اظرف والطف شعب فى العالم فعلا
بيعرف يضحك حتى وهو بيتألم
شعب ظريف ودمه خفيف اوى

بروف انس

26-08-2009, 11:00 AM

طبعا انا كل الطرائف اللي حصلتلي كانت مع ناظر مدرسه الثانوي اللي معرفش الناظر بتاعتنا فاته نص عمره هو راجل ضخم عريض المنكبين فعلا مرعب وحشاش محدش من المدرسين بيقدر يكح معاه انا في مره كنت عايز اهرب فالمشكله السور عنده مدرسين فاعمل ايه روحت اتججت ان عندي درس وانا عايز امشي فبيقولي الدرس الساعه كام قولتله 11 قالي ولا الساعه اربعه اتلخبطت شويه وقلت لنفسي هو عرف الميعاد ازاي المهم تماسكت وقولتله دي حصه زياده ولازم نحضرها ولازم امش حالا علي ماالاقي مواصله لبلدنا فالمهم طلعت من بوابه المدرسه " السجن" ولسه هوصل عند اخر الشارع لقيت واحد صاحبي بينادي عليه كلم الناظر فقلت هو فيه ايه ياتري روحت هناك وهو طبعا واقف وعنيه حمرا قالي بتكدب عليا يانصاب يا كداب انا هوريك والله لارفدك من المدرسه محدش عملها معايا قبل كده والله لارفدك قلتله وبعد ماترفدني هاروح قاللي علي فصلك يا طالب المهم سالت صاحبي هو عرف منين اني ضحكت عليه قاللي لما انا شوفتك مروح قلت زمان انس اقنعه بلدرس فبيقولي الدرس الساعه كام قلتله اربعه رديت عليه وقلتله هو انا اكدب وانت تروح تقول الحق
ومن يومها وانا معنتش بروح المدرسه والغريب مفيش ولا انذار جه ولا اترفدت حتي هو لسا في طرائف كتير مع الناظر ده بس انا بكتفي بواحده المره دي

sympathique

26-08-2009, 05:34 PM

وفكرت فى انى اتخيل نفسي بتمشي على البحر وماشية على رمل سخن*الطريق كان نضيف بس الاسفلت سخن اوى اوى*
وفضلت على الوهم ده ولبست الشوز عشان المظهر العام بس واقع الامر انى ماشية على الارض ومش فيه شوز خالص
وروحت الحمد لله شبه حافية

هههههههه حلوة اوى حكاية التخيل دى

وانك ماشية على البحر

يلاااااا اديكى صيفتى ببلااش:d

sympathique

27-08-2009, 05:45 AM

هو لسا في طرائف كتير مع الناظر ده بس انا بكتفي بواحده المره دي

لالالا مينفش

واحدة ايه دى

عاوزين بقية المواقف

sympathique

30-08-2009, 05:45 AM

انا مش عارف بقى الموقف ده غريب ولا لاء

بس هو بيحصل لكل واحد مننا

وانت فى الصيدلية وخصوصا عندنا هنا فى مصر
وبتجيب دواء بروشتة من الصيدلية وتفاجئ بانسان يدخل
يحمل فى يديه ورقة بها اسم نوع من البرشام....... ويعطيها للدكتور
والاغرب من ذلك ان الكتور يقوم باحضار البرشام له على الرغم انها ليست روشتة

وعجبى!

ولسا فى مواقف غريبة

ياترى ايه اللى عندك وياترى مخبى ايه يازمن تانى؟!

sympathique

01-09-2009, 05:19 AM

فيه حاجة بتحصلى يوميا
مش عارف بقى انا اتعودت على كده ولا ايه
طبعل كلنا بنقلق بالليل ةاحنا نايمين وبنصحى
فنا دايما بقلق علطول واصحى علشان اشرب
بس قبل ما اشرب بعمل حاجة غريبة الاول
لازم اغسل اسنانى بمعجون الاول قبل ما اشرب
ولما حكيت كده لاصحابى قالولى انت ..........
بلااااااااااش احراج

riham_eg

21-09-2009, 02:55 AM

riham_eg

21-09-2009, 03:01 AM

انا عملت موقف غريب فى واحده صاحبتى يعنى مقلب
اتعصبت عليها مره فزعلت منى وبعد كده عايزه اصالحها ففكرت ابعتلها مسج
دخلت على النت ادور لاقيت رساله بتقول
انا فى المستشفى وبعمل عمليه عملية اضافة قلب اعملك ايه قلب واحد مش مكفيكى
فبعتهلها على مقطعين اول مقطع انا فى المستشفى وهعمل عمليه دلوقتى
وبعد ما دوست سند لاقيت كل التليفونات اللى فى البيت بترن وكانت الساعه 1 بالليل وبعدين سبتها شويه 5 دقايق كده وهى عماله تتصل وبعتلها المقطع التانى وبعد كده رديت عليها
كانت عماله تزعق وتضحك

BaNZeR

22-09-2009, 01:25 AM

Bent 3bdo

22-09-2009, 03:03 AM

امبارح قبل ما نزل صلاه العيد
انا كنت أتأخرت ف اللبس وبتاع
وماما كانت خلاص نازله وانا عايزة ألحقها علشان مش هروح لوحدى(عيله بقى تقولوا ايه)
روحت بقى لبست بسرعه جدا والطرحه وكلو
وماما كانت نزلت خلاص
وانا بقى خلاص هلبس الجزمه و انزل الحقها
أفتكرت انى متوضتش
معرفش كنت نازله اعمل اصلى ازاى
فكيت الطرحه بقى بسرعه واتوضيت ولبستها و لحقتها الحمد لله
بس بجد أول لما افتكرت انى متتوضتش كنت هفطس ع نفسى م الضحك(مسطوله بقى تقولو ايه)

maryam.s

23-09-2009, 01:01 AM

وانا بقى اول يم العيد علاطول العيلة بتروح بيت عمى
ودايما اختى الصغيرة تروح مع اصحابها ونحسبها تايهة وكل واحدة تدورلها عليها شوية
المهم كنت ماشية مع اصحابى لقيت واحدة من اخواتى بتتصل بتقوللى شوفى اسراء مع اصحابها ولو كانت معهم تعالى انتى وهيا عند عمو
قلتلها ماشى وفعلا طلعت مع اصحابها فبقولها يالا يا اسراء ماما عايزانا نروح عند عمو وديه باعلى صوت لااااااااااااااا عاوزة افضل مع اصحابى ومش بحب اروح هناك وطبعا حوالينا كل الاعمار راجعين من الصلاة
راحت ديه تمشى معايا شوية وتجرى شوية بشنطتها اللى لون الحلق والاسورة وهى عمالة تقوللى طب اتصليلى بماما اسمعها بتتقولى اجى وانا اجى
فالاخر وافقت راحت اول حاجة بتقولها باعلى صوت وكان قدامنا مجموعة شباب كده
مامااا
مريم فضحااااااانى :excl:
ادام اصحابى يا ماما ومش راضية تسيبنى وبعدين ديه ماشية مع اصحابها اصلا ومش راضية تعمللى اللى انا عايزاه يووه
واسراء ديه ماكملتش 9 سنين:006et4::006et4:
انا بكره دلع الاطفال ده :angry2::angry2:
_________________________
بمناسبة رسايل الموب
مرة واحدة صحبتى بعتت نفس نمط الرسالة
انا اسف مش هقدر اكمل معاكى
ولما تنزل بعد كده كتبييييييييير
مكتوب
المرسل|شعبان
خلى رمضان ينفعك;)
كمان ساعتها كانت عاملة عرض الالف رسالةيعنى بعتتها لكتيييييييييييير جدا
فنص او كل اصحابنا مانزلش لتحت
فبعتولها فيه ايه يا بنتى هو ايه اللى حصل؟؟؟؟؟ظ
واللى كلمها عشان يعرف فيه ايه؟؟؟؟؟؟؟؟
واللى بعتلها ماشى لو انتى عايزة كده براحتك :stickjo4:ومش هنكلمك وكلام من كده
وهى عمالة تضحك وتقولهم كملوا الرسالة طيب
طبعا انا موبايلى معرفش ليه بيجيبلى الرسايل النوعية ده على بعضها فتبقى وحشة:angry2:
__________________
صحيح فيه حاجة غرية بتحصل معايا
كل لما افتح راديو صوتكم ايا كان الوقت(والله)
الاقيها ساعة الميوزيك ميكس لحد مازهقت
وتعدى فترة وافتكر برامجه الممتعة افتحه والله الاقيها ساعة الميوزيك ميكس
انا فعلا زهقت من كده:(
ادعوا المرة الجاية لما افتحه يكون برنامج تانى