<div align="center">اول يوم شغل مهم فى حياة اى انسان وديما لازمه استعداد خاص

اول يوم شغل بالنسبة لى كان مختلف

صحيت بدرى جدا http://www.haridy.com/ib/images/smilies/ura1.gif ولبست البدلة ..ولمعت الجزمة.. وخنقت نفسى بالكرافتة.. ومسكت شنطة اللاب توب.

وبما اننى لااملك لا املك لاب توب فحطيت كتاب انيس منصور 200يوم حول العالم لان حجمه ووزنه جوه الشنطة يبان كما لوكان لاب توب http://www.haridy.com/ib/images/smilies/gy0000.gif

نزلت الجراج اخد عربيتى فافتكرت ان الشغل فى وسط البلد وده حايكلفنى اجرة ركن العربية فى جراج عام وده غالى http://www.haridy.com/ib/images/smilies/heat.gif

قلت ياواد بلاش تبذير وروح اركب الاتوبيس..

وانا مستنى الاتوبيس.. دعبست فى جيبى على فكة ..علشان الاتوبيس ...ملقتش
وبعدين http://www.haridy.com/ib/images/smilies/thnk0001.gif... وهنا مافيش كمسرى علشان يفك.. فلازم يبقى معاك دولار فكة تحطه فى الصندوق اللى ادام السواق

طيب اجيب منين دلوقتى دولار..?

لمحت جانبى واحدة ..قلت اترازل عليها

رحت قايل لها صباح الخير مع ابتسامة
ردت صباح الخير مع ابتسامة برضه

قلت لها الجو جميل النهاردة
ردت وهى بتترعش ياعينى من البرد ايوه ملاحظة ده http://www.haridy.com/ib/images/smilies/thnk0001.gif( نسيت اقولكم درجة الحرارة ساعتها كانت تحت الصفر)

بلعت ريقى
وسألتها الساعة كام?
بصيت على ايدى لقتنى لابس الساعة الرولكس بتاعتى.. راحت رميانى بنظرة معناها جرى ايه ياأفندى هو مافيش غيرى تشتغلوا عالصبح

رديت بسرعة وقلت لها انا اسف ...وشرحتلها الموضوع ...فضحكت
وقالت طب ماتقول كده من الصبح واتفضل ياسيدى ادى الدولار.. واتمنى لك يوم سعيد

قولتلها شكرا من كل قلبى (وفى عقلى بأقول ياسلام لو كنتى حلوة شوية كنت هبدتك موعد غرامى... بس سامحينى.... ماأقدرش )


ركبت الاتوبيس ...
والاتوبيس هنا مسرح بذاته
قعدت ورا اتنين ستات بيتكلموا ومن غير ماأقصد سمعت الحوار الاتى بينهم .....

-وبعدين بعد ما جاه متأخر قولتيلوا ايه
-ابدا بدء يغير هدومه واول ماقلع الشراب عاديكى على الريحة اللى طلعت منه ...اف اف... لاتطاق
-وبعدين قلتله روح اغسل رجلك ...رد عليا وقال ايه تعبان
ردت صحبتها معقول رد عليكى كده عينى عينك
-اه تخيلى http://www.haridy.com/ib/images/smilies/nunu0000.gifرجالة اخر زمن
-عنها ورحت مكلمة البوليس وقولتلهم جوزى بيتحرش بيا
(وطبعا القانون هنا بيمنع التحرش بالستات حتى ولوكانت حرمك المصون )
واكيد ريحة الشراب تعد تحرش هنا :D .... ربنا يرحم ستاتنا .

ماعلينا ...

وصلت الشغل
وشوفتهاhttp://www.haridy.com/ib/images/smilies/heat.gif http://www.haridy.com/ib/images/smilies/heat.gif
كانت اول واحدة ااقابلها ولو كل ستات الشغل حايكونوا من العينة دى تبقى مصيبة http://www.haridy.com/ib/images/smilies/yahoo.gif

بلاش نسبق الاحداث

ومدت ايدها وسلمت زى اى لقاء تعارف ..
قدمت نفسها انا ميشيل وحضرتك ?

مدت ايدى انا كمان وقلتلها بوند..... جيمس بوند
وعنها وراحت مسخسخة وضاحكة ضحكة ممطوطة لو عملتها نجمة الجماهير نادية الجندى فى فيلم من افلامها كانت الرقابة قصت الفلم كله موش بس الضحكة

ابتسمت وقلتلها انا اسمى وليد

ردت وقالت اسم غريب ماسمعتهوش قبل كده
قلت لها اه معناه فى اللغة بتاعتنا مولود صغير
ردت تقصد.. بيبى..?
قولت لها.. تمام كده

قالت لى خلاص من هنا ورايح حاأندهلك بيبى.. شرفت الشركة يابيبى ..عن اذنك بقى ماأعطلكش يابيبى

يا ميشييل.. ده انتى تعطلى بلد


يتبع........... http://www.haridy.com/ib/images/smilies/whistling.gif</div>

ههههههههههههههههههههههههه ايه دا يا ساره حرام عليكي ههههههههههههههههههههههه

رهيبة والله ياريت تكمليها يا سارة :)

هههههههههههههههههههه سعيدة اوي يا محمد انك اول واحد ترد عليها
هكمل ان شاء الله
بس رايحة اجيب عيال اختي من الحضانة
ييياااااااااااا دي الهم

يلا يا ساره كملي بسرعه

ههههههههههههههههههه :lol:

الموضوع لذيذ اوي

:lol: :lol: ههههههه :lol: :lol: :lol:

موضوع لذيذ :):)

كملى كملى يا سارة


انا متابعة اهو معاكى:)


جميل الموضوع:)

ساااااااااااره وااااااااايد حلوه وننتظر الاجزاء الاخرى

شكرا يا جميلة علي مرورك اللي نور الموضوع يا عسل :)
مممممممممممممم وحبي حابي شكرا يا عسل وان شاء الله الباقي جي في السكة
فطومي شكرا يا روحي علي مرورك الوايد حلووووووووووووووو :P
ههههههههههههههههههه

<div align="center">حبة... وبدء يهل الموظفين...

دورتا: بولندية... حاجة كده قمر وطبعا سلمت عليها.
بس ياخسارة متجوزة
طبعا حتسألونى طب وعرفت ازاى ?
يعنى ودى عاوزة فكاكة كانت محترمة..http://www.haridy.com/ib/images/smilies/dance.gif قصدى لابسة دبلة فى ايدها الشمال
..وانا لما باشوف الدبلة فى الشمال باعرف على طول ان ده طريق مسدود :angry: ... يعنى عيال وزوج ومشاكل وكده يعنى

بس للامانة دورتا بعد شوية حاتثبت لى العكس ..انه الزوج والعيال عمرهم مايبقوا عقبة ادام ست متجوزة.

وبلاش نسبق الاحداث ...التقيل جاى ورا ..بس انتوا خلوا الرقابة تغمض عينها :D


سرحت فى الشغل ..وانهمكت علشان اكون عند حسن ظن المدير بتاعى ..وبخاصة انه كان متوسم فيا نجاح مستقبلى باهر http://www.haridy.com/ib/images/smilies/p30.gif


وفى وسط الملفات وتكتكة الكيبورد بتاعة الكمبيوترhttp://www.haridy.com/ib/images/smilies/scenic.gif.. سمعت نقر على المكتب وصوابع ذات مخالب قصدى اظافر بتنقر على سطح المكتب

عملت نفسى موش واخد بالى .http://www.haridy.com/ib/images/smilies/whistling.gif. وقلت ادخل يالى بتخبط

وطبعا كالعادة ضحكة مجلجلة تعقبها رنة مسحوبة فى الصوت ديما مخرجين الافلام حدانا بيخلوا الراقاصات فى اى فيلم يضحكوها دلالة على الخلاعة

بس ياجماعة لما تيجى من ميشيل تبقى حاجة تانية http://www.haridy.com/ib/images/smilies/heat.gif

حلوة ياميشيل يابنت الايه

وانا غارق فى افكارى تنبهت ان ميشيل لسه بتضحك
-وقالت لى ممكن ادخل مولاى
-قولتلها حلوة قوى احنالحقنا بقيت كده مولاى خبط لزق من بيبى لمولاى
ترقية كبيرة مااقدرش عليها
-نسيت اسألك يابيبى انت منين?
-انا ياميشيل من بلاد تركب الجمال
-بلاد بتاريخ عمره 7تلاف سنه
-بيبى انت هندى http://www.haridy.com/ib/images/smilies/thnk0001.gif

-هندى مين ياميشيل دوكها بيركبوا الافيال
-صعبة يابيبى سهلها شويه

-طيب ياستى انا ساكن على ساحل البحر الابيض المتوسط
-اسبانىhttp://www.haridy.com/ib/images/smilies/yahoo.gif.. يياى.. اموت فيك يابيبى :D كان من زمان نفسى اعرف واحد اسبانى

ورفعت وشها للسقف وقالت اشكرك يالورد

يابنت المخبولة.. ارد عليها ااقولها ايه دى

-لأ ياميشيل موش اسبانى
-يووووه غلبتنى معاك يابيبى
-بس اروح اخلص حبة شغل وارجعلك

وعطتنى ضهرها ومشيت.....


دخل عليا كرش براجل... قصدى راجل بكرش... ضاحك بشوش..
بصيت على ايده مالقتش فيها ساندوتش
بصيت على الايد التانية برضه فاضية.
.غريبة :blink:
عندى صورة مرسومة فى خيالى ان كل واحد طخين وبكرش لازم يبقى فى ايده ساندوتش او هكذا علمونا مخرجيين السينما عندنا سامحهم الله


قدم نفسه الكرش.. قصدى الراجل صاحب الكرش
-انا هنرى وانت ?
-انا..موش هنرى.. :D

سخسخ الراجل على روحه :D
-...حلوة قوى هههههه...
ضحكت انا كمان وقولت له اسمى وليد
وهو لسه بيضحك قلى واضح ان احنا حنكون اصحاب بس باقولك ايه مالكش دعوة...بلورنا

-رديت انا مين لورنا دى?
وهوبرضه لسه بيضحك ..مراتى ياقفل :D

قولت اجارى الجو فقلت له يومك مسوجر ياهنرى :D

هههههه وهو بيكمل ضحك حارجعلك تانى ياوليد... تشاو.... :D



واضح ان الراجل ده مابيبطلش ضحك الا فى حالتين لما بياكل ولما بينام

وسألت نفسى سؤال خبيث ...
ايه اللى يحصل لو الراجل ده مات ?
...هههههههه...اكيد برضه حيموت من الضحك :D


كان واضح من الاول كده ان ميشيل بنت شقية ..وانا باموت فى دباديب النوع ده http://www.haridy.com/ib/images/smilies/yahoo.gif
كنت حاسس انها هيفاء وانا الواوا :ph34r:


كان مكتبى ادام مكتبها كنت ملاحظ من وقت للتانى انها بترمقنى بنظرات اعجاب

بعد كام يوم لقيتها جاية الصبح وبتسألنى
- قولى يا بيبى
-رديت على نفس النغمة يا عيون بيبى
-ردت وقالت لى بسرعة كده بقيت عيونك
-قلتلها وليه لا
-سألتنى تانى الا صحيح يا بيبى انت مرتبط يعنى عندك جيرل فرند?
-ايوه كده ياميشيل اطلعى من البيضة
تصنعت الخجل
-وقلتلها لأ.. بس فى الحقيقة.. فى ناس متكلمين عليا

بصيت لى باستغراب :blink:
-وقالت لى ..وليه الناس يتكلموا عليك انت بتعمل حاجات غلط ..
..اوعى يابيبى.. ازعل منك بعدين

-لأ ياميشيل انتى فاهمة غلط.. ده تعبير بنستخدمه فى بلدنا .
-اه ...طيب جاوب بقى... مرتبط?

-طيب قوليلى الاول بتسألى ليه?...انتى معجبة والا حاجة.?
وغمزتلها بعينى كما لو كنت عمر الشريف والا حاجة :rolleyes:

تصنعت الغباء وقالت
-لأ يابيبى انت فاهم غلط

-انا :آى.. خدعونى قلبى وعنايا... واللى افتكرته جوه فى قلبى ..اتاريه موش ليا .. ..اتاريه موش ليا ... زى سيد درويش ما كان بيقول.. B)


جاه تليفون لميشيل فى المكتب بتاعها فستأذنت وسابتنى ..

وده برضه وقته يا ميشيل http://www.haridy.com/ib/images/smilies/old.gif


بس انتم تفتكروا ايه معجبة وبتدارى والا ايه ?
طيب ليه سألتنى كل الاسئلة دى

فى انتظار اجابتكم
وخلوا الاجابات تشطح بعيد علشان هى كانت بتسألنى كل الاسئلة دى لحاجة ابعد من خيالكم

عرفتوا ايه هى

الاجابة بعد فاصل الاعلانات

بيبسى... حاجة ساقعة.. كازوزة... لب...... تسالى .....ترمس... B)

يتبع...... :ph34r: </div>

حلو يا سارة:)

كملى ..>>>>>>>>

انا قريت الجزء الاول يا سارة وان شاء الله هبقى أقرا الجزء التاني بعدين علشان تعبان شوية وان شاء الله أكمله وأقولك رايي

ايه الجمال ده يا بت

هههههههه

جميل اوى


و انا مستنيه الجزء الجاى

بس بعد الفطار بقى

علشان عينى وجعتنى من القرايه

هههههههههه

شكراااا ليكى

ومنتظرين البقيه

إيه دا كله إيه دا كله إيه المجهود الجبار دا يا سارة :P
أنا لو منك أروح أرشح نفسى لأكبر جائزة فى العالم :) :D

جميل الموضوع يا سارة.. مستنيين البقية بإذن الله...

زيزو
شكرا اوي لمرورك وياريت تكمل وتقولنا رأيك ايه :)

ايه شكرا يا عشل علي مرورك العشل :D
نورتي والله

حنونة شكرا يا سكر لمرورك وان شاء الله هكمل :)

علا شكرا اوي لمرورك والباقي جي في السكة :ph34r:

بعد ماميشيل خلصت التليفون سابت مكتبها ونزلت على طول.... كده من غير سلام ولاكلام
..هيا ايه الحكاية http://www.haridy.com/ib/images/smilies/thnk0001.gifده انا اللى بسأل نفسى

وانا سارح لقيت دورتا واقفة قدامى ومن غير مااقصد لقيت نفسى فى البلكونة عندها وهى كانت فاتحة الشبابيك :unsure:

ايه ياستى انتى ده انتى ماعندكيش اى نوع من الحيا :angry: ... ده انا كنت لسة باقول عليكى محترمة

دورتا كانت بتتعامل معايا بتلقائية شديدة..

وسألتنى وده ماجاش على بالى
-واضح انك مهتم بميشيل
السؤال كان مفاجاءة لى لانى كنت باحاول انى كمان ابدو طبيعى فى تعاملاتى مع كل اللى حوليا

دورتا: ميشيل شقية وانانية واكيد لما توثق علاقتها بيك حاتستغلك ..خد بالك.. انا اعرفها اكتر منك

وسابتنى ومشيتhttp://www.haridy.com/ib/images/smilies/bud.gif .. وكانها تمت مهمتها على اكمل وجه... وصحتنى من حلم جميل http://www.haridy.com/ib/images/smilies/vava.gif


وليييييد......وليد...ده هنرى كان بيندهنى..من ورا مكتبه
-ايوه ياهنرى.. رديت انا
قلى ..افتح الاميل بتاعك باعت لك ملف مستعجل ومحتاج حبة اهتمام منك ..وابقى اشكرنى بعدين http://www.haridy.com/ib/images/smilies/old.gif
وببراءة الاطفال فتحت الاميل علشان الاقى حبة صور ستات
بصيت له بمعنى ياعم هنرى احنا فى شغل محترم ..عيب http://www.haridy.com/ib/images/smilies/warning.gif
افتكر انى مبسوط..
فقلى ..-حاابعتلك تانى
-لأ ياعم شكرا انا موش بتاع الحاجات دى.

فبص لى بنظرة غريبة
- وقال لى.. اه ..فهمت...

تانى يوم الصبح ..صحيت نشيط

وواقف على محطة الاتوبيس ..والاقى مين جاى عليا الست اللى اخدت منها الدولار فاكريناها?
طبعا بما انها صاحبة فضل عليا كان لازم ابتسم لها :)

وطبعا هى استغلت الموقف ودخلت فى صباح الخير.. وانت ساكن هنا?.. انا كمان... الله.. طلعنا جيران ..ابصر ايه ..مدرك ايه..........

الاتوبيس جاه عملت فيها راجل ودفعت لها علشان مايبقاش فيه حد احسن من حد ..وحاولت ااقعد بعيد عنها
لكن الصدفة ماكانتش حلوة قعدنا جنب بعض..وهيا هاتك يارغى اكلت ودانى لمدة نص ساعة...
كل اللى طلعت بيه وفاكره كان اسمها.

اسمها كان صعب ان انساه.. اصله فكرنى بالذى مضى.. اسمها كان مونيكا.. بس من غير لوينسكى

وصلت الشغل بصيت على مكتب ميشيل ماكانتش موجوده صبحت على الموجودين وقعدت على مكتبى

سرحت تانى فى ميشيل.. ياترى ايه اللى حصل وماجاتش ليه النهاردة?

ماكانش ادامى غير دورتا ومين غيرها بعد ما هنرى اخد فكرة حلوة عنى انى ماليش فى الستات ..وبدء يخفف تعامله معايا..

دخلت على دورتا

-صباح الخير
-ازيك النهارده..
- فيكى حاجة جديدة النهاردة يا دورتا ...فستان جديد ده?

دورتا انشكحت خالص وواضح انى بسؤالى ده صحيت عندها حالة الانثى فانتبهت وقالت لى
- لأ.. موش جديد ولا حاجة ..عجبك?
قلتلها يجنن عليكى

-وشعرك النهاردة مختلف انتى غسلتيه والا حاجة?
..واه من لسانى طبعا كنت باهرج لكن الغريبة انها افتكرتنى باتكلم جد
وجاوبت ..لا

لحد هنا وماكانش ينفع ماادخلش عدل فى الموضوع
وبدون لف سالتها
- هى ميشيل عيانة?
-اه هو انا ما قولتلكش?
-لا ماقولتيش..طب موش المفروض نكلمها نطمن عليها?
دورتا:انت شايف كده?

فى عقلى الناس دى مابتفهمش ..والا انا اللى ميشيل وحشتنى وعاوز اشوفها?

من غير مانضيع وقت كلمنا ميشيل موش فاكر هى قالت ايه او انا رديت ازاى
بس كنت سعيد لان ميشيل سمحت لى ازورها فى بيتها وكمان قالت لى وحشتنى يابيبى http://www.haridy.com/ib/images/smilies/heat.gif

وانا رايح ازورها فكرت اخد بوكيه وردhttp://www.haridy.com/ib/images/smilies/give_rose.gif

دخلت محل الورد اللى كان ادام الشركة اللى انا شغال فيها

تخيلوا لقيت مين واقف يبيع ورد .....
....موش حتصدقوا مين...??????



يتبع... :ph34r:

اعتقد انه الراجل أبوكرش يا سارة

والله اعلم

بس يا ريت تكملي علشان عايزين نعرف الباقي

هههه

مش عارفه


يلاااااااااااا مستنين الباقى

شكراااااااااا يا بت

:rolleyes: :rolleyes: كملى كملى

صحيح ميشيل كان عندها دور انفلونزا ولا كحة بعد الشر :lol: :lol: :lol: هههههه


كملى كملى يا سارة :rolleyes:

أنتى وقفتى لييييه يا سارة

يلا كملى

الموضوع شكله جامد أوى

هههههههههههههههههههههههههههه

موضوع كويس

هههههههههههههههههههههههههههههههههههههههههههههههههه هههه
تجننى ياسارة مش ممكن
موضوع شربات
ياريت تكملى :D

ههههههههههههههههه لا الموضوع حلو اوي اوي اوي

ياريت تكملي يا ساره

انا جييييييييييييييييييييييت :)
احب اشكر كل اللي ردوا علي الموضوع :)
ونبدأ بحابي وزيزو واية واشكرهم علي المتابعة :)
وشكر حار للي اول مرة يردوا
maioy
داليا
بسبوسة
ميدو او مساميدو
وعقبال عندكو في الافراح ان شاء الله
والبقية في السكة :ph34r:




<div align="center"> :) :)

دخلت محل الورد اللى كان ادام الشركة اللى انا شغال فيها

تخيلوا لقيت مين واقف يبيع ورد .....
....موش حتصدقوا مين...??????

طبعا واحدة ماعرفهاش بتاتا

-صباح الخير...
-من فضلك كنت عاوز بوكيه ورد كده ....بس يكون حاجة كده على ذوقك
*طيب حضرتك قلى المناسبة بتاعة الورد علشان اختار الانواع والالوان

-رايح ازور واحدة صحبتى بعافية شوية عقبال عندك ...قصدى بعيد عنك
*على فكرة انا ****به عليك

-فى الحقيقة انا شغال فى الشركة بتاعة التأمين اللى ادام المحل بتاع حضرتك
*عرفتك.... انت بقى وليد

(هو مافيش حاجة بتستخبى فى البلد دى ياربى) http://www.haridy.com/ib/images/smilies/yahoo.gif

-وكمان عارفة اسمى
*جوزى حكى لى عنك
-جوزك???
*انا لورنا مرات هنرى زميلك فى الشغل

-اه..... اهلا وسهلا لورنا... سعيد انى شوفتك
-دلوقتى بس عرفت ليه هنرى قلى ابعد عنك واضح ان هنرى بيفهم فى الستات زى مابيفهم فى الاكل ...اسف مااقصدش كان بس قصدى اقول ان ذوقه كويس فى الستات

*مجاملة رقيقة منك ياوليد واكون سعيدة لو جيت زورتنا مرة فى البيت
-اكيد..لورنا ... بس خلى جوزك يغير فكرته عنى الاول

ضحكت لاول مرة..بجد ضحكتها حلوة وهى كمان معسلة

ايه الحكاية ...هى كل النسوان الحلوة متاخدة فى البلد دى والا ايه..... ده انا اللى باقول نفسى

لورنا :اوكيه ياوليد ..دى بس علشان اول مرة تشرفنى ..انا حاديك تخفيض 10%

-شكرا ياعسل انتى ياعسل

دفعت ومشيت...
وصلت بيت ميشيل.
رنيت الجرس ...
فتحت الباب...
اول ماعنايا وقعت عليها... ابتسمت
قلت لها ...

-عينى عليكى باردة.. لو كل اللى بيعيوا بيحلوا كده ..انا حااعيا من بكرة
-ده انتى من كتر جمالك ماعرفتكيش..متأكدة انك ماكنتيش من ضمن المرشحات لملكة جمال العالم اللى ذاعها التليفزيون امبارح
-ثانيا انتى طولتى فجاءة كده ليه http://www.haridy.com/ib/images/smilies/thnk0001.gif

اتبسمت وبعدين ضحكت ....
وقالت لى
* بكاش.. ودمك خفيف.. زى ما ميشيل حكيتلى عنك
*انا سوزى صاحبة ميشيل
*اتفضل ياوليد هى مستنياك

موش محتاجة شرح دى كانت صحبتها وانا كنت باهزر معاها قال يعنى حسبتها ميشيل..... كله اونطة ...والاجانب يموتوا فى الاونطة

ماعلينا

نقول يتبع........
والا تزعلوا

طيب خلاص كنت باهزر.... نكملhttp://www.haridy.com/ib/images/smilies/scenic.gif

قعدت على الانتريه... شقة صغيرة ..بس منظمة ...ماكانش فيه عفش كتير.. لكن كل قطعة اثاث تبدوا كما لو كانت صنعت من اجل ميشيل

صحيت من افكارى على صوت سوزى بتسألنى
*تحب تشرب ايه?
-شاى وحياة ابوكى ويكون فى الخمسينة
ضحكت وقالتلى..موش فاهمة يعنى خمسينة دى
-سورى سوزى... قصدى شاى

(ساعات الواحد يحس ان موش كل وقت تستظرف)

بصيت حوليا ..امال فين ميشيل.?.سألت فى سرى وبعدين اطلقتها جاهورى

فجانى رد سوزى وهى جايبة فنجان الشاى ..
بتكلم البوى فرند بتاعها

كانت صدمة !!!!!!!!!!!!!!
سألت سوزى بسرعة هى ميشيل عندها بوى فرند?

ساعتها اتمنيت ان سقف البيت يقع على سوزى قبل ماترد
بس خسارة موش كل حاجة تتمنها ممكن تتحقق ...السقف ماوقعش على الحيزبون سوزى

بالعكس نبرتها فى الكلام اكتسبت حيوية وقوة وهى بترد... ايه ده ..انت ماتعرفش?

وقبل مااجاوب....

دخلت ميشيل..

واسمحولى اكمل بالفصحى اصلى من زمان نفسى ااقول الجملة دى بس خايف من الرقابة (يجعل كلامنا خفيف عليهم... قصدى السادة الناضورجية)

طلعتونى من المود... اوكيه... ركزوا معايا ....

ميشيل اول مادخلت...هس ...سكوت ....


دخلت ميشيل.... وبعدين






يتبع........ http://www.haridy.com/ib/images/smilies/whistling.gif</div>

يا عينى عليك يا وليد :(

طلع عندها boyfriend ;)

ها كملى يلا حصل أيييييه

جميلة جدا يا سارة

اسف على التاخير

انا عاشق لليوميات

وحتى اسألى عنى

منتظرين البقية

ههههههههههههه

وهل يخفي القمر يا استاذ مجدي

وعلي فكره يوميات لذيذه اوي يا ساره

منتظر المزيد
.
.

شكرا لmaioy
ولمساميدو علي المتابعة

وشكرا لاستاذ بورسعيدي اللي اول مرة يشرفني بالرد علي موضوع :)

ونكممممممممممممل :ph34r:


<div align="center">دخلت ميشيل...

وارتبكت للحظة.. لم ادرى ماذا افعل :ph34r: فوقفت.. ومددت يدى لاسلم عليها ...
وفى غفلة منى http://www.haridy.com/ib/images/smilies/dntknw.gif...وفى لهفة وشوق منها....اسرعت الخطى نحوى..... طوقتنى بذراعها ....وطبعت قبلة على خدى.... وارتبكت.... وعلا وجهى حمرة الخجل .....ولم اكن اتصور انا اؤخذ على غدر http://www.haridy.com/ib/images/smilies/heat.gifطب صفرى ياميشيل ...زمرى قبل ما تعبطينى كده :blink:


ازيك يابيبى..... ده ميشيل اللى بتقول

-ازيك انتى ياميشيل.. سلامتك الف سلامة...عاملة ايه? كل الناس اللى فى الشغل بتسأل عليكى

*متشكرة جدا يابيبى ...ماكنتش متخيلة انك حاتيجى لحد هنا علشان تطمن عليا.....

ولقطت الورد من ايدى تخيلوا من ساعة مادخلت وانا ماسك الورد http://www.haridy.com/ib/images/smilies/close_tema.gif

*جميل ذوقك اوى يابيبى
-انتى الاجمل ياميشيل


موش فاكر بعد كده اتكلمنا قولنا ايه... بس كان كلام خفيف عن الحياة شوية.. وعن نفسى شوية.. ومن وقت للتانى سوزى كانت بتشارك بالكلام... واضح انها انسانة لطيفة ...ومؤدبةhttp://www.haridy.com/ib/images/smilies/on_the_quiet.gif قصدى مؤدبة جدا :D ....ودوسوا على جدا ..وخليكوا فاكرين انى بأقول مؤدبة لحد مايثبت العكس ..وانصحكم ماتغركوش المظاهر http://www.haridy.com/ib/images/smilies/nunu0000.gif


ماعلينا .....

قمت وقفت ..واستأذنت انى امشى.. سلمت على سوزى
وبعدين ميشيل سلمت عليا ..وفضلت ماسكة ايدى لحد ماوصلنا باب الشقة

وشكرتنى مرة تانية وفجاءة قالت لى.....
*وليد نسيت اأقولك فى عميل كان عندى ميعاد معاه بكرة فى الشركة ممكن تقابله بالنيابة عنى..وتعمل معاه اللازم ..وماتخفش نسبتك فى بوليصة التأمين محفوظة..


احلى حاجة بتعجبنى فى الناس دى ان التعامل لما يجى للشغل لازم يكون رسمى http://www.haridy.com/ib/images/smilies/scenic.gifمن ساعة مادخلت وميشيل بتندهنى ببيبى لكن لما جاه شغل على طول كلمتنى باسمى


وعدتها انى حااقوم باللازم ...وودعتها.http://www.haridy.com/ib/images/smilies/kap.gif. ومشيت

وصلت البيت ..وخير الله اما اجعله خير.. ياساتر يارب...
فيه ورقة ملزوقة على باب الشقة
ايه ده :blink: اعلان من محضر بدفع نفقة مستحقة ..هى كندا برضه فيها النظام ده

والا خيبة http://www.haridy.com/ib/images/smilies/mosking.gif تكون فيها اعلان بالطرد من الشقة ..ده انا لسة مأجرها

فتحت الورقة بسرعة http://www.haridy.com/ib/images/smilies/budo.gifوقعدت عالكنبة ااقرا ايه اللى فى الورقة


عزيزى..وليد
اسفة انى جيت من غير ميعاد
لكن احنا جيران وكنت عملت فطيرة تفاح فقلت اعدى عليك واذوقها لك كانت ح تعجبك اوى بس خسارة مالقيتكش
عموما المرات جاية كتير
امضاء
مونيكا

هههههه :D ضحكت ..هم برضوا الاجانب عندهم الحاجات دى...
كويس الواحد من هنا ورايح ح يستغل مونيكاhttp://www.haridy.com/ib/images/smilies/mosking.gif والامر مايسلمش.. يمكن احتاج حبة سكر حبة.. ملح ..آهو برضوا الجار للجار

فيه صوت غريب ايه ده :blink: ..بيب بيب بيب.. صوت رفيع.. بيب بيب بيب
اه ...ده صوت الانصرماشين ..ومين بقى ده اللى سايب لى رسالة ده :blink:

دوست على الزرار

هاى يابيبى... لما توصل البيت كلمنى ضرورى عاوزاك فى حاجة مهمة..

دى ميشيل
بسرعة طلبتها
-خير يا ميشيل ايه اللى حصل?

*مافيش حاجة يابيبى ماتقلقش
*كنت عاوزة اسألك ايه رايك فى سوزى صحبتى
-كويسة... ليه بتسألى?

*تصور يابيبى انها معجبة بيك
-لأ..بجد ياميشيل
*بجد يابيبى ..وكمان طلبت منى انى اديك رقم تليفونها علشان تكلمها
-طيب واما اكلمها ااقولها ايه?

*ده كلام برضوا يابيبى.. بقى انا اللى حاأقولك تقولها ايه ..كلمها واعزمها على سينما ..وبعد كده اعزمها على العشا ...وبعدين انت عارف الباقى يابيبى ..والا دى كمان حااقولهالك

*بيبى ...بيبى...... ساكت ليه?
-بافكر ياميشيل...
*طيب يابيبى.. حاأسيبك تفكر وانا ادخل انام.. تصبح على خير يا بيبى
-وانتى من اهل الخير يا ميشيل

وقفلت السكة

ومددت على السرير.... افكر... ياترى حاأعمل ايه بكره فى اول موعد غرامى فى كندا....



يتبع........... </div>

هي كندا مفيش فيها رجالة غير وليد ولا ايه ؟؟ ولا ايه الستات دي كلها انا بقيت بتوه فيهم

هي مونيكا دي طلعت منين

طيب اما نشوف هيعمل ايه في اول موعد غرامي

شكرا يا ساره ومنتظر المزيد

صحيح ياترى هايعمل ايه ؟

منتظرين البقية

واسف ان كانت دى اول مشاركى لى فى احد موضوعاتك

<div class='quotetop'>إقتباس(msamido @ Oct 30 2006, 11:27 PM) 236658</div>
هي كندا مفيش فيها رجالة غير وليد ولا ايه ؟؟ ولا ايه الستات دي كلها انا بقيت بتوه فيهم

هي مونيكا دي طلعت منين

طيب اما نشوف هيعمل ايه في اول موعد غرامي

شكرا يا ساره ومنتظر المزيد
[/b]



اه صحيح هى كندا مش فيها رجالة غير وليد

و مين مونيكا

ما علينا


يلا كملى





بسرعة متغيبيييش :)