مشاهدة النسخة كاملة : صيدلة الاسماعيليه


Dr\heba
26-08-2009, 11:56 PM
الى كل طلبة صيدلة الاسماعيليه ازيكم ان شاء الله تكونوا بخير انا عاملة الموضوع ده لطلبه لا لدكاتره ان شاء الله صيدلة الاسماعيليه حتى يفيدو بعضهم ويتعرفو ويتبادلو الخبرات والمعلومات ويا ريت لو اى دوك من صيدلة الاسماعيليه يدخل يعرفنا بنفسه

(على فكره يا جماعه انا باهدى الموضوع ده للدوك /منه صيدلة الاسماعيليه ده هديه منى ليها)
:bosyht9::bosyht9::bosyht9::bosyht9:
:blush::blush::blush:
:av4056bb7jp3::av4056bb7jp3:
;)

dr/amera
27-08-2009, 12:13 AM
شكراااااا..........بس كااان واجب برده تفتكرينى ولا أروح؟؟؟؟؟؟؟؟؟

Dr\heba
27-08-2009, 12:19 AM
لا لا لا طبعا ازاى هو انا اقدر انساكى وبعدين الموضوع لكل الدكاتره اللى زى الفل بتوع صيدلة الاسماعيليه وانتى اولهم ياعسل

dr/amera
27-08-2009, 12:30 AM
..يا ستى ولا يهمك ..

الصيادله الاسمعلاويه اللى عرفتهم
هماااا.....
dr semesa
ايمان أحمد
hanamontana
kindgirl

الشفق الباكي
27-08-2009, 12:43 AM
ربنا معاكم بجد
واانا داخله مخصوص علشان منه
واقول انا معاكوا اهو بس للاسف انا المنصوره
ومعرفش اى حاجه عن اسماعيليه
تشجيع بس
ربنا معاكم ان شاء الله وبالتوفيق

Dr Dero
27-08-2009, 01:19 AM
وانا من صيدله اسكندريه واكيد هدخل يعنى اتكلم معاكو يا دكتوره هبه ولا ليكى راى تانى

Dr\heba
27-08-2009, 01:20 AM
لا لا طبعا انا اقدر اتكلم
انتى حتضربينى ولا ايه

Dr Dero
27-08-2009, 01:21 AM
لا لا هو انا اقدر برضه بس انا قلت اخوفك برضه

د. رغد
27-08-2009, 02:08 AM
جزاكي الله خيرا د/ هبة
حقيقي متشكرة علي انشائك للموضوع
و اتمني وجود مشاركة فعالة من جانب الاعضاء و
يا ريت اللي يعرف معلومة يقولها حتي نستفيد جميعا ان شاء الله

د. رغد
27-08-2009, 02:10 AM
شكرا ليكي يا د/ مني علي تشجيعك ليا
ان شاء الله ربنا يوفقك في صيدلة المنصورة و تفيدينا بكل جديد ان شاء الله

Dr\heba
27-08-2009, 02:11 AM
لا شكر على واجب ده اقل ما اقدمه لاصحابى

د. رغد
27-08-2009, 02:23 AM
اهلا بالدوك/ charmed girl

Drsara
27-08-2009, 04:33 AM
حبيبى والله ربنا معاكو يا احلى دفعة صيدلة هتجبها مصر ان شاء الله بالجهد والتعب والصبر والاعتمادعلى الله نعم الوكيل والنصير اللهم وفقنا لما تحبة وترضاة امين يارب د-سارة صيدلة طنطا

Dr.KaJoo
27-08-2009, 04:43 AM
انا كان ليا صاحبى فى الاسماعيليه بس حول المنصوره
وهو لسه ندمان للوقتى

بيقول صيدلة الاسماعليه سهله اوى اسهل من المنصوره بكتييييير

انا فى صيدلة المنصوره و الحمد لله :d

د. رغد
27-08-2009, 04:45 AM
ازيك يا دوك سارة
منورانا
ربنا يوفقك ان شاء الله
و لو تعرفي معلومات عن صيدلة اسماعيلية قوليها
لحسن الواحد مش عارفلها حاجة

Drsara
27-08-2009, 05:08 AM
الحمد لله اصحابى لقيوا ملتقى وانا هتطفل عليكم ممكن تقبلونى ضيفة سلام

د. رغد
27-08-2009, 05:09 AM
اهلا بيكي يا دوك
تنورينا

Drsara
27-08-2009, 05:35 AM
بصى يا ستى اعملى اية فيه منتدى اسمة عالم الصيادلة ومنتدى اسمة صيدلى المستقبل ومنتدى اسمة صيادلة اليوم فيهم ناس كتير صيادلة ممكن يكون هناك اسماعلية وكمان اعملى سيرش عن صيدلة الاسماعلية ابذلى جهد فى البحث عمرك ما هتغلبى لكن سمى الله قبل اى حاجةاوكية والله كلكم انا بحبكم جداااا لكنكم فعلا كلكم ناس محترمة الحمد لله واى خدمات يا ستىو الكل انا فى الخدمة سلام

د. رغد
27-08-2009, 04:01 PM
جزاكي الله خيرا د/ سارة

dr_mido 2050
29-08-2009, 12:05 PM
اهلين اهلين بالاحباب الصيادله بيزيدوا كل سنه ربنا يبارك كده
طيب يا جماعه انا لسه اعدادى بس معرفش حد خالص يا ريت لو حد اعدادى يعرفنى بنفسه

dr/amera
30-08-2009, 12:52 AM
كفايه تعارف يا جماعه ندخل فى الجد

اهداء ليكى يا (جنا _منه_ياسمين) كايندجيرل عشان كنتى عايزه المحتوى الدراسى

نبدأ بالفيزياااااااااااااء



هنبدأ ان شاء الله اول حاجة بالسكاشن

اول حاجة سكاشن الفيزياء

كله طبعا ركبه بتخبط فى بعضها اول لما جبنا سيرة الفيزياء

سكاشن الفيزياء على الرغم من انها طويلة بس ان شاء الله تكون سهلة ليكم

عندكم حوالى 18 تجربة بيتقسموا على كذا معمل وهم:



حرارة وخواص مادة



الكهربية



الصوت والضوء



المغناطيسية




من امتع المعامل اللى هتشتغلوا فيها هى معامل الصوت والضوء والكهربية فيهم اسهل تجارب والتانيين برده سهلين بس مش زى دول

بتغيروا المعمل بعد لما تخلصوا كل التجارب فيه ومش بترجعوله تانى غير فى الاخر

بالنسبة لاماكن المعامل فمعمل الحرارة وخواص المادة ومعمل الكهربية فى اول دور اما معمل الصوت والضوء ومعمل المغناطيسية فدول فى دور تحت بتنزلوا من سلم

كل مرة بتشتغلوا تقريبا تجربتين خلال ساعتين يعنى تقريبا كل تجربة ساعة وان شاء الله تخلصوها فى وقت اقل





فى المعمل بتحتاجوا معاكم الادوات دى :

· مذكرة المعمل (ودى بتحجزوها من امين المعمل الموجود عند معمل الحرارة وخواص المادة ) وضرورى تكون معاكم كل مرة وتتأكدوا من صحة نتايجكم من المعيدين اول بأول

· قلم رصاص علشان تكتبوا بيه ومحاية

· مسطرة لان فيه رسم بيانى لغالبية التجارب

· آلة حاسبة وييفضل تكون فيها sin & cos لانكم بتستخدموهم

· طبعا البالطوا الابيض الجميل واللى من غيرهم ممكن مش تدخلوا المعمل

· واخيرا الكارنيه علشان تقدروا تاخدوا من امين المعمل اى ادوات بتكون مش موجودة فى المعمل زى الترمومتر وساعة الايقاف



نبدا بقى كأول مرة داخل معمل بعد ما عرفت مجموعتك وخلاص هتشتغل العملى :

بندخل نلبس البالطو الابيض ونشوف اول جهاز كمبيوتر فاضى ونقعد عليه

المعيد كل مرة بيحدد التجارب المطلوب من كل اتنين يعملوها سوا

بيكون مكتوب باسورد ويوزر على السبورة دول بنستخدمهم علشان ندخل على قسم الفيزياء من على الكمبيوتر علشان نعمل حاجتين :



اول حاجة هى اننا بنسمع التجربة اللى مطلوب مننا اننا نعملها وبنشوف ازاى بننفذها
تانى حاجة علشان بعد لما نخلص التجربة بنعمل حاجة اسمها simulation او المحاكاة


ودى عبارة عن اننا بننفذ التجربة بس على الكمبيوتر وطبعا بتكون النتائج اكثر دقة من اللى بتطلع معانا فى المعمل





بعد ما سمعنا التجربة بنشوف المكان اللى هنشتغل فيه واللى متواجد فيه ادوات التجربة




اى حاجة ناقصة بنسأل المعيد عليها وهو بيقولنا مكانها فى المعمل او ان كنا بنجيبها بالكارنيه من امين المعمل






نصيحة بلاش ننام جنب التجربة يعنى مش نقف نتكلم فى المعمل ونحاول نستغل الوقت على قد ما نقدر


نصيحة كمان مهمة :



بلاش نحس باحباط لو التجربة مش طلعت من اول مرة




فيه تجارب بتاخد وقت طويل فى شغلها وممكن مش تطلع مظبوطة فى الاخر وبلاش نفبرك الارقام من الجهاز علشان المعيد بيعرف




بعد لما بنطلع النتائج وبنكتبها فى المذكرة بنرسم الرسم البيانى لو طلبه وبعدين بنتأكد من النتائج من المعيد




لو كانت مظبوطة خير وبركة بنشتغل التجربة اللى بعدها وفى النهاية بنعمل المحاكاة للتجربتين

طبعا فى البداية المعيد بيفهمكم ازاى تعملوا المحاكاة ولو مش قال اسألوه اكتر من مرة

وبكده يكون عدى اول يوم سكشن فيزياء على خير وان شاء الله يكون سهل جدا بس تنفذوا الخطوات دى








منقووووووووووووول

د. رغد
30-08-2009, 02:47 AM
جزاكي الله خيرا
بس هو ده عندنا في صيدلة اسماعيلية
اول مرة اسمع ده

dr/amera
31-08-2009, 02:17 PM
أيوووووووووووووه ده عندناااااا

د. رغد
31-08-2009, 10:45 PM
طب كويس
شكرا يا دوك

dr/amera
02-09-2009, 02:23 PM
http://www8.0zz0.com/2008/09/26/22/116945822.gif

معلش اني اتاخرت عليكم وانا ان شاء الله هاكمل الموضوع وهاوضحلكم ماده الحيوان http://www.phmcy.com/vb/images/green2/smilies/happy.gif
ماده الحيوان عبارة عن أربع فروع :
invertebrates and parasitology: طفيليات ولا فقاريات
histology and cell biology : علم الأنسجه والخليه
chordates:الحبليات يعني الكائنات اللي ليها حبل ظهري
physiology: علم وظائف الأعضاء

انا باقول الفروع عشان اوضحلكم هتاخدوا ايه عملي انتو هتاخدوا عملي في أول تلاته بس الفسيولوجي مافيهوش عملي

http://www8.0zz0.com/2008/09/26/22/525917158.gif (http://www.0zz0.com/)

بالنسبه لعملي الهستولوجي والاناتومي فهو جزئين أول جزء هايبقى التشريح هتاخدوا فيه العظم بتاع الضفدعه وبعدهاهاتشرحوا فيه ضفدعه على حوالي 5 مرات تقريبا ( يعني هاتغتالوا خمس ضفادع بحالهم http://www.phmcy.com/vb/images/green2/smilies/tonguee.gif) والمفروض تعملوا ايه :
1- لازم كل مرة تجيبوا البالطو معاكم دي اساسي في اي سكشن http://www.phmcy.com/vb/images/green2/smilies/closedeyes.gif
2- هتاجيبوا ادوات تشريح وهي عبارة عن مقص ومشرط وملقاط ودبابيس تشريح وطبعا معاكم لازم الجوانتيات عشان مايجيش على ايديكم دم الضفدعه http://www.phmcy.com/vb/images/green2/smilies/happy.gifhttp://www.phmcy.com/vb/images/green2/smilies/tonguee.gif والحاجات دي كلها تقدروا تشتروها من كشك كده جنب مبنى المدرجات بمجرد انكم تسألوا عن الكشك اللي بيبع الادوات هاتعرفوا مكانه

بخصوص جوة السكشن بقى:
1- تركيز تام مع شرح المعيد لأن من غير الشرح مش هاتعرفوا تتصرفوا وياريت تكتبوا وراه وترسموا وتتبعوا تعليماته في التشريح بالضبط
2- لو ماعرفتوش حاجه في التشريح اسألوا الدكتور براحتكم مش هايقول حاجه احرصوا على انكم ماتخرجوش الا وانتم فاهمين كل حاجه لأن مش هاتتشرح تاني ابدا http://www.phmcy.com/vb/images/green2/smilies/closedeyes.gif
3- امشوا خطوة بخطوة في التشريح وماتخافوش لانه سهل جدا والضفادع أليفه قوي http://www.phmcy.com/vb/images/green2/smilies/wub.gif ولو ماعرفتوش تشرحوا روحوا للدكتور يفهمكم .

.................................................. ............

ده اول جزء تاني جزء بقى هايبقى أنسجه وخلاايا هايكون نظام عينات وتتعرفوا عليها بس محتاج تركيز لأنها عينات صغيرة قوي والتعرف ساعات مابيبقاش واضح :
1- لو عينة مش واضحه ماحدش يسيبها ويمشي لا خليكوا واقفين عندها واندهوا للدكتور واسألوه العينه دي ممكن توضحها طيب نتعرف عليها ازاي ايه مميز فيها .
2- لو عايز تثبت المعلومه احضر مرة تانيه مع مجموعه تانيه مفيش مشاكل

بيتطلب منكم كومنتات على العينات اللي بتشوفوها يعني مثلا شوفتوا عينه معينه توصفوها تقولوا فيها ايه تتكلموا عنها كده ( يعني خضرة وباستك من فوق كده http://www.phmcy.com/vb/images/green2/smilies/whistling.gifhttp://www.phmcy.com/vb/images/green2/smilies/wiink.gif) وده في الهستولوجي بس
http://www8.0zz0.com/2008/09/26/22/525917158.gif (http://www.0zz0.com/)

كده خلصنا من الهستولوجي والاناتومي دي اتقل ماده عملي لانها اكبر واحده فيهم وعليها درجات كتير

بالنسبة لعملي chordates :
_الماده بتتكلم عن الكائنات اللي ليها حبل ظهري بداية من اكتر الكائنات بدائيه وصولا للانسان اكثرها تطور.
_هايبقى نظام السكشن في البدايه هاتشوفوا عينات وفي شرح كتابه ومن الملزمه ويوضحلكم ويعرضلكم صور على الداتا شو وهاتلاحظوا ان من مذاكرتكم للنظري تفهموا العملي والعكس لأن الاتنين مرتبطين ببعض جدا فماتفوتوش حاجه سواء نظري او عملي .

بعد كده هايبدأ الدكتور يجيب كام كائن يتم تشريحهم( هو اللي هايشرحها مش انتم ) زي السحلية وسمكة البلطي والأرنب
في الامتحان هايكون في اسئله تعرف على العينات وهاتكون سهله ان شاء الله وكمان هايطلب منكم تتعرفوا على اعضاء جوة الكائنات دي فماحدش يقرف ويقول لا مش هابص عليها لازم تبصوا عليها جزء جزء عشان تعرفوا تتعرفوا على الاعضاء اللي جوة
ومهم جدا حفظ الرسومات بالبيانات
في نهاية المنهج هاتلاقوا embryology ده علم الاجنه وهتاخدوا مجسمات كده بتمثل مراحل تكون الجنين و هاتجيلكم اخر السنة المجسمات دي ويقولك دي مرحله ايه ( سهله قوي اصلا )

http://www8.0zz0.com/2008/09/26/22/525917158.gif (http://www.0zz0.com/)

آخر حاجه في عملي الحيوان هي البارا يعني الطفيليات واللافقاريات وهي سهله جدا اسهل فرع فيهم
_ ده بندرس فيه كعملي الكائنات الدقيقه ومكان معيشتها وغالبا بندرس اللي بتعيش جوانا وتسبب امراض او تعيش جوانا من غير تأذينا
_المنهج ايه بقى : هاتدرسوا الطفيليات والكائنات الدقيقه وهاتشوفوها تحت الميكروسكوب وترسموها وتعرفوا تصنيفها وفي الآخر هايكون في ديدان
_الامتحان هايكون في العينات دي انكم تشوفوها تتعرفوا عليه وتصنفوا مثلا وتقولوا مكان المعيشه على حسب مايتطلب منكم

http://www8.0zz0.com/2008/09/26/22/525917158.gif (http://www.0zz0.com/)

كده انا كلمتكم عن المعامل بتاعه الحيوان ودي نصايح عامه للعملي قلتلها فوق وهأكد عليها تاني :
1- ماتخرجوش من سكشن الا وانتم فاهمين كل حاجه فيه
2- مذاكرة العملي أول بأول لان لو ماتذاكرش هايبقى صعب جدا في الوقت اللي لو قريته بس كل مرة تاخد فيها هايتفهم ويتحفظ كمان فماينفعش يتكوم
3-الدكاترة بتوع الحيوان طيبين جدا وخدومين ومنهم ناس رائعه على قد ماتقدروا اعرفوهم كويس واسألوهم بحيث لما حاجه تقف معاكم تروحولهم في اي وقت
4- اوعوا تنسوا البالطو سواء فيزياء او حيوان وادوات التشريح مهمة جدا
5-احنا كنا السنة اللي فاتت بنصور العينات بتاعه الميكروسكوب شوفوا لو عرفتوا تصوروها وتاخدوها من بعض

خدوا بالكم العملي بيخدم النظري يعنى لو العملى اتذاكر اول باول ممكن يعوض كتير عن النظرى فمثلا في الهستولوجي بتدعم اجابتك بالرسم فالعملي بيعتمد على النظري كتير http://www.phmcy.com/vb/images/green2/smilies/closedeyes.gif

مطلوب منكم بيانات على الرسومات في كل الفروع بتاعه الحيوان http://www.phmcy.com/vb/images/green2/smilies/blush.gif

dr/eagle
02-09-2009, 10:36 PM
شكرا اوي اوي

mahmoud ahmed2
03-09-2009, 08:38 AM
هاى يا جماعه ربنا معاكم ويوفقكم

mahmoud ahmed2
03-09-2009, 08:40 AM
على فكره انا كنت صيدله الاسماعيليه جامعه قناه السويس وكان نفسى ادخلها اوى بس انا حولت المنصوره الحمد لله
كنت على امل انها سهله وعدد المقبولين فيها مش كتير فكانت فرصه الواحد فينا يبقى معيد كبيره بس يالا ربنا معانا كلنا ولو هيا سهله فعلا حاولوا تستغلوها

mahmoud ahmed2
03-09-2009, 08:42 AM
وكمان يا جامعه انا كان نفسى اشوف صور للكليه فلو موجود ممكن تفيدونى وتعرضوها او اللى راح الكليه يحكيلى عن شكلها

النادرة
29-11-2014, 06:35 PM
ROVENTIS pharma----- seeks to hire a qualified medical representative at the following area :
-----------------------------------------------------------------
- Tanta
- Mahalah
- PortSaid
- Damietta
------------------------------------------------------------------
|| Qualifications || :
1- Male or female both are welcomed
2- Pharmacist , vit or science
3- Experience or fresh both are welcomed
------------------------------------------------------------------
The company offers very competitive package , car policy and insurance .
If you are interesting please send your C.V. TO :

amrelkhalifa***********
OR
Call 01067228770