ممكن حد يفيدني [الأرشيف] - بوابة الثانوية العامة المصرية

مشاهدة النسخة كاملة : ممكن حد يفيدني

د\ الاء

27-08-2009, 01:29 AM

انا عاوزه اعرف ايه الفرق بين كليه الهندسه وبين معهد عالي هندسه
هل الفرق بس في ان المعهد العالي بالمصاريف
طيب لو كده
هو ليه اسمه معهد
انا عارفه انه سؤال تافه
بس انا كنت علمي علوم ومعنديش خبره بالحاجات بتاعت الرياضه دي
فيا ريت تعذروني
ويا ريت اللي يعرف يجاوبني لان بصراحه السؤال ده محيرني:mad:

د\ الاء

27-08-2009, 02:13 AM

ايه يا بشمهندسين
مش بتردوا عليا ليه
انا عارفه اني دخيله ع القسم بتاعكوا
بس ع الاقل المفروض تعملولي حسن ضيافه ولا ايه رايكوا

soso2025

27-08-2009, 05:14 AM

اهلا بيكى الاول فى القسم بتاعنا
بس والله معرف الفرق اوى
كل اللى اعرفه انه بفلوس وبيخدوا مواد معظمها زى بتاعت هندسه
بس فى الشغل بيكون لخريج الهندسه الاولويه طبعا
بس
واهلا بيكى مره تانيه

EnG.BeLaL

27-08-2009, 05:45 AM

BaNZeR

27-08-2009, 07:53 AM

ايه يا بشمهندسين
مش بتردوا عليا ليه
انا عارفه اني دخيله ع القسم بتاعكوا
بس ع الاقل المفروض تعملولي حسن ضيافه ولا ايه رايكوا

حسن ضيافة نجيب شاي يعني :d
مهو يا عارف يا مش عارف :)
ومفيش حاجة اسمها دخيلة ولا ضيفة
القسم مش بتاع حد
ملكية عامة
بس عامة اوي يعني :d

المهم
انا في هندسة اسيوط
و ليا زمايلي في هندسة المنيا
اسمها المعهد العالي للتكنولوجيا والمعلومات (تقريباً)وتساوي في المعنى هندسة المنيا الخاصة
طبعا خاصة يعني بفلوس
الكلية او المعهد ده بياخد من 75% (ده السنة اللى فاتت)

بيدرسو كل المواد بتاعتنا واكتر (عندهم حاجات ززي تربية رياضية وكده)
وكلها انجليزي او معظمهما مش عارف
وعندنا ترمين عندهم تلاتة
اتنين عاديين
واحنا نكون اخدنا الاجازة يكونو هما دخلو الترم التالت
الترم التالت بياخدو فيه كل الحاجات العملي (وبياخدوها بذمة بقى وبيشتغلو بنفسهم)
زي الورش اللى عندنا مش بياخدوها غير في الترم التالت وبيشتغلو فعلاً

صحيح هما دراستهم ممكن تقولي عليها احسن
وكمان الجو نفسه حتلاقي مدرجات وقاعات احسن (لإنها خاصة)

بس في الآخر شهادتها مش زي هندسة طبعاً

واكبر مشاكلها إنك في اجازتك بيكون زمايلك في الكليات التانية بيمتحنوا
هما يخلصو امتحانات تلاقي نفسك دخلت الترم التاني
ونفس الكلام في التالت

يعني تحس نفسك معزول في كليتك
بس ده كل اللى اعرفه

ومادام انتي علمي علوم يبقى اكيد السؤالل ده لحد مش ليكي

بروف انس

27-08-2009, 10:07 AM

فعلا ذي البشمهندس banzer ماقال وهم كمان امعاهد بتختلف عن الدراسه ذي الكليات وفي معاهد افضل من بعضها وبيختلفوا كمان عن بعضهم في المصاريف هو بس هو اسمه المعهد العالي للهندسه بس الجماعه اللي بيخشوه بيقولوا عليه هندسه خاصه

د\ الاء

27-08-2009, 03:17 PM

شكرا علي مروركم وردودكم الجميله

د\ الاء

28-08-2009, 12:20 AM

سوري هتقل عليكوا
وهسال كمان سؤال
هو خمس سنين زي هندسه برده مش كده
ولما هو يعتبر زي كليات القمه زي هندسه يعني بس خاص
ليه بيسموه معهد
يعني انا شايفه ان معهد دي متلقشي بكليه قمه
ولا ايه

hawass007

28-08-2009, 12:59 AM

بصي يا د/آلاء بالنسبة لهندسة الخاصة
في معهد هندسة خاص و ده أسعاره مثلا من 6 ل 11 ألف
و دول منتشرين في أي مكان لكن بينحوا درجة البكالوريوس
بس ف النهاية اسمع معهد

و في بقى كليات هندسة خاصة يعني اسمها كلية و جوة جامعة زي هندسة 6 أكتوبر و دي كلية مصاريفها تزيد عن 30 ألف
و في زيها الفاروس ف الاسكندري

Eng. Alios

28-08-2009, 01:06 AM

م الآخر ..

جامعات خاصة و بتدفع فلوس بالكوم , يبقى ح تشتغل ....
و من غير واسطة ,لان فلوسك واسطة لوحديها ...

جامعة حكومة و مصاريفها اقل ... يبقى احتمال تشتغل و احتمال لأ ...
و لو ح تشتغل لازم واسطة ....
و لو مش عايز واسطة و عايز تشتغل كويس ...
انجح بقى في الجامعة الحكومة و هات امتيازات على طول ... و خد كورسات كمبيوتر و انجليزي و الماني و ايطالي ...
ح تلاقي الف شركة تتمناك ...

هى دي سياسة التعليم العالي ....

د\ الاء

28-08-2009, 01:10 AM

hawass007

28-08-2009, 01:11 AM

د\ الاء

28-08-2009, 01:12 AM

hawass007

28-08-2009, 01:13 AM

شكرا ليكي يا د/آلاء
و انا طب عين شمس و حضرتك معايا ف عيييين شمس

و أي استفسار أنا موجود

hawass007

28-08-2009, 01:15 AM

د\ الاء

28-08-2009, 01:16 AM

شكرا ليكي يا د/آلاء
و انا طب عين شمس و حضرتك معايا ف عيييين شمس

و أي استفسار أنا موجود
لا انا طب اسنان المنصوره
وشكرا ليك

د\ الاء

28-08-2009, 01:22 AM

ايوه طبعا الجامعات الحكوميه معترف بيها
بس الاولويه للي عنده واسطه
وده اصلا لو فيه شغل ووظيفه

Eng. Alios

28-08-2009, 01:25 AM

لا طبعا انت كلامك غلط مية ف المية
ميييين اللي قال ان الجامعات الخاصة أحسن من الحكومي
الحكومي أحسن ييت مرة و الحكومة لما تيجي توظف بتعين بتوع الجامعات الحكومية
كذلك الشركات في الخارج الأولوية للجامعات الحكومية

بص
في كليات الهندسة الحكومية , في اقسام تجد طريقها الى الشغل ...
زي الاتصالات و الحاسبات ...

اما الميكانيكا و الغزل و النسج و المدني و المعماري ...
فاكل عيشهم معتقدش انه يكون في مصر ...
لان البلد اكتفت بما فيه الكفاية من مهندسين المدني و المعماري و الميكانيكا ...

فاللي عايز يقعد في مصر , زي ما قلت لحضرتك لازم يتميز في كليته و في القسم اللي هو فيه ...
لان اللي بيجيب امتيازات كل سنة , هو ده اللي بيشتغل ...

حضرتك فيه ناس داخلة هندسة بتسقط في اعدادي ... و تشيل مواد مع اولى في اي قسم و بتسقط برضه ...

الكلية مش سهلة ... لا في دراستها و لا في شغلها ...

زائد ان هناك اولوية لبعض الجامعات الحكومية في الشغل عن غيرها ...
زي القاهرة و عين شمس ....

سياسة التعليم العالي هى تمويل الجامعات الخاصة ...
و لم اسمع عن خريج جامعة خاصة لم يشتغل ...

شغل الجامعات الخاصة يعتبر مضمون , لان الفلوس اللي بتندفع فيه كتيرة ...
و زي ما قلت ان فلوسك الكتيرة دي واسطة لشغلك بعد كده ....

يعني مثلاً الجامعة الامريكية و الجامعة الالمانية و الجامعة الكندية و البريطانية و ... و ....
كل دول خريجنهم بيشتغلوا هوا ....

لكن تعال لجامعة الزقازيق و لا اسيوط ولا ... ولا ....
فاعتقد ان الاولوية ستظل لخريجي الجامعات الاجنبية ....

و انا معاك ان الحكومي احسن مليون مرة من الخاص ...
لكن الواقع المصري يقول غير كده ....

انا مش بألف .. بس حضرتك شوف الواقع ....

اكتر من 16 الف طالب بيدخلوا هندسات مصر كلها ....
و معظمهم بيسقطوا ....
لان الدراسة صعبة جداً ....
و يندموا انهم دخلوا هندسة ...

و ايامنا دي الشباب اصبح معندهمش ميول ...
يعني ماشيين مع الموجة ...

هندسة تعلى في التنسيق , يبقى هندسة احسن ...
طب تعلى في التنسيق , يبقى طب احسن ...

و الناس الايام دي بتجري ورا الالقاب .....

و ده غلط ... لاني لو جريت ورا لقب مش ح اوصل لحاجة ....

لازم طموحي و تعبي هما اللي يوصلوني للكلية اللي باحبها ...
لازم ميولي و تعبي هما اللي يوصلوني للشغل ....

خريج الجامعة الحكومة بيتعب .....
علشان كده لازم يجيب امتيازات كل سنة في كليته , و ياخد كورسات على قد ما يقدر من لغات و كمبيوتر ...
بالشكل ده ح يشتغل هوا ....

اما الجامعة الخاصة فبتوفر الكمبيوتر و اللغات ...
و مش حتحتاج تاخد كورسات الا قليل ...

ده مجرد رأي
و اعذرني اذا كان كلامي غلط ...

hawass007

28-08-2009, 01:33 AM

hawass007

28-08-2009, 01:39 AM

شكرا ليكي يا د/آلاء و أتمنالك التوفيق ف طب أسنان المنصورة

لكن أحب أعلق على رأيك
الشغل و الوظيفة متوفرين لكن طبعا مش الحكومي لانه نادر حاليا
الشركات الهندسية الوقتي هي اللي بتطلب خريجي كلية الهندسة و دي شركات خاصة يعني صاحب الشركة عاوز مصلحته و مصلحة الشركة
فبيختاروا أصحاب التقديرات العالية ف الأول و بعدين يعملولهم فترة اختبار للتأكد من خبرتهم
و هو ده اللي شغال حاليا
و شكرااااااااااااا

Eng. Alios

28-08-2009, 01:39 AM

طبعا أنا محترم رأي حضرتك لكن أحب أضيف و أعلق بنقطة وهي

أنا مع حضرتك ان خريج كلية هندسة التابعة للجامعة الامريكية و الجامعات الاجنبية ده طبعا له الاولوية عن الجامعات المصرية
لكن انا كنت اقصد خريجي المعاهد الهندسية العليا اللي أعتقد انهم ف الآخر صعب يلاقوا أي شغل

و شكرااااا

انا برضه معاك في دي ...
لكن برضه امفروض طالب هندسة حكومة يقلق ...
لان في تخصصات في الهندسة ظهرت في المعاهد الخاصة و الجامعات الخاصة ...
زي المدني و الحاسبات و المعماري و الاتصالات و الميكانيكا ....

و خد بالك , و الله في طلاب معهد بيشتغلوا في الدول العربية كمان ...

لازم تبص للواقع المصري ...
في ناس طلاب معاهد بيبقوا مميزين عن زمايلهم ...
فبياخدوا كورسات كمبيوتر و لغات بالهبل ...

و بيشتغلوا في الآخر ...

بلاش .. ابسط مثال ...
ليا واحد معاه دبلوم صنايع ....
و الله العظيم تلاتة اخد كورسات في الكمبيوتر ....
و اشتغل في شركة الكهرباء في اسكندرية ...

و جاله عقد عمل لمجرد انه محترف في استخدام برنامج الاوتوكاد ...
و مخدش كورسات في البرنامج ده , يعني اخد كوسات كمبيوتر ( ورد و اكسل و كده ) و مخدش كورسات في برامج التصميم المعماري و الهندسي زي الاوتوكاد ...

دلوقتي بيتشغل في السعودية ...
و اسمه معاه دبلوم ...

واقعنا المصري بيورينا غرائب و عجائب ....
و لازم ابص للواقع و ادرسه من كل نحية ...
مش من نحية واحدة ...

د\ الاء

28-08-2009, 01:50 AM

هو حضرتك ف كليه ايه

hawass007

28-08-2009, 01:51 AM

لا غرايب و لا حاجة
سوق العمل الوقتي للمتميز في مجاله و بس حتى لو كان................
و لا حضرتك عندك رأي تاني

hawass007

28-08-2009, 01:53 AM

أنا ان شاء الله ف كلية طب بشري جامعة عين شمس:)

بيقولوا الكلية دي صعبة:angry2:

جعلتني مهندسا

28-08-2009, 01:55 AM

i cant say any thing
because
they siad evrything
hahahaha

Eng. Alios

28-08-2009, 01:57 AM

لا غرايب و لا حاجة
سوق العمل الوقتي للمتميز في مجاله و بس حتى لو كان................
و لا حضرتك عندك رأي تاني

لا معنديش رأي تاني
و عندك حق ...

على فكرة انا مش في هندسة ...

انا حاسبات و معلومات حلوان - قسم هندسة البرمجيات
و آسف لتدخلي ... و إزعاجكم ...

hawass007

28-08-2009, 02:05 AM

د\آلاء
انتي سنة أولى زيي ؟

د\ الاء

28-08-2009, 02:08 AM

ايوه انا ان شاء الله داخله اعدادي

د\ الاء

28-08-2009, 02:15 AM

أنا ان شاء الله ف كلية طب بشري جامعة عين شمس:)

بيقولوا الكلية دي صعبة:angry2:

انا وجهة نظري ان مفيش خاجه اسمها كليه صعبه
يعني احنا مجبناش مجموعها بالساهل علشان تبقي صعبه
وكمان احنا اللي اخترنا الطريق ده من الاول
يعني لازم نثبت نفسنا فيه
ولازم نتحدي الكل ونثبت ان احنا اخترنا الطريق الصح
ولا انت ايه راي حضرتك

hawass007

28-08-2009, 02:18 AM

طيب شدي حيلك علشان اعدادي بتكون أصعب سنة و اللي بيتفوق فيها و يجيب امتياز بيكون حاجة جامدة ف الكلية و ف شغله بعد لما يتخرج
وربنا يوفقك

أكيد خايفة من أول سنة ؟

hawass007

28-08-2009, 02:23 AM

د\ الاء

28-08-2009, 02:27 AM

د\ الاء

28-08-2009, 02:31 AM

أنا طبعا أحترم رأيك لكن أحب أعلق و أضيف حاجة أنا قصدت ان طب عين شمس دي كلية صعبة مثلا زي ما سمعت عاوزة مذاكرة من أول السنة و مذاكرة بجد كذلك كليات المنصورة

لكن مثلا القاهرة أسهل ف الدراسة
و حتى كمان لو تلاحظي ان خريخي كليات طب عين شمس و المنصورة تقديراتهم بتكون قليلة جيد مثلا و مقبول ف الغالب
لكن كلية زي طب القاهرة سهل الواحد هناك يجيب جيد جدا و امتياز

وطبعا الوظائف الحكومية للجايبين تقدير أعلى
أرجو ان وجهة نظري تكون وصلت لحضرتك و شكرااااااااااااااااااااااااااااااااا
انا فاهمه حضرتك وبحترم وجهة نظرك دي
فعلا انا سمعت ان عين شمس والمنصوره من اصعب الجامعات
بس ده ميمنعش ان في طلبه بتجيب امتياز فيهم برده
يعني هما مش من كوكب تاني علشان يجيبوا امتياز
وطبعا اللي بيتعب اكيد هيلاقي ع قد تعبه
والمهم ان احنا نثبت نفسنا ف الاصعب
علشان نبقي حققنا حاجه بجد

د\ الاء

28-08-2009, 02:49 AM

طبعا بتقولوا عليا اني متحمسه اوي
وان انا بحلم
بس ان شاء الله يا ريت كل واحد يحلم
ويحقق لو جزء صغير من حلمه
والله الموفق

BaNZeR

28-08-2009, 04:19 AM

طبعا بتقولوا عليا اني متحمسه اوي
وان انا بحلم
بس ان شاء الله يا ريت كل واحد يحلم
ويحقق لو جزء صغير من حلمه
والله الموفق

شيء جميل إنه الواحد يحلم
وكل ما الواحد يبعد عن الكلام يعرف يحلم اكتر

لأنه كلام الناس مبيجيبش لبر

واللى بيحلم يقدر في مرة يحقق حلمه
لكن اللى مقتنع إنه حيفشل عمره مهما حاول إنه يجيب الامتياز في مرة

زي كده ما انا مقتنع تماماً إني مش ممكن اطلع من الاوائل لأنه اللى معايا في القسم من اوائل الدفعة :d
وبالتالي إني أجيب الامتياز ده شيء مش ممكن افكر فيه :d

وانتي ناوية تحضري دكتوراه
يبقى إن شاء الله حتكوني من اوائل الدفعة وحتقدري تحضري الماجستير والدكتوراه

اللى بيدخل على هدف معين من ثانوي بيحققه

ربنا يوفقك

hawass007

28-08-2009, 11:17 AM

اه طبعا خايفه من اول سنه
دراسه جديد وحياه جديده
واكيد طبعا ان احنا نجيب امتياز ف اول سنه ده هيشجعنا ان احنا نكمل ونصر اكتر علي التفوق
وانا شخصيا ان شاء الله يعني مصره اني اطلع بتقدير كويس كل سنه
لاني مش ناويه اكتفي بدراسه الكليه بس
انا ناويه احضر ماجيستير ودكتوراه
وان شاء الله هتبقي الدكتوراه دي ف تقويم الاسنان
لاني مش شايفه ان في دكاتره كتير شاطرين ف عمليات التقويم دي وكمان معظم الدكاتره بيبعدوا عنها
وزي ما قولت لازم نثبت نفسنا ف الكليه اللي احنا اخترناها
وكمان ده لان في ناس كتير بتقولي ادخل صيدله احسن من اسنان
فانا ناويه اثبت للكل اني عرفت اختار
وربنا يوفقنا جميعا

ان شاء الله الخوف ده شئ طبيعي ف أول سنة في كل الكليات
لكن لكل مجتهد نصيب و لازم الواحد يجد و يجتهد لأن الشاعر يقول
و من يتهيب صعود الجبال يعش أبد الدهر بين الحفر
و انت عندك طموح و لازم تتعبي علشان توصلي للقمة وتحققيه
و أكيد أسنان في الشغل له مجال أحسن من صيدلة لأن أسنان دي فرع من الطب البشري
و عدد الصيادلة أكتر من أربع أضعاف الأسنان فالفرصة أحسن للاسنان
و ان شاء الله ربنا يوفقك و تقدري تحضري ماجستير و دكتوراة و تثبتي نفسك لنفسك و للجمييع

hawass007

28-08-2009, 11:20 AM

انا فاهمه حضرتك وبحترم وجهة نظرك دي
فعلا انا سمعت ان عين شمس والمنصوره من اصعب الجامعات
بس ده ميمنعش ان في طلبه بتجيب امتياز فيهم برده
يعني هما مش من كوكب تاني علشان يجيبوا امتياز
وطبعا اللي بيتعب اكيد هيلاقي ع قد تعبه
والمهم ان احنا نثبت نفسنا ف الاصعب
علشان نبقي حققنا حاجه بجد

فعلا أنا معاكي في وجهة النظر دي

hawass007

28-08-2009, 11:23 AM

طبعا بتقولوا عليا اني متحمسه اوي
وان انا بحلم
بس ان شاء الله يا ريت كل واحد يحلم
ويحقق لو جزء صغير من حلمه
والله الموفق

ان شاء الله بتوفيق الله ثم بالجتهاد الانسن ممكن يحقق حلمه كله
بس لازم يكون محدد هدف من ورا ده كله ويكون هدف نبيل و شريف

hawass007

28-08-2009, 11:33 AM

شيء جميل إنه الواحد يحلم
وكل ما الواحد يبعد عن الكلام يعرف يحلم اكتر

لأنه كلام الناس مبيجيبش لبر

واللى بيحلم يقدر في مرة يحقق حلمه
لكن اللى مقتنع إنه حيفشل عمره مهما حاول إنه يجيب الامتياز في مرة

زي كده ما انا مقتنع تماماً إني مش ممكن اطلع من الاوائل لأنه اللى معايا في القسم من اوائل الدفعة :d
وبالتالي إني أجيب الامتياز ده شيء مش ممكن افكر فيه :d

وانتي ناوية تحضري دكتوراه
يبقى إن شاء الله حتكوني من اوائل الدفعة وحتقدري تحضري الماجستير والدكتوراه

اللى بيدخل على هدف معين من ثانوي بيحققه

ربنا يوفقك

أنا مع حضرتك:078111rg3: لكن بالاضافة لكده لازم يكون عند الانسان هدف منذ البدية عاوز يحقق النجاح ده علشان يوصل لهدفه
و يا ريت الهدف ده زي ما قولت يكون هدف نبيل

لأن في حديث عن عمر بن الخطاب رضي الله عنه أن رسول الله صلى الله عليه و سلم قال

إنما الأعمل بالنيات و لكل إمرئ مانوى فمن كانت هجرته إلى الله و إلى رسوله فهجرته إلى الله وإلى رسوله
و من كانت هجرته إلى دنيا يصيبها أو امرأة ينكحها (يتزوجها) فهجرته إال ما هاجرر اليه

فلازم الانسان تكون نيته حسنة و هدفه نبيل من وراء التفوق ده
و بكده ان شاء الله ربنا يوفقه

د\ الاء

28-08-2009, 01:39 PM

شكرا لردودكم الجميله دي
وربنا يوفقنا جميعا
وكل واحد يحقق هدفه

hawass007

28-08-2009, 02:43 PM

آمين
وكلنا نخقق أهدافنا ان شاء الله

د\ الاء

29-08-2009, 12:32 AM

انا عندي سؤال للبشمهندسين
طبعا التخصص ف كليه هندسه يبقي بعد اعدادي
طيب هو ايه افضل تخصص ف التخصصات الموجوده حاليا وليه
وشكرا

hawass007

29-08-2009, 01:21 AM

بصي يا د/آلاء مش عارف انتي ليييييه مهتمة بموضوع الهندسة ده ؟ يمكن ناوية تحولي ؟
لا متخافيش أنا مش هقول لحد

بس هجاوب
هو طبعا الوقتي من وجهة نظري أحسن قسم في هندسة هو قسم تكنولوجيا التصالات لأن القسم ده مجال تكنولوجي و تقريبا مطلوب في شركات كتير فهو الأحدث و الأفضل في سوق العمل محليا و بالخارج

د\ الاء

29-08-2009, 01:37 AM

hawass007

29-08-2009, 01:58 AM

لا مش ناويه احول ولا حاجه
بس بسال لاني اصحابي ف هندسه
فكنت عاوزه يبقي عندي معلومات عنهم واقسامهم لان المفروض يبقي عندي معلومات ف الحاجه اللي بنتكلم فيها
ولا ايه رايك..........
وكمان بالنسبه لقسم الاتصالات ده برده انا شايفه انه احسن قسم
بس هما بيقولوا ان قسم عماره افضل
فانا عاوزه اقنعهم برايي
او اقتنع انا بقي برايهم

أوكي
كلامك مظبوط تماما و الواحد مش لازم بس يكون عارف التخصصات الهندسية
لا ده كمان الانسان المفروض منه انه يعرف معلومات كتير عن اللي حوليه و بس
لا داحنا المطلوب مننا حتى لو حاجة احنا جاهلينها أو منعرفهاش المفروضناخد فكرة عنها

و قسم عمارة ده دلوقتي بالمعنى البلدي خالص راحت عليه خلاص
و مبقاش ليه اسم خالص
و مش مطلوب بره و لاحتى جوه الا نادرا و ممكن مهندسين تانيين على فكرة يعنلوا شغل من المعماري
و زي ماعرفتي ف أول التوبيك ده في رد بيقول ان في واحد خلص ثانوي صناعي واتعلم برنامج التصميم المعماري عالكمبيوتر و الوقتي شغال زي المهندس المعماري

ف المجال الوقتي في وجهة نظري مفتوح لحاجتين التصالت ثم الحاسبات و الباور

و طبعا الأرزاق بيد من ؟
بيد الله
فكل واحد يدخل حسب الحاجة اللي حاببها أو اللي مستريحلها و ميشلش هم الأرزاق لأنها بيد الله
ولا انتي عندك رأي تاني
و شكرااااااااااااااااااا

د\ الاء

29-08-2009, 02:13 AM

BaNZeR

29-08-2009, 02:48 AM

لا معنديش راي تاني
وانا من رايك
الاتصالات والحاسب احسن الاقسام
لان دي هي اللي بتواكب التطور
وتخلي دارسها بيعرف يتعامل مع التكنولوجيا الحديثه
لان التكنولوجيا دلوقتي بقت كل حاجه
والجهل دلوقتي بقي الجهل ف الكمبيوتر مش القراءه والكتابه

والله مفيش حاجة اسمها تقنعيهم برأيك ولا تقتنعي برأيهم
مفيش حد ملوش ميوله الخاصة

كل قسم وليه مواده وطريقته وشغله
وكله ليه شغل

عندنا حالياً عمارة ومدني عليهم الطلب اكتر من كهربا واتصالات
غير إنه شغلهم منتشر اكتر

يعني اتصالات كويسة اه
بس مجالها محدود في شركات الاتصالات الكبرى وشركات النت وكده

فمينفعش نقول قسم في هندسة احسن قسم

اهم حاجة تدخل اللى يناسبك عشان تنفع

د\ الاء

29-08-2009, 03:34 PM

اولا شكرا لرد حضرتك ومشاركتك معانا
ثانيا انا قلت من الاول اني معنديش فكره عن الهندسه وتخصصاتها
انا يدوب اسمع عنها وعن اسمائها
ثالثا انا كنت بسأل عن الاقسام دي علشان يبقي عندي فكره عنها
وانا معاك ان كل واحد له ميوله
واكيد كل واحد بيدخل اللي يناسبه
زي عندنا بنختار برده التخصص اللي يناسبنا

د\ الاء

30-08-2009, 01:33 AM

هما البشمهندسين اللي هنا مش راضيين يردوا ليه
هيبخلوا بالرد عليه..........
انا كنت عاوزه بس فكره عن كل قسم من الاقسام الهندسيه
وشكرا

جعلتني مهندسا

30-08-2009, 01:37 AM

كل ما يخص اقسام كليه هندسه...ارجو التثبيت للفائده (http://www.thanwya.com/vb/showthread.php?t=60194)

دليل طالب هندسة (http://www.thanwya.com/vb/showthread.php?t=17061) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=17061) 2 (http://www.thanwya.com/vb/showthread.php?t=17061&page=2))

دل موضوعين أكيد هيساعدوكي

بس مال حضرتك مهتمة أوي بالهندسة

هو انت ناوية تحولي ولا ايه

د\ الاء

30-08-2009, 02:29 PM

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااا
بجد انا استفدت منهم
وشكرا مره تانيه

جعلتني مهندسا

30-08-2009, 02:33 PM

الشكر لله وحده

أتمنى أن تكون استفدتي

fuoozz

30-08-2009, 02:39 PM

موضوع جميل ياجماعه وانا قريته كله
انتوا بتتناقشوا فى اللى ليه هدف
انا كنت واحد ليا هدف تعبت اه بس متبعبتش التعب اللى يوصلنى للهدف دا
وجبت مجموع 60 % فى ثانوى واهو دلوقتى لايص لسه هاقدم مرحله تالتة ومش عارف اقدم ايه وفين
انا كان حلمى هندسة بس لقيت بعدها مفيش هدف محدد
ولقيت فى جامعه النهضة بياخدوا مجموع 55 % كمبيوتر ساينس بس المصاريف غاليه 19 الف فى سنه
وايه حاسبات ومعلومات فاانا مستكترهم وبفكر فى اى معهد هندسه ادرس فيه بمجموعى دا
وهتبقى المصاريف اقل من 19 بكتير اخد اعدادى وبعدين احول لاكاديميه الشروق فى مصر
بس مش عارف اعمل ايه وبالاخص انى مخنوق بسبب مجموعى