مشاهدة النسخة كاملة : حب يربيه وللأسف ضاعت عليه وموته لسه من يومين وأعرفهم معرفه شخصيه
ليتني طفله وهمي لعبتي 27-08-2009, 04:37 AM السلام عليكم
صراحه أنا مش عارفه أكتب من فين ولا منين
أنا بجد أنفاسي مكتومه
ودموعي محبوسه
ومش عارفه أعبر إزاي
وعن إيه
الموضوع كبير أوي
موضوع فعلا يشيب الراس
للدرجه العقوق وصلت لكده
للدرجه الوالدين كده
للدرجه في ناس كده أساسا
ممممممممش عارفه إي ده
مش عارفه إيه اللي بيحصل في الدنيا
الناس إتجننت
ولا الدين إتعدم
أنا مش عارفه أكتب خالص
ولأول مره أحس إني متقيده
متقيده بالإستغراب
ومتقيده بالحزن
محروق دمي ومش عارفه أعبر بأي وسيله من الوسائل
سامحوني على الإطاله بس هدخل في الموضوع
بداية الموضوع طلع على الفضائيات وكبر وممكن يتقلب قضية رأي عام
ياربييييييييييي
المهم
اللي حكالي الموضوع أخواني وده أخو واحد صاحبهم
أخو صاحبهم صغنتت خالص عمره 16 سنه أو 17
بس وللأسف والعياذ بالله
لم يترك شئ إلا وعمله
حقن
وحشيش
وبودره
وهيروين
وسرقه
ونهب
وعقوق
وبهدله على الآخر من جميع النواحي
الأب حب يربي إبنه
المشكله الأب مش متربي
والأم في الباي باي
والإخوات
مع نفسهم
أسره ضايعه مافيش حساب ومفيش جزاء ومفيش إهداء
مافيش أي حاجه عندهم تعني معنى الأسريه
الأب فتح نقاش مع إبنه
على صوته زعقله
بجح ضربه
ضربه ضربه
جاب آخره خلاص
بس إمتى فاق يربيه مش عارفه
المهم الأب جاله إنهيار عصبي وقعد يضرب فإبنه
لغاية مامات في إيده
ياااااااااااااااااااااااااااااااااه
موته وحشه أوي
في رمضان
أبوه غضبان عليه
ربنا غضبان على أعماله
إخواته مصدومين
صحابه هيتجننوا
أنا متنحه
على إيه الواحد يوصل نفسه لكده
ليه الواحد ميربيش عياله من الأول صح
ليه المعاصي والذنوب
ليه البعد عن ربنا
ليه ليه
الدنيا بقيت كده
الناس إتجننت ولا الدين إتعدم
الأب قتل الولد وراح سلم نفسه
بص بقى ياشاب وياشابه
حلوه القصه
حلوه العيشه
حلوه الفضايح
ضيع نفسه وضيع أبوه وضيع إخواته
وجنن أمه
ليه بس كده
هوا احنا مش هنفوق
ناس كتير تمشي في الطريق وترجع تقول مسدود وتب
لازم تجرب
لازم تضحي
(إعتبر بالناس لا تكون أنت العبره)
الموضوع مش يوم وليله
الموضوع خطوات
(ولا تتبعوا خطوات الشيطان)
صحبه
منظره
سيجاره ورجوله
شريط أغاني
عقوق وبجاحه
نزول وفسح ساقطه
البنت
بنطلون
بادي يتضيق
طرحه صغنتته
صحبه واقعه
ليه بس
وعلى إيه
قد كده ربنا رخيص وجنته رخيصه
قد كده الدنيا غاليه
طيب هاقولكم
لو حد إداك كتاب
وقال ذاكره
هايجي الإمتحان في بابين بس
هتفتح باقي الأبواب وهتقول أجرب؟؟؟؟؟؟؟؟؟
لأ طبعا هتشتري الدرجات والمستقبل والشهاده
هيا كده الدنيا
فيها كام حاجه
والباقي هوامش
بس التجربه بتضيع
فوقوا ياجماعه
حرام عيشتنا دي
حرام دينا اللي بيروح وبيندثر
سامحوني على الإطاله
وسامحوني على عدم تنسيق الكلام
بس بجد ربنا يعلم أنا عامله إزاي دلوقتي
أختكم
الزاهــــــــــــــدة..
ramo2008 27-08-2009, 05:32 AM السلام عليكم
شكرا زاهدة على القصة المؤثرة دى ويارب تنفع كل الناس وعلى الخصوص الشباب
وانا اولهم ان شاء الله بحاول اغير من نفسى
يارب ارحمنا تحت الارض وفوق الارض ويوم العرض عليك
Spring_Rose 27-08-2009, 05:38 AM ربنا يبارك فيكى
فعلا موضوع رااااائع
ويارب يهدينا ويهدى كل الشباب ومنكنش احنا العبره للناس
ويارب يحسن خاتمتنا كلنا
امجداسامة 27-08-2009, 06:26 AM موضوع رائع وتاثرت به كثيرااااااااا
وشكرااااااا ليكى.
wafa2y 27-08-2009, 01:39 PM بجد فعلا قصة مؤثرة
و الله الواحد مستغرب
إزاي توصل بينا الدرجة إننا كمسلمين تحصلنا المواقف دي
بجد ربنا يهدينا كلنا
جزاكم الله خيرا علي التذكرة
ليتني طفله وهمي لعبتي 28-08-2009, 04:05 PM جزاكم الله عني كل الخير
وأحسن الله خاتمتنا
ورضي عنا المولى
captin hima 28-08-2009, 04:36 PM يارب سلم من كل بغيض
Mr. Medhat Salah 29-08-2009, 12:46 AM لا حول ولا قوه الا بالله
I promise you 29-08-2009, 02:21 PM أولا جزاك ِ الله خيرا ً على الموضوع الهادف ..
اللى إحنا فى دة دلوقت مأساه
أقسم بالله مأساه لا أب عارف دين ولا أم
عارفة أساليب تربية ولا ولد لاقى حد يوجهة
ولا بنت لاقية حنان فى بيتها وبدور علية برة !!
انا عاوز أساأل كل أب انت بتقعد مع أولادك كام ساعة
بلا ش كام ساعة كام دقيقة تتكلم معاهم وتشوف مشاكلهم
وتشوفهم عاوزين اية واخبارهم اية فى الدراسة
ونسأل عليهم ونهتم بيهم ولا إحنا بنتجوز لية من الاول !!
لا حول ولا قوة الا بالله العلى العظيم
أنا مش عارف هنلاقيها من البلد ولا من الفساد والسرقة
والنهب والخراب و ....و....
ولا هنلاقيها من البيت والاسرة
ربنا يتلطف بينا بجد ربنا يتلطف بينا
ويرحمنا برحمتة فى زمن الضيااع دة
شـكراً لموضوع حضرتك وآسف لو أنفعلت شوية
فى رعاية الله وحفظة ..
ملحوظة : أنا مش بعمم إن كل أب وكل أسرة كدة لالالالا
انا بقول الاغلبية عشان محدش يفهم غلط ..
ربنا يحفظكم يارب
ليتني طفله وهمي لعبتي 30-08-2009, 01:34 AM أولا جزاك ِ الله خيرا ً على الموضوع الهادف ..
اللى إحنا فى دة دلوقت مأساه
أقسم بالله مأساه لا أب عارف دين ولا أم
عارفة أساليب تربية ولا ولد لاقى حد يوجهة
ولا بنت لاقية حنان فى بيتها وبدور علية برة !!
انا عاوز أساأل كل أب انت بتقعد مع أولادك كام ساعة
بلا ش كام ساعة كام دقيقة تتكلم معاهم وتشوف مشاكلهم
وتشوفهم عاوزين اية واخبارهم اية فى الدراسة
ونسأل عليهم ونهتم بيهم ولا إحنا بنتجوز لية من الاول !!
لا حول ولا قوة الا بالله العلى العظيم
أنا مش عارف هنلاقيها من البلد ولا من الفساد والسرقة
والنهب والخراب و ....و....
ولا هنلاقيها من البيت والاسرة
ربنا يتلطف بينا بجد ربنا يتلطف بينا
ويرحمنا برحمتة فى زمن الضيااع دة
شـكراً لموضوع حضرتك وآسف لو أنفعلت شوية
فى رعاية الله وحفظة ..
ملحوظة : أنا مش بعمم إن كل أب وكل أسرة كدة لالالالا
انا بقول الاغلبية عشان محدش يفهم غلط ..
ربنا يحفظكم يارب
ربنا يحفظك ويديك العافيه
وبجد ردك رائع
بس ياريت اللي بيسمع ويشوف بيعمل بكده
وربنا يجازيك ألف خير
Eng : Heba 30-08-2009, 09:21 AM قصة مؤثرة للغاية
ربنا يهدينا ويصلح حالنا ويحسن خاتمتنا
ويبارك فيكِ
لازم يبقي فيه نظام أسري
الأب يسأل أبنه رايح فين جاي من فين
والأم لازم تعرف أولاده كويس ومش معرفه هامشيه كده
تعرف أصدقاء أبناءها وتعرف تفكريهم ........
والأخوات لازم يبقوا يد واحدة متقربين لبعض
جزاكِ الله خيراً
ليتني طفله وهمي لعبتي 30-08-2009, 06:42 PM قصة مؤثرة للغاية
ربنا يهدينا ويصلح حالنا ويحسن خاتمتنا
ويبارك فيكِ
لازم يبقي فيه نظام أسري
الأب يسأل أبنه رايح فين جاي من فين
والأم لازم تعرف أولاده كويس ومش معرفه هامشيه كده
تعرف أصدقاء أبناءها وتعرف تفكريهم ........
والأخوات لازم يبقوا يد واحدة متقربين لبعض
جزاكِ الله خيراً
وإياك ياقمري
وشكرا لمرورك العطر
basmet el rabi3 30-08-2009, 07:39 PM السلام عليكم
القصة وجعت قلبى ... الله يكون فى عون الأب و الأم دول و يا رب يكونوا إتعظوا و ياخدوا بالهم بقى من بقية أولادهم , و على العموم ربنا بيمتحن عباده المؤمنين اللى بيتقوه , و المؤمن لازم يصبر على البلاء و يرضى بقضاء ربه , و ربنا بيجزى عبده حسن الثواب على هذا الصبر . أما لو كان العبد يستحق غضب ربنا عليه - و العياذ بالله - يبقى يستاهل اللى يجرى له . باقول لك كده يا أختى عشان ثقتك بعدالة ربنا سبحانه و تعالى تزيد أكتر و أكتر و ما تشعريش بالصدمة و ترجعى لهدوئك تانى .
اللهم اكفنا شر غضبك علينا ... اللهم آمين
yomna1993 30-08-2009, 07:45 PM لا حول ولا قوة الا بالله العلي العظيم
ربنا يحفظ كل مسلم و مسلمة من الشبهات
و من سوء الخاتمة يا رب
بجد قصة بشعة ربنا يجعلنا من البارين بأّبائنا و يبعدنا عن محرماته يا رب
و جزاكي الله خير يا حُبي على الرسالة الجميلة دي
دموع الضمير 30-08-2009, 08:20 PM جزاكى الله خيراا على القصه الرائعه دى ربنا يهدى جميع المسلمين والمسلمات
لاحول ولا قوة الا بالله العلى العظيم
ليتني طفله وهمي لعبتي 31-08-2009, 07:43 AM السلام عليكم
القصة وجعت قلبى ... الله يكون فى عون الأب و الأم دول و يا رب يكونوا إتعظوا و ياخدوا بالهم بقى من بقية أولادهم , و على العموم ربنا بيمتحن عباده المؤمنين اللى بيتقوه , و المؤمن لازم يصبر على البلاء و يرضى بقضاء ربه , و ربنا بيجزى عبده حسن الثواب على هذا الصبر . أما لو كان العبد يستحق غضب ربنا عليه - و العياذ بالله - يبقى يستاهل اللى يجرى له . باقول لك كده يا أختى عشان ثقتك بعدالة ربنا سبحانه و تعالى تزيد أكتر و أكتر و ما تشعريش بالصدمة و ترجعى لهدوئك تانى .
اللهم اكفنا شر غضبك علينا ... اللهم آمين
حبيبتي أنا الحمد لله كويسه
بس ساعة ماسمعت الخبر ده كنت هتجنن
ومعرفتش أعمل أي حاجه غير إني أدعيلهم
والتوبيك ده الحاجه الوحيده اللي جه في بالي
إني أعمله عشان الناس بقى تبدأ تفوق
والأهل يرجعوا يربوا من أول وجديد بعد غفوه طالت مدتها
ولكن لاأفول إلا الله المستعان
وجزاك الله كل الخير على ردك
ودمتي بخير
ليتني طفله وهمي لعبتي 31-08-2009, 07:50 AM لا حول ولا قوة الا بالله العلي العظيم
ربنا يحفظ كل مسلم و مسلمة من الشبهات
و من سوء الخاتمة يا رب
بجد قصة بشعة ربنا يجعلنا من البارين بأّبائنا و يبعدنا عن محرماته يا رب
و جزاكي الله خير يا حُبي على الرسالة الجميلة دي
وجزاكي كل الخير يارب
جزاكى الله خيراا على القصه الرائعه دى ربنا يهدى جميع المسلمين والمسلمات
لاحول ولا قوة الا بالله العلى العظيم
وجزاك مثله وربنا يخرجنا منها وقد غفرت ذنوبنا
اللهم آمين
أريــــ الجنة ــــد 31-08-2009, 11:03 AM الذنب مش على الولد
الذنب على والديه
كانوا فين من الاول
جايين يحاسبوه بعد ما الفاس وقعت في الراس زي ما بيقولوا
شكرا ليكي يا قمر
موضوع جميل
وربنا يحسن خاتمتنا جميعا
:)
شمس الدقهلية 31-08-2009, 12:22 PM ربنا يرحمنا جميعا
ليتني طفله وهمي لعبتي 01-09-2009, 03:35 AM الذنب مش على الولد
الذنب على والديه
كانوا فين من الاول
جايين يحاسبوه بعد ما الفاس وقعت في الراس زي ما بيقولوا
شكرا ليكي يا قمر
موضوع جميل
وربنا يحسن خاتمتنا جميعا
:)
والله ياقمري
الذنب ذنب كله
الأب أصلا ده المشكله
إنه ملتزم
وكان معتقل أمن دوله
وخرج لقى إبنه بالمنظر ده
فمش عارفه مين اللي غلطانه
مش عايزه أتكلم والله
ووربنا يحسن خاتمتنا أجمعين يارب
ومرورك أسعدني ياقمري
ليتني طفله وهمي لعبتي 01-09-2009, 03:36 AM ربنا يرحمنا جميعا
اللهم آمين
نورتي ياقمرايه
نونة الشعنونة 01-09-2009, 01:53 PM ان ايدي مش عارفة اكتب بيها اى حاجة بس ده غضب ربنا ربنا يرحمه ويرحمنا جميعا
aelsoudy 01-09-2009, 04:56 PM لا حول ولا قوة الا بالله العلي العظيم
ربنا يحفظ كل مسلم و مسلمة من الشبهات
و من سوء الخاتمة يا رب
ليتني طفله وهمي لعبتي 02-09-2009, 08:23 AM ربنا يكرمكم
على الردود
أما عن إيدك يانونه
عشان عندك إنسانيه
فعلا حاجه تحزن
أنا كل ما أفتكر الموضوع ده
وادخل على التوبيك
بتنكد جدا
الحمد لله علة كل حال
وربنا يهدي المسلمين
ويشرفوا الإسلام
amaaas 02-09-2009, 02:26 PM لا حول ولا قوة الا بالله العلى العظيم
حاجة فعلا تحزن وتبكى هو فى فعلا ناس كدة
الله احسن ختامنا يارب العالمين وشكرا عالموضوع
ليتني طفله وهمي لعبتي 02-09-2009, 08:37 PM لا حول ولا قوة الا بالله العلى العظيم
حاجة فعلا تحزن وتبكى هو فى فعلا ناس كدة
الله احسن ختامنا يارب العالمين وشكرا عالموضوع
أه والله مش بس تحزن
للأسف إن في ناس كده
ويارب أحسن ختامنا
ويكون مثوانا الجنه..
وشكرا لمرورك ياغاليه..
عاشق الحزن 2009 02-09-2009, 10:31 PM قصه مؤثره فعلا ويارب الكل يعرف ان ممكن دى تكون الاخره ليه فى الدنيا
اللهم اهدى شباب وبنات المسلمين وارزقهم الجنه فى عليين اللهم امييييييييييييييييييييييين
اخوكوا
totti1777***********
khas123 03-09-2009, 02:48 AM انا بأمانة أتصدمت
لما تخيلت المشهد ده
وتخيلت مصير الولد ده عند ربنا دلوقتي
ياريت يبقى عبرة لغيرة
جزاك الله خيرا
sanjy 03-09-2009, 05:55 PM لا حول ولا قوة الا بالله
جزاكى الله خيرا
والله انا مش عارف اقول اية او الغلط ع مين بالظبط
ع الاب الى مش متربى ولا
ع الام الى ف الباى باى ولا
ع الاخوات الى مع نفسهم ولا
علية هوه نفسة
مش عارف اقول غير يارب احفظنا
Its My Life 03-09-2009, 08:30 PM لا اله الا الله
بصراحه مش عرفه ارد ااقول ايه
ربنا يرحمه
..Just Stop 03-09-2009, 11:46 PM ونرجع نقول العيب فى مين
هل العيب فى الاب
واللا الابن واللا فى الاتنين
العقوق من الطرفين
اب عاق لابنه عشان مربهوش كويس
وابن عاق لابوه
الاسرة اساس المجتمع
وزى ماقولتى اسرة مفككة كل واحد فيها فى ملكوت خاص به
طبيعى ان دا يحصل فى ظل الظروف دى
ربنا يهدينا جميعا
اللى يشوف هموم الناس يهون عليه همه
شكرا على المأساة
دمتم فى رعاية الله
ليتني طفله وهمي لعبتي 04-09-2009, 10:26 AM جزاكم الله خيرا على المرور
ياريت اللي يشوف القصه دي يحكيها لغيره
مش لنشر المساوئ
تؤتؤتؤ
للحفاظ على الأبناء
وانتباه الأباء والأمهات
ربنا يحمينا ويحفظ ذرياتنا من كل سوء
|