مشاهدة النسخة كاملة : كلمه اخيره لكل المنتدى
nothing 27-08-2009, 09:24 PM انا كنت خلاص مشيت من المنتدى اللى ربنا يعلم بحاله ده وخلاص مشيت ف هدوء وانا اللى كنت حابه ده لانى زى ما كنت بظهر ف هدوء حبيت بردو امشى بهدوء
طبعا هاتسالوا ليه انا عملت كده لانى واحده صاحبتى من غير ما تقصد وقعتنى ف مشكله مع الاداره هنا واتقال كلام يجرحنى اوى من شخص كنت بعتبره عزيز عليا اوى زى ما انا كنت عزيزه عليه بردو بس اتضح العكس لان علشان تفاهات حصلت خسرنا بعض بس ده مش قصدى من الموضوع انا عاوزة اوضح انى مالييش ذنب ف اى حصلت وان حصل حاجه منى اكيد لازم تبقا من غير قصد لانى كل الناس هنا عارفين من نهال وهيا بتقصد ايه وانا هاسيب الناس تتكلم ع انى لا بحب اوقع الدنيا ولا ليا ف المشاكل بس لما المشاكل تجيلى لحد عندى يبقا لازم يتعمل ليها استوب وكفايه ع كده بجد حرام التجريح ف الناس وياريت الاقنعه تظهر ع اصلها كفايانا رياء ووشوش مليانه كراهيه
بس قبل ما امشى احب اقول اقول ع قد ما انا كنت فرحانه لانى كنت ف بيتى التانى بجد ع قد ما انا زعلانه لانى ف حد ممكن يفهمنى غلط زى اللى فهمونى انا ولا عامله الموضوع ده شهره ولا لانى ماشيه انا قررت انى امشى من اسبوع فات وبالفعل مشيت بس انا عامله الموضوع ده علشان اقولكوا كلمه اخيره خافوا ع بعض ومشاعر بعض وعاملوا بعضكوا اكتر من كونكوا شاشه او اشاعات لا فيه ناس ورا الشاشات دى وناس بمشاعر وخافوا ع بعض اكتر من انكوا تكونوا ف منتدى وعايشين الحياه فيه لان ف الاخر محدش ضامن عمره واللى هاتدوم الكلمه الحلوة والمعاملات الطيبه
اشوف وشكوا بخير وكل سنه وانتوا طيببين ورمضان كريم:)
account closed 27-08-2009, 09:29 PM طيب يا نهال اصبري بس
كل شئ ممكن يتحل بالهدوء
وبعدين كل واحد ف المنتدى هنا بتطلع عليه اشاعات كل يوم
وبيتخانق كل يوم
بس مش هنمشي يا إما المنتدى كده هيفضى
فكري تاني يا نهال إنتي غالية علينا أوى
ymymym 27-08-2009, 09:38 PM نهال هرد عليكي
بس لو سمحت خليكي معايا بس
لو سمت بجد
Not Allowed 27-08-2009, 09:49 PM ومالوا عادى جدآ
ربنا يوفقكم
الى بعدوا ;)
أو على رأى عمر أديب
غيروووووا :d
وكل عام وأنتم بخير
أسيل رزق 27-08-2009, 09:52 PM أولاً : أحيكى على الموضوع يا نهال و مش هقول خليكى زى ما الناس بتقول و هتقول
اللى هتعمليه ده هو الصح و أكيد انتى عارفة إنى بحب ليكى الخير و بحب أنصحك
ثانياً : عمرى ما كنت بقتنع بالمواضيع بتاعة الرحيل دى
يمكن انتى تانى موضوع أحترمه بعد موضوع ماجدولين
ثالثاً : حقيقى يا نيهو انتى من أكتر الناس اللى حبتها و إحترمتها فى المنتدى و يا رب تكونى عارفة كده
و أخيراً : أتمنالك كل خير و ربنا يباركلك فى حياتك و عايزاكى تعرفى إن الواحد لازم يقع علشان يقوم و لازم يغلط علشان يعيش و يتعلم
و مش لازم تخرجى من هنا و انتى ندمانة إنك دخلتى لكن اخرجى و انتى حاسة إنك كسبتى حاجات سواء إنك عرفتى ناس أو اتخدعتنى فى ناس أو مريتى بحاجات جديدة و اتعلمتى منها
اخرجى مرفوع راسك و ربنا يوفقك فى كل الأحوال و يكرمك بكل خير
على تليفونات بقى :d
nothing 27-08-2009, 09:53 PM ومالوا عادى جدآ
ربنا يوفقكم
الى بعدوا ;)
أو على رأى عمر أديب
غيروووووا :d
وكل عام وأنتم بخير
يا اخ حضرتك بتتريق ع ايه انا ولا عايزه منكوا عطف ولا عايزه منكوا حاجه انا بوصل رساله يا ما تعملوا بيها يا ما لا
ولا جايه اقول انا ماشيه و لا كلام الفاضى ده ياريت تفهموا الواحد صح ولو لمره واحده
Not Allowed 27-08-2009, 09:57 PM يا اخ حضرتك بتتريق ع ايه انا ولا عايزه منكوا عطف ولا عايزه منكوا حاجه انا بوصل رساله يا ما تعملوا بيها يا ما لا
ولا جايه اقول انا ماشيه و لا كلام الفاضى ده ياريت تفهموا الواحد صح ولو لمره واحده
كل سنة وأنتى طيبة
ymymym 27-08-2009, 09:57 PM ربنا يوفقك يا نهال بجد
وفعلا بحبك وبتمني الخير ليكي دايما ومتضايقيش من اي حد هنا
ولا حد يزعلك يسوي اي حاجه
انا عارفه اني ف يرمضان
بس لازم الناس تفوق لنفسها
بقي كفايه
فعلا كفايه
ربنا يوفقك يا نهال مالكيش دعوه باللي يتريق عليكي المهم انتي نيتك ايه
وربان يوفقك
nothing 27-08-2009, 09:59 PM كل سنة وأنتى طيبة
وانت اطيب:)
Sherif Elkhodary 27-08-2009, 10:49 PM ربنا يوفقك يا نهال
FRANKENSTEIN 27-08-2009, 10:56 PM ربنا يوفقك يا نهال
ههههههههههههههههه
هيا حتروح تحارب ولا حاجه :d
كل الردود كدا :d
اشمعني انا
ربنا يوفقك يا نهال
وتلاقي منتدي يكون ابن حلال وطيب :d
قولي امين :d
Amethyst 27-08-2009, 10:59 PM ربنا يوفقك في حياتـك كــلــهــا
بتمنالك الخير من قلبي
بـحـبـك
:)
Its My Life 27-08-2009, 11:04 PM والله العظيم حاجه غريبه جدا
هي مش الأخت مشيه زيي
كله بيقولها ربنا يوفقك يا نهال
مسكنوا في خناقي أنا ليه وقولتي مكنتي تمشي من سكات
حاجه تصد النفس والله
أسيل رزق 27-08-2009, 11:38 PM والله العظيم حاجه غريبه جدا
هي مش الأخت مشيه زيي
كله بيقولها ربنا يوفقك يا نهال
مسكنوا في خناقي أنا ليه وقولتي مكنتي تمشي من سكات
حاجه تصد النفس والله
ههههههه
و حضرتك عملتى كام موضوع تقولى إنك ماشية؟؟
على الأقل قدرنا نستفيد من الموضوع ده فى حاجة
منورانا يا ست الكل
Its My Life 27-08-2009, 11:43 PM ههههههه
و حضرتك عملتى كام موضوع تقولى إنك ماشية؟؟
على الأقل قدرنا نستفيد من الموضوع ده فى حاجة
منورانا يا ست الكل
على فكره ياريت حضرتك لو مش متابعه او مش فاهمه انا ليه عملت موضوعين متتكلميش
وانا مش مشيه بقى
وعلى قلبك:040vk0:
Sherif Elkhodary 27-08-2009, 11:51 PM والله العظيم حاجه غريبه جدا
هي مش الأخت مشيه زيي
كله بيقولها ربنا يوفقك يا نهال
مسكنوا في خناقي أنا ليه وقولتي مكنتي تمشي من سكات
حاجه تصد النفس والله
عشان نهال مشتمتش المنتدي قبل متمشي
يلا خير خير
Its My Life 27-08-2009, 11:53 PM عشان نهال مشتمتش المنتدي قبل متمشي
يلا خير خير
خير ايه بس انتوا خليتوا فيها خير خالص
مانا اتشتمت بردو يا كابتن
ياله
بصره
Its My Life 28-08-2009, 12:09 AM ولا عامله الموضوع ده شهره
اتمنى انكوا متكونوش فهمتوا ان ده كان غرضي
..Just Stop 28-08-2009, 12:22 AM خلاص يا جماعة نهدا كدا ونصلى على النبى
رسالتك وصلت ينهال بشقيها للمقصود من الموضوع او الرسالة العامة اللى هيا لكل الاعضاء
وعموما رنا يوفقك
منقدرش نقوللك خليكى ومنقدرش نقوللك امشى
المنتدى منتداكى
اى وقت تحبى ترجعيله هتلاقينا مرحبين بيكى
دمتم فى رعاية الله
احمد رضا 28-08-2009, 12:40 AM أكتر شئ بيجبلي مغص وإعياء نفسي هيا الردود السخيفة ( أكيد مقصدش في الموضوع لاء دي بقت تعريف شخصي )
لا حول ولا قوة إلا بالله
ربنا يوفقك يانهال
ولعله خير
اديكي هتستفادي من اي حاجة حصلت
سواء أثرت عليكي بالسلب او بالإيجاب
في رعاية الله
وزي ما قالك محمود
المنتدي بابه مفتوح
لا هنحبس الاعضاء
ولا هنشدهم ونقل عليهم
ولا هنقفل الباب في وشهم
ربنا يعينك يارب
:)
Its My Life 28-08-2009, 12:42 AM أكتر شئ بيجبلي مغص وإعياء نفسي هيا الردود السخيفة ( أكيد مقصدش في الموضوع لاء دي بقت تعريف شخصي )
جزاك الله خيرا
wafa2y 28-08-2009, 12:56 AM لا حول ولا قوة إلا بالله
أنا مش فاهم حاجة؟؟؟
والله العظيم حاجه غريبه جدا
هي مش الأخت مشيه زيي
كله بيقولها ربنا يوفقك يا نهال
مسكنوا في خناقي أنا ليه وقولتي مكنتي تمشي من سكات
حاجه تصد النفس والله
إيه اللي بيحصل بقي؟؟
مين اللي زعل مين
أنا مش فاهم اللي حاصل
بس في فرق بين كتابة الموضوع
حضرتك لازم يكون عندك صبر مش بالطريقة دي
ربنا ما يجبش مشاكل
و إن شاء الله هرد في الموضوع التاني
لو كان في العمر بقية
___
ربنا يوفق حضرتك يا أخت نهال
و ده العادي إن يطلع كلام علي الواحد
أومال هيتكلموا في إيه؟؟؟
ده منتدي دي أسهل حاجة فيه إنك تطلع إشاعة
أنا أعرف ناس إتطردت من المنتدي عشان إشاعة
و حضرتك خرجتي معززة مكرمة
ربنا يبارك لحضرتك
روميو 28-08-2009, 04:43 AM انسانة محترمة
اشترت فى هدوء وخرجتى منه فى هدوء ولكنك نبهتى العقول الغافلة ياريت فعلا الكل يفكر فى كلامك يا نهال
وبجد ربنا يوفقك فى حياتك وصدقينى محدش هنا هينساكى لان الاشخاص المحترمين لايمكن لااحد ان ينساهم حتى وان رحلوا عن المنتدى
بجد المنتدى خسرك وخسر قبلك كتير محترمين انتى كسبتى والمنتدى خسر
أريــــ الجنة ــــد 28-08-2009, 04:32 PM ربنا يوفقك يا نهال يا رب
وان شاء الله تكون حياتك كلها مودة
ربنا يوفقك يا حبيبتي
وانا مش هقولك وداعا ..
هقولك الى اللقاء
http://2.bp.blogspot.com/_OQBvsXWK8tY/R-XK4eU1iiI/AAAAAAAAAKs/EGWcoRGtUCs/s400/%D8%B5%D8%AD%D8%A8%D8%A9%2B%D9%88%D8%B1%D8%AF.bmp
صوت الامة 28-08-2009, 05:10 PM كلاكت مليون مرة.......................؟
يلى ربنا يصلح الحال
هو انا يمكن معرفش الاخت نهال
الا الظاهر انها انسانة محترمة
وووالله المنتدى حيخسر كتير
منتش ملحظين يا جماعة ان معظم الاعضاء المميزة والنشطة
هما الى بيمشو اليومين دول؟؟؟
ربنا يهدى العاصى ويبين الحق
يا ريت تفكرى تانى اختنا الغالية نهال
واين يكن محدش بيسيب حد فى حالة اليومين دول
ونااااس يامة اشتكت من الموضوع دة
لاكن لو كل واحد حصلو كدة يمشى لاعتقد ان المنتدى حيفضى
يا ريت تفكرى تانى وتالت ورابع
ويا ريت تعرفى ان مش كل المنتدى وحشين اكيد حضرتيك عارفة اصحابيك الكويسين
وعارفة الوحشين بردة
اتمناليك التوفيق
كل عام وانتم بخير
Rymonda 28-08-2009, 05:12 PM استغفر الله العظيم .. ايه يا جماعه اللي بيحصل ده ؟؟
في ايه يا بنتي حصل لكل ده ؟؟
انا مش هعرف اتكلم لاني مش فاهمه حاجه .. بس اكيد انتي شوفتي الصح ع الاقل بالنسبالك وعملتيه ..
يلا .. ربنا يستر في اللي جاي ..
وربنا يوفقك برضو هقول ايه ..
في رعاية الله
MoHaMeD ELsHeRbEnY 29-08-2009, 02:22 AM انا مشفتش الموضوع الا دلوقتى
بس زى ما محمود قال
رسالتكم وصلت يا اخت نهال
بس ياريت قبل ما نقول نصايح احنا نعمل بيها
واة على فكرة انا كان ليا مزاج ارد على الموضوع كلة
بس عشان ميقلبش مهاترات وردود فاضية
هقول زى الى قالو
ربنا يوفقك
سلام عليكم
nothing 29-08-2009, 02:41 PM انا ابعد ما يكون عن انى ادى نصايح ومش اعمل يا محمد
وشكرا
wafa2y 29-08-2009, 03:06 PM انا ابعد ما يكون عن انى ادى نصايح ومش اعمل يا محمد
وشكرا
:d:d:d:d:d:d
ymymym 30-08-2009, 09:10 PM ولا يهمك يا نهال
المهم اننا مع بعض علي الميل يا جميل في رعايه الله
ميراج 31-08-2009, 06:04 PM انا كمان عايزه اقولك حاجه يا نهال
متحكميش على حد من غير ما تسمعى كلامه
يعنى لازم تسمعى كل الاطراف قبل ما تحكمى على اى حاجه
ولو انتى شايفه ان راحه ليكى انك تسيبى المنتدى
مش هقولك غير ربنا يوفقك يارب
وهقولك كمان متتسرعيش فى الحكم على الناس
وربنا معاكى ويوفقك يارب
ليتني طفله وهمي لعبتي 31-08-2009, 11:24 PM السلام عليكم
بداية
أنا مش عارفاك يانهال
ومش عارفه كمان إيه اللي حصل وزعلك
بس خدي مني نصيحه سواءا مشيتي أو قعدتي
هيا كام عباره كده أنا بحطهم أدام عيني في أي مشكله بتواجهني
وبجد إستفدت كتييييييييييير
وبخرج مبتسمه وبغير رأيي في أوقات كتير
1...إذا طعنت من الخلف فاعلم أنك في المقدمه.
2...إذا جاتني ذميمة من ناقص فهي شهادة لي بأني كامل.
3...كل يرى الناس بعين طبعه.
وتقبلي مروري
مودتي..
أختك في الله الزاهــــدة.
dr.only hope 09-09-2009, 04:22 AM السلام عليكم
ازيكوا يا احلى اعضاء نروق شوية كدا ومش نزعل بعض
اولا نهال انا برضو مش اعرفك بس الموضوع يبين انك زى الفل ومحبوبة الحمد لله واكيد هاحيك وهتبقى صاحبتى باذن الله ياااااااااااارب يعنى
ثانيا انا عملت زيك كدا وكنت هاسيب المنتدى بس اكييييييييييييد مشكلتى كانت اكبر والاشاعة كانت اكبر الحمد لله واللى عارفها يتعدوا ع الصوابع وبصراحة مش عايزة اقولها تانى اللى عايزة اقوله ان كل حاجة بقت تمام وظهر الحق والادارة خدتلى حقى لانى بجد كنت مظلومة الحمد لله ورجعت تانى فلة عقبالك يا جميل
بوظى حبيبتى انتى متقدريش تسيبى البوابة ولا هى تستغنى عنك يا بنتى خليكى منورانا يا حبى وهابقى ارد ع مواضيعك يا بشمهندس يا صغنن
فى رعاية الله جميعاااااااااا
المجاهد فى سبيل الله 09-09-2009, 04:49 AM على فكرة يا اختى
انا مش بفضل المواضيع دى
بس حقيقى
انتى من الناس القليله جدا الى احترمتها هنا فى المنتدى
وانتى اكيد عارفه انى مش بجامل حد
بس بجد ربنا يوفقك فى حياتك
و صدقينى مفيش اى حاجه على النت تستاهل مجرد انكم تفكرى فيها
او انك تدايقى علشانها وخصوصا لو الحاجه دى على منتدى
كل الى يمعك بيه شاشة و وصلت نت ب25 جنيه
وبسهولة جدا انك تشدى الكابل و يقطع النت ويتقطع معاه علاقاتك او الكلام الى اتقال عليكى من خلاله
فى رعاية الله
واحنا احترمناكى و مازلنا بنحترمك
برنسيسة الهدوء 09-09-2009, 06:29 AM على فكرة يا اختى
انا مش بفضل المواضيع دى
بس حقيقى
انتى من الناس القليله جدا الى احترمتها هنا فى المنتدى
وانتى اكيد عارفه انى مش بجامل حد
بس بجد ربنا يوفقك فى حياتك
و صدقينى مفيش اى حاجه على النت تستاهل مجرد انكم تفكرى فيها
او انك تدايقى علشانها وخصوصا لو الحاجه دى على منتدى
كل الى يمعك بيه شاشة و وصلت نت ب25 جنيه
وبسهولة جدا انك تشدى الكابل و يقطع النت ويتقطع معاه علاقاتك او الكلام الى اتقال عليكى من خلاله
فى رعاية الله
واحنا احترمناكى و مازلنا بنحترمك
بجد انا احترمت كلام حضرتك جدا
وفعلا اللي مش يستاهل احترامك ليه يبقي تمحيه من ذاكرتك بس ع فكره وصله النت عندنا ف المنصوةر ب 30 جنيه
المهم
شوفي يااخت نهال انا برضه مش اعرفك لكن احب اقول لحضرتك ع حاجه لما تاخدي قرار انك مش ترجعي تاني يبقي بالفعل مش ترجعي خالص مادام شايفه ان ده القرار المناسب لان في ناس هنا شغلتها الوحيده اللك والعجن بيقولوا اي حاجه ع اي حد فهيقولوا انتي رجعتي تاني اهو يبقي محدش يستاهل انك تحرقي دمك عشانه
لكن اتمني طبعا انك تفكري تاني ومش تمشي وافضل طريقه انك تعملي زي اختك ادخلي المنتدي وملكيش دعوة بحد لان انا عن نفسي اللي بيغلط فيا مش برحمه عشان كده انا ف حالي عشان مش اعمل مشاكل
ويارب يوفقك
وباين كده انا طولت عليكي بس حبيت انقل وجهه نظري
روميو 09-09-2009, 11:55 AM يا جماعة خلاص نهال مشيت وسابت المنتدى
بس هى سابت ليها بصمة
من عرفها قدرها ومن لم يعرفها احترمها
وعندك حق يا مروة لازم نهال تسمع من كل الاطراف وياريت ده يحصل ولا ايه
ويا نهال يا ريت ترجعى تانى ولو رجعتى اكيد الكل هيرحب بيكى ولو اخترتى انك تبعدى اكيد الكل يتمنالك الخير
|