|
مشاهدة النسخة كاملة : بجد محتاجه نصيحتكم د\رغدة 27-08-2009, 09:54 PM السلام عليكم يا دكاترة وكل سنة وانتم طيبين انا عضوة جديدة معاكو اتمنى ان اكون ضيفه خفيفة عليكم انا جالى طب بيطرى القاهرة وكنت مبسوطه بيها بس من كام يوم اتخنقت من الكلية اوى وفكرت احول اعلام لان حاسه ان طب بيطري مش واخده حقها ونظرة الناس ليها مش مريحانى ياريت تنصحوني اعمل ايه اكمل بيطرى ولا احول ومعلش طولت عليكم بس والله انا متضايقه لان حاسه انى استاهل حاجه اكتر من كده ولكن الحمد لله eesraa 27-08-2009, 10:01 PM وعليكم السلام يادكتورة بقى بذمتك عايزة تتنازلى عن اللقب الحلو ده لمجرد كلام الناس لعلمك الناس لا بتعلى ولا بتخفض ( واعلم ان الامة لو اجتمعت على ان ينفعوك بشىء لن ينفعوك الا بشىء قد كتبه الله لك ولو اجتموا على ان يضروك بشىء لن يضروك الا بشىء قدكتبه الله عليك رفعت الاقلام وجفت الصحف ) كلية الاعلام دلوقتى مابقتشى زى زمان دلوقتى بقى يدخل فيها ناس جايبة 60% وده طبعا هيقلل من فرصتك فى التعيين كلية الطب البيطرى جميلة والله وانا كنت كاتباها فى الرغبات وكنت هبقى سعيدة لو كانت جاتلى انا ليا زميلات كتير فى الكلية وعاجباهم ومبسوطين وان شاء الله فرصتهم فى العمل كبيرة الى اقصى درجة ممكن تتخيليها ريحى دماغك وكبرى الدى وروقى الجى على راى عادل امام ومايمكيش كلام الناس وانتى ان شاء الله ربنا هيكرمك ويوفقك وتبقى احسن من الدكاترة والصيادلة كمان سلام عليكم يادكتورة واوعى تتنازلى عن اللقب الرائع ده Bent 3bdo 27-08-2009, 10:09 PM أهم حاجه صلى صلاة الاستخاره وربنا يوفقك د\رغدة 27-08-2009, 10:12 PM متشكرة جدا علي ردك يادكتورة وماكنتش متخيلة الرد بالسرعة دي وربنا يوفقك لما يحبه ويرضاه وانت عندك حق اكتر حاجه عجباني في الكلية اللقب ده اناولله كنت راضية عنها وراضيه باللى ربنا كتبهولي بس مش عرفه ايه اللي حصل وبجد متشكرة ليكى جدا وربنا يوفق كل الدكاترة والصيادلة د\رغدة 27-08-2009, 10:13 PM شكرا يا دكتورة نغم علي الرد |