مشاهدة النسخة كاملة : حكاية جعلتني مهندسا®
جعلتني مهندسا 28-08-2009, 01:40 AM بسم الله الرحمن الرحيم
أولا أنا اسمي أحمد
أنا هفضفض معاكم شوية ويارب أكون ضيف خفيف عليكم
ويارب الادارة والاشراف ميحذفش حاجة من الموضوع
تبدأ الحكاية من ثانية ثانوي بعد درس الفرنساوي (أصلي كنت فرنساوي وكمان كنت علمي رياضة وكنت فاكر ان ممكن طلبة علمي رياضة يخشوا اعلام الكلية اللي كان نفسي فيها)أصل أنا عمر محد فهمني عمر ماحد قعد معايا وكلمني
وحاول يبقى صاحبي حتى بابا وماما اللي هم أصلا أغلى حاجة عندي في الدنيا
لحد ما قابلتها وبقت صاحبي الوحيد وأنا كمان كنت صاحبتها الوحيدة:)
وفهمتني الحكاية ولأخدنا عهد على نفسنا اننا نذاكر ونموت روحنا علشان نخش مع بعض كلية الهندسة
وكمان في نفس الوقت نصلي ونعبد ربنا
لغاية ماظهرت نتيجة سنه ثانية وع الأسف كانت أول مرة في حياتي أدوق طعم الظلم واكتشفت اني متشال مني 3 درجات في الرياضيات رغم التظلم اللي عملته وجبت 90 وهي جابت 93.5
وفرحنا مع بعض واتفقنا اننا نشد حيلنا السنة الجاية علشان نححقق حلمنا ونسعد عيلتنا
واسعاد الناس كان هدفنا احنا الاتنين في الحياة
وبدأت سنةثالثة شديد حيلي فيها أوي وظهرت النتيجة لكن كلاكيت تاني مرة_الظلم_14.5 درجة معرفش ازاي
ولما عملت التظلم 9.5 علم نفس اللي كنت حافظة وسؤال ميكايكا كامل صح مكتوب عليه نظر ولم يعلم
وهي الحمد لله جابت 96.5 ودخلت هندسة وأنا91ودخلت هندسة الشروق وطبعا العيلة عندي مسمعتش منها كلمة مبروك ولا كلمة شد حيلك ولا بابا ولاماما ولا عمامي ولاأي حد هي بس عمتي كانت جايبالي هدية الصبح بدري وأنا نايم وتخيلو بدل ماأصحى على كلمة مبروك صحيت على كلمة _ايه ده دا مايستاهلش_
طبعا اشتاكتلها وأنا باشتيكلها وحنا ماشين في الشارع لقيتها مش جنبي لقيتها مرمية على الأرض جنبي في بركة دم بسبب العربية اللي داستها وهي جنبي وماتت الله يرحمها ويحسن اليها
ماتت الانسان الوحيد اللي بثق فيه
ومليش حد دلوقتي غير الكميوتر ده
قلت هحقق حلمي وحلمها وأخش هندسة الشروق وأبقى مهندس واستغل الأجازة في أني أقرب من عيلتي وأشوف سبب بعدهم عني
وفعلا بدأت افهمهم أكتر وأهزر معاهم أصل أنا كل ما حد يشوفني أو يكلمني لازم أفطسة من الضحك أصلهم بيقولوا عني أن دمي خفيف
المهمعلاقتي اتحسنت معاهم وبقيت في كل سجدة أسجدها في كل صلاة أترحم عليها وأدعيلها وأحمد ربنا طبعا
لحد النهاردة لحد ما لقيت بابا وماما بعد شوية عتاب مني ليهم عشان المعاملة السيئة منهم ليا
لقيتهم بيقولوي احنا مش بنحنك انت أكتر واحد في اخواتك صرفنا عليه يا ريتك فالح والكلام اللي انت عارفينه
لدرجة ان بابا لأول مرة من خمس سنين يرفع ايده عليا ويضربني أما اخواتي الصغيرين
وطبعا مكنش بايدي أعمل حاجة
وأنا دلوقتي مش عارف أعمل ايه هل أكمل في هندسة الشروق وأثبت روحي وأحقق حلمنا
ولا أحول هندسة زراعية ولا علوم مع العلم اني مقدمتش ورقي الى الآن
ياريت حد يساعدني
أنا مليش غيركم
وآسف على الكلام الكتير ده
hawass007 28-08-2009, 02:10 AM خليك ف هندسة الشروق و اثبت نفسك
وصلي و ادعي ربنا دايما ان علاقتك تكون كويسة مع عيلتك و ان شاء الله الحال يتحسن
ريناد2025 28-08-2009, 02:17 AM ان لله وان الية راجعون اتمنى ان محدش من المشرفين يحذف الموضوع ندخل فى الموضوع على طول انت لازم تكمل حلمك او بالاصح حلمها خليك فى هندسة الشروق دى جميلة اوى وان شاء الله هتثبت ذاتك وربنا هيعوضك خير ان شاء الله اما بالنسبة لهندسة زراعية هى مش وحشة بس شغلها صعب اوى وعلوم ملهاش لازمة يبقى تفضل زى ماانت وربنا هيساعدك طول ما انت نيتك صافية وحاول تحسن علاقتك مع اهلك وربنا يصبرك
جعلتني مهندسا 28-08-2009, 02:19 AM شكرا ليكم كلكم
abdelRhman772007 28-08-2009, 02:56 AM عرف زمانك من تكون ارضى طموحك اجتهد
افتح لمرآتك عيون ينظر بها من جا بعد
اتحدى الكون و اتمرد و اتعلم تبقى جرىء
مشوار الألف ميل خطوة تبدأ بطريق
واضح كلامى ؟؟؟
كمل طريقك للآخر و متقفش فى الأول
و اعرف دايمًا الخطوة الأولى نص المشوار
و متجيش تتردد واضح جدًا أنك واخد قرارك من زمن و مصمم
فمش هنلخفنك و لا هنردك و لا هنطفى حماسك
أنت تكمل و على رأى اللى قالوا
و لكن تُأخذ الدنيا غلابا
و وفقك الله فى الدارين
و الله يرحمها و يرحم أمواتنا
و إن شاء الله متواصل معاك فى القسم الهندسى
أخوك عبدالرحمن
كمل واتعب واثبت نفسك
وآسفة انى هاقولك الكلمة دى بس سيبك من الكلام بتاع باباك ومامتك
:d
هما بيقولوا كدة من خوفهم عليك وعشان عايزينك تبقى حد كويس
اتعب وخليك الحد الكويس اللى هما عايزينه
وهاتلاقيهم واقفين جنبك بعد كدة
البداية هاتكون صعبة شوية
بسبب الكلام اللى بيحبط ده
بس ارمى الكلام ده ورا ضهرك
يعنى ..
ده حلمك .. وده هدفك
مش عارفة اصلا ازاى لسة محتار وبتسأل
الحاجة اللى بتحبها هاتنجح فيها اكتر من اى حاجة تانية
اعمل اللى عليك وربنا يوفقك ..
Nemo_92 28-08-2009, 04:02 AM بص يا احمد
اولا البقاء لله وربنا يصبرك يا رب
ثانيا نصيحة اخوية خليك في هندسة الشروق لانك ان شاء الله لما تتخرج هتبقى مهندس مش مهم اذا كانت هندسة الشروق او غيرها وبما انك حابب الهندسة حاول تجتهد فيها وربنا يوفقك باذن الله
وانت بتقول ان هي كمان معاك في هندسة مش مشكلة ان كل واحد في مكان بس المهم ان الدراسة واحدة والهدف واحد
حاول تجتهد وتثبت نفسك في الكلية عشان تغير وجهة نظر اهلك فيك وفي النهاية محدش بياخد غير نصيبه
والدراسة في الهندسة معتمدة على الفيزياء ورياضة 2 لو بتحبهم وحاسس انك كنت بتفضلهم في المذاكرة يبقى اتوكل على الله وقدم ورقك وربنا يوفقك
جعلتني مهندسا 28-08-2009, 04:17 AM شكرا يا جماعة على ردودكم
وبالنسبة للفيزياء 48
والرياضة1 46.5
أما رياضة2 44
والرياضة مستوى رفيع 10
شفتو خيبة زي دي
حسبي الله ونعم الوكيل
eng_emy 28-08-2009, 04:31 AM بصراحة
من زماااااااااااااااااااااااااااااااااااااااااااااااا اااااااااااااااان
وانا كنت عاوزة اسالك على الحكاية دى
يا بشمهندس احمد
لانى بلاقيها دايما فى توقعيك
(بس انا خمنت ان فى حد عزيز عليك وقف جنبك وشجعك يعنى)
لغاية لما قريت موضوعك
اولا انا لله وانا اليه راجعون
ربنا يرحمها يارب
وان شاء الله لازم تكمل فى الشروق
ومتنساش انت بتقول انك اتظلمت مرتين
فى التصحيح
وربنا عمره ما بيظلم حد ابدا
لانه عارف ان كليتك دى(الشروق)حتكون خير ليك
اكتر من اى كلية تانية
(وعسى ان تكرهوا شيئا وهو خيرلكم)
صح يا بشمهندس
استمر فيها
وحقق هدفك وذاتك
وافتكر الانسانة دى
وان شاء الله حتكون في الكلية حاجة كبيرة باذن الله
ومن ناحية بباك ومامتك
كله كدة على فكرة
مش لوحدك والله
يعنى مفيش اسلوب حوار خالص
(وانا كدة على فكرة )
هما ممكن من ناحيتهم
مفكرين لما بيقولوا
انهم صرفوا عليك وكدة
انهم كدة حيحركوك من جوة
يعنى جرعة حماس
او حاجة زى كدة
بس متزعلش منهم
ومتخدش الكلام على اعصابك وتضايق نفسك
عشان توصل لهدفك
ارمى كل مشاكلك ورا ضهرك
وبإذن الله حتبقى حاجة كبيرة يا بشمهندس
معلش انا عارفة انى طولت عليك
sooomaaa 28-08-2009, 05:50 AM اولا ربنا يكون ف عونك وربنا يرحمها يارب
وياريت تكمل فى هندسه الشروق طالما ده حلمك وحلمها برضه
وتحاول تبذل كل الى عليك علشان تنجح فيها وتبقى بشمهندس اد الدنيا ديه كلها
وبعدين يا راجل مش عاوزينك تسيب القسم خليك منورنا
وخلاص بقى محدش هيتريق على اسمك تانى ولا مهيسا ولا مهلوسا
ربنا يصبرك يا بشمهندس
maryam.s 28-08-2009, 07:55 AM عرف زمانك من تكون ارضى طموحك اجتهد
افتح لمرآتك عيون ينظر بها من جا بعد
اتحدى الكون و اتمرد و اتعلم تبقى جرىء
مشوار الألف ميل خطوة تبدأ بطريق
واضح كلامى ؟؟؟
كمل طريقك للآخر و متقفش فى الأول
و اعرف دايمًا الخطوة الأولى نص المشوار
و متجيش تتردد واضح جدًا أنك واخد قرارك من زمن و مصمم
فمش هنلخفنك و لا هنردك و لا هنطفى حماسك
أنت تكمل و على رأى اللى قالوا
و لكن تُأخذ الدنيا غلابا
و وفقك الله فى الدارين
هو ده فعلا الكلام الصح
وربنا يوفقكم انتم الاتنين البشمهندسين ان شاء الله
(عبدالرحمن وأحمد)
*ساسُّو* 28-08-2009, 10:02 AM رحمة الله عليها
كمل هندسة وحقق حلمكم
ولما تصلي ادعيلها يكون مثواها الجنة
اثبت نفسك رغم كل حاجة واى حاجة
باباك عايزك تكون احسن واحد فى الدنيا كلها بس احيانا الكلام بيقوله بطريقة تانية *انه يضايقك مثلا عشان تاخدها تحدى وتصمم انك تكون الاحسن وهو ده كل مناه*
انا توقعت ان اسمك الثانوية تكون هى*اللى جعلتك مهندسا*
بس ربنا يكومها انها شجعتك وفهمتك رحمة الله عليها
ربنا يوفقك وتكون احسن حاجة
معاك ربنا
eng.midosaid 28-08-2009, 11:38 AM انا لله وانا اليه راجعون
طبعا حكايتك محزنة اوي بس انا لو مكانك
اكمل في هندسة الشروق وسيبك من اي حاجه انت لازم
تحققلها اللي كانت بتحلم تشوفه فيك وادعيلها ان ربنا يرحمها واوعي تنساها:(
جعلتني مهندسا 28-08-2009, 12:59 PM اولا ربنا يكون ف عونك وربنا يرحمها يارب
وياريت تكمل فى هندسه الشروق طالما ده حلمك وحلمها برضه
وتحاول تبذل كل الى عليك علشان تنجح فيها وتبقى بشمهندس اد الدنيا ديه كلها
وبعدين يا راجل مش عاوزينك تسيب القسم خليك منورنا
وخلاص بقى محدش هيتريق على اسمك تانى ولا مهيسا ولا مهلوسا
ربنا يصبرك يا بشمهندس
تريقة ايه بس
هو انت بتوع الكلام ده
حتى لو كام حصل تريقة مفيهاش حاجة أساسا
جعلتني مهندسا 28-08-2009, 01:01 PM وشكرا لردودكم كلكم
D\Eslam 28-08-2009, 03:43 PM الله يرحمها ويرحمك من كلام ابوك وامك وما تحطش فى دماغك اى حاجة غير حاجة واحدة بس انك انسان بعقل يفكر كويس اوى ومش اى حاجة تخليك ترجع عن قرار انت اخدتة واتكل على ربنا وربنا يوفقك ويبعد عنك الافكار دى
بس توعدنى ان ان انت او ل ما تتخرج تعمل حاجات كويسة مش زى اى مهنديسين دلوقتى وربنايوفقنى ويوفقنا جميعا
EnG.BeLaL 28-08-2009, 07:42 PM انا لله و انا إليه راجعون
بداية انا مش لاقي كلام اقوله لان كل اللي كنت هقوله اتقال
انا رأيي انك تستخير ربنا و تشوف اللي انت حابه و نفسك فيه
و اللي فيه الخير هيقدمه ربنا
و بالنسبة لامك و ابوك فدي حكاية في كل البيوت يعني متفتكرش انك مظلوم
و ادعيلهم و ادعيلها و خلي بالك عمر ما في اب او ام يكرهوا اولادهم
هما بيعملوا كده عشان انت اغلى حاجة عندهم في الدنيا
و ربنا معاك و يوفقك
جعلتني مهندسا 28-08-2009, 09:00 PM شكرا على ردك يا بشمهندس بلال
بروف انس 28-08-2009, 10:21 PM البقاء لله ياعم احمد وانا رايي من راي الاعضاء انك تكمل في هندسه الشروق بس عايز اقوللك حاجه ميهمكش كلام اي حد انت فعلا لو عايز تفرح والديك اثبت لهم مكانتك في الكليه وحاول تجيب تقديرات واثبت لهم انه لو مكنتش اتظلمت في التصحيح كان زمانك داخل الهندسه بمجموعك وحاول انك تكون في المقدمه
جعلتني مهندسا 28-08-2009, 10:28 PM ان شاء الله يا بروف أنس هو ده اللي هيحصل
Drsara 29-08-2009, 04:43 AM لو كنت هقوللك كلام هيكون هوكلام باش مهندس عبد الرحمن اخونا فى الله ولتعلم انك لن تاخذ غير نصيبك لكن هى خدت احسن نصيب هى الجنة باذن الله ان لله ولن اليه راجعون اللهم بحق شهرك الكريم اغفر لها ياربلكن ممكن تتقبل رارء انا بحس انها انسانة جميلة جداااااااااا لكن انت لازم تعمل وتوفى العهد لكن انت هتنسها وانا مش متصورة موقف موتها بجد انا زعلانة علشانها ومنها وليها لكن انت ولد ذى باقى الاولاد مسيرك تنسى وتقوووووول ربنا يرحمها لكن لازم تعمل حاجة مفيدة جداااااااااااااااااا ممكن تعمل مشروع فى المستقبل باسمها علشان تخلد ذكرها واللى ربنا يصبرة هما الابوالام ما فيش حد غيرهم يتصبروا حتى لو كان هناك اكتر قريب لها
soso2025 29-08-2009, 09:35 AM والله مش عارفه اقول ايه بجد
بس والله العظيم حكايتك دي اثرت فيا اوى
كل اللي اقدر اقولهولك يا بشمهندس ان
ربنا يصبرك
و ادعيلها كتيييييييييييييييييييييير اوي
وحاول انك تبذل كل مجهودك علشان تحقق حلمها وحلمك
wafa2y 30-08-2009, 03:16 PM طبعا اشتاكتلها وأنا باشتيكلها وحنا ماشين في الشارع لقيتها مش جنبي لقيتها مرمية على الأرض جنبي في بركة دم بسبب العربية اللي داستها وهي جنبي وماتت الله يرحمها ويحسن اليها
ماتت الانسان الوحيد اللي بثق فيه
ومليش حد دلوقتي غير الكميوتر ده
أولا أنا أعصابي تعبانة لما قريت الموضوع
بس أستحلفك بالله
أستحلفك بالله
القصة دي فعلا واقعية؟؟؟
فعلا صديقتك ماتت و إنت ماشي جنبها
و إنت فعلا لسه بتهزر و بتتكلم عادي
أنا مبقولش موتها أخر الحياة بالنسبة لك
بس فين الندم
فين التضحية
أنا زعلان عشان حاجة واحده مستغرب إن مافيش حد ناقشها؟؟
هي دي فعلا حسن خاتمة؟؟
ولا لاقدر الله سوء خاتمة؟؟
كل واحد يسأل نفسه قبل ما يتسأل في قبره؟؟
أرجوك أرجوك أرجوك
لو دي قصة حقيقية
توعدني إنك متسجدش سجدة إلا و إنت بتترحم فيها عليها و تدعي ربنا يغفر لها ذنوبها و يهديها صرطا مستقيما يوم القيامة
أتعلم
أنت ممكن أن تكون سبب تعذيبها
أنا مش قادر أعبر
بس
ربنا يغفر لها و يرحمها
الموضوع مش وقته تدخل هندسة ولا لأ
إدعيلها لحد ما تموت في كل سجدة
لعل ربنا يتقبل و يغفر لها
مش قادر أكمل ولا أقول أي كلمة
سلام
:(:(:(:(:(:(
جعلتني مهندسا 30-08-2009, 05:15 PM أولا أنا أعصابي تعبانة لما قريت الموضوع
بس أستحلفك بالله
أستحلفك بالله
القصة دي فعلا واقعية؟؟؟
أقسم بالله العظيم
أنها حقيقية
فعلا صديقتك ماتت و إنت ماشي جنبها
و إنت فعلا لسه بتهزر و بتتكلم عادي
أنا مبقولش موتها أخر الحياة بالنسبة لك
بس فين الندم
فين التضحية
حضرتك مش فاهم الموضوع
أولا هي ما كانتش صاحبتي دي كانت زي أختي بالضبط
ثانيا أنا أكيد آه زعلان ومقهور عليها بس كل ما أفتكرها أفتكر كلمة قالتهالي (أنا نفسي ألاقي كل الناس فرحانه)
بس
أنا زعلان عشان حاجة واحده مستغرب إن مافيش حد ناقشها؟؟
هي دي فعلا حسن خاتمة؟؟
ولا لاقدر الله سوء خاتمة؟؟
كل واحد يسأل نفسه قبل ما يتسأل في قبره؟؟
أرجوك أرجوك أرجوك
لو دي قصة حقيقية
توعدني إنك متسجدش سجدة إلا و إنت بتترحم فيها عليها و تدعي ربنا يغفر لها ذنوبها و يهديها صرطا مستقيما يوم القيامة
أتعلم
أنت ممكن أن تكون سبب تعذيبها
أنا مش قادر أعبر
بس
ربنا يغفر لها و يرحمها
الموضوع مش وقته تدخل هندسة ولا لأ
إدعيلها لحد ما تموت في كل سجدة
لعل ربنا يتقبل و يغفر لها
مش قادر أكمل ولا أقول أي كلمة
سلام
:(:(:(:(:(:(
حضرتك مكبر الموضوع جدا
اخنا كنا اخوات بالضبط أو ممكن تقول توأم
وعلشان أريحك وأريح الكل والدها ووالدتها ووالداي كمان كانوا عارفين كل حاجة دحنا عرفناهم ببعض
بالعكس دول كانوا بيشجعونا اننا نصلي ونذاكر
وشكرااااااا على اهتمامك
Dr\heba 30-08-2009, 11:42 PM بجد انا اتاثرت بموضوعك ده وبكيت فعلا هى مين اللى ماتت عمتك ولا صديقتك؟
فعلا ايا منهم البقاء لله بجد قصه محزنه جدا بس حاول تتماسك وتكمل مشوارك وتحقق هدفك بكل اصرار وفكك من اى كلام احباط من اى حد كمل وربنا يوفقك ان شاء الله اهم حاجه حب اللى انت بتعمله وصاحب ناس تشجعك عشان تقدر تتغلب على الاحباط لغاية متثبت نفسك للكل وتجبر الكل على الاحترام والتقدير
ونقول ايه للظلم غير (حسبى الله ونعم الوكيل)
وتاكد ان ربنا لا يمكن حيضيع حقك وانه شايفلك الاحسن فى المجال ده بس اهم حاجه انك ترضى انا عارفه ان ده صعب واكلام النظرى اصعب من العملى والتنفيذ بكتير بس حاول وان شاء الله ربنا يقدرك ويقدرنا احنا كمان على الرضا بما قسمه لنا
بس احذر احذر احذر من زملاء الجامعات الخاصه لانك فى هذه الحاله وفى لحظة ضعف يمكن ان تقع فيما لا تحمد عقباه فحاول انك تلاقى صاحب كويس من نفس مستواك وتربيتك حتى يكون بجانبك ويعززك ويقويك وربنا يوفقك ويوفقنا ان شاء الله
wafa2y 31-08-2009, 12:03 AM حضرتك مكبر الموضوع جدا
اخنا كنا اخوات بالضبط أو ممكن تقول توأم
وعلشان أريحك وأريح الكل والدها ووالدتها ووالداي كمان كانوا عارفين كل حاجة دحنا عرفناهم ببعض
بالعكس دول كانوا بيشجعونا اننا نصلي ونذاكر
وشكرااااااا على اهتمامك
أنا شفت رسالة حضرتك و هرد عليك هنا
إن شاء الله
مبدأيا عشان تبقي حضرتك عارف
لايجوز إنك تنظر إلي فتاة
هذا حرام شرعا
فما بالك أن تكون صديقتك
فما بالك أن تخرجوا مع بعضكم
سأسئلك سؤال
عندما يسئلك الله يوم القيامة من هذه التي كنت تجلس معاه
ستقول إنها صديقتي؟؟؟؟
أتري أن هذا مبررا إذا سئلك الله؟؟
أتري أن الله يرضي عن تلك الجلسة؟؟
من ناحية أخري
فإن المرء يبعث علي ما مات عليه
ستبعث يوم القيامة و هي تمشي إلي جوارك
و سيسئلها الله من هذا؟؟
ستقول لها صديقي؟؟
هل صديقها حلال لها؟؟؟
هل يبرر أن والدها يعلموا أنك حلال لها؟؟
نأتي إلي الشق الأخر من ردك
إن كانت تقتصر دعوة الأبوين لكما علي الصلاة والمذاكرة
و ليس الخروج سويا و التحدث إلي بعضكما
فبارك الله فيهما
أما أن والدك و والدها يعلمان أنكما كما تدعي أكثر من أخوات
جلستم سويا و تحدثتم مع بعضكم
فهل
إذا قال لك والدك إسرق هل ستسرق؟؟
لا
لماذا؟؟؟
إن والدك يعلم!!!
ولكنك بذلك تعصي الله
فلا طاعة لمخلوق في معصية الخالق
و إن كان أباها يرضي و يعلم؟
فلتبحث عن معني كلمة ديوث
و أنا أقول لك خوفا عليك و عليها ليس أكثر
اللهم أرحمها و أغفر لها و أسكنها فسيح جناتك
و أجعل قبرها روضة من رياض الجنة
و لا تغضب مني أخي
ما أردت إلا نصيحتك
abdelRhman772007 31-08-2009, 12:42 AM ربنا يغفر لها عمومًا على كل ذنوبها
و اذكروا محاسن أمواتكم
و بعدين برد مهما كان معظم الذنب مش عليهم فاهمنى معظم المجتمع دلوقت كده
فربنا يستر علينا كلنا
و ربنا يجعل مثواكم جميعًا الجنة
Prof.Dr/A.T.M 31-08-2009, 01:45 AM مش عارفة اقول غير الله يرحمها
JusT DreaM 31-08-2009, 05:35 AM ههههههههههه
احسن حاجة اننا بنحاسب واحده ماتت :d
بص ياباشهندس
اولاً بعيدا عن البنت اللي ماتت
لاني مش هقدر اقولك حاجة عليها غير انك تدعيلها
انت دلوقت مشكلتك انك مش راضي بحياتك مع اهلك
بتقول انك عاتبتهم ع المعاملة السيئة
وف نفس الوقت بتناقض نفسك وبتقول انهم مدخلينك جامعه خاصة وان باباك اول مرة يرفع ايده عليك
ومقولتش بيعاملوك معامله مش كويسة ازاي
بس انا عايزاك تحط نفسك مكانهم
انت دلوقت لسة من كام يوم دخلت ابنك جامعه خاصة عشان تحقق حلمه
ولسة دافعله فلوس اد كده
ومستعد تدفعله لمده خمس سنين كمان
وبعد مايخلص كمان
يجي ابنك يقولك انت مش بتعاملني كويس ومش بتحبني
عايز يكون رد الفعل الطبيعي ايه
نكران الجميل ده حاجة وحشه اوي
وخصوصا من ابن لوالده لانه نوع من العقوق
بدل ماتقعد تبوس ايدهم وتقولهم انتو تعبتو عشان تحققولي حلمي جاي تعاتبهم ع المعامله اللي مش كويسه
ياريت تفكر ف الموضوع من الناحيه دي
لان انت اصلا من جواك حابب فكرة انك مظلوم
وده مش عيب فيك
دي طبيعه ف النفس البشرية
معظم الناس يحبو يحسو انهم مظلومين لمجرد انهم يلاقو شماعه يعلقو عليها اي حاجة
سواء فشل حزن احباط اكتئاب
مجرد شماعه يعني لاي حاجة
انت حاول ترضي باباك وماماتك وتبصلهم من الجانب الكويس
وتعرف انهم ليهم فضل كبير انك تحقق حلمك
وحاول بقى تشد حبلك ف الكليه
may ali 31-08-2009, 02:03 PM انت زعلان كده ما بالك بهموم لو تسمعها منى تعرف انى تحملت الكثثثثثثثثثثثيييييييييييييررررررررر احمد ربك على همك البسيط ده اعمل ذى وقول يا هم عندى رب كبير
أسيل رزق 31-08-2009, 07:55 PM تم حذف الردود السخيفة
يا ريت يا جماعة نحترم بعض فى الردود
اللى عنده كلمة كويسة يقولها و اللى ماعندهوش يتكل على الله
و أى تجاوز هيحصل تانى من أى حد .. هيتعرض للوقف
و كل عام وانتم بخير
yomna1993 02-09-2009, 05:45 PM ربنا يرحمها اول حاجة طبعا و يجمعكم مع بعض في جنة الفردوس باذن الله و هي كده ان شاء الله تعتبر شهيدة (في الجنة باذن واحد اد)
و حاول تسترجع كلامها الي بيشجعك كإنها معاك بالظبط
و متفكرش ب ياس او بانك فقدتها و ملكش حد خلاص يبقى الدنيا وقفت
لا لازم تثبت نفسك قدام اهلك (عشان بعد كده تقولهم انتوا صرفتوا عليا فعلا اكتر من اخواتي لكن جبت نتيجة) و حاول متزعلش بباك ولا مامتك بالذات لان في ايديهم مفتاح الجنة بس تحاول تثبتلهم نفسك
عشان تلاقي رد فعل ايجابي منهم بعد كده
لازم تحاول و مش عيب المحاولة
و لازم تفضل مُصر على موقفك
و اقل هدية لصديقتك الي ماتت انك تكمل حلمها
ربنا يوفقك و يكتب لك كل الخير ان شاء الله
في امان الله
اختك يمنى
Eng : Heba 03-09-2009, 02:14 AM والله قصتك دي مؤثره للغايه أنا دايما أدخل علي قسم هندسة وألاقي مواضيعك الجميله واسمك ده افتكرته زي اسم الفيلم مش اكتر واستعجبت منه كتيييييييييير وطبعا الفضول جعلني ادخل علي اللينك ده علشان كان نفسي اعرف
بجد ربنا يكون في عونك ويرحمها يارب ويدخلها فسيح جناته
واقسمك بالله انا كنت هبكي لولا أنني تمالكت أعصابي
ممكن يعني توعدنا احنا نكون أصدقائك وكلنا نتواعد ونكمل في هندسة ونجيب تقدير حلو كل سنه
وياريت في كل سجده تدعيلها ربنا يرحمها ويوفقك
ومتزعلش من والدك ووالدتك عايزين يشوفوك احسن واحد في الكون
وإن شاء الله ربنا هيكرمك
والبقيه في حياتك
في أمان الله ,,,,,
جعلتني مهندسا 03-09-2009, 02:06 PM والله قصتك دي مؤثره للغايه أنا دايما أدخل علي قسم هندسة وألاقي مواضيعك الجميله واسمك ده افتكرته زي اسم الفيلم مش اكتر واستعجبت منه كتيييييييييير وطبعا الفضول جعلني ادخل علي اللينك ده علشان كان نفسي اعرف
بجد ربنا يكون في عونك ويرحمها يارب ويدخلها فسيح جناته
واقسمك بالله انا كنت هبكي لولا أنني تمالكت أعصابي
ممكن يعني توعدنا احنا نكون أصدقائك وكلنا نتواعد ونكمل في هندسة ونجيب تقدير حلو كل سنه
وياريت في كل سجده تدعيلها ربنا يرحمها ويوفقك
ومتزعلش من والدك ووالدتك عايزين يشوفوك احسن واحد في الكون
وإن شاء الله ربنا هيكرمك
والبقيه في حياتك
في أمان الله ,,,,,
أوعدك وأشكركعلى ردك الجميل جدا
eng7oudash 08-09-2009, 07:26 PM بصراحة و الله انا مش عارف اقول ايه
انا كنت داخل اقرا القصة على انها قصة الواحد هيضحك فيها .. لكن طلعت قصة بجد
مش عارف اقول ايه .. بس القصة صعبة اوى .. ربنا يصبرك و يعينك
thequeenlove 09-09-2009, 04:36 PM انت بجد لازم تكمل
لازم تثبت نفسك
انت لما تحقق نفسك وتثبت نفسك
هو دة الرد على كل الى بيقول عنك انك مش تستهلها والكلام دة كله
انت بجد شكلك انسان محترم جدا
فا لازم تكمل ولو مش علشان خاطرك على الاقل علشان خاطر الى كانوا عايزينك تبقى كدة فعلا
وانت شاطر مش مثلا داخلها كدة
لا انت دخلتها بعد ما اتظلمت كمان
يبقى ليه تضيع حلمك وحلم اقرب الناس ليك
كمل وربنا يوفقك
بس خد عهد على نفسك انك تزاكر فى هندسة بجد
وان شاء الله ربنا يبعد عنك الظلم
فى رعاية الله
zalto 09-09-2009, 10:46 PM موضوع اكثر من رائع و لكن عتابي الوحيد عليك ان الانسان اساسا سمي لانه يقدم الانس لمن حوله فلازم تعمل اصحاب كتير اوي و تشبها بدايرة و انت بقي راجل بتاع هندسة و فاهمني كل ما القطر يوسع تبقي احسن و احسن
مستنين نشوف اسمك من اوائل الشروق ان شاء الله و علي فكرة ده مبقاش حلمك انت بس ده بقي حلمنا كلنا انك تحقق حلمك
سكون الفجر 12-09-2009, 07:53 AM أنا شفت رسالة حضرتك و هرد عليك هنا
إن شاء الله
مبدأيا عشان تبقي حضرتك عارف
لايجوز إنك تنظر إلي فتاة
هذا حرام شرعا
فما بالك أن تكون صديقتك
فما بالك أن تخرجوا مع بعضكم
سأسئلك سؤال
عندما يسئلك الله يوم القيامة من هذه التي كنت تجلس معاه
ستقول إنها صديقتي؟؟؟؟
أتري أن هذا مبررا إذا سئلك الله؟؟
أتري أن الله يرضي عن تلك الجلسة؟؟
من ناحية أخري
فإن المرء يبعث علي ما مات عليه
ستبعث يوم القيامة و هي تمشي إلي جوارك
و سيسئلها الله من هذا؟؟
ستقول لها صديقي؟؟
هل صديقها حلال لها؟؟؟
هل يبرر أن والدها يعلموا أنك حلال لها؟؟
نأتي إلي الشق الأخر من ردك
إن كانت تقتصر دعوة الأبوين لكما علي الصلاة والمذاكرة
و ليس الخروج سويا و التحدث إلي بعضكما
فبارك الله فيهما
أما أن والدك و والدها يعلمان أنكما كما تدعي أكثر من أخوات
جلستم سويا و تحدثتم مع بعضكم
فهل
إذا قال لك والدك إسرق هل ستسرق؟؟
لا
لماذا؟؟؟
إن والدك يعلم!!!
ولكنك بذلك تعصي الله
فلا طاعة لمخلوق في معصية الخالق
و إن كان أباها يرضي و يعلم؟
فلتبحث عن معني كلمة ديوث
و أنا أقول لك خوفا عليك و عليها ليس أكثر
اللهم أرحمها و أغفر لها و أسكنها فسيح جناتك
و أجعل قبرها روضة من رياض الجنة
و لا تغضب مني أخي
ما أردت إلا نصيحتك
للاسف كلام مقنع جدا و ذلك ما يغيب عنا في ظل التغيرات الاجتماعية كما يقول اخي عبد الرحمن .. بل و الاسوأ اننا لم نعد فقط نحل الحرمات مثل الاختلاط و غض البصر لا بل و اصبحنا ننفر من ارقي الاخلاقيات مثل الايثار فان ضحي فلان من اجل اخيه المسلم بمال او مكانة او جاه ... قيل عنه ابله .... و من يرابي بامواله و من يضارب في البورصة و هي الشكل الحديث للمقامرة قيل عنه رجل اعمال ناجح .. و من فشل و اطاحت به الدنيا الي قاع المجتمع فعمل ممثل قيل عنه بطل حتي ان الامر اختلط علي الطفل من البطل عمرو بن العاص ام احمد حلمي !!!
كما قالت الاخت نحن لا نحاسب شخص قد مات و لكن الحق حق ان يقال ..
اللهم ارحم موتي و احياء المسلمين و اجعل مثواهم الجنة و اكفنا اللهم شر التناقض و الرياء
اخي في الله لا تغضب مني انا اريد مصلحتك و انا لا احبطك و ايضا اري مثل باقي الزملاء انه يتوجب عليك ان
تدعو لها
تكمل في المجال الذي تحبه و تجتهد فيه
بر بوالديك و تدعو الله ان يغفر لهما يرمحهم و طعهم طاعة عمياء الا فيم يغضب الله
هل سالتك نفسك يوما لم ظلمت في درجاتك ؟؟
ربما كان السبب هو عدم رضا ربك بعلاقتك بتلك الفتاة
ان كان تلك قصة حقيقية حاول ان تستفيد منها و كلنا هنا اخوتك و بجانبك ان احتاجت النصح او الحديث
ان كانت تلك قصة مؤلفة فاياك و الكذب .. و ان كنت تريد كسب اصدقاء فنحن اخوتك دون الحاجة الي الكذب
ارجو ان تتقبل مروري
اخوك محمد
سكون الفجر 12-09-2009, 08:20 AM و تذكر ان من جعلك مهندسا هو ربك له الفضل الاول
Dr_toka 12-09-2009, 03:37 PM والله مش عارفه اقولك ايه
بس ربنا يقدرك وتتحمل يارب
وحاول طبعا انك تحقق حلمك وحلمها والدنيا م بتوقفش
بجد اثرت فيا القصه دى وكان نفسى اعرف ايه الحكايه بس مش تخيلتها كده خالص
ادعيلها كتير اوى
وطبعا مامتك وباباك فوق كل حاجه وربنا يهديك ليهم عشان يسهلك طريق
ربنا معاك ان شاء الله
أميرة الأحلام 13-09-2009, 04:57 AM فى البدايه احب اقول انى معاك ومش معاك ،
معاك لانى مقدره ازاى الواحد يفقد انسان عزيز عليه بيحس ان الدنيا كلها اسودت فى وشه وان معدش فيه قيمه لاى حاجه
ومش معاك لان الصراحه الى قاله operation هو الحقيقه مش عايزه اكون قاسيه عليك بس مش عارفه ازاى الناس افتكرت ان كلام البنت والولد مع بعض شىء عادى ،
على العموم المشكله الحقيقيه دلوقتى هى علاقتك مع والدك ووالدتك سيبك من الى فات وحاول تبدأ من جديد حاول بجد تثبت لهم انك ناجح وبالنسبه لانك تكمل او لاء طبعا لازم تكمل لان ده كان حلمك من البدايه ، اعتقد ان الحل الوحيد ان تحاول تقرب من ربنا اكتر هترتاح كتير .......... ادعى للبنت دى كتيييييير ربنا يغفر لها ويغفرلك .هدانا الله واياكم
يمكن الرد جاى متاخر شويه بس حبيت اقوله .
مريم السباعى. 10-10-2012, 08:30 PM قصة غريبة
وحزززززززززينة
ياريت اعرف وصلت لايه دلوقت
To Be Is To Do 10-10-2012, 08:52 PM طبعا اشتاكتلها وأنا باشتيكلها وحنا ماشين في الشارع لقيتها مش جنبي لقيتها مرمية على الأرض جنبي في بركة دم بسبب العربية اللي داستها وهي جنبي وماتت الله يرحمها ويحسن اليها
الله يرحمها فكرتنى بموت واحد صاحبى والله السنادى
حرام عليكى يا مريم انك ترجعى الموضوع ده تانى
انتى دمرتينى من جديد وفكرتينى بحاجه صعبه اوى
مريم السباعى. 10-10-2012, 08:55 PM الله يرحمها فكرتنى بموت واحد صاحبى والله السنادى
حرام عليكى يا مريم انك ترجعى الموضوع ده تانى
انتى دمرتينى من جديد وفكرتينى بحاجه صعبه اوى
انا بعتذر يا خالد بس من الواضح انه مش بيكلم عن صاحبه هو بيكلم عن حد تانى اقرا الكلام كويس
عموما ربنا يغرفلها ويرحمها ااااااااامين
واتمنى يكو نحقق حلمه وحلمها
~ Smile 4 Life ~ 10-10-2012, 10:44 PM والله أنا أعصابي تعبت
قصة مؤثرة واحساس مؤلم بجد،ربنا يصبرك
انا لله وانا اليه راجعون
إليزابيث 12-10-2012, 12:35 AM ربنا يرحمها ويحسن اليها
لا طبعا دي مفهاش كلام خليك ف الشروق واثبت لاهلك انهم غلطانين اثبت نفسك قدامهم لما تطلع بتقدير كويس هتحس فعلا انك عملت فرق
|