العيب عيب مين؟ [الأرشيف] - بوابة الثانوية العامة المصرية

مشاهدة النسخة كاملة : العيب عيب مين؟

sympathique

28-08-2009, 03:55 AM

وبسأل نفسي العيب عيب مين ؟
في ظل جيل الموضة بجد أن مجتمعنا يسعى لمواكبة التطور
فإذا نظرنا لموضة الملابس نجد أنفسنا إزاء تحديث مستمر
فكل يوم موضه جديده واستايل جديد للملابس
فالحديث اليوم يصبح "موضة قديمه" غدا
ومن هذه النقطة ساتطرق لموضوعى
كل يوم حاجة بتحصل وحدث جيد سواء كان ايجابى ام سلبى
وبيكون له رد فعله كمان ان كان ايجابى الناس بتحمده وبتشجعه
واسف فى اللفظ وان كان حدث ليس له معنى او قيمة نرى معظم الناس
معجبة بهذا الحدث وفخورة بيه وهو لايساوى شئ
وان كان الحدث سلبى ( اى غير مفيد) نرى قلة قليلة هى اللى بتعترض وهى اللى بتقول رايها معبرة عن سوء هذا الحدث
فى مقابل هذا يكون هناك اناس متخصصون ليكونوا هم الساتر لهذه الاحداث المشينة
حتى تختفى فى اسرع وقت ويقوموا بشغل الناس مرة اخرى
حاسس انى كلامى مبهم للان اوضح شوية
حدث ايجابى: حاجة كويسة فى البلد حصلت من اى جهة كانت
حدث ليس له قيمة: للاسف نرى معظم البلد واختص الشباب منهمكين فيها ايا كانت (تقليد الغير وان كان للاسوأ) وبدون تفكير بالاضافة الى اشياء اخرى يتطرق لها الشباب ويبعد كل البعد عن مواجهة الحياة او بمعنى اصح يقول وانا مالى فيه ناس غيرى بتتكلم.
حدث سلبى: وهو حدث سئ حصل فى البلد ايا كان نلاقى قلة قليلة فقط هما اللى بيتكلموا فى مقابل ذلك يكون هناك ترتيبات من جهات اخرى لتغطية هذا الحدث المشين واشغال الشباب امل الامة بشئ اخر تافه ينهمكوا فيه ويتغاضوا عن الموضوع الاساسى
ده طبعا مجرد ريح خفيفة فى بحر اعاصير كلنا عايشين فيه ومش واخدين بالنا من اللى بيحصل الا من رحم ربى.
اتمنى انى اكون قدرت اوصل لكم الفكرة والهدف المنشود
وارجو منكم التعبير برايكم وليس مجاملة للموضوع
عاوز اعرف راى الشباب وراى الرجال وراى كل من يشعر بانه له حق فى هذه العيشة.:excl:

sympathique

28-08-2009, 06:00 PM

ياترى الاعضاء فهمت قصدى من الكلاام اللى انا كاتبه

هل فى يوم من الايام الحديث سيصبح موضة قديمة؟

هل سياتى علينا زمن ولا نتكلم وسنسلم بالامر الواقع

هل سيكون هناك تغييييييير ام لا...........

BaNZeR

28-08-2009, 07:55 PM

صوت الحق

28-08-2009, 11:56 PM

pureheart

29-08-2009, 12:05 AM

الحقيقة انا مش فاهمة اقصدك
هو انت بتتكلم عن دور الشباب فى المجتمع ؟
و لا على اهمية الحوار فى حياتنا ؟
يا رايت توضح قصدك

sympathique

29-08-2009, 01:32 AM

انا فهمت موضوعك بس مفهمتش ايه النقطة المفترض نتناقش فيها :)

الحديث هو وسيلة التعبير في كل مكان وزمان
ومش ممكن في يوم نسلم بالواقع ونمتنع عن الحديث

مش ممكن في يوم نسلم بالواقع ونبطل نحلم ونبطل نخترع ونبطل نتخيل

ببساطة لأنه الدنيا متجددة
وتسير بنظام معين

إن سلمنا به ظل كما هو عليه ونزل للأسوأ
إن حاولنا واخترعنا فسنغير من الواقع الذي لا نريده إلى المستقبل الذي نريده

إن في كلامك نبرة اليأس والاقتناع بوضعنا الحالي
ولكني أود أن أخبرك أن ما نمر به لم يكن أشد مما مررنا به في فترات كثيرة سابقة

ونحن الآن أفضل حالاً من كثير غيرنا

يارب مكنش بعدت عن هدف الموضوع

كل عام وانت بخير
رمضان كريم
مواكبة التطور شيء ضرورى جدا
لكم التقليد الاعمى الذى يسير عليه الان الشباب خصوصا فهو مرفوض
لان كل مجتمع له ثقافته وعاداته وتقاليدة ودينه
اتمنى ان نقلدهم فى الالتزام فى العمل والمواعيد واتقان العمل وكل شيء مفيد ونافع
لكن للاسف نقلدهم فى اشيءا لا فيمية لها بالمرة
تقبل التحية والاحترام

شكرا لمناقشتكم الحوار ولكن له بقية :d

sympathique

29-08-2009, 01:38 AM

الحقيقة انا مش فاهمة اقصدك
هو انت بتتكلم عن دور الشباب فى المجتمع ؟
فعلا انا بتكلم عن دور الشباب فى المجتمع حال يرثى له:(
و لا على اهمية الحوار فى حياتنا ؟

ياجماعة انا قصدت هنا فى الموضوع ان الشباب هما عماد الامة دى

ولكن نرى معظم الشباب وليس كلهم يتطرقون الى امور اخرى فى الحياة منشغلين عن امور شتى وكثيرة فى حياتهم

لايبدون ارائهم

لايشاركون ويتفاعلون فى المجتمع

اوكى انا اعرف ان الشباب دلوقتى اجتماعى وزى الفل وتمام التمام ولكن فى امور واسمحولى انى اقولها تافهة:(

هناك القلة القليلة الذين يشاركون ويجادلون ويعرون مالهم من حقوق وما عليهم من واجبات

ولكن هناك الفئة الاكثر خطرا وهم الذين يقومون بتضليل الشباب واشغالهم عن كل ما يخصهم ( بمعن اصح بيداروا على اللى بيعملوه)

pureheart

29-08-2009, 03:01 AM

يالا بينا

29-08-2009, 05:58 AM

ميراج

29-08-2009, 02:27 PM

طبعا زى ما استاذ عصام قال كل مجتمع ليه عاداته وتقاليده
وكمان دينى قالى حاجات كتير لازم التزم بيها وامشى عليها
يعنى مفيش اى مانع ان الانسان يواكب الموضه
بس الموضه اللى تناسب دينه وعاداته وتقاليده
مش نبقا تابعين للغرب وخلاص
وكل يوم نقلدهم تقليد اعمى حتى من غير ما نفكر
يعننى ايه الهدف لما الشباب يسقطوا البنطلون
ولا يرفعوا شعرهم ولا ولا
والبنات واللى بيعملوه يعنى الواحد كل يوم المفروض يحسن من نفسه
مش تلاقى بنات كتير كانوا محجبين
وخلعوا الحجاب ده شى يحزن ولا ايه
ونرجع نقول اصل ديه الموضه
حسبنا الله ونعم الوكيل فى كل اختراع جديد
فاسد
شكرا على الموضوع
تقبل مرورى

thedentistmod

29-08-2009, 04:13 PM

sympathique

29-08-2009, 06:59 PM

والله اجمل حاجة ف كلام حضرتك انه مجبش سيرة الاعلام..........
انا بقى شايفة ان كل الشباب الفاسد ده لايعنينا ف شئ.........
تعرفوا ان الامة محتاجة بس ل2%من شبابها يكونوا صالحين عشان تنهض؟
الكلام ده سمعته من دكتور طارق سويدان......وكان دليله انه على الرغم من ان سكان امريكا 500مليون نسمه....الا ان سبب التقدم والتطور عندهم 5مليون بس..........

شكرا

ازاى كل الشباب الفاسد لايعنينا فى شئ

مهو الشباب الفاسد ده بيكون له تاثير على المجتمع باكمله

ثم ان هما منا وحنا منهم يبقى احنا الواجب علينا ان احنا ناخد بايديهم معانا مش نسيبهم يبقى النصيحة وكلام التوعية ليهم وتنبيهم بدورهم فى الحياة وضرورة مشاركتهم وابداء رايهم ايذاء اى مشكلة حصلت او تجاه اى شئ

ماشى الامة محتاجة ل2 % من شبابها طب ونسيب باقى الشباب !

عايش كده فى الدنيا هائم على وجهة مش عارف ايه اللى بيحصل حواليه ولا الدنيا فيها ايه

اهم حاجة عنده انه ياكل ويشرب ويلبس وخلاص:slap1qk6:

sympathique

29-08-2009, 07:06 PM

الشباب مش تافه بمزاجه بمعنى انه مش لاقى حاجة تحتويه و تسمحله بالتعبير الحر و تصونه من اى ضرر ممكن يحصل بسبب التعبير اعتقد ان الموضوع ده مش فارق فيه كتير الشباب او الكبار يعنى انت شايف ان الكبار هما اللى بيحبوا يتحاوروا اوى او يشاركوا

ممممم
لا الشباب تافه بمزاجه بدليل ان فيه شباب عاقل اوى وعارف هدفه من الحياة

ومحدد هو عاوز ايه وبيشارك فى الحياة ويتفاعل معاها بيفيد ويستفاد من اللى حواليه

بيقول ويعبر عن رايه

يبقى التافه ده تافه بمزاجه

ثم ازاى ان مفيش حاجة تحتوى الشباب

انا هضرب مثال واحد بس وهو التعليم
ممكن حد يرد ويقول ان احنا مقيدين فى التعليم
ومش بنعرف نعمل اى حاجة

بس انا بقول غير كده انا شايف ان التعليم ده وسيلة للتعبير كويسة اوى سواء فى المدارس او فى الجامعات

انا مقولتش ان الكبار بس هما اللى بيحاوروا
المقصود هنا بكلمة الكبار جهات تانية خالص وفيه ناس فهمتها

انا طالب بس ان الشباب تفوق شوية وتعرف اللى لها ايه واللى عليها ايه

وجزاكم الله خيرا لمناقشتكم الموضوع

يالا بينا

29-08-2009, 11:04 PM

ازاى كل الشباب الفاسد لايعنينا فى شئ

مهو الشباب الفاسد ده بيكون له تاثير على المجتمع باكمله

ثم ان هما منا وحنا منهم يبقى احنا الواجب علينا ان احنا ناخد بايديهم معانا مش نسيبهم يبقى النصيحة وكلام التوعية ليهم وتنبيهم بدورهم فى الحياة وضرورة مشاركتهم وابداء رايهم ايذاء اى مشكلة حصلت او تجاه اى شئ

ماشى الامة محتاجة ل2 % من شبابها طب ونسيب باقى الشباب !

عايش كده فى الدنيا هائم على وجهة مش عارف ايه اللى بيحصل حواليه ولا الدنيا فيها ايه

اهم حاجة عنده انه ياكل ويشرب ويلبس وخلاص:slap1qk6:

مبدئيا....انت كلامك كويس والله,بس ممكن تفهمني رجاء.....
انا ل اللي اقصده ان ال2%دول هم المهمين والباقين هيتبعوهم
لان التميز شيء فوق الممتع يا عمنا......

treka_100

31-08-2009, 12:57 AM

sympathique

31-08-2009, 04:05 PM

موضوع جامد يا صاحبي
وفعلا عندك حق في بلدنا بيضللوا الشباب عن حجات هم مش عايزنهم يتكلموا فيها
وبخلوهم يهتموا اكتر بالموضة وتسقيط البنطلونات
والشباب ماشية وراهم

بس بجد في شباب بيعملوا العكس يعني مش كلهم كده
واحيك على موضوعك

كنت واثق انك هتفهم كلامى يامحمود

وتعرف الغرض من الموضوع ايه

بس انا خايف من حاجة واحدة

لو الحديث اصبح موضة قديمة ومحدش بقى بيتكلم وينتقد

ياترى حالنا هيكون ايه فى الوقت ده؟!!!!

بروف انس

02-09-2009, 04:01 PM

اولا انا عايز انبه لنقطه اولا معظم البلاد الاسلاميه وقعت تحت الاستعمار وكما ان للاستعمار اثار سلبيه بس له ايضا اثار ايجابيه فا اثاره السلبيه نهب ثراواتك تغيير عاداتك وتقاليدك وتغيير ثقافتك بس له اثار ايجابيه ممكن تكون زي انك بتكون منفتح علي العالم الخارجي بتعرف ايه التقدم اللي حصل في العالم واكبر مثال الحمله الفرنسيه مش هنخش كتير في التاريخ بس انا لاحظت انك بتستهجن الموضه انا مبعترفش بحاجه اسمها الموضه ما دام مظهرك كويس وبتتكلم صح بتكون انسان مقبول في المجتمع اما لما تجيب حاجات غريبه زي تسقيط البنطلون وفتح نص زراير القميص او تطويل السوالف لحد ما تخش في بقك ده كله افعال بيستهجنها المجتمع
اما بالنسبه للنقطه اللي كانت عن هييجي يوم نبطل فيه نتكلم وانا فيهم النقطه دي مثلا لما يكون حدث وطني واتكلمت فيه الناس تبصلك بانك تافه ولما تتكلم ازاي تجيب فلوس وفي الشغل الناس تبصلك بانك انسان بيتكلم صح احب اقوللك الناس كلها مش شكل بعض في ناس بتبقي مهمومه لدرجه انها مش عايزه تشيل هم الوطن مع انه هيشيله غصب عنه وممكن يكون عاني من الظلم فبيكون ساخط علي البلد وعايز فقط مصلحته هو كمان طريقه حديثك هي اللي بتفرض علي الناس انهم يسمعوك او يعرضوا عنك مثلا مشاركه مصر في كاس افريقيا ان طبعا مش من هواه متابعه ماتشات الكوره بس العبها اه المصريين كلهم كانوا بيتكلموا في الكوره حتي اللي ممبيفهمش في الكوره كمان ايام حرب غزه الناس كانت متابعه لها يبقي احنا عايزين حاجه توحدنا مش حاجه تفرقنا

riham_eg

18-09-2009, 08:45 PM

اعتقد انى فهمت قصدك
والله انا بشوف الموضوع ده كتير جدا
كان فيه شباب قبل كده فى كلية هندسه وعملين عربيه بتتكلف 10الف جنيه وبتمشى بالطاقه الشمسيه وكمان يقدر اى حد يمشى بيها باليل
استضافوهم فى برنامج مدته ساعه استضافوهم ساعه بالظبط
وبالنقيض لو فى حفله لمطرب الجيل كل القنوات بتتنافس عليها وبتعرضها 30مره
وحاجات كتيييييييييييييييييييييييييييييييييييييييييييييير غير كده يعنى مش هو المثل ده بس
زى البلاى ستيشن مثلا وادمانه اكتر حاجه تافهه فى الحياه وشباب كتيير بيناموا وهما بيلعبو ا عليه
اتمنى اكون فهمت صح

riham_eg

18-09-2009, 08:47 PM

استضافوهم فى برنامج مدته ساعه استضافوهم ربع ساعه بالظبط استضافوهم فقره واحده من فقرات البرنامج

davebatista

18-09-2009, 10:51 PM

يا جماعة ان ابغض الحلال عند الله الطلاق

عشان كده لازم نذاكر كويس

عاشقة الموج

19-09-2009, 12:29 AM

يا جماعة ان ابغض الحلال عند الله الطلاق

عشان كده لازم نذاكر كويس

ما أجمله من وادأنت تائه فيه و زملائك يناقشون قضية ذات أهمية
عن مصير الشباب الذى يحاولون جاهدين تهميش دوره فى المشاركة الإيجابية
لأنهم عماد الوطن و عليهم يعلو و يرتفع و هناك من يأبى ذلك إلا أن يكون الشاب
إمعة و تافه و إم أن يكون خلف القضبان الكلام كثير و لكن كل الإسقاطات التى تمت
لا بد أن نتكلم ليعلو صوتنا نريد الحرية و أن يكون للشباب مجالهم الذى يبرعوا فيه
لدينا علماء و لكن علموا بهم زجوا عليهم المخدرات و الإدمان
أو تشويه سمعة و لدينا مفكرين و لكنهم قابعين فى الزنازين و السجون
أفيقوا أيها الشباب أن أخوكم صاحب الموضوع يكنى بموضوعه
ولكنكم تلفون حوله و لا تصلون للحقيقة مع إن أقرب طريق للحقيقة هو أقصرها
حددوا ماذا تريدوا و أبدأوا العمل و الله الموفق
شكراً شريف

davebatista

19-09-2009, 12:54 AM

ما أجمله من وادأنت تائه فيه و زملائك يناقشون قضية ذات أهمية
عن مصير الشباب الذى يحاولون جاهدين تهميش دوره فى المشاركة الإيجابية
لأنهم عماد الوطن و عليهم يعلو و يرتفع و هناك من يأبى ذلك إلا أن يكون الشاب
إمعة و تافه و إم أن يكون خلف القضبان الكلام كثير و لكن كل الإسقاطات التى تمت
لا بد أن نتكلم ليعلو صوتنا نريد الحرية و أن يكون للشباب مجالهم الذى يبرعوا فيه
لدينا علماء و لكن علموا بهم زجوا عليهم المخدرات و الإدمان
أو تشويه سمعة و لدينا مفكرين و لكنهم قابعين فى الزنازين و السجون
أفيقوا أيها الشباب أن أخوكم صاحب الموضوع يكنى بموضوعه
ولكنكم تلفون حوله و لا تصلون للحقيقة مع إن أقرب طريق للحقيقة هو أقصرها
حددوا ماذا تريدوا و أبدأوا العمل و الله الموفق
شكراً شريف
[/indent]

ولد تائه ازاي يعني انتي هتعملي مدرسة اجتماع وبعدين وانتي مالك انتي اقول اللي انا عايزة هوا اللي يقولي كده لو مش عجبيه كلامي مش انتي

sympathique

19-09-2009, 01:36 AM

يا جماعة ان ابغض الحلال عند الله الطلاق

عشان كده لازم نذاكر كويس

ولد تائه ازاي يعني انتي هتعملي مدرسة اجتماع وبعدين وانتي مالك انتي اقول اللي انا عايزة هوا اللي يقولي كده لو مش عجبيه كلامي مش انتي

ايه ده يابنى الكلام اللى انت بتقوله ده

اولا انا اسف ليكى استاذتى عاشقة الموج على ماصدر منه

طالما انت مفهمتش التوبيك بلاش تتكلم

يكفينى ان اقدم لكى اعتذار واقول لكى

لو كل كلب عوى القمته حجرا لاصبح الصخر مثقال بدينار

دع الكلاب تعوى والقافلة تسير

davebatista

19-09-2009, 11:40 AM

ايه ده يابنى الكلام اللى انت بتقوله ده

اولا انا اسف ليكى استاذتى عاشقة الموج على ماصدر منه

طالما انت مفهمتش التوبيك بلاش تتكلم

يكفينى ان اقدم لكى اعتذار واقول لكى

لو كل كلب عوى القمته حجرا لاصبح الصخر مثقال بدينار

دع الكلاب تعوى والقافلة تسير

الله انت دمك خفيف اوي وبتعرف تشتم اهو زي الناس وببتهزق زيهم برضو
ماشي يا عم يا محترم انت بتشبهني بالكلب عموما تسلم

sympathique

19-09-2009, 01:45 PM

ولد تائه ازاي يعني انتي هتعملي مدرسة اجتماع وبعدين وانتي مالك انتي اقول اللي انا عايزة هوا اللي يقولي كده لو مش عجبيه كلامي مش انتي

الله انت دمك خفيف اوي وبتعرف تشتم اهو زي الناس وببتهزق زيهم برضو
ماشي يا عم يا محترم انت بتشبهني بالكلب عموما تسلم

ياحبيبى انا مش بهزق حد

بس عيب عليك لما انت تتكلم كده مع استاذة فاضلة والكل هنا يكن لها كل احترام

وفى الاخر بلاش نتكلم فى الموضوع ده

وخلينا فى سياق الموضوع

اه صحيح نسيبت اشكرك على ذوقك فى الكلام

davebatista

19-09-2009, 07:04 PM

ياحبيبى انا مش بهزق حد

بس عيب عليك لما انت تتكلم كده مع استاذة فاضلة والكل هنا يكن لها كل احترام

وفى الاخر بلاش نتكلم فى الموضوع ده

وخلينا فى سياق الموضوع

اه صحيح نسيبت اشكرك على ذوقك فى الكلام

اولا انا معرفش انها مدرسة

وبعدين العفو يا حبيبي ده انت تامر ده واجبي يبني لما الاقي كلام زي ده لازم ارد رد زي ده

انا كنت هعتذر بس لما لاقيتك عامل روش مش هعتزر ليك انا هعتزر ليها عشان دي مدرسة اكبر مني

انا اسف والله مكنتش اعرف يا استاذه حقك عليا

sympathique

20-09-2009, 04:20 AM

اولا انا معرفش انها مدرسة

وبعدين العفو يا حبيبي ده انت تامر ده واجبي يبني لما الاقي كلام زي ده لازم ارد رد زي ده

انا كنت هعتذر بس لما لاقيتك عامل روش مش هعتزر ليك انا هعتزر ليها عشان دي مدرسة اكبر مني

انا اسف والله مكنتش اعرف يا استاذه حقك عليا

بغض النظر عن كونها مدرسة ام لا

فهى فى الاخر انثى ايا كانت

فاتقى الله وزى انت ما بتحبش ان حد يقولك كلمة تجرحك

كلنا برده منحبش حد يجرحنا

وانا لا اطلب منك اعتذار وحدش قالك انى انا روش

انا لو عاوز منك اعتذار اخلى الادارة تجيبهولى

وعامة كل سنة وانت طيب
وجزاكم الله خيرا

sympathique

24-09-2009, 04:54 AM

من الواضح انك تقصد ناس معينة بس مش عايز تقول اسماء
اصل الموضوع ان الشباب بيخاف انه يتكلم فى اللى يودى ورا الشمس و فى الاخر كل حاجة حتحصل زى مهما عايزينه
و ده فى حد ذاتة مشكلة يعنى لما الواحد يشوف حاجة غلط لازم يحاول انه يصلحها و لو الناس كلها اتفقوا على حاجة اكيد حيعملوها بس كل واحد حيقول و انا مالى هو انا اللى حصلح الحال
و فى حاجة مهمة ان فى البلد ديه ممكطن يكون فى حرية رآى
بس الكلام اللى ناس بتقوله محدش بيعمل بيه يعنى الشعب فى وادى و الحكومة فى وادى تانى
ياريت اكون قدرت افهم الموضوع صح :bosyht9:

انتى تطرقتى للجانب السياسى يادكتورة
وده يعتبر شئ مهم ان لم يكن رئيسى
وان فتحنا الكلام عن الاراء السياسية مش هيخلص
ولكم هناك العديد من المشاكل والاراء التى لاتحظى باى اهتمام

المشكلة فى حاجة

انى انا خايف ليجى يوم ويصبح الحديث موضة قديمة ومحدش يتكلم خالص

sympathique

01-08-2010, 04:44 PM

تنشيط ..........
لمعرفة راى الاعضاء الجدد
وايضا ليتعرفوا على الاعضاء القدامى
الذين كان لهم الفضل بالارتقاء بالبوابه