شارك معنا وقول ايه رأيك ؟؟ [الأرشيف] - بوابة الثانوية العامة المصرية

مشاهدة النسخة كاملة : شارك معنا وقول ايه رأيك ؟؟

الاميرمحمد

28-08-2009, 05:00 PM

السلام عليكم ورحمة الله وبركاته
كل عام وانتم بخير و ربنا يتقبل منا جميعا
كنت عاوز اعرف ايه راي كل واحد .. في انه ياخذ كورسات (مثلاً انجليزي _ icdl ) وهو في الجامعة ( و خاصة في سنة اولي من الكلية )
لان انا سمعت علشان تشتغل بعد التخرج انا شاء الله لازم يكون معاك كورسات ....... وياريت محدش يقول لسه بدري علي الكورسات !!!!!!!!! ارجو التشرف بالمشاركات ... والسلام عليكم ؛؛؛؛ زميلكم محمد

الاميرمحمد

28-08-2009, 05:11 PM

maryam.s

28-08-2009, 05:13 PM

http://www.thanwya.com/vb/showthread.php?t=148342
بص حضرتك ده رابط لموضوع زى موضوع حضرتك فى المجموعة الطبية فيه ردود كويسة
بس عامة الكورسات ديه لو مش هتفيدك فى الشغل بعد كده اكيد هتفيدك فى حياتك باى شكل تانى اكييييد اكيييد
بمعنى انا بشجعها مليون فالمية وخاصة لو خدت كورسات تنمية بشيرية فعلا فعلا هتستفيد وهتتغير للاحسن برضه
وربنا يوفقنا جميعا

eng.ahmed55

28-08-2009, 06:55 PM

انا فى كلية حاسبات ومعلومات والكورسات دى حاجة اساسية دا حتى icdlبتدفع فلوسها مع مصاريف الكلية لانى هاخدها فى الكلية ان شاء الله

floura

28-08-2009, 06:56 PM

هو ايه ال icdl ده :huh:

eng.ahmed55

28-08-2009, 07:00 PM

هو ايه ال icdl ده :huh:
دا اللينك اللى تعرفيها منهhttp://dvd4arab.maktoob.com/showthread.php?t=382569

الاميرمحمد

28-08-2009, 07:36 PM

ايه يا جماعة مفيش مشاركات ليه ؟؟؟؟؟؟؟؟؟؟

Tiger masked

28-08-2009, 10:05 PM

هو موضوع كويس بس انا معرفش والله فى موضوع الكورسات دةة
يا ريت حد يفدنا يا جماعة

الاميرمحمد

29-08-2009, 12:03 AM

موضوع الكورسات ده يا سيدي انك تأخذ مثلا (دورة انجليزي ــــــ كمبيوتر ) ودة بيساعدك طبعاً في الشغل بعد التخرج ان شاء الله

the black rose

29-08-2009, 12:47 AM

بالنسبة لل icdl
كدا كدا لازم تاخده
مش هتاخد الشهادة بتاعة الجامعة الا لما يبقى معاك الكورس ده
عايز تاخده الاول او بعدين
دى حريتك
بس انا شايفة اخده ف الاخر
هما كدا كدا هيخلونى اخده
فملوش لازمة اشغل نفسى ف اولى
لانى لسة عايزة اتعود على نظام الجامعة
اما بقى للانجلش و الكمبيوتر
انا رايي لو هتحتاج الانجلش ف الكلية
تاخده من اولى
مش هتحتاجة خده ف اجازة اخر سنة
هو و الكمبيوتر
عالاقل تبقى متفرغ ليهم
و متجيش على حق الدراسة فى الكلية برده
و فى الاول و الاخر ده مجرد راى
قابل للصواب او الخطا
فى امان الله

بروف انس

29-08-2009, 11:24 AM

ياعم انا بنصحك تاخدها وانت في الكليه لانك بعد التخرج هتنشغل بالجيش وممكن تتجند وتروح عليك الفرصه فتبدا تاني بعد سنه او اتنين بعد ما تخلص الكليه تاخد الكورسات فالاحسن خدها وانت في الكليه وسيبك من البنات علشان دول معندهمش جيش

basabeso0o

29-08-2009, 03:35 PM

حلوه فكره الIcdi
ان شاء الله هاخدها بس السنه الجيه
بعد اعدادي يعني

GAMALEWEES

29-08-2009, 03:59 PM

بص والله انا زيك ناوية اخد كورسات انجلش علشان كليتى و كدة بس الحقيقة انا مستنية اخد الكورسات دى فى اجزة سنة اولى باذن الله علشان اكون اخدت على الكلية و اظبط مواعيدى كويس علشان ما اتلغبطش
و ناوية باذن الله بعد ما اخلص كورسات الانجلش اخد كورسات كمبيوتر ربنا يسهل لان طبعا الكورسات دى مهمة اوى سواء فى الانجلش او فى الكمبيوتر
توكل على الله و خد كورسات بس اصبر شوية لما تظبط مواعيد الكلية مع الكورسات علشان تقدر توفق بينهم و متخليش الكورسات تخدك من دراستك علشان مترجعش تندم
بالتوفيق ليك و لينا
فى رعاية الله

Egypt for Ever 25

29-08-2009, 04:15 PM

فكرة ان الطالب ياخد كورسات و هو في الكلية فكرة كويسة اوي
لان الكورسات هتفدنا في الدراسة و هتفدنا بعد كده في الشغل

Medo abdo

29-08-2009, 04:38 PM

السلام عليكم
انا واحد داخل هندسة الزقازيق فأكيد انا هحتاج كورسات انجليزى بس انا برده هستنى لما اخلص اعدادى الاول علشان اكون عرفت ايه النظام فى الجامعة لان دى مرحلة جديدة علينا وطبعا لازم هاخد كورس كومبيوتر علشان المهندسين اللى بجد بيحتاجوا كومبيوتر
فأكيد موضوع الكورسات دى فيدة بس المهم تقدر تحدد الوقت الصحيح للبدأفى تللك الكورسات

دينا وهبه

01-09-2009, 04:16 PM

دى اساسى
للاسف........
انا مش غاوية الحاجات دى وكنت بكره ايام الثانوية العامة بسبب الدروس
بس ده حتى فى كلية هندسة شالوا مادة وحطوا مكاها icdl
متخيل الوضع؟
اما بالنسبة للانجليزى, لو شايف نفسك كويس فيه يبقى ملوش لزوم لكن لو مضيع الحق نفسك لان الانجليزى طغى ع العربى فى الكليات D:
او بمعنى اصح آخد حقه حبتين فى كل المجالات وفى الشغل اللى بيبقى معاهم لغة لهم الافضلية
وربنا يوفقنا جميعا