أسباب انخفاض مرتب المتعاقدين [الأرشيف] - بوابة الثانوية العامة المصرية

مشاهدة النسخة كاملة : أسباب انخفاض مرتب المتعاقدين

مينومينو

28-08-2009, 05:07 PM

يوم الخميس الماضى كنت فى منطقة المنصوره الأزهريه
فسألت فى المرتبات عن سبب إنخفاض مرتب المتعاقدين فقال الأستاذ
( تم تعديل العلاوت لأن المتعاقدين كانو يأخذون مبالغ ليست من حقهم وسوف يتم استقطاعهم منهم بأثر رجعى وهذا كان سبب حصولهم على رواتب أعلى من رواتب متعاقدى التربية والتعليم )

هذا للعلم واتخاذ اللازم

لكم الله

teacher120

28-08-2009, 05:11 PM

معقول كده هل هذا يعقل ؟

أ/ هشام العيسوى

28-08-2009, 05:40 PM

واحنا ذنبنا ايه اننا كنا بناخد علاوات مش بتاعتنا احنا هنتحمل اخطاءئ غيرنا؟
وازاى اصلا هناخد حاجة مش بتاعتنا؟ فى حاجة مش مظبوطة فى الكلام
يعنى بعد ماكل واحد ظبط حياته على شئ معين يرجعوا يقلبوا كل شئ؟!!
حسبنا الله ونعم الوكيل

مينومينو

28-08-2009, 05:52 PM

ده كلام موظف
لكن الحقيقه فين ؟
الله أعلم

أ/ سعيد موسى

28-08-2009, 09:40 PM

ده كلام موظف
لكن الحقيقه فين ؟
الله أعلم
هى دى الحقيقه يامينو هذا الكلام صحيح المفروض كانوا يديكم العلاوه على المجرد اديكم العلاوه على حاجه تانيه خطأ وعند مراجعه الجهاز المركزى اوضح خطا ذلك هذا الكلام سمعته من المدير المالى لمنطقه القاهره ايضا من الاخر سواء كان بالزياده او من غيرها مرتبكم اصلا محتاج لتعديل 300ج دول ميجبوش عيش حاف ولاحتى 500ج ربنا معاكم اهم من المرتب فى راى انهم يثبتوكم

أ/ هشام العيسوى

29-08-2009, 01:01 AM

دا راى مين استاذ سعيد؟
يعنى فعلا فى تثبيت ولا لا؟!

مينومينو

29-08-2009, 01:25 AM

بالنسبه للتثبيت
من وجهة نظرى عملية وقت وخلال العام القادم سيتم ذلك
لكن بعد التربيه والتعليم

elfahd85

29-08-2009, 03:53 PM

حسبنا الله ونعم الوكيل

elfahd85

29-08-2009, 03:54 PM

مفرض نتجمع ونعمل اي حاجة

أ/ سعيد موسى

29-08-2009, 04:46 PM

استاذ /عيسوى فى طبعا تثبيت بس اللى مطلوب شويه صبر

elswedy

29-08-2009, 04:51 PM

حسبنا الله ونعم الوكيل

elswedy

29-08-2009, 04:53 PM

ربنا ينتقم من الظالم والمفترى على كل متعاقد هم متخيلين أن المتعاقدين دول ليس لهم أى حق أو أنهم شغالين متطوعين لله مش عارفين أنى فب ناس متزوجة ولديها أولاد هم 300 ج بيعملوا حاجة ولا حتى ضعفهم ........حسبى الله ونعم الوكيل

أ/ هشام العيسوى

29-08-2009, 05:05 PM

teacher120

29-08-2009, 05:21 PM

والله كلامك صح يا هشام احنا متمر متين فى الشغل ومش عاجبهم

teacher120

29-08-2009, 05:23 PM

بس لازم نتحرك ونشوف مشكلتنا المشايخ نايمين ميعرفوووووش اى حاجه عن نظام الكادر والتثبيت ووزير التربيه والتعليم هيضحك عليهم وبكره نشوف

الحمله الكبرى لاسترداد حقوق المتعاقدينhttp://www.thanwya.com/vb/showthread.php?t=149154&page=2

دا احسن مكان نتجمع فيه عشان نشوف مشكلتنا احنا لازم نعمل لهم قلق عشان يحسوا بينا

د/ايمن محمود البتشتى

29-08-2009, 09:14 PM

أ/ سعيد موسى

29-08-2009, 10:51 PM

لسه فى صبر بعد 4 سنين؟!!!
خلاص لقد فاض بنا الكيل
وحقنا لن يعود الا بالضغط عليهم
حتى لو ادى بنا لترك العمل والله هيكون اكرم لنا
انا لو كنت شغال فى شركة او سافرت فى الاربع سنين دول كان هيبقى حالى غير ما انا فيه
اولا لازم تعرف انك طالما دخلت على شغل الحكومه مستواك المادى سوف يبقى على وضع معين مهما كان مرتبك فأنصحك ان تعتبر شغل الحكومه مجرد نوايه تسند زير وطبعا تدور على دخل تانى سواء دروس او عمل حر ......الخ اما نقطه الضغط عليهم !!!!! تضغط على مين هو لو كل المتعاقدين تركوا العمل ماذا يحدث لاشىء تعيينات جديده ويجيبوا غيركم طبعا ارجوا ان لاتفهمنى خطأ او اننى اقل من شأنكم لاطبعا بصراحه انتم اضافه جميله للعمليه التعليميه فى الازهر وجميع الزملاء المتعاقدين فى معهدى اكن لهم كل احترام وتقدير ولكننى اقولك الواقع مع الحكومه ( الحكومه ملهاش دراع علشان تتلوى ) جمله قالها كمال الشناوى فى الارهاب والكباب فالذى اقصده ياصديقى مفيش قدامك غير الصبر ومين عارف بكره فى اييه اخوك سعيد موسى

teacher120

30-08-2009, 01:50 AM

اعتقد ان المتعاقدين قوه ضغط بس لو اتحدوا جميعا الازهر يوجد به 75 الف متعاقد

والتربيه والتعليم مالا يقل عن 250 الف

كل الى عاوزينه نحسسهم بينا اننا بنى ادمين عاوزين نحس بلامان ونعيش عيشه محترمه ونتثبت دا حقنا وبعدين يبقوا يختبرونا زى اساتذتنا ما حصل معاهم

هل دا كتير علينا؟

http://www.thanwya.com/vb/showthread.php?t=149154

teacher120

30-08-2009, 01:53 AM

كلام كلام كلام لكن فعل مفيش
هما عطينكوم ودن مسدودة
ياجماعة متتعبوش اعصابكم
التثبيت جاى لما جمال اقصد الرئيس جمال محمد حسنى مبارك يتولى كرسى العرش
وده طبعا فى الانتخابات الجديدة 2011م
وربنا يدينا وايكم طول العمر

ياريت يا جماعه مندخلش فى مواضيع تانيه احنا ملناش دعوه بالسياسه احنا بنتكلم فى اكل عيشنا حتى لا نفهم خطا

مجرد نصيحه

أ/ هشام العيسوى

30-08-2009, 02:27 AM

استاذى الفاضل
لايضيع حق وراءه مطالب
ونحن لن نتظر الظروف حتى تاتى لنا بحقنا
سنسعى لحقنا وبكل قوة
وحركة لو كلنا تحدنا وسبنا الشغل هم يجيبوا مكانا دى مش بالسهولة اللى حضرتك متصورها ستئدى لانهيار العملية التعليمية
شفت حضرتك لما سائقى النقل العام اتحدوا واعتصموا ايه اللى حصل؟
تحققت كل مطالبهم
كان ممكن بكل سهولة يجيبوا ناس مكانهم
وغيرها وغيرها من المواقف
ارجو ان تكون مصدر دفع لنا وليس العكس
وجزاك الله خيرا
اولا لازم تعرف انك طالما دخلت على شغل الحكومه مستواك المادى سوف يبقى على وضع معين مهما كان مرتبك فأنصحك ان تعتبر شغل الحكومه مجرد نوايه تسند زير وطبعا تدور على دخل تانى سواء دروس او عمل حر ......الخ اما نقطه الضغط عليهم !!!!! تضغط على مين هو لو كل المتعاقدين تركوا العمل ماذا يحدث لاشىء تعيينات جديده ويجيبوا غيركم طبعا ارجوا ان لاتفهمنى خطأ او اننى اقل من شأنكم لاطبعا بصراحه انتم اضافه جميله للعمليه التعليميه فى الازهر وجميع الزملاء المتعاقدين فى معهدى اكن لهم كل احترام وتقدير ولكننى اقولك الواقع مع الحكومه ( الحكومه ملهاش دراع علشان تتلوى ) جمله قالها كمال الشناوى فى الارهاب والكباب فالذى اقصده ياصديقى مفيش قدامك غير الصبر ومين عارف بكره فى اييه اخوك سعيد موسى

مينومينو

30-08-2009, 01:41 PM

بصراحه أنا حزين على الى بيحصل ولازم يراعو مشاعر الناس
وبعدين المفروض المرتب يزيد مش ينقص
وعموما مجلس الشعب حالياً بيناقش زيادة المرتبات
الله المستعان

متعاقدة 2009

30-08-2009, 06:23 PM

ا/طه طاحون

30-08-2009, 07:15 PM

والله انا شايف ان الوزاره اوالمشيخه بتلاعبنا بالبيضه والحجر مفيش تثبيت قولنا ماشى ضحكو علينا وقالوا ان التعاقد افضل من التثبيت
قولناا تكرموا وكتر خيركم
بس الى حصل السنه دى من قله المرتبات بنقول اللله يخرب بيتكم
مفيش تعيين قولنا ماشى ومفيش مرتبات كمان دا حرام

بالعقد او بالتثبيت بردو مدرس هنفضل وراك وراك لحد متفلس
هذه اصبحت مقوله مشهوره[

أ/ سعيد موسى

31-08-2009, 02:03 AM

استاذى الفاضل
لايضيع حق وراءه مطالب
ونحن لن نتظر الظروف حتى تاتى لنا بحقنا
سنسعى لحقنا وبكل قوة
وحركة لو كلنا تحدنا وسبنا الشغل هم يجيبوا مكانا دى مش بالسهولة اللى حضرتك متصورها ستئدى لانهيار العملية التعليمية
شفت حضرتك لما سائقى النقل العام اتحدوا واعتصموا ايه اللى حصل؟
تحققت كل مطالبهم
كان ممكن بكل سهولة يجيبوا ناس مكانهم
وغيرها وغيرها من المواقف
ارجو ان تكون مصدر دفع لنا وليس العكس
وجزاك الله خيرا
استاذ عيسوى الله وحده يعلم اننى معكم واتمنى الخير لكل الناس وطبعا انتم اولكم لانكم جميعا اخوتى ثانيا نروح للمثل اللى جبته سائقى النقل العام عارف ايه المطالب اللى كانوا عايزنها وايه المطالب اللى وافقوا عليها لاشىء المرور يخفض المخالفات اللى بيعملوها ماشى يعنى ميتخصمش منهم فلوس مخالفات مش يخدوا فلوس ثانيا كان فيه حافز او بدل كان 17 قرش عارف بالقرش معرفش خلوه جنيه من الاخر ولاحاجه والمحافظ فى اجتماعهم قال الاضراب ينتهى وفعلا انتهى كله الصبح رجع لعمله مع ملاحظه ان النقل وسيله عامه يعنى ممكن تقلب البلد فى يوم وعندما قلت يجيبوا غيركم لم اقصد ان اقلل من شأنكم او اثبط الهمم كما ذكرت وانت تعلم ذلك كل اللى اقصده التفكير بعقلانيه بعيد عن الانفعال لااكثر عموما انتم اكثر الناس عارفين مصلحتكم وفقكم الله وتقبل تحياتى

senenra7eel

31-08-2009, 02:09 PM

مينومينو

31-08-2009, 10:51 PM

حاجه اخر استهبال والله انا لما اتصلت بالمطقة فى المنصورة قالولى موضوع العلاوات ده طيب دلوقتى هما اللى غلطوا فى حساب مرتبنا يبقى هما اللى يتحملوا الغلط ده مش احنا يعنى جاين بعد اربع سنين يقولوا اسفين كنا بنقبضكم فلوس زياد ه والوقتى هنخصمها منكم يعنى مش كفاية ان المرتب فجأة هيقل لاء كمان هيخصمو ا بأثر رجعى حسبى الله ونعم الوكيل

أهلا بسنين رحيل
فلوس الحكومه مافيش فيها جدال
لكن احنا المفروض نطلب توقيع أقصى العقوب على المخطئ
بصراحه عيب كبير لما حاجه زى دى تحصل ويكون فيه خطأ زى ده
أنا شخصيا لسه مش مصدق وباتمنى المرتبات ترجع تانى زى ماكانت
قول يارب

أ/ هشام العيسوى

01-09-2009, 01:56 PM

استاذى الفاضل
اعرف مدى تعاطفكم معنا
ونقدر ذلك
لكن لابد لنا من وقفة قوية حتى تعود حقوقنا المسلوبة
انا كمان لى حاجة تانية واكيد فى متعاقدين كتير بيعانوا منها
احنا اوائل الكليات الذين لم نكرم ولم يقدر مجهودنا وتعبنا واترمينا رمية ال................
انت متصور ان المتعاقدين لو لم يذهبوا يوما الى المدارس والمعاهد سيكون الامر سهلا؟!!!
هناك معاهد فيها اكتر من 20 متعاقد وبيمثلوا 90% من قوة العمل فيها
ان شاء الله لن نتوقف وسنستمر
ومش هتفرق اننا نكون على وضعنا دا او نكون خارج الشغل
سواااااء
بل اقولك ان التدريس معطلنى عن اعمال كتير خارجية ان شاء الله هبدا افوقلها من السنة دى وهسيبنى من شغل المعهد دا
استاذ عيسوى الله وحده يعلم اننى معكم واتمنى الخير لكل الناس وطبعا انتم اولكم لانكم جميعا اخوتى ثانيا نروح للمثل اللى جبته سائقى النقل العام عارف ايه المطالب اللى كانوا عايزنها وايه المطالب اللى وافقوا عليها لاشىء المرور يخفض المخالفات اللى بيعملوها ماشى يعنى ميتخصمش منهم فلوس مخالفات مش يخدوا فلوس ثانيا كان فيه حافز او بدل كان 17 قرش عارف بالقرش معرفش خلوه جنيه من الاخر ولاحاجه والمحافظ فى اجتماعهم قال الاضراب ينتهى وفعلا انتهى كله الصبح رجع لعمله مع ملاحظه ان النقل وسيله عامه يعنى ممكن تقلب البلد فى يوم وعندما قلت يجيبوا غيركم لم اقصد ان اقلل من شأنكم او اثبط الهمم كما ذكرت وانت تعلم ذلك كل اللى اقصده التفكير بعقلانيه بعيد عن الانفعال لااكثر عموما انتم اكثر الناس عارفين مصلحتكم وفقكم الله وتقبل تحياتى

مينومينو

01-09-2009, 04:03 PM

السيد أحمد محمد

03-09-2009, 05:06 PM

حسبنا الله ونعم الوكيل وأقترح نعمل آضراب عن العمل بعد بدء الدراسة

shaimaa zaki

03-09-2009, 09:52 PM

السلام عليكم ورحمة الله

طيب انا بقى لسه تعاقد جديد

لسه لم اقبض شىء

يعنى انا اتعاقدت والمرتبات :slap1qk6: قلت خيـــــر.. خير ان شاء الله
ربنا يستر وكمان شوية يخلوا المدرسين يدرسوا وكمان يدفعوا فلوس

ومش عايزة اقولكم على اللى بيحصل للمتعاقدين فى تخليص ورقهم واكيد كلكم مريتم بدا ومدى الروتين والذل

ومدى النظرة ,,,,, ليهم

ال ايه الموظف بيقولى انتى بقلم رصاص فى ثانية يمسحوكى بااستيكة

انا مش مزعلنى غير حاجة واحدة اننا بعد تعبنا ومذاكرتنا دى نتمسح بااستيكة طيب يمسحونا بكوركتور :pحتى اشيك

هنقول ايه غير " لنــــــــــا الله"

دلوقتي انا عرفت السبب:friendsxs3:
نورتم الازهر ;);)
وشكم وش السعد
يعني انتم تيجوا علشان مرتبنا ينقص :angry2::angry2:

باهزر والله
احنا دائما حظنا نحس
اشمعنى دي اللي هيكون حظنا عدل
بدل مانحس بزيادة في شهر 7 بيكافئونا بالخصم
كل شهر 7 وانتم طيبين

Ahmed ibrahim Hassan

04-09-2009, 01:41 PM

حسبى الله و نعم الوكيل

mab4math

05-09-2009, 12:54 AM

انا كنت فاكر الخصم ده في محافظة سوهاج وحدها
لكن طلع ظاهرة عامة
حسبنا الله ونعم الوكيل

مينومينو

05-09-2009, 05:57 PM

ههههههههههههه
طلعت انفلونزا خصم المرتبات
ربنا يشفى الازهر

elswedy

05-09-2009, 10:18 PM

بسم الله الرحمن الرحيم

السيد صحاب الفضيله وكيل الازهر الشريف
السلام عليكم ورحمه الله وبركاته
مقدمه لسيادتكم /المدرسين المتعاقدين بالازهر الشريف

الموضوع

شيخنا الجليل تعلمون سيادتكم اننا المتعاقدون بالازهر عملنا من خلال المسابقات النزيهه التى تتم بشفافيه واضحه ومع ذلك فيتم تجاهلنا وما زلنا على درجه التعاقد مما ياثر بشكل واضح ودرجه كبيره على معنوياتنا
ومن جانب اخر وبعد تطبيق كادر المعلم واقرار قانون 155 للكادر الخاص فقد نص القانون على تثبيت المعلم المساعد الذى مر عليه عام بعد اجتيازه لاختبارات كادر المعلم ونجاحه فيها
وبعد كل هذا فقد بادر السيد وزير التربيه والتعليم بالموافقه على قبول ملفات المدرسين المساعدين لدخولهم اختبارات الكادر وتثبيتهم فور اجتيازها
وقد نشر هذا الخبر على موقع الاكاديميه المهنيه للمعلمين وهذا نص القرار
بشـــرى للســـادة المعــلمين المســـاعديـن ....

وافق معالي الأستاذ الدكتور يسرى الجمل وزير التربية والتعليم، رئيس مجلس إدارة الأكاديمية المهنية للمعلمين، على قبول ملفات المعلمين المساعدين الراغبين فى دخول امتحان الحصول على شهادة الصلاحية لشغل وظيفة معلم ، حتى فى حالة عدم حصولهم على الوحـدات الأربعة المطلوبة من الرخصة الدولية لقيادة الكمبيوتر ICDL، علــى ألا يصدر قرار الترخيص للمعلم المساعد بعد اجتياز الاختبار إلا بعـد إحضار ما يفيد اجتياز هذه الوحـدات الأربعة " Windows- Word - Power point - Internet and Email " . وقد تم التنبيه على فروع الأكاديمية بالمحافظات الالتزام بهذا التيسير ... مع التمنيات بالتوفيق للجميع .
واستجابه لقرار السيد الوزير فان الاداره الاكترونيه للتعليم بالوزاره على موقعها نشرت هذا الخبر
مهــم وعـــاجل
تهيـب الإدارة الالكترونية للتعليم بالسادة مديري إدارات ورؤساء أقسام الإحصاء بالمديريات و الإدارات التعليمية ، سرعــة الانتهاء من تسجيل جميع بيانات السادة المتعاقدين " معلم مسـاعد " وتسليم كلمات المـرور الخاصة بهـم تمهيداً لاختبارات التسكين على وظيفة معـــلم
لذالك فنرجوا من فضيلتكم تحديد موقف الازهر تجاه المتعاقدين واعلان ذالك بشكل واضح حتى يتسنى لنا تحضير انفسنا لهذه الاختبارات علما بان وزاره التربيه والتعليم قد اشترطت لتثبيت المعلم المساعد ودخوله اختبارات كادر المعلم بان يكون قد مر عليه عام واحد من تاريخ التعاقد وبان يكون خريج كليه التربيه او مؤهل عال بجانب مؤهل تربوى
نرجوا من فضيلتكم توضيح الرؤيه لنا حيث ان كثير من متعاقدى الازهر تنطبق عليهم كافه الشروط والمعايير التى وضعتها الاكاديميه المهنيه للمعلمين وبصفتكم وكيلا للازهر الشريف وعضو مجلس اداره الاكاديميه المهنيه للمعلمين نطالبكم بعرض قضيتنا على فضيله الامام الاكبر شيخ الازهر الشريف اد/محمد سيد طنطاوى.لاتخاذ قراره العادل تجاه ابنائه المتعاقدين

وتفضلو بقبول فائق الاحترام
مقدمه لفضيلتكم
ابناؤكم المتعاقدون بالازهر الشريف

مينومينو

06-09-2009, 11:06 AM

احسنت وبارك الله فيك
الى كل المعاقدين
ارسلوا هذا الطلب بصوره جماعيه حتى يتم البت فيه
اعانكم الله

emtaha2010

07-09-2009, 11:49 AM

كتب حاتم سالم

http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml) ينظم العشرات من المعلمين المتعاقدين مع مديرية التعليم بمحافظة الشرقية بنظام "العقد المؤقت" وقفة احتجاجية صباح اليوم الاثنين، أمام مقر ديوان الوزارة بقصر العينى، لمطالبة الوزير يسرى الجمل بإلزام مديريتهم بتحرير عقود مميزة لهم بحد أدنى من الأجر 300 جنيه.

يطالب معلمو "العقود"، فى وقفتهم الاحتجاجية غدا، وزير التربية والتعليم، بتعيين كل من مرّ على عمله 3 سنوات كمعلم، مع منحهم زيادات وحوافز بالمساواة مع المعلمين المعينين فى مديرية التعليم بالشرقية، ويقول المعلمون "نحن لا نشعر بالأمان الوظيفى وظروف عملنا أشبه بعمال التراحيل بسبب تدنى أجورنا، ونريد تكوين كيان نقابى مستقل يدافع عن حقوقنا".

ويقول المعلمون المضربون إن مديرية التعليم بالشرقية تتعسف فى إعطائهم حقوقهم، وأضافوا "رغم أن قانون الكادر نص على التعاقد معنا بوظيفة معلم مساعد لمدة عامين ثم تعييننا بوظيفة معلم، إلا أن المديرية بالشرقية ترفض تنفيذ القانون".

من جانبها أعلنت حركة "معلمون بلا حقوق" بمحافظتى الشرقية والفيوم وشبكة معلمى مصر و رابطة "حقوق إداريى التعليم" و "المركز المصرى للحق فى العليم" تضامنها مع منظمى وقفة الغد أمام ديوان الوزارة.

(أرجو التعليق علي الموضوع علي موقع اليوم السابع)

المصدر: اليوم السابع

http://www.youm7.com/News.asp?NewsID=134163 (http://www.youm7.com/News.asp?NewsID=134163)

مينومينو

07-09-2009, 01:56 PM

فلنتعاون جميعاً من أجل عودة الحقوق لأصحابها
اللهم اعط كل ذى حق حقه

w3w2010

13-09-2009, 11:00 PM

حسبنا الله ونعم الوكيل

tareqe012

13-09-2009, 11:23 PM

ربنا مع الحق وسوف يعود الحق لأصحابه

emtaha2010

14-09-2009, 01:11 AM

مازالت سلسلة العذاب والمعاناه مستمره للمتعاقدين في الازهر الشريف
وحسبنا الله ونعم الوكيل

خبر سيئ :stickjo4:

مازال الخصم من مرتبات المتعاقدين مستمرا (قبضت مرتب شهر 9 زي شهر 8 أي 310,25 جنيها)

:abdoog8: :giljotiiniug3:

مينومينو

14-09-2009, 02:19 PM

كدا شكل المرتبات هاتستمر على نفس الوضع
الملك لله وحده

محمد طاهر عبد الوارث

14-09-2009, 04:21 PM

قبضت أيضا اليوم 310

طارق محسن عدلي

18-09-2009, 01:24 PM

يا جماعه اصلهم عايزين يجيبوا فلوس الكادر فمن مين اكيد احنا طبعا الله يسامحهم بقي

zezo_math

19-09-2009, 09:48 PM

على فكره المتعاقدين فى التربيه والتعليم هيتثبتم

ومرتبهم زاد عننا والأزهر بيتفرج

salama201043

20-09-2009, 05:06 AM

وحسبنا الله ونعم الوكيل

المتعاقد المطحون

06-10-2009, 07:44 PM

:angry2::):):):):angry2::angry2::angry2::angry2::) :):):):):):):):angry2::angry2::angry2::angry2::ang ry2:
حسبنا الله ونعم الوكيل

aboemann

07-10-2009, 10:15 PM

ههههههههههههههههههههههههههههههههههههة منطقق المنصوزرة الحر امية ومشيخى النصب

(هند)

09-10-2009, 06:48 PM

السلام عليكم
طيب الموضوع لو زيادة لان الازهر زيادة كان المفروض مرتب التربية والتعليم يزيد مش العكس؟؟؟؟؟

حمدي احم

11-10-2009, 06:04 PM

انا عارف اخرتها هيشغلونا ببلاش
دة اللي ماخدوش منا فلوس
هو التعليم باظ من شوية

مينومينو

11-10-2009, 09:23 PM

أعتقد ان المرتبات هاتزيد بمجرد انتهاء الاستقطاعات
يمكن على السنه الماليه الجديده
المهم دلوقتى اجتياز المتعاقدين الكادر
واتمنى ثبيتهم
اللهم ثبتهم عند الامتحان
قولو آمين

محمد ابوالسعود فرحات

12-10-2009, 08:54 PM

ياجماعه اللى انتو متعرفهش ان المتعاقد فى التربيه والتعليم بيقبض مايقرب من 380وحنا وربنا ينتقم منهم 310 والمشكله انهم هيقلو عن كده كمان حسبنا الله ونعم الوكيل

محمد ابوالسعود فرحات

12-10-2009, 08:59 PM

انتو تصدقو بالله يجماعه امبارح الموافق 11/10/2009 بتصل بوكيل القطاع الخاص بالمركز بتعنا بقوله فيه منشور عن امتحانات كادر المتعاقدين نازل بقاله اسبوع وموصلناش تتخيلو يكون الرد ايه """"تصدق انا سامع حاجه شبه كده" طب بالله عليكم ده ينفع وكيل فرن عيش حتى..حسبنا الله ونعم الوكيل فى ادارة الازهر كلها

مينومينو

13-10-2009, 10:52 PM

مريم مصطفي سيد

16-10-2009, 03:34 PM

على فكرة ياجماعة التربية والتعليم مرتباتها انظف مين يقول متعاقد بياخد 450 غير البدلات واحنا لسه 330 وكمان مش عاجبهم بيخصموا منا على فكرة احنا لو سبنا الازهر وهددناهم بكده هيتلموا ويبطلوا نصب يقدروا يعملوا كده مع المتعاقدين في التربية والتعليم

مينومينو

16-10-2009, 08:35 PM

دعاء 24

20-10-2009, 08:15 PM

انا مش فاهمة انتوا جبتوا الكلام ده منين انا متعاقدة بالتربية والتعليم وباخد 322 جنيه بعد زيادة شهر 7 والاول كانوا 306 وكل المتعاقدين هنا كدة وتقدروا تدخلوا على القسم الخاص بقضايا ومشاكل المعلمين هتلاقوا ان كلنا فى الهوا سوا يعنى ماحدش بياخد 380 او 450 زى ما بتقولوا وممكن لو فيه فرق فى المرتب بيكون نتيجة للخبرة لانك كل ما بتقدم كل ما المرتب بيزيد يعنى انا عندى اصحابى شغالين قبلى بسنتين بياخدوا 348

هنا القاهره

22-10-2009, 06:20 PM

طيب خلاص طالما قلولو فى المرتبات يقللو من نصابنا اللى احنا شايليونه حرام هما المتعاقدين شغالين لله وللوطن احنا عندنا متتطلبات ومصاريف

مينومينو

23-10-2009, 12:09 AM

دعاء 24

23-10-2009, 07:46 PM

طيب ممكن سيادتك تف****نا
انتى بتاخدى 12 جنيه زياده عن زمايلك المساوين لك فى الازهر ليه

انا من محافظة بنى سويف وزمايلى فى الازهر بياخدوا 344 جنيه يعنى هما اللى زيادة عنى بس الكلام ده كان من فترة الله اعلم بقى خصموا منهم ولا لأ زى انتوا مابتقولوا انهم خصموا من مرتباتكم
حتى احنا كنا بنقول ان مرتبات الازهر احسن من التربية والتعليم سبحان الله اللى فى حال مش عاجبه :(
وبالنسبة لي انا كنت عايزة اقدم فى مسابقة الازهر اللى فاتت دى واسيب التربية والتعليم كفاية انى كنت هترحم من بهدلة المواصلات لانى باصرف فى الشهر ما يقرب من 100 جنيه مواصلات بس وكل اللى شغالين فى الازهر شغالين فى بلادهم واحنا رميينا فى مناطق نائية بس للأسف خدوا خريجين الازهر بس
دعموما هى واضح انها بتختلف من محافظة لمحافظة لان فى التربية والتعليم فيه ناس فى محافظات تانية بتاخد اكتر مننا وفيه بياخد اقل يعنى مثلا زى ما سمعت ان فى محافظة البحيرة بياخدوا 297 جنيه بس ده على حسب ما قريت هنا فى الموقع فى قسم قضايا ومشاكل المعلمين فى سؤال عن مرتبات المتعاقدين
واسفة للاطالة

محمد عاطف 22

29-10-2009, 07:45 AM

كلام مظبوط 100% المرتب ناقص حوالى 140 جنية من شهرين
بنقبض 231

salama201043

29-10-2009, 10:30 PM

حسبنا الله ونعم الوكيل

احمد حضرى

31-10-2009, 12:36 AM

الاخت متعاقدة 2009 والله دمك سكر فى جملة الكريكتور

احمد حضرى

31-10-2009, 12:38 AM

واالله كنت مضايق جدا وفضلت اضحك 15 دقيقة شكرا ليكى بجد من غير تريقة والله