The_Relativistic200
14-10-2006, 03:16 PM
لنهارده يا جماعه هكلمكم عن تفسير الاحلام
عشان فى كلام كتير بيتقال على الموضوع ده ومحدش عارف فين الصح وكله بيتكلم فى كله
فى طريقتين لتفسير الاحلام :-
الاولى: طريقه خالتك ام سعيد وهى باختصار لما انت بتحلم بحلم تصحى الصبح وتروح لخالتك ام سعيد جارتكم عشان تعرف بيقول ايه وهى طبعا تفسرلك كل حاجه وتقولك خير اللهم اجعله خير ان الميم والجيم فى المنام نصره وان شاء الله هتكسى
وان الفار فى المنام يعنى صاحبك الخاين
والفرخة المطلقة هى مديرك فى الشغل وكلام ملوش اى اساس من الصحة
ولما تجرى تجرى وتخبط فى صباع رجل القطة تبقى الحمير اتجننت وكوار كبير ليس له لزمة او البزرميط اللى بنقول عليه
والطريقه دى هى اللى بيستخدمها الناس اللى بيجيبوهم فى برامج التليفزيون يفسروا الاحلام والطريقه دى بتقوم على فكره الرمزيه بمعنى انك لو شفت كذا يبقى معناه كذا والكلام ده بينطبق على كل الناس
التانيه: وهى الطريقه العلميه او اللى بتقوم على اساس علمى
واللى ابتدعها سيجموند فرويد الطبيب النمسوى المشهور
طيب يعنى ايه حلم وازاى سيجموند فرويد فسر الاحلام :(بس باختصار وحياه ابوك عشان مفيش وقت نقرا 50 صفحه فولوسكاب)
الاحلام دى حارس النوم بمعنى ان الاحلام دى مبتخلكش تصحى من النوم باختصار لو انت نايم والمنبه ضرب مثلا تحلم انت انك فى حرب وفى دوشه جامده طيب ليه عشان يكون الصوت العالى طبيعى ومتصحاش من النوم
طيب وايه كمان الاحلام دى تحقيق لرغبه على نحو هلوسى متضخم (ايه يا عم الكلام الكبير ده مش فاهمين)
طيب من الاول هنقول ان الرغبات والدوافع مش بس شعوريه لا فى رغبات وحاجات بتكون لا شعوريه الانسان مبيعرفهاش لكن دى موجوده جواه فى حاجه اسمها اللاشعور والحاجات دى بيكون الانسان عاوز يحققها لكن مبيعرفش يحققها فى الواقع عشان بيكون صعب تحقيقها نظرا لقيود اجتماعيه او اخلاقيه ومن هنا بيخرج كل الحاجات دى فى شكل حلم
مثال:انت مخنوق من حد مثلا وليكن واحد صاحبك ونفسك تضربه لكن مينفعش تعمل كده فى الواقع لان بكده هتكون انسان همجى فعشان كده بتتحول الرغبه دى للاشعور وتظهر بعد كده اثناء النوم فى صوره حلم
طيب هى بتظهر واضحه يعنى انت بتشوف نفسك ماسك صاحبك نازل فيه طحن ؟لا طبعا لان اللاشعور بيستخدم فنيات معينه اسمها العمليات الاوليه وهى التكثيف والنقل (يا عم بلاش كلام كبير حياه ابوك )
الكلام مش كبير ولا حاجه التكثيف يعنى بيدخل كذا حاجه فى بعض يعنى دمج بمعنى انك هتشوف مثلا دماغ صاحبك اللى متضايق منه وجسم شخص تانى ولبس شخص تالت بحيث انه يشوه معنى الحلم عشان تصحى متعرفش هو كان بيدل على ايه
والنقل انك بتنقل الحاجه لحاجه تانيه ترمز لها يعنى تطلع فى الحلم بدل ما تضرب صاحبك تضرب الكلب بتاعه او اى شىء بيرمز له
طيب يعنى انا ينفع افسر احلامى ؟
تفسير الاحلام محتاج ممارسه اكلينيكيه كبيره ودراسه طويله فى التحليل النفسى والحلم بيتفسر لما المحلل النفسى يقعد يسمع الحلم ويسمع تداعيات عن المريض يعنى كلام يخص حياه المريض وعلاقاته
وتفسير الاحلام بيساهم فى علاج الامراض النفسيه بالتحليل النفسى لان المحلل النفسى ممكن يفهم المرض والعوامل اللى ساعدت على تكوينه من خلال الاحلام
وفى الاخر بقول ان الموضوع ده كبير ومحتاج مجلدات لكن انا كان قصدى هنا انى اوضح بس الخلط اللى الناس بتعمله فى الحكايه دى وحاولت اكون بسيط على قد ما اقدر عشان اكون مفهوم وسورى اذا كنت طولت عليكم
ودمتم سالمين
نصيحة اخوية
اتغطوا كويس......
عشان فى كلام كتير بيتقال على الموضوع ده ومحدش عارف فين الصح وكله بيتكلم فى كله
فى طريقتين لتفسير الاحلام :-
الاولى: طريقه خالتك ام سعيد وهى باختصار لما انت بتحلم بحلم تصحى الصبح وتروح لخالتك ام سعيد جارتكم عشان تعرف بيقول ايه وهى طبعا تفسرلك كل حاجه وتقولك خير اللهم اجعله خير ان الميم والجيم فى المنام نصره وان شاء الله هتكسى
وان الفار فى المنام يعنى صاحبك الخاين
والفرخة المطلقة هى مديرك فى الشغل وكلام ملوش اى اساس من الصحة
ولما تجرى تجرى وتخبط فى صباع رجل القطة تبقى الحمير اتجننت وكوار كبير ليس له لزمة او البزرميط اللى بنقول عليه
والطريقه دى هى اللى بيستخدمها الناس اللى بيجيبوهم فى برامج التليفزيون يفسروا الاحلام والطريقه دى بتقوم على فكره الرمزيه بمعنى انك لو شفت كذا يبقى معناه كذا والكلام ده بينطبق على كل الناس
التانيه: وهى الطريقه العلميه او اللى بتقوم على اساس علمى
واللى ابتدعها سيجموند فرويد الطبيب النمسوى المشهور
طيب يعنى ايه حلم وازاى سيجموند فرويد فسر الاحلام :(بس باختصار وحياه ابوك عشان مفيش وقت نقرا 50 صفحه فولوسكاب)
الاحلام دى حارس النوم بمعنى ان الاحلام دى مبتخلكش تصحى من النوم باختصار لو انت نايم والمنبه ضرب مثلا تحلم انت انك فى حرب وفى دوشه جامده طيب ليه عشان يكون الصوت العالى طبيعى ومتصحاش من النوم
طيب وايه كمان الاحلام دى تحقيق لرغبه على نحو هلوسى متضخم (ايه يا عم الكلام الكبير ده مش فاهمين)
طيب من الاول هنقول ان الرغبات والدوافع مش بس شعوريه لا فى رغبات وحاجات بتكون لا شعوريه الانسان مبيعرفهاش لكن دى موجوده جواه فى حاجه اسمها اللاشعور والحاجات دى بيكون الانسان عاوز يحققها لكن مبيعرفش يحققها فى الواقع عشان بيكون صعب تحقيقها نظرا لقيود اجتماعيه او اخلاقيه ومن هنا بيخرج كل الحاجات دى فى شكل حلم
مثال:انت مخنوق من حد مثلا وليكن واحد صاحبك ونفسك تضربه لكن مينفعش تعمل كده فى الواقع لان بكده هتكون انسان همجى فعشان كده بتتحول الرغبه دى للاشعور وتظهر بعد كده اثناء النوم فى صوره حلم
طيب هى بتظهر واضحه يعنى انت بتشوف نفسك ماسك صاحبك نازل فيه طحن ؟لا طبعا لان اللاشعور بيستخدم فنيات معينه اسمها العمليات الاوليه وهى التكثيف والنقل (يا عم بلاش كلام كبير حياه ابوك )
الكلام مش كبير ولا حاجه التكثيف يعنى بيدخل كذا حاجه فى بعض يعنى دمج بمعنى انك هتشوف مثلا دماغ صاحبك اللى متضايق منه وجسم شخص تانى ولبس شخص تالت بحيث انه يشوه معنى الحلم عشان تصحى متعرفش هو كان بيدل على ايه
والنقل انك بتنقل الحاجه لحاجه تانيه ترمز لها يعنى تطلع فى الحلم بدل ما تضرب صاحبك تضرب الكلب بتاعه او اى شىء بيرمز له
طيب يعنى انا ينفع افسر احلامى ؟
تفسير الاحلام محتاج ممارسه اكلينيكيه كبيره ودراسه طويله فى التحليل النفسى والحلم بيتفسر لما المحلل النفسى يقعد يسمع الحلم ويسمع تداعيات عن المريض يعنى كلام يخص حياه المريض وعلاقاته
وتفسير الاحلام بيساهم فى علاج الامراض النفسيه بالتحليل النفسى لان المحلل النفسى ممكن يفهم المرض والعوامل اللى ساعدت على تكوينه من خلال الاحلام
وفى الاخر بقول ان الموضوع ده كبير ومحتاج مجلدات لكن انا كان قصدى هنا انى اوضح بس الخلط اللى الناس بتعمله فى الحكايه دى وحاولت اكون بسيط على قد ما اقدر عشان اكون مفهوم وسورى اذا كنت طولت عليكم
ودمتم سالمين
نصيحة اخوية
اتغطوا كويس......