|
مشاهدة النسخة كاملة : طالبه محتاره yasosmsm 30-08-2009, 03:05 AM بجد يا جماعه انا خلاص تعبت من التفكير:( مش عارفه اخش المانى وله فرنساوى وبجد انا خلاص محتاره جدا لان فى ناس بيقولوا اخش فرنساوى ده الفرنساوي سهل وناس بتقول اخس المانى لان الالمانى سهل مووووووووووووت اخر حاجه وبجد مش عارفه اقرر وياريت حد يرد عليا لانى محتاجا لرايكوا والاكبر منى طبع هينصحونى لانهم مجربين وانا محتاجه لكلمتكم ;) mina_totti65 30-08-2009, 09:31 AM فرنساوى طبعا انا لسه مخلص ثانوى وكان كله عندنا داخل فرنساوى بس القرار فى الاخر يرجعلك انتى لوحدك اللغتين اسهل من بعض .شوفى انتى بتحبى ايه اكتر Łosт Mεмoяч 30-08-2009, 12:47 PM هو الا لمانى والايطالى اسهل من الفرنساوى بس هو كمان سهل واضمن يعنى فى كليات لازم يكون معاكى فرنساوى علشان تداخليها والمدرسين كتير غير الالمانى والايطالى يعنى علشان لو حتاخدى دروس وربنا يوفقك yasosmsm 30-08-2009, 06:11 PM انا عارفه ان ف كليات لازم فيها الفرنساوى يعنى زى الاداب والالسن والحقوق وبس هما دول الى بيحتاجوا فيها للفرنساوى ولو ع الكليات ديه انا مش هخشها ولو فى كليات تانى تحتاج للفرنساوى ياريت حد يرد عليا هى ايه وبجد شكرا لكل الى نصحنى :d ا Dr. Toka 02-09-2009, 10:53 PM بصى ادخلى المانى انا كنت المانى وهو سهل اوى اسهل من الفرنساوى لانى اخدت فرنساوى 3 سنين وانا فى اعدادى لان مدرستى كانت خاصة وبصراحة لاقيت ان الالمانى اسهل بكتير stoneKane 04-09-2009, 04:51 PM بصى موضوع المانى ولا ايطالى ولا فرنساوى ولا حتى عبرى احسن مش هتقدرى توصلى لراى معين او ثابت لان كل واحد خد فرنساوى هيقولك ان الفرنساوى احسن لغة فى اللغات كلها واسهلهم والعكس صحيح مع باقى اللغات فا شوفى انتى ميولك ايه وخشى اللغه اللى انتى حاسه انك هتمشى فيها حبيبة رسول الله 05-09-2009, 09:07 PM انا سمعت من ناس كتير ان الماني اسهل من فرنساوي XxMANxX_2010 05-09-2009, 09:28 PM الفرنساوى اسهل لغة و معروف كده كويس لانها اسهل و ابسط من اى لغة ثانية لكن بتفرق فى مشاكل النطق ... ان اللى بتكتبيه بتنطقى نصه بس :) لكن بالنسبة للألمانى نطقه اسهل عشان كل اللى بيتكتب بيتنطق حتى تلاقى الكلام بتاعه مجعلص و غريب و على اى حال اللغتين حلوين و مش هتفرق معاكى المهم تلاقى استاذ كويس يدرسلك .... اصل انا جالى بعيد عنك واحد اسمه علاء شاكر من مدرسة السعيدية :) و كرهنى فى الفرنساوى و خلانى اجيب 24 ...... منه لله بقى بتاع دروس oreka 16-09-2009, 09:38 AM بصى يابنتى انا كنت زييك كدا بس لما سألت كتير قالولى ان الفرنساوى سهل بس الايطالى والالمانى مستقبلهم مضمون وسهلين برده وربنا يوفقك وانا اخدت ايطالى على فكره NoUrHaN_Z 25-09-2009, 01:18 AM بصى يا ستى أنا من رأيى ان الألمانى أسهل أنا خدت فرنساوى 3سنين علشان كنت برضه ف مدرسه خاصه و الحمد لله كانوا أسود سنين عمرى و الله و الله كرهت نفسى بسبب الفرنساوى و بقى عندى حساسيه منه دا طبعا بسبب ان النطق غير الكتابه خالص و دلوقتى أنا باخد ألمانى و شايفه انه أسهل بكتير بس لو ناويه تخشى حقوق أو ألسن فرنساوى لازم تاخد فرنساوى و لو ناويه تدخلى هندسه خدى ألمانى علشان بيكون فى أبحاث كتيره مفيده ف الهندسه بالأمانى و هتحتاجيها لماتشتغلى أما بقى لو داخله كلية طب أو صيدله أو علىم يبقى عليكى و على أسهل حاجه الأسبانى أو الإيطالى لإن اللغ التانه مش بتفرق ف كليات علمى علوم و ربنا معاكى khalodacoma 26-09-2009, 03:43 AM خدى المانى على ضمانتى لأنى قفلته و هو قريب من الانجليزى و يعتبر مادة الدرجة النهائية ( لازم يتجاب فيها 50 من 50 ) و امتحاناته بتبقى سهلة جدا وهو عموما كلغة بسيطة فى النطق و الكتابة مش زى الفرنساوى اللى يتكتب يتنطق غيره واذا كنتى خايفة من حكاية الكليات اللى بتاخد فرنساوى ففى واحد صاحبى دخل حقوق و كان واخد المانى بيحفظ كلمتين فرنساوى ويتمحن فيهم عشان يدخل الكلية ودخلها السنادى بكل سهولة ادخلى المانى و ادعيلنا soso_love 01-10-2009, 10:49 PM بصى يا قمر شوفى انتى عايزة ايه وبلاش تاخدى رأى حد ما انا دخلت فرنساوى مع انى عارفة ان الايطالى والالمانى اسهل بس دة علشان انا حسيت انها لغة حلوة وكان نفسى اتعلمها شوفى انتى نفسك فى ايه وملكيش دعوة بحد علشان اكيد كله هيخش يقولك ان المادة بتاعته اسهل طالبة حزينة 11-10-2009, 11:37 PM هقولك رايي بمنتهى الاخلاص انا كنت فرنساوي بس صدقيني ادخلى الماني صحباتي كلهم اللى الماني قفلوا لكن الفرنساوي بيحاسبوا على الحرف يعني لو في حرف في الجملة المكتوبة غلط يخصموا نص الدرجة القرار قرارك Ahmed-Magdi 24-10-2009, 12:47 AM هههههههههههههههههههههههههههههههههههههههههههههههههه هه بجد ياجماعه حرام عليكم اتنا لو مكان البنت كان زماني كرهت الثانوي العام ... بصي يا جميل...الفرنساوي اولاً للي بيقول فيه كليات معينة بتاخده زي الحقوق .. انا كنت الماني وخدت شهادة الثانوي السنة دي .. وجالي في التنسيق حقوق ودخلت كلية الحقوق فتره وبعدين دخلت الأكاديمية البحرية .. ..واداب نفس الكلام .. وسوري يعني كل واحد حسب دماغه ياجماعه ..مش انتا الي هتحببها او تكرهها في المادة + انتي كمان ينطبق عليكي الكلام ده عالعموم انا كنت إلماني... واختي نصحتها تاخد إيطالي لأنه الأسهل بمعنى الكلمة .. والألماني لغة محترمه وجميلة وانا استمتعت جداً بدراستها .. معلومة شخصية الأنجليزي مشتق من اللغة الألمانية واللغة الالمانية هي الأم التي اشتق منها جميع اللغات الاوروبية ولو قدرتي تلاقي مدرس الماني كويس وشديتي حيلك في المزاكراة . .هتجيبي ال 50 وبردو نفس الكلام في الايطالي .. لكن الاختلاف الوحيد ان قواعد الالماني اكتر من الأيطالي.. وغالباً بيعتمد على حفظ الموضوعات نصاً يعني عندك تقريباً 12 موضوع تعبير محدودين .. بيجيلك في الامتحان منهم موضوعين تختاري موضوع واحد لكن نصيحه مني ..ابعدي البعد التام عن الفرنساوي وبديهياً .. كلما كان تاريخ اللغة في الدولة قديم .. كلما صعبت يعني الفرنساوي أقدم حاجة ... اكيد هيبقى أصعب حاجة الألماني والأيطالي جداد على مصر .. يبقى أكيد هايكون أسهل الكلمة الأخيرة . . جربي أيطالي وألماني . . اعرفي مبادئ الأتنين والي هتحسي بالأستمتاع في دراسته توكلي على الله وفي النهاية أنا كنت ألماني وجبت 50/50 ..وجميع اصدقائي بلا ادنى استثناء في الايطالي الدرجة النهائية .. والنسبة العامة للناجحين .. ا كتر حاجه الأيطالي ثم الألماني...وتنتهي بالفرنساوي اكثر نسبة للرسوب yasosmsm 22-11-2009, 12:15 AM على فكره يا جماعه انا دلوقتى فى المانى والالمانى سهل موووووت وانا فرحانه انى دخلته لانه فى حاجات قريبه من الانجليزى و نطقه سهل ومش صعب والى بيتكتب هو الى بيطنتق وع العموم مرسي لكل الى قال رايه ونصحته شكرا mody toty 10-01-2010, 11:28 PM assolotamente italino |