مشاهدة النسخة كاملة : قلبي عايش في سكوت


FANTOMLOVELIFE
30-08-2009, 01:41 PM
قلبي عايش في سكوت
مش سامع لنبضه صوت
قلت اروح أسأل عليه
ما هو قلبي برضه ولا ايه
رحتله لقيته ساكت
قلتله السكوت ده ليه
بصلي بس بعنيه
هو ده حق الضيافه
مفيش سلام ولا كلام
ده احنا عشره عمر يا ابني
ده انت قلبي وكنت صاحبي
رد قلبي ايه في ايه
وبصلي شويه وقلي
جاي تاني ليه ليه
عايز تعمل فيه ايه
سيبني عايش اه لوحدي
مبقتش اصاحب في القلوب
ولا عندي استعداد ادوب
ولا عايز اطير في السما
ولا اعدي كل الحدود
لان طبعا في النهايه
كل مرة
بانجرح وساعات باموت
بصيتله فعلاً وأفتكرت
قصه هوايا وانكسرت
وقلتله معلش اصلي
من كتر الجروح نسيت
وخدت نفسي وقلت امشي
وقلت يا ريتني ما كنت جيت
اتمنى ان تنال اعجابكم
رايكوا بجد يهمنى

the_guilty
30-08-2009, 02:05 PM
روعه جداا يا مان بجد زى الشعر اللى فى الاغانى شكرا ليك.....

Dr_toka
30-08-2009, 04:11 PM
حلوه اوى ومعبره تسلم ايدك
مستنين اكتر
من حضرتك

just 4 you
30-08-2009, 04:51 PM
كلام جميل
ومعبر أوى واحساس حلو بجد
تسلم ايدك
تقبل مرورى
فى رعاية الله

FARIDA 2010
31-08-2009, 03:25 PM
بسم الله الرحمن الرحيم
السلام عليكم و رحمة الله و بركاته
احييك استاذي الكريم علي هذا الكلام الصادق ..بجد كلام جميل و معبر زي ما قال الاستاذ just 4 you و ربنا يزيدك في موهبتك و ابداعك....
بالنسبة للموضوع نفسه ... الانسان يتمني احيانا ان يقدم اعتذار لقلبه لانه تركه يهوي وحيدا ( للابد) و لم يمنعه ... فكم تراءي لنا الحب سرابا... فيظل القلب ( مغلق للابد) جراء انكساره و تحطمه...........و يكون السكوت ابلغ لغات التعبير عن الالم....
بارك الله لحضرتك و وفقك و زادك من الابداع ... فعلا بجد جميل جدا
و انا في انتظار مزيد من اعمال حضرتك

و السلام عليكم و رحمة الله و بركاته

totti_pop_2008
31-08-2009, 03:32 PM
.......ايه الحلاوه دى......... دانا عنيا دمعت يا راجل..............

FANTOMLOVELIFE
31-08-2009, 04:44 PM
السلام عليكم ورحمة الله وبركاتة

اولا انا بشكركم على على ردودكم وتعليقاتكم الجميلة على كلماتى

واتمنى ان تكون نالت اعجابكم

تقبلوا تحياتى