افطار اللاعبين عشان المباره!! وده كلام؟ [الأرشيف]

مشاهدة النسخة كاملة : افطار اللاعبين عشان المباره!! وده كلام؟

مستر/ عصام الجاويش

30-08-2009, 02:28 PM

مصدر الخبر
العربية (http://www.alarabiya.net/articles/2009/08/29/83302.html)

خبر سيئ جدا
القاهرة (رويترز) - قال سمير زاهر رئيس الاتحاد المصري لكرة القدم ان جميع لاعبي مصر لن يصوموا خلال مباراتهم المرتقبة امام رواندا في التصفيات المؤهلة لنهائيات كأس العالم في كيجالي يوم السبت المقبل.
واضاف زاهر لرويترز يوم السبت "هناك قناعة لدى جميع اللاعبين بلا استثناء بضرورة الافطار يوم المباراة واستعمال الرخصة."
وتابع زاهر "قبل يومين اصدر علماء الدين فتوى بجواز الافطار للاعبي المنتخب واللاعبون متفهمون انهم في مهمة وطنية ويسعون الى تحقيق امال جماهير الوطن."
واشار زاهر الى ان منتخب مصر بالكامل سبق له الافطار في العام الماضي اثناء مباراته مع الكونجو في المرحلة الثانية لتصفيات كأس العالم وان الفريق حقق الفوز بهدف نظيف في ذلك اليوم وتأهل للمرحلة الاخيرة من التصفيات.
وقال زاهر "لن نجبر اي لاعب على الافطار اثناء التدريبات التي ستسبق المباراة."
وانتقل منتخب مصر يوم السبت بقيادة مدربه حسن شحاتة الى معسكره التدريبي بمدينة السادس من اكتوبر والذي يستمر حتى موعد السفر الى رواندا.
وسيؤدي المنتخب تدريبه الاول يوم السبت في الموعد المحدد لاقامة المباراة مع رواندا.
واكد زاهر انه سيلتقي مع لاعبي المنتخب يوم الثلاثاء وسيتناول معهم طعام الافطار بصحبة حسن صقر رئيس المجلس القومي للرياضة لتحفيزهم قبل السفر الى كيجالي.
وقال زاهر "سأرافق المنتخب في رحلته الى رواندا لان المباراة مصيرية ولا بديل عن الفوز بنتيجتها للاستمرار في المنافسة على التأهل لكأس العالم بجنوب افريقيا."
وتتوجه بعثة منتخب مصرالى رواندا صباح الاربعاء على متن طائرة خاصة ويرأسها حازم الهواري.
ويحتل منتخب مصر المركز الثاني في المجموعة الثالثة بتصفيات كأس العالم برصيد اربع نقاط خلف المنتخب الجزائري الذي يتصدر المجموعة برصيد سبع نقاط بينما يأتي منتخب زامبيا الذي يلتقي مع الجزائر في الجولة الرابعة بالمركز الثالث برصيد اربع نقاط واخيرا رواندا الرابع وله نقطة واحدة.
ويتأهل اول المجموعة لنهائيات كأس العالم بجنوب افريقيا بينما يتأهل اصحاب المراكز الثلاثة الاولى بالمجموعة الى نهائيات كأس الامم الافريقية بانجولا في يناير كانون الثاني المقبل.

طبعي كدا

30-08-2009, 03:50 PM

يا خبر ابيض يا خبر ازرق

لا حول ولا قوة الا بالله

ريناد2025

30-08-2009, 04:04 PM

لا حول ولا قوة الا بالله من الشيخ اللى افتى بضرورة الفطر للاعبين ؟؟؟؟؟؟؟؟ لكن استاذى الفاضل يجب التاكد من مصدر هذة الاقاويل فهناك من الاعبين القريبن من الله والذين لايقبلون بهذة المهذلة

مستر/ عصام الجاويش

30-08-2009, 07:42 PM

الغريب ان الاستاذ سمير زاهر بيقول دى مهمه قوميه يعنى الفريق لو كسب مصر هتكون من الدول المتقدمه؟ هيزيد الانتاج؟ مشاكلنا هتتحل؟ هيرتفع مستوى معيشه المواطن؟ طبعا لا. ثانيا ليس هناك رخصه لكى يفطر شخص مسلم عشان يلعب. رخص الافطار معروفه للكل وليس من بينها الافطار عشان كره القدم . ثالثا: كفايه بقى اعطاء كره القدم ولاعبيها اكثر من حجمهم عشان يبقوا قدوه للشباب نحن نقتدى برسول الله لانه خير البشر
وتبقى الكره رياضه اجمل مافيها ممارستها لتنشيط جسم الانسان لكن ان تتحول الكره الى احتراف ومهنه اعتقد ان هذا امر مبالغ فيه ولانفع منه

BaNZeR

30-08-2009, 08:43 PM

ياريت دايماً يكون الموضوع ملحق بمصدر الخبر (المصدر بالرابط)

والله يا جماعة انا بحاول بقدر الامكان اجيب المصدر الممكن في حالة عدم تواجده

لكن اعذروني إن لم أجده وحذفت الموضوع
لازم نتأكد من مصداقية كل الأخبار

تم إضافة مصدر الخبر اللى لقيته من
أخبار العربية

الأستاذة هدى

30-08-2009, 09:45 PM

اولا : بارك الله فيك لنقل الخبر ...

ثانيا : لا أدرى لماذا الفتوى للاعبى كرة القدم بالإفطار فى رمضان عشان ماتش؟؟؟؟؟؟؟؟؟؟
ان رسول الله صلى الله عليه وسلم قاتل فى بدر وانتصر والمسلمون قاتلوا معه وجميعهم صلئمون ولم يفت لهم بالإفطار ، جنودنا فى العاشر من رمضان حرب اكتوبر 73 حاربوا وهم صائمون فى رمضان ولم يفتهم احد بالإفطار !!!!!!!!!!!!!!

ثالثا : صدقنى أول ما قرأت الخبر بالرغم من تشجيعى للفرق المصرية ضد اى فريق أجنبى إلا أننى قلت " مهزومون بإذن الله "!!!!!!!!!!!!!!!!!!!!!!!

مستر/ عصام الجاويش

30-08-2009, 09:54 PM

BaNZeR

30-08-2009, 10:00 PM

ثالثا : صدقنى أول ما قرأت الخبر بالرغم من تشجيعى للفرق المصرية ضد اى فريق أجنبى إلا أننى قلت " مهزومون بإذن الله "!!!!!!!!!!!!!!!!!!!!!!!

بل الحق على من أخرج لهم الفتوى بذلك جزاه الله بما يستحق

بما استحللتم نقض الفريضة لأي سبب كان !!!

قال نضال من أجل الوطن قال

pureheart

30-08-2009, 10:06 PM

انا شايفة ان لو سمير زاهر قال كدة يبقى غلطان
اصل الصيام ده حاجة بين الانسان و ربنا و احنا مش من حقنا التدخل فيه
يعنى لو الاعيبه عايزة تفطر تفطر و لو مش عايزة ديه حاجة تخصهم
و على الفكرة المفتى ده مهوش سابعة صنايع و لا حاجة يعنى لما يقول فتوى بيبقى عارف هو بيقول ايه و بيستند فيها على ايه
دمتم فى رعاية الله

Not Allowed

30-08-2009, 10:51 PM

الخبر صحيح

ومش هنقدر نقول غير أن دار الأفتاء المصرى
بيفتوا زى مهما عايزين والله أعلى وأعلم

ولاء 505

30-08-2009, 11:50 PM

بس انا سمعت ان الازهر ابطل الفتوى اما اذا لم تبطل فحسبى الله ونعم الوكيل

Mr Abo Ammar

01-09-2009, 01:06 AM

إن تنصروا الله ينصركم ويثبت أقدامكم

كرة القدم مجرد لعبة وشهر رمضان صيامة فريضة والرخصة لأناس معلومين
لا نملك إلا أن نقول حسبنا الله ونعم الوكيل

باسم باشا

01-09-2009, 04:08 PM

حسبنا الله ونعم الوكيل
وَاخْشَوْنِ وَلاَ تَشْتَرُواْ بِآيَاتِي ثَمَناً قَلِيلاً وَمَن لَّمْ يَحْكُم بِمَا أَنزَلَ اللّهُ فَأُوْلَـئِكَ هُمُ الْكَافِرُونَ} 44 سورة المائدة

فلعنة الله على الكافرين
http://elbashayeronline.com/?page=viewn&nid=61766
حسبنا الله و نعم الوكيل

I promise you

01-09-2009, 04:29 PM

aelsoudy

01-09-2009, 04:34 PM

لا حول ولا قوة الا بالله

باسم باشا

01-09-2009, 04:37 PM

http://www.dar-alifta.org/ViewFatwa.aspx?ID=1202&LangID=1

الأستاذة هدى

01-09-2009, 04:53 PM

ومستغربين لية

إحنا اصلا دولة إسلامية بالاسم فقط
انا بقيت مش بتعجب من اللى بيحصل
لانة بقى أمر عادى جدا
طب تقولوا اية للمفتى
اللى حلل السيجارة فى نهار رمضان
وهو وهو نفسة اللى حلل القبلات
بين غير المتزوجين !!
يا جماعة علية العوض !!!
ولاحول ولا قوة الا بالله
الله يرحمنا

هناك لبس بسيط ليس المفتى هو من حلل السيجارة بنهار رمضان ولا القبل ولا ارتداد المسلم ولا خلع الحجاب ولا كل هذه المهاترات العجيبة
بل هو اخو الشيخ حسن البنا رحمه الله تعالى وحتى لا اذكر اسمه الشخصى
والحمد لله ان الثوابت ما زالت قائمة اختى الفاضلة
وكما قال رسول الله صلى الله عليه وسلم : " لا تجتمع امتى على باطل "
لذلك تجدين اغلب العلماء والناس ينتقضون هذا البنا الذى ليس له من العلم والسمعة غير التمسح بأخيه !!!!!!!!!

Mr.Hani

01-09-2009, 05:01 PM

الفتوى لأهل الفتوى
وحتى لو أفتى أحد بفتوى خطأ لابد ان يرد عليه من لديه علم بالفتاوى
أما ان نكيل الاتهام لهذا أو ذاك فياريت ياإخوانى بلاش حتى لا نتركب إثماً
وأتركوا الفتوى لأهل الفتوى

I promise you

01-09-2009, 05:17 PM

هناك لبس بسيط ليس المفتى هو من حلل السيجارة بنهار رمضان ولا القبل ولا ارتداد المسلم ولا خلع الحجاب ولا كل هذه المهاترات العجيبة
بل هو اخو الشيخ حسن البنا رحمه الله تعالى وحتى لا اذكر اسمه الشخصى
والحمد لله ان الثوابت ما زالت قائمة اختى الفاضلة
وكما قال رسول الله صلى الله عليه وسلم : " لا تجتمع امتى على باطل "
لذلك تجدين اغلب العلماء والناس ينتقضون هذا البنا الذى ليس له من العلم والسمعة غير التمسح بأخيه !!!!!!!!!

أسمة جمال البنا
ولما افتى بكدة مشايخ الازهر كلهم وقفوا ضدة
بصى حضرتك مش اى حد يطلع الهوى ويفتى
مش اى حد حفظ آيتين وكام حديث يطلع يفتى
ع العموم كل اللى نقدر نقولة
ربنا يهدينا أو يمحق نسلنا !!!!

أحم
على فكرة انا ولد
مش أخت فاضلة يعنى :d
دمتم فى رعاية الله

الأستاذة هدى

01-09-2009, 05:23 PM

أسمة جمال البنا
ولما افتى بكدة مشايخ الازهر كلهم وقفوا ضدة
بصى حضرتك مش اى حد يطلع الهوى ويفتى
مش اى حد حفظ آيتين وكام حديث يطلع يفتى
ع العموم كل اللى نقدر نقولة
ربنا يهدينا أو يمحق نسلنا !!!!

أحم
على فكرة انا ولد
مش أخت فاضلة يعنى :d
دمتم فى رعاية الله
ايوة تمام صح
حسام البنا زى ما حضرتك قولت :078111rg3:
اصل انا مش عاوزة احفظ اسمه اساسا على فكرة
وكل ما اشوفه على التليفزيون بقيت باقفل كنت الاول باسمع يمكن اللى بيعارضوه يكونوا ظالمينه ويكون بيقول كلام مفيد لكن للاسف وجدت كلامه تفاهات والعيب على من يفسح له منبرا للظهور

ومعلش يا عم الولد انا غلطت عن غير قصد صدقنى
وعندى دى :078111rg3:

الأستاذة هدى

01-09-2009, 05:30 PM

الفتوى لأهل الفتوى
وحتى لو أفتى أحد بفتوى خطأ لابد ان يرد عليه من لديه علم بالفتاوى
أما ان نكيل الاتهام لهذا أو ذاك فياريت ياإخوانى بلاش حتى لا نتركب إثماً
وأتركوا الفتوى لأهل الفتوى

أهل الفتوى هو من يملك مفاتيح الفتوى من العلوم الشرعية من دراسة القران والناسخ والمنسوخ والاحاديث بدرجاتها حتى لا يرجع لحديث ضعيف او مبتور وان يسير على نهج الصحابة ثم القياس فإن لم يجد يستفت قلبه تبعا للشرع والسنة فإن اصاب كان له اجرين وإن أخطأ كان له اجر واحد

أما من أفتى بغير علم ولم يتبع المنهج مثل بعض المتجرئين على الدين فيرجع وقد باء من الله بسخطه لتجرئه على شرع الله
عافانا الله واياكم

Mr.Hani

01-09-2009, 05:34 PM

أهل الفتوى هو من يملك مفاتيح الفتوى من العلوم الشرعية من دراسة القران والناسخ والمنسوخ والاحاديث بدرجاتها حتى لا يرجع لحديث ضعيف او مبتور وان يسير على نهج الصحابة ثم القياس فإن لم يجد يستفت قلبه تبعا للشرع والسنة فإن اصاب كان له اجرين وإن أخطأ كان له اجر واحد

أما من أفتى بغير علم ولم يتبع المنهج مثل بعض المتجرئين على الدين فيرجع وقد باء من الله بسخطه لتجرئه على شرع الله
عافانا الله واياكم

ماقصدته ياابله هدى أنى سمعت جميلة مازالت ترن فى اذنى
ان فى مصر 70 مليون مفتى
يقولها الاجانب باستمرار
ياريت يكون الفتوى لاهل الفتوى ومن يرد عليهم اهل الفتوى بالشروط التى ذكرتيها
ولكن ان يفتى احد لمجرد انه قرا كتابا أو تخرج فى الجامعة ما يصحش

الأستاذة هدى

01-09-2009, 05:44 PM

ماقصدته ياابله هدى أنى سمعت جميلة مازالت ترن فى اذنى
ان فى مصر 70 مليون مفتى
يقولها الاجانب باستمرار
ياريت يكون الفتوى لاهل الفتوى ومن يرد عليهم اهل الفتوى بالشروط التى ذكرتيها
ولكن ان يفتى احد لمجرد انه قرا كتابا أو تخرج فى الجامعة ما يصحش

أفهم مقصدك أخى الفاضل
بارك الله فيك ولا حرمنا من مشاركاتك القيمة
لكنى اضفت التعقيب للإفادة العامة فقط

واتفق معك تماما فى كل ما قلت
لكن لى رجاء ماعدتش تسمع لجميلة دى شكلها بتجيب فى سيرة الناس :d
تقبل تحياتى

Mr.Hani

01-09-2009, 11:15 PM

BaNZeR

01-09-2009, 11:17 PM

أظرف نكتة بمناسبة الموضوع ده بتقول:

الجماهير المصرية بتطالب برخصة للافطار يوم مباراة المنتخب >>>>لانهم مش هيعرفوا يشجعوا من غير شتيمة ودى برضه مهمة وطنية.

ههههههههههههههههه

لا بجد فظيعة :d

الأستاذة هدى

01-09-2009, 11:18 PM

أظرف نكتة بمناسبة الموضوع ده بتقول:

الجماهير المصرية بتطالب برخصة للافطار يوم مباراة المنتخب مع رواندا مساواومتهيألى كررت الكلام ده ة باللاعبين .. لانهم مش هيعرفوا يشجعوا من غير شتيمة ودى برضه مهمة وطنية.

:022yb4::022yb4::022yb4:
يا نكتك الحلوة يا مستر هانى
احييك بجد
:022yb4::022yb4::022yb4:

Bent 3bdo

02-09-2009, 01:08 AM

أظرف نكتة بمناسبة الموضوع ده بتقول:

الجماهير المصرية بتطالب برخصة للافطار يوم مباراة المنتخب مع رواندا مساواة باللاعبين .. لانهم مش هيعرفوا يشجعوا من غير شتيمة ودى برضه مهمة وطنية.

:022yb4::022yb4::022yb4:
كان مدحت شلبى بيتكلم بعد ماتش غينيا بيقترح ان ماتشات الاسبوع التانى والتالت ف الدورى تتلعب الظهر علشان اللاعيبه تتعود ع اللعب الصبح :006et4:
بقول لماما حرام الناس دى كلها تخسر صيامها علشان لاعيبه متسواش حاجه:p
بس انا عايزة أعرف لما اللاعيبه دى تيجى تقف قدام ربنا تتحاسب
ويبقى السؤال فطرتوا ليه؟
ياترى هيقدروا يقولوا علشان كان عندنا ماتش كورة
يلا ربنا يهدى الجميع

المتحري الخارق

02-09-2009, 06:05 AM

عالم أزهري يصف إفطار اللاعبين في رمضان بـ"قلة أدب"

أفتى الشيخ فرحات المنجي، وهو من كبار علماء الأزهر والمشرف العام السابق على مدينة البعوث الاسلامية، بعدم جواز إفطار اللاعبين في نهار رمضان، ووصف عدم صومهم بأنه "قلة أدب".
جاء ذلك في محاضرة له بنادي الرواد بمدينة العاشر من رمضان شرق القاهرة
مساء الأحد 30-8 -2009.
وكانت دار الإفتاء المصرية قد أجازت الاسبوع الماضي إفطار لاعبي المنتخب المصري لكرة القدم خلال لقائه مع رواندا في 5 سبتمبر المقبل ضمن الدور الثاني لتصفيات المجموعة الإفريقية الثالثة المؤهلة لكأس العالم 2010 بجنوب إفريقيا، حيث ستقام المباراة نهاراً وأثناء فترة الصيام.

ولاحقاً أوضح الدكتور علي جمعة مفتي الجمهورية أن الفتوى التي تناولتها الصحف أخيراً بشأن أفطار لاعبي كرة القدم لم تصدر من الدار مخصوصة للاعبي المنتخب القومي أو لأي فريق آخر، وإنها صادرة عن الدار منذ عام 2008‏، لافتاً إلى الفتوى تقوم على التجريد والعمومية والنظر إلى الواقع المحيط، خاصة‏ أن كرة القدم في الوقت الحالي أصبحت أكل عيش وعملاً يحكمه عقود ولوائح وانتفت عنها الهواية كما في السابق.
إلا أن الشيخ الأزهري فرحات المنجي قال لـ"العربية.نت": "إن الله حينما فرض الصيام فرضه على المسلم البالغ والقادر على الصوم، وحينما أجاز لنا الافطار فقد أجازه للمريض والمرضع والحائض ولم يرد إباحة الافطار للاعبي الكرة".
وأضاف "أما التعليل بإباحة الافطار على أساس السفر فإنني لا أستطيع أن أخالف النص الصريح في القرآن الذي يبيح للصائم المسافر أن يفطر، ولكن القضية أكبر وأخطر من ذلك".
وتابع الشيخ فرحات المنجي: "ما يحدث من وراء الكواليس بشأن إباحة إفطار اللاعبين ليس له علاقة برخصة الافطار عند السفر، ولكنه متعلق بكوننا أمة مسلمة يجب أن يحترم دينها، فلو اجتمعت الدول الاسلامية المشاركة في هذه البطولة، وطلبت تأجيل أو تقديم المباريات عن شهر رمضان، وتم تعريف المنظمين للدورة بأن شهر رمضان من الشهور المقدسة للمسلمين لما تحايلنا على ديننا من أجل إصدار مثل تلك الفتوى".
واستدرك الشيخ فرحات "لكن للأسف نحن هان علينا ديننا فهُنّا على غيرنا، وأتحدى لو أن فريقاً إسرائيلياً شارك في هذه الدورة وتصادف موعد مباراته يوم السبت مثلاً، أتحدى أن يلعب الفريق الاسرائيلي في هذا اليوم، بل سيتم تعديل جدول المباريات خصيصا لهذا الفريق".

المصدر / العربية
http://www.alarabiya.net/articles/2009/08/31/83512.html (http://www.alarabiya.net/articles/2009/08/31/83512.html)

BaNZeR

02-09-2009, 07:28 AM

ربنا يباركله
فالساكت عن الحق شيطان أخرس

قلة أدب ده كلمة قليلة اصلاً
بس مش عايزين نتجاوز كتير بس

انا لو مكانهم مرضاش العب اصلاً
اكل عيش قال
هو دول محتاجين

اوركيديا

02-09-2009, 12:17 PM

وتابع الشيخ فرحات المنجي: "ما يحدث من وراء الكواليس بشأن إباحة إفطار اللاعبين ليس له علاقة برخصة الافطار عند السفر، ولكنه متعلق بكوننا أمة مسلمة يجب أن يحترم دينها، فلو اجتمعت الدول الاسلامية المشاركة في هذه البطولة، وطلبت تأجيل أو تقديم المباريات عن شهر رمضان، وتم تعريف المنظمين للدورة بأن شهر رمضان من الشهور المقدسة للمسلمين لما تحايلنا على ديننا من أجل إصدار مثل تلك الفتوى".
واستدرك الشيخ فرحات "لكن للأسف نحن هان علينا ديننا فهُنّا على غيرنا، وأتحدى لو أن فريقاً إسرائيلياً شارك في هذه الدورة وتصادف موعد مباراته يوم السبت مثلاً، أتحدى أن يلعب الفريق الاسرائيلي في هذا اليوم، بل سيتم تعديل جدول المباريات خصيصا لهذا الفريق".

امممممممم
هو كلامه صح الى حد كبير
بس بردو لازم نشوف الجانب التانى
الموضوع مش فى ايد اللاعيبه اصلا
يعنى زاهر هو اللى شايف انهم لازم يفطروا و اجبرهم على كده
على اساس انهم لو اتغلبوا كده مصر طلعت من التصفيات
الموضوع ان الناس مش عندهم اولويات
و لو رفضوا بجد حيبقى احسن كتير
عامه يلا
و ياريت النقاش يفضل فى محتوى الموضوع يا جماعه

يلا فى رعايه الله

عاشقـــ الانمى ـــة

02-09-2009, 12:23 PM

على فكرة حكاية الصوم دى منتش هتسبب اجهاد يعنى للدرجة
كانوا خلوهم صايمين حتى عشان ربنا ينصرهم
يلا مش مشكلة
يعنى هى جات على الكورة:d

مستر/ عصام الجاويش

03-09-2009, 12:50 AM

عالم فاضية !!!

مين اللى عالم فاضيه؟ وضح لو سمحت
هذا خبر يؤلم كل مسلم كلنا قرأ (من لم يهتم بأمر المسلمين فليس منهم)
المسلم لابد ان يعيش هموم مجتمعه ومن باب الغيره على الدين تألمنا من هذه الفتاوى التى تنم عن
استهتار كبير بأحكام الشرع فنحن اذا كنا لانغضب لديننا نكون ضعاف الايمان وهذا لايرضى الله ولارسوله

المتحري الخارق

03-09-2009, 01:19 AM

و ياريت النقاش يفضل فى محتوى الموضوع يا جماعه

إذا كنتِ حضرتك تقصدينني
فالخبر الذي وضعته مرتبط بالخبر الذي وضعه الأستاذ/ عصام جاويش

http://img212.imageshack.us/img212/5189/99053787wc3.gif

أبو تريكة يرفض الإفطار أمام رواندا

رفض النجم الدولي المصري محمد أبو تريكة مهاجم منتخب بلاده الكروي الأول، الإفطار خلال لقائهم أمام مضيفهم الراوندي الجمعة المقبل ضمن التصفيات الإفريقية النهائية المؤهلة لمونديال 2010 في جنوب إفريقيا، مؤكدا أن صيامه في هذا النزال سيمنحه التألق والتوفيق نحو إحراز الأهداف والفوز بالنقاط الثلاث للمباراة رغم احترامه لمن أصدر فتوى الإفطار.
من جهة ثانية، قال سمير زاهر رئيس الاتحاد المصري لكرة القدم أن جميع لاعبي مصر لن يصوموا خلال مباراتهم المرتقبة أمام رواندا في التصفيات المؤهلة لنهائيات كأس العالم في كيجالي السبت المقبل.
وأضاف زاهر أمس «هناك قناعة لدى جميع اللاعبين بلا استثناء بضرورة الإفطار يوم المباراة واستعمال الرخصة».
وتابع زاهر «قبل يومين أصدر علماء الدين فتوى بجواز الإفطار للاعبي المنتخب، واللاعبون متفهمون أنهم في مهمة وطنية ويسعون إلى تحقيق آمال جماهير الوطن».
وأشار زاهر إلى أن منتخب مصر بالكامل سبق له الإفطار في العام الماضي أثناء مباراته مع الكونجو في المرحلة الثانية لتصفيات كأس العالم وأن الفريق حقق الفوز بهدف نظيف في ذلك اليوم
وتأهل للمرحلة الأخيرة من التصفيات.
وقال زاهر «لن نجبر أي لاعب على الإفطار أثناء التدريبات التي ستسبق المباراة».
وانتقل منتخب مصر أمس بقيادة مدربه حسن شحاتة إلى معسكره التدريبي في مدينة السادس من أكتوبر والذي يستمر حتى موعد السفر إلى رواندا.
وأدى المنتخب تدريبه الأول أمس في الموعد المحدد لإقامة المباراة مع رواندا.
وأكد زاهر انه سيلتقي مع لاعبي المنتخب بعد غد وسيتناول معهم طعام الإفطار بصحبة حسن صقر رئيس المجلس القومي للرياضة لتحفيزهم قبل السفر الى كيجالي.
وقال زاهر «سأرافق المنتخب في رحلته إلى رواندا لأن المباراة مصيرية ولا بديل عن الفوز بنتيجتها للاستمرار في المنافسة على التأهل لكأس العالم في جنوب إفريقيا».
وتتوجه بعثة منتخب مصر إلى رواندا صباح الأربعاء المقبل على متن طائرة خاصة ويرأسها حازم الهواري.
ويحتل منتخب مصر المركز الثاني في المجموعة الثالثة في تصفيات كأس العالم برصيد أربع نقاط خلف المنتخب الجزائري الذي يتصدر المجموعة برصيد سبع نقاط بينما يأتي منتخب زامبيا الذي يلتقي مع الجزائر في الجولة الرابعة في المركز الثالث برصيد أربع نقاط وأخيرا رواندا الرابع وله نقطة واحدة.
وشدد رئيس الاتحاد المصري على أن الأسماء الجديدة التي قرر شحاته المدير الفني لمنتخب بلاده ضمها تُمثل إضافة قوية للمنتخب المصري خلال هذه الفترة، قائلا «إن دودى الجباس، أحمد سلامة، محمد شعبان، والسيد حمدى لديهم فرصة كبيرة لحجز مكان أساسي مع المنتخب المصري
خلال المرحلة المقبلة».
يذكر أن الأيام القليلة الماضية، شهدت جدلاً كبيرًا حول جواز إفطار اللاعبين أثناء نهار رمضان، وأصدرت دار الإفتاء المصرية أخيرا فتوى بجواز ذلك.
مصدر الخبر:صحيفة الاقتصادية الالكترونية
http://www.aleqt.com/2009/08/30/article_268102.html (http://www.aleqt.com/2009/08/30/article_268102.html)
أو موقع جريدة الدستور
http://dostor.org/ar/index.php?option=com_content&task=view&id=31105&Itemid=33 (http://dostor.org/ar/index.php?option=com_content&task=view&id=31105&Itemid=33)

Łosт Mεмoяч

03-09-2009, 01:34 AM

أبو تريكة يرفض الإفطار أمام رواندا
«هناك قناعة لدى جميع اللاعبين بلا استثناء بضرورة الإفطار يوم المباراة واستعمال الرخصة».
وتابع زاهر «قبل يومين أصدر علماء الدين فتوى بجواز الإفطار للاعبي المنتخب، واللاعبون متفهمون أنهم في مهمة وطنية ويسعون إلى تحقيق آمال جماهير الوطن».
عجبتنى اوى مهمه وطنيه دى
قصدهم(احلام الجماهير )مش امال

يعنى ابو تريكه بس الى رفض!!!!!!!!
ربنا يهدينا ويهديهم

BaNZeR

03-09-2009, 02:09 AM

للأسف التفاحة السليمة في القفص البايظ محدش حيشتريه

مع احترامي لابو تريكة بس كان رفض اللعب اصلاً اشرفله

BaNZeR

03-09-2009, 02:11 AM

إذا كنتِ حضرتك تقصدينني
فالخبر الذي وضعته مرتبط بالخبر الذي وضعه الأستاذ/ عصام جاويش

حضرتك غير مقصود بالمرة والمقصودين المفروض فاهمين

المتحري الخارق

03-09-2009, 03:00 AM

حضرتك غير مقصود بالمرة والمقصودين المفروض فاهمين

http://www.quicklook4u.com/up/users/Aofo/Imotions%201.jpg
شكراً لكَ يا مهندس/ محمد
زيادة تأكيد لا غير :d
تقبل تحيـاتي وتقديري

العروبة2

03-09-2009, 01:42 PM

الأستاذة هدى

03-09-2009, 02:18 PM

نقلاً عن المساء 3/9/2009
نجوم المنتخب.. اختاروا الصيام.. في رواندا
اختار نجوم منتخبنا الوطني لكرة القدم الصيام ورفضوا جميعاً فكرة الإفطار في رمضان رغم الصعوبات الكثيرة التي واجهتهم فور وصولهم لرواندا استعداداً للقاء الهام والمرتقب مع رواندا بعد غد في التصفيات المؤهلة لمونديال 2010 بجنوب أفريقيا.

هو ده منتخبنا بجد
بارك الله فيك على نقل هذا الخبر:078111rg3:
والحمد لله ان ابناء مصر ما زالوا بخير
والحمد لله الذى بنعمته تتم الصالحات

**تسابيح**

03-09-2009, 02:47 PM

أنا في حياتي ما حبيت الكورة ............
ومش عارفة ليه الاهتمام الزايد بالكورة دي...................
بس الذنب الأكبر ع اللي اباح لهم كدا ............
ربنا يهدي .......

الاسطورة

03-09-2009, 03:02 PM

طيب انا عايز حد يقولى لو الاعيبة صامت وراحوا لعبوا ف جو زى ده
اتخن واحد فيهم الشوط الاول وها يريح
ها نعمل ايه ساعتها
وبعدين الكورة مش لعبة ترفيه زى ما بيقولوا
الكورة مصدر اكل عيش بالنسبة ل اللاعيبة دول !!
واللى بيقول مصر ها تتقدم بالكورة
اهو يبقى لينا اسم بين الدول حتى لو ف البنج بونج !

انا مش باحلل الفتوى لانى ما اعرفش بصراحة بس اكيد اللى قالوا كده قالوا على اساس علمهم
وفى الاخر اللى ها يشيل الذنب لو الكلام ده حرام الراجل اللى افتى بكده

..Just Stop

03-09-2009, 03:31 PM

ايوة يا جماعة
انا عندى ماتش بعد العصر فى الحارة
هنلاعب فريق من مركز تانى غير مركزنا
ودى مهمة بلدية او قومية للقرية
:d
حد يكلم دار الافتاء
انا كلمتهم قبل كدا
قالولى تم اصدار فتوى بان الجوع كافر والجوع فى الوقت دامرتد يبقا دمه مهدر ولازم قتله بالافطار
اللى يعيش ياما يشوف

مستر/ عصام الجاويش

03-09-2009, 06:36 PM

نقلا عن مصراوى
القاهرة - محرر مصراوي – اختار لاعبو منتخب مصر (http://www.masrawy.com/News/Sports/Reuters/2009/August/29/944349.aspx) الوطني لكرة القدم الصيام ورفضوا جميعاً فكرة الإفطار في رمضان رغم الصعوبات الكثيرة التي واجهتهم فور وصولهم لرواندا استعداداً للقاء الهام والمرتقب مع رواندا السبت في التصفيات المؤهلة للمونديال.
ووصلت بعثة المنتخب إلى العاصمة كيجالي بعد رحلة استمرت ما يزيد على الخمس ساعات على متن طائرة خاصة.
وقد صام جميع أفراد الفريق من اللاعبين بعد ان رفضوا الافطار رغم ارتفاع درجة الحرارة بصورة كبيرة وذلك حرصاً منهم على عدم تفويت هذه الشعيرة الهامة من شعائر الإسلام وذلك رغم الفتوى التي تتيح لهم الافطار لأنهم على سفر.
وتقام المباراة على ملعب أماورو في الثالثة والنصف عصراً بتوقيت القاهرة ضمن مباريات الجولة الرابعة لتصفيات المجموعة الثالثة المؤهلة الى نهائيات كأس العالم بجنوب أفريقيا 2010.
وعقب الوصول خاض الفريق تدريباً خفيفاً في الثانية عصراً حتى لا يفقد اللاعبون لياقتهم البدنية قبل هذه الموقعة الهامة التي سيترتب عليها الكثير في مشوار منتخبنا نحو المونديال.
وتتواصل أزمة حسن شحاتة (http://www.masrawy.com/News/Egypt/Sports/2009/september/3/shehata.aspx) المدير الفني مع الاصابات حيث يخضع لاعبا النادي الأهلي محمد بركات ومحمد أبو تريكة الى برنامج علاجي مكثف تحت اشراف احمد ماجد طبيب المنتخب ويتم اجراء اختبار طبي لكليهما الخميس.
وكان بركات قد تعرض الى التهاب في منطقة الحوض خلال التدريب فيما تعرض أبوتريكة لاصابة في الركبة ويتحدد الخميس امكانية مشاركتهما في لقاء رواندا.
http://www.masrawy.com/News/Egypt/Sports/2009/september/3/egyptian_team_player.aspx

pureheart

03-09-2009, 10:32 PM