مشاهدة النسخة كاملة : بليييييز كل طالب طب يدخل هنا
dr-rana 30-08-2009, 05:49 PM أبدأ بسلامي قبل كلامي
السلام عليكم ورحمة الله وبركاته
أتكلم بقى براحتي :d
أولا كل سنة وانتو طيبين
ثانيا أنا نزلت الموضوع ده طالبه فيه المساعدة
أنا لسه هدخل سنة أولى طب وبسمع حاجات كتير عن الكلية دي بتخوفني
اللي تقولي دي صعبة واللي يقولي مش حلوة للبنات :(
وكلام جامد اوي عن صعوبتها والأعداد اللي بيدبلرو كل سنة :o
وبصراحة انا مرررررعوووووووووووووبة
وعاوزة كل اللي دخلها يفيدني بلييييييييز
أنا لحد دلوقتي ما أخدتش أي كورسات ولا أعرف أي مصطلحات
طب أعمل ايه ؟؟
بليييييييييييييييز اللي يعرف حاجةيفيدني ....
بلييييييييييييييييز ماتبخلوش عليه احنا زملا برضو...:blush:
Bent 3bdo 30-08-2009, 06:13 PM السلام عليكم ورحمة الله وبركاته
_وعليكم السلام ورحمه الله وبركاته
كل سنة وانتو طيبين
_ وانتى طيبه يا جميل
وبسمع حاجات كتير عن الكلية دي بتخوفني
بصى
أنا داخله صيدله ان شاء الله مش طب
بس عايزة أقولك
انتى لو عايزة تخشى خشى
ملكيش دعوة بكلام حد
(اي نعم انا مدخلتش طب علشان الكلام ده )
بس بجد يا بنتى
لو انتى عايزة نفسك تخشيها خشيها
مش هقولك ان هى سهله والكلام ده
بس بدام انتى حباها خلاص
اكيد مش هتبقى دكتورة بالساهل ياعنى
انا سمعت كلام كتير ع ان طب اسهل م صيدله
وان هى عايزة حد بيحفظ اكتر منه بيفهم
فمتخلييش حد يأثر عليكى
واحتفظى برأيك
وفكرى كده ف نفسك ان شاء الله
لما تتخرجى ان شاء الله
وتبقى دكتورة
انا كنت بخش ف توبيكات لطلبه طب
بيقعدوا يحكوا اللى بيحصل معاهم ف العملى كده
وتحسى ان هما زهقانين
بس كان ف توبيك
عاملينه برده
هل انت نادم ع دخولك كليه الطب؟
توقعت ان الكل هيقول نادم
بالعكس بقى
لاقيتهم كلهم مبسوطين
خشى يابنتى وتوكلى ع الله
وان شاء الله تبقى دكتورة قد الدنيا
Drsara 30-08-2009, 07:26 PM [quote=د/ نـــ غ ـــم;1547867]
_وعليكم السلام ورحمه الله وبركاته
_ وانتى طيبه يا جميل
بصى
أنا داخله صيدله ان شاء الله مش طب
بس عايزة أقولك
انتى لو عايزة تخشى خشى
ملكيش دعوة بكلام حد
(اي نعم انا مدخلتش طب علشان الكلام ده )
بس بجد يا بنتى
لو انتى عايزة نفسك تخشيها خشيها
مش هقولك ان هى سهله والكلام ده
بس بدام انتى حباها خلاص
اكيد مش هتبقى دكتورة بالساهل ياعنى
انا سمعت كلام كتير ع ان طب اسهل م صيدله
وان هى عايزة حد بيحفظ اكتر منه بيفهم
فمتخلييش حد يأثر عليكى
واحتفظى برأيك
وفكرى كده ف نفسك ان شاء الله
لما تتخرجى ان شاء الله
وتبقى دكتورة
انا كنت بخش ف توبيكات لطلبه طب
بيقعدوا يحكوا اللى بيحصل معاهم ف العملى كده
وتحسى ان هما زهقانين
بس كان ف توبيك
عاملينه برده
هل انت نادم ع دخولك كليه الطب؟
توقعت ان الكل هيقول نادم
بالعكس بقى
لاقيتهم كلهم مبسوطين
خشى يابنتى وتوكلى ع الله
وان شاء الله تبقى دكتورة قد الدنيا[/quotانا كمان صيدلة وكمان مش هقولك اكتر من الى قلتة نغم وبالتوفيق وحطى املك قدامك واما نحبطى صلى وادعى ربك وغنى لو بطلنا نحلم نموت وتذكرى قول الامام الشافعى ----------------
timo mido 30-08-2009, 07:36 PM انا عارف ان الكلام ده هيزعلك بس انا هقولك رأيي :
انا شايف ان الصيدله افضل بالنسبه للبنت لعده اسباب :
1-انها 5 سنين والطب سبعه
2-شغل الطب بالنسبه للبنت صعب شويه يعني مش هتفضل طول انهار في المستشفي وباليل في العياده معتقدش ان زوجها في المستقبل حتي لو كان دكتور هيقبل كده اما بالنسبه لشغل الصيدله هما ساعتين باليل في الصيدليه وخلاص علي كده
دي وجهه نظري وممكن تبقي غلط
dr-rana 30-08-2009, 08:34 PM نغم ميرسي يا حياتي كلامك يشجع
شكرا لتواجدك
dr-rana 30-08-2009, 08:35 PM سارة تواجدك اسعدني
وشكرا على الاضافة ههههههههه
dr-rana 30-08-2009, 08:37 PM تيمو ...هزعل ليه انته قولتها دي وجهة نظر صح؟؟
شكرا لانضمامك
dr-rana 30-08-2009, 08:40 PM يا جماعة بعد اذنكو اللي يعرف حاجة أعملها تساعدني على دخول الجامعة وانا فاهمة يقولها بليييييييييييز
ماتبخلوش عليا ....
كل سنة وأنت طيبة
أنا صحيح داخلة صيدلة مش طب بس تسمحيلي أرد عليكي
انا ليا أخويا الكبير داخل خامسة طب فعندي معلومات عن الكلية
اللي تقولي دي صعبة واللي يقولي مش حلوة للبنات :(
وكلام جامد اوي عن صعوبتها والأعداد اللي بيدبلرو كل سنة :o
وبصراحة انا مرررررعوووووووووووووبة
بصي كل الكليات بيتقال عليها كده طب وطب اسنان وصيدلة وحتى تجارة بيشتكوا انه صعبة
كل واحد في أي كلية فاكر ان دي اصعب كلية وأن الكليات الباقية سهلة جدا بس ده لا ينفي أن كل الكليات العملية صعبة
أما الأعداد اللي بيدبلروا في في كل كلية أعداد بيدبلروا هتيلي كلية واحدة ما فيهاش حد بيدبلر
بنت خالتي في طب بيطري بتقولي كل سنة حوالي نصف الدفعة بيدبلر
وبنت عمتي في تجارة انجليش بتقول ان نصف الدفعة بدبلر برضه ده بعد ما يقعدوا يرفعوافي النتيجة وينجحوا اللي ناقصة درجة مثلا على النجاح
يبقى فيه في كل كلية ناس بدبلر وناس بتنجح بمقبول أو جيد وناس بتنجح بامتياز
ليه بقى تفكري أنت في اللي بيدبلروا إن شاء الله تكوني من اللي بيجيبوا امتياز
يعني ما ينفعش تهربي من كلية لان فيها ناس بدبلر يبقي هتهربي من كل الكليات
يعني حطي في دماغك أن الاحلام بتاعة ان الكلية مش محتاجة مذاكرة وانك تذاكري آخر شهر تجيبي تقدير والكلام ده كلام فارغ لان ما فيش كلية مش محتاجة مذاكرة الكلام اللي كانوا بيقولوه في ثانوية عامة أن اتعب دلوقتي وبعدين استريح في الكلية ده كلام مش حقيقي الميزة أو الراحة في الكلية أنك في ثانوية عامة بتبقي مش عارفة أنت حتروحي انهي كلية فده بيعمل ضغط على الاعصاب انما من جهة المذاكرة فهيه محتاجة مذاكرة كتير
وعاوزة كل اللي دخلها يفيدني بلييييييييز
أنا لحد دلوقتي ما أخدتش أي كورسات ولا أعرف أي مصطلحات
طب أعمل ايه ؟؟
لا انت مش محتاجة تبدأي كورسات من دلوقتي أنت تستني لبداية الدراسة وتشوفي المواد اللي تعرفي تذكريها لوحدك يبقى بلاش كورسات والمواد اللي انت حاسة انها صعبة أو من حتعرفي تذكريها لوحدك خدي فيها كورس
في ناس ما بتخدش كورسات خالص وبتجيب امتياز يعنى مش اساسي الكورس انت اللي تحددي اذا كنتي محتاجة أو لأ وما تمشيش وراء كلام الناس اللي تقعد تقول لا لازم تخدي كورس في مادة معينة او تقولك علي مادة تانية لا ديه مش محتاجة كورس انت اللي تحددي ايه اللي انت محتاجة فيه كورس وايه اللي مش محتاجة
انا عارف ان الكلام ده هيزعلك بس انا هقولك رأيي :
انا شايف ان الصيدله افضل بالنسبه للبنت لعده اسباب :
1-انها 5 سنين والطب سبعه
2-شغل الطب بالنسبه للبنت صعب شويه يعني مش هتفضل طول انهار في المستشفي وباليل في العياده معتقدش ان زوجها في المستقبل حتي لو كان دكتور هيقبل كده اما بالنسبه لشغل الصيدله هما ساعتين باليل في الصيدليه وخلاص علي كده
ده رايك يحترم بس احب اقولك اني سمعت نفس الكلام على صيدلة انها مش حلوة للبنت وانك اخرتك حتقفي بياعة اللي يتخانق معاكي واللي يشتمك ........إلخ
الكلام ده بيتقال على كل الكليات ودي بتختلف من شخص لشخص وكل واحد وتفكيره مش كل الناس بتفكر كده
ما ممكن واحد يقول لا انا ما قبلش ان مراتي تنزل بالليل تقعد في الشارع اللي رايح واللي جاي يعدي عليها
لو انت عندك استعداد تتحملي طول مدة الدراسة وانك تلاقي زمايلك اللي في الكليات التانية خلصوا وأنت لسه بتدرسي يبقى أتوكلي على الله وادخلي طب
أما بقى لو أنت من النوع اللي بيزهق بسرعة ومش حتستحملي يبقى فكري في كلية تانية
أما لو قررتي خلاص انك داخلة طب يبقى ما تخفيش هوه أول اسبوع او اسبوعين اللي حيبقوا صعبين بس بعد كده حتتعودي على نظام الكلية
سلام
Dr.Ahmed Moussa 31-08-2009, 04:33 AM ده كانت مشاركه ليا فموضوع تاني:
أنا ف طب طنطا
وعندنا الحمد لله ف طنطا مجموعه سنترات اسمها الmerge group
عامله برنامج اسمه سكور بيشرحولنا في دلوقتي مقدمات عن كل المواد إللي هندرسها ف الكليه وعن كل حاجه ف الكليه
يعني نظامها والدكاتره والمعيدين
ودلوقتي احنا خلصنا المقدمات ده والحمد لله بدأنا ف المنهج نفسه
والبرنامج ده على فكره ليه مزايا كتير جدا إنه بيعودك عالدراسه بالإنجلش
بتعرف مصطلحات طبيه كتيره أوي
بتلاقي الطالب إللي رايح الكليه ومراحش البرامج ده بيعد أول شهرين فالكليه تايه كل كلمه بيعد يترجمها لسه عشان يذاكر فبيزهق من المذاكره بيحس بإحباط شديد جدا ده غير إنه مش بيبقى فاهم أي حاجه من المحاضره لأنه مسمعش المصطلحات ده قبل كدا
لأن الدكتور بيعاملك كأنك طاب ف 4 رلبعه طب مش طالب ثانوي لسه داخل داخل الكليه
واحنا ف البرامج ده بنشوف جثث وبنشرح بإدينا وبيتشرحلنا عليها
فياريت لو أي حد عنده فمحافظته زي البرامج ده يلحق يروحها الشهر ده إللي قبل الدراسه
وربنا يوفق الجميع إن شاء الله
أنا مستغرب إن الموضوع ده فطنطا بس أنا كنت بحسب إن كل السنترات إللي مصر عامله الموضوع ده كدعايه ليها
بس طالما إنتي فمحافظتك مفيش الدورات التأهيليه ده خلاص يبقى مفيش مشكله
هتبقي زيك زي زمايلك لسه متعرفوش حاجات كتير عن الكليه
وعلى فكره مينفعش نعمم الكلام على البنات كلهم ونقول إن طب مش للبنت
لأ في بنات ملهمش غير طب
وبرده في بنات لأ
ده بترجع لطبيعه البنت وميولها
يعني أنا أختي الكبيره مثلا دخلت صيدله وهي كانت جايبه مجموع طب
لأن ميولها كان لكليه صيدله وخلصت الكليه وهي مقتنعه بيها تماما
وتفوقت فيها لأنها كانت بتحب الكليه ده فبتستحمل تعبها شويه
ودلوقتي بتحضر ماجيستير في الفارما
بس ياريت يجماعه مندخلش موضوع الشغل ده في حساباتنا
يعني مثلا مقولش أنا هدخل صيدله عشان أشتغل على طول
وبلاش أدخل طب عشان مفيهاش شغل
لأ الكلام ده في رايي غلط
الشغل ده يا جماعه رزق
متفكروش فيه دلوقتي خالص
الواحد بس يشوف ميوله إيه وحابب يدرس إيه
ويدخل الكليه إللي تناسب ميوله
إنما الواحد ميعدش يسمع كلام من واحد يديله صوره عن الكليه وعن مستقبل الكليه تبعا لميوله الشخصي
يعني ألاقي واحد مثلا يقولي ده طب سبع سنين إنما صيدله 5 سنين
ياجماعه الكلام ده مينفعش يعني أنا أحدد مستقبلي المهني بعد كدا إللي ممكن يكون خمسين سنه عشان سنه ولا إتنين زياده
هي السنه ده إللي هتخليك تغير ميولك وتروح كليه تانيه
لأ ياجماعه أي طالب دخل الكليه ياريت ميرجعش فكلامه
خلاص انت اخترت وقررت ودخلت الكليه إللي انت حاببها
سيبها على ربنا وتوكل على الله
وكمل المشوار إللي اختارته وإن شاء الله ربنا يكرمك فيه مدام هتعمل فيه بإخلاص
رمضان كريم
شمس الدقهلية 31-08-2009, 12:39 PM ده كانت مشاركه ليا فموضوع تاني:
أنا ف طب طنطا
وعندنا الحمد لله ف طنطا مجموعه سنترات اسمها الmerge group
عامله برنامج اسمه سكور بيشرحولنا في دلوقتي مقدمات عن كل المواد إللي هندرسها ف الكليه وعن كل حاجه ف الكليه
يعني نظامها والدكاتره والمعيدين
ودلوقتي احنا خلصنا المقدمات ده والحمد لله بدأنا ف المنهج نفسه
والبرنامج ده على فكره ليه مزايا كتير جدا إنه بيعودك عالدراسه بالإنجلش
بتعرف مصطلحات طبيه كتيره أوي
بتلاقي الطالب إللي رايح الكليه ومراحش البرامج ده بيعد أول شهرين فالكليه تايه كل كلمه بيعد يترجمها لسه عشان يذاكر فبيزهق من المذاكره بيحس بإحباط شديد جدا ده غير إنه مش بيبقى فاهم أي حاجه من المحاضره لأنه مسمعش المصطلحات ده قبل كدا
لأن الدكتور بيعاملك كأنك طاب ف 4 رلبعه طب مش طالب ثانوي لسه داخل داخل الكليه
واحنا ف البرامج ده بنشوف جثث وبنشرح بإدينا وبيتشرحلنا عليها
فياريت لو أي حد عنده فمحافظته زي البرامج ده يلحق يروحها الشهر ده إللي قبل الدراسه
وربنا يوفق الجميع إن شاء الله
أنا مستغرب إن الموضوع ده فطنطا بس أنا كنت بحسب إن كل السنترات إللي مصر عامله الموضوع ده كدعايه ليها
بس طالما إنتي فمحافظتك مفيش الدورات التأهيليه ده خلاص يبقى مفيش مشكله
هتبقي زيك زي زمايلك لسه متعرفوش حاجات كتير عن الكليه
وعلى فكره مينفعش نعمم الكلام على البنات كلهم ونقول إن طب مش للبنت
لأ في بنات ملهمش غير طب
وبرده في بنات لأ
ده بترجع لطبيعه البنت وميولها
يعني أنا أختي الكبيره مثلا دخلت صيدله وهي كانت جايبه مجموع طب
لأن ميولها كان لكليه صيدله وخلصت الكليه وهي مقتنعه بيها تماما
وتفوقت فيها لأنها كانت بتحب الكليه ده فبتستحمل تعبها شويه
ودلوقتي بتحضر ماجيستير في الفارما
بس ياريت يجماعه مندخلش موضوع الشغل ده في حساباتنا
يعني مثلا مقولش أنا هدخل صيدله عشان أشتغل على طول
وبلاش أدخل طب عشان مفيهاش شغل
لأ الكلام ده في رايي غلط
الشغل ده يا جماعه رزق
متفكروش فيه دلوقتي خالص
الواحد بس يشوف ميوله إيه وحابب يدرس إيه
ويدخل الكليه إللي تناسب ميوله
إنما الواحد ميعدش يسمع كلام من واحد يديله صوره عن الكليه وعن مستقبل الكليه تبعا لميوله الشخصي
يعني ألاقي واحد مثلا يقولي ده طب سبع سنين إنما صيدله 5 سنين
ياجماعه الكلام ده مينفعش يعني أنا أحدد مستقبلي المهني بعد كدا إللي ممكن يكون خمسين سنه عشان سنه ولا إتنين زياده
هي السنه ده إللي هتخليك تغير ميولك وتروح كليه تانيه
لأ ياجماعه أي طالب دخل الكليه ياريت ميرجعش فكلامه
خلاص انت اخترت وقررت ودخلت الكليه إللي انت حاببها
سيبها على ربنا وتوكل على الله
وكمل المشوار إللي اختارته وإن شاء الله ربنا يكرمك فيه مدام هتعمل فيه بإخلاص
رمضان كريم
ماشاء الله
فعلا كلام جميل جدااااااااااااااا وعاقل أوىىىىىىىى والله
ربنا يكملك بعقلك
dr-rana 31-08-2009, 01:25 PM موكي بليييييييييييييييييز بجد كلامك يشجع جدا
بس انا بلاقي كتير بيروحو دورات او حاجة زي كده عشان يتعلمو المصطلحات
dr-rana 31-08-2009, 01:29 PM دكتور أحمد شكرا لمرورك فعلا كلام جميل
بس المشكلة مش اني هغير رايي لاخلاص انا داخلة طب وحابة الطب اوي
المشكلة اني مش عارفة اي حاجة عن الطب !!!
dr-rana 31-08-2009, 01:30 PM شمس الدقهلية شكرا ع الاضافة والتعليق هههه
dr-rana 31-08-2009, 03:25 PM معقولة دول بس اللي في طب ؟؟؟؟؟
biboman 31-08-2009, 04:08 PM انا داخل اولى طب عين شمس ومن رايي ان اي واحد داخل كلية عملية لازم يذاكر ومفيش حاجة اسمها الكلية دى احسن للبنت ودى لا بالعكس الصيدلة مش مناسبة قوى للبنت بردة لو اشتغلت مندوبة فى شركة وفى النهاية انا بقول انك لو بتحبى الطب ادخليها من غير تردد
dr-rana 31-08-2009, 05:02 PM بيبو شكرا على تواجدك
وعلى فكرة ياجماعة انا داخلة طب داخلاه وانا حاباه جدااااااااااااااااا
بس انا منزلة الموضوع ده علشان تفيدوني ازاي أدخل الجامعة وانا مستعدة!!
davy jones 31-08-2009, 05:32 PM Ahmed Moussa
ممكن اعرف بتاخدوا مصطلحات زى ايه مثلا وبتعملوا ايه فى الدورات دى بالتفصيل والشرح
dr-rana 31-08-2009, 05:42 PM دافي جونز ممكن تلاقي اجابة على سؤالك في المشاركة رقم 10
7med@ 31-08-2009, 07:02 PM مبروك عليكي كلية الطب يا دكتورة
وطالما انتي عاوزاها يبقى هتتفوقي فيها بإذن الله
انا عارف حاجات كتير عن الطب والحمد لله
قولي انتي عاوزة تعرفي ايه وانا هاقولك على قد ما اقدر
Dr.Ahmed Moussa 31-08-2009, 07:21 PM خلاص حاضر إن شاء الله أكتب المحاضرات إللي خدناها وأنزلها على المنتدى
وإن شاء الله هبدأ ب(terminology) وهو علم المصطلحات الطبيه
وإن شاء الله ربنا يعيني وأقدر أفيدكم وياريت ياجماعه نحدد للموضوع ده وقت معين يكون كل إللي عايز المحاضرات ده موجود في
المنتدى عشان يكون في مشاركه وإللي عايز يسأل يسأل في ساعتها
و إن شاء الله نعرف نفيد بعض
محمود زاهر 31-08-2009, 08:24 PM بس دخلت انهارده اشوف ايه الاخبار كده و قلت بالمرة ارخم شوية كالعادة :049gc0:اولا انا مش فى كلية الطب انا فى هندسة و دكتور احمد موسى دا يبقى صاحبى وانا متوقعله النجاح الزاهر ان شاء الله :dبس انا معترض فى حاجة يعنى ايه فايدة الكورسات التاهيلية دى بعدين يا جماعة كلية الطب دى ماراثون طويل اوى دول 7 سنين و و لازم كل واحد يقسم نفسه على السبع سنين دول يا اما هيغرق فى النص:giljotiiniug3:ثانيا انا عن نفسى اصلا مش بطيق الاحياء او الحفظ ولكن لو كنت دخلت احياء كنت هخش صيدلة طبعا لان لو تتبعنا مسار الدكتور كده هنلاقى انه هيعد سبع سنييييييييييين فى الكلية و طبعا الدكتور ميبقاش دكتور من غير ما يعمل ماجيستير و دكتوراة و على ما يبدأ يشتغل و يفتح عيادة و يتعرف و الناس تجيله..نكون بناخد عزاه:(سياسة الدولة الفاشلة خلت امكانية الاعتماد على الذات بالنسبة للاطباء مستحيلة يعنى غالبا الى بيشتغلوا من الدكاترة بيبقا والده دكتور فبيخلص ينزل يشتغل فى العيادة و هو بيحضر الدراسات العليا او حتى ممكن يفتح هو عيادة انما مثلا الى حالتهم المادية مش اد كده و الى بيبقوا احسن 100 مرة من التانيين بيتخرجوا و ميعرفوش يفتحوا عيادة فيحصلهم زى ماقلت..تانى حاجة عدد الدكاترة كتر اوى يا جماعة دا نقيب الاطباء بنفسه قال متدخلوش ولادكم طب المشرحة مش ناقصة قتلى:abdoog8:يعنى احنا مثلا هنا فى طنطا كمان كام سنة هيبقا المسافة بين كل عيادة والتانية 2 متر..بعدين انتوا ان شاء الله على متتخرجوا يكون اتخرج سبع دفعات طب حلوين زيكوا كده :) والله يا جماعة انا مش بحبطكوا ولا حاجة بس المشكلة ان الى داخلين طب دخلوها بالاسم و خلاص و مفكروش ايه الى هيحصل بعدها..خلاصة الكلام الى دخل صيدلة يحمد ربنا انه دخلها و يذاكر كويس اما الى اتدبس و دخل طب و فاكر انه متدبسش متخافش هتعرف كل حاجة السنة الجاية و هتندم ..ولكن........الى دخل طب و ذاكر واترتب عالدفعة و بقا معيد هو دا الى ليه فرصة انما لو هيخش مش يذاكر يبقا انسى ..انا مش داخل احبطكوا ولا حاجة:p بس انا داخل اورى الناس الحقيقة الى بتهرب منها..وارجوكم بلاش تدعوا عليا عشان انا مش ناقص:d..سلام عليكم
dr_asmaa ehab 31-08-2009, 08:33 PM بجد انا مش عارفه اقول يابشمهندس انت مخلتلناش حاجه نقولها ليه ؟ وبتقولها فى وشنا طب مهدها شويه احنا داخلين عشان نخدم الناس الغلابه وموضوع الفلوس دى اخر حاجه نفكر فيها انا باكلم عن نفسى نسيت اقول انى طب المنصوره وبالتوفيق يادوك رنا وكلنا لها
محمود زاهر 31-08-2009, 08:44 PM لا والله انا مقلتش حاجة بس صعبان عليا الناس الى نفسهم ولادهم يبقوا دكاترة و دخلوا طب و هم مش عارفين الى فالموضوع بس طبعا الى عايز يضمن مكانته فى الطب يذاكر كويس و يبقا معيد و كله هيبقا تمام و بعدين فى الطب هنا بيعينوا 100 واحد فى هيئة التدريس انما فى الهندسة 2 باين فى كل قسم :( وانا على فكرة مش بقول كلام معرفوش او حاجة انا ليا ناس معارفى اساتذة فى كلية الطب و طلاب وواحد صاحبى دخل طب السنة الى فاتت و كان جايب 99 جاب جيد جدا فيما معناه ان كلية الطب محتاجة مجهود الثانوية مضروبا فى اثنين :slap1qk6:و طبعا الكلية كلها حفظ يعنى عايزة واحد حفيظ درجة اولى و معتقدش ان فيه اقسام فى الطب صعبة الا طبعا قسم الجراحة و الاقسام الجامدة دى بتاعت المحترفين بس..عالعموم الموضوع خلص و فكروا هتذاكروا ازاى و ربنا يوفقكوا:dو برده متدعوش عليا لو سمحتم:078111rg3:
Dr.Ahmed Moussa 31-08-2009, 11:05 PM أحترم رأيك جدا يا بامهندس محمود
بس نفس الكلام إللي قولته ده بالضبط في هندسه
وفي كل الكليات مش في طب بس
ومفيش حد بيتخرج من أي كليه بيبقى حاجه من غير تقدير كويس
أهم حاجه في الكليه مش أسم الكليه أهم حاجه التفوق فيها
لأن مشكله البطاله بعد التخرج مش في طب بس أكرر في كل الكليات
وعشان تتجنب المشكله ده
إما تتفوق بالكليه
أو يكون ليك واسطه
أو تكون إمكانياتك الماديه حلوه
وياريت الكل ياخد بالسبب الأول
محمود زاهر 31-08-2009, 11:23 PM للعلم بالشئ نسبة العمل بكليات الهندسة قسم المدنى و العمارة 100% يعنى كل الخريجين بيشتغلوا يعنى دى مشكلة الطب بس
dr-rana 01-09-2009, 02:37 PM أحمد........ الله يبارك فيك وعقبالك
دكتور أحمد ......شكرا على مجهودك وفي انتظار المزيد
دكتورة أسماء ....الله يبارك فيكي يا قمر وفعلا كانا لها
مهندس محمود ....ده رايك واختلاف الراي لايفسد للود قضية
...... بس انا رايي من راي دكتور أحمد لأن كلامه فعلا منطقي واللي داخل طب عارف هو داخل ايه وليه كويس اوي.....
dr-rana 01-09-2009, 02:55 PM انا عن نفسي بفكر أتعين في الجامعة يعني ناوية أشد حيلي
في المذاكرة شوية وامكانياتي المادية حلوة بس ما عنديش واسطة
فالبنسبة ليا أخلص دراسة الأول وبعدين أفكر في الشغل
hala3 01-09-2009, 04:57 PM انا رايحة اولى طب باذن الله سمعت كلام كتيييييييير وحش عنها
بس انا شايفة انها مهنة انسانية من الدرجة الاولى والمهم اخلاص النية لله تعالى وان شاء الله الواحد ربنا هيكرمه
dr-rana 01-09-2009, 09:55 PM أنا كمان والله بقول كده
ولاء حسنى 01-09-2009, 10:37 PM السلام عليكم
انا سمعت كل الكلام وكله صح انا اول ماقررت اخش طب حصلى نفس اللى حصلك وقالولىهتتبهدلى بس لما روحت الكلية واتكلمت مع ناس اكبر منى عرفت انها كلية حلوة والبنات والولاد مش متضايقين وكمان تخيلى حجم الثواب مع كل معلومة تخديها وهتفيدى فيها غيرك
وعلى حكاية الكورسات متقلقيش دا انتى لسه فى الاجازة وكل حاجة هتتعاد تانى يعنى عندنا فى عين شمس عاملين قرص هو تعريف بسيط للمنهج يعنى مش هيأثر فمتقلقيش
davy jones 02-09-2009, 02:19 PM رنا انتى طب ايه
DR EMAN 03-09-2009, 11:15 PM انا داخلة ان شاء الله اولى طب ومقتنعة بيها جدا وممك بس ارد على باشمهندس محمود اولا كل اعداد الخريجين من كل كليةفى الجمهورية كتير مش طب بس وموضوع الشغل ده لا وقته ورزقنامكتوب من قبل ما نتولد مش مشكلة وعلى فكرة لو مهندسين اللى فى الخليج رجعوا هتبقى اعدادتكم زى الرز ادعى بقى فى رمضان ربنا يستر
dr-rana 05-09-2009, 04:55 PM ولاء....... ميرسي على ردك أنا سعيدة بمشاركتك
فعلا أنا سمعت كلام غريييييييييييييب وبالذات عن المشرحة
dr-rana 05-09-2009, 05:21 PM دافي جونز انا طب طنطا ان شاء الله
دكتورة ايمان أسعدني تواجدك معنا
dr.nour 07-09-2009, 01:06 AM هااااااااااااااى يا دكاتره :av4056bb7jp3: :av4056bb7jp3:
انا هكون في كلية طب طنطا ان شاء الله في الحقيقه ان مش عارفه دخلتها ازاى بس المهم انى بحبها
انا معرفش اى حاجه عن الكليه بليييييييز حد يقولى
dededodda 08-09-2009, 10:24 AM السلام عليكم ورحمة الله وبركاتهhttp://www.thanwya.com/vb/life/icons/icon7.gif انا جالي في التنسيق طب اسماعيلية وممكن احول طب الزقازيق لتقليل الاغتراب ومحتارة الكلية الاحسن ايه ونفسي حد يساعدني:confused: وشكرا
dededodda 08-09-2009, 12:44 PM السلام عليكم ورحمة الله وبركاته انامحتارة جدا ونفسي حد يساعدني انا جالي في التنسيق طب اسماعيلية وفي امكاني احول طب الزقازيق علشان تقليل الاغتراب ونفسي اعرف الكلية الاحسن ايه ممكن حد يفيدني لو سمحتم
السلام عليكم ورحمة الله وبركاته انامحتارة جدا ونفسي حد يساعدني انا جالي في التنسيق طب اسماعيلية وفي امكاني احول طب الزقازيق علشان تقليل الاغتراب ونفسي اعرف الكلية الاحسن ايه ممكن حد يفيدني لو سمحتم
مشكلة طب الاسماعيلية ان نظمها مختلف عن باقي كليات الطب فلو بداتي واخدتي فيها سنة مثلا ماينفعش تحولي اي طب تاني لازم تكملي بقيت السنين هناك فالاحسن ان تحولي الزقازيق بدل السفر والبهدلة
وكمان كل اللي اعرفهم في طب الزقازيق بيجيبوا امتياز وبيقولوا ان الكلية حلوة والدكترا هناك كويسين ده رأيي :bosyht9:وربنا يعملك اللي فيه الخير
wanted-man 08-09-2009, 01:17 PM أنا رأيي إنك تحولب طب الزقازيق عشان طب الاسماعيلية فعلا فيه النظام ال amricanف الزقازيق احسن
dededodda 08-09-2009, 01:35 PM السلام عليكم ورحمة الله وبركاته انا محتارة طب الزقازيق ولا طب اسماعيلية احسن
dededodda 08-09-2009, 01:41 PM شكرا بس انا مش عارفه اعمل ايه علشان استعد للكلية
dr-rana 08-09-2009, 02:56 PM وحدة وحدة هنستعد ماحدش يقلق زيي
dr-rana 08-09-2009, 03:02 PM انا عن نفسي مش حابة طب الاسماعيلية عشان النظام الأمريكي ده
يعني لو حصلت ظروف ولا حاجة لاقدر الله
مش هتعرف تحول كلية تانية فأنا بحبذ الزقازيق أكتر
ده رأيي واللي فيه الخير ربنا يقدمه
doctor ahmed 2010 09-09-2009, 02:29 AM بصوا من الاخر كدة والحقيقة اللى كلة لازم يعرفها اى ان اى واحد بيدخل كلية بتكون عندة احسن كلية حتى لو كانت تجارة اداب معهدخدمة اجتماعية رغم ان كل اللى كانوا داخلين ثانوية عامة كانوا عاوزين يدخلوا طب لانها اعلى كلية ولان كل واحد بيتمنى ان ياخد اللقب دة قليل اوى اللى مكنش حلمة كدة وممكن اللى دخل كلية مش من كليات القمة وتعب فيها واجتهد ربنا يكرمة احسن من اللى فى طب وفى الاول والاخر محدش يبص للماديات لان الارزاق بيد الرزاق بس خلاص دة كل الموضوع ببساطة
طبيب عالمى قادم 09-09-2009, 07:39 AM انا عاوز اقول ان نظام الاسماعيلية ده مختلف عن باقى الكليات لانهم بيطبقوا نظام امريكى زى طب مانشستر بالمنصورة وكمان لو حد دخله مش هيعرف يحول منه خالص
dededodda 09-09-2009, 09:12 AM السلام عليكمhttp://www.thanwya.com/vb/life/icons/icon7.gifانا نفسي اعرف طب اسماعيلية ولا طب الزقازيق احسن وليهhttp://www.thanwya.com/vb/life/icons/icon5.gifوشكرا
dr-rana 10-09-2009, 02:27 PM عموما يا ديدو هو طب الاسماعيلية أميريكان سيستم
طبيب عالمى قادم 11-09-2009, 11:15 PM انا عن نفسي بفكر أتعين في الجامعة يعني ناوية أشد حيلي
في المذاكرة شوية وامكانياتي المادية حلوة بس ما عنديش واسطة
فالبنسبة ليا أخلص دراسة الأول وبعدين أفكر في الشغل
يا دكتورة رنا فيه سوء فهم
حكاية التعيين فى الجامعة دى مش كزسة وواسطة بالذات فى كلية زى كلية الطب
التعيين بيكون للاوائل على الدفعة يعنى مفيش علاقة بالحالة المادية يا رنا
وبعدين الواسطة دى حاجة غير شرعية وانتى المفروض مترضيش تاخدى مكان غير مكانك
التعيين فى الجامعة بيكون حسب مرتبة شرفك فى الدفعة وانتى من الاوائل ولا لا
ارجو انك متزعليش من كلامى ولكن اكيد حد اعطاكى فكرة غلط عن التعيينات
طبيب عالمى قادم 11-09-2009, 11:16 PM بصوا من الاخر كدة والحقيقة اللى كلة لازم يعرفها اى ان اى واحد بيدخل كلية بتكون عندة احسن كلية حتى لو كانت تجارة اداب معهدخدمة اجتماعية رغم ان كل اللى كانوا داخلين ثانوية عامة كانوا عاوزين يدخلوا طب لانها اعلى كلية ولان كل واحد بيتمنى ان ياخد اللقب دة قليل اوى اللى مكنش حلمة كدة وممكن اللى دخل كلية مش من كليات القمة وتعب فيها واجتهد ربنا يكرمة احسن من اللى فى طب وفى الاول والاخر محدش يبص للماديات لان الارزاق بيد الرزاق بس خلاص دة كل الموضوع ببساطة
الفكرة مش كده
DiC0vErY 12-09-2009, 12:23 AM التوبيك ده بقى بطاطس
رنا سألت عن موضوع والكلام بقى على موضوعات تانيه
S0
Wat Gonna be Next !
طبيب عالمى قادم 12-09-2009, 03:02 AM التوبيك ده بقى بطاطس
رنا سألت عن موضوع والكلام بقى على موضوعات تانيه
s0
wat gonna be next !
الحكاية مش حكاية بطاطس ولا طماطم
الحكاية لو فيه حد قال كلام مش مظبوط لازم حد يصلح له واما هيكون الموضوع بلا فايدة اما ادخل واقول شكرا وبارك الله فيك وموضوع جميل
د/بسمة الاسلام 18-09-2009, 07:36 AM بسم الله ماشاء الله
كلام مقنع وجميييييييييييل
ونحن في الانتظار
د\م عماد 25-09-2009, 04:14 PM د\رنا
لوسمحتى انا هقول وجهة نظرى المتواضعة
لازم منحبطش نفسنا بأى كلام نسمعه عن الكلية
ولازم يبقى عندا عزيمة تهد جبال ونتوكل على الله
(ان الله لا يضيع اجر من احسن عملا)
وفى النهاية يقول الشاعر
اذا غامرت فى شرف مروم
فلا تقنع بما دون النجوم
طبيب عالمى قادم 28-09-2009, 12:47 AM د\رنا
لوسمحتى انا هقول وجهة نظرى المتواضعة
لازم منحبطش نفسنا بأى كلام نسمعه عن الكلية
ولازم يبقى عندا عزيمة تهد جبال ونتوكل على الله
(ان الله لا يضيع اجر من احسن عملا)
وفى النهاية يقول الشاعر
اذا غامرت فى شرف مروم
فلا تقنع بما دون النجوم
كلااااااااااااام جميييييييييييييييييييييييل
lovelyheart 28-09-2009, 01:04 AM اهلا بيكي دوك رنا
انا برده اول سنه السنه دي
و سمعت نفس الكلام
بس انا مقتنعه بحاجه
ان مفيش حاجه سهله في الدنيا
يعني تجارة حقوق طب كله واحد
هتزاكري ربنا هيسهلك الدنيا مش هتذاكري اكيد هتقولي صعبه
ربنا يوفقط و يوفقنا
dr-rana 29-09-2009, 10:17 PM التوبيك ده بقى بطاطس
رنا سألت عن موضوع والكلام بقى على موضوعات تانيه
s0
wat gonna be next !
لالا عادي كلنا اخوات ولازم كلنا نساعد بعضينا صح ؟؟
dr-rana 29-09-2009, 10:43 PM د\رنا
لوسمحتى انا هقول وجهة نظرى المتواضعة
لازم منحبطش نفسنا بأى كلام نسمعه عن الكلية
ولازم يبقى عندا عزيمة تهد جبال ونتوكل على الله
(ان الله لا يضيع اجر من احسن عملا)
وفى النهاية يقول الشاعر
اذا غامرت فى شرف مروم
فلا تقنع بما دون النجوم
شكرا ع الكلام الجميل ده
dr.ahmed2 30-09-2009, 03:55 AM اولا احب اهنى الدكتورة رنا.ثانيا انا احمد وداخل اولى طب بنها.ثالثا الكل خايف بلا فائدة احنا مش اول ناس تدخل طب الخبرات السابقة من الناس اللى بتفهم تؤكد ان كل حاجة سهلة والتفوق يتوقف على التركيز والحضور والمذاكرة بكل بساطة وحفظ الكلمات لا يثمن ولا يغنى من جوع لان لازم نفهم التوبيك ككل والكلمات لا حصر لها لازم نحضر لدكتور مبيعقدش الامور هشان نستريح نفسيا والطبيعى( بلا تشاؤم ) ان الطالب يفضل حوالى 4 شهور مش فاهم اى حاجة مش عايزين نخاف احنا هندرس لغة غير اى حاجة شفناها وعلى فكرة يارنا الكل بيقول الطب مش حلو للبنات بفكرة الجواز فقط وده طبعا قمة الخطأ وكمان الصيدلة اصعب كتير من الطب.وعموما اتمنى التوفيق للجميع واحب اتعرف على الدكاترة سواء ف بنها او طنطا او اى جامعة تانية والايميلabo_esa92
dr/a.a.a.h 01-10-2009, 02:57 PM ادخلي بقلب جامد ومتعمليش حاجة
|