مشاهدة النسخة كاملة : مجرد طلب او طلبات
..Just Stop 31-08-2009, 05:55 PM سلام عليكم
ازى حضراتكم يارب تكونو بخير
اولا كل سنة وحضراتكم طيبين
""""""""
ندخل فى المهم
جت لنا اكتر من شكوى بخصوص اللى ما تتسما الادارة
ونيجى نسأل الناس فى ايه يا يدخلونا فى حوارات لا تسمن ولا تغنى من جوع
يا اما يهزقونا والاتنين فى النهاية واحد لاننا مش بنوصل لحاجة
دلوقتى انا عملت الموضوع علشان خاطر عيون حبايبنا الاعضاء
اللى احنا بنعاملهم زى اخواتنا واكتر
خلاصة الموضوع
انا عملت الموضوع دا من باب
"وتعاونوا على البر والتقوى"
عرفت ان الناس لها طلبات
عايز اعرف ايه هيا الطلبات
الطلبات خاصة بالاقسام العامة وليس التعليمية
بس رجاء يا جماعة
اللى ليه طلبات يقولها فى عناصر
1-
2-
3-
وميدخلناش فى حوارات علشان الوقت
وعلشان كلنا نرتاح
وبكرر تانى الطلبات دى خاصة بالاقسام العامة وليس التعليمية
مستنى طلبات حضراتكم
وزى مانبهنا بلاش ندخل فى حوارات جانبية
او مهاترات ملهاش لازمة
يعنى الطلبات تكون محددة وممكنة فى نفس الوقت
دمتم فى رعاية الله
Amethyst 31-08-2009, 07:36 PM 1- تقديم اعتذار لناس اتهانت جداا ..
و انتم أكيد فاكرين هما مين ..
في أمان الله
:)
ymymym 31-08-2009, 08:05 PM مش هرد
اكيد اكيد
اللي قالته مرموره
اولا
ثانيا في حاجات بس في الاقسام التعليميه اتر منها الصراحه دلوقتي ف يالوقت الحالي في العام
ياريت تفكروا بقي
الاسطورة 31-08-2009, 08:18 PM 1- تقديم اعتذار لناس اتهانت جداا ..
و انتم أكيد فاكرين هما مين ..
معلش عايزين تحديد بقى
ما دام قولنا نشوف الناس عايزة ايه
يبقى ياريت الدقة ف الطلب
اوركيديا 31-08-2009, 08:49 PM ام
طويب انا لفيت كده شويه فى موضوع الاقتراحات ده
و كمان الموضوع اللى كان عامله مستر عصام زمان اوى ده
1- الاستايل ده يتغير بقى
2- موضوع انتخابات الاشراف او التعيين او ايا كان اللى حتعملوه يعنى
3- المتابعه مش موجوده الى حد كبير
4- الصلاحيات بيقولوا قليله و كمان الدعم الفنى بوجه عام اللى وهقنا منه ده
5- كان فى رد لمها بالمره
كنت هعمل موضوع بخصوص اللى هقوله بس قلت الجو العام مش ناقص مواضيع و مشاكل
دلوقتى الطلبة اللى بتسجل بأرقام تليفونات أو إيميلات .. يمكن أكون أكتر واحدة بتبلغ عنهم و تتوقف العضويات دى
بس بجد بيصعبوا عليا لإنهم مش داخلين بغرض إنهم يكونوا أعضاء دائمين .. مجرد بس يدخلوا الأقسام التعليمية و يستفيدوا منها وبس
أنا مش بقول كده علشان مايتوقفوش
بس عندى إقتراح بشوفه فى منتديات كتير و أكيد لو إتعمل هنا هيخفف دخول الطلبة بالعضويات المخالفة
ممكن تكتبوا بخط أحمر كبير شوية فى أول خطوة فى التسجيل .. ممنوع التسجيل بإيميلات أو أرقام تليفونات
هتقولوا مهو فى قوانين كل واحد بيوافق عليها قبل ما يدخل .. مش هتكلم عن حد بس أنا ذات نفسى عمرى ما سجلت فى منتدى و قريت القوانين و بعدين الطلبة اللى داخلين بيسجلوا دول مش فاضيين يقروا قوانين و الكلام ده
فياريت يا تكتبوا فى الصفحة الرئيسية للمنتدى ممنوع التسجيل بكذا و كذا بدل الربع دشليون عضو و عشرميت مدرس (المنتدى مش محتاج إنضمام حد )ولا تحتيها وكبروا خط الجملة أو اكتبوها بلون تانى يا إما فى أول صفحى التسجيل بخط كبير اكتبوا الجملة دى
لان اللى بيدخل جاهل بالقوانين و بتتحسب علينا إننا بنطبق القوانين اللى هو مش عارفها و فى نفس الوقت بنمنعه من حقه كطالب فى الإستفادة من المنتدى
أرجو النظر فى الاقتراح
وجزاكم الله كل خير
6- و كمان
عندى إستفسار صغير
انتوا ليه غيرتوا لون العضو الموقوف .. ما تخلوه أبيض زى ما كان
يبقى إيه لازمة إنكم توقفوا العضويات اللى أسمائها مخالفة .. كده مفيش تمييز بين عضو وموقوف
ولا إيه؟؟
7- اللى قالته مورا فوق
حفكر فى حاجات تانى و جايه
فى رعايه الله
ymymym 31-08-2009, 08:53 PM هقولك يا محمود
مين
الاداره القديمه وبعض الناس اليل مشيت واليل اهانوهم
صدقني لو عملنا كده
هيبقي كويس قوي يا محمود
_GUIDE_ 31-08-2009, 09:00 PM اللى ليه طلبات يقولها فى عناصر
1- التعليمى
2- التعليمى
3- التعليمى
المنتدى اسمه بوابة الثانوية العامة
يعنى تعليمى فى المقام الاول
ولو هنفصل التعليمى عن العام
يبقى نعمل منتديان
ويبقى عندنا منتدى الثانوية العامة ون
ومنتدى الثانوية العامة تو
على غرار نورماندى وان
ونورماندى تو
حسبى الله ونعمة الوكيل :)
الاسطورة 31-08-2009, 09:02 PM المنتدى اسمه بوابة الثانوية العامة
يعنى تعليمى فى المقام الاول
ولو هنفصل التعليمى عن العام
يبقى نعمل منتديان
ويبقى عندنا منتدى الثانوية العامة ون
ومنتدى الثانوية العامة تو
على غرار نورماندى وان
ونورماندى تو
حسبى الله ونعمة الوكيل :)
والله يا اسلام ده اللى نفسنا كلنا فيه
واللى المفروض يتعمل وليه الاولوية على اى حاجة
بنوجه نداء لمشرفى القسم التعليمى
وربنا يقدم اللى فيه الخير
_GUIDE_ 31-08-2009, 09:10 PM والله يا اسلام ده اللى نفسنا كلنا فيه
واللى المفروض يتعمل وليه الاولوية على اى حاجة
بنوجه نداء لمشرفى القسم التعليمى
وربنا يقدم اللى فيه الخير
ماشيى يامحمود
كلام جميل وانا بحييك عليه
بس محمود طه بيقول فى اول الموضوع اللى ليه طلبات
تمام
انا اضمن منين ان الطلبات دى هتتنفذ
بص هو الموضوع فى الاصل ثقة بين العضو والمشرف
المشرف لزم يكون قد كلمته
علشان العضو يحترمه
وطبعا الثقة منعدمة
لان الطبيعى ان الادارى كالعادة مع اى مشكلة او موضوع
بيقول هيتم مناقشة الموضوع مع باقى افراد مجلس الادارة
نفسى بقى يتم اتخاذ قرار
مش عايز احس انى قاعد فى الجامعة العربية او مؤتمر قمة
اقوال يبقى لزم يكون فى افعال
اقوال افعال الموضوع مش صعب :)
..Just Stop 31-08-2009, 09:37 PM 1- تقديم اعتذار لناس اتهانت جداا ..
و انتم أكيد فاكرين هما مين ..
قولنا يا جماعة عايزين طلبات واضحة
الاعنزار ده هيبقا من مين ولمين ؟
لانى بصراحة مش فاهم تقصدو مين
مش هرد
اكيد اكيد
اللي قالته مرموره
اولا
ثانيا في حاجات بس في الاقسام التعليميه اتر منها الصراحه دلوقتي ف يالوقت الحالي في العام
ياريت تفكروا بقي
بلنسبة لاولا لسة مبهمة وقولنا ياريت توضيح
بلنسبة لثانيا الاساتذة فى المجلس وضعو خطة خلاص وان شاء الله هيظبطو التعليمى خصوصا بعد ما الغرف رجعت
كلامنا فى الموضوع دا عن العام
1- الاستايل ده يتغير بقى
2- موضوع انتخابات الاشراف او التعيين او ايا كان اللى حتعملوه يعنى
3- المتابعه مش موجوده الى حد كبير
4- الصلاحيات بيقولوا قليله و كمان الدعم الفنى بوجه عام اللى وهقنا منه ده
بالنسبة لواحد فى استايل جديد
وان شاء الله يتركب
الانتخابات اتنقاشنا فيه وهيحصل قريب(بس محدش يقوللى الساعة كام )
بالنسبة لتلاتة اهو كل ادارى بيشوف اقسامه وبيشوف مشرفين
واديكو شايفين كل مشرفين جداد بيتعينو ولسة المتابعة مستمرة
بالنسبة لاربعة
الصلاحيات بالنسبة لمين؟
المشرفين طالبين صلاحيات زيادة ؟
ولو طالبين ايه هيا الصلاحيات دى؟
بالنسبة لخمسة فسهلة نخلى الادمن يكتبها على الرئيسية
وبالنسبة لستة سهلة بردو مفيش عندنا اكتر من الالوان
هقولك يا محمود
مين
الاداره القديمه وبعض الناس اليل مشيت واليل اهانوهم
صدقني لو عملنا كده
هيبقي كويس قوي يا محمود
بردو مبهمة
قولى زيد يعتزر لعمرو والسبب كذا
لانى لحد الان مش عارف بتتكلمو عن مين
1- التعليمى
2- التعليمى
3- التعليمى
يا اسلام
انا قولت الموضوع دا للعام
وبالنسبة للتعليمى الاساتذة شغالين فوق وبيظبطو الامور وهيعملو الجدول وهيشغلو الغرف
ادعيلهم انت بس
انا اضمن منين ان الطلبات دى هتتنفذ
محنا مش شغالين منجدين مع احترامى ليهم طبعا
لو مكنتش هتتنفذ مكنتش عملت موضوع وكل اللى اقدر اقوله الايام بيننا
بص هو الموضوع فى الاصل ثقة بين العضو والمشرف
المشرف لزم يكون قد كلمته
علشان العضو يحترمه
وطبعا الثقة منعدمة
لان الطبيعى ان الادارى كالعادة مع اى مشكلة او موضوع
بيقول هيتم مناقشة الموضوع مع باقى افراد مجلس الادارة
نفسى بقى يتم اتخاذ قرار
مش عايز احس انى قاعد فى الجامعة العربية او مؤتمر قمة
اقوال يبقى لزم يكون فى افعال
اقوال افعال الموضوع مش صعب :)
مش ناقصة احباط يا اسلام
امال احنا عاملين الموضوع ليه
علشان نحدد نقاط نتكم فيها مرة واحدة وتتنفذ فى فترة قصيرة
واللا لازم تحبطنا يعنى
ادينا بنشوف الطلبات اهو
لو عندك طلب بخصوص الاقسام العامة قولها
دمتم فى رعاية الله
Not Allowed 31-08-2009, 09:48 PM بلاش أتكلم علشان الحق بيزعل :d
MoHaMeD ELsHeRbEnY 31-08-2009, 10:12 PM لو شفت المواضيع الاخيرة هتلاقى الخناقات والدنيا مقلوبة على الادارة
ولما نيجى نشوف الطلبات هنلاقيها كلها متسببش مشاكل
وطبعا انا بتكلم على الاقسام العامة
اسلام عاوز اقولك حاجة بعد اذنك
انت لما تطلب طلب وانا فى ايدى اعملة
هتعب لما اعملة ؟
هخس نص كيلو لو نفذتة ؟
بس دا لو اقنعتنى بطلبك ومعرفتش ارد عليك
لكن هتطلب طلب واحنا مش موافقين علية وقولنا السبب وتقول اضمن منين
هقولك انت كدة بتكلم وبس ياريس
متابع ان شاء الله وكل الطلبات الخاصة بالاقسام العامة المطلوبة فعلا
سيتم تنفيذها مع بعض التحفظات
فى رعاية الله
Database Error 31-08-2009, 10:25 PM 7- اللى قالته مورا فوق
القصد الاعتذار لميس رانيا و كل الناس اللي اتهانت أيام
المشكلة بتاعة عبقرينومان
..Just Stop 31-08-2009, 10:40 PM القصد الاعتذار لميس رانيا و كل الناس اللي اتهانت أيام
المشكلة بتاعة عبقرينومان
ناويين تقلبو فى القديم اوكى وماله ميضرش
عايزين الاعتزار من مين بالظبط
حددو اشخاص
:d
Lost Dreamer 31-08-2009, 10:51 PM عايزين الاعتزار من مين بالظبط
حددو اشخاص
:d
بالظبط كده
لان ف موضوع اتعمل ف الادارين بخصوص الموضوع ده
واتقال فيه كلام كتير وخلافه
فتحديد الشخص هيفيد جامد
Database Error 31-08-2009, 10:57 PM بالظبط كده
لان ف موضوع اتعمل ف الادارين بخصوص الموضوع ده
واتقال فيه كلام كتير وخلافه
فتحديد الشخص هيفيد جامد
حرام عليكم سمعتي
:d
أقول ازاي
بس هي لكل شخص عمل موضوع عن الناس اللي سابت
و ناس من اللي ردت
أنا كنت جديدة أيامها هنا
و مش فاكرة ناس كتير
بس لحد دلوقتي شايفة اتنين
و منهم
اداري تعليمي
:)
..Just Stop 31-08-2009, 11:16 PM حرام عليكم سمعتي
:d
أقول ازاي
بس هي لكل شخص عمل موضوع عن الناس اللي سابت
و ناس من اللي ردت
أنا كنت جديدة أيامها هنا
و مش فاكرة ناس كتير
بس لحد دلوقتي شايفة اتنين
و منهم
اداري تعليمي
:)
الله ينور عليك
يعنى اعتزار شخصى من افراد معينة
يعنى لو هتطلب طلب منهم يبقا فى رسالة وتعملو حشد
ومظاهرة والاعتزار التام او الموت بالزكام
دى حاجات شخصية مقدرش اصلا اقول لحد تعليمى اعتزر لدا
بتبقا حاجات شخصية مقدرش اوعدكو بيها
انما لو طالبين اعتزار منى لحد انا غلطت فيه اوكى موافق بس هاتولى حد غلط فيه
ثم ياجماعة
انا بقول طلبات خاصة بالموقع
وليست خاصة باشخاص
واللا خلاص الطلبات خلصت ومعندكوش غير الطلب دا
انا بقول طلبات ممكنة مش تعجيزية لانى مقدرش اغصب حد انه يعتزر
لو تقدرو انتو اوكى حاولو ويارب تعرفو
دمتم فى رعاية الله
Sherif Elkhodary 01-09-2009, 01:36 AM عدل الاية يا محمود
ناقص الف في ( وتعاونوا علي البر والتقوي )
Sherif Elkhodary 01-09-2009, 02:05 AM ماشي يا محمود
هاخد بكلامك و الايام هتثبتلك ان التعليمي هيفضل زي مهو
والله مش بنقص من قيمة المدرسين ولا حاجة
تاني حاجة بقا يعني لو قولنالك طلبت في صورة نقاط هتتنفذ ؟
يعني فرقت ايه عن الطلبات اللي كنا بنقولها في موضوع الاستفسارات ؟
انها في صورة نقط ؟
احم
لولا اني متاكد انك ملكش دخل بالموضوع
كنت قولتلك كلام كتير :d
ثالث حاجة انا مش هقول طلبات لاني عارف انها مش هتتنفذ
من باب اولي كنتوا نفذتوا الطلبات اللي كنا بنقولها في موضوع الاستفسارات
واللي بترد عليها تقول الموضوع بيتناقش
والله انا عارف ان مفيش بايدك حاجة وكتر خيرك انك بترد في الموضوع و بتعبرنا
بس تقدر تقولي مين اللي بيناقش المواضيع دي ؟
بعيدا عن الاداريين لانهم مش هيقدروا يعملوا اكتر من اللي انت عملته
مفيش غير اللورد وصلاحياته مش كتير
وعلي العموم بردو الله اعلم يمكن الادارة هتتدخل بجد المرة دي
بس قبل ما اقول النقاط
ياريت الطلبات في موضوع الاستفسارات تتعمل
و هنشوف يا محمود القسم التعليمي
اصل ده حبيبي اوي كنت بدخله ولا كاني داخل روم شات
و مش هتلاقي غير اقسام معينه تتعد ع الصوابع هي الاقسام النشيطة بس في التعليمي وهي اقسام كل سنة
يلا كفاية كده
في امان الله
ymymym 01-09-2009, 02:35 AM http://www.thanwya.com/vb/showthread.php?t=150292
دونت بي انجري
الجويرية 01-09-2009, 11:55 AM وزى مانبهنا بلاش ندخل فى حوارات جانبية
لا تعليق بصراحة
:)
ymymym 01-09-2009, 04:57 PM ايه معلش يا ايه
هقول حاجه
انا في راي اسلام مغلطتش اولا هو حدد تقريبا مش الكل لأ المعظم
فهو مغلطش في حاجه براي
غير كده
يا ايه
احنا اتناقشنا في الموضوع ده كام مره لغايه دلوقتي بجد
يا جدعان ردوا عليا
هتعملوا ايه
جاوبوني دلوقتي احنا مش عاوزين طلبات للعام خالص انا بتكلم او معظمنا بيتكلم عل يالتعليمي يرضيكم ده يعني يرضيكم اليل شايفينه كلنا
ماهو يستحيل بقي يا جماعه اليل بيحصل ده
ده مش منتدي تعليمي علي الاطلاق
مينفعش
لازم تلاقوا حل
..Just Stop 01-09-2009, 07:37 PM شريف الخضرى
معلش يا شريف خدنا على اد عقلنا كمان مرة وقول طلبات :d
وادينا بنحاول نجمع الطلبات
ومحدش له دعوة باللى فات
لو مكنتش هتتنفذ مكنتش عملت الموضوع اصلا
فخدونى على اد عقلى
مش هتخسرو حاجة يعنى
:::::::
بالنسبة للاخت يميم
انا قولت بدل المرة اتنين ويمكن تلاتة
ان الموضوع دا للاقسام العامة فقط
كمان شوية يبقا الاساتذة التعليميين يعملو موضوع مشابه ويشوفو طلباتكم
انم االموضوع دا للمرة العاشرة خاص بالاقسام العامة
دلوقتي احنا مش عاوزين طلبات للعام خالص
افهم من كدا
انى مش هلاقى حد معين عامل موضوع وبيقول طلبات طلبلت وفوقيهم واحد شربات
على حد كلامك ان مفيش طلبات
وماله
يا جماعة الموضوع لسة مفتوح
اللى عنده طلبات يتفضل يذكرها
فى نقاط محددة
دمتم فى رعاية الله
boy&وداعة&kind 01-09-2009, 09:24 PM طيب عندى اقتراحين كده ممكن يكونوا مفيدين بس مجرد اقتراحات ومش طلبات
1-ممكن تدوا للأعضاء الصلاحية أنهم يقدروا يغيروا الصفة بدل ماتتعبوا نفسكوا أنتوا بالكلام ده
أنا شفت الفكرة دى بتتطبق فى منتدى وناجحة وماشية كويس يعنى بدل ما العضو يطلب منكوا تغيروا صفته يغيره هو زى ماهو عايز وتتفرغوا أنتوا للحاجات المهمة
2-القسم ده (صوت الاعضاء) من الأفضل يكون قسم خاص بمعنى أنه لايستطيع الاطلاع على المواضيع الا كاتب الموضوع وطاقم الادارة فقط ولايتدخل أيا من الأعضاء ولا حتى المشرفين الا اذا كان العضو يشكو أحد المشرفين فيكون للمشرف الصلاحية أن يدخل ويدافع عن نفسه
وبردوا عشان لو حد طالب اشراف أو كده
BaNZeR 01-09-2009, 10:42 PM 2-القسم ده (صوت الاعضاء) من الأفضل يكون قسم خاص بمعنى أنه لايستطيع الاطلاع على المواضيع الا كاتب الموضوع وطاقم الادارة فقط ولايتدخل أيا من الأعضاء ولا حتى المشرفين الا اذا كان العضو يشكو أحد المشرفين فيكون للمشرف الصلاحية أن يدخل ويدافع عن نفسه
وبردوا عشان لو حد طالب اشراف أو كده
ايه اللى حضرتك شايفه في صوت الأعضاء عيب وإنه وسيلة تصليحه تكون بجعل القسم (خاص)
أظن إنه الأولى كده إنه يتسمى صوت المشرفين او الاداريين بقى
إذا كان عضو بس اللى حيرد في الموضوع والباقي اداريين ومشرفين
بغض النظر عن ذلك الفكرة حتكون مرفوضة لأنه في مواضيع لازم تبقى مرئية للجميع
زي مواضيع المخالفات ومواضيع الاقتراحات
ولكم مني فائق الاحترام
Sherif Elkhodary 01-09-2009, 11:01 PM انت غريب والله يا محمود
والله لو كنت رايق كنت فضيتلك :slap1qk6:
الحاجة ولاء قالتلك بتاع كام طلب
وكل طلب تكتب فيه هيحصل هيتنفذ
في القريب العاجل :d
فرقت ايه عن موضوع الاستفسارات ؟
انك هناك كنت بتكتب جاري المناقشة في حجرة الاداريين
تيرا تيرا تيرا
:romarioxp6::romarioxp6::romarioxp6:
Its My Life 01-09-2009, 11:05 PM انت غريب والله يا محمود
والله لو كنت رايق كنت فضيتلك :slap1qk6:
الحاجة ولاء قالتلك بتاع كام طلب
وكل طلب تكتب فيه هيحصل هيتنفذ
في القريب العاجل :d
فرقت ايه عن موضوع الاستفسارات ؟
انك هناك كنت بتكتب جاري المناقشة في حجرة الاداريين
لا
كان بيكتب تم التعامل
تيرا تيرا تيرا
:romarioxp6::romarioxp6::romarioxp6:
ما شاء الله مبتضيعش وقت
شغااااااااال عود كبريت في المواضيع كلها
وبتهدي النفوس
ymymym 02-09-2009, 02:34 AM افهم من كدا
انى مش هلاقى حد معين عامل موضوع وبيقول طلبات طلبلت وفوقيهم واحد شربات
على حد كلامك ان مفيش طلبات
وماله
معني كلامي ان الطلبات بتاع التعليمي اكتر من العام لكن خلاص خلوا ده للعام والتاني اليل انا عاملاه للتعليمي متزعلوش:d
اوركيديا 02-09-2009, 03:28 PM بالنسبة لواحد فى استايل جديد
و ان شاء الله يتركب
الانتخابات اتنقاشنا فيه و هيحصل قريب(بس محدش يقوللى الساعة كام )
بالنسبة لتلاتة اهو كل ادارى بيشوف اقسامه وبيشوف مشرفين
واديكو شايفين كل مشرفين جداد بيتعينو و لسة المتابعة مستمرة
بالنسبة لاربعة
الصلاحيات بالنسبة لمين؟
المشرفين طالبين صلاحيات زيادة ؟
ولو طالبين ايه هيا الصلاحيات دى؟
بالنسبة لخمسة فسهلة نخلى الادمن يكتبها على الرئيسية
وبالنسبة لستة سهلة بردو مفيش عندنا اكتر من الالوان
مش عارفه بس حاسه ان مش اختلفنا كتير عن الرد فى الاقتراحات
و كله فى ال to do list
اما حته الصلاحيات دى انا مش على المشرفين العادى بتكلم على الادارى او نائب الاداره
عشان ده اللى كنت بسمعه و اللى بيتقال
محتاجين صلاحيات زياده
عامه فى كذا حاجه تانى فى دماغى و نبقى نييجى تانى
فى رعايه الله
..Just Stop 02-09-2009, 04:19 PM 1-ممكن تدوا للأعضاء الصلاحية أنهم يقدروا يغيروا الصفة بدل ماتتعبوا نفسكوا أنتوا بالكلام ده
أنا شفت الفكرة دى بتتطبق فى منتدى وناجحة وماشية كويس يعنى بدل ما العضو يطلب منكوا تغيروا صفته يغيره هو زى ماهو عايز وتتفرغوا أنتوا للحاجات المهمة
تقريبا بل واكيد ان الاقتراح مرفوض
انت عارف فى هنا بعض الاعضاء احتمال تستهبل فى كتابة الصفة واى حد هيبقا نفسه فى لقب هيكتبه
متهيألى هيا كدا محكومة طالما الطلبات بتتعمل علطول ومش بتتأخر
2-القسم ده (صوت الاعضاء) من الأفضل يكون قسم خاص بمعنى أنه لايستطيع الاطلاع على المواضيع الا كاتب الموضوع وطاقم الادارة فقط ولايتدخل أيا من الأعضاء ولا حتى المشرفين الا اذا كان العضو يشكو أحد المشرفين فيكون للمشرف الصلاحية أن يدخل ويدافع عن نفسه
وبردوا عشان لو حد طالب اشراف أو كده
هيا الفكرة دى متنفذة
فى جميع المنتديات
والعضو مش بيشوف غير موضوعه بس
بس متهيألى كدا احسن علشان محدش يقول انتو بتتحكمو وكلام من دا
بس اوكى لو عايزين نغيره ونخليه مواضيع خاصة بالعضو نفسه مفيش مانع بس اعتقد انكو مش عايزين كدا
..Just Stop 02-09-2009, 04:27 PM شريف الخضرى
يا شريف منا قولت خدونى على اد عقلى المرادى
ومش هتخسرو حاجة
معني كلامي ان الطلبات بتاع التعليمي اكتر من العام لكن خلاص خلوا ده للعام والتاني اليل انا عاملاه للتعليمي متزعلوش:d
اوكى تمام
فى انتظار الطلبات
مش عارفه بس حاسه ان مش اختلفنا كتير عن الرد فى الاقتراحات
و كله فى ال to do list
اما حته الصلاحيات دى انا مش على المشرفين العادى بتكلم على الادارى او نائب الاداره
عشان ده اللى كنت بسمعه و اللى بيتقال
محتاجين صلاحيات زياده
عامه فى كذا حاجه تانى فى دماغى و نبقى نييجى تانى
فى رعايه الله
سلام عليكم
اولا كل حاجة لازم نقدم فيها المشيئة
ثانيا انا مش قاعد على فانوس سحرى
تطلبو الطلب ادعك الفانوس الطلب يتنفذ
انا قولت اننا بنجمع الطلبات واللى نقدر ننفذه فى الوقت الحالى يتنفذ
والباقى هنتكلم فيه مرة واحدة وان شاء الله يتنفذ فى القريب العاجل
فى انتظار باقى الطلبات
دمتم فى رعاية الله
..Just Stop 03-09-2009, 01:43 PM kabbow
سلام عليكم
اولا انا مكتبتش الموضوع ده فى الموضوع بتاع تطوير المنتدى لان فى اجزاء بره تخصصه شوية
و برده مضمتوش كرد داخل الموضوع الخاص باختى يميم لانه موضوع الى حد ما خاص بالتعليمى
فى نقاط سريعه علشان الثانوية تبقى حقيقى ثانوية و نفتخر بيها
اولا من الناحية التقنية
1- استايل المنتدى الحالى لا يصلح بالمره ان يكون استايل لانه لا يوجد فيه اى شىء متغير سوى بعض الخلفيات و الهايدر فقط و الباقى بالوضع الافتراضى فهذا لا يعد استايل و يجب تغيره لان اول شىء تجذب اعضاء لمنتدى هو مظهره
2- لا يوجد منتدى دون دعم فنى ..... فاصغر منتدى يكون له الدعم الفنى الخاص به ما بالنا باكبر منتدى تعليمى
3- اعتقد ان منتدى مصنف اكبر منتدى تعليمى مينفعش انه يكون على سيرفر لا يكمل الاسبوع الا لما يكون فيه مشكله
( الجزء اللى فات لو اهتم بيه كويس = ربح جيد للمنتدى = توفير خدمات افضل للاعضاء والزوار)
ثانيا من ناحية الادارة
يمكن ان يزعل حد منى بسبب الموضوع ده
بس مش مشكله انا اللى يهمنى ان المنتدى ده يكون كويس و مشمشكله اى حد يزعل
1- مفيش اى ادارة و مشرفين ينفع تتعين دون انتخاب طبعا فى بعض الاشخاص لازم يكونوا بالتعين من مؤسس الموقع او مديره انما باقى الادارة بلالكامل او المشرقين لازم يكونوا بالانتخاب
2- مش علشان مشرف او ادارى مسك مكان خلاص يبقى مش هيطلع منى لازم يحصل تجديد كل فتره و نريح الاشخاص اللى لم يثبتوا كفاءة
و ندور على ناس غيرهم
3- لايعتمد فى الأدارين او المشرفين على السن ابدا لان هذا لا يعتبر مقياس ابدا للكفاءة و يمكن ان نرى هذا فى اعظم الاماكن و نرى من يديرها هل الاشخاص الذين بلغوا من السن ارذله ام ن الشباب المفكر المبدع
4- المفروض ان الادارة تكون كيان واحد بفكر واحد مش كل واحد ماشى فى حته ( لا اعنى بكلامى الجميع )
ثالثا شوية حاجات غريبه انها مش موجوده
1- المجموعات الاجتماعيه
2- لوحة شرف للمميزين ( و الاجابه معروفه الدعم الفنى نعديها دى)
3- فريق تطوير
انا سيبت حاجات تانيه كنت عاوز اقولها لانى لقيت غيرى قالها و تكرارها ملوش لازمه
المهم و اهم جزء المشكله الدائمه الدعم الفنى و بسببه يكون الرد الدائم على اى اقتراح ( بانتظار الدعم الفنى )
المنتدى فيه مجموعه كبيره من الشباب اللى متخصصين فى المجال ده و اعتقد اننا قادرين ننفذ اى حاجه يحتاجها المنتدى من الجهه دى
بس ملحوظه صغيره
كل المشاكل دى و غيرها و عيرها سواء فى العام او التعليمى ممكن تتحل فى يوم واحد لو كان فى ناس عاوزه تعمل حاجه و تشتغل اما لو مكنش فى فهنفضل فى نفس المشاكل لحد ما هييجى يوم نلاقى عد المتواجدون الان 0
يا رب ميكنش كلامى تقيل على قلبكم
فى رعاية الله
>>>>>>>>><<<<<<<<
Sherif Elkhodary 03-09-2009, 01:50 PM ثانيا انا مش قاعد على فانوس سحرى
تطلبو الطلب ادعك الفانوس الطلب يتنفذ
هههههههههه حلوة يا حودا
طيب اذا كان ع الطلبات ففيه كتير
1_المجموعات الاجتماعية ترجع ولو باشراف
2_الاستايل اللي بتقولوا موجود يتركب
3_ متابعة المشرفيين _النايمين _
4_تخلوني احرر مشاركاتي :d
فيه مشرف سوبر مبيحررش مشاركاته
هفضحكوا في كل مكان :d
:: [ K A B B O W ] :: 03-09-2009, 01:56 PM اوكى مفيش مشاكل تتحط فى اى حته المهم تتنفذ
Sherif Elkhodary 04-09-2009, 11:16 PM فينك يا حودا
هو الجواب لسه موصلش ولا ايه :d
مع ان النت عندنا في بورسعيد زي الفل :d
..Just Stop 05-09-2009, 01:33 AM ههههههههه
لا لسة موصلش
عزوز بيقوللى
ساعى البريد اتسرق
ثبتوه واخدو الورق
سرقو الجواب سرقو البريد
والساعى قلبه بيتحرق
ساعى البريد فضل خايف
بيقول دا جوابى مش هايف
فضل قاعد فضل ساكت
من كتر دموعه مش شايف
هنعمل ايه بقا ياساعى
قلقتنا بدون داعى
اكيد بكره الجواب يوصل
والادمن لينا هيراعى
اوركيديا 05-09-2009, 01:59 AM ههههههههه
لا لسة موصلش
عزوز بيقوللى
ساعى البريد اتسرق
ثبتوه واخدو الورق
سرقو الجواب سرقو البريد
والساعى قلبه بيتحرق
ساعى البريد فضل خايف
بيقول دا جوابى مش هايف
فضل قاعد فضل ساكت
من كتر دموعه مش شايف
هنعمل ايه بقا ياساعى
قلقتنا بدون داعى
اكيد بكره الجواب يوصل
والادمن لينا هيراعى
:huh::huh::huh:
لاء الحاله دى مش يتسكت عليها خالص
محتاجه علاج فورى
:unsure:
بس هو الساعى ماله زعلان ليه اوى كده هو مش جوابك انت و لا جوابه هو
:unsure:
شرح بالامثله و الرسوم التوضيحيه لو سمحت :d
فى رعايه الله
zizo2_2 05-09-2009, 07:13 PM كان نفسي اتكلم عن حاجات كتير غلط واوضاع كتير غلط
لكن للاسف مش هقدر اتكلم فيها على العام وكل من هب ودب يشوف الكلام ده لانه ممكن يثير مشاكل
لكن ارجو الالتفات الى طلبات الاعضاء جميعها فجميعها تستحق النظر فيها
السلام عليكم
MoHaMeD ELsHeRbEnY 05-09-2009, 07:20 PM ياريت يا بشمهندس عبد العظيم اى طلب عند حضرتك
مش عاوز الاعضاء تشوفة تقدر تبعتة ليا او للادمن
وتأكد بأذن الله انهم هيتم مناقشتهم كاملة
والرد بشكل سريع على حضراتكم
فى رعاية الله
ymymym 06-09-2009, 04:41 AM استاذ عبد العظيم اتكلم عادي من حق حضرتك تتكلم وتقول ايه الغلط بالظبط عشان نصح احنا سواء اعضاء او مشرفين
لكن لما نسكت يبقي هنفضل كده علي طول انا عجبني منتدي تاني الصراحه وماشيه معاهم لكن انا زهقت من هنا بجد مينفعش كده حضرتك قول كل حاجه واوعد حضرتك يا استاذ عبد العظيم انا مش هتكلم:d
zizo2_2 07-09-2009, 01:47 AM للاسف انا رافض اني اتكلم على العام
ان شاء الله هبقى ابعت اي حاجة انا عايو اقولها في رسالة خاصة
..Just Stop 07-09-2009, 01:51 AM اللى يريح حضرتك يا استاذ عبد العظيم
تكتب هنا او فى رسالة خاصة مش هتفرق
المهم حضرتك تقول
دمتم فى رعاية الله
..Just Stop 10-09-2009, 02:13 PM ها يا جماعة لسة حاجة تانية واللا نقفل الموضوع
عموما الموضوع اخره بالليل او بكره اصبح وهيبقا كلوزد
دمتم فى رعاية الله
Its My Life 10-09-2009, 11:10 PM لو سمحت قبل متقفل الموضوع
عندي طلب واحد بس
عيزه مكان الصوره الرمزيه يبقى كبير شويه علشان الصوره كده بتبقى مخنوقه في الحيز الضيق ده
لو سمحتم:d
..Just Stop 11-09-2009, 12:49 AM حاضر انا قولت للادمن على التوقيع والصورة الرمزية اصلا
ربنا يسهل
ونقول فى النهاية
كلوزد
|