بسم الله الرحمن الرحيم

السلام عليكم ورحمة الله وبركاته

بداية واحد يسألنى انا حاطط الموضوع هنا ليه

اجاوب واقوله بكل بساطة ان اعضاء الموقع بس وصوتهم هو اللى يحدد مين هيقدر يساعدهم وينفذ طلباتهم

الموضوع بسيط

جائتنى رسائل من كثير من الاعضاء تشكو من حال المنتدى وما وصل اليه
خاصة القسم التعليمى

وطبعا وللاسف لم تعد هناك الروح التى كنا نتسم بها سابقا

واعتقد ان هذه الروح كان سببها بعض الاشخاص ومش هقول ان السبب فى انها تختفى هذه الروح اشخاص اخريين
اترك ذلك لحكمكم

المهم عايزين مع بعض نلم كل الاعضاء من تانى (( الطيور المهاجرة ))

من اول الاستاذ جمعه الدهشان وبورسعيدى وصديدلانية وفارس النت و د عاطف خليفة ..واعضاء كتير وكتير قد اعرف وقد لا اعرفهم ولكنهم اتسموا باحترامهم للاخريين

وطبعا لا شك من ان رجوع صوت الحق هو الخطوة الاولى للمساعدة فى رجوع هؤلاء جميعا ..وعودة المنتدى الى ما كان عليه

دة كان كلام للاعضاء

اما كلامى لمجلس الادارة الذى انا عضو منه
ادعوهم جميعا لترك هذا المجلس ...وليعود كل منا الى دوره الذى بدأه على هذا الموقع وليحاول ان يحافظ على تميزه الذى كان عليه ..خيرا له من ان يتمسك بمكان يذهب بكل ما قدمه للبوابة سابقا

ففى النهاية النت هو حياة وهمية لا يضيف فيها القاب الى اصحابها شىء ..ولكن ما يضاف اليهم هو اعمالهم التى ساعدوا بها الاخريين دون ان يعرفوهم

اخوانى اعضاء مجلس الادارة احترامى وتقديرى لكم جميعا ...ولكن اعذرونى ..هذا ليس مكاننا ولنتركه لمن صنع هذا المكان وعلينا ان نساعده من خلال تخصص كل منا


كلامى للادمن ...رجاء انسى انك تملك موقع اسمه بوابة الثانوية العامة
وحاول ان تكون كاى عضو على الموقع يحاول المشاركة وتبادل الخبرات مع الاخريين


واخيرا
الامر متروك للاعضاء بالتصويت
هل توافق على حل مجلس الادارة وعودة صوت الحق وفارس النت كما كان فى السابق

http://www.thanwya.com/vb/member.php?u=25559 (http://www.thanwya.com/vb/member.php?u=25559)
ويساعدهم الاداريين والمشرفين فى ذلك فقط

طبعا اكيد فى ناس هتقول واحنا كدة عملنا ايه ما احنا رجعنا زى الاول
ببساطة لما نرجع لمستوى ال 70 % ..افضل ما نختار الوصول الى مستوى 10 %




واخيرا عندما طلب منى الاستاذ سرحان انا اكون داخل مجلس الادارة كان الاتفاق بيننا على ان اكون رقيب على اداء مجلس الادارة

ويمكنك الان استاذ سرحان ان تعتبر هذا تقرير منى بالمهمة الموكله الى
ونترك كتابة باقى التقرير بواسطة الاعضاء



رجاء كتابة الرد بموافق او ارفض ...دون تجريح او مدح فى احد ..والنقاش مفتوح للجميع


ملحوظة
الموضوع هنا لان دة المكان الوحيد اللى عرفت انزل فيه موضوع
وياريت حد من الاداريين يضيف استطلاع للموضوع باوافق او لا اوافق لحصر العدد بالتفصيل

موافق علي هذا الراي

اولا كل عام وحضراتكم جميعا بخير
وطبعا انا متفق معك فى كل شىء اخى وحبيبى استاذ محمد سرور
وهذا ما لاحظته حتى فى قسمنا اللغه الفرنسيه وخصوصا منذ اسبوع ولكن بفضل الله
تحول قسمنا الان الى قسم اكثر من رائع وخصوصا بعد تعاون المشرفين والمدرسين
ولكن طبعا المنتدى الان بصراحه يمر بحاله تدمى القلب لذلك انا معك فى كل كلمه قلتها
:078111rg3::078111rg3::078111rg3::078111rg3::07811 1rg3:

موافق موافق موافق

التصويت المفروض كان بيتعمل أثناء الموضوع نفسه

معرفش في صلاحيات لكده ولا لأ
بس لو مفيش

تقدر حضرتك تعمل الموضوع تاني مع اضافة اقتراحات التصويت

السلام عليكم ورحمة الله وبركاته
رأيكم سديد أستاذنا الفاضل / محمد سرور
وقد أعجبنى حديثكم كله خصوصاً :
طبعا اكيد فى ناس هتقول واحنا كدة عملنا ايه ما اهنا رجعنا زى الاول
ببساطة لما نرجع لمستوى ال 70 % ..افضل ما نخطار الوصول الى مستوى 10 %

موافق
على انتخاب مجلس ادارة عن طريق التصويت بالعضوية
والاعضاء يقرروا من يستحق
منذ الامتحانات لم انتظم في دخول المنتدى وأول مرة أعرف أن الشخصية الرائعة صوت الحق تركت الموقع
بجد
خسارة كبيرة جدا

اوافق على اي مقترح يزيد من فاعلية الاقسام التعليمية
اسم بوابة الثانوية كبير
والاعضاء ينتظروا الكثير
الطالب وولي الامر يهموا ان يجد المادة العلمية والمعلومة
وهذا ايضا ما يهمني
وفقكم الله

استاذى الفاضل محمد سرور
كل سنة وحضرتك طيب
اوافق على كل ما تقول الاستاذ عصام احد الاعمدة الرئيسية للموقع وهوما اعرفه منذ دخولى الموقع وتركه للموقع خسارة كبيرة
واكيد الموضوع له ظروفه ولكننا اولا واخير نعمل لوجه الله وليس من الحصول على اى لقب واعمالنا وما نقدمه هى التى تمنحنا فرصة ان نكتسب رضاء الله ودعوات الناس . فالنت وما نقدمه هو فرصة لنا لنقدم الصدقة الجارية فى حياتنا والعلم الذى ينتفع به الاخرين من خلالنا. اتمنى عودة كافة الطيور المهاجرة الى بيتها الكبير وهو بوابة الثانوية العامة التى قامت على اكتاف هؤلاء وبفضلهم وصولنا الى مراكز متميزة ومها نشأت منتديات اخرى فهى الام الحنون التى تضم اولادها دائما فى كنفها .

. اوافق . اوافق . اوافق

, ‏admin (http://www.thanwya.com/vb/member.php?u=2)+


فى انتظار رد حضرتك

الأستاذ الكبير علما وخلقا / محمد سرور
السلام عليكم ورحمة الله وبركاته وبعد
أولا : كل عام أنت بخير لك ولجميع أعضاء هذا المنتدى المحترم والذى أشرف بالانتساب إليه .
ثانيا : المسألة - سيدى الفاضل - هى افتقادنا للرمز فالرموز هى التى تقود وتدفع لمزيد من التقدم وتبث الروح فى المجموعة كى تعطى وتعطى حتى تصعد بالموقع من فاضل لأفضل .
ثالثا : لا أختلف معك فى الرأى لأنى أثق فى صواب رأيك ولكنى أحببت أن أوضح وجهة نظرى وأقسم بالله إننى ولأول مرة أعرف أن الأستاذ /عصام ( صوت الحق ) ترك المنتدى
شكرا جزيلا لك وكل عام أنت بخير

انا مع حضرتك يا مستر
اكيد موافقه موافقه موافقه

احم
ازيك يا مستر محمد
منور والله
واحد قهوة هنا يابني :d

معلش سؤال يا استاذي قبل ما اقول موافق او لا
حضرتك تفتكر ان الادارة هتنفذ ده و بكل سهولة الموقع يرجع زي زمان ؟

لقد قررت عدم الرد فى اى موضوع
ولكن موضوع للاستاذ محمد سرور لابد ان ارد
وانا ايضا موافق
وكمان التعاقد مع دعم فنى
ياريت بجد يكون هنا دعم فنى
وانا ارشح يورى اكس يورى بصراحة دعم فنى جامد

احم
ازيك يا مستر محمد
منور والله
واحد قهوة هنا يابني :d

معلش سؤال يا استاذي قبل ما اقول موافق او لا
حضرتك تفتكر ان الادارة هتنفذ ده و بكل سهولة الموقع يرجع زي زمان ؟

نعم يا بني :d
اعتقد قوووووووووووووووووي ان شاء الله مافيش حاجه بعيده عن ربنا يا شريف

نعم يا بني :d
اعتقد قوووووووووووووووووي ان شاء الله مافيش حاجه بعيده عن ربنا يا شريف

طبعا طبعا مفيش حاجة بعيدة عن ربنا
بس فيه فرق بين التوكل والتواكل
فين الاخذ بالاسباب ؟
علي العموم موافق علي رجوع استاذ عصام
لاني مكنتش موافق علي رفعه او رافض
موافق لان حضرته الوحيد اللي هيقدر يتعامل مع المدرسين بخصوص الغرف
محدش هيبقي متفرغ للبوابة زي استاذ عصام
والباقي اعتقد ان نصهم مش عاوزين يرحعوا اصلا
والله اعلم

طبعا طبعا مفيش حاجة بعيدة عن ربنا
بس فيه فرق بين التوكل والتواكل
فين الاخذ بالاسباب ؟
علي العموم موافق علي رجوع استاذ عصام
لاني مكنتش موافق علي رفعه او رافض
موافق لان حضرته الوحيد اللي هيقدر يتعامل مع المدرسين بخصوص الغرف
محدش هيبقي متفرغ للبوابة زي استاذ عصام
والباقي اعتقد ان نصهم مش عاوزين يرحعوا اصلا
والله اعلم



انا مش فاهمه انت عاوز ايه بالظبط
والله فعلا مافاهمه
معلش انا فهمي علي قدي بقي الايام دي :d

فى انتظار رد حضرتك

لقد قتل هذا الموضوع بحثاً يا أ.سرور
و الهدف الذى يدور الكل فى فلكه هو شخص واحد
صديقى .. أنت مخطئ أن تربط نجاح الموقع بشخص واحد

مرحبا بعودة أى شخص للمنتدى
لكن عودة صوت الحق لإدارة الموقع مرفوضة تماماً و لأسباب تم توضيحها من قبل و سأسردها بإختصار
1- عدم الإلتزام بصالح بوابة الثانوية العامة مراراً و تكراراً
2- مدير موقع تعليمى أخر و كل كتاب الموقع الأخر تم سحبهم من البوابة
3- أعطيته فرصاً عديدة و أثبت حسن نيتى كثيراً و لكنه لم يلتزم أمامكم بما وعد

هذا ردى الذى تنتظره .. أمام الجميع

تقبل تحياتى و إحترامى
محمود سرحان

السلام عليكم يا أستاذ محمد وكل عام وأنتم بخير
الحقيقة كل ماكتبته واقع فعلا الموقع فقد أعمدة رئيسية كانت وراء نجاحه والآن يمر الموقع بأزمات قوية تجعله يسير للوراء والحل الوحيد فعلا هو محاولة لم الشمل من جديد لكي يعود الموقع كما كان وأحسن وعلى السادة المدرسين الأهتمام فقط بما كانو يقدمونه من جانب علمي وترك عملية الإدارة حتى لاينشغل عن الجانب العلمي
وفعلا كما قلت الألقاب لم تزيد من العضو شيء فهى القاب وهمية والمفروض أنها القاب فقط لسير حركة المنتدى ، وفي النهاية موافق على رجوع الرموز القديمه التي كانت تفني عمرها في سبيل هذا الموقع

أولا : كل عام وحضراتكم بخير جميعا ، وحضرتك منور أخي سرور ، طبعا ونورك ده سببه الحاجات اللي كنت اعزمك عليها السنة الماضية.
طبعا انا مش بهرج لكن انا حبيت اوضح ازاي كانت روحنا جميلة العام الماضي وبالتحديد اوله ، وكل أمنيتي ان تعود تلك الروح ويتعاون الجميع من أجل مصلحة الآخرين ليس من أجل كلمة تقال وقد لا يهتم بها الكثيرون ممن لم يعتادوا النت واستخدامه. فليس للألقاب دوام وانما ما يبقى هو كلمة علمتها أحد الطلاب فدعا لك دعوة صالحة قد ينفعك الله بها طيلة عمرك
فنسأل الله أن يجمع على الخير شملنا

شكراً جزيلاً أستاذ / محمد


أوافق على عودة الرموز

أوافق على عودة روح الفريق الواحد

أوافق على العمل ابتغاء مرضاة الله

لقد قتل هذا الموضوع بحثاً يا أ.سرور
و الهدف الذى يدور الكل فى فلكه هو شخص واحد
صديقى .. أنت مخطئ أن تربط نجاح الموقع بشخص واحد

مرحبا بعودة أى شخص للمنتدى
لكن عودة صوت الحق لإدارة الموقع مرفوضة تماماً و لأسباب تم توضيحها من قبل و سأسردها بإختصار
1- عدم الإلتزام بصالح بوابة الثانوية العامة مراراً و تكراراً
2- مدير موقع تعليمى أخر و كل كتاب الموقع الأخر تم سحبهم من البوابة
3- أعطيته فرصاً عديدة و أثبت حسن نيتى كثيراً و لكنه لم يلتزم أمامكم بما وعد

هذا ردى الذى تنتظره .. أمام الجميع

تقبل تحياتى و إحترامى
محمود سرحان

انا مش هتكلم فى اشياء لم نتفق عليها فى وجهات النظر
ولكن تذكر اخر مكالمة بيننا ..قلت لك نترك الحكم للايام وهى ستحدد من منا رأيه كان على صواب

واعتقد ان رأى الاساتذة الافاضل فى الموضوع خلاف راى حضرتك
وننتظر راى باقى الاعضاء
واتنمى ان نعمل لصالح الطلاب فقط
بالمناسبة ..صوت الحق من ساعة ما تعرفت عليه وهو يدير عدة مواقع تعليمية ..ولم يحدث ان شعر احد بانه مقصر فى حق البوابة ...وعندما كنت اسجل فى احد منهم كنت اجده يستقبلنى فى هذه المواقع ويقول لى ان البوابة هى الاصل
ولكن من الواضح الان انا الثلاث نقاط التى اشرت اليها لا نراها نحن ولكن تراها وحدك ضاربا بذلك مصلحة الطالب بعرض الحائط

ننتظر راى باقى الاعضاء

في الحقيقة أنا كنت واخد قسط من الراحة سواء من العمل أو الجلوس أمام النت بسبب إحساسي بالإرهاق وأنا فوجئت بعزل صوت الحق من موقعه لأن هذا الرجل نحسبه على خير دائما فلماذا تم عزله؟
أنا أعرف منذ فترة إن صوت الحق بيعمل في أكثر من منتدى ورغم ذلك لك يقصر في حق البوابة لذلك أنا أوافق على رجوع كل الرموز وفي مقدمتهم صوت الحق.
تقبلوا تحياتي

انا مش هتكلم فى اشياء لم نتفق عليها فى وجهات النظر
ولكن تذكر اخر مكالمة بيننا ..قلت لك نترك الحكم للايام وهى ستحدد من منا رأيه كان على صواب

واعتقد ان رأى الاساتذة الافاضل فى الموضوع خلاف راى حضرتك
وننتظر راى باقى الاعضاء
واتنمى ان نعمل لصالح الطلاب فقط
بالمناسبة ..صوت الحق من ساعة ما تعرفت عليه وهو يدير عدة مواقع تعليمية ..ولم يحدث ان شعر احد بانه مقصر فى حق البوابة ...وعندما كنت اسجل فى احد منهم كنت اجده يستقبلنى فى هذه المواقع ويقول لى ان البوابة هى الاصل
ولكن من الواضح الان انا الثلاث نقاط التى اشرت اليها لا نراها نحن ولكن تراها وحدك ضاربا بذلك مصلحة الطالب بعرض الحائط

ننتظر راى باقى الاعضاء

صديقى واضح أننا ندور فى نفس الدائرة
فلتنتظر رأى الأعضاء مع كامل إحترامى أغلب المصوتين لم يعرفوا ما حدث و لكنهم لديهم رغبة فى الإصلاح و لكونك تعرض الموضوع بهذا الشكل فلن تجد واحد يقول لا ... ذلك لأنك تضع حلاً واحداً ليس له ثان
تقبل إحترامى

في الحقيقة أنا كنت واخد قسط من الراحة سواء من العمل أو الجلوس أمام النت بسبب إحساسي بالإرهاق وأنا فوجئت بعزل صوت الحق من موقعه لأن هذا الرجل نحسبه على خير دائما فلماذا تم عزله؟
أنا أعرف منذ فترة إن صوت الحق بيعمل في أكثر من منتدى ورغم ذلك لك يقصر في حق البوابة لذلك أنا أوافق على رجوع كل الرموز وفي مقدمتهم صوت الحق.
تقبلوا تحياتي

هذا هو القصور الموجود فى الموضوع أ.سرور
البعض لا يعرف ماذا فعل صوت الحق
كان يجب أن تخبرهم أولاً
على كل حال هذا هو

موضوع حوارى مع السيد صوت الحق (http://www.thanwya.com/vb/showthread.php?t=141712)

موضوع حوارى مع الأدمن (http://www.thanwya.com/vb/showpost.php?p=1465264&postcount=63)

سؤال بس موجه للأستاذ سرور ... حضرتك عامل الموضوع ده على أى أساس ؟؟؟

صديقى واضح أننا ندور فى نفس الدائرة
فلتنتظر رأى الأعضاء مع كامل إحترامى أغلب المصوتين لم يعرفوا ما حدث و لكنهم لديهم رغبة فى الإصلاح و لكونك تعرض الموضوع بهذا الشكل فلن تجد واحد يقول لا ... ذلك لأنك تضع حلاً واحداً ليس له ثان

انا من الناس ال عرفت الحقيقة
بس انا كنت فى الاول واقفة مع مستر عصام لانى مكنتش فاهمه حاجة
مع احترامى لحضرتك يا مستر محمد ومع احترامى لمستر عصام
انا مع رأى مستر محمود سرحان
المفروض ان المدير يكون متفرغ لموقع واحد
انا طبعا يهمنى مصلحة المنتدى بس بجد هو مش هيرجع زى ما كان غير لو كان المدير مهتم بموقع واحد مش كذا موقع لانه مش هيعرف يعدل بينهم
دا رأيى الشخصى
بس انا شايفة ناس تنفع لمنصب المدير بس ياريت نديها فرصة

لاقل خيرا او لاصمت
سالتزم الصمت افضل لى
تسجيل متابعة
وجزاكم الله خيرا

السلام عليكم

بعيدا عن الكلام ده
احنا هنا احسن ناس تدبح
اللى يغلط بالسلامة
ياريت الحكومة تتعلم مننا اللى يغلط يتشال كان زمان مفيش وزارة فى مصر فضلت اكتر من يوم واحد
وطبعا الناس اللى بتقول لان تسامح ولان تغفر
الناس دى الافضل ليها تروح تشتغل ملائكة مدام مبيغلطوش ومنزهين من كل خطا
__________________________________________________ _______________________

اكتر شىء اتعلمته هنا فى الثانوية انه موقع جاحد مبيتعرفش بفضل
بيفضل ياخد ياخد وعمره ما بيديك غير الوهم وطبعا شوية ضغط خفاف
يعنى مهما اديت او غيرك اده للموقع مع اول غلطة او سوء نية بتطير وكل اللى عملته اكنه لم يكن
__________________________________________________ _______________________

طبعا مش هتكلم واقول ان اغلبية المواقع التعليمية نزلت الوحدة الاولى والتانية والغرف ابتدت الشغل
واحنا بنقول هنا قريبا sooooooooooooon وزى ما اتكلمت مع الاستاذ محمود سرحان ان هنا الكل بيقول
وانا مالى انا مدى الشخص الفلانى الصلاحيات ومستنى النتيجة مليش دعوة بقى انا مدى فرصة
تيجى تكلم ادارى يقولك ما احنا كده حلوين ايه لزمة القسم التعليمى بالمناسبة نفس الكلام اتقال من سنة
بالنسبة للاقسام العامة من مدرس قال برضه ايه لزمة الاقسام العامة ما كفاية التعليمى
__________________________________________________ ________________________

اانا قولت قبل كده ان الكل هنا شغال للمصلحة العامة او الكل بيعمل الصح بطرقته
ممكن الطرق تتعارض والاساليب تختلف من شخص لاخر
بس فى النهاية الهدف واحد وهو المصلحة العامة
انا زورت الاستاذ عصام اكتر من مرة فى بيته وشفت هو بيعمل ايه فى المنتدى
وشوفت الشغل اللى بيعمله وشوفت اول ما بيفتح الاميل كم الطلبات من مدرسيين ومشرفين واعضاء واداريين
__________________________________________________ _________________

انا مقتنع ان مفيش البديل او الكفاءه اللى ممكن تنظم المنتدى بالشكل المظبوط
والسنة اللى فاتت كانت سلبياتها كتير لكن الايجابيات كانت اكتر وتعتبر من انجح السنين للمنتدى
لان المنتدى كان فى ترتيب متقدم طول السنة مش يوم النتيجة فقط وترتيب وهمى
ياجماعة انا مش هستنى الراى اللى بيقول الكفاءة موجوده وادوها فرصه
اللى عايز يشتغل هيشتغل مش هيستنه حد يطلب منه مدام الكل شغال للمصلحة العامة ليه بقى
مستنين حد يدخل يقولنا اشتغله واعدله المايلة
والاساتذة الافاضل اعضاء مجلس الادارة من المشرفين الاداريين التعليميين فين شغل حضرتكم اصلا فى الاقسام التعليمية مشرف ادارى قسم تعليمى وبعدين فين الشغل
ليا عودة ان شاء الله واعتقد من كلامى انى موافق

ملحوظة
انا قولت قبل كده ان الادارة الحالية اقرب ما تكون من مجلس الشعب
فى اللى نايم وفى اللى تأيه فى ملكوت ربنا وفى اللى مش عارف حاجة فى حاجة
وفى اللى بيلمع نفسه قدام الناس هنا وفى برضه اللى بشتغل
وعلى فكرة الناس الموجوده فى الادارة اللى معترضة على صوت الحق البعض منها

معترض مش علشان صوت الحق بقى وحش وكخه الكل بيقول لنفسه ياريت صوت الحق ميرجعش
علشان اى نائب الادارة لو اتعيين مدير هيفضل مكان وهيكون فى مكان فاضى لنائب ادارة جديد لفرد من الاداريين
او ممكن ادارى مرة وحده يتعيين مدير انا مش بشكك فى حد ولا بقول كل الناس انا بقول البعض تفكيره وصله لكده
فائق احترامى للادارة المحترمة :)

أخى الكريم إسلام
ياريت حضرتك توصفلى اللى عمله صوت الحق فى بوابة الثانوية فى كلمة واحدة
ياريت بالظبط تسمعهانى زى ما سمعتهانى فى الموبايل
سيبك من الخطب و خليك فى المهم
هل رجل قام بما علمته أنت فى المحادثة الهاتفية ووصفته وصفاً صحيحاً يستحق العودة

مع خالص إحترامى لرأيك المعلن

علشان اى نائب الادارة لو اتعيين مدير هيفضل مكان وهيكون فى مكان فاضى لنائب ادارة جديد لفرد من الاداريين

جزاكم الله خيرا على الظن ده
وفعلا مفييش حد من الاداريين بيفكر التفكير ده
لاننا الحمد لله محد فينا بيشتغل رياء او لمنصب فحسب
لا احنا بنشتغل لله
واللى رافض فينا الاستاذ عصام رافضه لاسباب واحد اتنين تلاتة
مش علشان منصب يااخ اسلام
وقسم الاداريين يشهد
مش بمزاجنا نقول ده يتعين وده لا لاننا مش بنحبه
ولو هايتعين مدير اكييد مش هايبقى منا لازم يكون هدفه الاول والاخير تعليميى
واحنا عوام
ده مجرد محو شبه
وجزاكم الله خيرا

هل رجل قام بما علمته أنت فى المحادثة الهاتفية ووصفته وصفاً صحيحاً يستحق العودة

مع خالص إحترامى لرأيك المعلن

ما انا بقول لحضرتك يا استاذ محمود
لو محدش فينا هيسامح
علشان مبيغلطتش يبقى يروح يشتغل ملاك
وعلى فكرة انا مش بقول شعارات
انا بقول كلام واقعى واعتقد ان ده تقريبا نفس الكلام اللى قولته فى الموبيل
صوت الحق غلطان ايوه غلطان
وحضرتك برضه غلطان ومتعلمتش شىء من الغلط القديم
انك تسيب المنتدى كده من غير رقابة زمان ومن غير رقابة فى الماضى القريب
وحاليا برضه مشاغلك كتير وكان الله فى عون حضرتك وانت قولتلى عليها
بس متحملش شخص واحد الغلط كله
زى ما هو غلطان حضرتك غلطان ويمكن اكتر منه

جزاكم الله خيرا على الظن ده
وفعلا مفييش حد من الاداريين بيفكر التفكير ده
لاننا الحمد لله محد فينا بيشتغل رياء او لمنصب فحسب
لا احنا بنشتغل لله
واللى رافض فينا الاستاذ عصام رافضه لاسباب واحد اتنين تلاتة
مش علشان منصب يااخ اسلام
وقسم الاداريين يشهد
مش بمزاجنا نقول ده يتعين وده لا لاننا مش بنحبه
ولو هايتعين مدير اكييد مش هايبقى منا لازم يكون هدفه الاول والاخير تعليميى
واحنا عوام
ده مجرد محو شبه
وجزاكم الله خيرا



وعلى فكرة الناس الموجوده فى الادارة اللى معترضة على صوت الحق البعض منها

اقرى الرد تانى ياأية وبعدين انتى سبتى الكلام كله ومسكتى فى الرد ده ثم انا بقول البعض

ما انا بقول لحضرتك يا استاذ محمود
لو محدش فينا هيسامح
علشان مبيغلطتش يبقى يروح يشتغل ملاك
وعلى فكرة انا مش بقول شعارات
انا بقول كلام واقعى واعتقد ان ده تقريبا نفس الكلام اللى قولته فى الموبيل
صوت الحق غلطان ايوه غلطان
وحضرتك برضه غلطان ومتعلمتش شىء من الغلط القديم
انك تسيب المنتدى كده من غير رقابة زمان ومن غير رقابة فى الماضى القريب
وحاليا برضه مشاغلك كتير وكان الله فى عون حضرتك وانت قولتلى عليها
بس متحملش شخص واحد الغلط كله
زى ما هو غلطان حضرتك غلطان ويمكن اكتر منه


صديقى الحبيب
مش إتكلمنا فى الموضوع ده و قلتلك أسامح على أساس إيه و سعتك مكنش عندك كلام جديد ترد بيه
مش قلنا لازم يكون عندك كلام جديد و إنت بتتكلم عن رجوع حد
لازم يكون فيه أولاً إعتراف بالخطأ و إلتزام بعدم تكرار (نفس اللى حصل فى إجتماع بنها بالظبط و أ. سرور كاتب الموضوع كان حاضر )

يعنى كلاكيت عاشر مرة ........ لا جديد نفس الشئ بيحصل

منور أكتر يا صديقى

صديقى الحبيب
مش إتكلمنا فى الموضوع ده و قلتلك أسامح على أساس إيه و سعتك مكنش عندك كلام جديد ترد بيه
مش قلنا لازم يكون عندك كلام جديد و إنت بتتكلم عن رجوع حد
لازم يكون فيه أولاً إعتراف بالخطأ و إلتزام بعدم تكرار (نفس اللى حصل فى إجتماع بنها بالظبط و أ. سرور كاتب الموضوع كان حاضر )

يعنى كلاكيت عاشر مرة ........ لا جديد نفس الشئ بيحصل

منور أكتر يا صديقى

ده نورك واله

على فكرة انا متفق معاك ان الغلط غلط استاذ عصام
انا معرفش ايه اللى حصل فى بنها
بس اللى اعرفه ان حال المنتدى بيسواء مفيش تقدم ولا ثبات فى المستوى
على فكرة انا مش بدافع عن الاستاذ عصام علشان الاستاذ عصام
انا بدافع عن المنتدى لان هو ده اللى فى صالح المنتدى
حضرتك معندكش الكفاءه اللى تقدر تدير المنتدى بنفس الدقة والمرونة مفيش الشخص اللى تتوافر فيه صفة القيادة يا استاذ محمود الزعامة تولد ولا تصنع زى ما بيحصل وللاسف ومع احترامى للجميع مفيش شخص هنا فيه
المواصفات المطلوبة للقيادة على الاقل فى الوقت الحالى
على فكرة انا اقسم بالله العظيم
ان كلامى ده لحرصى على المنتدى مش اكتر
الاستاذ عصام على قد ما كان ليه سلبيات لكن ايجابيته كانت اكتر بكتير
واللى ميعترفش بده يبقى كفاية كده

[quote=admin;1552366]لقد قتل هذا الموضوع بحثاً يا أ.سرور
و الهدف الذى يدور الكل فى فلكه هو شخص واحد
صديقى .. أنت مخطئ أن تربط نجاح الموقع بشخص واحد

مرحبا بعودة أى شخص للمنتدى
لكن عودة صوت الحق لإدارة الموقع مرفوضة تماماً
ده من حقاك تقوله
باقى المشاركة لا اسمح لك بقولها مرة اخرى لا انت ولا غيرك
القرار ليس قراك انت
بل القرار فى يدى انا فقط لكى اوافق على الرجوع او الرفض
شكرا لمن عمل الموضوع ورجاء اى حد يأخذ رائى اولا قبل ان ارجع ام لا وممكن تسئل يورى اخ محمود هو عاوز يعطينى ادارة الاستاذ وانا ارفض نهائبا التعامل مع اى شيء يخص هايل جروب لاننى مش موظف عندهم
عيب عليك لما تقول لم احترم عهودى وانا اكبر منك بضعف عمركم
سلام
لن ارجع الى بوابة الثانوية العامة مهما حصل والى الابد انسو الموضوع لانه القرار قرارى انا فقط مهما حصل

وللاسف ومع احترامى للجميع مفيش شخص هنا فيه
المواصفات المطلوبة للقيادة على الاقل فى الوقت الحالى


وجهة نظر تحترم
و تقييمك لكفائتى فى قيادة المنتدى أيضاً وجهة نظر
و لعلمك لا أبحث عن زعامة ولا عن قيادة ولا عندى وقت متاح فى الفترة الحالية للأسف

تحياتى

لن ارجع الى بوابة الثانوية العامة مهما حصل والى الابد انسو الموضوع لاته القرار قرارى انا فقط مهما حصل



مشاركة متوقعة فى الوقت الصحيح
و بناء عليه يتم غلق الموضوع و أصبح موضوع عديم الجدوى

مشاركة متوقعة فى الوقت الصحيح
و بناء عليه يتم غلق الموضوع و أصبح موضوع عديم الجدوى
وحضرتك كنت منتظر رد تانى بعد الكلام اللى قولته ...

لم تسنح لى الفرصة لابداء رأييى الا بعد فوات الاوان
لكن انا اوافق على كل كلامك يا استاذ محمد سرور !

مع كامل احترامي للجميع وكامل التقدير للموضوع ومع موافقتي علي المضمون للموضوع
ولكني اري
ان الموضوع ليس له مكان الان في المنتدي لاني وانت تعلم استاذي محمد سرور اني قمت بعمل تقريبا موضوع يحمل نفس المعني في مجلس الادارة وتم الرد علية من بعض اعضاء المجلس الموقر ثم قلب تقريبا لشبة خناقة
وكان يتزعم الرفض
كلا من نائبي الادارة اللورد واحمد نجم
وعندما حاولات اقناع صوت الحق بالرجوع قال لي بالحرف الواحد اني الوحيد صاحب الحق في ان اقرر العودة للمكان من عدمه وانا تقريبا اسقط فترة الثانوية العامة من حياتي من حيث المشاركات والتواجد ولكني لم اسقط من حياتي ولن استطيع ان اسقط من حياتي علاقات الصداقة التي ربطتني بمعظم مدرسي المنتدي وبعض الاعضاء في المنتدي لن اسقط من حياتي اولادي في المنتدي
ولكني اسقطت من حياتي جميع العلاقات التي صادفتني في المنتدي والتي كانت تقوم علي المصلحة الشخصية من حيث التقرب لي حتي يحصلوا اصحابها علي لون مدرس او مشرف او اداري او خلافة
ولذا
اري
وهذا راي
صوت الحق
ان المكان لم يعد من اهتماماتي في الوقت الحالي وعن خدمه اولادي او مواصله العلاقات مع من يحمل صفة رجل محترم في المنتدي فمن يريدني يعرف طريقي كويس ويعرف اين اتواجد في الفترة الحالية
مع خالص الحب والتقدير لكل اولادي اللذين تكن لي كل حب واحترام
و مع خالص الحب والتقدير لكل مدرسي المنتدي اللذين يخدموا الطلاب في اي مكان علي النت
وربنا يوفق الكل الي ما يحبة ويرضاة

وللعلم انا عملت هذا الموضوع في مجلس الادارة بعد ما تم تكليفي في المجلس
بالمتابعة الكاملة للاقسام التعليمية علي ان اكون المسئول الاول عن القسم في الفترة الحالية والقادمة بعون الله
ولعلمي لدور صوت الحق في هذا المنتدي تم عمل هذا الموضوع ولكن بعد بعض الردور في المجلس ورد صوت الحق نفسة

علمت ان المنتدي سوف يمر بمرحلة الله اعلم بتوابعها
والله الموفق