يا جماعه هو انا حاليا تحويلى تم من هندسه القاهرة لعين شمس بس لسه مقدمتش واحساسى يالتوهاااااااااان واى لسه مقدمتش ده تاعبنى جدا خصوصا انى روحت وقالولى استنى لنص تسعه وانا خلاص تعبت
محدش يعرف هو انا لسه ليا مكان فى القاهرة ولا لأ يعنى هينفع اقدم فى القاهرة ولا...( هو اكيد لأ ) بس حد يدينى امل ويقولى ينفع ونقدم هناك وخلاص بدل الحيرة دى وكانى لسه مستنيه نتيجه التنسيق اصلا يا ريت تردوا عليا ولو حد عارف ميعاد وصول وراق المحولين للكليات امتى يا ريت يقول.............؟

انا زيك تمام ورحت برده اقدم وقالولي ان التحويلات لسه ما وصلتش الكليه بس بيقول الاسبوع اللجي والله اعلم ده كلام و لا ايه يا ريت لو عرفتي اي حاجة عن ميعاد التقديم تبلغيني

يا ريت يا ميدو والله ادينا مستنين ده انا خلاص بفكر اشوف حوار انى ارجع فى التحويل ده اتخنقنا بجد

طيب انتم قلقانين من ايه ومستعجلين ليه ما الحمد لله انكم حولتم ومكانكم محفوظ ان شاء الله ياعم ان شا الله تروح تقدم قبل الكلية بيوم استمتع باجازتك وعيش رمضانك وخليها على الله وما تحرقش دمك مش كفاية النتيجة والتنسيق والتحويل كمان هتزعل على التقديم

والله انت عندك حق بس الموضوع ده شغال البال جامد والسفر للكليه بهدله واحنا في صيام والواحد عاوز يريح دماغه والحمد لله انو اتقبل بس انا مش عارف هما بياخرور كل حاجة ليه كده ده لو جانو بيجيبوها بالحمام الزاجل كانت وصلت الكليه وادينا مستنين وخلاص

انا قدمت في تجاره النهارده وكنت محول من حلوان لعين شمس

الكشوفات وصلت في جامعه عين شمس والتقديم بدأ انا قدمت الحمد لله وبالتوفيق للجميع