|
مشاهدة النسخة كاملة : انا عايز الصراحة azeemovitch 01-09-2009, 03:26 PM اولا انا رايح السنة دى اعدادى صيدلة اسيوط وعايز اعرف هى المذاكرة فى صيدلة شديده ولا بنذاكر آخر شهر ياريت تفودينى انا عايز اطمن د. رغد 01-09-2009, 03:39 PM السلام عليكم انا ان شاء الله داخله اعدادي برده بس زميلتنا الدكتورة سارة هنا علي المنتدي ووضحت انها مش صعبة بس محتاجة مجهود و مذاكرة و مينفعش فيها المذاكرة اخر شهر بعد المحاضرة لما تروح ان شاء الله تبيضها و تقراها و مش مهم مذاكرة جامده يعني بس المذاكرة اول بأول azeemovitch 01-09-2009, 03:46 PM السلام عليكم انا ان شاء الله داخله اعدادي برده بس زميلتنا الدكتورة سارة هنا علي المنتدي ووضحت انها مش صعبة بس محتاجة مجهود و مذاكرة و مينفعش فيها المذاكرة اخر شهر بعد المحاضرة لما تروح ان شاء الله تبيضها و تقراها و مش مهم مذاكرة جامده يعني بس المذاكرة اول بأول شكراا على الرد الشفق الباكي 01-09-2009, 03:51 PM بجد اعدادى صيدله من احلى السنين اللى عدت عليا فى حياتى انا بجد مكنتش بذاكر كتير ولا اى حاجه بس لازم يبقى عندك خلفيه عن المواد قبل الشهر الاخير علشان بس ماتبقاش داخل على حاجه اول مره تقراها كمان اللغه مختلفه ولازم اول ترم شويه تتعب نفسك فى الترجمه شويه دا لو مكنتش مدارس لغات د. رغد 01-09-2009, 03:57 PM جزاكي الله خيرا يا دوك الشفق الباكي فينك من زمان عشان تنورينا بوجودك azeemovitch 01-09-2009, 04:15 PM بجد اعدادى صيدله من احلى السنين اللى عدت عليا فى حياتى انا بجد مكنتش بذاكر كتير ولا اى حاجه بس لازم يبقى عندك خلفيه عن المواد قبل الشهر الاخير علشان بس ماتبقاش داخل على حاجه اول مره تقراها كمان اللغه مختلفه ولازم اول ترم شويه تتعب نفسك فى الترجمه شويه دا لو مكنتش مدارس لغات شكرا يا الشفق الباكى على الرد وكده انا استريحت pharma girl 01-09-2009, 05:05 PM اولا انا رايح السنة دى اعدادى صيدلة اسيوط وعايز اعرف هى المذاكرة فى صيدلة شديده ولا بنذاكر آخر شهر ياريت تفودينى انا عايز اطمن اولا الف مبروووووووك على دخولك كلية الصيدلة تانى حاجة لازم تحب كلية الصيدلة لانها فعلا كلية جميلة و نصيحة بجد بلاش انك تسيب المذاكرة لاخر شهر و الكلام ده لان والله الواحد كان بيحس بضغط عصبى شديد ده غير ان صيدلة اسيوط متهيألى نظام حديث يعنى هتدرس فيها مواد من اللى احنا بندرسها فى اولى صيدلة يعنى معنى كلامى ان فيه مواد انت هتدرسها من صيدلة مش علوم عشان كدة لازم تهتم بالدراسة و تذاكر كويس عشان تحب الكلية المهم انا لقيت طالب بيتكلم عن مواد اعدادى صيدلة اسيوط حبيت انقلها لحضرتك و ان شاء الله تفيدك و كل ما الاقى معلومات اكتر هنقلها ان شاء الله هحط لك الكلام فى المشاركة اللى جاية على طول pharma girl 01-09-2009, 05:06 PM بسم الله الرحمن الرحيم أولا أحب أهنئكم بحصولكم على المجموع العالى ودخولكم كلية الصيدلة وأيضا بحلول شهر رمضان الكريم. أنا هاقولكم مواد إعدادى صيدلة جامعة أسيوط الترم الأول 5 مواد ( نبات - حيوان - كيمياء فيزيائية وغير عضوية - رياضة - لغة) المواد الأساسية هم التلاتة الأولانيين النبات يشمل 5 فروع 1- الفسيولوجى وده بيتكلم على الأنزيمات ودورة كريبس والجهاز التنفسى (كلام أخدناه فى ثانوى بس على توسع) الدكتور بينزله مذكره 2- المورفولوجى وده فرع سهل خالص بيتكلم معلومات بدائية عن الساق والأوراق والجذور. 3-الأناتومى فرع لذيذ وعايز حضور محاضرات 4- التاكسونومى فرع غلس بس الدكتور بينزل مذكرة أسئلة مهمه بيجى منها الأمتحان 5- الفطريات الحيوان ودى مادة الأمتياز فيها سهل خالص فرعين بس Taxonomy -------- Cytology علم الخلية علم التصنيف الكيمياء 3 فروع فرع غير عضوى للدكتور عارف سهل خالص وكلام اخدناه فى ثانوى فى الفيزياء الفرع التانى للدكتور ربيع اثباتات قوانين الحركة عايز مذاكرة كويس الفرع الثالث الكيمياء الفيزيائية وده عايز حضور محاضرات علشا تقدر تفهمه. الرياضه مادة إضافية الغلس فيها فرع التكامل اللغة سهلة جدا مذاكرة ليلة امتحان بس الترم التانى 5 مواد اسهل من الترم الأول بكتير الكيمياء العضوية تعتبر أاجمل ماده علشان بتعتمد على الفهمبس عايزة مذاكرة وحل بأستمرار الفيزياء فرعين الأمتحان بيجى صح وغلط والماده سهلة التشريح والهستولوجى فرعين من كلية الطب وعايزين حفظ رسومات كويس تاريخ الصيدلة أول مادة تدرسها من الكلية نفسها وهى حلوة فى مذاكرتها علم النفس ماده سهلة وإضافية . تقبلوا تحياتى وبالتوفيق للجميع ان شاء الله . pharma girl 01-09-2009, 05:44 PM و ده كمان تعريف باالمواد الترم الأول 5مواد 3أساسية و2 أضافية المواد الأساسية هى ا-النبات العام وينقسم الى 5 أفرع الفرع الأول الفسيولوجى وهو سهل كان موزع على دكتورين علشان ظروف سفرهم مش عارف هيفضل الوضع كده ولا ايه الدكتورين شرحهم كويس خالص بس الأمتحان جه طويل وفى شوية ذكاء الفرع الثانى المورفولجى للدكتور قطب عامر وهو أطيب عضو هيئة تدريس ومنهجه فقط 24 ورقة وامتحانه سهل جدا من المذكرة الفرع الثالث تشريح (أناتومى) للدكتور علاء النجدى وهو فرع طويل خالص بس لذيذ وامتحانه طويل جدا الفرع الرابع طحالب وفطريات للدكتور أحمد محرم والله مفكرتش أذاكر الفرع ده قبل كده لصعوبته بس الدكتور كان مراعى كده والأمتحان كله كان اختيارى (أعمال سنة+أخر العام) من 5 ورقات نزلهم الدكتور فى الكافتريا الفرع الخامس وهو التصنيف (تاكسونومى) للدكتور مؤمن زارع فرع أسمائه كتيرة بس الدكتور بيحدد الأمتحان من مذكرات بينزلها يعنى من الأخر الماده دى اللى بيتذاكر من الكتاب فرعى الفسيولوجى والاناتومى مجمو المادة 250 موزعة على الخمس أفرع بالتساوى (5أعمال سنة+15عملى +30نظرى ) pharma girl 01-09-2009, 05:45 PM الماة الأساسية التانية علم الحيوان وهى فرعين 1-التصنيف للدكتور ناصر الشيمى دكتور زى العسل شرحه حلو جدا وامتحانه (اختيارى +صح وخطأ+ رسومات ) 2- علم الخلية (السيتولوجى) للدكتور جمال السكرى تعتبر واخدينها قبل كده بتتكلم عن مكونات الخلية والأمتحان عبارة عن ( اختيارى +رسومات) وامتحاناتة متكررة مجموع المادة 150 المادة الأساسية التالتة الكيمياء غير العضوية وهى تلات أفرع الفرع الأول الغير عضوية للدكتور عارف شرحة حلو بس منهجة طويل وامتحانه سهل الفرع الثانى الكهربية للكتور جمال عبد الوهاب فرع كويس وامتحاناته فيها ذكاء الفرع الثالث الفيزيائى للدكتور ربيع دكتور غلبان بس المادة محتاجة مذاكرة كتير و المادة من 250 المواد الأضافية 1-رياضة تلات أفرع ( غلسة شوية) جبر +احصاء+تفاضل وتكامل من 50 درجة 2-لغة انجليزية من 50 درج pharma girl 01-09-2009, 05:47 PM الترم التانى 6 مواد 4 أساسية + 2 اضافية الأساسية 1- الكيمياء العضوية للدكتور ماهر الزهرى (لا تعليق) من 150درجة 2-الفيزياء فرعين الأمتحان كله صح وخطأ ماعدا سؤال مسائل من 250 درجة والدكاترة كويسين 3-تاريخ الصيدلة أول مادة هتدرسيها من كلية الصيدلة للدكتور أحمد والدكتورة منى الأمتحان السنة اللى فاتت كان صعب علشان عملنا موقف غلس مع الدكتور أحمد من150 درجة 4-التشريح والهستولوجى هتدرسها من كلية الطب ودكاترتها بيختلفوا كل محاضرة بس مادة لذيذة جدا من 200 درجة المواد الأضافية الحاسب الألى من 50 علم النفس من 50 pharma girl 01-09-2009, 05:50 PM انا عرفة انى طولت اوى بس المهم اكون افدتك ان شاء الله Dr.KaJoo 03-09-2009, 04:39 PM بص من الاخر اهم حاجه انك تدخل المتحان و انت مذاكر الماده مرتين على الاقل و قبل الشهر بتاع الامتحا يكون عندك فكره عن المنهج و اللى فيه mahmoud ahmed2 04-09-2009, 08:21 AM الرد ده عن سؤال ناس اتخرجوا وما شاء الله بتقدير جامد وناس قريبين جدا منى وكانوا كمان صيدله طنطا اللى هيا نظام قديم وفيها اكلينيكال اجبارى وصعبه كانوا بيذاكروا بس اخر شهر ويمكن اخر اسبوعين وكانوا بيجيبوا جيد جد وجيد مرتفع بدون كرسات بس كانوا بيصوروا ورق الكرسات ونصحونى زى ما بنصحك المذاكره خلا ال العام ممكن تقتصر على المتابعه بالقراءه ممكن بس وتشد جامد فى الاخر ان شاء الله يجى الامتياز والله اعلى واعلم |