الي الادمن [الأرشيف] - بوابة الثانوية العامة المصرية

ymymym

01-09-2009, 04:32 PM

لو سمحت يا ادمن
دلوقتي كلنا بلا استثناء تقريبا عاوزين مصلحه المنتدي مش اكتر
دلوقتي فهموني ايه فايده ان مافيش مناهج نزلت والدراسه فاضل عليها بالظبط 25 يوم يعن ياقل من شهر
احنا دلوقتي كان اقتراحنا نرجع المنتدي زي زمان والحق يتقال
يا ادمن ان المنتدي مش هيبقي زي زمان ابدا بالمنظر اللي حضرتك عاوزه

حضرتك ادخل شوف كده الاقسام التعليميه
مجرد نظرات لا اكتر ولا اقل
وحضرتك رد علينا هتعمل في المنتدي ايه بالظبط
رد علينا لو سمحت
حضرتك قلت لاستاذ محمد

صديقى واضح أننا ندور فى نفس الدائرة
فلتنتظر رأى الأعضاء مع كامل إحترامى أغلب المصوتين لم يعرفوا ما حدث و لكنهم لديهم رغبة فى الإصلاح و لكونك تعرض الموضوع بهذا الشكل فلن تجد واحد يقول لا ... ذلك لأنك تضع حلاً واحداً ليس له ثان
تقبل إحترامى

طيب هقول حاجتين
دلوقتي حضرتك بتقول حطينا حل واحد
طب قولنا علي الحل التاني لو ينفع هنعمله مينفعش خلاص يبقي حضرتك ترضي بالامر الواقع لان مافيش حل تاني مع الاسف ولو فيه حل تاني حضرتك قوله واحنا بنسمع ومنتظرين الاجابه
غير كده
اللي حدث او اللي حصل يعني
ده انتهي ليه بنقعد نرجع ندور في القديم يعني
خلاص اللي حصل حصل وربنا ككتب كده
خلاص انتهت الصفحه القديمه دي ونبتدي صفحه جديده مش عشان حاجه عشان بس مصلحه المنتدي مصلحه الطلبه اللي بيبقوا داخلين وفاكرين انهم ياعيني هيتجاوب علي اسئلتهم وانهم هيكتسبوا الدراسه من هنا
في حين ان مافيش اي حاجه ف يالمنتدي ديدخلوا عشانها ده معني كده اننا بندخلهم بس عشان يقعدوا يتساهروا معانا شويه ندخل نجاوب علي اسئله الذكاء ندخل نبارك لدي ولدي ونعزي في دي ودي ونتعرف علي ده ودي
ده اللي بيحصل دلوقتي
الصراحه الاداره مينفعش ابدا ابدا انه يمسكها طلبه
محدش يقعد ياخد الكلمه دي اقتباس انا فعلا قصدي فين الناس الكبار دلوقتي اي حد مننا لو اديتله يتحمل مسؤوليه بيت مش هيقدروا وانا بقولهالك يا ادمن مش هيقدروا ده المنتدي يعني عامل زي بيت مينفعش ابدا شباب من سن 19 20 سنه يمسكوه الاشراف بتاعه من غير مراقب عليهم
انا بتكلم بصراحه انا اتعرضت عليا فكره اني امسك اشراف قسم معين ورفضت مش عشان حاجه لأ عشان مهما حصل مش هبقي بنفس كفاءه النا سالكبار او بمعني اصح لازم يكون في كبير هنا في المنتدي يبقي مراقب عليا فينك يا ادمن فين المدرسين اللي هيشتغلوا
دلوقتي بيقولوا واهو كلام الصراحه فيه اداريين في القسم التعليمي فينهم
فين المدرسين اصلا ازاي يبقي اسمه منتدي تعليمي انا كل اللي بلاقيه شغال القسم العام ومواضيع تافهه
القسم بتاع اهدائات والمسابقات وما اكترها بقي ادخل قولنا اسمك كده ليه ادخل قولنا عندك كام سنه كلام الصراحه هبل
ده اللي تلاقيه شغال
يقي حضرتك خلاص تقدر تغير اسم المنتدي ولا اسم التعليمي ده وخلاص بدل مااحنا قاعدين نتكلم ومافيش جديد بيحصل
معلش يا ادمن انا اللي بقوله ده اللي بيحصل فعلا
واحنا قصدنا في الاول والاخر مصلحه المنتدي لا اكتر ولا اقل
وتحياتي ليك
في رعايه الله

ymymym

01-09-2009, 05:03 PM

احم هو كلامي مش عاجبكم ولا ايه ؟
اه صحي نسيت اقول حاجه محدش يحذف الموضوع علي الاقل الموضوع ده يفضل لغايه ما نلاقي حل للاقسام التعليميه
ياريت

ymymym

01-09-2009, 05:46 PM

هههههههههههههههههههههههههههههههههههههههههههههههههه هههههههههه
ايه كميه الردود الفظيعه دي
انتوا مش عاوزين تتغيروا ولا تغيروا المنتدي يعني ولا ايه ؟

Amethyst

01-09-2009, 05:47 PM

:blush:
_________________

ymymym

01-09-2009, 05:50 PM

ده 5 اريال يا بنتي
عشان خاطرك صغرتهولك يلا اي خدمه يا باشا انت تامر واحنا ننفذ:d

..Just Stop

01-09-2009, 05:51 PM

احم هو كلامي مش عاجبكم ولا ايه ؟

حضرتك كاتبة عنوان الموضوع
الى الادمن
طبيعى جدا بعد الجملة دى متلاقيش رد من حد غير الادمن

بعد اذنك هقتبس حاجة بس

الصراحه الاداره مينفعش ابدا ابدا انه يمسكها طلبه

مينفعش ابدا شباب من سن 19 20 سنه يمسكوه الاشراف بتاعه

اى نادى فى العالم بيعتمد على الناشئين على فكرة
طب حضرتك تقترحى مين فى الادارة من اللى موجودين
ومتقوليلش هنعمل شغل احتراف ( يعنى هنجيب ادارة من منتديات تانية )
دا اللى حبيت انوه عليه
انما الموضوع الاصلى
الادمن يقدر يرد عليكى
لانك موجهة الموضوع ليه
:)
دمتم فى رعاية الله

ymymym

01-09-2009, 05:57 PM

اها
انا مقلتش حاجه يا محمودد الي الادمن فعلا
بس الادمن القرار الاخير لكن لما كل واحد يدخل يكتب هو عاوز ايه
لما كلنا نتكلم ونقول فعلا حال المنتدي ازاي علي ما اظن الادمن هيقتنع شويه هيقدر شويه حالنا
لكن ده مش حال منتدي غير كده الكلام بقولكم برضه تتصرفوا فخمتوا ولا نو فخمتوا؟
اما حكايه بقي الماشئين والكلام ده
هسالك سؤال : انت شايف ان الاداره كويسه
هجاوبك انا دلوقتي وجاوب بعديا لو عاوز
الحقيقه يعني ان الاداره مش زي زمان
اه الصراحه فعلا جايز يكون فيه اتنين ولا تلاته بس اللي كويسين لكن الباقي نو خالص غير كده المفروض يبقي فيه مراقب كبير عليكم
مش معني كده اني بحبطكم لا سمح الله لأ انا بس بقولكم الحال الواقعيه الموجوده حاليا في المنتدي والتي يواجهها اعضاء المنتدي ان مافيش حد الصراحه من الطلبه هيبقي قدر المسؤوليه
والدليل المنتدي اهو مبيعملش حاجه خالص
تقدر تقولي بقي دليل علي انكم بتشتغلوا يا محمود غير في حذف المخالفات ونقل المواضيع وبس

جابو
ثم انت سايب الموضوع كله اليل انا كاتباه وجي علي دي يعني
ما ترد علي الموضوع كله ولا الحقيقه مبتعجبش يا محمود الكلام مش موجه ليك انت بس لأ موجه للكل للاداره والاعضاء كذلك
المفروض يبطلوا الاسلوب ده
يبطلوا السلبيه اليل ههما فيها
يتكلموا يقولوا باعلي صوتهم مش عاجبنا حال المنتدي انا مش بقلب علي المنتدي لكن انا بقولكم اليل فيه
اللهم بلغت اللهم فاشهد
سلام

General

01-09-2009, 06:10 PM

السلام عليكم

انا هتكلم فى موضوع الأدارة لأن الأدارة هى الأساس

بصراحة انا مش عارف مين الأدارة
مين المدير
انا اه بقالى كتير مش بدخل المنتدى
بس فى

عرض مجموعات الإدارة (http://www.thanwya.com/vb/showgroups.php)

زمان كنت تفتحها تعرف الأدارة
بشكل منظم

انا دلوقتى مش عارف مين مدير المنتدى
او مين الأدارة

وفى الموضوع ده
http://www.thanwya.com/vb/showthread.php?t=150456 (http://www.thanwya.com/vb/showthread.php?t=150456)

حضرتك قولت انتظر الدعم الفنى

هو مين الدعم الفنى ؟؟؟

ينفع يكون الشعب مش عارف مين رئس الجمهورية والوزراء
مين الحكومة
مين المسؤل
؟؟؟؟؟؟؟؟؟؟؟؟؟؟؟

(اين صوت الحق )
فينك يا أستاذ عصام ؟؟

..Just Stop

01-09-2009, 06:11 PM

هسالك سؤال : انت شايف ان الاداره كويسه

الى حد ما وادينا بنحاول نغير

الحقيقه يعني ان الاداره مش زي زمان

زمان دا اللى هو امتا؟

تقدر تقولي بقي دليل علي انكم بتشتغلوا يا محمود غير في حذف المخالفات ونقل المواضيع وبس

طب ايه دليل انى بنقل وبحذف اصلا
طب منا ممكن انقل واحذف ومقولش تم التعامل وميبنش زى ما فى اداريين بتعمل كدا
طب ايه دليلك اننا مش بنعمل حاجة غير نقل وحذف
دخلتى حجرة المشرفين؟
دخلتى حجرة الاداريين؟
دخلتى مجلس الادارة ؟
دخلتى على صندوق الوارد بتاعى وشوفتى كم الرسايل اللى بتتمسح وكلها من الاعضاء بردو
اكيد لا
يبقا متحكميش حكم عشوائى

مفيش حد الصراحه من الطلبه هيبقي قدر المسؤوليه

ازاى طب من يوم ما الموقع اتعمل واللى ماسكه طلبة ايه اللى جد يعنى ؟

المفروض يبقي فيه مراقب كبير عليكم

ومين قال ان مفيش مراقب كبير
اللورد مش صغير وكذلك نجم المشاعر ونجم المشاعر مديرنا وكبيرنا وتاج راسنا من فوق

جابو
ثم انت سايب الموضوع كله اليل انا كاتباه وجي علي دي يعني
ما ترد علي الموضوع كله ولا الحقيقه مبتعجبش يا محمود الكلام مش موجه ليك انت بس لأ موجه للكل للاداره والاعضاء كذلك
المفروض يبطلوا الاسلوب ده
يبطلوا السلبيه اليل ههما فيها
يتكلموا يقولوا باعلي صوتهم مش عاجبنا حال المنتدي انا مش بقلب علي المنتدي لكن انا بقولكم اليل فيه
اللهم بلغت اللهم فاشهد
سلام

ايون تبقى تقولى الى اعضاء المنتدى وليس الادمن
حقيقة ايه اللى مبتعجبش
لا الحقيقة بتعجب
بس لما تكون الحقيقة موجهة ليا وليس للادمن
عموما لو كان ليا عمر ورديت فى الموضوع هيبقا بعد العشا
دمتم فى رعاية الله

..Just Stop

01-09-2009, 07:08 PM

السلام عليكم
وعليكم السلام ورحمة الله

انا هتكلم فى موضوع الأدارة لأن الأدارة هى الأساس

بصراحة انا مش عارف مين الأدارة
مين المدير
انا اه بقالى كتير مش بدخل المنتدى
بس فى

عرض مجموعات الإدارة (http://www.thanwya.com/vb/showgroups.php)

زمان كنت تفتحها تعرف الأدارة
بشكل منظم

انا دلوقتى مش عارف مين مدير المنتدى
او مين الأدارة

وفى الموضوع ده
المدير باللون ده ـــــ ونائب الادارة باللون ده ــــــ
والاداريين باللون ده ــــــ
زى ماهو واضح فى اللينك
والباقى مدرسين افاضل ومشرفين سوبر ومشرفين
http://www.thanwya.com/vb/showthread.php?t=150456 (http://www.thanwya.com/vb/showthread.php?t=150456)

حضرتك قولت انتظر الدعم الفنى

هو مين الدعم الفنى ؟؟؟
يسئل عنه الادمن لانه مش تخصصنا

ينفع يكون الشعب مش عارف مين رئس الجمهورية والوزراء
مين الحكومة
مين المسؤل
؟؟؟؟؟؟؟؟؟؟؟؟؟؟؟
لا الحكومة معروفة زى ما هو واضح فى الينك اللى حضرتك باعته
تدخل عليها فى اى وقت هتعرف مين الحلكومة

(اين صوت الحق )
فينك يا أستاذ عصام ؟؟

انا رديت على حضرتك
والدعم مش تخصصنا (للدقة مش تخصصى )
دمتم فى رعية الله

ymymym

01-09-2009, 07:11 PM

برضه منتوش راضيين تعترفوا بان المنتدي في حاله ضيااااااااااااااااااااااااااااااااااااااااااع
ومشتنيه رد الادمن وردكم انتوا هتعملوا ايه طيب؟

MoHaMeD ELsHeRbEnY

01-09-2009, 07:19 PM

محمود طة السادة الادارين العموم لو سمحتو محدش يرد تانى فى الموضوع دة

او اى موضوع خاص بالاقسام التعليمية

واضح جدا من حجرة صوت الاعضاء ان كل يوم بتعمل موضوع بخصوص مشكلة واحدة
وهيا الاقسام التعلمية ولو صبر القاتل على المقتول كان مات لواحدة ..

تم دمج الغرف الصوتية الجديدة وجارى تفعيل الروابط وستبدأ الدروس بأذن الله
على فكرة انا مليش اقول الكلام دة بس عشان وعدتك انى هتكلم نيابة عن الاعضاء بخصوص الاقسام التعلمية
والحمد لله اكلمنا كلنا وفية نتايج اجابية الحمد لله

اخت يميميم الى هنقدر نعملة فى الموضوع دة حاجتين

الحاجة الاولى انا الى هعملها

** هنسخ الموضوع فى حجرة مجلس الادارة لان الكلام موجة لحضراتهم

يبقى منعا لاثارة المشاكل والردود الخارجة ننقل الموضوع مكانة الصحيح

الحاجة التانية حضرتك الى هتعمليها

**منعا لاثارة المشاكل
عندك كل من تقدرى تبعتى لهم وتبلغيهم برأيك ورأى الاعضاء ووجهة نظرهم :
الاستاذ محمود طة القالع المدير التعليمى
الاستاذ محمود فتحى نائب المدير التعليمى
الاستاذ بدوى الدجوى نائب المدير التعليمى
الاستاذ ممدوح الانصارى نائب الادارة العام

لان من الواضح ان الاساتذة التعلمين مبينزلوش يتناقشو مع الاعضاء
والكلام كلة علينا احنا ( ادارة الاقسام العامة ) بس
وبعد كدة لو لم يتم الرد على حضراتكم واقناعكم من قبل السادة التعلمين
ممكن تعملى الموضوع دة

وفى كلتا الحالتين هنقفل الموضوع هنا

كدة اول نقطة الى هيا التعليمية

ــــــــــــــ

تانى نقطة الاقسام العامة فية موضوع لمحمود طة

فى قسم صوت الاعضاء بجميع شكاوى واقتراحات الاقسام العامة تقدرى تقولى طلباتك هناك

وسيتم الرد على حضراتكم بأذن الله

كدة تانى نقطة

ـــــــــــ

تالت نقطة وهوة رد جينرال

سيتم عرض ادارة المنتدى قريبا للجميع بأذن الله
لان الادارة الحالية شبة تحت التجربة او الاختبار

لان لسة التقسيم نازل بقالة كام يوم ومحدش لسة لحق يشتغل
ويثبت نفسة
:)

ـــــــــــ

اعتقد كدة الموضوع دة مغلق

** ياريت ميتعملش مواضيع خاصة بالاقسام التعلمية مرة تانية
الا بعد مراسلة السادة التعليمين

** ياريت ميتعملش مواضيع عن الاقسام العامة مرة تانية
الا بعد الرد فى موضوع محمود طة ومناقشتة فى كافة الطلبات

فى رعاية الله

MoHaMeD ELsHeRbEnY

01-09-2009, 07:42 PM

الاساتذة التعليمين

رجاء النظر نظرة جدية لهذا الموضوع

بما يخص الاقسام التعليمية

والنزول وسط الاعضاء وداخل قسم صوت الاعضاء

والرد عليهم فى الاستفسارات التعليمية

فى رعاية الله

ymymym

02-09-2009, 02:29 AM

احم طب ما تبتعلهم الموضوع في رساله
جايز يكونوا مش بيدخلوا اصلا

MoHaMeD ELsHeRbEnY

02-09-2009, 02:34 AM

احم طب ما تبتعلهم الموضوع في رساله
جايز يكونوا مش بيدخلوا اصلا

انا نسخت الموضوع فوق يا يميميم والله

زى ما قولت لحضرتك

ياريت تبعتى انتى ليهم المشاكل الى شايفاها فى التعليمى

فى رعاية الله

الجويرية

02-09-2009, 02:40 AM

مينفعش ابدا شباب من سن 19 20 سنه يمسكوه الاشراف بتاعه

انا الحمد لله انفع
لانى 18 سنة وبلا فخر
استمروا بارك الله فيكم

ymymym

02-09-2009, 02:51 AM

انا الحمد لله انفع
لانى 18 سنة وبلا فخر
استمروا بارك الله فيكم

ههههههههههههههه انتي هو انتي في حد زيك يا يويو ربنا يكملك 19 يارب

انا نسخت الموضوع فوق يا يميميم والله

زى ما قولت لحضرتك

ياريت تبعتى انتى ليهم المشاكل الى شايفاها فى التعليمى

فى رعاية الله

طويب يا لورد لو هقدر هبقي ابعت

MoHaMeD ELsHeRbEnY

02-09-2009, 03:01 AM

انا عندى شتين شنة :romarioxp6:

لو بتتحسب بالسن كانت خربت

نسيت احط القفل بس

فى رعاية الله

استاذ بدوى الدجوى

03-09-2009, 06:43 AM

اهلا يا ymymym
املى عينك انا ؟
فتحنالك الموضوع اتفضلى اتناقشى زى ما انتى عايزة وقولى كل اللى انتى عايزاه دون تحفظ وعلى مسئوليتى الشخصية
طبعا عجبنى الكلام اللى فوق ده يا ريت يبقى فى كام شخصية زيك كده احسن الملل والرتابة بقوا شعار المنتدى
" من عاشر القوم "
يالا يا ولاد ولعوها حريقة طلعوا كل اللى فى قلبكم

:: [ K A B B O W ] ::

03-09-2009, 07:34 AM

منور يا مستر بدوى
و بعد اذنك يا يميم انا هقول حاجه بس و طبعا الموضوع موضوعك و تكملى انتى وجهة نظرك
يا سمتر معتقدش ان ده منتدى الثانوية العامه انا هتكلم عن الجهة التعليميه فقط و سيبنا من باقى الاجزاء
اولا نشاط الغرفة الصوتية مش موجود على عكس ان فى مواقع تانيه ليها كل الاحترام بدأت من فترة طويله جدا و احنا شخصيا بدأنا مذاكرة مع العلم انى اصلا ازهر و لو حضرتك فاكرنى انا فايتر او عاطف و معنديش السنه دى شهاده بس بدأت المذاكرة و كل ده و الغرف كانها مش موجوده
ثانيا الاقسام التعليميه ( المفروض انها اساس المنتدى ) تكاد تكون اقل اقسام المنتدى نشاطا
طبعا فى حاجات تانيه بس دول اهم حاجتين
و شكرا ليك يا مستر
سلام عليكم

استاذ بدوى الدجوى

03-09-2009, 03:59 PM

منور يا مستر بدوى
و بعد اذنك يا يميم انا هقول حاجه بس و طبعا الموضوع موضوعك و تكملى انتى وجهة نظرك
يا مستر معتقدش ان ده منتدى الثانوية العامه انا هتكلم عن الجهة التعليميه فقط و سيبنا من باقى الاجزاء
اولا نشاط الغرفة الصوتية مش موجود على عكس ان فى مواقع تانيه ليها كل الاحترام بدأت من فترة طويله جدا و احنا شخصيا بدأنا مذاكرة مع العلم انى اصلا ازهر و لو حضرتك فاكرنى انا فايتر او عاطف و معنديش السنه دى شهاده بس بدأت المذاكرة و كل ده و الغرف كانها مش موجوده
ثانيا الاقسام التعليميه ( المفروض انها اساس المنتدى ) تكاد تكون اقل اقسام المنتدى نشاطا
طبعا فى حاجات تانيه بس دول اهم حاجتين
و شكرا ليك يا مستر
سلام عليكم

ازيك يا عاطف طبعا فاكرك
اولا بالنسبة للغرف الصوتية فهتكون بدايتها بعد العيد ان شاء الله وده موعدها مع دخول المدارس ده متفق عليه
ثانيا نشاط المدرسين لازم يقل بس ده بسبب ظروف كتيرة تعرض ليها الموقع بالاضافة ان فى ناس كتيرة عايزة تتغير ودم جديد يظهر وده عايز وقت طبعا ومتنساش ان احنا انشط مجلس ادارة على مستوى المنتديات يعنى مفيش حاجة هتتنفذ السنة دى خالص ودى طبيعة مجالس الادارة علاقة عكسية
صدقونى الحال هو الحال ومالوش اى حل غير الوقت والصبر وان شاء الله ربنا يقدرنا و نعمل اجتماع للتعليميين وبعدها هنعلن قرارنا للجميع ان شاء الله قول مثلا فى خلال اسبوع

استاذ بدوى الدجوى

03-09-2009, 11:30 PM

ymymym

04-09-2009, 12:28 AM

امال فين صاحب الموضوع دخلت وقدرته ورديت وهو مردش عليا
شكرا لكم

امممم انا بنت يا مستر بدوي

نورت موضوعي والله يامستر
مستر انا كانت كلباتي بسيطه جدا جدا
بس لما كنت بطلبها محدش كان بيرد عليا خالص غير اللورد ومحمود طه الاداري
انا حتي يمكن محمود طه كرهني بسبب اني كنت دايما بتكلم علي الموضوع ده وكنت بضع اللوم عليهم لانه الوحيد اليل كان بيرد عليا
معلش يا مستر معني كلامي ان مافيش ولا مشرف اداري تعليمي ولا القسم الاشرافي التعليمي بيرد بسرعه ده معناه انهم تقريبا مبيدخلوش خالص
يعني معناه من راي الشخصي يعني يتغير ومعلش لو بقول كده لو هما اكبر مني سنا بس الحق يتقال وانا دايما بحب اقولالصراحه في اي حال من الاحوال
ده اولا
ثانيا يا مستر وبرضه ده راي الشخصي يعني
انا الاقسام التعليميه مبتشتغلش خالص انا تقريبا يعني الاقسام دي المنهج بيبقي محطوط من قبل الدراسه ما تبتدي فين المناهج فين المواد اليل المفروض يدرسوها فين المدرسين اللي يشرحوا طيب
حضرتك ادخل اي قسم كده منهم وهتلاقي حكايات وسهاري وانا عملت كذه النهار ده ومعرفش ايه كلام غريب في الاقسام التعليميه فما بالكم بقي بالاقسام العامه تبقي عامله ازاي

اهو نخلص الجزئين دول الاول وبعد كده نبقي نقول الباقي
لان الباقي برضه كتير بس دول الاهم في نظري
ياريت حكايه الطقم الاشرافي التعليمي يتغير تماما وتبتدوا من اول وجديد
ثانيا ان المناهج الجديده تتحط ويبقي فعلا فيه دراسه لان تقريبا دراسه الثانويه العامه المفروضانها بتبتدي قبل الدراسه الفعليه بحوالي نص شهر او شهر كمان بس نفرض انها نص شهر
ده تقريبا يعني اللي بيحصل
غير كده يا مستر احنا كنا واخدين مرتبه عاليه انا معرفش كام بس كنا واخدينها لكن كده هياخد الاخير في نظري
في رعايه الله

..Just Stop

04-09-2009, 01:15 AM

شفتم فى اقل من اسبوع تم حل المشكلة
وتم حل مجلس الادارة علشان تعرفوا اننا مش ساكتين
لو عايزين كمان نحل هيئة التدريس شاوروا بس
هههههههههههه
ههههه والله يا مستر انت راجل زى العسل
ربنا يعينك ان شاء الله

الاستاذ محمد سرور

04-09-2009, 01:26 AM

شفتم فى اقل من اسبوع تم حل المشكلة
وتم حل مجلس الادارة علشان تعرفوا اننا مش ساكتين
لو عايزين كمان نحل هيئة التدريس شاوروا بس
امال فين صاحب الموضوع دخلت وقدرته ورديت وهو مردش عليا
شكرا لكم
((نظرا"ً لإجراء بعض التعديلات فى الهيكل الإدارى تم حل مجلس الإدارة و سيتم تشكيل مجلس إدارة جديد للعمل على خدمة الطلاب فى المرحلة القادمة))

انا اللى اعرفه اننا طلبنا حل المجلس علشان مدة المجلس انتهت لانه كان مجلس مؤقت ل 6 شهور ..وبعده يتم انتخاب مجلس ادارة جديد بالتصويت الحر ...وتكون لجنة محايدة للاشراف على الانتخابات
يعنى اعضاء مش عايزين يخوضوا تجربة دخول المجلس

الله يمسيك بالخير يا عبقرينو

ما يقدرش حنان الام ...الا اللى عاش مع مرات الاب :romarioxp6:

السادة المدرسين : هل لديك رغبة فى تغيير لقبك بالمنتدى إلى مدرس ؟؟ إضغط هنا (http://www.thanwya.com/vb/sendmessage.php)

السادة المدرسين : جارى تنفيذ دليل معلمى مصر إذا رغبت فى إدراج إسمك فى الدليل رجاء إرسال بيانات الإتصال بك و المحافظة و صورة شخصية واضحه إلى thanwya*hayl.com

حاجة ببلاش كدة :d

استاذ بدوى الدجوى

04-09-2009, 01:38 AM

بصى يا ريسة علشان تبقى واخدة بالك وده حقك
طبعا انا مكنتش اعرف انك بنت ومش عارف حضرتى لنا محاضرات فى الغرف ولا لآ
بس ممكن تسألى طلبة العام الماضى كنا بنقعد معاهم لغاية الساعة كام لحد الصبح تقريبا
احنا اول ناس على مستوى الجمهورية كلها نت وواقع شوفى اد ايه ننزل المنهج الجديد تفصيلا بكل كتبه وكمان نزلنا المنهج كاملا شرح وتمارين ودى محلصتش ولا ينفع تحصل فى اى مكان .... صح ؟ ده بالنسبة للغة الانجليزية
الاشراف الادارى الموجود ليس لديه خبرة بمحاسبة الناس فى كل المواد بمعنى ان ده تخصص يعنى انا مقدرش ادخل واعلق على اى موضوع فى الرياضة مثلا لانه الموجه هو اللى يعرف امتى المنهج ينزل وامتى لا وبعدين احنا كنا فى فترة اجازة فمن حق الناس اللى تعبوا يريحوا من القاعدة امام الكمبيوتر لاننا هنا لينا وقت للشغل

تعالى بقى بالنسبة للاشراف الادارى الموجود واقصد التعليمى هل انتى تعرفيهم ؟مش ممكن
دول اكفأ ناس عرفهم تاريخ النت وكلام احاسب عليه وعندما تم اختيارهم كان اختيار كل واحد فيهم له سبب فى قوة البوابة
اولهم الثنائى الخطير الاستاذ احمد يحيى والاستاذ احمد عمارة
انا هتكلم على الاتنين دول كمثال ...... مفيش حد فى نشاطهم بس لما احبطهم و لا انفذ مطالبهم ليهم حق يتضايقوا وميشتغلوش وانتى عارفة دى اساتذة كبار يعنى ميهمش غير الكلمة الحلوة والتقدير ده احنا اللى شغالين عندهم وكتر خيرهم
فين التقدير بقى ؟
استاذ احمد فاضل واستاذ محمود فتحى مشرفين ادارين واعضاء مجلس ادارة لهم من المواضيع المئات فى محاولة تعديل الاخطاء
بلاش انا لانى اقلهم مجهود يدخلوا يلاقوا المجلس اتحل هههههههههههههههه لاتعليق تماما
طبعا كلامنا ليس له علاقة بفنيات الادارة لان مفيش حد عنده ادنى صلاحية للتنظيم الا الادمن وهو حر
مش المفروض برده التعليمى يكون له ناسه ؟ التعليمى ليس له احد بمعنى ان مفيش حد فينا كلنا معه صلاحية تعيين مدرس مثلا مش هقول مشرف طب ننظم ازاى ؟
على العموم انا مع اى حد فى الرد على اسئلتكم وتوضيح الامور بس علشان تبقوا عارفين فين التقصير
صدقونى مش مننا ههههههههههه حد يقدر ينكر ان اقوى مرحلة فى البوابة كانت عصرنا بس كان فى فرق كان فى واحد يقدر يلمنا كلنا وهو اللى علمنا كل حاجة فجأة بسبب خلاف مهما كان نوعه اتشال من البوابة طبعا هو صوت الحق اللى اتعظنا من اللى حصل معاه انا بحاول متنرفزش وانا بتكلم على قدر استطاعتى بس علشان خاطرى بلاش تظلموا التعليميين فى الوضع الراهن
شكرا لكم ومعكم حتى نهاية رمضان فى تقبل اسئلتكم وزى ما قلت على مسئوليتى

ymymym

04-09-2009, 05:07 AM

مستر بدوي انا مش هتكلم
بس اللي عاوزه اقوله بمعني اصح انا ماليش دعوه باللي حصل زمان يا مستر اليل حصل زمان كانت البوابه بتشتغل وميه ميه وزي الفل
اوكيه يا مستر ماشي ماشي
خليك معايا كده يا مستر
دلوقتي هل السنه اليل فاتت كانت البوابه كانت عامله كده في الوقت ده
هقول لحضرتك ابدا
دلوقتي يا مستر حضرتك جاوبني
دلوقتي الطلبه داخلين عشان يتعلموا هيتعلموا ايه بالظبط دلوقتي
دلوقتي انا بقالي حوالي اكتر من اسبوعين قاعده بقول وبعمل في مواضيع ولا حد من الاساتذه رد عليا خالص في المواضيع بتاعتي بالعكس ده النائب العام هو اليل بيرد فين بقي التعليميين
حضرتك فهمت قصدي ايه بالظبط
مع احترامي لجميع مدرسي بوابه الثانويه العامه بس اليل اتعلمناه من واحنا صغيرين انا ماسكه شغل يبقي اكمله واتمه كله علي اكمل وجه ممكن
مش قادره خلاص اقول مش قادره مش قصدي حاجه خالص عشان حضرتك او اي مستر تاني يفهمني غلط بالعكس انا بقول ان المفروض او اليل تقدروا تعملوه يبقي في شغل
مافيش مناهج يا مستر الصراحه انا مش فاهمه المشاركه الاخيره بتاعه حضرتك حاجات منها يعني
بس انا ممكن زي ما جبت للورد اسماء الاقسام اليل مش عليها مشرفين والمشرفين اليل مدخلوش من فتره انا مستعده اجيب لحضرتك بكره اقول لحضرتك فين المنهج بتاع سنه كذه مش موجود خلاص يتحذف ايه لازمته لما يبقي قسم محطوط والمشرف اليل عليه مبيشتغلش وبيبقي مرس ومبيدخل شاصلا بس اسمه مشرف ومافيش منهج يتدرس ليهم انا هستفيد ايه غير اننا بنلاقي مواضيع يقعدوا يتساهروا فيها وانا اروح ابلغ والمشرفين العام يذفوا
ايه الفايده يعني
انا مش عارفه اتكلم غير كده الصراحه ده اللي كان شاغلني الفتره اللي فاتت الصراحه
بس انا ونا سكتير غيري احبطوا وزهقوا من اللي بنلاقيه بجد
مافيش حد بيشتغل معذره المعظم يعين مدرسين وطلبه من الاشراف مش بيشتغل عاوزين ترجعوا المنتدي ده تاني
لازم تبتدوا من اول وجديد
اشراف جديد من اوله لاخره للمدرسين ولغير المدرسين علي الاقسام التعليميه والعام كله بجد
المناهج المفروض يبقي فيه واحد مسؤول وناس تانيه ينزلوا المناهج الجديده دي فورا لان الدراسه 20 يوم وتبتدي وساعتها هتقولوا يميم قالت ( المنتدي بقي كوسه بالمنظر ده )
مستر متزعلش من كلامي انا بقو لالحقيقه وانا مش قصدي غير مصلحه المنتدي والطلبه دول بعتبرهم اخواتي عاوزاهم ينجحوا فيه ناس بينجحوا هنا عن طريق منتديات تعليميه زي دي والله فعلا بنحب ننزل اسئله من هنا بنستفيد
بنستفيد من شرح ناس اينعم انا معاصرتش الدراسه بس انا حسيت سمعت بكده وفعلا كنت بدخل بعضويه بتاعه صحبتي وبشوف وبنزل اسئله كده علي طول بس استفدت يا مستر
فمينفعش نضيع اللي فات
خلونا زي زمان
كلموا الادمن قولوه وفهموه
يا اما بلا منتدي بقي بلا وجع دماغ وخلاص
انامبقتش ادخل اصلا هنا غير عشان اطمن علي ناس وعشان احاول اصلح من اللي فات
في رعايه الله

استاذ بدوى الدجوى

04-09-2009, 05:02 PM

كلموا الادمن قولوه وفهموه
يا اما بلا منتدي بقي بلا وجع دماغ وخلاص

اه دى معاكى حق وانا مصمم انى اكلم الادمن على العام ونشوف مدى التقصير وتعطيل سرعة الانجاز بسبب مين
بس يا رب يتم ده ومفيش حاجة تحصل للتغطية عليه اصل فى فريق فى المنتدى قادر على التعتيم ومتسألنيش من هم لانى لو اعرفهم مكنتش هسكت عليهم

بقولك السنة دى من اول شهر 6/7/8 لسنة 2009 حدث فى هذا المنتدى فى اللغة الانجليزية مالم يحدث فى مكان اخر ولاول مرة يحدث فى تاريخ الانترنت والمفاجأة انه لن يحدث مرة اخرى وسوف اوضح ذلك عند لقائى مع الادمن على العام
تعيين المشرفين والمدرسين والكلام ده كله لم يكن من صلاحية اى حد غير الادمن هنتصرف ازاى بقى؟

ymymym

04-09-2009, 11:36 PM

تتصرفوا بانكم تكلموه
تقولوله
بسرعه حضرتك تعمل كذه وكذه لان مينفعش الطقم ده خالص دلوقتي غير كده حضرتك بتتكلم علي قسم واحد بس فين باقي الاقسام طيب
صح ولا غلط يا مستر
ربنا يعينكم

استاذ بدوى الدجوى

05-09-2009, 02:53 AM

تتصرفوا بانكم تكلموه
تقولوله
بسرعه حضرتك تعمل كذه وكذه لان مينفعش الطقم ده خالص دلوقتي غير كده حضرتك بتتكلم علي قسم واحد بس فين باقي الاقسام طيب
صح ولا غلط يا مستر
ربنا يعينكم

تمام ما هو الكلام بيموت بسرعة فى المنتدى ده
على العموم شكرا لكى بس حبيت اوضح لك ان مفيش تقصير اصلا من التعليميين

ymymym

05-09-2009, 03:19 AM

تمام ما هو الكلام بيموت بسرعة فى المنتدى ده
على العموم شكرا لكى بس حبيت اوضح لك ان مفيش تقصير اصلا من التعليميين

الصراحه يا مستر انا مش مقتنعه بان مافيش تقصير مع احترامي الكامل ليهم طبعا
بس فيه تقصير

نوسات

05-09-2009, 02:00 PM

أول كلامي سلام وشكراً ليكي يا ymymym على الموضوع الجامد ده

للأسف كنت أتمنى يكون أول كلامي هوولعوها حريقة :049gc0:
بس للأسف لقيت اني بحب المنتدى ويهمني انه يكون كويس وبصراحه باستغرب جدا إن يكون كلام الأساتذة الأفاضل بهذا الأسلوب:bosyht9:
يعني مثلا استاذ بدوي الدجوي أعتقد ان سيادتك معلم وكل معلم على المنتدى مسئول عن القسم التعليمي وياريت حضرتك معلم وبس لا ده حضرتك مشرف عام تعليمي يعني أول مسئول عن القسم التعليمي
واللي أسمع عنه ان الأدمن مش معلم أصلا يعني مسئولية التعليمي مسئولية حضراتكم يا مشرفي التعليمي
وفي سؤال ليك يا أستاذ بدوي
ايه الصلاحيات اللي مش في ايد حضرتك تمنعك عن الإهتمام بالقسم التعليمي اللي مكتوب تحت اسمك انك مسئول عنه؟
ووعندي سؤال تاني معلش استحملني ايه مصلحة حضرتك في ان المنتدى يولع حريقة مع حرص سيادتك والأساتذة الأفاضل على مـوووووت القسم التعليمي:stickjo4: وولعة المنتدى:av4056bb7jp3:؟

file:///C:/DOCUME%7E1/HSlave/LOCALS%7E1/Temp/moz-screenshot.pngالله يمسيك بالخير يا عبقرينو

ما يقدرش حنان الام ...الا اللى عاش مع مرات الاب :romarioxp6:

الله .....:angry2: مش هو ده الراجل اللي قعدتم تقولو ده وحش ومشوه لإما هانمشي احنا:028ja7:..........
سبحان الله بني أدم :confused: ............ يالا خلينا ساكتين ;)

للأسف كان نفسي أقتنع بكلامك يا أستاذ بدوي بس ربنا عطيني عقل أفكر بيه وأعرف أميز بين الكلام الصح والغلط.....:)

أوعو حد يزعل مني أعتقد ان في حرية رأي :d

ymymym

05-09-2009, 06:45 PM

اكيد ليكي حبيبتي بس سؤال رزل بس انتي كتبتي ازاي في صوت الاعضاء وهو خاص :d

MoHaMeD ELsHeRbEnY

05-09-2009, 06:52 PM

صوت الاعضاء مبقاش خاص يا اخت يميميم

بالنسبة للحوار الى حصل دة

انا مقرأتوش بس اكيد هتحلو الموضوع مع بعض

وربنا يوفقكم
:)
فى رعاية الله

ymymym

05-09-2009, 09:42 PM

مابقاش خاص
اومال ليه مش ظاهر عندي اي حاجه خالص
انا لقيت الاعلان بعد كده قلت تلاقيهم لسه هيعملوا كده
مش فاهمه حاجه

الاستاذ محمد سرور

06-09-2009, 12:36 AM

الله .....:angry2: مش هو ده الراجل اللي قعدتم تقولو ده وحش ومشوه لإما هانمشي احنا:028ja7:..........
سبحان الله بني أدم :confused: ............ يالا خلينا ساكتين ;)

مش عارف ليه حاسس انى شامم ريحة حد اعرفه :stickjo4:

موضوع اشرف انا لم اضع فيه كلمة واحدة ...فياريت نتاكد قبل ما ننتقد الاخريين

ymymym

06-09-2009, 02:00 AM

مش عارف ليه حاسس انى شامم ريحة حد اعرفه :stickjo4:

موضوع اشرف انا لم اضع فيه كلمة واحدة ...فياريت نتاكد قبل ما ننتقد الاخريين

معلش هي متعرفش ان حضرتك متكلمتش ساعتها
بس انا عاوزه اعرف يعني يا مستر بدوي هتعملواايه بالظبط ؟
برضه حضرتك مقلتش

استاذ بدوى الدجوى

10-09-2009, 06:52 PM

اسف لم اتابع الموضوع
معكم ان شاء الله ومتابع معكم

.:: Sama ::.

11-09-2009, 09:43 AM

بس ممكن تسألى طلبة العام الماضى كنا بنقعد معاهم لغاية الساعة كام لحد الصبح تقريبا

Three or Four in the morning
:)

استاذ بدوى الدجوى

13-09-2009, 06:13 AM

أول كلامي سلام وشكراً ليكي يا ymymym على الموضوع الجامد ده

بس للأسف لقيت اني بحب المنتدى ويهمني انه يكون كويس وبصراحه باستغرب جدا إن يكون كلام الأساتذة الأفاضل بهذا الأسلوب:bosyht9:

اولا خللى بالك من طريقة كلامك يعنى ايه كلام الاساتذة ماله ؟

يعني مثلا استاذ بدوي الدجوي أعتقد ان سيادتك معلم وكل معلم على المنتدى مسئول عن القسم التعليمي وياريت حضرتك معلم وبس لا ده حضرتك مشرف عام تعليمي يعني أول مسئول عن القسم التعليمي

انت فاهمة بتقولى ايه ؟
مش ممكن تكونى فاهمة ابدا

واللي أسمع عنه ان الأدمن مش معلم أصلا يعني مسئولية التعليمي مسئولية حضراتكم يا مشرفي التعليمي

طب هل تتخيلى ان الجملة دى حد هيشوفها او حتى يعملها اى اعتبار ... هو ده مربط الفرس
انتوا فاكرين اننا بندمر الموقع ؟ احنا لا نملك حق التخطيط حتى

وفي سؤال ليك يا أستاذ بدوي
ايه الصلاحيات اللي مش في ايد حضرتك تمنعك عن الإهتمام بالقسم التعليمي اللي مكتوب تحت اسمك انك مسئول عنه؟

اولا انا صلاحياتى زى اى صلاحية مشرف ادارى حذف ونقل وتعديل وايقاف اعضاء عاديين
يعنى مينفعش تقولى انى مسئول تعليمى عن تنظيم المنتدى وهذا ينطبق على كل الاشراف الادارى التعليمى
يعنى لا تغيير صفة مدرسين ولا حتى تعيين مشرفين
المفروض الاشراف الادارى التعليمى هو الاول فى تعيين المشرفين قبل موجه المادة كمان ليس لدينا اى صلاحيات لهذا وبلاش اكمل الادمن يبقى يكمل

ووعندي سؤال تاني معلش استحملني ايه مصلحة حضرتك في ان المنتدى يولع حريقة مع حرص سيادتك والأساتذة الأفاضل على مـوووووت القسم التعليمي:stickjo4: وولعة المنتدى:av4056bb7jp3:؟

شفتى بقى كمية الاستفزاز والجهل بالامور وصلت لحد فين ؟
مين فى كلامه قال المنتدى يولع ؟
ثانيا لما اقول المنتدى يولع اللى يعرفونى يعرفوا انى اقصد حرية فى الكلام مهما كان وعلى مسئوليتى
ان نفسى دلوقت اوقفك ايقاف دائم
لانك لا تتكلمى بموضوعية وليس لديك اى دليل عن اى معلومات انتى بتقوليها .......... بتتهمينى انا الاتهام ده ؟

الله .....:angry2: مش هو ده الراجل اللي قعدتم تقولو ده وحش ومشوه لإما هانمشي احنا:028ja7:..........
سبحان الله بني أدم :confused: ............ يالا خلينا ساكتين ;)

مين جاب السيرة دى اصلا ؟

للأسف كان نفسي أقتنع بكلامك يا أستاذ بدوي بس ربنا عطيني عقل أفكر بيه وأعرف أميز بين الكلام الصح والغلط.....:)

والله العظيم اشك فى هذا الكلام هههههههه متزعليش منى
الكلام كله عند الادمن وانا مرضاش اقوله لانى طلبت حوار بينى وبينه بعد الاهانة اللى اهانها لمجلس الادارة على العام والناس لانهم محترمين لم يأخذوا رد فعل ولم يرد بالموافقة وكنت حاسس ان الاعضاء فاهمين غلط واحساسى كان فى محله

أوعو حد يزعل مني أعتقد ان في حرية رأي :d

انا احترم حرية الرأى لو مبنية على اسس صحيحة و كلام مش غلط لكن انتى فاهمة كل حاجة غلط
يعنى مثلا بتقولى الادمن مش مدرس فالمهمة مهمتنا طب تعرفى انه هو مش عايزها تبقى مهمتنا نعمل احنا ايه ؟
نوقفه ؟ :d

يا ريت يا جماعة اللى يتكلم يكون فاهم بيقول ايه لو سمحتم
الكلام تقيل عليا وناسيين خالص بتكلموا مين