مشاهدة النسخة كاملة : بالله عليكم كل واحد يدخل وعلى الاقل يفدنى بربع معلومة
NO COMMENTAT 03-09-2009, 06:22 AM اولا انا طالب علمى رياضة ومجموعى 90.7 وطبعا ملحقتش حاسبات قدمت تجاره انجلش وانا جايب فى انجلش 47.5 وبرده ما قبلتش فى القاهره عشان المجموع الاعتبارى كان 420 وانا كنت 419.5 يعنى مش عارف اعمل ايه دلوقتى انا قدامى 3 كليات (علوم_رياضه او تجاره واخد قورصات وتبقى زى انجلش او اداب اعلام
يا ريت لو اى حد يعرف انى الافضل يقولى بجد يا جماعه انا محتاج معلوماتكم اخوكم فى الله محمد
@كيكو@ 03-09-2009, 07:22 AM انا من وجهة نظرى مافيش احسن من التجارة بس انجلش سيبك من القورصات دى ملهاش لازمة هتبقى اه زى التجارة الاتجليزى بس لو انت مقدم فى وظيفة وواحد معاه تجارة انجلش هيخدوه ويسيبوك
ps3vsxboxvswii 03-09-2009, 10:06 AM علوم ثم تجارة انجليش بس بيتهيئلي المفروض كنت تخش حاسبات يعني ولا هي مجموعة عالي ولا ايه
باسم باشا 03-09-2009, 10:22 AM شوف يا باشا انت ممكن تعمل كذا حاجة
1- انا معرفش في تجاره انجلش في الجامعات التانيه ولا لا بس حاول تحول
تحاره انجلش في جامعة تانيه وبعدين حولل للقاهره
2- حاول تشوف المعاهد العليا فيها حاجات كويسه
3- حاول عموما تكتر الخيارات قدامك
ومتحكمش نفسك بحاجات معينه
4- انت مجموعك حلو ممكن تخش علوم او اداب اقسام متميزه فيها بس لازم تجتهد وتجيب مجموع
شانك يو
بنت الزمان 03-09-2009, 05:12 PM بس انت عايز اية بالظبط لو عايز علوم ادخلها و توكل على اللة لو عاوز تجارة انجلش قدامك طريقين الاول تحول من
تجارة القاهرة و تروح تجارة انجلش جامعة تانية بس تعرف اية شروط الجامعة التانية وتحول ليها و الطريقة التانية ادخل تجارة عادية واللى بيجيب تقدير اول سنة لية الحق انة يحول تجارة انجلش وانا من راية ادخل علوم قسم حاسبات احسن من حاسبات و معلومات و ربنا يوفقك
fuoozz 03-09-2009, 05:20 PM علوم قسم حاسب قصدك مش حاسبات تختلف
دا اولا ثانيا علوم قسم حاسب احسن من حاسبات ومعلومات دا على اى اساس
اللى بيجى يقدم بياخدوا الاولويه حاسبات ومعلومات جامعه حكوميه حاسبات ومعلومات جامعه خاصه
وبعدهم علوم حاسب
بسام الاحمدى 03-09-2009, 05:30 PM بص يا كابتن انا رايى انك تدخل علوم رياضة
انا كمان علوم رياضة وبعدين علوم فيها اقسام كتيرة اوى ممكن تطلع مهندس بترول او كيميائى وحاجات تانية كتير
ومتسمعش كلام الناس اللى يتقول علوم صعبة ومش جايبة همها
علوم زيها زى اى كلية والله بس هى عايزة انك تاخد الموضوع جد بس
والاحسن من كل دا انك تتوضى وتصلى صلاة استخارة وربنا يهديك ان شاء الله
black love 03-09-2009, 07:01 PM اولا متجيش جنب اداب اعلام
لانك ولد واعتقد فرصه العمل هتبقي اقل
انا في تجاره زيك واعتقد انها فرصه عملها اكتر من اداب اعلام
وبالنسبه للعلوم رياضه بصراحه معرفش ايه هيا
ربنا يوفقك
**تسابيح** 03-09-2009, 08:13 PM أنا شايفة انك تجيب ورقة وقلم
وتكتب انت مميزات كل كلية واللي انت ممكن تعمل فيها حاجة
محدش هيقدر يفدك زي نفسك
لانك انت اللي تعرف ميولك وقدرات مش اي حد تاني
ربنا يوفقك
saasoo2010 03-09-2009, 11:31 PM اولا انا طالب علمى رياضة ومجموعى 90.7 وطبعا ملحقتش حاسبات قدمت تجاره انجلش وانا جايب فى انجلش 47.5 وبرده ما قبلتش فى القاهره عشان المجموع الاعتبارى كان 420 وانا كنت 419.5 يعنى مش عارف اعمل ايه دلوقتى انا قدامى 3 كليات (علوم_رياضه او تجاره واخد قورصات وتبقى زى انجلش او اداب اعلام
يا ريت لو اى حد يعرف انى الافضل يقولى بجد يا جماعه انا محتاج معلوماتكم اخوكم فى الله محمد
انا علمى رياضة برضو وجبت 92.44 والحمد لله دخلت حاسبات ومعلومات اينعم انا متبهدلة ف التحويل بس الحمد لله بس انا من رايى ان علوم رياضة احسن من تجارة لان انت اصلا لو كنت ناوى على تجارة كنت دخلت ادبى من الاول وريحت دماغك سورى انا ده رايى متزعلش:078111rg3:
maha_2010_2010 03-09-2009, 11:33 PM شوف يا سى NO COMMENTAT (http://www.thanwya.com/vb/member.php?u=244651) بما انك كنت علمى رياضه يبقى الافضل ان تدخل كليه علوم قسم فيزياء وبعد كده تجاره انجلش
**اية 04-09-2009, 02:47 AM انا من رأي كلية علوم بما انك علمي رياضة انا اعرف انها صعبة جدااااااااا
بس ربنا يوفقك فيها لو كنت عايزها
بس القرار الاول والاخير ليك
فربنا يوفقك في اللي تحبه
perfect-girl 04-09-2009, 03:02 AM علوم احسن بكتييير على الاقل كليه علميه
انا على فكره نفس المجموع بتاعك بس المستوى كان انجلش كمان
فا ليا تجاره انجلش
بس انا فضلت علوم كليه راقيه دراسه ممتعه وشهاده محترمه
والقرار ليك طبعا
انا جربت الحيره الى انتا فيها دى
بس نصيحه ليك ,,
ادخل على قسم كليه العلوم وقسم كليه التجاره الى فى المنتدى ده
حتلاقى طلبه الكليه تقدر تسأل براحتك
والقرار ليك وصلى استخاره طبعا
dr_mido 2050 04-09-2009, 06:49 AM انا لو منك اتكل على الله واروح اقدم تجاره انجلش وهى اكيد موجوده كمان فى الاسماعيليه يبقى اكيد فى منها تانى كتير يبقى تقدم تجاره انجلش صدقنى كليه روعه انا والله كنت كاتب تجارة بعد علاج طبيعى اسمع كلام وصدقنى مش هتندم
NO COMMENTAT 06-09-2009, 03:17 PM بجدد بجد انا مش عارف اقولكوا ايه ولله العظيم كتر خيركوا بجد انا عاجز عن الكلام عموما انا قدمت علوم_رياضة وربنا يخليكوا على النصائح بجد بجد بجد ميرسى اخر حاجه
عمر الغندور 06-09-2009, 03:53 PM علوم من وجهة نظري هي احسن كليه علي الاطلاق ربنا يوفقك
MuHaMeD kHaLeD 06-09-2009, 04:48 PM علوووووووووووووووووم
|