السلام عليكم ورحمة الله وبركاته

!!.. عاشقك يا بلدى ..!!

عاشق وراجع يا بلدى..
أغنيلك الموال ..
واقول فيكى يا بلدى..
اجمل كلام يتقال ..
يا وردة مصر الندية ..
يا بورسعيد يا شط الجمال ..
عاشقك انا يا بلدى ..
عاشق لشطك وسماكى ورملك ..
وكل حتة فيكى ..
عاشق ودايب يا بلدى..
فى لون تراب أراضيكى ..
عاشق ونفسى يا بلدى فى يوم الاقيكى ..
اجمل من اى مكان فى الكون حواليكى ..
عاشقك انا يا بلدى ..
عاشقك انا يا بلدى ..
يا زادى وزوادى ..
يا اللى ضامه بين احضانك..
اهلى واصحابى وولادى ..
عاشقك انا يا بلدى ..
والقلب ليكى بينادى ..
ويقول راجع يا بلدى
ومش هيطول عنك بعادى ..
عاشقك انا يا بلدى ..
عاشقك انا يا بلدى ..
وفى حبك راح اكتب الاشعار ..
واوصف للكون جمالك..
وما فيه من اسرار ..
واحكى لهم عن شعبك ..
وولادك الاحرار ..
اللى طهروا ارضك ..
من الخاين الغدار ..
وعاشقك انا يا بلدى ..
عاشقك انا يا بلدى ..
يا ام الزهور الوان ..
يا اللى الطيبة فى اهلك ..
والكرم لهم عنوان ..
ويجى لك السواح..
من كل مكان ..
علشان يسمعوا غنوتك على صوت السمسمية ..
وهى بتعزف اروع الالحان ..
عاشقك انا يا بلدى ..
عاشق وحبى ليكى مالوش حدود ..
ومهما غبت عنك ..
حنينى ليكى بيخلينى اعود ..
واصرخ باعلى الصوت ..
واقول وربنا المعبود ..
انا ليكى عاشق يا بلدى ..



بقلم / كريمة فوزى
11/10/2005

كلمات جميلة ومعبرة فعلا عن حبك لبورسعيد
مع انى مش من بورسعيد بس بهنيك على احساسك بجمالها وحبك ليها
وكلماتك المعبرة
وفقك الله
فى رعاية الله

كلمات جميلة ومعبرة فعلا عن حبك لبورسعيد
مع انى مش من بورسعيد بس بهنيك على احساسك بجمالها وحبك ليها
وكلماتك المعبرة
وفقك الله
فى رعاية الله

السلام عليكم ورحمة الله وبركاته

جزاك الله كل خير على مرورك العطر وتعليقك
وبالطبع اجمل بلد فى عين اى انسان هى بلده
دمت سالم

جزاك الله خيرا

جزاك الله خيرا
جزانا واياك اخى الفاضل
دمت بود