السلام عليكم ورحمه الله وبركاته






زى ما بيقولوا الصاحب ساحب ..ياياخدك للخير يايخدك للشر وناس عايزه تتغير

لكن صعب عليها تسيب اصحابها

فمساله الصحبه مهمه ولازم يكون اصحابنا على خير وجت فرصتنا فى شهر الخير

نطلع فيه باصحاب صح

كلنا جربنا الصاحب السىء والصاحب الصح ودى عن تجربه مش اى كلام



قررنا حياتى صح ....صحبه صح




ها معانا ولالسه مستنى بس خلى بالك القطر مش بيعدى غير مره واحده مش بيرجع تانى

تابعونا

الـــــــــــــحــــــــــــــــلــــــــــــقة الأولـــــــــــــى






جووووووووووول
يا مختار يلا عشان صلاه الظهر
مختار : حاضر جاى يلا يا شباب الظهر بيأذن
- رامى : هنعمل ايه بعد الصلاه انا زهقان
- مختار : ليه ؟
- رامى : متخانق مع احمد
- مختار : ليه بس يا ابنى
- رامى : زعل منى عشان بقوله بتضيع وقتك على الفاضى موراهوش غير الجهاز
- مختار : لو انتو اصحاب بجد كان المفروض يتقبل كلامك
- رامى : اللى حصل بقى
- مختار : خلاص انا هكلمه بكره يجى معانا النادى ابقى كلمه وقتها وفهمه انك عاوز مصلحته انتو اصحاب المفروض تساعدو بعض على الصح
- رامى : ان شاء الله يلا عشان الشباب زمانهم وصلوا المسجد واحنا اتاخرنا عنهم اوى

خــــــــــــــــــــواطـــــــــــــــــر حيايته شبابية :


قبل مااعرف الصحبه الصالحه مكنتش عايشه بجد كان كل همى الهزار والضحك والتريقه على الناس والخروج والفسح يومى كان بيبدا اصحى متاخره انزل اروح الجامعه وايام كتيره اطنش الجامعه
كانت الجامعه بالنسبالى مكان للفسحه واللعب والهزار مش للتعليم اروح اهزر مع اصحابى ومفيش طبعا محاضرات الاذان ياذن مش اروح اصلى وطبعا اصحابى كانوا معايا نقول لما نروح طبعا علشان الميكب بتاعنا مايتمسحش ونروح ناكل ونصلى طبعا جميع الفروض مره واحده ونقضيها تليفزيون واغانى
ورغى فى التليفون مع بعض بالساعاتوطبعا النت والشات بيقتل الوقت واليوم يخلص وطبعا كل يوم على نفس الحال فى يوم وانا على النت بالصدفه لقيت موقع اسمه فريق حياتى اسمه شدنى جدا دخلت اشوف الحياه شكلها ايه فيه والناس دى عاوزه ايه بالظبط سجلت كده هزار على انى مش هدخل تانى
وانا بتفرج عليه حسيت احساس غريب اوى عمرى ماحسيته حسيت انى لاقيت السعاده والصحبه الصالحه حسيت انى مش عاوزه اخرج من عنده بقيت بدخل كل يوم اسمعهم واقرب منهم اتعرفت على بنات ماشاء الله عليهم اقربت منهم عارفونى ازاى اعيش حياه مفيده من غير معصيه انا بجد اتغيرت بسببهم

الحلقة الثانية

اهلا وسهلا بكم اعزائنا المستمعين مره اخرى
وبرنامجكم ( شباب على الهوا ) ويسعدنا ان تكون
أولى فقراتنا النهارده اسكتش بعنوان أيهما تختار ؟
- الو
- ايوة يا ابنى ازيك
- الحمد لله انت بتعمل ايه
- ولا حاجه قاعد من الصبح بتفرج ع التلفزيون
- ده النهارده يوم اليتيم
- ماانا عارف ما انا صدعت من اعلاناته

فى التلفزيون
- طب ما تيجى ننزل كده ساعه ولا حاجه دار ايتام ولا جمعيه خيريه
- جمعيه ايه يا عم فكك العيال رايحين سينما كمان شويه تيجى معانا
- ايوة بس ..... طيب خلاص جاى لك سلام



- السلام عليكم
- وعليكم السلام ورحمه الله وبركاته ازيك
- الحمد لله تمام ... بقولك
- نعم
- انا عاوز انزل اعمل اى حاجه زهقان
- مش النهارده يوم اليتيم
- اه بيقولو
- طب خلاص تعالى نشوف اى جمعيه خيريه او دار ايتام ونشارك معاهم
- ينفع ؟؟
- اه طبعا
- خلاص تمام أنا جايلك وننزل سوا سلام
- سلام

الحـــــــــــــــلـــــــــــــــقة الثـــــــــــــالـــــــــــــثة :


الحلقه الثالثه
- اه مين الرخم ده مين ..... مين
- مين ايه افتح انا مختار
- انت منزلتش ليه
- منزلتش فين
- يا ابنى خطوبه اخت رامى النهارده
- يا عم ما هو كلمنى و انا زوغت منه
- ليه كده
- يا ابنى هنعمل ايه يعنى نقعد نشيل ونحط ونهيص
- ايوة نشيل ونحط ونروح ونيجى ونساعده مش اصحاب انت نسيت يوم ما انت وقعت مننا فى الشارع مين اللى جرى وجاب دكتور وفضل سهران طول الليل جنبك لحد ما فوقت
- رامى
- ايوة هو عشان خاطر هو بيحب صاحبه وبيخاف عليه خلى عندك دم بقى وقوم البس وانزل معايا
- حاضر هقوم اهو
- ربنا يهدى ايه الرضا ده

موضوع جميل
جزاكى الله كل خير
معلش حنقله لحى على الفلاح
اصله مش فيه محتوى نقاشى
:)
فى رعايه الله

بجد موضوع تحفه
كمل
هيحصل ايه بعد كدا!!
وعندك حق الصحبه دي اهم حاجة واللي بتأثر ع الاصحاب

متابعة باذن الله

يتبع بإذن الله ,,,,,,,,

الحلقه الرابعه



لولولوىىىىىىىىىى


http://www.l22l.com/uploads/db97fba0bb.jpg (http://www.l22l.com/)

مختار : نجحنا يا عيال نجحنا انا هكلم رامى اقوله



- انت مش متضايق ؟


- مختار: انا .... ليه ؟


- رامى جاب اعلى منك وانتو بتزاكرو سوا


- مختار : يا سلام وانا ازعل عشان صاحبى جاب اعلى منى لا طبعا


- ايوة بس يعنى انتو بتزاكرو سوا


- مختار : يا ابنى دى قدرات والنجاح اصلا رزق من ربنا المفروض معترضش بعدين رامى ده زى اخويا لو مفرحتش بنجاحه يبقى مستاهلش اننا نبقى اصحاب


- ايه يا ابنى محاضره مكانتش كلمه


- مختار : لا انا بقولك بس


- ماشى يا عم كلمه بقى قوله انه نجح وسلم عليه


- مختار : حاضر يا سيدى

لحلقه الخامسه



اهلا بكم مره اخرى فى برنامجكم المحبوب ( شباب ع الهوا ) وكلامنا النهارده هيكون عن الاصحاب واول رساله وصلت لنا بتقول : أنا ليا صديق من مده بحبه جدا ولكن علاقتنا اتغيرت بسبب تصرفات كتير ضايقتنى منه وانا كنت محرج اقوله وده خلانى بعدت كتير اوى عنه ردنا على الرساله دى اكيد كلنا عارفينه بنقول لصاحبها ان الاصحاب اللى على حق ممكن يعاتبو بعض ويتقبلو عتاب بعض على اى موقف لو هما فعلا عاوزين يحافظوا على الصداقه دى



وننتقل بسرعه لفقره الاهداءات واول اهداء من ( مختار ) بيقول فيه : بقول لاعز اصدقائى الف مبروك النجاح يا رامىوكل سنه واجنا اصحاب


والاهداء التانى من ( جنه الايمان ) بفريق حياتى وبتقول : اشكركم جدا يا احلى فريق أنا فعلا عشت احلى حياه واحلى صحبه ونفسى مصر كلها تبقى فى فريق حياتى وفعلا هتحسوا بفرق وياريت تتقبلو اهدائى ( أنشوده يلا يا شباب (http://inshady.org/nsheed/rm/arabic/inshady2009/yal%20eshbab.mp3)) مع ارق امنياتى بالصحه والسعاده

الحلقه السادسه


http://forum.amrkhaled.net/images/statusicon/wol_error.gifتم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 1139 * 1246.http://www.l22l.com/uploads/04d9524ee3.jpg (http://www.l22l.com/)



الاخصائيه النفسيه : خلاص وصلنا لاخر مشكله اهى البنات دول موراهمش غير صندوق التربيه النفسيه ولا ايه دى مشاكل تافهه خالص اسمعى يا ستى

( انا عندى واحده صحبتى بحبها جدا بس هى من ساعه ما دخلنا جامعه وهى بدات تتغير صاحبت ولد وبتقولى ان كل البنات فى سننا بيبقى ده العادى بتاعهم بس هى بتقعد تكلمه كتير ومبقتش بتشجعنى زى زمان على اى حاجه حتى المزاكره بقت تقولى كبرى دماغك أنا بحبها اوى ومش عارفه اعمل ايه .. س.م )


بصوا أنا اقولكم هكتب لها ايه فى الرد
( اختى الحبيبه : كتير من البنات بتتحط فى المواقف دى من بدايه اعدادى لان فيه بنات بتتغير كتير وبتنسى حاجات كتير وزى ما قلتى ممكن توصل انها تصاحب واحد لمجرد التسليه وتقليد البنات مش اكتر ودورك انك تفهميها وتنصحيها قولى لها لو حد شافك معاه وحاولى تجذبيها للطاعه والقرب من ربنا وده هيساعدها كتير ولو معرفتيش تصلحيها يبقى تبعدى عنها احسن بدل ما تشدك هى وادعى لها من قلبك لو هى غاليه عندك بجد ... الاخصائيه )


جميع الحقوق محفوظه للمركز الإعلامى لفريق حياتى