مشاهدة النسخة كاملة : ما رايكم في منهج العلوم الجديد ؟؟؟
Mr.Abdallah Habashy 04-09-2009, 01:46 AM بسم الله الرحمن الرحيم
اخواني الاعزاء
بعد نزول ومعرفه المنهج الجديد بتاع العلوم السنادي
عايز اعرف ارائكم عليه
وهل دا اسلوب التطوير الصحيح للمناهج ؟
نقل مواد علميه من مرحلة اعلى لمرحلة اقل مع اضافه بعض العناصر الجديده؟؟؟؟؟؟؟؟؟؟؟؟
اتمنى اعرف رايكم عنه
مستني ردودكم
اخوكم مستر عبدالله
منعمتوفيق 05-09-2009, 12:37 AM والله أخى احنا مش عارفين تطور ولا تدهور لا أعتبار للفروق الفردية ولا المرحلة العمرية ولا المرحلة العقلية والكل بيخبط هذه المناهج الجديدة ستعيد مصر الى عصر الجهل وليس الى عصر التقدم كما يزعمون ولله الأمر من قبل ومن بعد
Hisham_physics 07-09-2009, 12:24 AM يا عم كدة زي الفل خليهم يصعبوا كمان و كمان إحنا الكسبانين
و الدروس الخصوصية هتبدأ تشتغل في العلوم :022yb4:
و هنبقى زي مدرسين الإنجليزي و الرياضة اللي مولعنها :p:p:p
لكن عايز الجد
المناهج السنة دي معقولة شوية على التلاميذ عن مناهج السنة اللي فاتت رغم طبعاً وجود أجزاء رخمة و ملهاش أي لزمة لأنهم بدأوا يتعودا على العلوم
المشكلة كلها في سنة رابعة اللي أول مرة يأخذوا علوم و يفاجأوا بهذه المناهج
عشان طلبة رابعة يفهموا المناهج دي لازم يأخدوا علوم من سنة أولى إبتدائي كمادة أساسية
r_r_r 07-09-2009, 08:14 PM لسه ما عرفتش مكان المنهج الجديد آسفة
عمرو اديب 10-09-2009, 05:09 AM المنهج صعب .............. مستر هشام فرحان فى المناهج 00000000000000 مصائب قوم عند قوما فوائد
samehelbatel 11-09-2009, 04:11 PM طلب عاجل الي الاخ هشام نرجو منه ان يرفع صور للكتاب بالكامل وله جزيل الشكر
أ / طارق عتمان 17-09-2009, 10:03 AM المنهج صعب وفيه نواحي تحتاج لمدرس علوم متخصص بجد يعني الموضع لم يصبح مدرس كشكول
Hisham_physics 17-09-2009, 11:28 PM عنيا يا جماعة هنزل لكم أجزاء جديدة من المنهج إن شاء الله قريبا
ahmedgamalsms 18-09-2009, 05:02 PM عايزين باقى الكتاب أو مذكرة بسرعة ولسيادتكم جزيل الشكر
ahmedgamalsms 18-09-2009, 05:10 PM هو لية كتاب العلوم لم نعرف عنه شئ حتى الان مع أن باقى الكتب مثل الدراسات والرياضيات والعربى نزل المنهج كله ومذكرات له
أرجو من الذى معه الكتاب أن يضيف باقى الصفحات حتى يستطيع الباقى عمل مذكرة ونشرها على الموقع حتى يستفيد منها الجميع
midofoon 19-09-2009, 12:32 PM المنهج صعب وفيه نواحي تحتاج لمدرس علوم متخصص
omyomy 24-09-2009, 11:09 PM :(:(:(:(حرام اللى بيحصل للاولاد المنهج صعب وكانها خطه لتعقيدهم من المواد العلميه علشان يبعدوا عن العلمى فى الثانوى ودخول الكليات العمليه يا ترى ده فى مصلحة مين كده كده حينجحوا بنظام التقويم الفاشل بس الفشل الاكبر ان ولادنا بيتجهوا للجهل اكثر حسبى الله ونعم الوكيل كل ده حيقضى على البلد والجيل الجديد حسبى الله ونعم الوكيل هو المنتقم الجبار اللى حيخلصنا من خطة نشر الجهل
omyomy 24-09-2009, 11:16 PM اوعى تفرح يا مستر هشام بكتر الدروس الاهالى بتدفع للدروس بس بتقعد تدعى على اللى خد الفلوس دى طول الشهر والدعوات :slap1qk6:ياما بتتحقق
deyaa81 26-09-2009, 02:15 PM انا حزين من تفكير الاستاذ هشام .... ان الدروس هتكتر ..... وللاسف مافكرش ايه مصير بلدنا وازاى نواجه المشكله الجديده دى وهى تكدس المناهج وتلاهى الناس فى مصاريف اكتر واكتر وبالتالى انصرافهم عن انهم يحبوا بلدهم ويطوروا فيها ويخافوا عليها حتى .....
المنهج الجديد هيبقي فى مشكله من نوع تانى وهى ان الاولاد طالعين من سنه رابعه خايفين من العلوم وعارفين انها صعبه بمعنى اصح كره العلوم..... ربنا يستر ونعرف نعدل الفكرة دى...
جهاد هشام 27-09-2009, 10:49 AM والله حسبى الله ونعم الوكيل بجد بنتى كرهت العلوم وهى لسه لم تدرس فيه الا سنه رابعه فقط
Mr.Abdallah Habashy 10-10-2009, 12:51 AM اولا انا اسف على الغيبه الطويله دي
وعايز اقول لاستاذ هشام حاجه مهمه
مش معنى ان المنهج بقى رخم وصعب اننا نفرح ونهيص عشان الدروس هتكتر وهتحلوا
دا كلام زعلني بجد جدا
انا عايز حضرتك تحط نفسك مكان الاهالي
هتعمل ايه وهتكون ايه ردت فعلك مع مدرس حسيت انه بيستغلك ؟
طبعا اقل حاجه هتنزل عليه بالدعاء ليل ونهار وربنا هيستجيب دعوتك لان المدرس دا نيته انه يستغلك
دا بالضبط اللي هيعمله اي ولى امر لمدرس هيستغل الموقف بزياده الدروس وزياده فلوس الدرس
هل المتاهه دي ليها لزمة
طبعا ملهاش اي لزمة
اتمنى من كل المدرسين ان مفيش حد يستغل الموقف لصالحه على حساب الاهالي
لانهم مش ناقصين
والنقطه التانية ان المنهج بتاع السنادي انه مش صعب للدرجه
في نقاط جميله جدا جدا جدا بس عايزه مهاره في شرحها وتناولها بس مش اكتر
اعتقد ان مفيش حد مش قادر على الابداع
دي وجهت نظري في الموضوع
اتمنى مكنش طولت في ردي
اخوكم مستر عبدالله
رومانة الميزان 22-10-2009, 09:38 PM no comment ده مش صعب دى كلمة صعب شوية عليه ده اصلا مش المفروض يكون منهج لاطفال لسه دى تانى سنة ليهم بياخدوا فيها العلوم فلما يجيبولهم منهج زى ده ده كده بيكرهوهم فى العلم ومفيش حد هيطلع عالم او اى حاجة اصلا وعلى العموم مش هما بس ده التعليم كله بقى فى الباي الباي:040vk0:
mohamed karawya 24-10-2009, 01:07 AM بصراحة المنهج لايتناسب مع المرحلة العمرية
درس الضوء فى منهج الفيزياء الباب الاول ثالثة ثانوى
ودرس المغناطيسية من علوم " اعدادى الوحدة الثانية
دروس لا ترتبط بالواقع بالنسبة للطالب
اعلى بكتير من تفكيرة
تستلزم استخدام عمليات عقلية
هما كانوا فلحوا فى الحساب العقلى عشان يستوعبوا المناهج دى
|