اتحاد طلبة طب طنطا [الأرشيف] - بوابة الثانوية العامة المصرية

amaaas

05-09-2009, 05:28 PM

على فكرة انا اولى طب طنطا برده معاك وحضرت يوم كان اتحاد الطلبة هو اللى مرتبه وقعدو يفرجونا الكليه وكدة بس معجبنيش العالم دول بصراحة مش طايقاهم وعلى فكرة انا سمعت ان اتحاد الطلاب دول محدش بيسمع عن مواعيد الانتخابات بتاعتهم ولا اى حاجة عنهم لانهم بالواسطة والكلام ده مع ان الموضوع مش مستاهل والله وسمعت كمان ان بتوع الاتحاد مبيجيبوش تقديرات
والله اعلم ايه الصح وايه اللى مش صح بس نصيحة بلاش تدخل احسن

dr-rana

05-09-2009, 06:51 PM

احم احم لنا لسة داخلة أولى طب طنطا باذن الله

وماعرفش أي حاجة عن اتحاد الطلبة دول والحمد لله

ومش ناوية أعرف عشان انا بحس الحاجات دي كلها نشاطات لتضييع الوقت

والفاضي يعمل قاضي

7abiby el-awlany

05-09-2009, 08:47 PM

صح كل اللي اتقال صح

كبر دماغك يا راجل

اتحاد ايه وبتاع ايه ؟

ده انت في طنطا بلد الوسايط

والله اعلم .. باي

علي11

06-09-2009, 02:18 AM

شكرا على ردودكم ياجماعة
ع فكرة ياamaaas
انا كنت فى الكلية اليوم ده وحضرت معاكم فى قاعة بن سينا
حسبى الله ونعم الوكيل دول شويه عيال عايزين يعقدونا فى طب وكان ناقص عليهم شويه ويقواونا ايه اللى دخلكم طب يلابلا قرف اطلعوا بره روحوا خشوا تجارة احسن انتوا جايين تقرفونا
واللى غاظنى اكتر لما قلولنا ان الطب مش كسب مادى شوفوا الكدب ولا رئيسة قسم الجراحة حقول ايه ولا ايه ع العموم انا حعمل توبيك عن الموضوع وحاحكى كل حاجة بالتفصيل ع عشان نبقى ع نور وعارفين نية الناس ديه واتمنى ان انتوا تنورونى فيه

amaaas

06-09-2009, 11:02 PM

على فكرة اصلا انا مشيت وسبتهم وهما بيفرجوكو على الكلية
اصلى كنت تعبانة اوى وعاوزة اروح ودول عالم مايساهلش الواحد يسمع نصايحهم اساسا عاملين نفسهم دكاترة مفيش منهم
يلا ابعد عن الشر وغنيله احسن والله انا اختى معيدة فى الهستولوجى لسه جديدة وقالتلى مالكيش دعوة بالكلام الفاضى ده

dr.nour

07-09-2009, 01:40 AM

اتحاد الطلبة حاجه مملة اوووووى لانهم معدوش بيعملوا اى حاجة فى الكلية;);):excl:

wanted-man

08-09-2009, 01:06 PM

أنا مش فاهم ايه وجه الاعتراض على اتحاد الطلبة بس..وبعدين عشان تكونو ف الصورة اتحاد الطلبة مش كله وسايط زي منتو متخيلين ده كلام غير مظبوط ....
بس انتو هتحسو بكده ف الاول انهم خنقة شوية بعد كده ممكن تلاقو الموضوع مش فارق معاكم خالص
عضو ف اتحاد طلبة واللجنة العلمية بالكلية

dr-rana

08-09-2009, 03:17 PM

wanted-man

احنا كلنا متفقين على ان الحاجات دي مضيعة وقت وخلاص فهل هي كده فعلا؟؟

بما انك عضو يعني هتفيدنا كتير

wanted-man

08-09-2009, 03:25 PM

والله يا د/رنا.....أنا هقولك هي مش هتبقى مضيعة للوقت لو نظمتو وقتكم لا اتحاد الطلبة فعلا واعضاؤه بيرحبو بأي عضو جديد من غير وسايط زي منتو متوقعين...اي نعم فيه بعض المناصب كده بس الاغلبية مش محتاجة واسطه يا جماعه وبعدين انتو مش هتكونو قاعدين ف مقر الاتحاد علطول..عادي هتمارسو كليتكم عادي كل ما ف الامر ان اي حاجه بتدور ف الكلية غالبا بيكون ليكو علم بيها زي المؤتمرات بتكونو من المشرفين عليها والرحلات ومواعديها ومثلا تجمعوا الامتحانات بتاعت السنين اللي فاتت وتجمعوها للطلبة الجدد زي محنا بنحاول نخلصها اليومين دول ف الكليةو أنشطة زي دي مش مضيعة للوقت خالص وبعدين دي اختيار مش اجبار يعني لو حد عايز يشارك ف المؤتمر ده مثلا بيظبط كل حاجه ممع رئيس الاتحاد يعني مش شرط طالما عضو يبقى ف كل الانشطه بس يعني..وده طبعا ومثلا عندكو حملات التبرع بالدم وكده تبع اتحاد الطلبة تحت اشراف د/أحمد الجوهري رئيس الاتحاد

علي11

09-09-2009, 04:34 AM

شكرا ليك ياد /wanted-man وياد/رنا وياد /amaaas وياد/نور على ردودكم والف مليون مبروك لأختك ياد/amaaas وربنا يوفقنا جميعا ونبقى زيها .
بس عايز اسأل حضرتك سؤال ياد/wanted-man اكيد حضرتك كنت موجود يوم اللى كنا فيه فى الكلية انا عايز رأيك بصراحة فى الكلام اللى انتوا قلتوهولنا وان الطب ديه كلية صعبةوالكلام التانى وحسستونا ان الكلية ديه جحيم وع فكرة مش انا بس اللى بقول كده وظالمكم معظم اللى حضروا قالوا كده واهاليهم اتفقوا ان انتوا اعداء النجاح وقالولنا ان انتوا مش عايزين حد يبقى احسن منكم وده اللى انتوا اثبتوه فى اليوم ده
ثانيا انا اعرف ان اتحاد الطلبة بيتصرف عليه مبالغ اد كده بتروح فين الفلوس ديه واكيد طبعا وحدة ضمان الجودة بيجيلها برده مبالغ عشان يطوروا الجامعة وافتكر لما كنا هناك د/أحمد الجوهرى قال انه عنده امتحان ولادة بعد يومين فبالعقل كده مش معقولة انه يسيب مذاكرته ويجى عشان بيحبنا وخايف ع مصلحتنا ويورينا الكلية اكيد اكيد فى عائد مادى
ثالثا ايه موضوع كل شويه هو انتوا دخلتوا طب ليه ماخلاص دخلنا وحصل اللى حصل انا لو كنت فى الإتحاد كنت حاحبب الطلبة فى طب وافهمهم ان الكلية ديه مش صعبة وارحم من كليات تانيةكتير زى علوم وصيدلة
اخيرا:بعد كل الكلام الحلو ده ياريت تقول حضرتك اشتركت فى اتحاد الطلبه ده ازاى وايه الجمعية العلمية ديه احسن فى اليوم ده فى دكتورة سألت ايه هى الجمعية العلمية وفى واحد جاوبها من اتحاد الطلبة بس محدش فينا فهم اى حاجة برده.

wanted-man

09-09-2009, 03:00 PM

أولا شكرا على مشاركتك يا دكتور على.....ثانيا أحب اقول لحضرتك ان وجودي بالمنتدى اصلا جزء من نشاطنا وهو مساعدة الطلية الجدد ف الكلية بقدر الامكان عشان محدش يبقى تايه وهو داخل الكلية ومش أنا لوحدي أي منتدى او موقع عليه طلية لسه ف بداية الكلية هتلاقي فيه عضو من اتحاد الطلية هناك بيقوم بنفس الدور متفقين؟؟
ثالثا::الكلام اللي اتقال ف اليوم ده اولا محدش مننا بيشترك فيه الا رئيس الاتحاد د\أحمد الجوهري ونائب رئيس الاتحاد فقط والكلام ده والله مش زي منتو فاهمين كده الموضوع ابسط من كده بكتير بس الموضوع ده بس لمجرد اثبات ان الكلية مش سهلة وعايزة مجهود جامد ومذاكره كتير يعني الموضوع مش موضوع تعقيد ولا حاجه ولا اعداء النجاح ولا حاجه بالعكس ده اي حاجه ممكن تلاقوها ف الكلية هتلاقوها من تنفيذ اتحاد الطلية مثلا مذكرة امتحانات او مثلا جداول الكلية اي حاجه تفيد الطلية من اتحاد الطلية مش اعداء النجاح ولا حاجه بس أنا متفق معاك ان بعض الكلام كان فيه نسبة من الخطأ ومش كله صح بس عادي يعني..
رابعا:حكاية العائد المادي ده منكرش انه موجود بس بنسبة بسيطه مش زي محضرتك متخيل كده يعني بس ده بيتم تحت اشراف من الكلية مش حاجه وحشة يعني أما وحدة تطوير الجوده دي تبع ادارة الجامعة والمبالغ اللي بتجيلها مينفعش حد يتدخل فيها لانها بتجيها من الجامعة مباشرة ولا حتى كليتنا تنفع تتدخل انما ممكن تاخد نسبة مثلا لتطوير بعض الاجهزة مش اكتر يعني كل الحكاية تبع الجامعة وبعدين فعلا د\أحمد الجوهري كان عنده امتحان نساء وولادة زي مقالكو مكدبش يعني عشان لعلم حضرتك الفرقة الخامسة عبارة عن سنة ونص والفرقة السادسة عبارة عن سنة ونص برضو عشان كده من المنطقي ان أحمد الجوهري بيمتحن دلوقتي متفقين..
أما موضوع اللجنة العلمية دي..هي لا تتبع إتحاد الطلبة أصلا بس عي عبارة عن جمعية بتشارك ف كل المؤتمرات اللي ف الكلية أو الندوات اللي بتعقد أو مثلا وجود وفد من الطلية اللي جايين ياخدو تدريب من بره اوك,.....
وأي استفسار تاني أنا موجود ان شاء الله

علي11

09-09-2009, 03:28 PM

شكرا ع ردك بس انا عايز اوضح نقطة حضرتك فهمتها غلط انا مكنتش اقصد ان الدكتور احمد الجوهرى بيكدب ساعة اما قال ان عنده امتحان ولاده بس انا كان قصدى ان واحد عنده امتحان ولاده وانا اعرف ان عليه درجات كتير ايه اللى يجيبه اكيد مش عشان خاطرنا بس هى ديه النقطة اللى انا عايز اوضحها
وحضرتك برده ماجاوبتش ع السؤال هو حضرتك ازاى اشتركت ف اتحاد الطلبة

wanted-man

09-09-2009, 04:04 PM

سوري مخدش بالي من السؤال ده ...بص يا دكتور الاشتراك ف اتحاد الطلبة ده سهل جدا
لمجرد انك تدخل الكلية اصلا هيتعرض عليك من أعضاء الاتحاد إذا كنت عايز تشترك ولا لا؟؟أو ممكن تروح بنفسك تسجل اسمك هناك ف مقر الاتحاد داخل الكلية سهل اوي العملية يعني.....وطبعا هياخدو اسمك وعنوانك ورقم موبايلك....لا فيه منصبين بس اللي بيحتاجو انتخابات منصب رئيس الاتحاد ونائب رئيس الاتحاد أوك؟

dr.osama7

09-09-2009, 04:16 PM

احب اتعرف عليك يا wanted شكلك كدة زميل معانا فيالكلية

dr.osama7

09-09-2009, 04:18 PM

و احب كمان اعرف انتا في سنة كام

wanted-man

09-09-2009, 04:19 PM

أنا فعلا زميل ف الكلية ف طب طنطا هو حضرتك ف الفرقة الكام؟أنا ف الفرقة الثالثة
وحضرتك؟

dr.osama7

09-09-2009, 04:24 PM

انا لسة داخل الفرقة الاولى و من طنطا وكنت بروح الميرج سنتر وكان حلو اوي وروحت تبع نقابة الاطباء انتا رايك ايه

wanted-man

09-09-2009, 04:37 PM

ووالله أنا رأيي إنك تكمل مع الميرج سنتر على فكرة أنا كنت باخد مع دكاترة الميرج سنتر كلهم وكويس البرنامجالتأهيلي اللي بيعملوه كل أول سنة للفرق الجديدة كمل معاهم

dr.osama7

09-09-2009, 04:42 PM

انا شايف اني اخد كورسات في متدة physiology عند د.محمد انس ولا انتا شايف ايه علشان كله بيقول انه مشروع فاشل

dr.osama7

09-09-2009, 04:43 PM

اقصد ان الكورسات في كل المواد غلط الا د.محمد انس اخد عندة في المادة بتاعتة لانة ممتاز جدا ماشاء الله

wanted-man

09-09-2009, 04:54 PM

فعلا الدككتور محمد أنس من أفضل دكاترة الفسيولوجي وأنا كنت باخد عنده أنا كمان بجد ما شاء الله عليه مع كامل احترامي لكل الدكاترة...بس أنا شايف أن دي أول سنة ليك يعني برضو هتكون متلغبط بعض الشئ ولا زم يكون فيه حد بيوجهك ف الفترة الاولى دي وده شغل الكورسات ولو انت شوفت ان الكورسات ملهاش لازمة بعد كده ممك تستغنى عنها بعد كده بس لما تكون خدت خبرة ف الكلية خلاص وتقدر تمشي بنفسك بس طبعا الرأي ليك برضو طبعا بس ده رأيي الشخصي وطبعا البايو الدكتور أحمد بدوي

Dr.ahmad shaaban

11-09-2009, 12:10 AM

ana bldy tanta w b7b a3eesh awanta

dr.salali

21-09-2009, 01:06 PM

أولا : سلام عليكم و أحب أهني جميع اللي دخلو الكلية عندنا و أقلهم مبروك لأنكم مش مجرد طلبة وبس
إنتم صفوة الطلبة كمان فأهلا بيكم في الكلية

أنا بس حبيت أوضح نقطة صغيرة لاخواتي الطلبة الجدد سواء حضر الجولة معانا في الكلية أو ماقدرش ييجي
وهي إنه الكلام اللي اتقال هو ليس إلا توضيح بسيط للكلية ونظامها وإنها فعلا مش سهلة
مش تخويف أو حقد على الطلبة الجدد والله بس محدش يقدر ينكر إن كليتنا كلية مش بسيطة
مش معنى ده التعقيد لكن عايزة التزام و مختلفة عن نظام الثانوية العامة تماما واللي عنده أخ و أخت في الكلية أكيد فاهم اللي احنا بنقوله ده كويس جدا
والجولة دي اول سنة تتعمل كانت السنة دي لسبب لأن في ناس كتير بتوه وتتلخبط وتحضر سكاشن غلط وممكن تدخل مدرج فرقة تانية خالص ولا تاخد بالها من الكلام ده كله
فاحنا ببساطة شديدة كنا بنحاول نوضح الامور دي عشان ما يحصلش اللبس ده

بالنسبة بقى للاتحاد الكلية فالاتحاد بابه مفتوح لأي حد ممكن يشارك ف أنشطته
واحنا بنعمل أنشطة كتيرة جدا وكل الناس كانت بتسمع عنها والناس كانت بتيجي وتشارك وبنستمتع احنا كزملاء واصحاب مع بعض
و احنا هنحاول بازن الله السنة دي اننا نوصل للطلبة أكتر من الأول واحنا متواجدين من أول السنة في الدراسة
ولينا مقر في الكلية كمان ونتمنى من الجميع انه يشترك معانا لأن ده شيئ يشرفنا
وده مش شيئ يضيع الوقت بس الفكرة انك تعرف ازاي نعرف ننظم وقتنا والمشاركة مش إجبار علينا احنا بنشارك في الانشطة بما يتناسب مع وقتنا وظروفنا
أتمنى يكون اللبس اللي عند حضراتكم وضح واحنا تحت أمركم ف الكلية في أي وقت بازن الله من أول الدراسة

dr.salali

22-09-2009, 02:07 AM

يا ريت يا جماعة اللي عنده أي استفسار يبلغنا بيها في التوبيك ده وبازن الله على قد ما اقدر هارد

dr.nour

22-09-2009, 02:13 AM

يا ريت يا جماعة اللي عنده أي استفسار يبلغنا بيها في التوبيك ده وبازن الله على قد ما اقدر هارد

انتى يا دكتورة ايه رايك ف الكورس اللى هيبدى قبل الكلية؟؟؟

dr.salali

22-09-2009, 02:34 AM

أولا أعرفك بنفسي أحمد السلالي الفرقة التالتة
هو الكورسات هتبدأ بعد العيد ف معادهاقبل الكلية لسبب بسيط
وهو إنه الكلية غالبا مش هاتغير مواعيد امتحاناتها فعشان يلحقو يخلصو
قبل الشيت
بس لازم برده تتابعو مع الكلية خصوصا السكاشن

dr.nour

22-09-2009, 02:50 AM

dr.salali

22-09-2009, 04:08 AM

لا ولا يهمك

علي11

23-09-2009, 04:01 AM

شكرا لحضرتك ع الرد ياdr.salali
وكنت عاوز اسأل حضرتك سؤال هو الجدول بتاع سنة اولى حينزل امتى وانا سمعت ان احنا حنتقسم 3مجموعات مجموعة من8الى 12 ومجموعة من12 الى 4 ومجموعة من4الى 8 زى جامعة اسكندرية كدة لتقليل انتشار انفلونزا الخنازير هل الكلام ده مطبق فى جامعة طنطا ولا لأ

Hisham_physics

24-09-2009, 12:06 AM

أهلاً بطلبة الطب
أنا عارف إني داخل هنا غلط بس بردوا العلوم قريبة من الطب
كان نفسي أوي أطلع دكتور بس يلا بئة المجموع وداني تربية طنطا و إتخرجت و بقيت مدرس علوم
خلاصة الموضوع عشان مطولش عليكم

أنا عايز أعرف معلومات عن
أنفلونزا الخنازير
( طريقة العدوى - أعراض المرض - طرق الوقاية - كيفية العلاج )

و لكم جزيل الشكر

dr.nour

24-09-2009, 07:18 PM

بليييييييز يا دكاترة حد يعرف جدول المحاضرات

dr.salali

25-09-2009, 02:01 AM

بالنسبة لجداول المحاضرات الى الآن الجدول ما اتعملش خيبقى بعد العيد بازن الله لكن لو في تقسيم هنعرف بازن الله قريب
بس مش هيبقو 3 فترات

علي11

25-09-2009, 11:14 AM

شكرا ع الرد بس ممكن اقول لحضرتك حاجة بإذن الله بتكتب بحرف ذ مش بحرف ز

dr.nour

25-09-2009, 02:05 PM

.ممكن حد يشرح اللى هيحصل اول يوم ف الكلية ان شاء الله
يعنى هناخد محاضرات وكدا
ولا هتبقى تعارف زى المدرسة
والمفروض نروح الكلية الساعة كام

dr.salali

26-09-2009, 09:44 PM

أول يوم ف الكلية مش مرعب ولاحاجة هترحو المدرج بتاعكم ولو على نظام السنة اللي فاتت ومغيروش هيبقى مدرج حقوق القديم بس تحت ( المدرج اللي فيه البسطة) وهيدخلولكم دكاترة على حسب الجدول اللي هينزل لكم بازن الله
وان شاء الله لو في جديد هاقلكم
وغالبا مش هيبقى في سكاشن أول أسبوع بس كل سنة ولها نظامها فلما أعرف جديد هابلغكم بازن الله

dr.nour

26-09-2009, 09:50 PM

dr.salali

26-09-2009, 10:25 PM

و الله انا لسه هاروح الكلية بكرة وهنعرف اذا كان الجدول اتحط ولا لسه بس عموما انتم هتعرفوه ف الدراسه من أول يوم
ان شاء الله

dr_ahmedsaied

27-09-2009, 10:08 PM

السلام عليكم ورحمه الله وبركاته أنا احمد السعيد عضو جديد وان شاء الله داخل اولى طب طنطا وأتمنى أتعرف على طلبه الطب اللى داخلين طنطا

dr.nour

28-09-2009, 10:33 PM

ياريت يا دكاترة اللى عرف حاجة عن الجدول يقول

ارجو الرد:049gc0::049gc0::049gc0:

Dr.Ahmed Moussa

28-09-2009, 11:27 PM

ياريت يا دكاترة اللى عرف حاجة عن الجدول يقول

ارجو الرد:049gc0::049gc0::049gc0:

هو الجدول نزل النهارده بس لسه والله معرفتوش
إن شاء الله على بكره هعرفه

هايتي

29-09-2009, 12:11 AM

السلام عليكم
.
.
هع اخيرا لقيت حد بيتكلم عن الجدول
انا بقالي ساعة بحاول اوصلله من النت
وللاسف شكلي هضرب مشوار للكلية المهم
.
.
معلش يا جماعة لية استفسار هوه
معاد خروجنا من الكلية بيبقى في حدود
الساعة كام
يعني اقصي حاجة لحد امتي؟
يعني هتعدي 3 وللا....
وشكرا
high-t

dr.salali

29-09-2009, 03:34 AM

يا جماعة انتم مستعجلين ع الجدول ليه ماتقلقوش
انتم اول يوم هتلاقو الجدول متعلق وهيتوزع عليكم كمان
بالنسبة للي بيسال ع المواعيد يا ريت ننسى بقى نظام المدرسة
مفيش ف الكلية معاد محدد تروح وتيجي فيه حياة الكلية مختلفة تماما
بالنسبة للناس اللي بتسال ع التقسيم احتمال يبقى في تقسيم للدفعة ف المحاضرات على مرتين
ده هيوضح مع اول يوم دراسة باذن الله
وماتقلقوش ع الجدول اول يوم ف الدراسة هيبقى قدامكم

dr.nour

29-09-2009, 08:54 AM

هو الجدول نزل النهارده بس لسه والله معرفتوش
إن شاء الله على بكره هعرفه

طب بلييييييييييييز يا دكتور اول ما تجيبه ابقى قولنا عشان نبقى نروح نجيبه :022yb4:

د-محمد عبده

29-09-2009, 06:34 PM

السلام عليكم ورحمه الله وبركاته
فى البدايه اعرفكم بنفسى
(محمد عبده ) طالب فى الفرقه الثالثه طب طنطا
انا قرات الكلام ولقيت ان معظم الكلام من طلبه سنه اولى الجدد وانهم خايفيين من الكليه وانها صعبه
هى فعلا صعبه بس على الكل والشاطر الى يخطط كويس علشان يزاكر كويس لان الحكايه مش حفظ وخلاص
الى بيفرق مش عدد ساعات المذاكره ولكن طريقه وكيفيه المذاكره ودا انا شفته بعينى ناس بتذاكر كتير وتجيب مقبول فى الاخر الكلام دا مش علشان احبطكم ولكن علشان احاول اوجهكم للى انا شايفه صح وهو التخطيط للمذاكره والفهم قبل الحفظ وعلى فكره الكلام دا حصل معايا فى سنه اولى جبت امتياز بس مش ترتيب على الدفعه ولكن فى تانيه جبت امتياز ورتبت على الدفعه وانا من العشرين 20 الاوائل على الدفعه دا مش للتفاخر انما مثال فقط لان كل ده من توفيق ربى ونعمه عليه التى لا تعد ولا تحصى
وفى النهايه اى حد عايز اى حاجه سواء كان شرح او محاضرات صوت او فيديوهات عملى ممكن اجبها له فى اى وقت
ودا الايميل بتاعى لو حد عايز اى جاجه
dr_medo_mas_2020*yahoo .com واى استفسارات انا ممكن اساعدك وعلى فكره الجداول اتعلقت انهارده فى الكليه والنظام كالاتى الدفعه هتتقسم لنصفين كل نص هيكون له مواعيد محاضرات خاصه بيه وانتوا عارفين السبب طبعا
فى انتظار كلامكم

د-محمد عبده

29-09-2009, 06:37 PM

dr_medo_mas_2020_yahoo .com اسف على الغلطه الى فى الايميل منتظر الرد

د-محمد عبده

29-09-2009, 06:39 PM

dr_medo_mas_2020*********** اسف مره تانيه على الغلطه الى فى الايميل منتظر الرد

علي11

29-09-2009, 06:40 PM

شكرا يادكتور محمد ع الرد والف مبروك ع الإمتياز والترتيب وعقبال باقى السنين ان شاء الله
عايز اسأل حضرتك سؤال هو المجموعة أ فى التقسيم
لحد حرف ايه :)

د-محمد عبده

29-09-2009, 06:48 PM

اولا شكرا على الدعاء الجميل ده
اما بالنسبه للتقسيم فانا لا افقه فيها شىء حتى الان حتى جدولى معرفتش اجيبه من الزحمه انهارده
بس انا رايح الكليه بكره ممكن اسال لك على تقسيمه الارقام
وبعدين ماتقلقش من حكايه الجدول لان فى اول يوم كل الى انت لازم تعرفه هو مدرج اولى و بس
اما التقسيم والسكاشن هتعرفها بعدين برحتك وخصوصا ان اول اسبوعين مفيش سكاشن عملى خالص
بيبقى محاضرات فقط يعنى ما تقلقش من الحكايه دى

علي11

29-09-2009, 07:03 PM

شكرا يادكتور ومعلش تعبتك معايا

علي11

30-09-2009, 09:37 AM

هو حضرتك يادكتور محمد عضو فى اتحاد الطلبة

dr.salali

01-10-2009, 02:44 AM

بشكر زميلي الدكتور عبده على مداخلته في الموضوع
وده بيأكد لكم الكلام اللي كنت بقوله ف الاول إن الكلية مش سهلة بس لو نظمت وقتك وعرفت ازاي تزاكر
وده ممكن تعرفه من صحابك أكبر منك أو اخواتك أو اي حد من قرايبك يكون أكبر منك ومعانا ف الكلية
والدكتور محمد يمكن أفاض ف الموضوع ده فمش هتكلم عليه تاني
بالنسبة لجدول سنة أولى
الدفعة اتقسمت على نصين فعلا زي ما الدكتور قال مجموعة أ ومجموعة ب
مجموعة أ ولها محاضرات من الساعه 8 للساعه 11 ومكانها بمدرج السفلي بجوار المطعم
مجموعة ب ومحاضراتها من الساعة 4 للساعة 7 مساء ومكانها بمدرج تشريح جوة الكلية

بالنسبة للسكاشن
الدفعة اتقسمت ل 5 مجموعات وليها سكاشن من الساعه 11 للساعة 3 على حسب توزيعة المجموعات ف الجدول

التشريح سكشنين ف الاسبوع
الفسيولوجي سكشن واحد ف الاسبوع
البيو سكشن واحد ف الاسبوع
الهستولوجي سكشن واحد ف الاسبوع

مع مراعاة احتمال وجود سكشنين ف اليوم للمجموعة الواحده

الجدول بازن الله هيبقى موجود من الساعه 8 ف الكلية ومتواجد مع طلبة الاتحاد في مكان الاستقبال ف الكلية من أول يوم ف الدراسة بازن الله

نتمنى للجميع التوفيق والنجاح ويجعلها سنة سعيده علينا وعليكم يا رب بازن الله

لو في أي استفسار أنا تحت امركم

aloneinhome

01-10-2009, 03:12 AM

على فكرة أبسط حاجة ممكن نحكم بيها إننا نجرب ...... مش لازم نسأل حد وناخد قرار تجاه حاجة معينة أو فكرة صح أو غلط

لأ زم نشوف ..... ليه مترحوش للناس دى وتتعاملو معاهم مش جايز تكونو فاهمين غلط ......

أبسط حاجة مثلا لما د/ أحمد الجوهرى كان عنده إمتحان ونزل رغم كده ده أساسا لأنه قبل إنه يبقى مسئول عن الإتحاد وبالتالى لازم

ينزل ويحضر ..... بالنسبة للمادة أة الحافز المادى .... المفروض نشوف الأول هوا محتاج أساسا الفلوس دى أو لأ ......
وهكذا ..... لازم نعرف وبعد كده نقر

طبعا مش أصدى أدافع عن حد لأن د/أحمد معاملته كفيله تصحح ده ومش أصدى أهاجم حد بس كل اللى عايز أقوله لازم نتأكد من كل حاجة نسمعها قبل من نتصرف بناء عليها

ونخلى بالنا إن الكلية حتنسمعو فيها حاجات كتير سواء عن ناس زمايلكو أو دكاترة جوه الكليه أو براها فلازم تتأكدو منها

وشكراً لأن حاجة زى كده مهم جدا نتناقش فيها

ويارب تكون سنة سهلة بإذن الله[/b]

aloneinhome

01-10-2009, 03:18 AM

بالنسبة للجدول لسنة أولى حنصور صوره ونحطها برده عشان الناس تطمن

firstdoc111

01-10-2009, 06:53 AM

من فضلك د/محمد عبده اولا الف مبروك علي الامتياز وعقبال السنين اللي جاية ان شاء الله بس سؤال هو بالنسبة للترتيب لو اتنين جايبين نفس المجموع بياخدوا نفس المركز ولا مراكز متتالية يعني لو اتنين جايبين 732مثلا يبقي الاتنين 17 ولا الابجديا17 و18 علشان اعرف ترتيبي وانا ان شاء الله داخل تانية طب السنادي
والف مبروك:av4056bb7jp3::078111rg3:

dr.salali

03-10-2009, 12:42 AM

بازن الله بكرة جداول جميع الفرق موجوده ويتم توزيعها على مدخل الكلية في ريسيبشن الكلية

مع تحيات : إتحاد الطلاب

dr.shwshw

03-10-2009, 03:39 PM

منورة يانووووووووووور

dr.salali

03-10-2009, 08:36 PM

كل سنة وانتم طيبين
النهارده كان أول يوم في الدراسة ف الكلية
طبعا أكيد كلنا نزلنا سواء جدد او قدام فياريت وخاصة الطلبة الجدد يقولولنا إذا ماكان في مشاكل قابلتهم
سواء هنا أو على أيميل الاتحاد
tanta_su*********** (tanta_su***********)

د-محمد عبده

16-10-2009, 07:19 PM

الى د- first doc
بالنسبه للترتيب مش المهم انتا 17 او 18 المهم انك تكون من الاوائل لان حكايه ترتيبك كام دى بتبقى مهمه اوى بعد ما تخلص سنه سادسه لان دا الى بيحدد هتبقى معيد ولا نائب وان كنت معيد تبقى معيد فى اى قسم
انما المهم دلوقتى انك تحافظ على الترتيب وتحاول تعدى الى جايب زيك والى جايب اكتر منك علشان تضمن مكان فى الكليه ان شاء الله وتبقى معايا فى قسم واحد ان شاء الله تعالى