مشاهدة النسخة كاملة : هل فخور انك مصري
من غير ليه 04-09-2009, 06:42 AM هل انت فخور انك مصري ؟
سؤال غريب ممكن ناس تنتقدني وتقولي انتي بتقولي ايه انا فخور اني مصري طبعا
وناس تقولي لاءه اصلي مبحبش مصر
انا عن نفسي بحب مصر جدا لكن لما اسمع ان في فيلم مصري فيه حاجات مخالفة للحياء والدين ساعتها بتكسف اقوي وقول ياريتني مكنت مصرية بحس ان مصر فيها ناس كتير بتعمل حاجات غلط تخلي الواحد يحط راسه في الرمل وخاصة لما بشوف البرامج الاخبارية واللي بتعرض فضايح الشعب المصري اللي مش لاقي ياكل واللي مش لاقي يتعالج ده وصلت ان لو حادثة عربية عادية حصلت بيجيبوها في البرنامج كأن مصر هي الوحيدة اللي فيها حوادث
وفي نفس الوقت لما افتكر احمد زويل والشعراوي واحمد عرابي وا**** يعقوب ببقى فرحانة قوي اني مصرية
هو في فرق طبعا كونك بتحب البلد وانك تفتخر انك منها
اصلي طول عمري كنت عيشة بره ورجعت من كام سنة وحاسة اني مش مرتاحة في مصر ونفسي ارجع برة تاني كاني هافضل مغتربة طول عمري
بروف انس 04-09-2009, 09:09 AM طبعا انا فخور ان انا مصري وودي طبعا احسن حاجه افتخر بها وانا مش مسئول عن الاخطاء اللي بيعملها غيري من معدومي الضمير واذا كانت البلد مش في عزها ولا مجدها فاحنا ان شاء الله هنخليها احسن بلد رغم عن الحاقدين وايه هي مصر اساسا مصر مش نيل وارض مصر ناس
مش عارف ليه الموضوع بقي كل مش يلا مش مهم
الطامحة للافضل 04-09-2009, 09:50 AM انا طبعا فخورة انى مصرية كفى شرفا ان مصر اسمها فى كتاب رب العالمين وان شاء الله ححاول ارفع شان بلدى
..Just Stop 04-09-2009, 01:41 PM سلام عليكم
ارفع رأسك يا اخى انت فى بلد العجائب
الست نانسى قالت لو سألتك انت مصرى تقوللى ايه ( هقوللها علامة تعجب هفكر وارد عليكى )
الحكاية مش حكاية انا مصرى اولا
او شعارات فى حب مصر وكلام يفط وجرايد
اى واحد طبيعى انه يحب المكان اللى اتولد فيه واتربى فيه
بس حكاية انى افتحر او لا بتتوقف على حاجات
منا مشوفش البلد ضايعة وفيها فساد وبلاوى سوداء(سورى على اللفظ )
واقول انا فخور
انا افتخر لما الاقى المكان اللى انا فيه كويس
انما الاقيه بالمنظر دا طبعا مقدرش افتخر
فى حاجات معين بفتخر بيها انما لو بصينا لبلدنا بنظرة عامة
هنلاقيها ليس فيها مجال للفخر
وفى الوقت دا يحضرنى موقف من فيلم ( ...)
لما حسين فهمى سأل احمد السقا وقالله انت بتحب امك قالله اه
قالله ليه قاله علشان دى امى ولازم احبها
قالله يعنى مش علشان هيا اجمل ام فى الدنيا
ملخص الموقف
ان فى فرق بين الحب والفخر
شتان بين هذا وذاك بس لو اجتمع الحب مع الفخر
اكيد هتبقا الدنيا بمبى اوى
لكى الله يا مصر
دمتم فى رعاية الله
_GUIDE_ 04-09-2009, 01:49 PM هل انت فخور انك مصري ؟
ساعات لما المنتخب بيكسب
boy&وداعة&kind 04-09-2009, 01:59 PM هل انت فخور انك مصري ؟
أولا أكيد كلنا بنحب مصر لأنها البلد اللى اتولدنا فيها وربنا زرع فينا حبها وده مش مجال للنقاش ومفيش شك فى كده
ثانيا بقى حكاية أنى أفتخر أنى مصرى بتكون أوقات يعنى لما أشوف عالم مصرى بياخد جايزة ولا فنان مصرى بيتكرم بره ولا المنتخب بيحقق فوز ببطولة ولا حاجة
وكما قال الزعيم مصطفى كامل (لو لم أكن مصريا لوددت أن أكون مصريا)
وقال أيضا(عم قول يارب):d
Kareem Ahmed 04-09-2009, 02:00 PM انا مصرى و ابويا مصرى
عاشق لغة الضاد 04-09-2009, 02:13 PM انا شخصيا مش فخور لانى مصرى.......... ليه
لانى مقدرش فى بلدى اخلى ابنى (وكيل نيابة ) لان دا محجوز لناس بعينهم
لانى مقدرش فى بلدى اخلى ابنى (ضــــــابط ) لان دا محجوز لناس بعينهم
لانى مقدرش فى بلدى اخلى ابنى (فى وظيفة محترمة )لان دا محجوز لناس بعينهم
لانى حاسس انى مصر ملك ناس بعينهم وانا غريب مش مصرى مش مصرى مش مصرى
BaNZeR 04-09-2009, 02:28 PM احم :d
الموضوع ده مكرر :d
عاشقـــ الانمى ـــة 04-09-2009, 02:29 PM من الطبيعى اى انسان متبهدل فى مصر بيكرهها
وبيحاول يبعد عنها باى وسيلة حتى لو كانت هجرة غير شرعية
لانوا مفكر انوا هيشوف العز فى اى بلد تانية
بس بجد لو سافر بره
بيحن ليها ولاهله
ومستعد يعيش فيها
مهو كده هيشقى وكده هيشقى
ال ميحسش بحب مصر الناس ال متغربين بره
بيحسوا بحنين للوطن
انا قريبتى متغربة بره وعايشة مع جوزها فى انجلترا
بتكره اليوم ال وافقت فيه انها تتجوز وتعيش بره
هى نفسها ترجع مصر تحسن بالامان تبقى وسط اهلها
عايشة فى انجلترا
بعيدا عن بلاوى البلد
لو جينا للجانب المشرق فى الموضوع
هتلاقى مصر بلد الامن
مش هتلاقى عنصرية بين المسلمين والمسيحين
بعكس البلاد التانية
هتلاقى العنصرية موجودة فى اى بلد تانية
شوفت مرة مقولة للبابا شنودة لما اكنت بقرا عن مقالة مرة
مصر ليست وطناً نعيش فيه بل هى وطن يعيش بداخلنا غير قابلة للمزايدة عليها ولا بها
وياريت دايما نحاول نبص لل اقل مننا
هو دا عيبنا اننا دايما نبص لل اعلى مننا
** ضي القمر ** 04-09-2009, 02:40 PM لا مش فخورة بيها
لان مصر كمان مش بتحافظ على ولادها وتخليهم يفتخرو بيها
لما كنت صغيرة كنت بحبها
بمكن علشان كنت لسة صغيرة وعبيطة
بس دلوقتى لا
هحبها ليه وانا بشوف شباب زى الفل وبشهادات عالية وتقديرات ممتازة مش لاقى شغل
هحبها ليه لما تخلى شباب زى دول يقول اعمل ايه يعنى اتاجر فى المخدرات ولا اروح اموت نفسى
لما بندموا على السنين اللى ضيعوها علشان الشهادات وفى الاخر يوم ميلاقى شغل بتبقى فى مطعم او محل
صحيح كان ايه لازمتها الشهدات بقى؟؟
زعلانة من مصر وزعلانة علشانها
بس مش فخورة بيها
..Just Stop 04-09-2009, 02:42 PM ساعات لما المنتخب بيكسب
وزى ما مصطفى كامل قال
لا يأس مع الحياة عم قول يارب
:d
hema nasr 04-09-2009, 03:01 PM لو لم اكن مصري لوددت ان اكون مصرى
يالا بينا 04-09-2009, 04:49 PM الحمد لله على اني مصرية
عايزة اوضح لحضرتك حاجة:
لو كنت عايشة ف عصر غير ده كنت افتخرت بمصريتك.......
ليه؟
لانه كان هيكون عصر ازدهار ومصر فيه قمة ف كل حاجة.....
لكن دلوقتي الأوضاع عايزة شوية تظابيط....
في مشكلة مهمة......
مصر هي الارض والمعالم والعبق والتاريخ والمكانة عند ربنا
وليس الحكومة
رجاء انتبهوا للحكاية دي
لو في غلط ف الاوضاع
يبقى من عندنا.....
طالبة حزينة 05-09-2009, 06:30 AM موضوع كمييييييييل خالص
اولا اهلا بيكي معانا في المنتدى
اتمنى انك تكوني مبسوطة فيه
ويا رب كده يكتر من مشاكاتك ومواضيعك
بالنسبة للموضوع :-
طبعا طبعا انا فخورة وفرحانة اني مصرية :av4056bb7jp3:
:av4056bb7jp3::av4056bb7jp3:(مصرية وافتخر) :av4056bb7jp3::av4056bb7jp3:
ده شعاري
لان مصر بصراحة متقدمة في كل حاجة
صحيح في سلبيات ولكن الكويس ملوش دعوه بغيرة من المش كويسين
مثلا يعني لما بيعلنوا عن مصر ويقولو البيت بيتك
يجيبوا الرقاصة كرمز لمصر
مثلا كلمة يحيا الفخراني مصر قبلة الفنانين العرب
يا ريتها ما كانت
وغيرة من الحاجات الى بتحزن بس و مع ذلك افتخر
من غير ليه 05-09-2009, 06:38 AM طبعا انا فخور ان انا مصري وودي طبعا احسن حاجه افتخر بها وانا مش مسئول عن الاخطاء اللي بيعملها غيري من معدومي الضمير واذا كانت البلد مش في عزها ولا مجدها فاحنا ان شاء الله هنخليها احسن بلد رغم عن الحاقدين وايه هي مصر اساسا مصر مش نيل وارض مصر ناس
مش عارف ليه الموضوع بقي كل مش يلا مش مهم
شكرا لمروك الكريم وكويس ان في
نظرة تفاؤل في الحياة هتخلي الواحد يقدر يكمل
من غير ليه 05-09-2009, 06:40 AM انا طبعا فخورة انى مصرية كفى شرفا ان مصر اسمها فى كتاب رب العالمين وان شاء الله ححاول ارفع شان بلدى
ان شاء الله احنا منتظرينك
ده كفاية اسمك اللى كله تفاؤل
شكراا لمرورك
من غير ليه 05-09-2009, 06:42 AM سلام عليكم
ارفع رأسك يا اخى انت فى بلد العجائب
الست نانسى قالت لو سألتك انت مصرى تقوللى ايه ( هقوللها علامة تعجب هفكر وارد عليكى )
الحكاية مش حكاية انا مصرى اولا
او شعارات فى حب مصر وكلام يفط وجرايد
اى واحد طبيعى انه يحب المكان اللى اتولد فيه واتربى فيه
بس حكاية انى افتحر او لا بتتوقف على حاجات
منا مشوفش البلد ضايعة وفيها فساد وبلاوى سوداء(سورى على اللفظ )
واقول انا فخور
انا افتخر لما الاقى المكان اللى انا فيه كويس
انما الاقيه بالمنظر دا طبعا مقدرش افتخر
فى حاجات معين بفتخر بيها انما لو بصينا لبلدنا بنظرة عامة
هنلاقيها ليس فيها مجال للفخر
وفى الوقت دا يحضرنى موقف من فيلم ( ...)
لما حسين فهمى سأل احمد السقا وقالله انت بتحب امك قالله اه
قالله ليه قاله علشان دى امى ولازم احبها
قالله يعنى مش علشان هيا اجمل ام فى الدنيا
ملخص الموقف
ان فى فرق بين الحب والفخر
شتان بين هذا وذاك بس لو اجتمع الحب مع الفخر
اكيد هتبقا الدنيا بمبى اوى
لكى الله يا مصر
دمتم فى رعاية الله
اه والله صح عندك حق
من غير ليه 05-09-2009, 06:46 AM ساعات لما المنتخب بيكسب
حلوووووووووووة دي
DR/ AHMAD 05-09-2009, 06:50 AM انا مصرى و ابويا مصرى
لا يا شيخ
والله ودا من امتى دا
هههههههههههههههههه
أحلام مفقودة 05-09-2009, 09:09 PM لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالا
انا بكره مصر
انا اصلا هجيت منها ومش عاوزه ارجعلها
الأميـرمحمد 07-09-2009, 04:44 PM انا فخور فعلاً اني مسلم مصري
yomna1993 07-09-2009, 06:11 PM السلام عليكم
معلش هقول رايي بس حاولوا تفهموها بقى
انا الي شايفاه في مصر افتخر بيه بجد هو تاريخ مصر
و ده اسمه فخر بس فخر العاجز
يعني اني فخورة و متشرفه ببلدي لكن بتاريخ بلدي و حضارتها و مش فخورة بشاببها الي هو في وقتنا الحالي
لكن كمصر ف نا بحبها و نفسي اعمل حاجات تخليني و تخلي كل مصر تفخر بها
و على فكرة العيب مش في مصر
العيب في الي عايشين فيها
لي عودة باذن الله عشان المغرب بياذن
في رعاية الله
من غير ليه 11-09-2009, 12:13 PM شكرا على المرور
Ayman Inventor* 11-09-2009, 02:16 PM انا فخور انى مصرى
وبوجه كلمة لكل عربى
بيشتم فى مصر او بيكرهها
وده طبعاً منتشر على النت زى ماكلنا عارفين
بس هايروحو منا فيين
:abdoog8::stickjo4::049gc0::giljotiiniug3::040vk0:
احنا هانقولهوم
ربنا يسامحكوم
وهما بيعيرونا
بالطعمية والفول
واحنا مش هانرود ولا نعايرهم
لأننا احسن منهم
وشفت مرة فييديو على اليوتيوب
لولد مصرى بيعمل دورة كهربئية صعبة
اكييد حاجة مشرفة بس
هما شتموه وهزقوه
لييييييييييييييه
حقدوهم علينا
فجايين تسألونى انا فخور ولا
لأ اكييد
فخور.
Ayman*
سابقاً
متعاقده مخنوقه 11-09-2009, 02:35 PM يمكن كنت ابقى فخوره لانى مصريه لو كنت عايشه فى زمن غير الزمن
لكن بصراحه اللى انا شايفاه فى مصر حاليا ميخلينيش افخر انى مصريه
للاسف انا شايفه ان مصر مبقيتش مصر اللى كنا بنقراعنها وعن شعبها فى كتب التاريخ
مصر دلوقتى للناس معينه بس اصحاب النفوذ والمال طبعا
اللى انا شايفاه فى مصر دلوقتى
هو ان كتير من المصريين تحت خط الفقر
كتير من شبابها مش لاقيين شغل واذا لقوا غالبا
بيبقى بمرتب يادوب نهايته المواصلات ومصاريفهم الشخصيه
يعنى لو شاب مثلا فى بدايه حياته هيبقى قدامه عشرين سنه على مايكون اسره
داان كونها اصلا
كمان البلد دلوقتى علشان تاخد ابسط حقوقك فيها لازم يكون عندك واسطه
واذا مفيش يبقى فلوس
انا شفت ناس علشان يخلصوا بس اوراقهم من المصالح الحكوميه لازم يدفعوا
او يجيبوا واسطه او يدوخوادا طبعا ان لقيوا الموظفين اصلا موجودين ومش مزوغين
اما بقى بالنسبه للتعليم فبلاش اتكلم عنه
ممكن اقول بس جمله واحده من اللى شفته ان فعلا
الله يرحم التعليم المصرى وضمير القائمين على العمليه التعليميه
وانا فى رايى اننا لو عايزين ندمر اى بلد ندمر تعليمها على المدى الطويل
ودا اللى شايفاه للاسف
طبعا انا مش بعمم عارفه ان فيه ناس لسه كويسه
وناس لسه عندها ضمير وبيراعوا ربنا على قد مايقدروا
لكن للاسف دول ناس قليلين جداااااااااا
وفيه منهم اللى بيشوف اوضاع كتير غلط وللاسف لازم يسكت
وياكل عيش زى مابيتقال
دى طبعا بعض المشكلات الموجوده وفيه مشكلات اصعب منها كتير جدا
وحتى لايمكن كنت اتخيل انها موجوده وبتحصل فى مصر
من تجاره اعضاء ومخدرات وغسيل اموال وتلوث ومشاكل تانيه كتير جدا
فياريت نخلينا واقعيين
عارفه طبعا ان كتير من اللى هيقروا كلامى هيقولوا انى متشائمه
لكن احب اقولهم ان فيه فرق بين انك تكون متشائم وانك تكون واقعى
للاسف دا الواقع اللى بشوفه بيحصل دلوقتى فى مصر
كتير هيقولوا خلى عندك امل فى التغيير
للاسف كمان الامل فى التغير بيتبنى بناءا على الواقع
والواقع اللى انا شايفاه بيقول ان مفيش اى امل للتغيير للافضل
بالعكس
مش معنى كدا ان معنديش انتماء لبلدى او انى مش بحبها
بالعكس انا بحب بلدى وعندى انتماء ليها لكن مش فخوره باحوالها واللى بيحصل فيها
لان فعلا المشكله مش فى مصر نفسها المشكله فى اللى عايشين فيها
اللى اغلبهم اتحكمت فيهم الانانيه وحب الذات وانعدام الضمير وبقوا بيدوسوا حتى على اقرب الناس ليهم
لتحقيق مصالحهم الشخصيه
وللاسف انا شايفه ان السبب الرئيسى للى بيحصل فى مصر دلوقتى
هو التعليم
لانه الاساس فى كل شىء لاننا بقينا بدل مانطلع طالب عنده ضمير وبيخاف ربنا فى افعاله
بقينا نطلع طالب غشاش منعدم الضمير
اصبحت التربيه الدينيه بدل ماتكون ماده اساسيه فى مدارسنا وفى حياتنا
بقت ماده الطلبه مش بيفتحوا كتابها ولا يعرفوا هو
فين غير ليله الامتحان
فاى مستقبل واى امل للافضل فى بلد احوالها بقت بالشكل دا
you_my_lovely 11-09-2009, 10:54 PM هل انت فخور انك مصري ؟
اهــــــــا أكيد
من غير ليه 20-09-2009, 07:49 PM شكرا يا جماعة على مروركم كل واحد ليه وجهة نظر بس في الاخر كلنا مصريين ابينا ام لم نأبى ولو حد شاف المسلسل الكرتوني الكويتي واللي بيسخر فيه من المصرية دمه هيحرق
ولو شوفته الاعلان بتاع الزبدة وهما بيقولوا " وفري وحطي تنتوفة " هتحسوا ان احنا مش لاقيين ناكل او اعلان القطر ان النا يتسرق الحنفية الجديدة هتحس ان احنا شعب حرامي
يا جماعة الاعلام بيبن للناس صورة سيئة عننا :040vk0:
h2714 23-10-2009, 06:23 PM تنبيه: لماتلاقىفىمصرواحد عضو مجلسنا الموقر يجعل الحديد من 800 يصل الى اكثر من8000 جنية ويلوى رقبت الشعب علشان هو فوق القانون ومحدش بيشوف له دور فى الدولة
لما تلاقى قمم من رجال الاعمال فى موضع اختلاس من البنوك وفى مواضيع نصب واحتيال وقتل وزنا
لما تلاقى انك بتاكل لحمل مسموم ومسلول بة السل من جوعك والبيوكل رجال لهم محسوبيات فى الدولة وبيحصلوا على الموافقات لذلك ولما تلاقى الذله فى لقمت العيش بالامتحانات لكى تاخذ فتافيت تاكل بيها انت وعيالك ولما تلاقى المرض بيحوط بيك ومشعارف تداوى نفس باى دواء والدولة بتضحك عليك من سؤ القرارات ولما تلاقى رئيسك فى العمل بيعترف ان فية فساد فى الدولة فى الالفية الثاتية امال كل هذة المدة بيعمل اه بيحاول يثبت فية فساد ولما تلاقى حقق بيغتصب امام عينك ورئيسك فى العمل ساكت مبيحركش ساكن علشان فية زميل ماسك علية حاجة وبيهدده بيها وانت مذلول ولما تلاقى واحد ىبيديك الموحظة وبيجميك على الحق وهو من وراك بيدبحك بسكينه تالمة ولاما ولكا .....وهنا الكثير من التيفود والمجارى والنصب والاهمال والجهل وووووو.......القرارات المتضاربة لاحظ انهم بشر بيغلطوا مهمش ملائك بل .............
اكيد هتقول انك بتفتخر انك فى مصر ولذلك اكثر من 2 او3 مليون بيشتعلوا خارج مصر والغاز بتاع ارضك مسروق طول حياتك وذهب الارض واثار الارض وهوا الارض وكمان المصيبى مياة النيل هتتسرق ونقعد ننوح عليها ونقول ياريت الجرى مكان القطاع العام اتباع والاراضى اتباعت والقانون فاشل للتدخل فى القضاء والتخل فى الدين كنتوافين من سنين والنقاب بيتلبس اه التوقيت ده ++
h2714 23-10-2009, 06:26 PM [quote=h2714;1695793]تنبيه: لماتلاقىفىمصرواحد عضو مجلسنا الموقر يجعل الحديد من 800 يصل الى اكثر من8000 جنية ويلوى رقبت الشعب علشان هو فوق القانون ومحدش بيشوف له دور فى الدولة
لما تلاقى قمم من رجال الاعمال فى موضع اختلاس من البنوك وفى مواضيع نصب واحتيال وقتل وزنا
لما تلاقى انك بتاكل لحمل مسموم ومسلول بة السل من جوعك والبيوكل رجال لهم محسوبيات فى الدولة وبيحصلوا على الموافقات لذلك ولما تلاقى الذله فى لقمت العيش بالامتحانات لكى تاخذ فتافيت تاكل بيها انت وعيالك ولما تلاقى المرض بيحوط بيك ومشعارف تداوى نفس باى دواء والدولة بتضحك عليك من سؤ القرارات ولما تلاقى رئيسك فى العمل بيعترف ان فية فساد فى الدولة فى الالفية الثاتية امال كل هذة المدة بيعمل اه بيحاول يثبت فية فساد ولما تلاقى حقق بيغتصب امام عينك ورئيسك فى العمل ساكت مبيحركش ساكن علشان فية زميل ماسك علية حاجة وبيهدده بيها وانت مذلول ولما تلاقى واحد ىبيديك الموحظة وبيجميك على الحق وهو من وراك بيدبحك بسكينه تالمة ولاما ولكا .....وهنا الكثير من التيفود والمجارى والنصب والاهمال والجهل وووووو.......القرارات المتضاربة لاحظ انهم بشر بيغلطوا مهمش ملائك بل .............
اكيد هتقول انك بتفتخر انك فى مصر ولذلك اكثر من 2 او3 مليون بيشتعلوا خارج مصر والغاز بتاع ارضك مسروق طول حياتك وذهب الارض واثار الارض وهوا الارض وكمان المصيبى مياة النيل هتتسرق ونقعد ننوح عليها ونقول ياريت الجرى مكان القطاع العام اتباع والاراضى اتباعت والقانون فاشل للتدخل فى القضاء والتخل فى الدين كنتوافين من سنين والنقاب بيتلبس اه التوقيت ده
اكيد اكيد هنحب مصر
ahmedfeqy 27-11-2009, 07:34 PM جزاك الله خيرا علي هذا الموضوع
انا فخور اني مصري طبعا
لان
صالح عيسى 20-12-2009, 01:18 AM نعم فخور إني مصري
كل السلبيات الموجودة
لا تجعلنا نكره مصر ،المهم
أن نغير أنفسنا أولا لا نلعن الظلام
بل نشعل ولو شمعة صغير سنهزم كل
مساحات الظلام ،إذا انتصرنا على أنفسنا
سننتصر على كل المشكلات
thechampion 20-12-2009, 06:00 AM انا فخور انى مصرى ومهما حصل عفضل فخور
|