ملتقى علوم أسيوووووووط .... [الأرشيف] - بوابة الثانوية العامة المصرية

أميرة الحب

04-09-2009, 04:05 PM

السلام عليكم

انا بصراحة شفت هنا جروبز كتير لعلوم في جامعات محافظات تانية .. وعاملين مع بعض شغل جامد

وطبعا علوم اسيوط مش اقل من اي احد -_-:cool:
قولت بقا نعمل جروب احنا كمان ونفيد بعض

و كلنا امبارح رحنا الكشف الطبي وخدنا الدليل
وفي بقا شرح للأقسام وكدا .. ونظام الساعات المعتمدة :excl:

انا عن نفسي ناوية اتخصص في قسم علوم الحاسب ان شاء الله .. ( انا علوم رياضة )

يالا بقا اي حد في علوم اسيوط يقولنا ناوي على قسم ايه ان شاء الله وايه اللي فهمه من الدليل ومخطط مستقبله ازاي في كليتنا الحلوة دي :av4056bb7jp3:؟؟؟
وطبعا مفيش مانع ان الناس الخبرة اللي في الكلية ( تانية وتالتة ورابعة ) يدخلوا ويشاركوا بالعكس اكيد مشاركاتكوا هتفيدنا جدا :) ..

وفي رعاية الله :078111rg3:

أميرة الحب

04-09-2009, 04:10 PM

بالنسبة لنظام الساعات المعتمدة
انا كل اللي فهمته في النظام ده ان كلمة ساعة معتمدة معناها محاضرة او نشاط عملي او كدا .. وبيبقا على حسب مدة الساعة دي .. يعني ممكن ساعة او ساعتين او تلات ساعات
وفهمت ان ممكن الطالب بشطارته يخلص الساعات المعتمدة اللي عليه بسرعة بدري ويخلص دراسته في الكلية في اقل من اربع سنين

بس بصراحة مش فاهمة بقا ازاي ننظم الموضوع ده
ياريت اللي فاهم كويس يقولنا بطريقة بسيطة كدا
وانا لسة هدور دلوقتي في مواضيع المنتدى ولو لقيت حاجة تفيدكوا هكتبها هنا إن شاء الله :)

angel mate

06-09-2009, 11:07 PM

أميرة الحب

08-09-2009, 05:58 AM

و عليكم السلام و رحمة الله و بركاته

انا كمان علوم أسيوط و ان شاء الله ناوى على قسم علوم الحاسب , اما بالنسبة للدليل فأنا مفتحتهوش اصلا هقراه و اكتب ايه اللى فهمته منه
انا كمان عايز اعرف ايه هو نظام الساعات المعتمدة لأنه فهمته بس مش اوى ياريت اى حد يوضحه كويس

و شكرا على الموضوع الجميل

ويلكم بيك معانا :p :av4056bb7jp3:.. وان شاء الله نفيد بعض كلنا بإذن الله
بس مش عارفة ليه لغاية دلوقتي محدش غيرك دخل الموضوع
رغم ان اسيوط مغرقة المنتدى
انا طبعا مش بقلل من مشاركتك اكيد نورت الموضوع :)

BaNZeR

08-09-2009, 06:20 AM

بما إني من اسيوط قلت ادخل اعمل منظر هنا :d

وبما إن كلية علوم مبتسبش كلية في حالها :d
فاكيد ممكن استفيد معاكو هنا على الاقل في التعرف على الدكاترة ونظامها

محمد - هندسة اسيوط

أميرة الحب

08-09-2009, 06:44 AM

بما إني من اسيوط قلت ادخل اعمل منظر هنا :d

وبما إن كلية علوم مبتسبش كلية في حالها :d

( B)B) .... :p )

فاكيد ممكن استفيد معاكو هنا على الاقل في التعرف على الدكاترة ونظامها

محمد - هندسة اسيوط

ماشي يا محمد نورتنا :).. وإن شاء الله تستفاد

ادعي بس معايا الناس تدخل الموضوع

ويدخلوا يعملوا منظر زيك كدا :d

ميرسي على مشاركتك
ونشكركم على تعاونكم معنا :p

mekoo_5000

08-09-2009, 05:04 PM

السلام عليكم و رحمة الله و بركاتة

الف مبروك لكل طلاب اولى علوم اسيوط و يا رب الكلية يكون وشها حلو علينا و نحقق كل اللى بنتمناه فيها

الموضوع جميل يا اميرة الحب و شكرا على طرحه و اعتذر انى مكنتش اول المشتركين

انا علمى رياضة و محتارة فى اختيار القسم لان كل الاقسام مغرية جدا بالنسبة ليا

اكيد هنروح كلنا علشان نعرف معلومات عن كل قسم و ده هيساعدنا فى الاختيار للقسم المناسب لقدرتنا

نظام الساعات المعتمدة انا اللى فهمتة انها ساعات المفروض نقضيها فى الجامعة و موزعة على الاربع سنين و ليها نسبة غياب اكيد هنفهم معناها لما نروح بعد العيد

و ربنا يوفق الجميع و ياريت طلاب علوم اسيوط يشاركوا فى الموضوع ويكون تجمع خاص بينا يناقش كل حاجة عن الكلية و يرد على كل الاستفسارات و نفيد يعض و منبخلش على بعض بالمعلومات

السلام ختام و فى رعاية الله و ان شاء الله هكون متواخدة بشكل مستمر
كل سنة و انتوا طيبين و اتهنوا بالاجازة قبل الدراسة و متعتها ان شاء الله فى كلية علوم اسيوط

mkaa2008

08-09-2009, 05:49 PM

mkaa2008

08-09-2009, 05:55 PM

بالنسبه لللى عايز يدخل علوم حاسب لازم يعرف انه علوم حاسب مستقبلها كله اكاديمى ، يعنى يجيب جيد جدا و يحاول يتعين معيد فى الكليه او يدور على شغل معيدين فى الجامعات الخاصه ، اما انه يشتغل فى مجال الكمبيوتر برا فمع الاسف مش هينفع لانه هيلاقى ان الصينايعيه احسن منه وكمان مش هيعرف يشتغل فى شركات لان خرجين هندسة حاسبات واكيلن الجو عليه ، يعنى من الاخر خريج علوم حاسب زى اللى رقصو على السلم لاهوا طال علوم ولا هندسه ، لان دراسته كلها فى اساسايات مش هيلاقيها برا فى الشغل ،
انا ليا اصحاب كتير دخلو حاسب واشتغلو معيدين فى جامعات خاصه ،

بالنسبه للاخت الخريجه من علمى رياضه
مفيش فرق بين علمى رياضه وعلمى علوم غير فى الشهرين الاولنين بس
المهم لو انتى بتحبى الرياضه والفيزيا يبقى تدخلى علوم فيزيائيه ولو بتحبى الاحياء ادخلى بيولجى ودى غالبا مناسبه للبنات ومعظمها بنات
ولو بتحبى الجيولجيا ادخلى جيولجيا ودى مش هتلاقى فيها ناس كتير اصلا

لو رحتى تسالى فى الاقسام ماحدش هيفيدك مش اكتر من انهم يقولولك المواد اللى هتدرسهيا
لان المضووع يتوفق على ميولك ورغباتك وطموحاتك انتى وبس

the black rose

08-09-2009, 05:55 PM

انا كمان داخلة اعمل منظر :d
انا مش من اسيوط اصلا :blush:
بس داخلى ارخم عليكى يا ميرو :006et4:

mkaa2008

09-09-2009, 02:18 PM

رخمى يا بنتى رخمى
دى الرخامه فن

أميرة الحب

10-09-2009, 04:53 AM

السلام عليكم و رحمة الله و بركاتة

الف مبروك لكل طلاب اولى علوم اسيوط و يا رب الكلية يكون وشها حلو علينا و نحقق كل اللى بنتمناه فيها
آمين يارب :rolleyes:
الموضوع جميل يا اميرة الحب و شكرا على طرحه و اعتذر انى مكنتش اول المشتركين
ولا يهمك يا قمر :)
انا علمى رياضة و محتارة فى اختيار القسم لان كل الاقسام مغرية جدا بالنسبة ليا
اكيد هنروح كلنا علشان نعرف معلومات عن كل قسم و ده هيساعدنا فى الاختيار للقسم المناسب لقدرتنا

نظام الساعات المعتمدة انا اللى فهمتة انها ساعات المفروض نقضيها فى الجامعة و موزعة على الاربع سنين و ليها نسبة غياب اكيد هنفهم معناها لما نروح بعد العيد

و ربنا يوفق الجميع و ياريت طلاب علوم اسيوط يشاركوا فى الموضوع ويكون تجمع خاص بينا يناقش كل حاجة عن الكلية و يرد على كل الاستفسارات و نفيد يعض و منبخلش على بعض بالمعلومات

السلام ختام و فى رعاية الله و ان شاء الله هكون متواخدة بشكل مستمر

كل سنة و انتوا طيبين و اتهنوا بالاجازة قبل الدراسة و متعتها ان شاء الله فى كلية علوم اسيوط

نورتينا يا أماني بجد :av4056bb7jp3:وأهلاً بيكي ..
وإن شاء الله ربنا يوفقنا كلنا بإذن الله ونبقا حاجة كويسة في الكلية دي
شكراً على مشاركتك الجميلة .. :)

أميرة الحب

10-09-2009, 05:07 AM

السلام عليكم
انا بقى خريج علوم اسيوط دفعة 2008 فيزياء خاصه و 2006 رياضيات خاصه
و ممكن افيدكم بجد
واى حد عنده ى سؤال عن الكلية انا جاهز
شوفو
بالنسبه لنظام الساعات المعتمده
دا موجود فى اماكن كتير لكنه فى اسيوط افضل ، لو تعرفو فيه دكتور اسمه ( د0صلاح مخلوف ) فى قسم الفيزيا تلاقو مكتبه فى الدور الخامس ، كنا مره عنده فى الايام الاخيره ، وقالنا انهم بيجهزو فى موضوع الساعات المعتمده دا ، وقال انه النظام ببساطه يعنى انه كل ماده بتتاخد فى عدد ساعات معين ، وفيه كذا دكتور بيديها ، كل طالب بإمكنه انه يحضر السعات دى مع اى دكتور يختاره الصبح ولا باليل ، اول الاسبوع او اخره يعنى انتا اللى هتختار جدولك بمزاجك ، طبعا فيه ناس هتجرى ورا الدكاتره السهلين وفيه ناس هتدور على الفهم ، براحتك ، المهم ان الغياب لا يتعدى محاضرتين فى كل ماده ولو زدت عن كدا تحرم من دخول الامتحان بشكل نهائى ، ولو جبت عزر طبى يبقى برضه تحرم من دخول الامتحان ولكن تمتحنه السنه الجايه بعزر ،
المهم اللى لازم تعرفه نه كلية علوم اسيوط هى الكلية الحكوميه الاولى فى مصر ، ودا كلام مجلس الوزراء لما كانو بيعملو مشاريع دعم الكليات ، وفيها استاذه مستواهم عالى جداااااااااااا فيه اتنين فى قسم الكيميا معاهم دكتوراه فى العلوم ( د، ياسين , د0( معلش اسمه راح منى دلوتى مع انى اعرفه كويس اوى بعد الفار افتكره ) المهم الدكتور التانى دا واخد دكتوراة العلو مسنة 2000 وكان سنة 1972 و 1973 بيشتغل باحث فى معمل فى جامهة المانيه وكان المشرف عليه هيزنبرج بتاع مبدأ عدم التحديد لو فاكرينه ، وانا شفت صوره معاه ، المهم تفهمو انه مش علشان علو م اشيوط فى الصعيد تبقى اى كلام ، لا بالعكس دا العكس صحيح لانها مثلا بتمتاز عن جامعات بحرى ان الكورسات فيها نادره جدا وفى الخفاء وللمعيدين فقط بعكس بحرى الكورسات فيها عينى عينك والدكتاره كمان بيدو عادى ، بس مشكلتها انها حازمه جداااااااا ، ( ربنا يستر :blink: )
المه تشدو حلكم وتحضرو
ولو فيه حد ناوى يدخل فيزيا خاصه او رياضه خاصه يكلمنى وانا افيده

بالنسبه لللى عايز يدخل علوم حاسب لازم يعرف انه علوم حاسب مستقبلها كله اكاديمى ، يعنى يجيب جيد جدا و يحاول يتعين معيد فى الكليه او يدور على شغل معيدين فى الجامعات الخاصه ، اما انه يشتغل فى مجال الكمبيوتر برا فمع الاسف مش هينفع لانه هيلاقى ان الصينايعيه احسن منه وكمان مش هيعرف يشتغل فى شركات لان خرجين هندسة حاسبات واكيلن الجو عليه ، يعنى من الاخر خريج علوم حاسب زى اللى رقصو على السلم لاهوا طال علوم ولا هندسه ، لان دراسته كلها فى اساسايات مش هيلاقيها برا فى الشغل ،
انا ليا اصحاب كتير دخلو حاسب واشتغلو معيدين فى جامعات خاصه ،
بالنسبه للاخت الخريجه من علمى رياضه
مفيش فرق بين علمى رياضه وعلمى علوم غير فى الشهرين الاولنين بس
المهم لو انتى بتحبى الرياضه والفيزيا يبقى تدخلى علوم فيزيائيه ولو بتحبى الاحياء ادخلى بيولجى ودى غالبا مناسبه للبنات ومعظمها بنات
ولو بتحبى الجيولجيا ادخلى جيولجيا ودى مش هتلاقى فيها ناس كتير اصلا
لو رحتى تسالى فى الاقسام ماحدش هيفيدك مش اكتر من انهم يقولولك المواد اللى هتدرسهيا
لان المضووع يتوفق على ميولك ورغباتك وطموحاتك انتى وبس

انا مش عارفة اشكرك ازاي بجد :av4056bb7jp3:.. انتا افدتنا جدا جدا جداً
وبالنسبة بقا لحكاية قسم الحاسب .. فإنتا كدا هتخليني اعيد حساباتي :040vk0:
ممكن افكر تاني واغير رأيي .. وممكن بردو افضل زي مانا بس انوي اني اموت نفسي بقا في المزاكرة
آخر ماكنت اتخيل اني هزاكر جامد في الكلية <_< .. ايه المهذلة دي :slap1qk6:
يللا نصيب ... :rolleyes:

ربنا يكرمنا جميعاً إن شاء الله ويوفقنا للإختيار المناسب

وشكراً جدا اوي بجد على مشاركاتك الجميلة المفيدة دي .. ربنا يبارك فيك
وياريت تتابع معانا كدا على طول ومتحرمناش من مشاركاتك

وجزاك ربي كل خير ... ربنا يوفقك :)

أميرة الحب

10-09-2009, 05:10 AM

انا كمان داخلة اعمل منظر :d

انا مش من اسيوط اصلا :blush:
بس داخلى ارخم عليكى يا ميرو :006et4:

هههههههههههههههههه
ماشي يا ستي رخمي براحتك :d
ليكي يوووووووووم :stickjo4:
بس نورتي الموضوع بردو :)

أميرة الحب

10-09-2009, 05:37 AM

بالنسبة لنظام الساعات المعتمدة ..
في مشاركات لعضو ممتاز من علوم الاسكندرية .. ( محمد.فوكس )
موضح نظام الساعات المعتمدة كويس جداً ..
هوا كلام كتير .. بس هتقروه واحدة واحدة هيفدكوا جداً في فهم النظام ده إن شاء الله
انا اقتبستها هنا عشان كلنا نستفيد .. وربنا يبارك فيه :)
المشاركة كالتالي :

معيار الساعة المعتمدة معمول عشان نقارن المقررات ببعضها...يعني في مقررات تقيلة و طويلة و في مقررات صغيرة بسيطة.. فعشان كده بنقول المقرر ده ساعة واحدة معتمدة و ده ساعتين و ده تلات ساعات...و انت عشان تتخرج من الكلية لازم تنجح في مقررات مقدارها يساوي140 ساعة معتمدة(ما تخافوش مش معناها مقررات كتير ده فيالترم الاول هتاخدو 15 ساعة يعملوا سبع مواد يعني ميخضكوش عدد الساعات).
النظام بيحتوي على كذا نوع من المقررات..
في اول حاجة اسمها متطلبات كلية و دي 25 ساعة معتمدة لازم تاخدها في اولى مفيهاش اختيار و كل شعبة من التلاتة بتختلف عن التانية في المقررات و بيشتركوا في بعص المقررات زي مقررات الكيمياء.
في حاجة اسمها متطلبات جامعة. .و دي بتبقى مواد ثقافة عامة مش علمية..و متطلبات الجامعة دي جزئين ..جزء منها اجباري و جزء منها تختار من بين كذا مادة.
الجزء الاجباري سبع ساعات ساعات (ساعتين لغة انجليزية-ساعتين لغة عربية-ساعة حقوق انسان-و ساعتين حاسب الي).
الجزء الاختياري بتختار 3 ساعات ساعات من بين مقررات كتير زي (مدخل قانون-مبادىء ادارة- محاسبة-مقدمة في علم الاثار-علم نفس-فسلفة..ألخ).
في حاجة كمان اسمها متطلبات القسم العلمي و دي بقى اهم و اكبر متطلبات..و هنا لازم تعرف انك هتتخصص في تخصصين واحد رئيسي و التاني فرعي يعني مثلا كيمياء/فيزياء يبقى كيمياء رئيسي و فيزياء فرعي بتدخل الرئيسي في تانية و الفرعي في تالتة.(و في حاجة اسمها شعبة خاصة او سبيشيال و دول الاوائل بقى بيتخصصوا حاجة واحدة بس و بتبقى مركزة على علم واحد).
نرجع لمتطلبات القسم العلمي و دي فيها تلات حاجات..
مقررات التخصص الرئيسي 66ساعة معتمدة منه42 اجباري و 24 انت بتختارهم من مقررات التخصص...
مقررات التخصص الفرعي 30 ساعة فيهم 18 اجباري و 12 بتختارهم من مقررات التخصص..
و اخر حاجة من متطلبات القسم العلمي حاجة اسمها مسار حر (يعني انت بتختارها بنفسك و مش شرط تكون علمية ولا شرط تكون في تخصصك لكن يستحسن انها تكون تخدم تخصصك).

أميرة الحب

10-09-2009, 05:43 AM

و مش كل المقررات الاختيارية بتتعرض في كل فصل دراسي ولا حتى الاجبارية ده على حسب.
و نتيجتك التراكمية بعد كل ترم هي اللي بتحدد عدد الساعات اللي مسموحلك تاخدها في الترم اللي جاي يعني لو تقديرك قليل بيتسمحلك بعدد ساعات اقل و الحد الاقصى لعدد الساعات للطالب في الترم 18 ساعة و الحد الادنى 12 ساعة...و بكده يبقى اللي نتيجته وحشة لو فضل كده هياخد مقررات اقل و بالتالي ممكن يتأخر في تكملة الـ140 ساعة فيقعد اكتر من 4 سنين ...(بس اطمنوا ده بيبقو الواقعين).
و ممكن العكس تقدر تخلص الـ140 ساعة في اقل من 4 سنين و انت و شطارتك.

طبعا بعد كل الشرح و اللخبطة دي ..هتقولو يا نهار ابيض احنا هنعمل كل ده لوحدنا اكيد هنغلط او ننسى حاجة او نختار غلط. :o
عشان كده في حاجة اسمها المرشد الاكاديمي و دول بيقعدوا في مكتب الارشاد الاكاديمي و بيكونوا دكاترة في الكلية عادي بس فاهمين النظام و مشرفين على تطبيقة .. و اختاير و تسجيل المواد بيكون عندهم و لما تروحلهم بيفهمك لو في حاجة مش فاهمها و بيقولك ايه الاحسنلك عشان تختاره.(حاجة زي خدمة العملاء كده).

أميرة الحب

10-09-2009, 05:44 AM

اخر حاجة بقى التقديرات..النتيجة بتتحسب بتقديرات و ليها رموز بالانجليزية:
A امتياز مرتفع A- امتياز منخفض
b+ جيد جدا مرتفع b جيد جدا منخفض
b- جيد مرتفع c+ جيد منخفض
المقبول برضه فيه درجات:
c
c-
d+
d
اما و العياذ بالله الرسوب رمزه F
كل رمز من دول بيساوي عدد معين من النقاط و رمز تقديرك العام بيحدده حاجة اسمها المعدل التراكمي او GPA اختصار great point avarage
المعدل بيكون من 4 يعني انا مثلا معدلي التراكمي لغاية دلوقتي 2.5 من4
المعدل بيتحسب بطريقة معينة يطول شرحها عشان في ناس بتتلخبط فيها.
المهم ان بعد ما تحسب معدلك بتشوف معدلك اللي هو عدد النقاط واقع في انهو رمز من رموز التقدير..و يبقى هو ده تقديرك العام.

أميرة الحب

10-09-2009, 05:45 AM

و أي محاضرة نظرية مدتها ساعة كل اسبوع بتكافىء ساعة معتمدة و المحاضرة اللي مدتهاساعتين في الاسبوع بتكافىء ساعتين.. و كل درس عملي مدته 3 ساعات بيكافىء ساعة واحدة.
و لو درس عملي مدته اقل من 3 ساعات اسبوعيا يبقى مش بيكافىء ولا ساعة معتمدة.
يعني مثلا مقرر الكيمياء النظرية1 محاضرات مدتها 3 ساعات كل اسبوع يبقى دي بتكافىء 3 ساعات معتمدة.
الكيمياء العملية دي تعتبر درس عملي و مدة السكشن العملي 3 ساعات يبقى دي 1 ساعة معتمدة
و مدة دراسة الانجليزي ساعتين في الاسبوع.

kggfkgjk

10-09-2009, 03:19 PM

شكرا يا اميرة على موضوعك الجميل ده وبرافو عليكى انك عرفتى تفهمى وتعرفى ده كله انا بجد كان نفسى اعرف الناس النظام ده من ليا 4 ايام بس انا مشغول جدا مرسى ليكى اوى

kggfkgjk

10-09-2009, 03:21 PM

انا قعدت مرة مع بنت عمى هيا معيده فى قسم الفيزياء هناك هيا الحمد الله فهمتنى كل حاجه ويا مسهل وربنا يوفقنا كلنا

kggfkgjk

10-09-2009, 04:46 PM

ياريت يا جماعه تقولوا انتوا بتبقوا امتى فى المنتدى عشان نسال بعض ونستفاد وربنا معاكوا

mkaa2008

10-09-2009, 05:33 PM

mkaa2008

10-09-2009, 05:40 PM

الى الاخت اميرة الحب
بالنسبه للاخطاء
انا غلطت فى الكليه غلطه
يوم ما اخترت التخصص فى سنه تالته ،
دخلت رياضيات مع الاسف ، ولقيت دراستها صعيه لكنى تحملت وفى الاخر جبت فيها جيد مع انى كنت جايب جيد جدا فى اولى وتانيا
المهم تعقدت شويه لان كلية علوم لازم علشان تبقى كويس فيها ما تجيبش اقل من جيد جدا
وبعد كدا قررت اغير التخصص ودخلت قسم فيزيا خاصه
وهناك بدأت الاقى نفسى و الحمد لله ربنا عوضنى بسفريه تايلاند ( لدراسة الخلايا الشمسيه ) ورجعت منا ممتاز وعندى امل فظيع بعد ما كادت الدنيا تسود فى عنيا ، ودلوقتى بكمل فى الفيزيا ، الماجستير تبدأ الشهر دا

لذلك انصحك لازم تاخدى بالك جداااااااااا وانتى بتختارى فى التخصص بتاعك لان التخصص دا انتى هتكملى فيه حياتك كلها مش سنه ولا اتنين يعنى، دا عمر بحاله
يبقى لازم يكون تخصص مناسب ليكى وبتحبيه وكمان يكون ليه شغل مناسب ويناسب وضعك كبنت ، والمهم انك تقدرى تجيبى فيه تقدير
لان علوم بدون تقدير عمله لا تصرف كما قال مره ( د0كمال ادريس )

وعموما عيدى نظر فى المسأله دى و لو احتجتى لشئ انا تحت امرك
و ميرسى اوىىىىىى على زوقك

kggfkgjk

10-09-2009, 09:33 PM

شكرا mkaa2008على كلامك ده بجد موضوع حلو اوى وربنا يوفقك فى موضوعك وربنا يكرمك عشان بجد بتحذرنا وبتحذر اميرة الحب من الوقوع فى نفس الغلط هيا اميرة تقريبا نفسها تدخل علوم حاسب وربنا يوفقها واكيد لما ندخل الامور والافكار هتتغير

أميرة الحب

11-09-2009, 09:38 PM

شكرا يا اميرة على موضوعك الجميل ده وبرافو عليكى انك عرفتى تفهمى وتعرفى ده كله انا بجد كان نفسى اعرف الناس النظام ده من ليا 4 ايام بس انا مشغول جدا مرسى ليكى اوى

انا قعدت مرة مع بنت عمى هيا معيده فى قسم الفيزياء هناك هيا الحمد الله فهمتنى كل حاجه ويا مسهل وربنا يوفقنا كلنا

ياريت يا جماعه تقولوا انتوا بتبقوا امتى فى المنتدى عشان نسال بعض ونستفاد وربنا معاكوا

شكرا mkaa2008على كلامك ده بجد موضوع حلو اوى وربنا يوفقك فى موضوعك وربنا يكرمك عشان بجد بتحذرنا وبتحذر اميرة الحب من الوقوع فى نفس الغلط هيا اميرة تقريبا نفسها تدخل علوم حاسب وربنا يوفقها واكيد لما ندخل الامور والافكار هتتغير

ياااااااااارب آمين ... إن شاء الله ربنا يهدينا للإختيار الصح
بس مش احنا المفروض نروح يوم 24/9 تقريباً عشان نكتب القسم اللي عايزين ندخله في الورقة دي اللي ادوهالنا مع الدليل ؟؟
اصلي وانا طالعة من المبني الاداري يوم الكشف الطبي في واحد كان بيقول للطلبة انهم ييجوا في اليوم ده عشان يملوا الورقة دي ويكتبوا رغباتهم في الاقسام وكدا
بس مش متأكدة مش عارفة .. لو حد عارف ياريت يقوللي

وشكراً لردودك يا أخ اسامة ومتابعتك معانا ربنا يبارك فيك وإن شاء الله نفيد بعض كلنا يارب ويوفقنا جميعاً :)

أميرة الحب

11-09-2009, 09:56 PM

انا بقى احب اضيف حاجه هتطمنكم اوى

نظام السعات المعتمده المطبق فى اسيوط هو افضل نظام للساعات المعتدمه فى مصر باعتراف المجلس الاعلى للجامعات حتى انه اصبح نظام استاندرد فى مصر واى جامعه عايزا تطبق النظام دا بتاخده من علوم اسيوط

والسبب فى دا انه الاستاذه هناك اشتغلو فيه بجد ولمده طويله ولانهم فاضيين شويه بعكس اساتذة جامعات بحرى
هكذا اخبرنا اكثر من استاذ بالكليه ،
يعنى تطمنو خالص خالص
المهم تذاكرو كويس اوى لان الكليه بجد مش بترحم ولكن اللى بيجيب فيها تقدير بيبقى كويس
اهم شئ تثيرك لا يقل بحال من الاحوال عن جيد جدا
وخدوو بالكم ان سنه تالته ورابعه عليهم 60 % من المجموع واصعب سنه تقريبا بتبقى سنه تالته ،

وكمان حالو تعرفو طريق المكتبه من اول السنه
مفيده بجد
وانسو الكورسات
واحذروها كمان
ركزو مع الاستاتذه بجد هتجبيبو الدرجات النهائيه
وهتلاقو الاستاتذه مهتمين جد ا واخدين الموضوع بجد ومش مكبرين دماغمهم يعنى زى ما بيحصل فى جامعات تانيه

ومتشكر اوى يا ( اميره الحب) على زوقك دا ، وانا ما عملتش حاجه غير الواجب وربنا يوفقنا و ان شالله اعمل اللى اقدر عليه معاكم

ربنا يوفقكم وما تغلطوش غلطاتنا

الى الاخت اميرة الحب

بالنسبه للاخطاء

انا غلطت فى الكليه غلطه
يوم ما اخترت التخصص فى سنه تالته ،
دخلت رياضيات مع الاسف ، ولقيت دراستها صعيه لكنى تحملت وفى الاخر جبت فيها جيد مع انى كنت جايب جيد جدا فى اولى وتانيا
المهم تعقدت شويه لان كلية علوم لازم علشان تبقى كويس فيها ما تجيبش اقل من جيد جدا
وبعد كدا قررت اغير التخصص ودخلت قسم فيزيا خاصه
وهناك بدأت الاقى نفسى و الحمد لله ربنا عوضنى بسفريه تايلاند ( لدراسة الخلايا الشمسيه ) ورجعت منا ممتاز وعندى امل فظيع بعد ما كادت الدنيا تسود فى عنيا ، ودلوقتى بكمل فى الفيزيا ، الماجستير تبدأ الشهر دا

لذلك انصحك لازم تاخدى بالك جداااااااااا وانتى بتختارى فى التخصص بتاعك لان التخصص دا انتى هتكملى فيه حياتك كلها مش سنه ولا اتنين يعنى، دا عمر بحاله
يبقى لازم يكون تخصص مناسب ليكى وبتحبيه وكمان يكون ليه شغل مناسب ويناسب وضعك كبنت ، والمهم انك تقدرى تجيبى فيه تقدير
لان علوم بدون تقدير عمله لا تصرف كما قال مره ( د0كمال ادريس )

وعموما عيدى نظر فى المسأله دى و لو احتجتى لشئ انا تحت امرك
و ميرسى اوىىىىىى على زوقك

ربنا يخليك وبشكرك مرة تانية على المتابعة .. وربنا يوفقك في الماجيستير يارب :)

بس بالنسبة لاختيار التخصص .. انتا بتقول انك اخترت تخصص الرياضيات في تالتة
مش احنا هنختار التخصص من اول سنة ؟؟ ... ولا كان على دفعتك لسة النظام ده مش اتطبق ؟؟
ولا علينا احنا كمان ان التخصص من تالتة ؟.... معلش ياريت توضح النقطة دي

وبالنسبة لاختيار التخصص المناسب
انا والله بحب اي حاجة في كومبيوتر وحاسب وكدا .. عشان كدا قررت ادخل قسم علوم الحاسب
بس حكاية ان الشغل صعب وكدا قلقاني
يعني افرض لاقدر الله مقدرتش اتعين في الجامعة لأي سبب .. ( بعد الشر عليا يعني ^_^:p )
يبقا فعلا مش هلاقي شغل برا في اي شركة كومبيوتر مثلا ؟
وحكاية صعوبة الشغل لخريجي القسم ده بالنسبة لمحافظة اسيوط بس ولا فعلا صعب في كل محافظات مصر ؟

ومعلش سؤال تاني ... انا عارفة اني زودتها شوية بس استحملني :d..
حكاية قسم البيولوجي دي .. اعتقد ان خريجي علمي رياضة في الثانوية العامة مايقدروش يدخلوا القسم ده عشان يعتمد على الاحياء وكدا .. وهما مخدوش احياء في تالتة .. ولا ايه ؟؟

بـــــــــــــــس كفاية عليك كل ده دلوقتي .. ( مؤقتاً يعني .. :d )
وربنا يبارك فيك يارب ويديك ثواب على مساعدتك لينا .. ميرسي بجد ربنا يوفقك :)

mkaa2008

11-09-2009, 11:32 PM

يا ستى ولا يهمك
زوديها براحتك وانا راضى
شوفى يا ستى
بالنسبه لاختيار التخصص
فى سنه اولى عندك 3 تخصصات
علوم فيزيائيه وعلوم بيولجيه وعلوم جيولجيه
تمام ؟؟؟؟؟؟؟؟؟؟
لو دخلتى علوم فيزيائيه يبفى فى سنه تانيه تلاقى عندك اختيارين بس
1- فيزياء وكيمياء
2- فيزياء ورياضيات
لو اخترتى فيزياء ورياضيات يبقى فى سنه تالته تختارى ما بين :
1- رياضيات خاصه
2- فيزياء خاصه
3- حاسب
دا طبعا لو جايبه جيد فما فوق فى مادة التخصص ( ان شالله تكونى من اهل الامتيازات )
بس
دى كل الاختيارات وبس

mkaa2008

11-09-2009, 11:34 PM

يعنى اختيار تخصص الحاسب فى سنه تالته مش اولى
يبقى انتى ليه تاعبه نفسك من دلوقتى ؟
انسى الحكايه دى الان وركزى على انك تجيبى تقدير كويس
ولما توصلى سنه تالته هتكونى فهمتى الكليه والنظام وعرفتى الدنيا ماشيا ازاى ؟
وهتقدرى تختارى كويس واحنا طبعا مش هنسيبك
اكيد هنساعدك فى اختيارك ان شاء الله

mkaa2008

11-09-2009, 11:38 PM

بالنسبه لحكاية اللى درسو احياء فى ثانوى دى مش مشكله خالص
من الاخر مفيش علاقه بين دراستك فى ثانوى ودراسة الجامعه
وبعدين هتلاقى ناس كتير درسو احياء وتلاقيهم معاكى فى علوم فيزيائيه بيدروسو رياضيات
دى مش مشكله اطلاقا
كل الفرق بس ان اللى درسو احياء فى ثانوى بيتعبو شويه فى الترم الاول علشان ما اخدوش تكامل مثلا وما يعرفوش شكله وما درسوش محددات مثلا والكلام دا بس بعد شويه بيتأقلمو وبيبقو زى الفل
وخلاص

mkaa2008

12-09-2009, 12:00 AM

صعوبة الشغل سببها انه الدراسه كلها اكاديميه يعنى بتتعاملى مع الحاسب بشكل علمى اوى
يعنى ينفع تعملى بعد كدا ماجستير ودكتوراه فى اشياء دقيقه فى الحاسب
بصى
مش عارف اوضح النقطه دى اوى بالكتابه
لكن لما هتدخلى هتعرفى الفرق بين دراسة هندسه عموما ودراسة علوم .

والنوع دا من الشغل مش مطلوب اوى فى مصر كلها غير فى الدراسات الاكاديميه

بالنسبه للشغل فى شركات الحاسب غالبا بيفضلو هندسة حاسب ، ولو اشتغلتى فيها هتبقى درجة تانيه برضه

بس لو مصممه تدخلى حاسب مفيش مشكله
كل اللى عليكى انك تجيبى جيد جدا على 80 % و تقدمى فى جامعه خاصه هيقبلوكى مليون فى الميه
واعلاانات المعيدين فى الجامعات الخاصه لا تتوقف صيف ولا شتا
يعنى شغاله شغاله لكن شغل اكاديمى
وبينى وبينك دا افضلك كبنت
وانا انصحك بدا يعنى
وعلى فكره بالنسبه لحكاية التقسيمات اللى انا قلتها دى خلاص اتلغت طبعا بعد تطبيق نظام الساعات المعتمده ومعرفش بقت ازاى ؟
لكن بالتأكيد التخصص ما زال فى سنه تالته
و علشان كدا ما تشغليش نفسك من دلوقتى بالموضوع دا
المهم تجيبى تقدير كويس اوى
وربنا معاكى يا بنتى ( هئ هئ)

أميرة الحب

12-09-2009, 04:50 AM

يا ستى ولا يهمك
زوديها براحتك وانا راضى ... ربنا يخليك ده من ذوقك .. :rolleyes::)
شوفى يا ستى
بالنسبه لاختيار التخصص
فى سنه اولى عندك 3 تخصصات
علوم فيزيائيه وعلوم بيولجيه وعلوم جيولجيه
تمام ؟؟؟؟؟؟؟؟؟؟
لو دخلتى علوم فيزيائيه يبفى فى سنه تانيه تلاقى عندك اختيارين بس
1- فيزياء وكيمياء
2- فيزياء ورياضيات
لو اخترتى فيزياء ورياضيات يبقى فى سنه تالته تختارى ما بين :
1- رياضيات خاصه
2- فيزياء خاصه
3- حاسب
دا طبعا لو جايبه جيد فما فوق فى مادة التخصص ( ان شالله تكونى من اهل الامتيازات )
بس
دى كل الاختيارات وبس

يعنى اختيار تخصص الحاسب فى سنه تالته مش اولى
يبقى انتى ليه تاعبه نفسك من دلوقتى ؟
انسى الحكايه دى الان وركزى على انك تجيبى تقدير كويس
ولما توصلى سنه تالته هتكونى فهمتى الكليه والنظام وعرفتى الدنيا ماشيا ازاى ؟
وهتقدرى تختارى كويس واحنا طبعا مش هنسيبك
اكيد هنساعدك فى اختيارك ان شاء الله

بالنسبه لحكاية اللى درسو احياء فى ثانوى دى مش مشكله خالص
من الاخر مفيش علاقه بين دراستك فى ثانوى ودراسة الجامعه
وبعدين هتلاقى ناس كتير درسو احياء وتلاقيهم معاكى فى علوم فيزيائيه بيدروسو رياضيات
دى مش مشكله اطلاقا
كل الفرق بس ان اللى درسو احياء فى ثانوى بيتعبو شويه فى الترم الاول علشان ما اخدوش تكامل مثلا وما يعرفوش شكله وما درسوش محددات مثلا والكلام دا بس بعد شويه بيتأقلمو وبيبقو زى الفل
وخلاص

صعوبة الشغل سببها انه الدراسه كلها اكاديميه يعنى بتتعاملى مع الحاسب بشكل علمى اوى
يعنى ينفع تعملى بعد كدا ماجستير ودكتوراه فى اشياء دقيقه فى الحاسب
بصى
مش عارف اوضح النقطه دى اوى بالكتابه
لكن لما هتدخلى هتعرفى الفرق بين دراسة هندسه عموما ودراسة علوم .
والنوع دا من الشغل مش مطلوب اوى فى مصر كلها غير فى الدراسات الاكاديميه
بالنسبه للشغل فى شركات الحاسب غالبا بيفضلو هندسة حاسب ، ولو اشتغلتى فيها هتبقى درجة تانيه برضه
بس لو مصممه تدخلى حاسب مفيش مشكله
كل اللى عليكى انك تجيبى جيد جدا على 80 % و تقدمى فى جامعه خاصه هيقبلوكى مليون فى الميه
واعلاانات المعيدين فى الجامعات الخاصه لا تتوقف صيف ولا شتا
يعنى شغاله شغاله لكن شغل اكاديمى
وبينى وبينك دا افضلك كبنت
وانا انصحك بدا يعنى
وعلى فكره بالنسبه لحكاية التقسيمات اللى انا قلتها دى خلاص اتلغت طبعا بعد تطبيق نظام الساعات المعتمده ومعرفش بقت ازاى ؟
لكن بالتأكيد التخصص ما زال فى سنه تالته
و علشان كدا ما تشغليش نفسك من دلوقتى بالموضوع دا
المهم تجيبى تقدير كويس اوى
وربنا معاكى يا بنتى ( هئ هئ)

انا مش عارفة اقولك ايه .. حقيقي ربنا يكرمك
انتا مخلتش حاجة تانية أسألك فيها
تقريبا قولت كل حاجة وافدتنا فعلا
وبالنسبة لموضوع قسم الحاسب فإنتا ريحتني نفساوياً جدا بجد :d
إن شاء الله هركز اني أجيب 80 % على الاقل ( جيد جدا ً:wacko: ) عشان اضمن مكاني مابين المعيدين في الجامعات الخاصة.. يعني هحاول اموت نفسي ان شاء الله
وربتنا يوفقنا جميعاً يارب .. و يوفقك ان شاء الله في الماجيستير :)B)
ميرسي مرة تانية وربنا يارب يبارك فيييييييييييك

mkaa2008

12-09-2009, 09:59 AM

mkaa2008

12-09-2009, 10:06 AM

على فكره صح انا اكتر حاجه عاجبانى فيكى هى دعواتك
بصارحه متفائل بيها اوى
ربنا معاكى يا بنتى
صح ما قلتيليش هتسكنى فين فى اسيوط ؟
أوعى تقوليلى مدينة جامعيه
اضربك بجد
المدينة الجامعيه بتاعت البنات زباله زباله زباله لحد الصبح
وبيبقو حاطين فيها 9 فى الاوضه و بيبقو عاملين فرح فيها
يعنى وانتى معديا من امام المدينة بتاعت البنات تسمعى صوت طبله وتصفيق وكدا يعنى
عموما قوليلى انتى ناويا على ايه وانا هساعدك

kggfkgjk

12-09-2009, 11:43 AM

kggfkgjk

12-09-2009, 12:10 PM

وان شاء الله نساعد بعض وتعدى السنين كلها على خير ان شاء الله واى حاد عايز اى حاجه سواء معلومه او اى حاجه بجد يقولها وانا تحت امره فى اى حاجه احنا كلنا اخوات بجد

kggfkgjk

12-09-2009, 12:52 PM

نظام الدراسه طبعا مزاكرة من اول يوم او ممكن تبيض محاضراتك يوم بيوم بعد ماتيجى من الكليه وفي الاخر تزاكر

قسم الجيولوجيا هو دراسه لعلم طبقات الارض
ويندرج تحته جيولوجيا وكميا وجيوفزيا وجيلوجيا سبيشيل

بيواوجى هو قسم بتدرس فيه اولي وتانيه مواد زى الفسيولوجى والكميا الخ
وبعدها بتتخصص ميكروبيولوجى سبيشيل او كميا ميكرو او مثلا حيوان سبيشيل او كميا وحيوان

وبالنسبه للدبلومات انت بعد مابتتخرج بتبقي زيك زي الصيدلي في شركات الادويه
بتبقي اسمك كميائي زى الصيدلي في شركات الادويه
ولو كنت قسم كميا وميكروبيولوجى بتشتغل زى الصيدلي واكتر كمان
يعنى ممكن تشتغل في شركات الادويه في قسم الكميا او في قسم الميكروبيولوجى

هقولك علي اقسام شركات الادويه اللي داخل مصنع الادويه

1 معمل الانتاج لا يجوز ان يعمل بها غير صيادلة وفنيين لان الصيدلى اقرب الى هذا العمل من الكميائى
2- معمل الكمياء يشترك فية الكميائى والصيدلى سواء عن تجربة
3- معمل الميكروبيولوجى لا يعمل بة الا بكالوريوس العلوم قسم ميكوبيولوجى
4- معمل الابحاث والتطوير دى لعبة الصيادلة -- ولا دى كمان فيها شك؟؟؟
5-الاى بى سى ودى ممكن يشتغل فيها كميائيين وصيادلة على فكرة فى جلاكسو كلها فنيين ودة غلط بردة
6-توكيد الجودة ممكن صيادلة وممكن كميائيين عادىبردة
7-ادارة التخطيط ينفع صيدلى او كميائى وهى موهبة اكتر ما تكون علم حد فاهم حاجة
8-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر
9- تخصص الفاليديشن validation جديد على مصر وبيندرس فقط برة مصر فى جامعات معينة وفى مصر كورساتة غالية واللى بيفهموا فية فى مصر يتعدوا على الاصابع حوالى 10 بالكتير و اغلبهم كميائيين ودة ممكن يعمل فيى صيدلى او كميائى ترجع للموهبة والقدرة على تنمية المهارات والاطلاع الدورى على كل جديد

أميرة الحب

12-09-2009, 09:45 PM

علشان تجيبى تقدير كويس لازم تشدى حيلك اوى من البدايه فى اولى وتانيه علشان يعنى ترتاحى فى سنه تالته ورابعه
لانك هتكتشفى انهم فى اولى وتانيه بيلعبو معاكم وبيدوكم تقديرات بسهوله
لكن فى تالته مثلا هتبقى فى التخصص و هيبقى زمايل كلهم 10 او 20 بالكتير ( دا طبعا فى قسم حاسب لان باقى الاقسام اقل بكتير يعنى قسم الرياضيات فى الدفع اللى قدامى كان 3 بس وكمان واحد مشى وفضلو 2 بس )

المهم العدد قليل والاساتذه بيتعاملو معاكم على انكم متخصصين ولازم تكزنو اقوياء جدا لذلك بتبقى الدراسه اصعب شويه وفيها التزام اكتر من اولى وتانيه
لذلك لازم تجيبى تقديرات حلوه فى اولى وتانيه لانهم لعب عيال
وخصوصا الترم الاول فى سنه اولى هتلاقيه ما فيهوش اكتر من اللى درستيه فى ثانوى
بسص فى الاول هتبقى خايفه ومرعوبه شويه من منظر الدكاتره والمدرجات والمعامل والكتب وكل حاجه ( يعنى جو جديد عليكى ) ياريت دا ما يأثرش عليكى كتير وياريت خوفك وقلقك دا يخليكى تذاكرى اكتر مش العكس
المهم انك خلال اول شهر هتتأقلمى على الوضع وتلاقيه سهل اوى
من اول شهر تروحى المكتبه اى مكتبه هتلاقى الامتحانات السابقه بتاعت كل الفرق والتخصصات تاخديها تصوريها وتاخدى بالك منها وتذاكريها كويس
لما بقى تدخلى الامتحانات هتفاجئى ان 80 % من الامتحانات مكرره من السنوات السابقه
طبعا لما تيجى الامتحانات تاخدى بالك من الدكتور اللى وضع الامتحان والدكتور اللى بيدرسلك الان
يعنى انتى تشوفى امتحانات الدكتور اللى بيدرسلك بس مش تدورى على امتحانات الماده لاى دكتور وخلاص
فهمتى النقطه دى ؟؟؟؟؟؟؟
وشدى حيلك وربنا معاكى

إن شاء الله من أول شهر بإذن الله .. ربنا يعينني ويعين الجميع :romarioxp6:

على فكره صح انا اكتر حاجه عاجبانى فيكى هى دعواتك
بصارحه متفائل بيها اوى
ربنا معاكى يا بنتى
صح ما قلتيليش هتسكنى فين فى اسيوط ؟
أوعى تقوليلى مدينة جامعيه
اضربك بجد
المدينة الجامعيه بتاعت البنات زباله زباله زباله لحد الصبح
وبيبقو حاطين فيها 9 فى الاوضه و بيبقو عاملين فرح فيها
يعنى وانتى معديا من امام المدينة بتاعت البنات تسمعى صوت طبله وتصفيق وكدا يعنى
عموما قوليلى انتى ناويا على ايه وانا هساعدك

يالهوي !!!!!! :eek::o
اه انا هسكن مدينة جامعية إن شاء الله

بس لأ دونت ووري .. هما خصصولنا ( طالبات علوم :cool: ) .. مبني خاص بينا ومستقل بذاته عن المدينة نفسها
والاوضة مفيهاش غير 4 بنات بس .. ( هيا ضيقة بس يللا مش مهم )
و جنب المبني بالظبط في قاعة استذكار :039uw8:
يعني لو معرفتش ازاكر في الاوضة اللي هبقا فيها ممكن انزل قاعة الاستذكار بتصريح
وإن شاء الله هعرف اتأقلم وامشي اموري .. بس لو حصل ومقدرتش خلاص مش هسكن وهرجع بيتنا

وشكراً اوي على النصايح اللي قولتها :av4056bb7jp3:.. وإن شاء الله هنستفيد منها وأكيد هتساعدنا كتير

بجد ميرسي موووت .. ربنا يكرمك :)

أميرة الحب

12-09-2009, 10:27 PM

اه انا كنت فى المبنى الادارى النهارده وروحت للدكتور مؤمن زارع الى فى قسم النبات ووضحلى حاجات كتير اوى ودخلت لوكيل الكليه لخدمه المجتمع دكتور ناصر الشيمى وبرده التانى قالى حاجات كتير الحمد الله وياريت فى مضووضعات جايه كتير هقولهالكوا عشان كلنا نستفاد ............. نيجى بقى للنقطه الى بتقول عليها اميرة الى هيا يوم يوم الكشف الطبى والناس الى كانت واقفه فى المبنى الادارى وبتقول للطلبه يجوا امتى دول طلبه برده بس فى سنه تالته ورابعه والميعاد يوم 24/9 بس انا لما سالت فى شئون الطلبه قاولو 23/9 ازاى وهو هيبقى تالت يوم العيد

ايوة فعلاً ازاي :confused: ؟؟ ...
طيب لو طنشنا في اليوم ده ورحنا يوم 24/9 عادي :d ؟؟

وان شاء الله نساعد بعض وتعدى السنين كلها على خير ان شاء الله واى حاد عايز اى حاجه سواء معلومه او اى حاجه بجد يقولها وانا تحت امره فى اى حاجه احنا كلنا اخوات بجد

إن شاء الله ربنا يوفقنا جميعاً يارب

نظام الدراسه طبعا مزاكرة من اول يوم او ممكن تبيض محاضراتك يوم بيوم بعد ماتيجى من الكليه وفي الاخر تزاكر

قسم الجيولوجيا هو دراسه لعلم طبقات الارض
ويندرج تحته جيولوجيا وكميا وجيوفزيا وجيلوجيا سبيشيل

بيواوجى هو قسم بتدرس فيه اولي وتانيه مواد زى الفسيولوجى والكميا الخ
وبعدها بتتخصص ميكروبيولوجى سبيشيل او كميا ميكرو او مثلا حيوان سبيشيل او كميا وحيوان

وبالنسبه للدبلومات انت بعد مابتتخرج بتبقي زيك زي الصيدلي في شركات الادويه
بتبقي اسمك كميائي زى الصيدلي في شركات الادويه
ولو كنت قسم كميا وميكروبيولوجى بتشتغل زى الصيدلي واكتر كمان
يعنى ممكن تشتغل في شركات الادويه في قسم الكميا او في قسم الميكروبيولوجى

هقولك علي اقسام شركات الادويه اللي داخل مصنع الادويه

1 معمل الانتاج لا يجوز ان يعمل بها غير صيادلة وفنيين لان الصيدلى اقرب الى هذا العمل من الكميائى
2- معمل الكمياء يشترك فية الكميائى والصيدلى سواء عن تجربة
3- معمل الميكروبيولوجى لا يعمل بة الا بكالوريوس العلوم قسم ميكوبيولوجى
4- معمل الابحاث والتطوير دى لعبة الصيادلة -- ولا دى كمان فيها شك؟؟؟
5-الاى بى سى ودى ممكن يشتغل فيها كميائيين وصيادلة على فكرة فى جلاكسو كلها فنيين ودة غلط بردة
6-توكيد الجودة ممكن صيادلة وممكن كميائيين عادىبردة
7-ادارة التخطيط ينفع صيدلى او كميائى وهى موهبة اكتر ما تكون علم حد فاهم حاجة
8-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر
9- تخصص الفاليديشن validation جديد على مصر وبيندرس فقط برة مصر فى جامعات معينة وفى مصر كورساتة غالية واللى بيفهموا فية فى مصر يتعدوا على الاصابع حوالى 10 بالكتير و اغلبهم كميائيين ودة ممكن يعمل فيى صيدلى او كميائى ترجع للموهبة والقدرة على تنمية المهارات والاطلاع الدورى على كل جديد

شكرااااااااااً على المعلومات القيمة دي ربنا يبارك فيك :)

mkaa2008

12-09-2009, 10:57 PM

[quote=أميرة الحب;1592826]

اه انا هسكن مدينة جامعية إن شاء الله

بس لأ دونت ووري .. هما خصصولنا ( طالبات علوم :cool: ) .. مبني خاص بينا ومستقل بذاته عن المدينة نفسها
والاوضة مفيهاش غير 4 بنات بس .. ( هيا ضيقة بس يللا مش مهم )
و جنب المبني بالظبط في قاعة استذكار

انتى شفتى الكبنى دا يعنى ولا سمعتى بيه ؟
لو شفتيه قوليلى هوا فين ؟
فى المدينة الغربيه ولا الشرقيه يعنى ؟
يعنى المدينة اللى جنب مدينة الاولاد ولا المدينة اللى جنب كليه التمريض
وعلى فكره فيه سكن تانى بنفس سعر المدينة تقريبا بس من غير اكل طبعا هو سكن الجمعيه الشرعيه ، تلاقيه جنب مسجد ابو بكر فى الشارع اللى فى وش مبنى ع بتاع الاولاد يعنى قريب برضه ،

عموما قوليلى فين المبنى دا برضه

أميرة الحب

12-09-2009, 11:07 PM

انتى شفتى المبنى دا يعنى ولا سمعتى بيه ؟

لو شفتيه قوليلى هوا فين ؟
فى المدينة الغربيه ولا الشرقيه يعنى ؟
يعنى المدينة اللى جنب مدينة الاولاد ولا المدينة اللى جنب كليه التمريض
وعلى فكره فيه سكن تانى بنفس سعر المدينة تقريبا بس من غير اكل طبعا هو سكن الجمعيه الشرعيه ، تلاقيه جنب مسجد ابو بكر فى الشارع اللى فى وش مبنى ع بتاع الاولاد يعنى قريب برضه ،

عموما قوليلى فين المبنى دا برضه

هوا المبني اللي جنب بوابة الجامعة الرئيسية على طول

يعني تقريبا اللي جنب مدينة الاولاد

mkaa2008

13-09-2009, 01:28 AM

mkaa2008

13-09-2009, 01:31 AM

أميرة الحب

13-09-2009, 02:36 AM

اه
مبنى كويس شويه

تبقى قاعده فى المبنى بتذاكرى وتبصى تلاقى الاولاد اللى طالعين من المطعم المركزى بيعاكسوكى ، ولا يهمك

المهم خدى بالك من نفسك و خديها جد من أول السنه وما تخافيش واحلى حاجه ان اسيوط بلد مش مغريه اوى للفسح ، يعنى هتضطرى طول الوقت تذاكرى لانك ببساطه مش هتلاقى حاجه تانيه تعمليها اصلا ، المهم الحضووووووووووووووووور
وأكرر الحضوووووووووووووووووووور
والاهم المذاكره اول بأول حتى لو مش فاهمه حاجه
دول حلق فى ودنك

وشدى حيلك وربنا معاكى

ربنا معانا إن شاء الله

بس مين قال إن اسيوط مش مغرية للفسح !!
دي مغرية جداً .. ولوعايزة هأقدر الاقي مليووون حاجة اعملها
كفاية بس الشوارع الحلوة والكورنيش والشوبينج :d

بس إن شاء الله هركز وهزاكر أول بأول .. وهحاول احضر كل المحاضرات والسكاشن وكله إن شاء الله
وربنا يكرم الجميع ..

أميرة الحب

13-09-2009, 02:42 AM

صح بصى انا عايز أسألك سؤال برا الكليه خالص
هوا أنا ازاى احط صوره رمزيه فى الموقع دا ، انا حاولت ومش عارف ، عايز احط حتة صوره صغنونه ليا ومش نافع
ممكن بقى تساعدينى فى الحكايه دى
ومعلش استحميلنى شويه برضه
انا زى اخوكى ال.....
ومتشكر اوى مقدما

تدخل على لوحة تحكم العضو .. تعديل الصورة الرمزية .. وتختار الصورة اللي انتا عايزها بس تلتزم بالحجم والطول المحدد
وأي حاجة انا في الخدمة :romarioxp6:
بس يبقا قوللي ايه المشكلة بالظبط

LORD MD

13-09-2009, 05:49 AM

msh mawdo3 we7esh __ Kwayes

LORD MD

13-09-2009, 05:53 AM

P: tb3an bhazar el mawdoo3 bgd bgd 7lw gdn w shamel kol 7aga fl gam3a ana aslan msh men assiut bs el mawdoo3
yest72 10/10 w rbna ywf2ko kolko w ywf2ek ya princess

أميرة الحب

13-09-2009, 05:57 AM

P: tb3an bhazar el mawdoo3 bgd bgd 7lw gdn w shamel kol 7aga fl gam3a ana aslan msh men assiut bs el mawdoo3
yest72 10/10 w rbna ywf2ko kolko w ywf2ek ya princess

هههههههه :d
ميرسي موت على كلامك الحلو الذوق ده :bosyht9:
وربنا يسمع منك ويوفقنا يارب ... :)

LORD MD

13-09-2009, 06:02 AM

ay 5d3aaaaaa ya m3aaaaaleeeeeeem O_^

mkaa2008

13-09-2009, 12:15 PM

اقطع دراعى من لغلوغه لو كنت فاهم من الاخ اللى كاتب عربى فى انجليزى دا حاجه
أنا مش عارف جابو اللغه دى من فين ؟
مع الاسف يعنى كلام برا الكليه شويه برضه
الأسلوب دا فى الكتابه كان اقترحه شوية اقذار فى الاربعينيات من القرن العشرين فى مصر قال ايه
لتسهيل النحو العربى ولتسهيل قواعد اللغه العربيه فلابد من كتابتها بحروف لاتينينه ولكن لأن ساعتها كانت لسا البلد بخيرها فالاقتراح الخبيث دا مات فى مهده ، والان بعد مرور 70 سنه على المؤامره الخبيثه دى يرجع لنا نفس الكلام بس عن طريق النت ولا حول ولا قوة الا بالله ،

ويمكن الرجوع فى ذلك الى كتابات الهالك سلامه موسى وتلميذه لويس عوض

أميرة الحب

13-09-2009, 02:44 PM

لالالالالالالالالالالا الحكاية مش مستاهلة ده كله ..
اقذار ايه وبتاع ايه :slap1qk6:
دي لغة عادية .. مش لغة اساسا ده عربي عادي بس مكتوب بالإنجليش وارقام كدا
وانا بكتب بيها كتير
بس مش بغرض تحريف في اللغة ولا حاجة عادي
وكمان ناس كتير بتستخدمها في كتابة الرسايل على الموبايل عشان بتاخد حروف اقل والمسج اللي بيتحسب 2 بيتحسب واحد :p:d
وكمان مثلا للي متعودين يكتبوا انجليزي
او اللي الكيبورد عندهم انجليش بس
او عادي كدا
و والله مش لغة ولا تحريف ولا حاجة متكبرش الموضوع عالفاضي :angry2: .. ولا مؤامرة خبيثة ولا يحزنون ^_^:confused:
مفيش حاجة متكبرش الموضوع :romarioxp6:

mkaa2008

13-09-2009, 04:37 PM

دلوقتى تكبرى وتعرفى معنى الكلام دا
بس مش علشان ناس كتير بتستخدمها تبقى حاجه كويسه ومش علشان ممكن تكون مفيده علشان رسايل الموبايل تبقى كويسه ،
انا مش هحاول اقنعك بالموضوع دا لان التفاصيل فيه كتير و خارجه عن موضوعنا لكن اكيد فى يوم ممكن تعرفى القصه بالكامل
ولا يهمك
نرجع بقى لموضوعنا .............

mkaa2008

13-09-2009, 04:38 PM

انا على فكره حطيت صورتى وبرضه مش راضيا تظهر مش عارف ليه ؟

mkaa2008

13-09-2009, 04:52 PM

صح إنتى هتسافرى اسيوط امتى ؟
أوعى تكونى ناويا تفوتى ولا يوم واحد من الدراسه
أنا فاكر اول يوم للكليه انا بصيت فى الجدول وما فهمتوش خالص واتعقدت اوى لانى مش قادر افهم الجدول ، قلت يا خبررررررررررر
انا مش قادر حتى اقرا الجدول يبقى امال ازاى هنجح فى الكليه دى ، لا يا عم دى باينلها كليه صعبه ولا ايه ، وللعباقره فقط ، دا الجدول كله رمووووووووووز
تلاقى مكتوب محاضره كيميا عضويه 101 ك وتحتها مثلا م1 انا مش فاهم دا وبعد يومين متهيئلى فيه واحد ابن حلال قالى انه ( م ) معناها رقم المدرج يعنى م 1 == مدرج واحد ودا فى الدور التانى فى المبانى الغربيه وطبعا هتدخليه كتير وجنبه مدرج 2

وطبعا الرقم 101 ك دا رقم الكورس فى لائحة الكليه سيبك منه يعنى ،

كمان تبصى تلاقى مكتوب عملى كيمياء ش 7 == سكشن كيمياء لسكشن رقم 7
طبعا السكاشن مش بتتقسم قبل اسبوعين من بداية الدراسه ، يعنى يمسكو الدفعه كلها ويقسموها لفصول او سكاشن ، ويعلقو التقسميات دى فى لوحة الاعلانات بعد اسبوعين من بداية الدراسه ، انتى تشوفى نفسك فى سكشن كام
مثلا سكشن 7 ، تبصى بعد كدا فى الجدول وتنقلى الجدول بتاع السكشن بتاعك فقط
طبعا السكاشن دى فى العملى فقط
علشان العملى محتاج لعدد قليل لذلك بيقسموكم لسكاشن لكن فى المحاضرات كاه مع بعضه لان المحاضرات فى المدرجات
يبقى انتى تنقلى جدول السكاشن اللى تبع سكشنك انتى وبس ودا للعنلى فقط اما النظرى يبقى دا مع الكل لانه فى المدرجات
معش مش بعرف اشرح كويس
لو مش فاهمه حاجه اسئلينى

ويمكن تكونى فاهما الموضوع اصلا
انا بس بحاول افهمك اللى انا كنت محتاجه لما كنت فى الايام دى ، يمكن تكون حاجات تافهه بس بالنسبه ليا كانت مشكله وتاخدى بالك
انا فى اول يوم كانت عندى محاضره كيميا مدرج 1 ، ما كنتش عارف اقرا الجدول وحتى لما قريته كنت تايه مش عارف مدرج 1 دا فين ؟
وللاسف الدكتتوره بتاعة اليكيما دخلت فى اليوم دا وشرحت عادى جدااااااااااااا
لذلك تاخدى بالك انك تحضرى من اول يوم علشان تفهمى الكليه وتحلى المشاكل دى بسرعه من اول الدراسه

على فكره انا مش بحب اكتب كتير
كفايه كدا

mkaa2008

13-09-2009, 05:04 PM

على فكره اسوأ سنه فى الحضور هى سنه اولى علوم لانك بتبقى تاخدى فيها حاجات كتير اوى وعملى كتير لكن بعد كدا بتبقى حاجات مركزه شويه يعنى فى اولى بتاخدى كيميا وفيزيا ورياضه وحاسب لكن بعد كدا بتاخدى مواد قليله لكن فى عدد ساعات اكبر ، وكمان مشكلة سنه اولى هى العدد الكبير لذلك بيبقى من الصعب تغيير اى ميعاد مها كان سئ ،يعنى هتبصى تلاقى نفسك بترجعى ساعات من الكليه الساعه 8 باليل عز الشتا عادى جداااااااااا
لكن فى سنه تالته او رابعه مثلا بتبقى الشعبه 5 ولا 8 يعنى بتبقو بتاخدو زى الدرس الخصوصى ول مفيش مكان مناسب ممكن تاخدو فى مكتب الدكتور زى الدروس الخصوصيه وبالتالى بتقدرو تظبطو الجدول بمزاجكم

سنه اولى كان سعات جدولى يبقى من 8 ل 10 ومن 12 ل 2 من 4 ل 6 و ساعات من 5 ل 8 المهم انه اليوك له كان يضيع ومش قادر اعمل فيه حاجه
يبقى تعملى ايه فى جدول زى دا ؟
لازم يكون معاكى شوية ورق مذاكره وكل ما تلاقى وقت فاضى مهما كان قليل تحاولى تذاكرى فيه فى المكتبه بتاعة القسم
روحى مكتبة رياضه تلاقيها مكيفه وزى الفل او مكتبة فيزيا فيها ناس زى العسل ،
ما تروحيش المكتبه العامه وتقعدى تقرى جرايد ،
او روحى سكنك بس دا هيضيع منك وقت كتير فى المرواح والمجى كل شويه
المهم تأقلمى نفسك مع الكليه دى وتستحمليها مهما كانت بايخه اوى
علشان تعرفى تجيبى فيها تقدير
على فكره بجد انا بكره الكتابه موووووت
انا مش عارف بقدر اكتبلك كل دا ازاى ؟

أميرة الحب

16-09-2009, 08:19 AM

أميرة الحب

16-09-2009, 09:08 AM

mkaa2008

16-09-2009, 01:36 PM

متشكر أوى على هذا الإطراء الذى قد لا استحقه

شوفى يا اميره

مدرجات الكليه متقسمه كالآتى
تقفى امام المبنى الادارى للكليه و تشيرى جهة اليمين ( يعنى اقصد المبانى الغربيه ) تلاقى المدرجات 1 و 2 فى الدور التانى و اسفل منهم 3 و 4 و تشيرى جهة اليسار ( يعنى اقصد المبانى الشرقيه ) تلاقى المدرجات 5 و 6 فى الدور التانى و اسفل منهم فى الدور الاول عنى تلاقى المدرجات 7 و 8
الكليه مقسمه كدا
بعد ذلك اكيد هتتعاملى مع المردجات 9 و 10 و 11 ودول جنب بعض بجوار مدرج 1 فى قسم الرياضيات
طبعا شئ مهم جدا انه المدرج 1 و 2 و 5 و 6 دى المدرجات الكبرى فى الكليه وطبعا دول مخصصين للمحاضرات فقط
اما باقى المدرجات فصغيره ومنها مثلا المدرجات 9 و 10 و 11 صغيرين اوى شبه الفصول ولذلك بتدخليهم فى السكاشن

المهم بتقولى اعرف السكشن بتاعى فين
بسيطه اوى
كلمة سكشن تطلق على اى حاجه غير المحاضره وممكن تكون عمليه او نظريه المهم انه اللى بيديها معيد مش دكتور كبير ،
عندك سكشن كيمياء او عملى الكيمياء اكيد موجود فى الدور الاول فى قسم الكيمياء
عملى الفيزياء فى الور الاول قسم الفيزياء
عملى الحاسب فى الدور الرابع قسم الرياضيات
بعد كدا يتبقى التمارين ودى نظامها انه الدكتور اللى بيديكى رياضيات المفروض الكتاب مليان مسائل
طيب مين يحلها معاكى
يبقى احسن حل انها تتحل وتتشرح كويس فى السكشن
هيدخلك معيد يشرحلك المسائل والتمارين ويدربك عليها
ودى اسمها تمارين
او سكشن رياضيات
فى سنه اولى الترم الاول بتاخدى جبر وتفاضل بس
غالبا بتاخدى التمارين دى فى مدرج 9 و 10 و 11 فى الدور التانى قسم الرياضيات
وجنبهم علطول مدرج 1 وبعديه مدرج 2

بالنسبه للجدول هوا اكيد نزل من اسبوعين
لكن السكاشن مش هتبدء قبل اسبوعين من بدء الدراسه
كلمة سكشن معناها فصل
لازم تتقسمو فصول فى الاول علشان تعرفو تدخلو العملى والتمارين
لانه مش معقول تدخلو حجرة عملى وانتو عددكم 500 طالب
لذلك بيقسموكم فصول كل فصل عدده لا يزيد عن 30 طالب وتدخلو مع بعض الساكشن فقط اما المحاضرات فكله مع بعضه
يارب تكونى فهمتينى

mkaa2008

16-09-2009, 01:46 PM

ومعلش هستأذنك فى السفر
انا دلوقتى مسافر البلد
انا اصلا من سوهاج على فكره بس عايش فى القاهره لذلك مضطر اسافر النهارده احضر العيد مع الاهل فى البلد
طبعا هناك مفيش نت اوى يعنى
لذلك هغيب عنك حوالى 10 ايام مش اكتر
كل سنه وانتى طيبه و كل مصر بخير

وزى الايام دى تكونى داخله سنه تانيه بمجموع عالى
المهم شدى حيلك وخدى بالك من نفسك
ولما هرجع علطول هدخل هنا وهكلمك
ومتشكر اوى على ذوقك

باااااااااااااى

kggfkgjk

18-09-2009, 03:39 PM

السلام عليكم يا جماعه ان شاء الله تكون سنه جميله علينا كلنا زى مابيقول mkaa كده ويارب تجبيوا كلكوا تقديرات السنه دى وترجع بالسلامه ان شاء الله يا mkaa وكل سنه وانت طيب واى حاجه يا اميرة عايزة تسالى فيها عقبال ماmkaa يرجع انا تحت امرك انا بروح الكليه تقريبا كل يوم عشان عندى دورة هناك وبشوف الدكتور جلال النجال بتاع الكيميا كل يوم تقريبا واى استفسار عندك انا ممكن اعرفه منه واكيد كلنا اخوات والسلااام ختام

أميرة الحب

18-09-2009, 09:12 PM

أميرة الحب

18-09-2009, 09:14 PM

أميرة الحب

18-09-2009, 09:18 PM

mkaa2008

23-09-2009, 11:57 AM

السلام عليكم
أنا جييييييييييييييت
وعيد سعيد عليكم جميعا
وربنا يوفقكم
و كل سنه وانتى طيبه يا اميرتنا

MuHaMeD kHaLeD

23-09-2009, 12:09 PM

بالتوفيييييييييييييييييييييييييييييييييييييييييييي ييييييق

أميرة الحب

23-09-2009, 01:15 PM

السلام عليكم
أنا جييييييييييييييت
وعيد سعيد عليكم جميعا
وربنا يوفقكم
و كل سنه وانتى طيبه يا اميرتنا
وانتا طيب يا mkaa
والف حمد الله على السلامة

بالتوفيييييييييييييييييييييييييييييييييييييييييييي ييييييق

يااااااااااااااااااااااااااااااااااااااارب إن شاء الله ... ربنا يكرمك

mkaa2008

24-09-2009, 01:02 AM

على فكره ما اسميش mkaa
دا بس اختصار اسمى
انا اسمى
Mohamed khalaf Ahmed Ammar
ولو اخدت اول حرف من كل اسم تبقى mkaa
بس دى كل الحكايه
يعنى انا اسمى محمد
وشكرا

أميرة الحب

24-09-2009, 01:06 AM

على فكره ما اسميش mkaa
دا بس اختصار اسمى
انا اسمى
Mohamed khalaf Ahmed Ammar
ولو اخدت اول حرف من كل اسم تبقى mkaa
بس دى كل الحكايه
يعنى انا اسمى محمد
وشكرا

ماشي تشرفنا كل الشرف يا محمد
أخيراً يا أخي قولت اسمك :d

ماعلينا
كنت عاوزة أسألك على حاجة كدا مؤرقاني :d
حكاية الشغل في الجامعات الخاصة
انا سمعت ان بيبقا الشغل ده بعقد مؤقت ومش مضمون وكدا
هل الكلام ده صحيح ؟؟
يعني لو كنت تعرف من صحابك وكدا ياريت تقولي

وحمدالله على السلامة يا محمد مرة تانية :av4056bb7jp3:

mkaa2008

24-09-2009, 01:09 PM

حكاية العقد المؤقت دى مفيهاش مشكله اطلاقا
بس اصلنا احنا اتعودنا على شغل الحكومه والمضمون والمرتب الثابت والمعاش والكلام دا ، وكمان اتعودنا على الكوسه علشان كدا خايفين من المؤقت ،
لكن ما تخافيش اطلاقا ن الخاص مفيهوش وسايط تقريبا
المهم انك تكونى كويسه
وما تصدقيش حد يقولك انهم ممكن يمشوكى فى اى وقت ، الحكايه مش سايبه ومش للدرجه دى ، وحتى لو فرضنا انه دا حصل مش مشكله وهتقدرى تشتغلى فى اماكن احسن كمان ،
الشغل فى مصر على فكره كتير بس محتاج امكانيات عاليه
يعنى المهم الى فى بتاعك يكون مليان حاجات كويسه دايما ،
طب لييييييييييييه بوقلك ما تخافيش من اى شغل خاص ؟

لانك ببساطه لما اشتغلتى معاهم اشتغلتى لانك تستحقى الشغل دا مش كوسه يعنى
وبالتالى ففى اى لحظه لو حسيتى انه فيه حد ضايقك ممكن تمشى من نفسك و طالما انتى جايبه تقدير كويس و عندك امكانيات كويسه ( لغه انجليزيه كويسه ودورات كومبيتر مثلا ) يعنى طالما السى فى بتاعك كويس ما تخافيش من اى شئ .
ولو فتحتى موقع محيط للوظائف تدخلى على وظائف اكاديميه تلاقى كل يوم تقريبا عايزين ناس فى الجامعات الخاصه ،
وبعدين الشغل فى الدول العربيه برضه كتير
يعنى ما تقلقيش من دلوقتى ،
ومن دلوقتى لساعتها فيه حاجات كتير هتتغير .
المهم دلوقتى تركزى فى مذاكرتك

أميرة الحب

24-09-2009, 07:34 PM

حكاية العقد المؤقت دى مفيهاش مشكله اطلاقا

بس اصلنا احنا اتعودنا على شغل الحكومه والمضمون والمرتب الثابت والمعاش والكلام دا ، وكمان اتعودنا على الكوسه علشان كدا خايفين من المؤقت ،

لكن ما تخافيش اطلاقا ن الخاص مفيهوش وسايط تقريبا
المهم انك تكونى كويسه
وما تصدقيش حد يقولك انهم ممكن يمشوكى فى اى وقت ، الحكايه مش سايبه ومش للدرجه دى ، وحتى لو فرضنا انه دا حصل مش مشكله وهتقدرى تشتغلى فى اماكن احسن كمان ،
الشغل فى مصر على فكره كتير بس محتاج امكانيات عاليه
يعنى المهم الى فى بتاعك يكون مليان حاجات كويسه دايما ،
طب لييييييييييييه بوقلك ما تخافيش من اى شغل خاص ؟

لانك ببساطه لما اشتغلتى معاهم اشتغلتى لانك تستحقى الشغل دا مش كوسه يعنى
وبالتالى ففى اى لحظه لو حسيتى انه فيه حد ضايقك ممكن تمشى من نفسك و طالما انتى جايبه تقدير كويس و عندك امكانيات كويسه ( لغه انجليزيه كويسه ودورات كومبيتر مثلا ) يعنى طالما السى فى بتاعك كويس ما تخافيش من اى شئ .
ولو فتحتى موقع محيط للوظائف تدخلى على وظائف اكاديميه تلاقى كل يوم تقريبا عايزين ناس فى الجامعات الخاصه ،
وبعدين الشغل فى الدول العربيه برضه كتير
يعنى ما تقلقيش من دلوقتى ،
ومن دلوقتى لساعتها فيه حاجات كتير هتتغير .

المهم دلوقتى تركزى فى مذاكرتك

شكراً جدا كدا طمنتني شوية
انا كنت بسأل على الشغل بس عشان ابقا مطمنة على مستقبلي وازاكر بنفس
وكدا كدا ان شاء الله هموت نفسي في المزاكرة :wacko: واعمل اللي عليا واجيب اعلى تقدير ممكن
وربنا يوفق الجميع
شكراً ليك يا محمد ربنا يكرمك ويبارك فيك يارب :)

أميرة الحب

30-09-2009, 11:47 PM

اللهم صلي على رسول الله

يارب تكونوا بخير

انا رايحة بكرة الكلية ان شاء الله ولو عرفت جديد هقولكم :)

mkaa2008

01-10-2009, 03:05 AM

أميرة الحب

01-10-2009, 04:16 PM

السلام عليكم
معلش اليومين دول انا مشغول حبتين

كويس انك تروحى الكليه وعموما

اى حاجه تقابلك فى الكليه ما تتردديش فى سؤالى عنها
هتلاقى الجدول متعلق اكيد من زمان
خدى فكره برضه عن الكليه
وربنا معاكم

ميرسي ليك اوي انك متابع الموضوع
انا رحت فعلا الكلية النهاردة الحمد لله واخترت الدكاترة والمواعيد وبتاع واعتمدولي الجدول ..
الجدول عاجبني جدا الحمد لله ومناسب ليا وتمام بس فيه عيب واحد مخدتش بالي منه غير بعد ما خلصت كل حاجة واعتمدلي المشرف الاكاديمي الجدول :(
للأسف عندي يوم الاثنين ملياااااان اوي :slap1qk6:
انا اللي اتغابيت بصراحة عشان كنت اقدر اختار معاد تاني لمحاضرة من المحاضرات اللي في يوم الاتنين ده واحطها في يوم تاني فاضي شوية بس مخدتش بالي ان ليها معاد تاني اقدر احدده ومخدتش بالي ان يوم الاتنين اتملا
ومش عارفة لو رحت يوم السبت او بعد كدا يعني وحبيت اغير معاد المحاضرة دي بس هينفع ولا لأ ؟؟

ياريت تقوللي يا أخ محمد لو تعرف حاجة عن الحكاية دي
وربنا يبارك فيك :)

mekoo_5000

01-10-2009, 09:59 PM

سلام عليكم
ازيك يا اميرة
ينفع طبعا تغيرى انا كمان شكلى هغير و اكون فى نفس المجموعة معاكى هاشوف و اقولك

كمان احب اشكر mkaa لانه تعب جدا معانا و استفدنا منه كتير جداااااااااااااااااااااااااااااااا
بجد كل المعلومات منك مفيدة جدااااااااااااااااااااااااااااااااا
و مفيش كلمة شكر تكفى مجهودك الاكتر من رائع و الاكتر من ممتاز

kggfkgjk

02-10-2009, 03:55 AM

ازيكوا كلكوا معلش انا عارف انى مش بدخل كتير بس والله متابع تقريبا كل المواضيع وحشنى كلامكوا اوى كلكوا MKAA واميرة وميكو كلكوا وشكرا اوى لكل واحد بيحاول يساعد اخوه او اخته وربنا يوفقكوا كلكوا والى ماخلصش يخلص والى خلص يلاقى شغل يناسبه ويرتاح .....المهم علمت انا كمان الجدول وسجلته بس ده بعد تعب جامد لانى عملت قبله 3 جداول كان في منهم الى زى اميرة كده يوم مليان واخر واحد كان فيه نبات وحيوان مع بعض كنت قلقان منهم بصراحه وطلعت سالت الدكاترة فى نبات وحيوان قاولى هما هيبقوا تقال اوى عليك بس ده بيتوقف عليك انت روحت غيرت الحيوان وحطيت جيولوجيا لان د. فوزى العمده رئيس قسم الجيولوجيا قالنا حاولوا تحطوا حاجه خفيفه اول ترم عشان تتعرفوا على النظام وتكونوا عرفتوا الدنيا والترم التانى بقى تحاولوا تزودوا .فزى ماميكوا بتقول كده يا اميرة عادى تغيرى براحتك وتحطى الى انتى عاوزاه فانتى روحى يوم السبت وغيرى الى يعجبك عشان تحاولى تخلى الاتنين مش مليان عندك لان ده جدول هتستمرى عليه طول الترم ...بس انا كنت عايز اطلب منكوا طلب لو حد يعرف جدول كويس بجد لانى انا عملت جدول بس برده حاسس انه احسن الوحشين واكيد حد فيكوا يعرف اكتر منى وممكن mkaa لو تساعدنى لان شوفت جدوال رخمه كتير بتاعت بنات وولاد فى شئون الطلبه فى ناس يوم السبت عندها مليان اوى وفى ناس حاطه العملى يوم السبت وسالت الدكاترة برده قالولى مفيش مشاكل ان العملى يبقى يوم السبت فسالته ازاى هيرح اول يوم عملى قالى لا ماهو مش هياخد اول يوم هيسجل اسمه حضور ويمشى بس انا عايز رايكوا فى الجدول ولو هتعبكوا الى يعرف جدول كويس يكتبه وشكرا اوى على تعبكوا ومساعدتوا لبعضكوا اشوفكوا على خير اول مادخل تانى

mkaa2008

02-10-2009, 01:32 PM

أنا متشكر جدا و بجد أنا ما أستحقش كل الشكر دا لأنى ببساطه مش بعمل غير الواجب عليا ،
حاجه تانيا
أنا أسف جداااااااااااااا لأنى مش هعرف أفيدكم فى موضوع الجداول دا لان الجداول دى تبع نظام الساعات المعتمده اللى هوا أول مره يطبق ، وبالتالى أنا ما اعرفش عنه حاجه أوى ، لذلك متؤسف جدا فى المسأله دى

وعلى فكره أنا اسمى محمد مش (mkaa)

mkaa2008

02-10-2009, 01:36 PM

لكن بالنسبه لوجود العملى يوم السبت دى مش مشكله اطلاقا ، كل ما هنالك انك اول اسبوعين مش هتاخد عملى ، يعنى هتحضر تسجل اسمك غياب وتمشى ،
لكن بعد كدا العملى هيبىق شغال زى اى محاضره عادى ،
وحاولو تذاكرو العملى أول باول ، مفيش داعى تركنوه لاخر الترم زى ما معظم الناس بتعمل ، دا لو عايزين تجيبو تقديرات عاليه يعنى

mostafa_ha

02-10-2009, 08:03 PM

انا عايزة اشوف جدول السكاشن والمحاضرات سنة تانية

kggfkgjk

04-10-2009, 03:01 PM

بجد يا جماعه انا زهقت اوى من اول يومين رغم انى بحضر وكل حاجه بس محتار الجدول ده مضايقنى اوى كنت فى مجموعه 1 وبعد كده غيرت روحت 4 وبعد كده روحت 6 عشان بنت عمتى الدكتورة زينب فى سكشن الفيزيا وانا عايزها تدينى عشان شرحها حلو وشرحتلى الاكسيل عاجبنا اوى بس لسه مش عارف وشكلى هتخانق مع الدكتور الى تحت الى بيسجل ويا مسهل من اول السنه بجد حد يقولى اختار ايه وايه المواعيد الاحلى

kggfkgjk

05-10-2009, 05:04 AM

شكرا اوى يا محمد على مشاركتك ومساعدتك لينا وانا فرحان بجد انى عرفتك وياريت اتشرف بيك بجد او اسمع صوتك ده رقم تليفونى وانا هبقى سعيد بجد وانت اخ كبير ليا 0107464376

kggfkgjk

05-10-2009, 05:05 AM

اسمى اسامة يا محمد وانا عايز اخد رايك فى شويه حاجات كده

kggfkgjk

05-10-2009, 05:07 AM

ياريت ماكنش هتعبك او هعطلك

mkaa2008

05-10-2009, 08:10 AM

صباح الخير يا عم اسامه
انتا صحيت إمتى وكتبت الكلام دا امتى ؟
ايه النشاط دا ع الصبح ؟
على فكره انا ليا اخ اسمه اسامه فى تالته ثانوى
ايه رايك هعتبرهم اتنين
وولا يهمك بجد
وعيب لما تقولى هتعبك
هتتعبنى فى ايه يعنى ؟
بس زى ما قلتلك انا مش فاهم نظام الجداول دا لانه دا تبع نظام الساعات المعتمده اللى اول مره يطبق على دفعتكم .
يعنى انتا ممكن تسألنى فى أى شئ الا الجداول مش فاهمها

mkaa2008

05-10-2009, 08:13 AM

بالنسبه لحكاية زهقت وقرفت من الكليه فدا احساس طبيعى جدا فى اول شهر كمان
انا فاكر اول اسبوع كان فاضلى شعره وافكر فى الانتحار
ما كنتش فاهم الجدول ( طبعا نظام مختلف) ، وماكنتش عارف ولا مكان فى الكليه و ما اعرفش حد ومش فاهم الدكاتره بيتكلمو عن ايه وكمان فيه ناس بتخوفنا من الدكاتره وكمان كنت ساكن برا و كنت ساعتها لوحدى لان زمايلى كلهم حقوق وتجاره لسا ما جوش وانا لوحدى فى بيت كبير ، بصراحه كنت بكلم نفسى وطبعا ماليش اصحاب
يعنى كانت خنقه وحوسه وحاجه تقرف بجد
لكن اهى عدت واتعودنا و مرت بسلام
بس الصبر يا بنى الصبر

mkaa2008

05-10-2009, 08:16 AM

وبعدين انتا باين عليك من اسيوط
يعنى ما حستش بالغربه زينا
انا كنت اول مره ابات فيها برا بيتنا
وكنت ساكن فى عماره خمسه ادوار لوحدى
لانها مش متسكنه طلبه غير اول دور و ماحدش جا غيرى انا
كنت محتاس فى كل حاجه
وما اعرفش المواصلات ولا اعرف اى شئ
بس اهى عدت
فيعنى انتا فى نعمه بالنسبه لغيرك
لكن اطمن كله هيعدى بس الصبر والحضور والمذاكره اول باول

totes

08-10-2009, 12:09 AM

موضوع جامد يا اميره وربنا معانا وتعدي السنه دي علي خييييييييييييييييييييييييييييييييييير

kggfkgjk

08-10-2009, 08:09 AM

صباح الخير يا محمد وشكرا على ردك بجد معلش انى اتاخرت انا فى ردى بس فعلا انا عايش مع اهلى فى اسيوط ومش حاسس بالغربه بس حاسس انها مش ماشيه بالساهل مش عارف ليه المهم انا عرفت الجدول وخلاص انا عايز اتعرف بيك انت وده يشرفنى احسن من 100 جدول وياريت تكتب رقمك وانا هكلمك وشكرا لاهتمامك بجد

أميرة الحب

08-10-2009, 07:30 PM

ايه ده ايه ده
ايه ده كله ايه ده كله
ايه المشاركات دي كلها اللهم صلي ع النبي :d
معلش اني غبت ده كله اصلي زي مانتو عارفين انا ساكنة مدينة مش باجي بيتنا غير الاربع بالليل وبسافر الجمعة في العصر
المهم .. انا فرحانة بجد بكل النشاط ده والمشاركات دي
لدرجة اني معرفتش ارد على كل مشاركة وحدها
و بشكر محمد واسامة اوي .. ولكل اللي دخل الموضوع
وميرسي للجديد totes يارب تستفيد معانا يارب وتفيد كمان ان شاء الله

وبالنسبة لحكاية الجداول انا مرتاحة الحمد لله ف جدولي اوي ماعدا حكاية يوم الاتنين وللأسف معرفتش اغير فيه حاجة
بس الحمد لله هوا من 8 لـ4 اه ومتواصل اه بس في منهم حاسب آلي وانجلش ودول خفاف شوية يعني الحمد لله ان مش كله فيزيا وكيميا ورياضة ونبات مثلاً .. كنت اتشل فيها :slap1qk6:
فاخلاص انا رضيت بالجدول ومرتاحة دلوقتي الحمد لله
يعني يوم السبت محاضرتين و الاحد 3 والتلات 3 والاربع 1 والخميس فاضي .. مفيش غير الاتنين بس اللي مليان شوية
يعني احسن من غيري كتير

ماعلينا .. بجد انا مش عارفة اشكركوا ازاي :av4056bb7jp3:
يارب نفضل متابعين مع بعض كدا على طول ونستفيد ومحمد ميحرمناش من مشاركاته وربنا يوفقنا جميعاً يارب

أميرة الحب

08-10-2009, 07:41 PM

اه صح في حاجة كنت عاوزة اسأل عليها
اغلب اللي بقولهم اني هتخصص ان شاء الله علوم الحاسب يقولولي كيميا سبشيال احسن
خلوني احتار تاني بعد ماكنت استقريت على علوم الحاسب ومش عارفة بجد
وعاوزة اعرف ايه السر يعني ف كيميا سبشيال ده ..
يعني اللي بيتخرج منه بيبقا قدامه شغل ايه مثلاً ؟؟

وكمان في ناس قالتلي انه مادام نظام الساعات المعتمدة اطبق عندنا يبقا المفروض التخصص من اول سنة
ومش عارفة الكلام ده صح ولا غلط .. ولو صح المفروض اعمل ايه يعني ؟؟

ياريت اللي يعرف يقول ويفيدنا .. وربنا يكرمه ويكرم الجميع يارب

أميرة الحب

08-10-2009, 08:28 PM

خريطة الكلية يا جدعاااااان :022yb4:
مدرج 1 .............. الدور التاني قسم الرياضيات
مدرج 2 .............. الدور التاني قسم النبات
مدرج 3 .............. الدور الاول قسم الرياضيات
مدرج 4 .............. الدور الاول قسم النبات
مدرج 5 .............. الدور التاني قسم الفيزيا
مدرج 6 .............. الدور التاني قسم الكيميا
مدرج 7 .............. الدور الاول قسم الجيولوجيا
مدرج 9 .............. الدور التاني قسم الرياضات
مدرج 8 .............. الدور الاول قسم الكيميا
مدرج 10 ............ الدور التاني قسم الجيولوجيا
مدرج 11 ............ الدور التاني قسم الرياضيات
مدرج 12 ........... الدور التاني قسم الرياضيات
مدرج A & b .......... قسم الكيميا الجديد
فصل 1 , 2 ........ الدور التاني قسم علم الحيوان
فصل 3 , 4 ........ الدور التالت فسم الرياضيات
فصل 5 , 6 ........ الدور التالت قسم علم الحيوان

خدمة كدا يعني :dB) .. يبقوا اكتبوهم في ورقة تبقا في جيبكم كدا عشان مش تحتاسوا

totes

08-10-2009, 10:12 PM

أميرة الحب

08-10-2009, 10:19 PM

اهلا بعودتك يا اميره الحب نورتينا. احب اقولك ان كيميا سبيشيال احسن بكتير وفرص شغلها اكتر و افضل (ده اذا كان لسه في شغل اصلا علي ما نتخرج) بس بخصوص موضوع التحويل ده مقدرش افيدك فيه بس تقريبا ممكن لأن كل التخصصات بتدرس نفس المواد في اولي. وعشان تتاكدي اكتر اسالي المرشد بتاعك. وان شاء الله تنورينا في محاضره يوم السبت :022yb4:

ربنا يخليكي .. ويارب اوصل للاختيار الصح في التخصص
بس لسة عاوزة أسأل المرشد الاكاديمي بتاعي على حكاية التخصص من اول سنة وكدا ان شاء الله
ميرسي اوي على مشاركتك الجميلة :)
انا اسمي اميرة .. انتي اسمك ايه بقا ؟..
ومن اسيوط نفسها ولا منين ؟ .. وساكنة ولا ايه ؟

totes

08-10-2009, 10:26 PM

اي خدمه يا جميل مش احنا هنا عشان نخدم بعض ولا ايييييييييييييه؟:028ja7: وعلي فكره انا بنت مش ولد فياريت بلاش صيغه المذكر دي:angry2:

أميرة الحب

08-10-2009, 10:28 PM

مانا عدلت المشاركة اهو قبل ماتردي
اي خدمة

totes

08-10-2009, 10:30 PM

ميرسيييييييييييي. وعلي فكره احنا اتعرفنا قبل كده عن طريق ميكو. ياتري فاكره ولا؟

أميرة الحب

08-10-2009, 10:35 PM

طيب بصي بقا انا هبعتلك ايميلي ف رسالة خاصة ونتكلم براحتنا
جاست امينيت :d

mkaa2008

09-10-2009, 08:30 AM

صباح الورد والفل والياسمين
أنا لسا صاحى وبفتح الصفحه دى وذهلت من كمية المشاركات دى ، الاستاذه اميره بقت رجعتلنا تانى
حمد الله بسلامتك يا ست اميره

شوفى بالنسبه لموضوع التخصص وكيميا سبيشيال
معظم الناس فى كلية علوم بتفضل تخصص الكيميا لانه شغله متوفر شويتين
وكمان لانك حتى لو مالقيتيش شغل ممكن تاخدى دبلومه تحاليل وتفتحى معمل تحاليل واهى بتمشى + انتى لو فتحتى موقع محيط للوظائف و بحثتى عن شغل كلية العلوم هتلاقى ان معظمه شغل معامل تحاليل و كيميا ، فيبقى الكيميا مفضله لان شغلها متوفر وتقدرى تلاقيه بسرعه شويه ، وان كان مردوده المادى قليل شويه برضه لكن اهو باديه كويسه

بالنسبه لحكاية حاسب فا نا زى ما قلتلك قبل كدا شغلها معظمه اكاديمى ودا افضل بكتير طبعا

شوفى الفكره من الاخر ببساطه
الفرق بين تخصص الكيميا و الحاسب واى تخصص تانى عموما
هوا
انه من تخصص الكيميا ممكن تشتغلى باى تقدير يعنى حتى لو جبتى مقبول ممكن تشتغلى فى اى معمل تحاليل معرفه ولا حاجه ولا حتى تقفى فى صيدليه وحالك يمشى،
لكن حاسب بقى مفيهوش فصال يعنى اما تجيبى على الاقل جيد جدا
او تبقى صفر ولا كأنك اتعلمتى شئ ( تقريبا يعنى مش اوى كدا برضه )

ومعظم تخصصات كلية علوم تلاقيها زى الحاسب كدا
يعنى تخصص الفيزيا والرياضه زى حاسب برضه لازم تقدير كويس وحياتك هتبقى كلها بحث و دراسه ( حياه اكاديميه يعنى )

يبقى المهم هو انك تختارى التخصص اللى انتى بتحبيه واللى تقدير تتميزى فيه و خلاص
على فكره انا ما رضيتش ادخل كيميا سبيشيل رغم انى جبت فيها فى سنه اولى جيد جدا ترم اول وجيد جدا ترم تانى
لكنى كنت بكره معمل الكيميا عمى
ما كنتش حاسس انى بعرف اعمل اى حاجه
كنت بعك عك ( ربنا ما يوريكى )

بس يا ستى دى كل الحكايه من الاول وللاخر
وحمد الله بسلامتك مره تانيه ولو فيه حاجه مش داخله دماغك اسألى

mkaa2008

09-10-2009, 08:33 AM

بالنسبه للاخ اسامخ انا اسف بجد
والله انا اخدت رقمك وسجلته وكنت هكلمك بس ساعتها باين كنت بالليل وقلت ابقى اكلمه بكره مش وقته دلوقتى وجيت بكره مش عارف نسيت ولا ايه المهم انا ساف بجد انا هكلمك النهارده يمكن قبل ما تقرا الكلام دا كمان
انا مش بخيل ما تخافش ، انا رغاى موت بس مش بحب الكتابه لذلك مشاكراتى قليله شويه ، معلش استحملونى ( بينى وبين الكتابه عداوه )

mkaa2008

09-10-2009, 08:42 AM

بالاخ اميره تعبت وجابتلنا خريطة الكليه
الخريطه دى متعلقه فى لوحه جنب باب قسم الرياضيات ، و بعدين فيه فكره صغننه بدل ما تحفظو اللحاجات دى افهمومها احسن
متهيلى زى ما بيقولو يعنى انه كلية العلوم هى الكلية الوحيده اللى بتعلم الفكر يعنى

المردجات دى مترتبه من ناحية المبنى الادارى وتبدأ من الدور التانى بس

يعنى الدور التانى على يمين المبنى الادراى( مبانى رياضه ونبات ) تلاقى فيه مدرجات 1 و بعده 2
وتحتهم تلاقى 3 و بعده 4
وعلى الشمال ( مبانى فيزيا وجيولجيا )
تلاقى الدور التانى فيه مدرجات 5 و 6
وتحتهم 7 و 8

بعد كدا المدرجات الصغيره اللى بتاخدو فيها التمارين ( 9 و 11 و 12 ) فى قسم الرياضه قبل مدرج 1 من ناحية السلم
ومدرج 10 فى قسم جيولجيا
فاهموها كدا اسهل بكتير

اما الفصول فدى سهله اوى
كلهم 6 فصول فى مبانى رياضه و نبات

كل دور فيه 3 فصول والعد من تحت

طبعا مبانى فيزيا وكيميا و جيولجيا و حيوان مفيهاش فصول لانها فيها معامل
وبس

mkaa2008

09-10-2009, 08:48 AM

لمؤاخذه فيه غلطه صغننه
هما 6 فصول صح
لكن كل دور فيه فصلين بس مش 3 زى ما قلت
والعد من تحت وعموما غالبا مش هتتعاملو مع الفصول فى سنه اولى ،

mkaa2008

09-10-2009, 08:54 AM

معلش كمان انا قريت الكلام اللى انا كتبته لقيت انه مليان اخطاء مطبعيه يعنى تلاقة حروق متقدمه على حروف وكدا
ياريت اللى يقرا يستحملنى شويه
انا لسا صاحى و يمكن كمان لسا ما صحيتش اوى يعنى
ومتؤسف جدا على اللغه الضايعه دى و شدو حيلكم وربنا معاكم

على فكره الايام فى اول شهر بتبقى مش ماشيه خالص
انا فارك اول اسبوع ليا فى الدراسه ما كانش عايز يخلص ابدا
يااااااااااااااااااااه
ايه دا
سبحان من خلصه ( مش قادر انساه ) كنت زى اللى فى معتقل ولسا مش قادر اتعود عليه
وكنت هتجنن علشان اروح البيت تانى

بس بعد كدا الايام بتعدى وبتعمل اصدقاء وبعد كدا كمان فى السنين 3 و 4 ممكن ترتاح فى الكليه وتبىق مش عايز تروح تزور اهلك لو انتا مغترب يعنى ,
المهم تذاكرو اول باول وتروحو تعملو كارنيه الاستذكار الهادئ لانه بياخد وقت لما يطلع بس علشان تلحقو تذاكرو
وخصوصا ان المدينه الجامعيه متهيئلى مقرفه فى المذاكره شويه

mkaa2008

09-10-2009, 09:00 AM

الاخت اميره

تعبانه ويه علشان الجدةل بتاعك كدا يوم الاتين صعب شويه
طيب تعملى ايه لو كان الجدول بتاعك كله زى يوم الاتنين !!!!!؟؟؟؟؟؟؟؟

بجد لو هوا دا كل جدولك تبقى فى نعيم
انا فاكر الجدول فى سنه اولى ( طبعا جدول الناس كلها لانه ماكنش ساعات معتمده ولا بتاع)
كان الجدول يوميات من 8 الى الى 5 او
8 الى 8 تقريبا
طبعا كان يبقى مش متواصل ودى كانت مشكله كبيره
ان المحاضرات تبقى مثلا من 8 ل 10 وبعد كدا من 12 ل 2 و ساعات كانت تبقى متصله لكن المهم الجدول كان دايما مليان اوى عن كدا
هيا عموما سنه اولى قرفها كله فى الحضور

بس بجد انا هحسدكم على الجدول المريحه اوى دى

انتو فى نعيييييييييييييييييم
صدقونى وشدو حيلكم اوى

mkaa2008

09-10-2009, 09:19 AM

اسامه
تلفونك مقفول يا معلم
ايه العمل ؟
بص اقولك دى ايميلاتى
خش فى اى وقت هتلاقينى

mkaa-eg*************
mkaa_shar***********

mkaa2008

09-10-2009, 09:35 AM

الاولانى هوتميل والتانى ياهو

وابقى قابلنى ........

mkaa2008

09-10-2009, 09:47 AM

بقولكم ايه ؟
فيه مواقع علميه مبسطه شويه
ياريت تاخدو بالكم منها

عندكم مثلا موقع د. حازم سكيك بتاع الفيزيا
دا طبعا موقع ممتاز للفيزيا بالنسبه لطالب كلية العلوم و هتحتاجوه لما حد يطلب منكم تعملو بحث

www.hazemsakeek.com (http://www.hazemsakeek.com)

ادخلو الموقع والمنتدى

الموقع هتلاقو فيه محاضرات الفيزيا الاساسيه يعنى الفيزيا اللى هتاخدوها فى الجامعه كلها
كل التخصصات موجوده ومشروحه كويس
يعنى لا مانع انكم تاخدو فكره
وبالنسبه للمنتديات يعنى هتلاقو فيها رغى كتير برضه
يمكن يفيدكم فى حاجه
انا برضه هناك بنفس الاسم
تلاقونى فى تخصصى فى منتدى الطاقه الجديده والمتجدده
وماحدش معبرنى طبعا خالص زى هنا يعنى

يلا روحو ذاكرو
يلااااااااااا

kggfkgjk

09-10-2009, 08:18 PM

انا جيت يا جماعه وبشكر كل واحد\ شارك برائيه واستفادنا منه وشكرا يا اميرة على الجدول وشكرا يا محمد انك اتصلت بيا بس معلش ساعات بيبقى موبايلى مقفول وكده انت عارف دوشت الناس بس والله لو اعرف انك هتتصل كنت خليته طول اليو م جمبى انا اسف انا ضفتك على فكرة وانت برده ادينى رقمك وانا هكلمك وبالنسبه ليكى يا اميرة فى موضوع الجدول ده انا غيرت جدولى كتير والله بس طبعا بعد مشاكل وتعب لانى اعرف الحمد الله ناس كتير فى اتحاد الطلبه وربنا معاكى ويوفقك ويعدى السنه دى على خير ان شاء الله وسلميلى على ميكو كتير لو بتشوفيها عشان ليها كتير مش بتدخل وانا طبعا مش بحب اسال 8على حد فى الكليه انتى عارفه اكيد مش هقولك وكده احسن يعنى وربنا يكرمكوا يارب وياريت نشجع بعض ونذاكر انا امبارح روحت قاعه الاستذكار ب وذاكرت كيميا شويه وزى ماقوللوكوا المعيدين ان عملى الكيميا هيبقى open book يعنى ورق العملى تنظموه عشان هو الى هتدخلوا بيه الامتحان انا مش عايز اقول حاجات انتوا عارفينها بس بفكركوا والى عايز اى حاجه يقول هنقولهاله هنا ع المنتدى طبعا وياريت تفتكرى داييما يا اميرة انتى وكل ال مش من هنا اصلا ان احنا اخواتكوا الرجاله هنا فى اسيوط يعنى ماتكسفوش من اى حاجه وربنا يقدرنى يارب

mkaa2008

09-10-2009, 09:58 PM

مساء الخير عليكم جميعا

اقولكم اطرف حاجه ممكن تسمعوها فى حياتكم عن عملى الكيميا

أنا ما كنتش اعرف حكاية انك تدخل امتحان العملى ومعاك الكتاب (open book ) وجيت قبل امتحان العملى بيومين وقعدت احفظ فى التجارب التأكيديه اللى كلها الوان وقعدت اقول ابيض اخضر بنى مصفر بنى محمر
واخدتها حفظ لحد ما حفظت الشيت كله بجد والله مش بهزر

الموضوع دا اخد منى يومين ما طلعلت برا الاوضه
المهم انى رحت الامتحان والحمد لله اخدت معايا الكتاب علشان اراحعه المراجعه الاخيره قبل الامتحان يعنى
و سمعت واحد من زمايلى بيقول طبعا لازم ندخل الامتحان بالكتاب يعنى مش معقول هنحفظ دا كله
انا بينى وبين نفسى قلت دا باينله مجنون ولا ايه ؟
فيه حد بيدخل امتحان بالكتاب
امال يبقى امتحان ازاى يعنى ؟
وبعدين دخلت الامتحان وفوجئت بانه الامتحان بالكتاب فعلا
بصراحه ما كنتش مصدق نفسى

قلت فى نفسى برضه محدش بيتعلم بالساهل
يلا
وعدت

اللى غاظنى انى حفظت كله كله
بصراحه ما رضيتش اقول لحد
يلا
فكرتونا بالذى مضى

kggfkgjk

09-10-2009, 10:02 PM

بس انت برده يا محمد فرحان انك خلصت ولا حاسس انك عايز ترجع للقرف ده تانى الحمد الله انك خلصت بس انا ماعرفش انت فين دلوقتى يعنى بتعمل ايه فى حياتك وعايش فين وكده

totes

10-10-2009, 04:11 PM

يا جماعه انا مش عارفه الناس ليه بتكره علوم وبتقول عليها اصعب كليه. انا عن نفسي مش شايفه كده يعني الكليه لذيذه وموضوع العملي ده شغال وممتع. انا كنت فاكره اني هنتحر بعد اول يوم بس دلوقتي بحب اروح جداااااااا وبستني كمان السكاشن وخصوصا سكشن نبات. وانتوا لو حبيتوا المواد والكليه هتفهموا كل حاجه:av4056bb7jp3:

totes

10-10-2009, 04:12 PM

kggfkgjk

11-10-2009, 09:08 AM

ههههههه برافووووو غليكى يا totes انك حسيتى بكده والله وانا كمان حاسس ان مش فيها تعب ولا حاجه بس انتى عارفه الناس بتحب تبالغ هيا فيها صعوبه بس مش زى مابتصورها الناس وياريت ماتسمعيش للناس كتير وربنا يوفقك يارب ويوفق كل الناس وع فكرة انا بحب اوى سكاشن النبات والكيميا

kggfkgjk

11-10-2009, 09:09 AM

o s a m a

mkaa2008

12-10-2009, 08:49 AM

دا شعور عظيم منكم يا بنات
الغريبه فى الكليه دى إنه البنات غالبا بتحبها لكن الكليه مش بتحب البنات خالص

mkaa2008

26-10-2009, 10:12 PM

ايه يا جماعه ؟
هوا انتو اندمجتو فى المذاكره خلاص ؟
وبطلتو تدخلو نت ؟

يا مسهل
شد الحزاااااااام
وربنا معاكم

totes

30-10-2009, 12:41 AM

نعمل ايه بقي يا محمد اهو بنحاول يمكن نجيب نتيجه

kggfkgjk

31-10-2009, 09:01 PM

يابنى دول اخرهم حضور بس لكن مذاكرة مفيش يارب تجيبى مجموع يا توتس

Mr /Joseph

27-07-2010, 10:58 PM

انا خريج علوم اسيوط دفعة 2003 كيمياء + فيزياء
النظام الجديد بتاع الساعات غير واضح بالنسبة لى
افضل الاقسام فى الواقع العملى بالتاكيد هو قسم الكيمياء فهو الاكثر توفيرا للفرص سواء كمياء خاص او كيمياء عام كيمياء +(فيزياء - ميكرو)
نصائح للطلاب الجد
المذاكرة منذ بدا العام الدراسى وحضور المحاضرات والسكاشن وطبعا افضل اللى يقدر يكتب لنفسة ويبيض المحاضرات بايده افضل بكتير من انك تاخدها من حد تانى
الدخول فى مود الكلية سريعا وترك مود المدرسة والفصل ومعلومة الكتب الخارجية الجاهزة او مذكرات الدروس الخصوصية والاعتماد على النفس وما فيش مانع من الاستعانة بالانترنت او مكتبات الاقسام فلكل قسم مكتبة بها العديد من الكتب التى تعين الطالب على الفهم
عدم سماع كلام السابقين عن ان هذه المادة لا احد ينجح بها او ان هذا الدكتور لا احد بيعدى فى مادته فقد حدث معى فى سنة اولى سمعت محدش بيعدى فى التفاضل فاتعقدت وما ذكرتش وفى النهاية جبت ضعيف ولما عدت السنة ذاكرت المادة وركزت فيها لقيت نفسى حليت حل امتياز وان المادة سهلة جدا جدا فارجو ان الطلبة الجدد ميدخلوش اى افكار تحبط فى راسهم لانها مش صحيحة مع تمنياتى لهم بالتوفيق
لو لم ادخل علــــــــــــــــــــــــــــوم لو دت ان ادخل علــــــــــــــوم
فمن حق كل طالب او خريج علوم ان يفخر بام الكليات واعظمها