|
مشاهدة النسخة كاملة : مبروك خطوة ايجابية في تاريخ الموقع zizo2_2 04-09-2009, 05:59 PM بجد انا سعيد انكم خليتم القسم ده خاص علشان نقدر نناقش فيه اي حاجة بينا وبين الادارة دون اثارة اي مشكلة على العام بارك الله لكم خطوة جيدة يا ادارة الموقع تستحقون كل شكر وتقدير عليها admin 04-09-2009, 07:12 PM شكراً لك يا بشمهندس ..Just Stop 04-09-2009, 10:41 PM اه صح طالما القرار فردى يبقا قرار مظبوط وسلام لصوت الاعضاء قصدى صوت الادارة Sherif Elkhodary 05-09-2009, 12:54 PM فعلا يا بشمهندس هو قرار صائب عشان كده فتحوا القسم تاني للاعضاء :d عاشقـــ الانمى ـــة 05-09-2009, 01:00 PM مهو بعد اما تخصخص رجع اتأمم تانى:d NOUFALL 05-09-2009, 01:01 PM فعلا يا بشمهندس هو قرار صائب عشان كده فتحوا القسم تاني للاعضاء :d 100% ------- zizo2_2 05-09-2009, 06:46 PM والله انتم احرار بس ده غلط بجد التباهي بالمشاكل اما الناس خطا كبير جدا سواء كان قرار فردي او جماعي طالما في الصالج العا يجب تاييده مش عارف ليه اتعل كدة تاني انتم كدة بتدوا فرصة للناس تقول ان المنتدى كله مشاكل يا اعزائي لماذا فتحتوه مرة ثانية لماذا لا تتركوا القسم غير مرئي الا من قبل العضو كاتب الموضوع ومجلس الادارة فقط حتى يتثنى لنا معالجة المشاكل بكل هدوء وحتى لا يتطلع عضو الى مشكلة عضو اخر اللهم بلغت اللهم فاشهد BaNZeR 05-09-2009, 07:02 PM اعتقد ان مشاكل خصخصة الموضوع اكثر من يكون عاماً او بمعنى آخر لما يكون عام حتخف مشاكل كتير جداً اظن حضرتك ملاحظ كم المواضيع اللى اتحطت في القسم اول ما اتقفل خاصة اللى عايز يغير اسمه او صفته اعتقد كده افضل بكتير جعلتني مهندسا 05-09-2009, 07:15 PM أنا مش فاهم انتو بتكلمو عن ايه zizo2_2 05-09-2009, 07:17 PM اعتقد ان مشاكل خصخصة الموضوع اكثر من يكون عاماً او بمعنى آخر لما يكون عام حتخف مشاكل كتير جداً اظن حضرتك ملاحظ كم المواضيع اللى اتحطت في القسم اول ما اتقفل خاصة اللى عايز يغير اسمه او صفته اعتقد كده افضل بكتير ازاي يعني افضل ايه الفرق اعتقد ان طلبات الاعضاء دي حتى لو كانت كتير فمن حقهم ومحدش هيقدر يحلها غير الادارة يبقى ايه لازمته يشوفها الناس كلها كدة كدة كمية المواضيع واحدة سواء خاص او عام لكن لو قفلتوه هيبقى عدد الردود قليل وهتقل المشاكل وهيكون الموضوع منحصر بين العضو والادارة فقط يطلب طبه والادارة تناقشه او تنفذ طلبه اذا كان صحيح ده اللي اعرفه انام ده هيقلل المشاكل او هيمنعها ما اعتقش انه صح Sherif Elkhodary 05-09-2009, 07:21 PM نتكلم جد في الموضوع مرة من نفسنا :d استاذ زيزو انا مش حضرتك للاسف لان حضرتك بتقول خصصوه الكلام ده مش هيبقي تمام ليه ميزة واحدة وعيوب كتير ميزته ان الاعضاء مش هتحشر نفسها في المشاكل وتقلب سلطة زي كل مرة انما عيوبه كتير كل واحد عاوز يغير اسمه يشوفله موضوع واللي يخبر عن مخالفة كذلك و اللي يغير السنة الدراسيبة بتاعته واللي هيبلغ عن توقيع وصورة كتير بجد المشاكل هتكتر ده بالاضافة لمواضيع القسم ايه راي حضرتك؟ JusT DreaM 05-09-2009, 07:31 PM طيب اقتراح بقى يتعمل قسم جديد بجمله الاقسام الموجوده يعني ويخصخصوه للمواضيع اللي بتثير المشاكل وصوت الاعضاء بتاع المخالفات وكده يفضل مفتوح بس zizo2_2 05-09-2009, 07:46 PM نتكلم جد في الموضوع مرة من نفسنا :d اهلا بك وبكل نقاش جاد من اجل الصالح العام استاذ زيزو انا مش حضرتك للاسف لان حضرتك بتقول خصصوه الكلام ده مش هيبقي تمام ده رايك وعلي احترامه وهنتناقش فيه ليه ميزة واحدة وعيوب كتير اختلف معك انه كله مزايا وليس له اي عيوب وساناقشك في ذلك الآن ميزته ان الاعضاء مش هتحشر نفسها في المشاكل وتقلب سلطة زي كل مرة دي اهم حاجة حتى لو كانت الميزة الوحيدة له فهي كافية انها تخليك تقفل الموضوع احنا كدة متفقين في النقطة دي انما عيوبه كتير تعالى نتناقش في العيوب واحدة واحدة كل واحد عاوز يغير اسمه يشوفله موضوع واللي يخبر عن مخالفة كذلك كل واحد عايز يغير اسمه يقوم بالدخول الى هذا ابلقسم وعمل الموضوع ويطلب طلبه من الادارة على ان يتم اعلان قوانين تحكم ذلك القسم وهي ان يقوم الاعضاء بوضع اي مشكلة لهم هنا في ذللك القسم لان اللي هيغير اسمه الادارة فبالتالي ليس له معنى ان يراه الاعضاء و اللي يغير السنة الدراسيبة بتاعته نفس الوضع اللي فات بالضبط وعلى ان تقوك الادارة بتحديد ماهية المواضيع التي توجد داخل القسم واللي هيبلغ عن توقيع وصورة التبليغ عن توقيع او صورة برده في موضوع هتقولي كدة المواضيع هتكتر في القسم مش هتفرق وظيفة الادارة انها تتابع كل المواضيع ولو كل واحد من الادارة مسك القسم يوم هيحل كل المشاكل اللي فيه وتكون بالتناوب واللي مش هيقدر يبلغ حد يكون مكانه وفي حالة تواجد الكل اللي يقدر يحل المشكلة يحلها الادارة لازم تتعب شوية لما تتعب شوية هيكون احسن من ان مواضيع تتحط ويكون فيها مشاكل وتثار على العام وتوصل لحد المهانة والاهانة من قبل الاعضاء دي هتثير روح التفرقة هنا وهتدعوا لعمل احزاب وجماعات و بمهعنى اصح عصابات . ارجو ان تكون اتضحت وجهة نظري في تلك الجزئية كتير بجد المشاكل هتكتر بالعكس انت كدة هتحجمه وهتمنع العصبجية او الحاقدين او الغيورين انهم يهينوا حد او يصل الامر للمهانة ؟ ده بالاضافة لمواضيع القسم مواضيع القسم دي بصراحة لها حل بسيط اوي شوف الصورة دي http://img200.imageshack.us/img200/269/55997875.jpg اي عضو يقدر من خلال ارسال تقرير شاركة سيئة يوصل الموضوع للادرة وبكدة يبقى لهوش لازم اي موضوع تاني وكمان في في كل قسم اسم المشرف بتاعه يعني نقدر كاعضاء نبعت المخالفة في ريالة خاصة للمشرف وكمان المشرفين مميزين بالوانهم في حالة عدم تواجد المشرف اقدر ابعت لاي اداري موجود ايه راي حضرتك؟ انا قلتلك رايي ومستعد للنقاش طالما انه سيكون اسلوب مهذب وفيه احترام لأدميتنا BaNZeR 05-09-2009, 08:30 PM يعني حضرتك شايف العيب الوحيد إنه الأعضاء حتحشر نفسها في كل المواضيع ده سبب كافي لأنه القسم يبقى خاص ! اختلف مع حضرتك في ده حضرتك في اليوم الواحد بيتحط ما لا يقل عن (ادنى حد مثلاً) 5 طلبات تغيير اسماء 15 مشاركة مخالفة 10 حاجات متنوعة بين الطلبات والاقتراحات يعني الصفحة الاولى فقط لن تكفي هذه الطلبات غير بقى اللى عايز يشتكي مشرف واللى عنده مشكلة في عضويته واللى عايز يدمج عضوية غير اللى حيتكبو عن نفس المشكلة وهما مش شايفين بعض غير اللى عايز اقتراحات وتصويت من الاعضاء مينفعش نحطه في القسم العام والكلام ده لو كان حيريح الاداريين فالاداريين نفسهم كانو مرتاحين اكتر وهو عام زي دلوقتي يمكن حضرتك بتتكلم في حاجة من الناحية النظرية لكن من الناحية العملية حتلاقي العكس تماماً وموضوع تدخل الاعضاء (مع إنه مش تدخل أوي) سهل إنك تحكمه او تديله انذارات مثلاً لكن معتقدش إنه سبب كافي لغلق القسم Sherif Elkhodary 05-09-2009, 10:35 PM سعيد جدا بمناقشتك يا استاذ زيزو بس حبيت ابدأ باخر جملة انا قلتلك رايي ومستعد للنقاش طالما انه سيكون اسلوب مهذب وفيه احترام لأدميتنا طبعا يا استاذ زيزو احترام لادميتكم يا خبر يا بشمهندس ده الانسان الغير محترم لازم يبقي محترم بعد اسلوب حضرتك نتناقش في الموضوع كل واحد عايز يغير اسمه يقوم بالدخول الى هذا ابلقسم وعمل الموضوع ويطلب طلبه من الادارة على ان يتم اعلان قوانين تحكم ذلك القسم وهي ان يقوم الاعضاء بوضع اي مشكلة لهم هنا في ذللك القسم لان اللي هيغير اسمه الادارة فبالتالي ليس له معنى ان يراه الاعضاء تمام يا بشمهندس تعرف حضرتك كام واحد بيغير اسمه في اليوم ؟ ده غير بقية الحاجات اللي قولتها فوق زي اخبرنا عن مخالفة و التوقيع الي اخره يعني ولونفرض 5 موضوعات عن الاسم بس موضوعات المخالفة بتبقي كتيرة جدا جدااااااا لان الاعضاء بتحب تساعد هنا اوي :d لا بجد والله هتبقي كتيرة فعلا وممكن زي ما بنزر قال انها ممكن تعدي الصفحة الاولي وع الحال ده كل يوم ؟ ده غير الموضوعات المتعلقة بمشاكل العضو نفسه زي مثلا عضو يشتم مشرف و دي بتحصل كتير :d عضو عنده مشكلة في عضويته او ....... مشاكل كتير جدا يا استاذ زيزو حضرتك شايف ان كل واحد يعمل موضوع لوحده كتير جدا يا استاذ زيزو و اداريين ايه اللي يقدروا يعملوا كل ده ؟ هتقولي كدة المواضيع هتكتر في القسم مش هتفرق ازاي مش هتفرق لا كتير جدا هتفرق اكيد من ناحية الادارة الاداريين كلهم ميقدروش يعملوا كل ده و انا شايف بجد انها حاجة مش لطيفة لما عضو يعمله موضوع عن لينك مخالفة وظيفة الادارة انها تتابع كل المواضيع ولو كل واحد من الادارة مسك القسم يوم هيحل كل المشاكل اللي فيه وتكون بالتناوب واللي مش هيقدر يبلغ حد يكون مكانه وفي حالة تواجد الكل اللي يقدر يحل المشكلة يحلها الادارة لازم تتعب شوية لما تتعب شوية هيكون احسن من ان مواضيع تتحط ويكون فيها مشاكل وتثار على العام وتوصل لحد المهانة والاهانة من قبل الاعضاء دي هتثير روح التفرقة هنا وهتدعوا لعمل احزاب وجماعات و بمهعنى اصح عصابات . ارجو ان تكون اتضحت وجهة نظري في تلك الجزئية مع حضرتك ان الادارة دي وظيفتها و دي مهامها بس رحم الله امري عرف قدر نفسه الادارة مش هتقدر تعمل كل ده و خصوصا مثلا واحد زي اللورد تعبان اليومين دول ربنا يكون في عونه موضوعات الاسماء محدش يقدر يعملها غيره قصدي ع الاداريين المواضيع دي هتفضل فين ؟ علي ميجي كمان يومين هتبقي في الصفحة ال3 او ال4 ميقدرش واحد من الادارة يدخل يشيل القسم يوم لوحده او حتي معاه حد حضرتك ادخل شوف كمية المخالفات اللي بتنزل كل يوم رهيبة بجد و كتيرة جدا انا مع حضرتك ان ده احسن بس صعب يتنفذ لان فعلا لما بيكون فيه مشكلة بتثار المشاكل واحلي حاجة في المنتدي ان لما بيكون مشكلة واحد مع الادارة الكل بيدخل و الناس كلها لازم تعرف بس مش عصابات ولا حاجة اعتقد ان كلنا بقينا مجموعه واحدة ما اعتقدش اننا بقينا جماعات زي زمان اه زمان كان فيه و مستعد اقول اسماء بس حضرتك عارفهم اكيد بس انا شايف ان دي حاجة انتهينا منها حكاية تكوين الاحزاب و العصابات الي اخره وجهة نظر حضرتك اتضحت بس بجد صعب والله يتنفذ اللي حضرتك بتقول عليه صعب بجد كمية المواضيع هتبقي كتيرة و الله اعلم بس انا شايف و متاكد انها هتبقي صعبة جدا اي عضو يقدر من خلال ارسال تقرير شاركة سيئة يوصل الموضوع للادرة وبكدة يبقى لهوش لازم اي موضوع تاني وكمان في في كل قسم اسم المشرف بتاعه يعني نقدر كاعضاء نبعت المخالفة في ريالة خاصة للمشرف وكمان المشرفين مميزين بالوانهم في حالة عدم تواجد المشرف اقدر ابعت لاي اداري موجود تمام هيرسل تقرير مشاركة سيئة مهي بردو هتبقي موضوع يعني بندور في نفس الدايرة انه بردو كده هيعمل موضوع عن المخالفة مع اختلاف المسمي يعني امبارح اسلام نزل موضوع كان بردو معاه موضعين مشاركة سيئة يعني اكنه عمل موضوع بالظبط بالعكس انت كدة هتحجمه وهتمنع العصبجية او الحاقدين او الغيورين انهم يهينوا حد او يصل الامر للمهانة ؟ تمام همنع العصبية بس علي حساب مين علي حساب الاداريين الاداريين دول مش حاجة خارقة للغاية عشان يقدروا يعملوا كل ده ولا ايه راي حضرتك ؟ معلش بس هعلق علي رد ايمان عشان عجبني طيب اقتراح بقى يتعمل قسم جديد بجمله الاقسام الموجوده يعني ويخصخصوه للمواضيع اللي بتثير المشاكل وصوت الاعضاء بتاع المخالفات وكده يفضل مفتوح بس تمام انتي بتقولي نعمل قسم جديد تصدقي بالله انا فكرت في الحكاية دي و شبه نفذتها علي موضوعات في قسم الخيمة يعني هو كان موضوع المسابقة موضوع واحد بس انا قسمته لموضوعين موضوع عن الاسئلة و يبقي مقفول وموضوع عن الاراء عن المسابقة وكده و ده مفتوح للاعضاء الاعضاء دخلت تقولي احنا اتلخبطنا وانت لخطبتنا انتي عاوزة تعملي قسمين ياربي علي اللي هيحصل بصي بلاش عشان انا بتشائم من الغباوة :d هتلاقي الاعضاء بقا تدخل في المفتوح ده و تحط مواضيعها صدقيني هيحصل و القسم التاني ولا هيبقي ليه اي لازمة غير ان الاداريين المطحونيين ينقلوا الاقسام ليه وبس :d ده انا عملت موضوعين مش قسمين وعلي اللي حصل ياحاجة ايمان ربنا ميوريكي حالة من الياس الرهيبة العجيبة كفاية بقا عشان ياست :d zizo2_2 05-09-2009, 10:42 PM يعني حضرتك شايف العيب الوحيد إنه الأعضاء حتحشر نفسها في كل المواضيع مش ده وبس العيب الوحيد حضرتك قريت ردي كويس انا ممكن اكون عايز اكلم الادارة في مشكلة او في واقعة حدثت ربما تكون مخلة مثلا او خارجة عن حدود الادب بدل ما احطها على العا والناس كلها تشوفها الافضل انه تكون خاصة في قسم خاص ده سبب كافي لأنه القسم يبقى خاص ! اختلف مع حضرتك في ده الاختلاف مطلوب حتى الوصول لقرار سليم حضرتك في اليوم الواحد بيتحط ما لا يقل عن (ادنى حد مثلاً) 5 طلبات تغيير اسماء 15 مشاركة مخالفة 10 حاجات متنوعة بين الطلبات والاقتراحات طيب ايه لازمتها انها تكون على العام هتلي فايدة واحدة مو ظهورها للجميع واضطلاع الجميع عليها ؟؟؟ يعني الصفحة الاولى فقط لن تكفي هذه الطلبات غير بقى اللى عايز يشتكي مشرف واللى عنده مشكلة في عضويته واللى عايز يدمج عضوية غير اللى حيتكبو عن نفس المشكلة وهما مش شايفين بعض طيب وايه المشكلة في ده ايه السبب او الدافع اللي يخيليني احط مشكلتهم ادام الناس كلها مادام حلها مش هيكون غير في ايد الادارة وبس من حق كل واحد يقول مشكلته بعيدا عن الثاني لاحظ زي ما قولتلك ان دي هتعل احزاب وتابع كل المواضيع اللي هنا هتلاقيها مواضيع حزبية وخناقات نتيجة ان عضو بيقف جنب عضو وان عضو وشلته ضد مشرف غير اللى عايز اقتراحات وتصويت من الاعضاء مينفعش نحطه في القسم العام العضو من حقع يحط اقرتاحه ويتم التصويت عليه داخل المجلس ثم نقوم بالرد عليه في نفس الموضوع واذا تمت الموافقة يتم عمل اعلان مؤقت لذلك انا عارف ان دي هتزعل مشرفين كتير لان مش هيقدروا يدخلوا على القسم بس في حالة ان عضو يكون شاكي مشرف يتم فتح الموضوع للمشرف في اقل من دقيقة الموضوع اسهل مما تتخيلوا والكلام ده لو كان حيريح الاداريين فالاداريين نفسهم كانو مرتاحين اكتر وهو عام زي دلوقتي يمكن حضرتك بتتكلم في حاجة من الناحية النظرية النظرية والعملية انا قعدت ثلاث سنين اداري وكان في فرق كبير اوي بين الخاص والعام وتاكد ان الاعضاء اللي بيحبوا يعملوا مشاكل لما يدخل ويعمل موضوع وميلقيش حد من الشللية جنبه وتردوا عليه بكل زوق واحترام مش هيهيحط تاني وهيستحي من نفسه ولو كانت شكلته حقيقية والادارة حلتها يبقى كدة الموضوع انتهى بسلام لكن من الناحية العملية حتلاقي العكس تماماً اختلف معك لاني جربت الاتنين قبل كدة وموضوع تدخل الاعضاء (مع إنه مش تدخل أوي) سهل إنك تحكمه او تديله انذارات مثلاً وليه نستخدم العصا للاصلاح رغم انه في ايدينا نصلح بالاحترام وشوية تعب ليه نحط الككريت جنب البنزين وبعدين نطفي الموضوع بالعقلانية المنطق والعقل بيقول ان المشاكل يجب التشاور فيها على الخاص وليس العام مهما كانت وانا حطيت في ردي على الاستاذ شريف االخضري والحلول البديلة يعني الاسباب اللي تخلي القسم ده مفتتوح منعدمة ويمكن حلها ججميعا ارجو تقبل وجهة نظري ومناقشتي فيها وليه نكون كدة ليه منمنعش المشكلة قبل حدوثها ربما يحتاج احد الاعضاء لان ينصح الادارة ويناقشها مثلا هذا سبب اخر انظر ماذا يقول الامام الشافعي رحمه الله تعمدنى بنصحك فى انفـرادى وجنبنى النصيحة فى الجماعه فان النصح بين الناس نـوع من التوبيخ لا ارض استماعه وان خالفتنى وعصيت قولـى فلا تجزع اذا لم تعط طاعـه فدائما المؤمن يستر والفاجر يهتك لكن معتقدش إنه سبب كافي لغلق القسم ارجو تقبل وجهة نظري :: [ K A B B O W ] :: 05-09-2009, 11:58 PM طيب اقتراح بقى يتعمل قسم جديد بجمله الاقسام الموجوده يعني ويخصخصوه للمواضيع اللي بتثير المشاكل وصوت الاعضاء بتاع المخالفات وكده يفضل مفتوح بس هو ده اللى فكرت فيه و اعتقد انه صح و طبعا رأى الاغلبيه اصح مهما كان عاشقـــ الانمى ـــة 06-09-2009, 12:01 AM طيب اقتراح بقى يتعمل قسم جديد بجمله الاقسام الموجوده يعني ويخصخصوه للمواضيع اللي بتثير المشاكل وصوت الاعضاء بتاع المخالفات وكده يفضل مفتوح بس والله كنت لسه هقول كده بتقراى افكارى انتى يا ايمى :d BaNZeR 06-09-2009, 02:10 AM حضرتك في اليوم الواحد بيتحط ما لا يقل عن (ادنى حد مثلاً) 5 طلبات تغيير اسماء 15 مشاركة مخالفة 10 حاجات متنوعة بين الطلبات والاقتراحات طيب ايه لازمتها انها تكون على العام هتلي فايدة واحدة مو ظهورها للجميع واضطلاع الجميع عليها ؟؟؟ فايدتها إنه الطلب حيكون رد واحد في الموضوع وبالتالي الاداري المختص حيدخل على موضوع واحد ويشوف كل الطلبات لكن لما كل واحد يعمل موضوع لوحده يبقى كده مش بتدور بين مشاركات انت بتدور بين مواضيع وصفحات لانه العدد هائل طبعاً النظرية والعملية انا قعدت ثلاث سنين اداري وكان في فرق كبير اوي بين الخاص والعام وتاكد ان الاعضاء اللي بيحبوا يعملوا مشاكل لما يدخل ويعمل موضوع وميلقيش حد من الشللية جنبه وتردوا عليه بكل زوق واحترام مش هيهيحط تاني وهيستحي من نفسه ولو كانت شكلته حقيقية والادارة حلتها يبقى كدة الموضوع انتهى بسلام احترم طبعاً خبرة حضرتك وفترة تواجدك هنا وحيث أنه ليس لدي الخبرة مثلك فساترك الكلام هنا للاداريين الحاليين ولو أني اراهم مرتاحين مع العام اكثر من الخاص ولو من وجهة نظري جايز زمان كانوا الاعضاء فاكرين زي ما انا كنت فاهم زمان إنه لازم المنتدى يبقى قسم الاستفسارات بتاع خاص وهو عندنا شغال من فترة عام ومفيش اقتراح حصل من الاعضاء إنه طالبو بالقسم خاص العضو من حقع يحط اقرتاحه ويتم التصويت عليه داخل المجلس ثم نقوم بالرد عليه في نفس الموضوع واذا تمت الموافقة يتم عمل اعلان مؤقت لذلك انا عارف ان دي هتزعل مشرفين كتير لان مش هيقدروا يدخلوا على القسم بس في حالة ان عضو يكون شاكي مشرف يتم فتح الموضوع للمشرف في اقل من دقيقة الموضوع اسهل مما تتخيلوا المشاكل او الاقتراحات السرية لو العضو مكنش عايزها تتفتح على العام حيحصل ايه لو طلب من المشرفين او الاداريين واعلن عن مشكلته ده وناقشوها هما في الاداريين مش ده وبس العيب الوحيد حضرتك قريت ردي كويس انا ممكن اكون عايز اكلم الادارة في مشكلة او في واقعة حدثت ربما تكون مخلة مثلا او خارجة عن حدود الادب بدل ما احطها على العا والناس كلها تشوفها الافضل انه تكون خاصة في قسم خاص لو فعلاً صوت الاعضاء لازم يتخصخص يبقى ممكن زي ما قالو وزي ما فكرت انا قبل كده نقسم صوت الاعضاء نصين واحد للمشاكل السرية والمخالفات والتاني للحاجات الباقية كلها وممكن نعمل تصويت بين الاعضاء ونشوفهم مدايقين من كده ولا لأ zizo2_2 06-09-2009, 02:36 PM يبدوا اننا سندور في حلقة مفرغة اعتقد لو الاارة مش هتستحمل الضغط تقدر تعيين مختصين للقسم نفسه يكونوا ثلاثة او اربعة يقدروا يتابعوه وبكل سهولة يقدروا يجمعو طلبات الادارة في موضوع واحد ا او عمل قسم بخصوص الشكاوي وترك هذا القسم للابلاغ عن المشاركات المخالفة وتغيير الاسماء فقط شكرا لكم |