انتهت كل شى انتهت الثانوية العامة
انتهت النتيجة
انتهى التنسيق
انتهى نتيجة التنسيق
انتهت التحويلات

وتقريبا كل واحد فينا عرف هو راح فين الا القليل
ربنا معاهم اتمنى ان كل واحد زعلان على الثانوية
يقول ما هو افضل يوم فى الثانوية
ويقول استفاد من الموقع ده ايه

انا احمد كنت بتمنى ان الثانوية دى تخلص بسرعة لانى مكنتش متمكن اوى وانا فى تالتة وبصراحة كان اسوا يوم عندى كان استاذ الفيزياء طردنى عشان المذاكرة بس استفادت منه كتير وذاكرت الفيزياء كويس وكان احلى يوم عندى يوم امتحان الفيزياء ونتيجة الفيزياء والحمد لله انا دخلت حاسبات ومعلومات وانا فرحان بيها الحمد لله

ربنا يوفقك ويحققلك ما تريد

ايه مفيش حد والا ايه

انا كنت عاوز المرحلة دى تنتهى بسرعة والحمد لله عدت
انا اصعب يوم شفته ف الثانوية يوم نتيجة التنسيق كنت قلقان جدا ومرعوب وكنت كل ما اسمع توقعات عن النتيجة قلبى كان بيدق والضغط بيرتفع
وافضل يوم لما ظهرت التيجة وعرفت انى جالى صيدلة ودى الىى كنت بتمناه الحمد لله

وبصراحة الموقع ده استفدت منه جامد باعف منه الاخبار اول باول و اتعرفت فيه ع ناس كويسة اوى وقسم المجموعة الطبية فادنى كتير اوى برده وناوى اكمل فيه انشاء الله

انا كان افضل يوم في الثانويه اي يوم ما نخدش فيه درس يعني المستر يتعب يعمل حادثه حاجات زي كده يعني عشان بنفض للدرس ونلعب كوره
واسوأ يوم يوم نتيجه تالته ثانوي لان جبت مجموع قليل نسبيا عن اللي كان في دماغي

حضرتك بتقول اسوا يوم قصدك يوم واحد قول ايااااااااااااااااااام دايما كانت بتبقى مشكلتى مع الفيزياء فى مره كان المستر قال ان فى امتحان على المنهج من اوله لحد ما اخدنا فانا واصحابى اعترضنا والمستر موافقش ساعتها فواحده صاحبتى كلمت المستر فى التليفون قبل ميعاد الدرس وطلبت منه ناجل الامتحان وساعتها هو وافق واحنا روحنا الدرس على اساس ان مفيش امتحان مش مذاكرين يعنى ونلاقى المستر موزع علينا الورق ويقول اللى مش عاوز يمتحن يتفضل يروح بيته وانا هكلم اهله طبعا انا بقى اعدت اعيط والضغط وطى وحوالى 4 من صحابى كمان عيطوا كانت حصه نكد ماهى حصه فيزياء طبعا والمستر قال لنا خدوا الورقه واكتبوا اللى عارفينوا وانا ساعتها حليت طشاش حاجات بسيطه فاكراها من الذاكره بس الحمد للله المستر متصلش بيهم فى البيت كان بيهدد بس وطبعا بمناسبه الفيزياء اسوا يوم بردك يوم النتيجه ولما عرفت درجه الفيزياء عيطت بردك وصوت كمان والضغط وطى ولما عملت اعاده تصحيح ولقيت المقارنه صح وهما عملينها غلط والمساله صح بس نسيت التميييز او الوحده منقصنى لقيت بلاوى الضغط وطى اكتر كانت ايام الله لا يرجعها

اصلا الثانوية دى كلها مكانش فيها يوم حلو
الحمد لله اهى خلصت وراحت ايامها
واهلا يا حياة الجامعة
استفدت ايه م الموقع بقى؟ شوية اسئلة فى الفيزياء

في سنه ثانيه كانت ايام وحشه اوي وربنا ما يعودها
اما في سنه تانيه كانت ايام جميله اوي
وبردو وقت الامتحانات
كنت عماله العب باعصابهم في البيت واقعد اضحك عليهم
ويوم التنسيق
ماما عماله تصحي فيا وبابا شويه وجدو شويه ويقولولي النتيجه ظهرت والبنات عمالين يتصلو
رحت عملت التليفون صامت وكملت نوم وكل ما حد يصحيني اقوله انا عارفه انها هندسه اقوم من النوم ليه

اما بالنسبه لفايدتي ن الموقع
كنت باحضر في الغرفه الصوتيه واستفدت منها جدا وخصوصا الانجلش والرياضه
وكنت باحمل ملفات في باقي المواد

الحمد لله انها خلصت كانت تقيله وخصوصا لما تحس بظلم بتبقى عامل زى اللى مش عارف طريقه
واحساس لايوصف بس الحمد لله عديناها على خير وبمجهود قلييييييييييل