مشاهدة النسخة كاملة : يا دكتور المستقبل عوزاك فى كلمه
Hamset_Etab 05-09-2009, 03:58 PM السلام عليكم ورحمه الله
ازيكم يا شباب المستقبل ، رمضان كريم عليكم جميعا
انا عملت التوبيك ده عشان الدكاتره بتوع السنادى تعرف بعضها اكتر ونبقى ايد وحده تساعد بعض
انا ملاحظه ان مفيش نشاط خالص فى القسم
ياريت الدكاتره تشارك وتنور القسم
ولا عوزين اخواتنا الدكاتره اللى فى الاقسام التانيه:stickjo4:
يقولوا اننا داخلين الكليه غصب عننا ومش راضيين بيها:bosyht9:
Hamset_Etab 05-09-2009, 04:00 PM وانا اول واحده هبدأ :av4056bb7jp3:
انا اختكم همسه عتاب داخله اولى بيطرى القاهره
ياريت كل واحد يدخل ويقول هو دخل الكليه فى اى محافظه
د\رغدة 05-09-2009, 08:08 PM السلام عليكم انا اختكم رغدة داخلة اولي طب بيطري القاهرة
Hamset_Etab 06-09-2009, 02:13 PM اهلا بيكى يا رغده نورتى التوبيك:av4056bb7jp3:
ايه يا دكاتره فينكم:blush:
SENDRILLA 06-09-2009, 07:48 PM اهلا همسة عتاب
واهلا بيكي يا رغده
انا تانيه طب بيطري القاهره
وتحت امركم في اي حاجه تطلبوها
استفسارات شرح ورق محاضرات كتب وكل اللي نفسكو فيها
مع العلم اني الحمد لله ماشيه كويس في الكليه يعني
بس سؤال بقي بما انكو لسه داخلين
حد قاللكو انتو هتاخدو سنه اولي في الكليه القديمه ولا الجديده
اصلهم لو عملو اللي في دماغهم وودوكو الكليه الجديده هنتنيل احنا سنه كمان في الكليه القديمه
عشان خاطركو انتو شفتو بنحبكو ازاي
ربنا يوفقكو يا بنات بجد
وياريت يكون في تفاعل اكتر من كده
د\رغدة 06-09-2009, 08:44 PM اهلا بيكى ياهمسةعتاب ومرحبا بسندريلة طب بيطري القاهرة انا بجد اتشرفت بمعرفتكم جدا ومتقلقيش ياسندريلاا لو احتاجنا حاجة هنقولك علي طول انا كنت عايزة اعرف اية المواد اللى نذاكرها من المحاضرة واية المواد اللي تتذاكر من الكتب
عبدالله الكومى 07-09-2009, 04:16 PM أنا عبدالله محمود الكومى داخل بيطري بنها وياريت حد يكون معاى لأنى نفسى بجد اتعرف على حد
Hamset_Etab 07-09-2009, 11:23 PM اهلا همسة عتاب
اهلا يا سندريلا
واهلا بيكي يا رغده
انا تانيه طب بيطري القاهره
:av4056bb7jp3:عقبال ما تخلصى خالص ان شاء الله
وتحت امركم في اي حاجه تطلبوها
استفسارات شرح ورق محاضرات كتب وكل اللي نفسكو فيها
ربنا يكرمك يا رب
مع العلم اني الحمد لله ماشيه كويس في الكليه يعني
الحمد لله ربنا يوفقك يارب
بس سؤال بقي بما انكو لسه داخلين
حد قاللكو انتو هتاخدو سنه اولي في الكليه القديمه ولا الجديده
لا هو فى حد بينطق فى الكليه دى
والله وانا بقدم حسيت اننا فى مدرسه الصم والبكم
اصلهم لو عملو اللي في دماغهم وودوكو الكليه الجديده هنتنيل احنا سنه كمان في الكليه القديمه
عشان خاطركو انتو شفتو بنحبكو ازاي
طب هى الكليه الجديده دى هى اللى جمب المدينه الجامعيه ومستشفى الطلبه ؟
ولا لا
انا مش فاهمه
ربنا يوفقكو يا بنات بجد
الله يخليكى
وياريت يكون في تفاعل اكتر من كده
ياريت والله
مش عارفه القسم ده مفهوش تفاعل ليه:(
Hamset_Etab 07-09-2009, 11:34 PM اهلا بيكى ياهمسةعتاب ومرحبا بسندريلة طب بيطري القاهرة انا بجد اتشرفت بمعرفتكم جدا ومتقلقيش ياسندريلاا لو احتاجنا حاجة هنقولك علي طول انا كنت عايزة اعرف اية المواد اللى نذاكرها من المحاضرة واية المواد اللي تتذاكر من الكتب
بصى يا رغده
ده الكلام اللى عرفته عن مواد الكليه
لقيته فى منتدى تانى قلت اجيبه هنا عشان نستفاد
وطبعا عوزين مساعده د/ سندريلا
احنا منستغناش عنها:d
مواد الكليه
السنه تقسم الي ترمين زي الصيدله وغير الاسنان والطب
سنه اولي (الترم الاول) :
المواد :
تشرح خيل equine anatomy :
http://www.healyourhorse.com/images/images/index_horse.png
تدرس في المنهج الاطراف حيث تدرس fore limb و hind limb عظام القوائم الاماميه وعظام القوائم الخلفيه
حيث تدرس العظام الخاصه بهم العضلات الخاصه بهم الشرايين والاورده والنيرفات(لا يوجد دراسه جراحيه في الانتومي)
نظام الدراسه في الماده هو حضور المحاضرات في الكليه وايضا السكاشن في المشرحه
الكتاب هو كتاب القسم الي جانب بعض ورق او كتب الاساتذه في القسم
الهستولوجي histology :
http://www.alltalaba.com/board/style_images/1/img-resized.png تم تقليل : 68% من الحجم الأصلي للصورة[ 580 x 496 ] - إضغط هنا لعرض الصورة بحجمها الأصلي
http://homepage.smc.edu/wissmann_paul/histology/animalcell.jpg
تدرس فيها الخليه واشكال الخلايا ويكون بدايه او اساس لهستولوجي 2 الذي تدرس فيه الانسجه في اقسام الجسم المختلفه
نظام الدراسه حضور المحاضرات والسكاشن في المعمل
الكتاب كتاب القسم هوه كبير بعض الشئ ولكنها ماده سهله
رعايه الحيوان animal management :
http://www.animal-helpline.org/images/photo2.jpg
هي اقرب مواد الترم الي الحياه العمليه تدرس فيها اساس التعامل مع الحيوان التلجيم وهي ماده سهله جدا يحاول اساتذه القسم منحها حيز كبير
نظام الدراسه حضور المحاضرات والسكاشن في القسم حيث يتم التعامل المباشر مع الحيوان
الكومبيوتر computer :
ماده لاتستحق الكلام عنها
الانجليزي والمصطلحات العلميه ENGLISH :
ماده سهله اللي بيعدي من جنب المدرج بينجح
دي كانت مواد الترم الاول التي تدرس داخل الكليه
مواد الترم الاول خارج الكليه (في كليه العلوم)
البيولوجي BIOLOGY :
http://www.alltalaba.com/board/style_images/1/img-resized.png تم تقليل : 56% من الحجم الأصلي للصورة[ 711 x 354 ] - إضغط هنا لعرض الصورة بحجمها الأصلي
http://science.pppst.com/banner_biology.gif
ماده جميله تنقسم الي BOTANY و GOOLOGE ودي النبات والحيوان
الحضور المحاضرات يتم في كليه العلوم وكذلك السكاشن في معامل كليه العلوم
المذاكره من كتاب القسم والاوراق التي سوف تنتشر في الدفعه
الفيزياء الحيويه BIO PHYSICS :
http://www.alltalaba.com/board/style_images/1/img-resized.png تم تقليل : 66% من الحجم الأصلي للصورة[ 600 x 317 ] - إضغط هنا لعرض الصورة بحجمها الأصلي
http://www.phas.ubc.ca/~biophys/program/biophyslogo.jpg
ماده سهله تعتبر فيزياء يتم الحضور في كليه العلوم السكاشن والمحاضرات
وعامه كليه العلوم بتاخد يوم ونصف من الاسبوع غالبا سبت ونصف الاحد
كده مواد الترم الاول خلصت الحمد لله النتيجه بعد اسبوع من اخر امتحان....
خدنا اجازه خدنا اجازه خدنا اجازه والاجازات ايام ممتازه.......اديك خدت اجازه مشتفهاش بقالك سنتين وطلاب كليات علميه تانيه بيتمنوا ياخدوها.....
الترم التاني :ايه ده الاجازه خلصت بسرعه.....
المواد:
تشريح خيل واجنه 2 ANATOMY AND EMBRYOLOGY :
http://www.localriding.com/image-files/horse-digestive_a.jpg
هتدرس في هذا الترم لبطن والصدر ABDOMEN AND THORAX ده هتدرس كل الاعضاء اللي في الجسم جوه وعظام الضلوع والعمود الفقري وعضلات الصدر والبطن والامداد الدموي والنيرفات
الدراسه من كتاب القسم وبعض الاوراق الموجوده في المكتبات
طبعا مهم اوي حضور السكاشن والمحاضرات
هستولوجي 2 HISTOLOGY :
http://www.alltalaba.com/board/style_images/1/img-resized.png تم تقليل : 72% من الحجم الأصلي للصورة[ 548 x 476 ] - إضغط هنا لعرض الصورة بحجمها الأصلي
http://img231.imageshack.us/img231/4694/tonguehistology5xb.jpg
هتدرس شكل الخلايا في مناطق الجسم المختلفه وفي الحيوانات المختلفه مثل OESOPHAGUS URETER UTERUS وهكذا وطبعا هتدرس اختلاف شكل الخلايا في نفس المناطق في الحيوانات المختلفه
الدراسه من كتاب القسم وانصحك لو ناوي تذاكر ذاكر من الكتاب بس واطلس الرسومات
MOLECULAR BIOLOGY :
http://www.alltalaba.com/board/style_images/1/img-resized.png تم تقليل : 86% من الحجم الأصلي للصورة[ 461 x 324 ] - إضغط هنا لعرض الصورة بحجمها الأصلي
http://biology.kenyon.edu/courses/biol111/mbio3.jpg
ماده كليتنا فقط اللي بتدرسها وكتاب صغير بس صعب شويه
دي مواد داخل الكليه.....
مواد خارج الكليه (في علوم وزراعه )......غالبا يوم السبت والاحد (علوم) زيزم الاثنين (زراعه) و طبعا باقي الايام في كليتنا(ركز معايا)..
مواد كليه العلوم
Chemistry الكيمياء:
http://www.perse.co.uk/uploads/Chemistry_4.jpg
ماده لذيذه هتدرس فيها الكيمياء الاورجنك و الفيزيائيه وطبعا لازم تحضر كل السكاشن لان في كل سكشن بتاخدوا الكشف عن مركب معين والمره دي بجد هتحس انك دكتور وانت عمال يتفرقع معاك الانابيب و شكلك يضحك http://www.alltalaba.com/board/style_emoticons/default/36_11_6[1].gif
الدراسه ممكن لوعايز من كتاب القسم او من ورق الدروس المنتشر في الدفعه
مواد كليه زراعه :
الوراثه :
http://www.uga.edu/srel/kidsdoscience/images/genetics-puppets.gif
ماده خنيقه يعيبها انها باللغه العربيه بس بالمذاكره تبقي سهله
عندك كتاب القسم وغالبا ما بيتوفرلهاش ورق
الحضور المحاضرات عندنا في الكليه والسكاشن في كليه الزراعه
احصاء حيوي :
http://www.mja.com.au/public/issues/aug4/mcmanus/mcmanf1.gif
ماده من زراعه لذيذه موت (للي بيعشق الرياضه زي حالاتي)قريبه جدا من احصاء ثانوي وماده النجاح فيها سهل جدا..
المذاكره من كتاب القسم وهو كتاب بسيط موت .....
د\رغدة 07-09-2009, 11:44 PM ايه الشغل الجامد ده يادكتورة همسة شكرا لمجهودك معانا
Hamset_Etab 07-09-2009, 11:59 PM أنا عبدالله محمود الكومى داخل بيطري بنها وياريت حد يكون معاى لأنى نفسى بجد اتعرف على حد
اهلا وسهلا يا دوك نورت التوبيك
وان شاء الله تلاقى هنا طلاب كتير فى بنها
Hamset_Etab 08-09-2009, 12:00 AM ايه الشغل الجامد ده يادكتورة همسة شكرا لمجهودك معانا
ربنا يكرمك يا رغده
وربنا يوفقا كلنا يارب
SENDRILLA 08-09-2009, 07:11 AM سبتيلي ايه اقوله انا بقي يا همسه :stickjo4:
بس هو ده فعلا وصف سريع للمواد
وانا زيكو كده دورت ولقيت وقريت
بس ملقتش حد اسأله عن كا حاجه بالتفصيل
بس طبعا اول ما بدأت الدراسه اتعرفت علي ناس كتير اكبر مني
واكتر حد فادني بنوته عسوله كده كانت صاحبة صاحبتي في المدرسه ههههه
اسمها نهي وهي دلوقتي في سنه تالته يعني اكبر مني بسنه
زهقناها في عيشتها
كل مانشوفها في الكليه نستلمها اسئله نذاكر ده منين الورق ده احسن ولا ده
اي سي دي نزل في سنتهم جابتهولنا
بصراحه ظبطتنا اوي:078111rg3:
وانا في خدمة اي حد حابب يعرف اي حاجه عن الكليه
ومش كلام بس لا ده حقيقه وجربو :)
عبدالله الكومى 09-09-2009, 04:08 PM يا ري ان شاء الله الاقى حد فى بيطرى بنها
الاء عبد العزيز 10-09-2009, 05:25 AM انا الاء داخلة معاكم اولي بيطري القاهرة وياريت تقبلوني صديقة معاكم
Hamset_Etab 10-09-2009, 12:06 PM انا الاء داخلة معاكم اولي بيطري القاهرة وياريت تقبلوني صديقة معاكم
انتى نورتى التوبيك يا لولو
وطبعا انتى بقيتى صديقه لينا خلاص:av4056bb7jp3:
lobna24 12-09-2009, 04:51 AM انا لبنى معاكو ان شاء الله ف بيطرى القاهره داخله سنه اولى
واحب اكون صديقه البرنااااااامج
ههههههه
هى الدفعه كلها بنات والا ايه
ههههه:av4056bb7jp3:
Phenom_taker 12-09-2009, 06:36 AM انا ان شاء الله ان عشنا
رايح 1 بيطرى الزقازيق
Hamset_Etab 12-09-2009, 11:44 AM انا لبنى معاكو ان شاء الله ف بيطرى القاهره داخله سنه اولى
واحب اكون صديقه البرنااااااامج
ههههههه
هى الدفعه كلها بنات والا ايه
ههههه:av4056bb7jp3:
اهلااااااااااااااا يا لبنى
نورتى البرنامج والله
قصدى التوبيك:d
وطبعا انتى صديقتنا كلنا مش محتاجه كلام
بالنسبه لبيطرى القاهره شكلها فعلا كلها بنات فعلا
يلا وماله وداعا بقى للتفرقه العنصريه:p
احنا بقينا اربعه دلوقتى
انا وانتى ورغده والاء
وطبعا مننساش البج بوس بتاعنا
دوكتور سندريلا
SENDRILLA 12-09-2009, 01:20 PM اهلااااااااااااااا يا لبنى
نورتى البرنامج والله
قصدى التوبيك:d
وطبعا انتى صديقتنا كلنا مش محتاجه كلام
بالنسبه لبيطرى القاهره شكلها فعلا كلها بنات فعلا
يلا وماله وداعا بقى للتفرقه العنصريه:p
احنا بقينا اربعه دلوقتى
انا وانتى ورغده والاء
وطبعا مننساش البج بوس بتاعنا
دوكتور سندريلا
ههههههههههههه
بج بوس!!!!
ماشي يا همسه اخجلتم تواضعنا
:p
بالنسبه لموضوع الولاد بقي
هو الكليه بتاعتنا بقالها سنتين كده الولاد شاحين شويه
يعني تقدري تقولي ولد لكل 5 بنات :039uw8:
حتي تلاقي معظم الجروب في الكليه كلهم بنات ومعهم رجل واحد :039uw8:
بس طبعا في جروبات بنات بس
ومش كتير جروبات ولاد بس :slap1qk6:
ببالمناسبه متعرفوش الدفعه بتاعتكو كام واحد
احنا كنا 317 بالغير مسجلين بالمحولين بكله برمتهم يعني
بس مش عارفه العدد قل ولا كتر ولا ايه نظامه
شدو حيلكو انتو بس :078111rg3:
lobna24 12-09-2009, 03:40 PM اهلااااااااااااااا يا لبنى
نورتى البرنامج والله
قصدى التوبيك:d
بنورك يا قمر
وطبعا انتى صديقتنا كلنا مش محتاجه كلام
الله يكرمك
بالنسبه لبيطرى القاهره شكلها فعلا كلها بنات فعلا
يلا وماله وداعا بقى للتفرقه العنصريه:p
اه فعلا الواحد اتعذب بس ما علينا
احنا بقينا اربعه دلوقتى
انا وانتى ورغده والاء
وطبعا مننساش البج بوس بتاعنا
دوكتور سندريلا
هو احنا نقدر والا ايه :abdoog8:دى كانت ت...... ههههههه
وبجد ياريت نبقى سوا بقى لحسن الوحده صعبه اوووووووووووى وانا مش بحبها
انا الايميل بتاعى
any_2mido***********
ياريت نتكلم سوا طبعا ده مش لهمسه لوحدها ههههههه:d
Hamset_Etab 12-09-2009, 05:16 PM انا ان شاء الله ان عشنا
رايح 1 بيطرى الزقازيق
اهلا بيك معانا
واهلا بطلبه الزقايق كلهم
التوبيك نور
هو الصوره اللى حضرتك حاططها دى بتاعتك بس ولا لاى فيت
اصلى شكلى كده هستلفها يومين:d
Hamset_Etab 12-09-2009, 05:22 PM وبجد ياريت نبقى سوا بقى لحسن الوحده صعبه اوووووووووووى وانا مش بحبها
انا الايميل بتاعى
any_2mido***********
ياريت نتكلم سوا طبعا ده مش لهمسه لوحدها ههههههه:d
يا نهار بالالوان
كتبه الايميل هنا يا لبنى
يارب مايدخل التوبيك ده اى مشرف:d
اصله ممنوع يا قمر
بس انتى تأمرى ان شاء الله هضيفك عندى
وهقول لرودى كمان
ممكن اسالك سؤال لولبى حبتين
هو انتى هتسكنى مدينه ولا هتسافرى كل يوم؟؟؟؟؟؟؟
Phenom_taker 12-09-2009, 09:07 PM كويس القسم اهو بقى شغال زى الفل
اصبروا عليه شويه بس وان شاء الله ح يبقى 100%
د\رغدة 12-09-2009, 10:43 PM اهلا وسهلا بيكي يا لبني و احنا يشرفنا كلنا انك تبقي معانا و بجد اية النور الجامد اللي في التوبيك ده
Hamset_Etab 13-09-2009, 05:38 AM اهلا وسهلا بيكي يا لبني و احنا يشرفنا كلنا انك تبقي معانا و بجد اية النور الجامد اللي في التوبيك ده
ده نورك يا رودى
د\رغدة 13-09-2009, 06:59 AM ربنا يخليكي يا همسة ( علي طول كده بتحرجيني بذوقك)ياقمر
lobna24 13-09-2009, 04:24 PM يا نهار بالالوان
كتبه الايميل هنا يا لبنى
يارب مايدخل التوبيك ده اى مشرف:d
اصله ممنوع يا قمر
طيب امسحه اذاى
بس انتى تأمرى ان شاء الله هضيفك عندى
وهقول لرودى كمان
ممكن اسالك سؤال لولبى حبتين
هو انتى هتسكنى مدينه ولا هتسافرى كل يوم؟؟؟؟؟؟؟
لا هسافر ان شاء الله وربنا يعنى
اه صحيح نسيت اسالك انتى منين ؟؟؟
لعل وعسى الاقى حد يونسنى ف الطريق :friendsxs3:
Hamset_Etab 13-09-2009, 07:28 PM اه صحيح نسيت اسالك انتى منين ؟؟؟
لعل وعسى الاقى حد يونسنى ف الطريق :friendsxs3:
لا للاسف مش هونسك خالص فى الطريق
بس فى الكليه اكيدهقرفك مش هونسك بس:d
اصلى من بعيد جدا وهسكن المدينه بعيد عنك
محمد علي جابر بركات 22-09-2009, 09:09 AM بسم الله - انا محمد بركات داخل بيطري ادفينا معتقدش اني هلاقي حد داخل بيطري ادفينا هنا
Hamset_Etab 22-09-2009, 08:46 PM تعرف يا محمد انى كنت همووووووت واحول ادفينا
بس للاسف التحويل ما تقبلش
مع ان الفرق بين مجموعى ومجموع ادفينا نصف درجه والله
بس الحمد لله
بس ادفينا السنادى واخده طلاب يامه اكتر من اى سنه
ده اللى اعرفه من طلبه الاتحاد فى الكليه
وان شاء الله تلاقى فى المنتدى طلاب فى ادفينا
محمد علي جابر بركات 23-09-2009, 06:07 AM ان شاء الله
Dr*Nour 24-09-2009, 07:03 AM اولا احب ان اشكر قطة المنتدى همسة على مجهودها الرائع اوىىىىىىىىىىىىىىىىىىىى بجد الله يكرمك وتطلعى الاولة على الدفعة كل سنة ان شاء الله
انا على فكرة طب بيطرى كفر الشيخ رايحة سنة اولى ياريت حد يكلمنى عن الكلية اكتر بتاعة كفر الشيخ بس ياريت بنات فقط فقط فقط فقط فقط *****
اللهم اجعلنا من المتقين
امنية2 24-09-2009, 07:11 AM انا بقى منار
رايحة اولى بيطرى المنصورةيا ريت الاقى حد معايا هنا
Dr*Nour 24-09-2009, 07:20 AM ازيك يا منار نورتى المنتدى كان نفسى تبقى طب كفر الشيخ معلش استنى شوية وهتلاقى معاكى كتير باذن الله
اوصيكى بكثرة الاستغفار وتقوى الله
Hamset_Etab 24-09-2009, 02:53 PM اولا احب ان اشكر قطة المنتدى همسة على مجهودها الرائع اوىىىىىىىىىىىىىىىىىىىى بجد الله يكرمك وتطلعى الاولة على الدفعة كل سنة ان شاء الله
انا على فكرة طب بيطرى كفر الشيخ رايحة سنة اولى ياريت حد يكلمنى عن الكلية اكتر بتاعة كفر الشيخ بس ياريت بنات فقط فقط فقط فقط فقط *****
اللهم اجعلنا من المتقين
اللهم امين
يانهار ابيض الكلام الحلو والدعوات الجميله دى عشانى
متشكره اوى يا دكتوره نور اخجلتم تواضعنا والله
وان شاء الله تلاقى صحاب ياااااااااااااااااااااااامه بنات فى كفر الشيخ
ومش تحرمينا من مشاركاتك فى المنتدى يا قمر
Hamset_Etab 24-09-2009, 02:58 PM انا بقى منار
رايحة اولى بيطرى المنصورةيا ريت الاقى حد معايا هنا
اهلا بيكى يا منار واهلا باهل المنصوره كلها
مش عارفه البلد دى بحبها اوى ليه
مع انى مرحتهاش خالص
بس اى حد بحبه بيبقى منها
بصراحه بلد كلها خير
كفايه ان منها الدكتور حازم شومان
وبجد بجد نفسى يبقى فى المنتدى اكبر تجمع لبيطرى المنصوره
امنية2 25-09-2009, 07:03 AM ميرسى يا جماعة على الترحيب الجامد دا
Dr.Nader Galal 26-09-2009, 01:17 AM السلامـ عليكم ورحمة الله وبركاته ...أول مشاركه لطالب في بيطري القاهرة :049gc0:
التعريف ::av4056bb7jp3:
نادر ..أحسن واحد يلعب بالارجنتين ...رايح أولي طب بيطري القاهرة وكده يبقي كمل أول 5 بنات أو أربعه مش فاكر أوي.. زهايمر معلش :abdoog8:..وولد واحد :blush::078111rg3:
بنوووتة 27-09-2009, 10:44 PM السلام عليكم ورحمه الله
ازيكم يا شباب المستقبل ، رمضان كريم عليكم جميعا
انا عملت التوبيك ده عشان الدكاتره بتوع السنادى تعرف بعضها اكتر ونبقى ايد وحده تساعد بعض
انا ملاحظه ان مفيش نشاط خالص فى القسم
ياريت الدكاتره تشارك وتنور القسم
ولا عوزين اخواتنا الدكاتره اللى فى الاقسام التانيه:stickjo4:
يقولوا اننا داخلين الكليه غصب عننا ومش راضيين بيها:bosyht9:
اكيد يا دكتورة همسة عتاب كلنا هنشارك ونساعد بعض ان شاء الله
انا اختكم بنوتة سنة اولى طب بيطرى الزقازيق
Hamset_Etab 28-09-2009, 02:08 AM اكيد يا دكتورة همسة عتاب كلنا هنشارك ونساعد بعض ان شاء الله
انا اختكم بنوتة سنة اولى طب بيطرى الزقازيق
اهلا بيكى نورتى التوبيك
ونتمنالك التوفيق باذن الله
SARA_2009 28-09-2009, 05:22 PM أنا احتمال كبير أكون في طب بطري بنها
Hamset_Etab 28-09-2009, 08:25 PM احتمال؟؟؟؟؟؟؟؟؟:o
على العموم اهلا بيكى دكتوره ساره نورتى قسم الطب البيطرى كله
SARA_2009 28-09-2009, 09:51 PM اه احتمال عشان أنا اصلا جالي حاسبات بس عملت طلب تحويل لطب بطري وربنا يسهل
Hamset_Etab 28-09-2009, 10:05 PM ربنا يكرمك ان شاء الله وتحويلى
بس انتى جالك حاسبات ومعلومات ؟؟؟
اللى بيدخلوها بتوع رياضه2
عبدالله الكومى 29-09-2009, 05:31 AM على العموم أهلا بيكى يا سارو وان شاء لله هيوافقوا على طلبك وأنا داخل أولى بيطرى بنها
princess_91 29-09-2009, 10:24 PM اهلا يا بنات ربنا معاكم ان شاء الله للى داخلين اولى
انا فى سنة تانية واسمى ايمان احب اتعرف عليكم كلكم ومش بس من خلال المنتدى ياريت كمان نتقابل ان شاء الله فى الكلية
لو حد عايز اى حاجة انا فى الخدمة
SENDRILLA 29-09-2009, 11:11 PM اهلا يا بنات ربنا معاكم ان شاء الله للى داخلين اولى
انا فى سنة تانية واسمى ايمان احب اتعرف عليكم كلكم ومش بس من خلال المنتدى ياريت كمان نتقابل ان شاء الله فى الكلية
لو حد عايز اى حاجة انا فى الخدمة
اممممممم ايمان
بس انهي ايمان فيهم بقي هو ده السؤال :d
انا علي فكره معاكي يا ايمي في الكليه
واكيد تعرفيني لاننا في نفس السكشن
بس هبقي ابعتلك ع الخاص بقي اقوللك انا ميين :bosyht9::av4056bb7jp3:
د\رغدة 30-09-2009, 12:21 AM اهلا بحضرتك يادكتورة ايمان وطبعا اتشرفنا بمعرفة حضرتك انا رغدة راحة اولي ان شاء الله وان شاء الله نتقابل في الكلية وربنا يوفقك ان شاء الله
Dr*Nour 01-10-2009, 02:30 AM السلام عليكم أعضاء المنتدى الكرام
كلنا بنتكلم عن الكلية والدراسة والمحاضرات والسكاشن بس محدش اتكلم عن بعد كدة احنا بنتكلم فى حيز الكلية بس ومحدش جاب أى حاجة عن بعد الكلية أنا قرأت موضوع جذبنى جدا بس أخذت فكرة عامة عنه فقط لا أعرف التفاصيل ان ممكن ان الاطباء البيطريين يعملوا معادلة عشان يشتغلوا فى استراليا ومرتباتهم 200$ فى اليوم فى الساعة مش فاكرة بس فى استراليا تعتبر مهنة الطب البيطرى هى المهنة الاولى بالنسبة لهم هو مش مشكلة الفلوس انا مش بتكلم فى الناحية المادية مع انها مهمة بس ممكن يكون فى فرص حلوة هناك خاصة انهم بيحترموا مهنة الطب البيطرى جدا وبيعتبروها الاولى عندهم كان نفسى نقابل نفس الاهتمام عندنا ونفس الاحترام للطبيب البيطرى لانها فعلا جميلة
أى حد يعرف حاجة عن المعادلة يجيب معلومات عنها وانا ان شاء الله هحاول أبحث بردو :)
عبدالله الكومى 01-10-2009, 05:14 AM شكرا يا دكتورة على المعلومات دى بالرغم انى عمرى ماهأفكر أسافر أستراليا لأنى يوم ما هأسافر هاروح أى بلد عربية
rossetta 03-10-2009, 02:14 AM اهلا بيكم يادكاترة
أنا اختكم في الفرقة الخامسة طب بيطري جامعة الزقازيق
انا سعيدة بوجودي معاكم
واتمنى اكون ضمن الجروب
انا في الخدمة لاي حد محتاج حاجة
انا عارفة ان توزيع الكورس بيختلف من كلية لاخرى بس تقريبا درست كل المواد
وعلى فكرة انا قعدت سنة في بيطري بنها
سلاااااام
عبدالله الكومى 03-10-2009, 05:26 AM أهلا بيكى يا دكتورة ويارب تستفيدى وتفيدى وعلى فكرة أنا بيطرى بنها ولو احتاجت اى حاجة أكيد هأقولك
د\رغدة 03-10-2009, 03:33 PM اهلا بيكي يادكتورة روزيتا نورتينا ونورتي المنتدي كله
SENDRILLA 03-10-2009, 04:02 PM اهلا بيكم يادكاترة
أنا اختكم في الفرقة الخامسة طب بيطري جامعة الزقازيق
انا سعيدة بوجودي معاكم
واتمنى اكون ضمن الجروب
انا في الخدمة لاي حد محتاج حاجة
انا عارفة ان توزيع الكورس بيختلف من كلية لاخرى بس تقريبا درست كل المواد
وعلى فكرة انا قعدت سنة في بيطري بنها
سلاااااام
اهلا بيكي يا دكتور معانا
واكيد هنستفيد من خبرة حضرتك
ويارب القسم بتاعنا يكون عجبك
انا سندريللا تانيه بيطري القاهره :)
Hamset_Etab 04-10-2009, 05:30 PM اهلا بيكى يا دكتوره نورتى المنتدى
dr.taz 29-10-2009, 10:04 AM احم احم
الصعايده وصلوا :stickjo4::stickjo4:
انا اولى بيطرى سوهاج :d:d
someone_vet2000 01-11-2009, 12:59 AM اذيكم يا دكاتره
انا فى خمسه بيطرى كفر الشيخ
اسمى محمود و يا رب نفيد كلنا بعض
تحياتى
زائر غير مسجل 26-12-2009, 05:02 PM اهلا بيكم انا رانيا اولى بيطرى القاهرة
Dr/shymaa moaz 01-01-2010, 04:24 PM السلام عليكم
انا شيماء اولي طب بيطري الوادي الجديد اتمني تقبلوني صديقه
واحب اقولكم ان انتو بجد سبب حبي للكليه وللمجال البيطري
واتمني نفيد بعض علشان نبقي واجهه مشرفه للطب البيطري
عبدالله الكومى 04-01-2010, 08:55 PM أهلا بيك يا دكتورة نورتى المنتدى وان شاء الله نكون وجهة مشرفة للطب البيطرى.
Dr/shymaa moaz 05-01-2010, 08:05 PM ميرسي كتير ع الترحيب
|