طبعا اكيد مش جديد على طلاب الفرقة الاولى لطب اسكندرية انهم حيتنقلو لمستشفى المواساة بس يا جماعة محدش يعرف سبب النقل وكمان التفاصيل الكاملة عن الموضوع يعنى السكاشن حتبقى فى الكلية ولا المستشفى ارجو التوضيح لانى محضرتش وقت ما وكيل الكلية اتكلم عن الموضوع

بسم الله الرحمن الرحيم

تحيات فريق اليكس ميد و إليكم المعلومات التي جمعناها لكم عن مبنى مستشفى المواساة و الذي من المقرر انتقال طلبة السنين الأكاديمي إليه (السنين الثلاث الأولى ) خلال العام الدراسي المقبل علينا (غالبا سيتم إن شاء الله في الترم الثاني ) .

بداية المبنى مقسم لقسمين مما يعنى احتواءه على جزء خاص بالمستشفى التي ستظل تستقبل المرضي أثناء الدراسة .

قديما : كان المبنى يتكون من 6 أدوار منهم الدور الخامس للخدمات و السادس للسكن .

حاليا : يتكون المبنى من 6 أدوار شاملين الدور سفلى ( البدروم )
يحتوى المبنى علي 4 مصاعد و 6 سلالم
كما يحتوي كل دور على حمامات للطلبة منفصلة عن حمامات المحاضرين و الأساتذة العاملين ضمن هيئة التدريس

1-الدور السفلى
يحتوى الدور السفلى على 3 مشارح خاصة بمادة الأناتومى لطلاب السنتين الأولي و الثانية ومشرحة المستشفى و هي لا تخص الطلاب بشئ

2-الدور الأول
يحتوى على 3 مدرجات( منهم مدرجين صغيرين سعة كل منهما من 50-80 طالب و مدرج كبير سعته 100-120 طالب) .
كما يحتوى على أربعة معامل ( معملين صغيرين و معملين كبيرين )

3-الدور الثاني
يحتوى على 3 مدرجات ( منهم مدرجين صغيرين سعة كل منهما من 50-80 طالب و مدرج كبير سعته 100-120 طالب) .
كما يحتوى على 3 معامل (معمل صغير و معملين كبيرين)

4-الدور الثالث
يحتوى على 5 مدرجات صغيرة (تقريبا) و مدرج كبير و مدرج اكبر من السابق ذكرهم
يحتوى علي 3 معامل ( معملين صغيرين و معمل كبير )

5-الدور الرابع
يحتوى على معمل كبير و 3 معامل صغيرة
كما يحتوى على متحف (مقرر تخصيصه لمادة الباثولوجي لطلاب السنة الثالثة)
كما يحتوى على مدرج كبير

6- الدور الخامس
يحتوى على اكبر مدرجات المبنى
كما يحتوى على 4 معامل صغيرة و معملين كبيرين
كما يحتوى على بعض الغرف مجهولة الهوية (كانت فيما سبق غرف للغسيل و مطبخ للمستشفى و يعتقد أنها ستصبح غرف لشؤون الطلبة و الإتحاد و غيرها من الغرف التي تقدم خدمات للطلبة )

في نهاية هذا التقرير نقدم لكم معلومة قد لا تكون مهمة وهى الشركة القائمة بأعمال الترميم هي شركة كرام للمقاولات و الشركة الممولة هي شركة لورد
وقد تم تأسيس المبنى سنة 1932 ولكن الأعمال فيه تجري على قدم و ساق مما يجعله قادرا على تحمل المهمة الموكلة له ان شاء اللهز

نتقدم في نهاية هذا التقرير بخالص الشكر للمهندس / ناصر بكر الذي كان متعاونا مع فريق اليكس ميد الذي ذهب لمعاينة المبنى و تصويره و هو أحد المعاونين الثلاثة للمهندس / عبد الناصر المسئول و المشرف على عمليات الترميم ......

كما نتقدم بالشكر لفريق عمل اليكس ميد الذي ذهب لمعاينة المبنى ....
تامر خطاب * محمود عرب

ملحوظة : عذرا عن أى أخطاء في أعداد المعامل و المدرجات و التي سترجع الى عدم اكتمال التشطيبات في المستشفى و بالتالي عدم الاستقرار على تقسيمات أعداد الغرف (سواء معامل أو مدرجات ) بين الطلبة (أي المخصصة منها للدراسة ) و بين المخصصة لهيئة التدريس (من مكاتب و معامل تجهيز عينات و غيرها من الأغراض

بس

المشكله دلوقتي حنتنيل نقعد فين دلوقتي :d

وبعدين حنجيب منين جرايد
عم محمد دا كان راجل طيب :d

كان مبني كميل اوي :d


يعني كدا اكيد السكاشن ف المستشفي

ويعني برضه الكلام دا لسه بدري اوي عليه
ع التيرم التاني ان شاء الله
لما يخلصوا الترميم بتاع المستشفي الاثرية دي :d

شكرا اوى على المعلومات بس انا لما رحت الكشف الطبى واحد من الناس االى كانت لابسة بدل دى قاللى اننا حنتنقل من اول السنة هى ناقصة لغبطة يلا ماهى تدبيسة من اولها

لا لسه فيه تجهيزات ف المبني
لسه مينفعش حاجه تتنقل فيها دلوقتي

الموضوع لسه محتاج شوية وقت

ولسه برضع مفيش اماكن مجهزه للعينات والجثث اللي حيتنيلوا ينقلوها



وفيه نظام جديد حيطبق ع سنة اولي

يعني الموضوع محتا وقت طويل اوي
لسه الاماكن تتجهز ولسه المكاتب و الكتب والمتحف بتاع الباثولوجي
كل الكلام دا محتاج وقت
صعب اوي قبل بداية التيرم التاني

وبعدين متفرقش كتير يعني الكلية من المستشفي
خمس دقايق مواصلات

دا غير ان ف اول اسبوع مفيش سكاشن
يعني دراستك ف الكلية ف الاول
يعني فيه وقت عشان تعرفي السكاشن حتبقي فين