مذكرات طالب فاشل [الأرشيف] - الصفحة 2 - بوابة الثانوية العامة المصرية

dr\villa

30-07-2010, 01:51 PM

انت عارف يا دكتور

بص المشكلة في النوعيات شباب وبنات الي انت بتتكلم عنها

نوع التربية بص هو انا بعتبر البنت الي تتمشي مع شاب تبقي مش كويسة

في نوع شباب وبنات بيعتبوا بعض اخوات والله عادي جدا

انما الولاد والبنات الي بيبصوا لبعض علي ان التاني مخلوق عجيب جاي من كوكب تاني

دول بجد الي بينرفزوا والسبب في كدا انت بتخليهم في ابتدائي مدراس مشتركة

اعدادي بتفصل ثانوي في كدا وفي وكدا

جامعة بتجمع كل الانواع دي طب اصلا الواحد او الواحدة كل الي عرفه عن التاني

ان دا كائن ممكنوع الاقتراب او التصوير منه

والدليل علي كلامي والله انا من كي جي لغاية اعدادي كنت مع صبيان

وربنا اكتر من اخوات و لحد ما دخلت ثانوي اصحاب اخويا الصغير

و بجد كويسين جدا وثانوي دخلت لقيت عالم تاني خالص

في فصلي المستر بتاع الرياضة بيفضل ان الي يحل يحل علي السبورة فعادي بطلع

طبعا البنت الوحيدة الي بتطلع مش بقول من ناحية شطارة بس في ناس اشطر مني بيحلو في الكشكول

والفرنساوي كذالك والي بيطلع يحل غير كام واد كدا بس

اكتشفت في الاخر ان الفصل بيعتبر البنت الي بتقوم تجاوب في مكانها او عالسبورة تبقي اخلاقها وحشة

المهم اني عرفت الكلام دا ونفضت وكنت بقوم اشرح دروس بدل المدرسين بطلب من المدرسين

كان ليا طرق بتفهمهم حلو اوي

بس دي المشكلة كلها

بس بليز ممكن تكمل موضوع الثانوي ومذكراته علشان احلي من الجامعة بكتير

انا عن نفسي انا ....كنت في مدرسه مشتركه في ابتدائي واعدادي وثانوي :d هو كان فيه مدارس ولاد بس ومدارس بنات بس
لكن انا كنت بروح المشتركه:022yb4:
ف موضوع البنات والتعامل ده عادي بالنسبه لي
وفكره ان البنت تتمشي مع شاب بمعني اصح يتصاحبوا (اكيد البنت دي مبتبقاش محترمه ) وعلي فكره وربنا اعلم (انا عندي اكتر 10000000000 فرصه عشان اصاحب ومبرضاش والله ...بعامل البنت زي ما احب اختي تتعامل)
وهتقابلي ناس تقولك الصحوبيه عادي وخليك كول (بصي مهما كان الانسان متحضر وكده ...في الاخر هتلاقي فيه الرجل المصري اللي مستحيل يرتبط ببنت صاحبها قبل كده)

Mostafa Walid

30-07-2010, 03:13 PM

ايه ده ايه ده
ايه حكايه فصل النت دي ...ده طلعت عند الكل و لا ايه
لا حول و لا قوه الا بالله
ربنا معاكم ... ده بابا و ماما دول عسل بقى على كده
اصلهم مش عايزين التوتر و شده الاعصاب ف سايبين النت و كل حاجه

اه
على فكره فيه نت على الموبايل :d انا بس بعرفكم مش قصدي حاجه :d:d

ربنا يوفقكم ...
و كمل يا دكتور الموضوع قبل اما موبايلاتهم تتصادر :d
لا انا مش هيطع عندى انا موجود
فكرة حلوة الموبيل دى علشان محدش يتحجج
ويلا يا دكتور واين الحلجات

#sooma#

30-07-2010, 04:20 PM

انا النت مش هيتفصل لاني بابا مسافر وبنكلمه عليه
بس هيعملوا للكمبيوتر باسورد علشين مش اعرف اتدخل بس ع مين وربنا لحاول
اتدخل في اي وقت فاضي بس قليل لو لاقيت وقت فاضي اصل عقبال عندكوا
بقيت امراه اعمال اي خدعه حلوه الكلمه دي
بس ربنا يستر ونعدي السنه دي ع خير

Mostafa Walid

30-07-2010, 04:25 PM

يرجعلكم بالسلامة انشاء الله
بس الام طيبة بكلمتين تخدى كل حاجة بس مش سيدة اعمال با سيدة ثانوى عام
وانشاء الله نعدى وكل واحد يجيب المجموع اللى هوا عيزوا وربنا معانا

#sooma#

30-07-2010, 04:52 PM

يرجعلكم بالسلامة انشاء الله
بس الام طيبة بكلمتين تخدى كل حاجة بس مش سيدة اعمال با سيدة ثانوى عام
وانشاء الله نعدى وكل واحد يجيب المجموع اللى هوا عيزوا وربنا معانا
الله يسلمك
والله ماما مش عاوزه تفصله بس عمي هو الي هيفصله يالا ربنا يهديه ويرجع في كلامه:slap1qk6: بس هدخل لاني البيت عندنا كله عنده نت:d فاهدخل عادي بس قليل برضوا يعني وربنا يوفقنا:av4056bb7jp3:

timo mido

30-07-2010, 05:12 PM

انا عن نفسي انا ....كنت في مدرسه مشتركه في ابتدائي واعدادي وثانوي :d هو كان فيه مدارس ولاد بس ومدارس بنات بس
لكن انا كنت بروح المشتركه:022yb4:
ف موضوع البنات والتعامل ده عادي بالنسبه لي
وفكره ان البنت تتمشي مع شاب بمعني اصح يتصاحبوا (اكيد البنت دي مبتبقاش محترمه ) وعلي فكره وربنا اعلم (انا عندي اكتر 10000000000 فرصه عشان اصاحب ومبرضاش والله ...بعامل البنت زي ما احب اختي تتعامل)
وهتقابلي ناس تقولك الصحوبيه عادي وخليك كول (بصي مهما كان الانسان متحضر وكده ...في الاخر هتلاقي فيه الرجل المصري اللي مستحيل يرتبط ببنت صاحبها قبل كده)

ياااااااد يا نصاب انت مش مصاحب ؟؟؟:049gc0:
اللي بيتكلم ده بيعرف يجي 1000000000000000000000000000 بنت في نفس الوقت
ده صاحبي وعملي الاسود وانا عارفه
اي خدمه انا ماردتش اسيح اكتر من كده

dr\villa

30-07-2010, 05:20 PM

ياااااااد يا نصاب انت مش مصاحب ؟؟؟:049gc0:
اللي بيتكلم ده بيعرف يجي 1000000000000000000000000000 بنت في نفس الوقت
ده صاحبي وعملي الاسود وانا عارفه
اي خدمه انا ماردتش اسيح اكتر من كده

والله انت ما بتفهم حاجه في اي حاجه
يابني دول زمايل عادي ...مفيهاش حاجه يعني
هو كل واحده اتكلم معاها يبقي مصاحبها :d انا مش عارف ايه اللي مخليني مستحملك والله:022yb4:

dr\villa

30-07-2010, 05:22 PM

:022yb4:ان شاء الله شويه كده وهكتب شويه حلقات ورا بعض

#sooma#

30-07-2010, 05:25 PM

احمممممممممممم
ايه الي بنسمعه ده يادوك
شكلنا هناخد فكره وحشه عليك هههههه بهزر طبعاع فكره حكايه اني بنت تكلم ولد دي حاجه عاديه بس اهم
حاجه الكلام هيكون عامل ازاي
يعني مثلا انا لو محتاجه مذكره من ولد وطلبتها منه كده ادام انا كلمته هاابقي مش محترمه
بس للاسف البنات كلها بتفهم كده طب مااحنا اهو كلنا بنات مع ولاد وبنتكلم عادي بس بنتكلم في حاجات مفيده
يبقي دي حاجه كويسه مش حاجه وحشه صح ولا انا غلطانه؟؟؟؟؟؟؟؟

#sooma#

30-07-2010, 05:30 PM

:022yb4:ان شاء الله شويه كده وهكتب شويه حلقات ورا بعض
ياعم انت الشويه عندك بيومين واحنا بنقول النت هيتفصل
يالا شيد حيلك كده واكتب ومستنينك

dr\villa

30-07-2010, 06:20 PM

بناء علي طلب الاعضاء ...(اللي عايزين اكتب ثانوي ) واكيد انا كرئيس جمهوريه مش هستجيب لمطالب الشعب:p سوري قصدي لازم استجيب لمطالب الشعب ...فااااااااصل ونرررررررررررررررررررررجع لبعض تااااااااااني:022yb4:

المهم انا هكتب النهارده يوم من ايام الثانوي :p

انا الحمد لله في الثانوي ده ..كان معايا صحاب زي الفل وكلهم تمام واشطه بيشربوا حشيش بس :p بس الحمد لله مكنوش مدمنين ولا حاجه(بس انا الحمد لله مش بشرب اي حاجه :022yb4: رغم الضغوطات الكبيره اللي عليا ..واشرب يا عم هو حد واخد منها حاجه ..دي بتعمل دماااااااغ وهتخليك تنسي الناظر بتاعنا اللي عمره ما ضحك ....لأ يا شباب انا عمري ما اشرب ...ده انا بابا يقطعني :p ...يعني احنا اللي ملناش اهل ياااااد يا ************ هههههههههه )
المهم يجوا الصبح المدرسه متكيفين ( واكيد مش شاربين حاجه ....لأ ده كل واحد ابوه مكيفه :p عشان يروح المدرسه ...يا بابا ما بنخادش حاجه ..والله ما بناخد حاجه ....هتروح برضه لو وقفت علي شعرك هتروح برضه ...طب يابا انا اقرع سبني انام بقي :p بس انا غير كده خالص عمر ما حد في البيت كيفني او ضايقني ...هو حد يقدر ؟؟ وعشان تتأكدوا هوريكوا بصحي ازاي ؟؟:022yb4::

انها السادسه صباحا ...موسيقي تصويريه هاديه ( اللي هو المنبه بتاع التليفون الصيني الحقير ده اللي صوته يصحي اسماعيليه كلها ....والله انا شاكك ان الصين بعتهولنا حل للزياده السكانيه ..ده من الخضه الشعب المصري كله هيقطع الخلف هههههههههههههههههههههههههه:039uw8: ) طبعا انا بعمل عبدو الاهبل (علي فكره مش اسمي عبدو:p) ولا بيهمني ولا بتحرك من السرير ..قوم بقي ياابني وراك مدرسه ...طب هخطف حلم سريع واقوم ...لأ مفيش كفايه احلام قصدي كفايه نوم ...ايه يا بابا انت هيست ولا ايه ؟؟:p.....هيست !!!! قوم يا قليل الادب (انا في اللحظه دي طيران من علي السرير اصل كنت علي وشك اني كنت اتكيف(.ما انا قولت ما بتكيفش :p ) )
بابا !! هو الحمام فاضي ولا اتصرف في اي درج :p.....فاضي وبطل لماضه بقي
طبعا بدخل انام جوه ...يلا يابني ورايا شغل ...طب والله ما انا طالع اللي لما تسمعني الشعار :p
يابني ورايا شغل ..ورايا شغل ...ورايا شغل ...اغنيهالك ..الله:p
كده اشطه اطلع انا بقي ..اخطف اسرع صلاه صبح في التاريخ ..ركعتين ..هوب هوب هوب :022yb4: والبس واقلب بابا في المصروف واخلع :p
اروح المدرسه اقابل صحابي في الطابور (والله كانت ايام ) ادخل ايه يا جدعان اتكيفتوا تمام ؟؟؟؟ .....لأ الناظر لسه مجاش ...مش قصدي بس ما علينا هو الناظر ناوي يكيفنا ولا ايه ؟؟؟....طبعا هو مش قال امبارح تيجوا بالزي الرسمي ....نعم الزي الرسمي !!!! ده انا هتكيف لحد ما يبانلي صاحب (كنت في اليوم ده لابس تيشرت احمر ..وانتوا متعرفوش معني اللون الاحمر في اسماعيليه:p)

ايه ده ؟؟ ده الناظر جه !!! (اه يا ولاد ال ... ده انتوا فرحانين فيا بقي )

الناظر هو اللي كان بيعدي علي الطابور ( وانا في سري ...يارب ما يبص ...ألاهي تتعمي يا بعيد :p ..الحمد لله ما شافنيش ..:022yb4:)
هو في المدرسه في تحيه العلم كان فيه تلاته بيحيوا العلم (انا واتنين تانييين :p اصل انا وطني اوي ههههه)
وفي الميكرفون فين كذا ؟؟ مجاش ..طب فين كذا ؟؟ مجاش (انا في سري ....ده لو نادي عليا ..الناظر مش هيخليني احيي العلم ...ده هيعلقني في العلم :p)
ولحسن الحظ بينادي عليا فين VILLA ؟؟ فين ؟؟ (وانا في سري ما تسكت بقي يا عم هتخلي الناظر يكيفني الله يحرقك )
وكان فيه واحد صاحبي واقف قدامي :p وبقوله :
خبيني والنبي لانت مخبيني :p ..اخبيك فين يا عم ...خبيني يا عم في اي حته ده انت كلك مخابئ :p:p

والحمد لله عديت في الطابور بس وانا طالع الناظر مسكني وقالي ازاي ما شفتكش (وانا مالي ..انت الللي اعمي :p) وكمان جاي بأحمر ...استناني عند المكتب بتاعي :p

يتبع .... مكتب الناظر:022yb4:

الدكتورة_4

30-07-2010, 06:28 PM

ربنا معاك وتتكيفش ههههههههههههههه

#sooma#

30-07-2010, 06:45 PM

هههههههههههههههههههههههههههههههههههه
يالا كمل شكلك هتمووووووووووووووووت من التكييف

ياسمينااا

30-07-2010, 07:11 PM

حلوة أوي
كمل بقى

أزهار الخريف

30-07-2010, 07:23 PM

علشان اشوف ايه الاخطاء والعبارات غير الائقة وادعم الشكوى يعنى زى ما بتسب الناس كدة وحاجات مخالفة للدين كدة يعنى يا رب صبرنى:(:( لا اله الا انت سبحانك انى كنت من الظالمين وكمان بغير عى البنات اللي قاعدين يسهروا مع الشباب دول ويهزروا كدة حررررام شرعا اين الحياء ممكن يكون حوار فى حدود الادب مش الكلام الفارغ ده اللي تقول حاجة تقول حاجة مفيدة يا اما تسكت والله ان بقول كدة خوفا عليهم مش اكتر النت ده هو سبب كل المصايب اختى عودى الى الله واستغفرى الله وتذكرى والديكى واخوتك وانتى قاعدة تهزرى مع شاب فى النت لازم كلامك ما يبقاش فيه مرونة كدة لازم تبقى حادة ناس كتيرة هتزعل من كلامى ده لكن يبقى افتكرونى يوم القيامة وانتو بتتحاسبو على كدة والله بدعيلكم بالهداية والستر والعفاف والحياء البنت زينتها الحياء

أزهار الخريف

30-07-2010, 07:55 PM

ماااشى ليه بتسخر من الطلبة والبنات بالطريقة دى ده ينفع انتى تسمح لحد يقول كدة على اختك او اخوك ينفع تخلى البنات المؤدبات تصفهم بالتناكة والرخامة والبنت اللى مرخصة نفسها اللى يعدى يكلمها تصاحب ولاد دى بقى المتحضرة اساللك سوال وجاوب بصدق لو اختك هى اللى قاعدة تقول كمل يا دوك وتهزر وتقول الكلام ده هتعمل فيها ايه؟؟؟ لو شوفت اختك بكلم واحد فى الشارع هتعمل ايه؟

أزهار الخريف

30-07-2010, 08:02 PM

على فكرة انا ما نقدش فى دينك انا ما اعرفكش لكن حضرتك مخلى صداقة الولد مع البنت شى عادى وانا ما بكفرش حد انا فعلا بلتزم بدينى لكن بدعى ربنا يثبتنى وانا مش بشهد ليا بالايمان الكامل علشان اشهد لحد تاانى بالفساد او غيره ده مجرد نقد مش لاخلاقك لكلامك معن كلام الواحد عنوان اخلاقه وربنا يهدينا كلنا

ياسمينااا

30-07-2010, 08:09 PM

و لا يهمك يا دوك :d:d
كمل احنا معاك متابعين ومنتظرين باقي الحلقات

#sooma#

30-07-2010, 10:51 PM

ياجماعه مش اي بنت تاخد الكلام ع نفسها اكيد كلنا واثقين من نفسنا
(سياتي الضياء)بالنسبه للاهانه لي بتقول عليها ايه الاهانه الي هنا اكيد اي بنت واثقه من نفسها
مش هتقبل الكلام ده والبنات الي هنا كلهم محترمين والولاد كمان بردوا يبقي مش نغلط في حد واحنا الي
عاوزينه يكمل الحلقات من ناحيه انها كومديه ومن ناحيه اننا بنستفاد بردوا

Abu Ezz

30-07-2010, 11:01 PM

أستغــفــر الله العظيم .
فعلا انها المهانة انه الهوان .
لابد من وقفة .
من هذا الشخص الذى سيعلمنا ديننا وايه يا عم الكلام الجامد ده . ويانا للـ........... فى قلب ال............. .
هل لكم من فتيات . هل لكم من أخوات فلتتقدمو االى هذا التوبيك ولتتحدثوا مع دكتور الاسماعيلية .
لن أقول سوى حسبى الله ونعم الوكيل .
حسبى الله ونعم الوكيل.
حسبى الله ونعم الوكيل .
ماذا تفعلون رحمكم الله .

( يا عم نفض للكلام ده وكمل مذكراتك . انت فاضى للكلام ده ) .
طبعا لابد لنا هنا من وقفة . نأخذ من كل رجل قبيـــــــــــــــــــــــــــلة .
سبونا ناخد فرصتنا بقى .

شوف انت الجملة دى يا دكتور ( لكن حضرتك مخلى صداقة الولد مع البنت شى عادى )
هو يقصد أنك تدعو الى الفساد . لالالالا .
لن أسمح لك لك .
فنحن هنا من أجلكم
نحن هنا من اجلنا .
نحن هنا من أجلى .

هههههههههههههههههههههههههه
طبعا محدش فهم حاجة من الكلام اللى انا قلته دة .
هههههههههههههههههههههههههه
الخلاصة بقى بتاعت الكلام ده : كلم يا دكتور ونحن ورائك ورائك ورائك . ( متبصش وراك يا دكتور أنا أقصد ورائك معنويا )
( مصر كلها وراك يا دكتور )

Doctor S.E

31-07-2010, 10:14 AM

استهدوا بالله يا جماعه

و كل واحد حالا يصلي على النبي

الاساءه لا ترد بإساءه مثلها .... ماشي محدش يرد على حد لو سمحتم

و ليس عندي الا اعظم كلام و هو كلام الله جل و علا

{ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِى هِىَ أَحْسَنُ إِنَّ رَبّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ }.

و هذا الكلام منقول عن احدى المواقع الدينيه
ومن لطائف هذه الآية أنه قال: {ادع إلى سبيل ربك بالحكمة والموعظة الحسنة} فقصر الدعوة على ذكر هذين القسمين لأن الدعوة إذا كانت بالدلائل القطعية فهي الحكمة، وإن كانت بالدلائل الظنية فهي الموعظة الحسنة، أما الجدل فليس من باب الدعوة، بل المقصود منه غرض آخر مغاير/ للدعوة وهو الإلزام والإفحام فهلذا السبب لم يقل ادع إلى سبيل ربك بالحكمة والموعظة الحسنة والجدل الأحسن، بل قطع الجدل عن باب الدعوة تنبيهاً على أنه لا يحصل الدعوة، وإنما الغرض منه شيء آخر، والله أعلم.

اظن ليس هناك بعد كلام الله كلام ...
ارجو ان يكون قد فهم الجميع الايه الكريمه

و اصلح الله لنا و اياكم ديننا .... و اكيد اذا كان الموضوع غرضه سيئ لا سمح الله ...(( فلن يلقى صدى من الاعضاء المحترمين الكرام ))

تقبلوا مروري المتواضع

Mostafa Walid

31-07-2010, 02:16 PM

عليه افضل الصلاة والسلام
مفيش كلام بعد كده لان مفيش كلام بعد كلام ربنا
وجزاكى الله خيرا على هذه المشاركة
الموضوع محترم بما فيه من اعضاء كرام

Abu Ezz

31-07-2010, 02:25 PM

سيبكوا يا جماعة من الكلام ده.
فينك يا دكتور
.وممكن مذكرات اول يوم ليك فى الدروس .
وكمل بقى حرام عليك . المذكرات دى كلها يومين وتنزل على الفضائيات .

Mostafa Walid

31-07-2010, 02:42 PM

يلا يا دكتور مستنين الحلقات وفكرة حلوة اول يوم فى الدروس ok يا دكتور كمل

Mostafa Walid

31-07-2010, 04:16 PM

حسبى الله ونعم الوكيل فيكم
ممكن اعرف ديه على مين بالضبط كده مش حينفع خالص على فكرة وحيكون لينا تصرف تانى
انا كنت فكرك كويس ومبتغلطش لكن طلعت حاجة تانية يعنى فلو سمحت احترم نفسك شوية وبكررها كل اللى هنا محترمين

ياسمينااا

31-07-2010, 04:50 PM

انت فين يا دوك
مستنيين باقي الحلقات وياريت بسرعة

dr\villa

31-07-2010, 05:32 PM

اكتب اول يوم دروووس ولا اكمل زي ما انا عايز ؟؟

أزهار الخريف

31-07-2010, 06:22 PM

يا رب يسامحنى ويسامح الكل

#sooma#

31-07-2010, 06:25 PM

هموووووووووت واعرف طالما مش عجبك الموضوع بتدخل ليه
رخامه ولا سخافه منك

smsm.com

31-07-2010, 06:30 PM

لا حول ولا قوة الا بالله

احنا كدة مش فاهمين دين ربنا صح
الحمد لله رب العالمين انا ملتزمة
بس بقرا مواضيع هزار وكدة لاكن باحترام وادب
والدكتور صاحب الموضوع كاتب مواقف حقيقية حصلت معاة
ومتقبل النقد البناء اللى يخلى الموضوع احسن واحسن
وبالنسبة لحبيبتى سومة انا احببتها فى الله
وبجدلازم نحب كل المسلمين فى الله
المسلميييييين مش الملتزميييين يا جماعة

وسياتى كمان انا حبيتك لانك بنت بتدافعى عن دينك بجد
وجدعة كمان ما شاء الله
لاكن لازم نعرف النبى حبيبنا كان بيتعامل ازاى مع الى ضدة
والله مش زينا خالص
وياريت نسامح بعض لاننا داخلين على رمضان ان شاء الله
وانا لو زعلت حد ياريت يسامحنى
اللهم اهدنا واهدى بنا
يارب اكون فدتكم

smsm.com

31-07-2010, 06:40 PM

على فكرة سياتى بنت
مينفعش نتكلم معاها كدة
انتوا نسيتوا حبيبنا النبى قال ايييية؟؟؟
رفقا بالقوارير

smsm.com

31-07-2010, 06:45 PM

smsm.com

31-07-2010, 06:47 PM

واخرت الردود اللى تزعل ربنا دى اييية؟
كفاية بقى كلنا اخوات
يارب نبطل ننتقد الناس لان لو حد انتقدنا مش هنخلللص
كلنا فينا عيوب الدنيا والاخرة
استغفروا الله
احنا كدة بنفرح الشيطان فينا

Doctor S.E

31-07-2010, 06:48 PM

أزهار الخريف

31-07-2010, 06:48 PM

smsm.com

31-07-2010, 06:51 PM

وانا هقفل الموضوع ده اكراما لحضرتك ولاخلاقك العالية ويا ريت ما حدش يرد تااانى والموضوع اتقفل
حبيبتى بارك الله فيك يارب
وان شاء الله تؤجرى
يا سلام بقى لو اعتذرنا كلنا لبعض
تبقى حاجة حلووة اوى ونفرح بيها حبيبنا

أزهار الخريف

31-07-2010, 06:52 PM

وفعلا احنا فرحنا الشيطان فينا معلهش انا بعتذر لو كنت ضايقت حد اعوذ بالله من الشيطان الرجيم

smsm.com

31-07-2010, 06:53 PM

استاذ تيمو
اسفة لتدخلى فى الموضوع لاكن ما شاء الله سياتى
قفلت الموضوع
وياريت كلنا نعتذر لبعض يا حبايب النبى
ربنا يجمعنا على حوض حبيبنا
قولوا امين
ايفة تانى لتدخلى

أزهار الخريف

31-07-2010, 06:53 PM

بعتذر مرة تانية ويا ريت كله يسامحنى احنا داخلين على رمضان

timo mido

31-07-2010, 06:54 PM

وفعلا احنا فرحنا الشيطان فينا معلهش انا بعتذر لو كنت ضايقت حد اعوذ بالله من الشيطان الرجيم

اوك انا قبلت اعتذارك ...الحمد لله ان ربنا هداك ورجعت للصواب

اعتذر لسوما والدكتور صاحب الموضوع ....يارب يقبلو اعتذارك

#sooma#

31-07-2010, 06:55 PM

اللهم مااطولك يارووووووووووووووووح

Doctor S.E

31-07-2010, 06:55 PM

بسم الله ما شاء الله

يلا يا جماعه

خلونا ..((.خير امه اخرجت للناس ...زي .كلام الله جل و علا ))

Doctor S.E

31-07-2010, 06:56 PM

اللهم مااطولك يارووووووووووووووووح

خلاص يا سوما بقى
و حياه غلاوه الثانويه العامه :p:p
يلا سلموا على بعض :p

يلا يا جماعه ربنا يحفظنا كلنا ..و يهدينا

timo mido

31-07-2010, 07:00 PM

اللهم مااطولك يارووووووووووووووووح

خلاص يا سوما ..اقبلي اعتذاره وخلاص:d الراجل رجع للصواب وعرف غلطه وقال انا اسف

#sooma#

31-07-2010, 07:01 PM

انتي تقريبا طلعتي بنت انا ع فكره والله العظيم مابحب ازعل ولا اضايق حد
بس لما لاقيتك دخلتي واتهجمتي علينا وشتمتيني وقولتي كلام مش كويس في حقي وفي حق الدكتور وتيمو وكلنا يعني بصفه عامه
اكيد كلنا اضياقنا طبعا منك لاني احنا هنا اخوات مع بعض وكلامنا محدود وع الاقل لو احنا عاوزين نصاحب ولاد وكده
طب مااحنا كنا دخلنا اي موقع بسهوله بس احنا داخلين هنا نستفاد من بعض نفيد بعض باارنا كل واحد بيقول التجربه
الي مر بيها بحيث اني كلنا نستفاد يبقي ايه الحرام في كده نفسي افهم؟
ع العموم كل سنه وانتم طيبين بمناسبه رمضان وربنا يتقبل اعمالكوا
وانا مش هستني منك انك تعتذري انا كل الي كنت بعمله الحق وكنت باخد حق الناس الي اتهزقت وخلاص بقي ربنا يهدينا
يالا يادكتور بلاش نكد تاني وكمل الحلقات

smsm.com

31-07-2010, 07:01 PM

ما شاء عليكم
مبتجوش غير بالزعيق يعنى(بهرج)
ربنا يسعدكم يارب

أزهار الخريف

31-07-2010, 07:01 PM

اوك انا بعتذر لسوما وللدكتور صاحب الموضوع يا ريت تقبلوا اعتذارى

#sooma#

31-07-2010, 07:07 PM

خلاص يا سوما بقى
و حياه غلاوه الثانويه العامه :p:p
يلا سلموا على بعض :p

يلا يا جماعه ربنا يحفظنا كلنا ..و يهدينا
علشين قولتي غلاوه الثانويه العامه دي
يبقي مش هسامح حد خاااااالص:d
ههههه بهزر يالا حصل خير بس ياريت الكل يكون عنده عبره من الكلام ده وياريت مش نغلط في حق الناس وده يكون درس للكل هنااااا
واعتبروا انا الي كنت بشرح:d وفي نفس الوقت اخدت تهزيق:d الي عمره مااخدته من بابا:) بس يالا المسامح كريم

#sooma#

31-07-2010, 07:08 PM

خلاص يا سوما ..اقبلي اعتذاره وخلاص:d الراجل رجع للصواب وعرف غلطه وقال انا اسف
وانا قبلت اعتذارها :022yb4:يالا ربنا يسامحنا كلنا

dr\villa

31-07-2010, 07:09 PM

شويه يا جماعه وهكمل الموضوووووووووووع

#sooma#

31-07-2010, 07:10 PM

اوك انا بعتذر لسوما وللدكتور صاحب الموضوع يا ريت تقبلوا اعتذارى
اوك حصل خير مفيش حاجه
ورمضان كريم:022yb4:

Doctor S.E

31-07-2010, 07:11 PM

اترككم في رعايه الله

الحمد لله انكم اتصالحتوا ...

مع السلامه

و متابعه بقيه الموضوع بإذن الله

smsm.com

31-07-2010, 07:16 PM

سومة يا ست العاقلين
تسلمى يارب

ياسمينااا

31-07-2010, 07:21 PM

ياريت يا دوك تكتب أيام الدروس:bosyht9::bosyht9:

Abu Ezz

31-07-2010, 07:32 PM

كمل بقى يا عم الدكتور .
شكلك كده هتتعب الزباين ومفيش حد هيكشف عندك .

#sooma#

31-07-2010, 07:33 PM

سومة يا ست العاقلين
تسلمى يارب
ربنا يخليكي ياجميل

أزهار الخريف

31-07-2010, 07:42 PM

كله يقول دلوقتى اعوذ بالله من الشيطان الرجيم شكرا لاختى سمسم على اخلاقها العالية

أزهار الخريف

31-07-2010, 07:45 PM

تسمحولى اقرا المذكرات ولالأ؟؟؟ هى فعلا مذكرات مشوقة بس يا ريت ما نزعلش حدفيها

أزهار الخريف

31-07-2010, 07:47 PM

عاوزين نحذف كل مشاركات الخناقة حد يقول للادارة تحذفها

smsm.com

31-07-2010, 07:56 PM

كله يقول دلوقتى اعوذ بالله من الشيطان الرجيم شكرا لاختى سمسم على اخلاقها العالية
حبيبتى لا شكر على واجب احنا اخواااات
وانا بحبكم كلكم فى الله

ياسمينااا

31-07-2010, 07:58 PM

فينك يا دوك

smsm.com

31-07-2010, 07:59 PM

عاوزين نحذف كل مشاركات الخناقة حد يقول للادارة تحذفها
فكرة جميله من احلى بنت
فاكرين الاية دى
(واذا الصحف نشرت)
تخيلوا شكلنا قدام الادارة
مكسوفيييين ووشنا فى الارض
امال ربنا اللى هيتعرض علية اقوالنا كلها؟؟؟؟؟؟

smsm.com

31-07-2010, 08:01 PM

تسمحولى اقرا المذكرات ولالأ؟؟؟ هى فعلا مذكرات مشوقة بس يا ريت ما نزعلش حدفيها
اكيد الدكتور هيرضى يا اما هيرضى
واقرايها زى ما انتى وقولى نقدك البناء حبيبتى

dr\villa

31-07-2010, 08:02 PM

فينك يا دوك

هاكتب حلقه دلوقتي:d

Farawlla

31-07-2010, 08:06 PM

واحنا مستنين يا دوكتنا

ياسمينااا

31-07-2010, 08:14 PM

واحنا منتظرين:av4056bb7jp3::av4056bb7jp3:

dr\villa

31-07-2010, 08:51 PM

بناء علي طلب الشعب ...هكتب اول يوم درووووس في تانيه ثانوي:049gc0:(بعد كده انت تقوله موضوع الحلقه اللي جايه وتحددوا ميعاد اكتب فيه :022yb4: بس لاحظوا ان انا بخرج بردو )

اول يوم درووووس

اول يوم دروس ثانويه عامه....... بيبقي فيه دوافع غير طبيعيه لكل الطلبه تقريبا ..كل واحد جاي الدرس وكأنه جاي يحرر مصر من التخلف اللي هي فيه بقالها قرون (وسمعني سلام ((مصر هي امي)) :p)
لأ بجد كله بيبقي جاي اول يوم وواخدها جد من الاول (مع ان احنا لسه في الاجازه ولسه حوالي 10 شهور علي ما نمتحن ..ما علينا )

وانا بجانب الدوافع العاديه بتاعت اي حد ....رايح بدوافع تانيه :p اصل بعيد عنكو... كنت في العيله اسمي الفاشل
اصل العيله كلها دكاتره وصيادله والاوائل علي المدرسه والمحافظه والكلام الفاضي ده:p
وانا كنت طالب عادي جدا جدا جدا ...بصراحه عمري ما كنت من الاوائل خالص او مثلا حد معتبرني من الناس الجامده في الفصل ...كنت عادي ,,,يعني لو سألتو حد (هيقول شاطر بس مش اوي ..مش وحش يعني )

كنت عايز اثبت اني كويس واقدر ابقي زيهم :022yb4: ومن خبرتي في التعليم المصري الفاشل اقدر اقولكوا :
احــــــــــــــــــــــــــــــــــــــــــــــــ ـــــــفــــــــــــــــــــــــــــــظ زي الجاموسه تعدي زي الناموسه :p:p
خلينا نعترف ان فيه فروق فرديه بينا بس التعليم هنا بيلغي الفروق دي...يعني اي حد ممكن يتفوق حتي لو (سوري في الكلمه ) غبي:p
ما علينا ,,,,,,, رحت اول درس (تقريبا كان كميا ء)
ابص علي الناس الاقيهم كلهم معاهم كشاكيل وكتب واقلام :p (ايه يا جدعان فيه ايه ؟؟ ده احنا لسه في الاجازه :p)
انا كنت رايح من غير اي حاجه:p المهم المستر ..شرح شويه ..وبعدين بيكتب حاجات عشان نحلها
المهم كتب شويه اسئله والناس ابتديت تحل ..وانا مش معايا حاجه اكتب فيها :p
خد باله اني ما بكتبش ( احسن ..اصل انا بحب الفت النظر وابقي معروف ومشهور بقي وبالمره اخلي البنات :p قصدي الولاد اللي معرفهاش تعرفني :022yb4:)
الحوار :

المستر : ايه يا بابا ..ما بتحلش ليه ؟؟ فيه حاجه ما فهمتش ؟؟
انا : لأ يا مستر ..فهمت الحمد لله:p
المستر : طب ما بتحلش ليه ؟؟
انا : اصل مش معايا قلم ولا كشكول
المستر (وتقريبا كان عايز يشتم بس ما رضيش عشان اول حصه :p) : ومش معاك ليه ؟؟
انا : معلش يا مستر اصل انا لسه مستجد ومسخنتش هههه(افيه كان في فيلم مرجان وكان لسه نازل تقريبا الصيف ده )
المستر وكل الموجودين والناس كلها ماتت علي نفسها من الضحك:p
المستر : اسمك ايه يا لميض:p
انا : كذااااااا يا مستر
المستر : طب تعالي قرب اقعد هنا (شكلك شقي وهتشوف معايا ايام سوده :p)
انا : لأ والله يا مستر ...ده انا غلبااااااااان:p
ــــــــــــــــــــــــــــــــــــــــــــــــــ ـ

الغريب في اول ايام الدروس ..انك تلاقي الكل مستواه زاد 500% ..وتلاقي الناس اللي ملهاش فيها بتذاكر وبتدح

دعونا نقول (اللي ملهمش فيها بقوا في ثانويه عامه ....واحنا معاهم :p)
بعد كده ..هتلاقي كل واحد بدأ مستواه يقل واحده واحده لحد ما يرجع زي الاول :p
(نصيحتي بقي ..والله كبرت وبقيت بدي نصايح هههه ما علينا : الثانويه دي لازم تقسم مجهودك علي السنه كلها عشان ما تتخنقش :p مش تبدأ في الاول زي الناموسه وتبقي في الاخر عامل زي الجاموسه :pهههههههه)
الكلام ده للاولاد ..البنات بتدح من اول ثانيه لأخر ثانيه
مطبقين مبدأ ....(اذا خيروني بين الموت والدح ...سأستخدم اخر نفس لكي اقول الحفظ التمام او الموت الزوئاااااام:p)

يتبع ....(ايدي وجعتني من الكتابه:p)

Farawlla

31-07-2010, 09:16 PM

حلوة اوي

يا ريت تريح ايدك وتكمل

ياسمينااا

31-07-2010, 09:20 PM

بجد حلوة أوووووووووووووووووي:av4056bb7jp3::av4056bb7jp3:
ياريت لو تقدر تكتب لنا حلقة كمان:bosyht9:
أصل أنا هبدأ الدروس بكره :angry2:وهيبقى صعب اني ادخل
اللعب والهزار راااح وهبدأ الجد من بكره:angry2::angry2:
ادعيلي ربنا يوفقني السنة دي :stickjo4::stickjo4:واجيب مجموع طب وادخل طب اسماعيلية ان شاء الله
قولوا يااااااااااا رب:slap1qk6:

Mr. Medhat Salah

31-07-2010, 09:20 PM

تم غلق الموضوع لكثرة المهاترات والخروج عن اللياقة الادبية

شكرا للجميع ونتمي مذاكرات طالب ناجح

http://reddodo.com/cellphones/dragon/?sesid=WjVYcGtaM3JhVVF6MytTMTdpWDFYYk9JZVdVV2JQd3B LUDkyTkhYdG9NUXR0WTA0M1BxNmJvM3VSakNwbnB4cGUrRXhMW mk0Q0ZheVp3SEZuY291QW10NEJEbXdDSFdJMW4wU20wMGdqYUQ xbVEvdEc4MVp2M0xveENzPQ==

تم اعاده فتح الموضوع بناء علي طلب الاعضاء مؤقتا وسيظل تحت المراقبة

واذا حدث تجاوز او تجريح في الاعضاء سيغلق مره اخري ويوضع في الارشيف

dr\villa

31-07-2010, 11:42 PM

شكرا لحضرتك ........يلا يا جماعه هنكمل ولا ايه ؟؟

حبيب لله

01-08-2010, 12:20 AM

شكرا لحضرتك ........يلا يا جماعه هنكمل ولا ايه ؟؟

أكمل يادكتور موضوع رائع

Mostafa Walid

01-08-2010, 01:01 AM

شكرا لحضرتك على فتح الموضوع تانى وكمل يا دكتور يالا مستنين

dr\villa

01-08-2010, 04:12 AM

طب هتحددوا موضوع الحلقه ولا اكتب انا ؟؟؟

Farawlla

01-08-2010, 04:17 AM

هو نفس الموضوع الدروس كمل

#sooma#

01-08-2010, 10:56 AM

هيييييييييييه هييييييييه شكرا يااستاذ مدحت
ع فتح الموضوع يالا يادكتور كمللللللللللللللللللل

fatma2007

01-08-2010, 11:41 AM

ميرسي الموضوع حلو اوي

Mostafa Walid

01-08-2010, 12:41 PM

ايوة يا دكتور كمل بقية الدروس الثانوية العامة

#sooma#

01-08-2010, 07:19 PM

الدكتور بيعذبنا ياجدعان يالا نقوم هجوم عليه
ولا هتلاقيه بيشوف ماتش الاهلي والاسماعيلي

Mostafa Walid

01-08-2010, 09:53 PM

الف مبروك للاهلى والاهلوية وعقبال الكاس انشاء الله وهردليك يا دكتور متزعلش الاسماعيلى عمل اللى عليه بردوا وانشاء الله ربنا يوفقكم وتكسبوا هرتلاند فى الاسماعيلية ويلا يا دكتور مستنينك ولا انت طنشطنا يا دكتور

#sooma#

01-08-2010, 09:59 PM

لالالالالالالالالالالالالالالا انا زملاكويه وبشجع الاسماعيلي
حتي انه خسر ايه يعني بس لعبه جااااااااااامد

dr\villa

01-08-2010, 10:01 PM

الدكتور بيعذبنا ياجدعان يالا نقوم هجوم عليه
ولا هتلاقيه بيشوف ماتش الاهلي والاسماعيلي

بعذبكوا ليه ؟؟ هو انا عملت حاجه ؟؟
الف مبروك للاهلى والاهلوية وعقبال الكاس انشاء الله وهردليك يا دكتور متزعلش الاسماعيلى عمل اللى عليه بردوا وانشاء الله ربنا يوفقكم وتكسبوا هرتلاند فى الاسماعيلية ويلا يا دكتور مستنينك ولا انت طنشطنا يا دكتور

بعد الكومنت ده ..ومستنيني ؟؟ :d مستنيني اعمل ايه ؟؟ اضربك مثلا ؟؟ هااا ؟؟:p

dr\villa

01-08-2010, 10:08 PM

لالالالالالالالالالالالالالالا انا زملاكويه وبشجع الاسماعيلي
حتي انه خسر ايه يعني بس لعبه جااااااااااامد

ايوه طبعا لعبنا حلو وعلمنا علي الاهلي في القاهره ...بس نعمل ايه ((الحكم شارب شاي بالياسمين))

Mostafa Walid

01-08-2010, 10:08 PM

ههههههههههه عايب يا دكتور دحنا اخوات يلا كمل بدال مانكسبكوا فى الاسماعيلية كمان

Mostafa Walid

01-08-2010, 10:10 PM

ايوه شارب بس من الاسماعيلية يا دكتور شوفت كورت ابو تريكة البلن والله بلن ومعتصم سالم زقوا بيدوا اليمين والحكم عطى لابو تريكة انزار مع ان الحكم المساعد قال بلن

#sooma#

01-08-2010, 10:14 PM

ايوه طبعا لعبنا حلو وعلمنا علي الاهلي في القاهره ...بس نعمل ايه ((الحكم شارب شاي بالياسمين))
ههههههههه لاشارب شاي بالنعناع علشين يعمل دماااااغ :pاكيد الزعل ماثر عليك ومش هتكمل الحلقات:mad: انا ماصدقت اني عمي ناسي تقريبا اني يوم 1\8 جيه ولسه مافصلش النت يارب يفضل ناسي دايما :022yb4:وانت كمل يالا الحلقات اصل هيفتكر دلوقتي ويفصله:p;)

sasaatwa

01-08-2010, 10:20 PM

فين الحلقات يا دوك؟ ولا الهزيمة كان ليها تاثير عليييييييك:p

#sooma#

01-08-2010, 10:22 PM

شوووووووووووووف الكل هيفتكر انك مش هتكتب علشين اتهزمتوا
انا بهدي النفوس مش اكتر
يالا بقي غيظهم واكتب

dr\villa

01-08-2010, 10:24 PM

ايوه شارب بس من الاسماعيلية يا دكتور شوفت كورت ابو تريكة البلن والله بلن ومعتصم سالم زقوا بيدوا اليمين والحكم عطى لابو تريكة انزار مع ان الحكم المساعد قال بلن

هههههههه ده ابو تريكه عايز يعمل ماردوانا ...والجول التاني مش فاول علي احمد حسن ؟؟ ما علينا ..اصل انا عارف لو الجدال بدأ مش هيخلص ومحدش هيقدر يقنع التاني
ههههههههه لاشارب شاي بالنعناع علشين يعمل دماااااغ :pاكيد الزعل ماثر عليك ومش هتكمل الحلقات:mad: انا ماصدقت اني عمي ناسي تقريبا اني يوم 1\8 جيه ولسه مافصلش النت يارب يفضل ناسي دايما :022yb4:وانت كمل يالا الحلقات اصل هيفتكر دلوقتي ويفصله:p;)

انا هخرج دلوقتي وهرجع واكتب الحلقات :022yb4: ودي مش اي خروجه (ده اسماعيليه كلها هتخرج دلوقتي ..عشان كانوا محبوسين بيشوفوا الماتش ...سلام بقي الحق اليوم من اوله:p)

sasaatwa

01-08-2010, 10:27 PM

يا جماعة مفيش حلقات يوم الجمعة طب لية؟؟ اقولك عشان وائل جمعة:p والجون بتاعة في اخر الوقت

#sooma#

01-08-2010, 10:34 PM

انا عارفه اني احنا كلنا اهم من الخروج بس يالا هنسمحلك تفك عن نفسك علشين الهزيمه
مش تاثر عليك وياريت تكمل الحلقات في اسرع وقت

timo mido

01-08-2010, 10:55 PM

خارجييين فين يالاااااااا ؟؟؟
وكمان ما بتردش علي الموبايل
عارفك مشغول في ..... ولا بلاش افضح
بس طالما ما بتردوش يبقي انتوا علي البلاجااااات

Mostafa Walid

01-08-2010, 11:33 PM

timo mido

02-08-2010, 12:10 AM

[quote=sasaatwa;2482341]يا جماعة مفيش حلقات يوم الجمعة طب لية؟؟ اقولك عشان وائل جمعة:p والجون بتاعة في اخر الوقت[/quot
ههههههههههههههه الجون ماثر جامد اوى
وهتبدا اليوم من اوله ايه يادكتور الساعة دلوقتى 12 ونص
وكلام سومة صح تفك شوية علشان الهزيمة بس مش اوى لسه فى الهزيمة التانية انشاء الله فى الاسماعيلية

يا عم ده منفضلي وما بيردوش علي الموبايل ..هزيمه ايه بقي اللي مأثره عليه ..والله انا مش عايز افضحه:022yb4:
وعلي فكره الخروج الجامد في اسماعيليه بيبدأ 1 :022yb4:

#sooma#

02-08-2010, 01:45 AM

لالالالالالالالالالالا افضح برحتك ياتيمو
البيت بيتك

Mostafa Walid

02-08-2010, 01:53 AM

يا عم احنا معاك اعما مذكرات عن الفضايح

#sooma#

02-08-2010, 01:58 AM

جاتلي فكره الدكتور villa يعمل مذكرات الدروس
والدكتور تيمو يتكلم عن الفضايح افكاري حلوه صح شايفاكوا كلكوا بتقولوا ااااااااااه
وعاوزين تخرجوني من المنتدي

dr\villa

02-08-2010, 02:08 AM

تيمو ما تدخلش موضوعي تاني:p
انت مش قريت كل المذكرات عايز ايه تاني ؟؟ :039uw8:
ولو سمحت الكلام اللي انت عايز تقوله ده يبقي علي الميل.....ما تخليش الناس تاخد فكره وحشه عننا (شايف (عننا ) مش انا لوحدي:p)

Mostafa Walid

02-08-2010, 02:28 AM

هههههههههههههههه انتو جيين تسيحوا لبعض فى الموضوع

Hamsa_1

02-08-2010, 02:45 AM

hhhhhhhh walahy a7la topic shofto f 7yaaaaaty bgd to7faaaaaaaaaaa w ya rab plz ed3oly ad5ol tb pllllllllz ...... thank u doc ..

Mostafa Walid

02-08-2010, 02:51 AM

انشاء الله تدخل طب يا حماسا

#sooma#

02-08-2010, 04:07 AM

ههههههههههههههه بموووووت في التسيح
يالا سيحوا لبعض واعملوا مشاكل ماهي ناقصه

dr\villa

02-08-2010, 04:38 AM

ههههههههههههههه بموووووت في التسيح
يالا سيحوا لبعض واعملوا مشاكل ماهي ناقصه

مش تسيييح ولا حاجه :p هو بيفسر حاجات غلط وبيفهمها علي مزاجه و 1000 مره افهمه بردو دماغه زي ما هي:039uw8:

المهم : هكتبلكوا كام حلقه كده ورا بعض :p...اه لو حد ياخد كشكول المذكرات ..يكتبلكوا :p هيريحني من الكتابه اللي بتكسرلي ايدي:p

dr\villa

02-08-2010, 04:40 AM

hhhhhhhh walahy a7la topic shofto f 7yaaaaaty bgd to7faaaaaaaaaaa w ya rab plz ed3oly ad5ol tb pllllllllz ...... thank u doc ..

u are welcome :D w yarab td5oly tb Isa w tab3y m3ana b2a ba2y l mozkrat :P

Abu Ezz

02-08-2010, 11:23 AM

لا بلاش تسييح الكلام ده مش هنا بس طبعا انا أو طبعا مش أنا بس كل الناس اللى هنا عارفين ايه نوع التسييح ده . فخلاص يا دكتور فهمنا كل الحكاية .

#sooma#

02-08-2010, 01:55 PM

ههههههههه هات اكتب انا بحب الكتابه جدا طب ماكنت تكتبهم في تيكست عندك
هيكون اسهلك وتنقلنا كوبي بدل مابتفضل تكتب وتضيع وقت اكيد مشغول طبعا بالخروجات

dr\villa

02-08-2010, 02:09 PM

#sooma#

02-08-2010, 04:16 PM

اصل الكشكول ده معايا في كل مكان اروحه (خروجه مثلا ..صحابي يقولولي هات الكشكول عشان تكتبلنا الخروجه !! رحله مثلا مع بابا ..الاقيه يقولي هات الكشكول عشان تكتب الرحله !! ) مش عارف ايه اللي بيعجبهم في اللي بكتبه !! مع اني انا لما بقراه ..بحس انه عادي يعين ...وبردو مدرس العربي في الثانوي ..يقولي اكتبلي عن كذا (كل حصه ..يقولي موضوع اكتبهوله )

ف عشان كده ..معظم اللي بكتبه بيبقي بره البيت ومينفعش للاسف اكتبه تكست

يلااااا ما علينا ...هخلي اختي تاخد الكشكول وتكتبلكوا يجي 5 او 6 حلقات ورا بعض ...ما هي فاضيه بقي :d
طب والله كويس اهي تكون ذكري جميله تفتكر بيها الايام وتقراها لما تبقي عجوز وتقول ياااااااه كانت ايام جميله الله لايعودها:d بتكتب بقي كلت ايه النهارده وعملت ايه:p طب بالمناسبه الكشكول كام ورقه ولسه مش خلص ولا ايه:022yb4:

dr\villa

02-08-2010, 04:33 PM

طب والله كويس اهي تكون ذكري جميله تفتكر بيها الايام وتقراها لما تبقي عجوز وتقول ياااااااه كانت ايام جميله الله لايعودها:d بتكتب بقي كلت ايه النهارده وعملت ايه:p طب بالمناسبه الكشكول كام ورقه ولسه مش خلص ولا ايه:022yb4:

كويس ايه ؟؟!!! ده انا بتخنق من الموضوع ده :039uw8: كل ما اخرج ولا اروح في حته يقولولي اكتب ولو ما كتبتش بيزعلوا ههههههه

لأ ما بكتبش كلت ايه والحاجات دي ههههههههه ....علي فكره ما بحبش الكتابه ..يعني عمر ي ما بكتب لنفسي ...بكتب لصحابي وكده يعني.....وبالنسبه للكشكول هو حوالي 200 ورقه ...كتبت حوالي 110 بس :p

Mostafa Walid

02-08-2010, 04:38 PM

عقبال التسعين البقيين يا دكتور وتنزله فى السوق با وتبقى مشهور

#sooma#

02-08-2010, 05:28 PM

طب كويس انا بردوا كنت بعمل كده بس مش للدرجه وكنت بحسب كده اني هبله :022yb4:بس كويس طلع في ناس اهبل مني :p
كمل الحلقات بقي او خلي اختك تكتب

Mostafa Walid

02-08-2010, 05:35 PM

يلا يا دكتور كمل الحلقات

dr\villa

02-08-2010, 07:07 PM

طب كويس انا بردوا كنت بعمل كده بس مش للدرجه وكنت بحسب كده اني هبله :022yb4:بس كويس طلع في ناس اهبل مني :p
كمل الحلقات بقي او خلي اختك تكتب

يعني انا اهبل يعني :p ولا ايه ؟؟

#sooma#

02-08-2010, 07:15 PM

يعني انا اهبل يعني :p ولا ايه ؟؟
لالالالالالالالالا ااااه كوكتيل يعني :022yb4::022yb4::022yb4:
لا ياعم بنهزر كمل بقي الحقات:d

dr\villa

03-08-2010, 02:32 AM

sry ya gma3a ..i can't write now
slaaaaaaaaaaaaaaaaaaaaaaaaam

#sooma#

03-08-2010, 02:40 AM

هترجم ليكوا علشين تعرفوا اني شاطره في الانجلش
بيقولكوا سوري ياجماعه انا لااستطيع انا اكتب الان
سلالالالالالالالالالالالالالالام
احم احم

Mostafa Walid

03-08-2010, 03:05 AM

سقفة كبيرة اوى لطنط المترجمة يا عيال

Farawlla

03-08-2010, 04:13 AM

يا ما شاء الله شاطرة شاطرة

وربنا ما انتي نافعة

Mostafa Walid

03-08-2010, 04:19 AM

يا بنتى دى بتاخد المانى المفروض محدش يكلمها انا حطلب منها تترجملنا اللى قلتوا لانجليزى تانى مش حتعرف

Farawlla

03-08-2010, 04:27 AM

هههههههههه يا عيني المالني يع

ماله الفرنساوي

تعوج بؤك تتكلم صح

fatakat400

03-08-2010, 12:50 PM

ايه يا جدعان انتوا بتحنسونا
فينك يادكتور عوزين الحلاقات
بدانا دروس ومعدناش بنقعد

Abu Ezz

03-08-2010, 12:54 PM

ولا ألمانى ولا فرنساوى عرباوى عرباوى عرباوى .

#sooma#

03-08-2010, 03:35 PM

ماشاء الله عليكم
مررررررررسي ع كلامكوا اللطيف ده(يتكوا نيله)
اما في حكايه الالماني هو سهل بس زباله افهومها انتوا بقي
الدكتور بيضحك علينا ومش بقي يكتب حاجه
انا الي هقفلك الموضوع هتكتب ولا اقفل؟؟؟؟؟؟؟؟؟؟؟؟؟؟؟؟

Mostafa Walid

03-08-2010, 04:55 PM

ايه يا دكتور فين المذكرات ولا انت نستنا ولا ايه ؟؟؟؟؟؟؟؟؟؟؟؟؟

Abu Ezz

04-08-2010, 12:19 AM

فين يا دكتور ياااااااااه دا رمضان جه وانت لسه مكتبتش متزعلش يا دكتور والله لسه الفرصة امامكم

Abu Ezz

04-08-2010, 12:21 AM

وبعدين ألمانى ايا يا نجمة .
يعنى احنا فالحين فى العربيى علشان نبقى فالحين فى الالمانى .

ThèGôldènBôy

04-08-2010, 09:24 PM

مشكووووووووووووووووووووور جدا رائع والله

sasaatwa

04-08-2010, 10:30 PM

اية يا مان مالك قاعد لوحدك

sasaatwa

04-08-2010, 10:31 PM

يا دوك؟؟؟؟؟؟؟؟؟؟؟

Mostafa Walid

06-08-2010, 03:05 AM

دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك دوك
(زى محمد هنيدى فى فيلم وش اجرام باشا باشا)

fatakat400

06-08-2010, 12:29 PM

مافيش فايده
ليكونوا اغتالوه

Abu Ezz

07-08-2010, 10:40 AM

بقولك ايه احنا هنيجى نقبض عليك .
انت فى معكسر مغلق ولا ايه .
كله من الاسماعيلى .
يلا انتم لعبتم ولا يهمك .

SwOrD OF JusTice

08-08-2010, 08:11 AM

the golden flower

08-08-2010, 05:16 PM

اشرب ميه قبل ماتنام
وانت هتخف ان شاء الله
هههههههههههه
مش عارفة والله
ازاى يعنى بتنسى ولا بتتوتر لما تشوف الامتحان
حاول تقلل من الخوف من الامتحان

dr\villa

08-08-2010, 06:51 PM

والله انا كنت هقولك نصيحه لحد ما شوفت توقيعك
:d:d:d:d:d

Farawlla

08-08-2010, 07:27 PM

ههههههههه يا دوك اديله نصيحة وبلاش العنصرية

الي ضد الاهلاوية

علشان انا اهلاوية فور ايفر بغض النظر عن اني مش بفهم في الكورة بس

اسمع ان انا اهلاوية يلا يا دوك انصحنا واناة مستعدو بعد النصيحة اقلب اسماعلاوية

Mostafa Walid

09-08-2010, 01:47 AM

انصحكوا انه مينصحكوش لانه اسمعلاوى وانتوا اهلاوية وبالنسبة للتوتر بتاع امتحان الرياضة يبقى انت تشرب كباية مايه صح الحل ده
هههههههههههههههههههههههه
لا بجد اى حد اول مابيدخل الامتحان بيحس انه مش فاهم اى حاجة لكن لما تبدا الامتحان بزكر الله بتستعيد الذاكرة كم كبير وده بردوا بيبقى خوف من الامتحانات يعنى انت داخل علشان انت بتحب المادة وعلشان تختبر الافكار اللى فى دماغك مش علشان خايف من حد يعنى

#sooma#

09-08-2010, 04:44 PM

:stickjo4: انا كنت بقرى الحلقات لقيت ايه ده عمالين ترغوا من 2009 لحد اخر 2010 ههههههههههه

:redface: طب انا عايز منكم نصيحه بقى تنصحوا ايه لواحد زيى بيعرف يحل الرياضيات تمام وييجى ف الامتحان يدخل اكنه عمره ماشاف مسائل :confused:
والله كانك بتكلم عليا مش عليك
انا بحل مع الاستاذه صاروخ وبحل كويس اوي اجي في الامتحان بقي كاني مش عارفه احل حاجه ياريت ياجماعه تساعدونا في الموضوع ده

fatakat400

09-08-2010, 07:59 PM

ياجماعه كل ده من توتر الامتحان او انت داخل وانت فى دماغك انك مش هتعرف تحل فغصب عنك بتلاقى نفسك بتنفذ الخيال اللى فدماغك وانت داخل اقرا قران وحط فى دماغك انك عملت اللى عليك و ان شاء الله فميش مساله هتقف
بس حاولوا تغيروا الفكره والتشاؤم وانتم داخلين

المهم يادك انت مبتكتبش ليه دلوقتى هات رد مقنع

SwOrD OF JusTice

10-08-2010, 12:42 PM

:p نسيتوا تقولوا معدنيه ولا من الحنفيه

:d اووووووووه اهلاوى

:p الدكتور هيكتبلى مانجه اسمعلاوى 3 مرات ف اليوم :wacko:

the golden flower

10-08-2010, 04:31 PM

لا مش هتفرق معدنية ولا م الحنفية
انا عاملة على راحة فلوسك
انما لو انت مبذر اشرب م الحنفية
هههههههههه

Mostafa Walid

11-08-2010, 12:21 AM

لا مايه معدنيه بس من كازخساتان هو ده الشرط معرفش بقى تجبها زى
اوووووووووووووووووووووووووووووووووووووه اهلاوىىىىىىىىىىىىىىىىىىىىىىىىىىى
فريق كبير فريق عظيم اديله عمرى وبردوا قليل اوووووووووووووووووه
وعلى فكرة المانجا بيظة من السنة اللى قبل اللى فاتت
وبصراحة الكل زعلان من الدكتور علشان مبقاش يدخل يكتب

Abu Ezz

12-08-2010, 11:09 PM

يلا يا بابا انت وهوا ادخل ذاكر.
انت فى ثانوية عامة .
هوا الدكتور بتاعكم ده هيزلنا ولا ايه .
كل ده علشان الاسماعيلى انا أقولتلك لسه فى 4ماتشات وهارتلاند فرصتكم الاخيرة وبرضة الاهلى لازم يكسب الشبيبة .
وكل سنة وانت طيب
وشكل الصيام مهبطك .
معلش.
والخروجات قلت .
يلا كله على الله .

Steerforth

13-08-2010, 12:28 AM

ههههه جامد جدا

dr\villa

13-08-2010, 10:42 PM

نظرا لظروف معينه (مش هقولكوا عليها) صعب اكتبلكوا حاجات من اللي كنت كاتبها في الكشكول !!!!

ممكن تقترحوا موضوعات اكتبلكوا فيها !!! بس مواضيع تبقي حلوه

يلاااااااا مستني اتصالاتكم وايميلاتكم
:d:d:d:d

Abu Ezz

14-08-2010, 01:37 AM

مش قولتلكم بيزلنا .
بيقولنا اتصالات وايميلات .
شكلك بتلعب فى الدورة الرمضانية ومش فاضيلنا .
لالا شكلك ملكش فى الكورة أصلا .

Mostafa Walid

14-08-2010, 02:36 AM

خلاص يا دكتور اكتبلنا موضوع ساخر عن تعصب جماهير الاسماعيلى عند الخسارة مستنيك

Farawlla

14-08-2010, 07:04 AM

اي حاجة تضحكنا يا دوك

دا انت الي لينا وبس في الدنيا ديا

اهئ اهئ

ABOMOUSSA

15-08-2010, 12:15 AM

مشكوووووور يا جميل علي الموضوع الجميل ده
و بجد مذكرات جامده جدا

dr\villa

15-08-2010, 03:13 AM

الكوره في اسماعيليه ..هي كل حاجه ..هي الميه اللي بنشربها ..هي الاكل اللي بناكله ..هي الهوا اللي بنتنفسه ..هي الحشيش اللي بنحششوا :p:p
الكوره اهم حاجه في اسماعيليه ..احنا ممكن نفرط في اي حاجه ..اييييي حااااااجه الا الاسماعيلي :d (محدش يفهمنا غلط بليز :p)
فكره ان جماهير الاسماعيلي متعصبه ..دي فكره مرفوضه ...احنا بنشجع بغباوه :d عايزين نلعب بغباوه ..احنا احرار يا جدعاااان ..ايه اللي مضايقوا انتوا؟؟ ..ناس غريبه والله :d
المشكله في الاسماعيلي ان مفيش حد يصرف عليه ..هنصرف احنا من جيبنا يعني ؟؟
يجي واحد من المفترض انه هيصرف علي النادي :d ورجل اعمال وبتنجان ..بدل ما يصرف علي النادي ..ده بينهب النادي مش بسرق بس :d ويجي بعد ما الفريق ينهار !! يلقي خطابه التاريخي علي الجماهير
(قررنا نحن _مجلس سرقه نادي الاسماعيلي _ ان نتنحي تماما ونهائيا عن رئاسه نادي الاسماعيلي ونعود الي صفوف الجماهير ..نصرف الفلوس اللي سرقناها كأي حراميه عاديين :d)
نتكلم مثلا عن الرئيس الحالي احم قصدي الحرامي الحالي ..مش عارف ليه ..بحس ان عمره ما استحما ..ما علينا

تحس انه شخص لزج (يصعب دفنه عند وفاته هههههه:d) بيفكرني بالغباء (خلاص خلاص ..مش هكمل الحته دي ..احنا في رمضان ..حراااااام )
بالنسبه للاعيبه :
كل لاعيب يبقي حلو ..الاهلي يقوله ..(تعالي يا حبيبي ..يا اختي كميله ..تعالي ده احنا هنظبطك :d ويرموله كام عضمه عشان يتأكد ان هيلاقي الاكل المفضل ليه هناك :d)
فأصبحت مباراه الاسماعيلي والاهلي = مباره بين l esma3ely vs l esma3ely classic
بتشوفها في البلاي ستيشن اكيد :d
لاعب زي محسن ابو جريشه ..حد يجاوبني يا جدعان ..ده مهاجم ولا ليبرو للفريق التاني :p ؟؟؟
لاعب زي ايمن رمضان (ده لو سمناه لاعب ) ..بيلعب ازاي بكرشه ده ؟؟ ولا جايبينه عشان الاعيبه تغنيله (انا خبيت عليكي كتييييير ...انا عندي كرش كبييير :d)

ولاااا المعتصم ...يااااااااد يا معفن يا بتاع جولدي يلااااااااااا :d
انت فاكر نفسك حاجه ؟؟؟:p انت هترسم ؟؟:d
ده انت اخرك برشمتين وكوبايه شاي :p ملاييييين ايه اللي انت عايزها يا بتاع تلفزيونات جولدي انت:p
ـــــــــــــــــــــــــــــــــــــــــــ
يتبع ...:d

Mr. Medhat Salah

15-08-2010, 03:35 AM

رجاء الالتزام بحدود اللياقة والادب كما قلت قبل ذلك الموضوع مراقب

Mostafa Walid

15-08-2010, 03:36 AM

ههههههههههههههههههههههه جامد اوى يا دكتور وعلى فكرة علشان جملة (محدش يفهمنى غلط بليز ) كلوا فهمك غلط هههههههههههههههههههههههههههه
طب ايه علاقة استحما بالموضوع يا دكتور
بس بلاش غلط فى حد يا دكتور
انا دلوقتى عايز موضوع جامد جدا بعنوان( الزمالك يختار الاهلى يتعاقد )

ArabianPDA

15-08-2010, 03:50 AM

Awatef Esmat

16-08-2010, 12:16 AM

هههههههههههههههههههههههههههههههههههههههههههههههههه ههههههههه سو نايس

وسام حسين

16-08-2010, 01:04 AM

:slap1qk6:ايه دة انت وقفت المذكرات ليه انا اول مرة اقراها وكنت مستمتعة فعلا ياريت تكملها:av4056bb7jp3:

Hope in life

16-08-2010, 05:16 PM

يا دكتور كمل بقي احنا زهقنا من الانتظار

dr\villa

18-08-2010, 06:25 PM

حراميه اخر زمن
ـــــــــــــــــــــــــــــــ
الموضوع النهارده غريب ..موضوع السرقه ده بقي غريب اوي
يعني واحد رايح يصلي الفجر ..يطلع ما يلقيش شبشبه ههههههههه
هحكي حاجه حصلت معايا ..كنت رايح اصلي الفجر كالعاده ورايح متأخر وعايز الحق الجماعه بأي طريقه ..وسبت الشبشب بره ..عادي يعني زي اي حد
...اطلع ..مش لاقي الشبشب (هروح ازاي يا جدعان ) يرد واحد صاحبي متقلقش الحرامي هيطلع جدع هههههه ويسبلك شبشب مكان اللي خده تروح بيه..استني انت ومتقلقش وكلو هيبقي تمام ..استنيت وياريتني ما استنيت ..لقيت بقايا شبشب ..شبشب اقل حاجه تتقال عليه انه شبشب حقير محدش يرضي يدخل بيه الحمام هههههههه
لأ ده انا اروح حافي اكرم لي ..بس انا بجد متغاظ اوي ..الحرامي سرق رفيق عمري هههههه شبشبي حبيبي هههههههههه
ــــــــــــــــــــــــــــــــــــــــــــــــــ ـــــــ
من فتره بردو كنت اسمع ان فيه ناس بتسرق قضبان القطارات هههههههه..اه يا ولاد ....ههههه
خلاص يعني مفيش حاجه في البلد تتسرق
ــــــــــــــــــــــــــــــــــــــــــــــــــ ــــــــــــــ
كنت قريت في الجرنان السنه اللي فاتت .ان فيه ناس بتجيب شامبو (ماركات معروفه)ويحطو مكانو صابون سايل وينزلو يبيعوه بأسعار لا تذكر هههههههه
حراميه ولاد .....ههههههههه
والناس شعرها يبقي شبه سلك المواعين هههه عادي جدا
ــــــــــــــــــــــــــــــــــــــــــــــــــ ـــــــــــــــــــــــ
مره كنت انا وواحد صاحبي قاعدين في كافيه ..لقينا واحد جاي يقولنا 5 ماكينات حلاقه ومعاهم كريم حلاقه وشنطه هديه ب 10 جنيه هههههههههه
اكيد بضاعه مسروقه وش ...طب يا غبي عايز تبيع بضاعه مسروقه ,,بيعها بعقل ..ده انت ناقص تقول انا حرامي
ــــــــــــــــــــــــــــــــــــــــــــــــــ ـــــــــــــــــــــ
الحصول حاليا علي لبن طبيعي =الحصول علي لبن العصفور
هنقضيها صناعي بقي ولا ايه
يعني المحلات اللي بتبيع منتجات الالبان وكده ..تروح تشتري لبن ..انا مش عارف هي ميه ؟؟ وغاشين الميه وحاطييين لبن ولا ايه ؟؟؟!!!
ــــــــــــــــــــــــــــــــــــــــــــــــــ ـــــــــــــــــــــــــــ
ده حتي السجاير غليت ..يعني كليوباترا المعفنه اللي كانت ب 1.5 بقيت ب 4.5 هههههه
يعني زادت 3 مرات ..ازاي يعني ؟؟!!!!
علي فكره انا مش مدخن بس مستغرب يعني ازاي سلعه نفس الجوده تزيد 3 اضعاف وهما اصلا كانو بيكسبو فيه جامد !!!!

الي اللقاء في قتله اخر زمن
:d:d:

El_mohandes Khaled

18-08-2010, 06:34 PM

والله موضوعك زى العسل فوق الوصف بصراحة ويستاهل يتعمل مسلسل وهيبقى جميل جدا والحكايات دى بتحصلنا بالظبط وربنا يوفقك يا دك فى كلية الطب ومستنيين حلقات اكتر واكتر

mostafa_gazzar00

19-08-2010, 01:14 AM

اول مره اقراها بس بليز كمل يوم مكتب الناظر

Mostafa Walid

22-08-2010, 10:01 PM

الله عليك يا دكتور و مصر كلها كده يا دكتور والله ناس كتير بتقول ان عصر الملك كان احسن بكتيييييييييييييييييييييير جدا
بس طبعا محدش مننا حضره بس كان مفيش حراميه زى دلوقتى و ربنا يرحمنا سا رب كمل موضوعات عامة بقى وخلاص حنعمل ايه بس عايزين موضوع جامد مثلا الهجرة وكده يلا ايه رايك

#sooma#

22-08-2010, 10:25 PM

dr\villa

23-08-2010, 12:40 AM

روحت حافي طبعا بس مش مشي ...روحت بتاكسي والسواق عمال يبص عليا ..كان مفكرني مجنون
:d:d:d:d

Mr Amrooo

23-08-2010, 05:25 PM

يا ريت كلنا نستفيد من هذه الاخطاء

dr\villa

23-08-2010, 05:58 PM

ماشي ...متنساش تستفيد !!!

Mr Amrooo

23-08-2010, 06:04 PM

حاضر يا دوك انا مستر على فكره بس برضه ها استفيد ادام عايزانى استفيد

dr\villa

23-08-2010, 07:18 PM

it is really clear that u r a teacher :D:D:D
looooooooooool

بلالل

26-08-2010, 12:18 AM

والله حلقات جميله يادوكتور وياريت تكمل فى مكتب الناظر
وعلى فكره انا جايلك السنه الجايه اولى جامعه انشاء الله

ArabianPDA

26-08-2010, 04:17 AM

انا اتعلمت حاجه من خبرتي في التعليم المصري التعبان (فكك من النتيجه وعيش حياتك ...القلق مش هيغير حاجه ..اللي اتكتب ..اتكتب خلاص:d)

هي مذكرات ثانوي احسن من الكليه ؟؟؟:d
النظريه دى انا ماشى بيها حرفيا :)
كنت اطلع من الامتحان ع القهوه جنب اللجنه :d
ولا فى دماغى :slap1qk6:

dr\villa

26-08-2010, 05:42 PM

والله حلقات جميله يادوكتور وياريت تكمل فى مكتب الناظر
وعلى فكره انا جايلك السنه الجايه اولى جامعه انشاء الله

جاي عندنا بشري اسماعيليه ؟؟؟

بلالل

27-08-2010, 04:23 PM

اها بس انا لسه داخل ثالثه وانشاء الله ادخل بشرى اسماعيليه بس انا جايب 96 تتوقع ممكن الحق

ArabianPDA

27-08-2010, 07:15 PM

اها بس انا لسه داخل ثالثه وانشاء الله ادخل بشرى اسماعيليه بس انا جايب 96 تتوقع ممكن الحق
مش بعيده يا بلال
بسيطه هات بس 98 و9 رفيع
وتخشها
ربنا يوفقنا كلنا،،

بلالل

27-08-2010, 11:36 PM

مش بعيده يا بلال
بسيطه هات بس 98 و9 رفيع
وتخشها
ربنا يوفقنا كلنا،،

والله انت بشرتنى وريحتنى وكلامك يريح والله بس صورتك مش بتريح ابدا

بلالل

27-08-2010, 11:38 PM

بس انته جبت كام

dr\villa

28-08-2010, 12:02 AM

اها بس انا لسه داخل ثالثه وانشاء الله ادخل بشرى اسماعيليه بس انا جايب 96 تتوقع ممكن الحق

لو ذاكرت كويس هتلحق ...انا معايا صحابي كانوا جايبين اقل من 96 % في تانيه ومعايا في بشري عادي جدا:d

dr\villa

28-08-2010, 12:32 AM

مش عارف اكتب ايه ولا فيه في دماغي اي افكار بس اكيييييييد لا تراجع ولا استسلام فالقبضه الداميه طريقنا:d

ممممممممم ممكن نكتب عن ممممممم ايه رأيكوا مثلا في مصطلحات الشباب ؟؟!!:d

مش عارف ليه مصطلح ( ولاااااااا فكك انزل مع علي وداني ) بقي في بوء الشباب زي السيجاره بالظبط :p
اكلم حد في حاجه الاقيه يقولي انزل من علي وداني (عن نفسي اللي بيقولي كده بمسك ودانه واشدها واقوله متخليش حد يركب عليها تاني هههههه) ..مش عارف بيجيبوا الكلام ده منين ..والله ناس فاضيه

مصطلح تاني ( دي تجاره يا اداب عين شمس ) الله يحرقه بجاز تامر حسني اللي هيبوظ الشباب :p الحمد لله دي عارف هما جايبنها منين ..بس انتوا ايه رأيكوا (البت اللي في الشارع سسسسسسسس اوختك ) ولا دي احسن ؟؟:p بس احسن لان ميلودي افلام هي الاستخدام الخاطئ لقله الادب :d بس اللي غايظني انها جايه من تامر حسني اللي هو بردو الاستخدام الخاطئ لشعر الصدر:d

مصطلح تالت (استراوش الجنزبيل ) ودي غالبا بتتقال علي الحشيش والحاجات اللي الشباب بيتكيف بيها ..مع ان احمد مكي قالها علي حفله والمعني واضح وهو يقصده تماما !!!

مصطلح رابع ( انا عاصر علي نفسي ليمونه مستحمل وبقول مجنونه ..ده انا ليا في الطور والطحين وجدي صاااااااحب الطاحونه ):d
انا مكنتش عارف ايه ده ولا فاهم حاجه ...بس عرفت انها اغنيه في فيلم نور عيني !! ما علينا فككوا من دي

مصطلح خامس (ايه يا عم انت فاكرني اجنبي ولا ايه :d)
ودي بتتقال لما حد عايز يعمل برم وشايف نفسه عليك ....بس لو فكرنا في معناها هنلاقيه يقصد انا مصري زباله زيك وفاهم شغل الحراميه دي هههههه:p

المقال عاجبني واللي هيقول غير كده ينزل من علي وداني

يتبع :p

Mostafa Walid

28-08-2010, 01:39 AM

÷ههههههههههههههههههههههههههههههههههههههههههههه طول عمرك جامد يادكتور بس متسبناش كتير كده
هو انت ياعم فكرنا اجانب ولا ايه ههههههههههههههههههههههههههههههههه

ArabianPDA

28-08-2010, 04:27 AM

لو ذاكرت كويس هتلحق ...انا معايا صحابي كانوا جايبين اقل من 96 % في تانيه ومعايا في بشري عادي جدا:d
فعلا بتحصل كتير
ربنا بس يسهلها السنه الجايه
ويوفقنا،،

dr\villa

28-08-2010, 04:34 AM

÷ههههههههههههههههههههههههههههههههههههههههههههه طول عمرك جامد يادكتور بس متسبناش كتير كده
هو انت ياعم فكرنا اجانب ولا ايه ههههههههههههههههههههههههههههههههه

thanksssss:022yb4:

dr\villa

28-08-2010, 09:01 AM

انها 8.30 صباحا ..ما زلت مستيقظا وبكامل قواي الذهنيه والجسديه ..اشعر بغموض رهيب وهدوء غير طبيعي ..اشعر ان الحياه ميته الان ..لا صوت لا حركه لا شئ ..فراغ فارغ كثيف ..اسمع الاناشيد الاسلاميه بدلا من الموسيقي التي اعتدت سماعها او لنقل ادمنتها ..اسمع ماهر زين و سامي يوسف ..كل شئ كما هو !! كل شئ في مكانه !! لا يختلف شيئا عن اليوم الذي قبله ..كأنه فيلم اشاهده من جديد ..فالكتب كما هي في مكانها ..اعتقد انها ملت الجلوس وحيده دون ان يتصفحها احد ..وجهاز الكمبيوتر (الديسك توب ) -الذي لم اعد استعمله - كما هو في مكانه ..وملابسي في مكانها تقريبا ..والشئ الاكيد انها ليست في الدولاب ..فأنا كسائر الشباب لا تستقر ملابسه في الدولاب ابدااا ..انها الفوضي ..نعم الفوضي المقننه ..فأنا وان كانت ملابسي ليست في الدولاب فأنا اعلم مكانها !!
انه مكتبي _الذي رفضت تغييره رغم عدم ملائمته لي الان _ يفكرني بذكريات الطفوله ..
انها الكره في مكانها ..كره القدم الذي لم العب بها من زمن بعيد ..والموبايل مكانه ايضا ..وكل شئ في مكانه _فرشاه الشعر والجيل والكريم وماكينه الحلاقه _

نعم ...انها غرفتي ..اسوء ما في بيتنا ..لكني احبها ..احبها كثيرا ..لا ارتاح الا بداخلها !!

الان ..اني لا افعل شئ سوي التفكير ..نعم افكر

هل انا شخص طيب فعلا ؟؟!!
الجميع لديه قناعه شخصيه ..انه اطيب شخص علي الكره الارضيه

كيف ابدو للجميع ؟؟ أ أنا شخص جدير بالاحترام ؟؟ ام انا تافه ؟؟ !!

هل انا محبوب ؟؟ !!

هل استحق انا اكون محبوب ؟؟!!
ماذا فعلت كي اكون محبوبا ؟؟!!

اسئله كثيره ليست لها جواب ..فمن يراني محبوبا ..اعتقد اني طيبا معه
ومن يكرهني ....اعتقد اني غليظ معه

نعم ...انها عمليه نسبيه ..فنحن لا نتعامل بنفس الطريقه مع جميع الناس
فهناك من يستحق الاحترام ..وهناك من لا يجب ان تأخذنا بهم رحمه ...فهم ليسوا بشر بل شياطين الانس !!

وفي النهايه يغلب صوت الصمت ..الي ان يخطف النوم عقلي ويأخذه في رحله يريحه فيها من هموم الحياه .

ثم استيقظ ..و ابدأ يوم جديد او لنقل يوم اخر مشابه لاقرانه ..لا جديد لا شئ يذكر !!! نعم انها الحياه عزيزي القارئ !
ــــــــــــــــــــــــــــــــــــــــــــــــــ ـــــــ

معلش يا جماعه عارف اني افورت اوي بس مخنوق بدرجه لا توصف :(:(

the golden flower

28-08-2010, 10:06 AM

Hamsa_1

28-08-2010, 10:21 AM

ma sha2 allah bgd 3leeeek rbna y5alek lena ya rab enta f3lan ensan mo7tram w m7bob gdn .. w mtddya2sh 5als mafesh 7aga tstahl w bgd msh 3rfa aol l 7drtk eh >> rbna ywaf2k << w ed3ely ageb 100 % 3shan ad5ol tb like u ..

Abu Ezz

28-08-2010, 05:04 PM

لا تهتم . لاتبالى .
لا ياعم .
فكك يا برنس.
ولا يهمك
بس انت يا دكتور اياد طولت اوى على ودانى انزل بقى ؟؟؟

Mostafa Walid

28-08-2010, 07:36 PM

ايه يا دكتور انت قلبت المحطة ليه كده ياعم اذا كان كده جبلنا محطة الثانويه الاعمة (انا مسميها كده )
وعلى راى الاستاذ الكبير (ابو عز )
لا تهتم
لا تبالى
لا يا عم
فكك يا برنس
ولا يهمك
وحته من عندى كده
لا يا دكتور الاسماعيلى حيكسب ان شاء الله هو و الاهلى
( تقبل مرورى )

dr\villa

28-08-2010, 07:36 PM

ههههههههههه
حلوة اللغة العربية الفصحى اللى انت كاتب بيها دى
بس مفيهاش افورة كتير يعنى
وكويس انك سبت الاغانى وبتسمع اناشيد
دى خطوة حلوة فى حد ذاتها
عموما حين تستيقظ ستصبح افضل حالا باذن الله(اشمعنى انا)
ياريت تكمل بصراحة انا بستمتع بمذكراتك اوى يادوك
تقبل مرورى

شكرا علي المرور والتشجيع

ma sha2 allah bgd 3leeeek rbna y5alek lena ya rab enta f3lan ensan mo7tram w m7bob gdn .. w mtddya2sh 5als mafesh 7aga tstahl w bgd msh 3rfa aol l 7drtk eh >> rbna ywaf2k << w ed3ely ageb 100 % 3shan ad5ol tb like u ..

awel 7aga shokran 3l klam dah ...w isa td5oly tb ..3l fkra sahl awiii lw zakrty kwyes ..ana mkntsh sha6r awiii bs rbna bywf2 l7l

لا تهتم . لاتبالى .
لا ياعم .
فكك يا برنس.
ولا يهمك
بس انت يا دكتور اياد طولت اوى على ودانى انزل بقى ؟؟؟

ماشي يا عم ..هنزل من علي ودانك:p

dr\villa

28-08-2010, 07:38 PM

Mostafa Walid

28-08-2010, 07:59 PM

ماشى يا اجمد دكتور بس اهم حاجة متقطعش تكمل على طول

ArabianPDA

29-08-2010, 05:32 AM

dr\villa

29-08-2010, 06:17 AM

البنات لما تشتري هدوم
ـــــــــــــــــــــــــــــــــــ

من قريب اوي يعني يومين تلاته كده اضطرتني الظروف اني اخرج مع اختي عشان هتشتري هدوم :d وطبعا دلوقتي صعب اوي ان حد يخرج بالنهار عشان الصيام فالخروج بيبقي بعد التراويح ..وعلي ما البنات تلبس وتجهز نفسها والحوارات التعبانه دي يبقي الساعه 11 ...فلازم حد يخرج معاهم ...وبما اني الولد الوحيد ...يبقي اكيد اتدبست :d

خرجنا عادي جدا ..والطبيعي عند الولاد انك بتبقي عارف محل معين او اماكن معينه بتجيب حاجات حلوه وبتشتري منها
الكلام ده يختلف عند البنات ...لازم يلفوا علي المحلات كلها ..افرض مثلا المحل ده جاب حاجه حلوه !!:d والمشكله انهم عارفين ان دي محلات تعبانه...تقولك ممكن تحصل المعجزه ويكونوا جابوا حاجات حلوه ...لازم نشوف كل حاجه ..ماشي شوفي اللي انت عايزاه ..احنا ورانا حاجه ؟؟!! واللي يضايق اكتر ان كل الناس بتشتري في وقت واحد ...زحمه بطريقه رهيبه

والبنات بردو عندهم عاده غريبه يعني ممكن واحده تدخل تقلب المحل وتبهدل الراجل اللي بيبيع وفي الاخر تقول بكل برود (مش عاجباني حاجه ..يلااااا نمشي ) انا مش عارف بيبقي ايه شعور الراجل بس اكيد بيبقي عايز يقول زي احمد مكي *** هههههههه :d
وممكن بردو تبقي الحاجه حلوه وعاجباهم وتلاقي واحده تقول للراجل فيه منه الوان ؟؟:d
تخيل انت نفس التيشرت فيه منه الاحمر والاخضر والاصفر والاسود هههههههه
عن نفسي الحاجه اللي تعجبني ..يبقي نازل منها حاجه واحده بس ..موديل واحد بس ...مش سوق هو.. التيشرت يبقي نازل ب عشر الوان :d
وانت ماشي بقي سامع الكومنتات من البنات

الله يا مامي ..ايه رأيك في المش عارف ايه ده :d (عندهم حاجات غريبه ..بلارينا و مممم والله ما فاكر بس اسماء غريبه كده ) ده هيبقي تووووحفه (تحفه يعني )

اه هو حلو بس لو فيه منه الاحمر

يا مامي بقي ..ده كميل خالص :d

ماشي يلاااا نشوفه :av4056bb7jp3:

وانا ماشي بردو شفت بنتين صحاب بيشتروا مع بعض

واحده بتقول التانيه ..ايه رأيك في ده ؟؟؟
قالتلها .....هو حلو بس هيبقي بيئه اوي عليكي ...ده هيبقي حلو عليا انا او علي مريم (مين مريم ؟؟ الله اعلم :d)

كلمتها تاني وبتقولها طب ايه رأيك في ده ؟؟
قالتلها ....هو حلو بس انا عندي واحد زيه بالظبط ...هيقولوا انك بتقلديني :d (يعني هو الاستايل معمول ليكي انتي )

وانا واقف سامع الحوار وهمووووووت علي نفسي من الضحك ..ايه التفاهه دي ؟؟!!

حوار تاني ..واحده بتقول للتانيه ..انا مش عاجبني حاجه ..بس هاخد اي حاجه واعمل ان انا بقيسها وهظبط الميك اب في المرايه :d (قال يعني البت هتتخطب دلوقتي :d)

التانيه بترد عليها بطريقه استفزتني اوي :d بتقولها ...تيك كير يا حبي !!!

و يا سلام بقي لو واحده جاي معاها خطيبها او اخوها ..وعايز يعمل فيها راجل :d
بيدي رأيه في كل حاجه ..لأ ده هيبقي ضيق اوي وهو عادي خالص ...لأ ده شكله مش عاجبني (يا عم هو انت بتفهم في هدوم البنات ..انت مالك انت ؟؟:d)
عايز يرسم وخلاص ويعمل فيها مسيطر ومتحكم :006et4:
الحته دي فكرتني بنكته في فيلم نور عيني (واحد شاب كده وسط صحابه وعامل نفسه جامد اتصل بمراته بيقولها ايوه يا وليه حضري الميه السخنه ...واحد من اللي قاعدين معاه بيقوله واضح يا معلم انك مسيطر ...قاله الله ..امال هغسل المواعين بميه ساقعه ؟؟!!:d)

وبجد انا اول مره اصدع كده وانا خارج اشتري هدوم ...تخيل نفسك واقف في مكان فيه محلات كتير وبنات كتير واكيد كلهم رغايين ..لو كل واحده قالت كلمه ..سوف هيحصلك ايه ؟؟؟!!!!

نصيحتي ليكو ...هاند فريهك (hand free ) معاك ..موبايلك في جيبك ..وعيش مع نفسك يا معلم
و صح ..متنساش تشرب بريل ...طعم يغطي علي المر اللي بندوقوا :d

يتبع ...

dr\villa

29-08-2010, 06:28 AM

اسلوبك كويس جدا على فكره
وانا بدأت اعمل زيك
جبت كشكول A4 وبكتب من اسبوعين :022yb4:
يعنى بحاول استرجع ذكريات الثانويه معايا
وربنا يوفقك ويوفقنا ،،

شكراااا علي المتابعه

و كويس انك هتكتب ..ابقي ورينا بقي الحاجات اللي هتكتبها :022yb4:
وربنا معاك وابقي طمني عليك ...ابقي ابعتلي مسجات :022yb4:

Farawlla

29-08-2010, 06:52 AM

SwOrD OF JusTice

29-08-2010, 06:56 AM

dr\villa

29-08-2010, 07:12 AM

هههههههه

جامد جامد موضوع البنات دا

انا بشوفه

انا بنت بس بضايق من التفاهة دي اوووووووووووووي

و بص بقا علي اساس اني بنت اقولك بلاويهم

يعني في الدرس تيجي الواحدة بلبس اختها

و علي فكرة المفروض الي انا اكتشفته

ان انت لازم لما تشوفها لابسة لبس جديد او قديم تنبهر تنبهر

و تقولها ايه دا وااااااااو جايباه من سنتر ايه و سبحان الله تقولك ستي ستراز

وربنا دا اخره العتبة عالرصيف ب 2ونص

ولازم ولازم ولازم لون الزراير يبقي ماشي مع لون الطرحة

مش عارفة ليه و كمان بقي

الحاجة الي عرفتها اني لو هروح الدرس وشايلة دوسيه (( فيل ))

تصور ان هو لازم يبقي لون اللبس الصراحة انا كنت برمي الكتب في اي دوسيه

ومش فارقة هو انا راحة اتخطب اوووووووووف حركات البنات خنيقة اوي

و الي ينحرك بقا ان لازم قبل الدرس تدي تقرير لصحباتها باللبس الي جابته جديد

و يستحسن يا حبيبتي تجيبيه وانتي جاية في شنطة بلاستك بربع جنيه سوداء علشان

توريهولنا

مش عارفة دي تفاهة ولا تفاهة ولا انا الي غلط

اصل بحس انهم لما بيعملوا الحوارات دي علشان مش ابقي مركذة في المذاكرة

واهتم باللبس طول السنة

هو مين الصح انا ولا هما بس بامانة؟

بصي مش لازم تهمتمي اوي بالهدوم ..بس فيه حد ادني من الشياكه ..لازم يبقي عند كل بنت ..يعني الهدوم تبقي نضيفه ومكويه ومتظبطه وتبقي مناسبه ...لكن زراير وفيلات ..ده يبقي كلام فاضي وبعدين مين هياخد بالو يعني ؟؟!!
والله انا كذا مره ابقي عندي محاضره بدري وانا متعود انام متأخر ..اصحي البس اي تيشرت علي اي بنطلون ..من غير ما ابقي شايف بلبس ايه (مسطووول بقي:d) واروح رامي البالطو في الشنطه وتيشرت عشان اغير في الكليه :d اصل بعد ما اكتشفت لبست ايه ..كسلت اغير :d
فكرتيني بسيتي ستارز ..كنا مره خارجين في كايرو انا وصحابي وقالوا يلااااا نروح سيتي ستارز ..وانا اقولهم يا جدعان عشان تشتري لازم يبقي معاك 10000 جنيه :022yb4: وانا مش في جيبي الا 800 جنيه :d يقولوا لأ يا عم ..يلا بس..اروح اشوف ..الاقي تيشرت 600 جنيه وبنطلون 1000 جنيه :022yb4: يلااااا يا جدعان من هنا ..واللي يضايق انها حاجات عاديه مش الواااو يعني:d

:) فكرتنى بالذى مضى

كنا ننزل كلنا نجيب هدوم ف يوم واحد ف نص رمضان

:slap1qk6: وكمان كنا ننزل قبل المغرب نقعد نلف نلف نلف وطبعا اللف ده كله مش علشانى انا واخويا

علشان الحجه اختى مبتسبش ولا مكان الا لما تدور فيه والمغرب طبعا بيعدى علينا ونفطر بره وناخدها كعب داير برضو

:stickjo4: بجد البنات دول قرف يعنى من قبل المغرب لحد السحور بتدور!!؟؟؟؟!! والله من بعدها انا حرمت انزل اشترى معاهم

هى تدور طول اليوم وانا واخويا نقعد نص ساعه يادوب

:confused: ده حته وهى رايحه بتقول انا عايزه اروح كذا وكذا وكذا وكذا وكذا والمشكله واحنا رايحين تقعد تبص اى حاجه تعجبها تدخل تدور ساعتين تلاته وف الاخر متشتريش

_________________________________

وبعد اللف والدوران ده كله تروح لاول محل رحناله وتشترى الحاجه !! شفت الغتاته :040vk0:

:022yb4: وكمان اهى اتجوزت اهى وارتحنا منها

بعدها بكام شهر اتصلت باخويا وقالتله عايزك تنزل معايا اشترى هدوم هع هع هع هع هع

راح قافل السكه ف وشها

;) امال جوزها بيعمل ايه

بص يا برنجي ..ما تنزلش تشتري هدوم مع حريم :d فلوسك في جيبك ..مطوتك في جيبك ..روح اشتري اللي يعجبك وادفع اللي يعجبك بردو ..ولو البياع مرضيش مطوتك في جيبك قطعه :d ( local ana )

لأ قصدي يعني ...روح مع صحابك احسن ..و هيساعدوك في الاختيار
لكن لو رحت مع بابا مثلا ..هيخنق عليا ويقولي ايه اللي انت هتجيبه ده ..يابني انت دكتور (ده السنه دي بس )
دكتور ايه يا عم ..انا لسه في سنه اولي (دلوقتي تانيه ):022yb4:

Farawlla

29-08-2010, 07:20 AM

بصي مش لازم تهمتمي اوي بالهدوم ..بس فيه حد ادني من الشياكه ..لازم يبقي عند كل بنت ..يعني الهدوم تبقي نضيفه ومكويه ومتظبطه وتبقي مناسبه ...لكن زراير وفيلات ..ده يبقي كلام فاضي وبعدين مين هياخد بالو يعني ؟؟!!
والله انا كذا مره ابقي عندي محاضره بدري وانا متعود انام متأخر ..اصحي البس اي تيشرت علي اي بنطلون ..من غير ما ابقي شايف بلبس ايه (مسطووول بقي:d) واروح رامي البالطو في الشنطه وتيشرت عشان اغير في الكليه :d اصل بعد ما اكتشفت لبست ايه ..كسلت اغير :d
فكرتيني بسيتي ستارز ..كنا مره خارجين في كايرو انا وصحابي وقالوا يلااااا نروح سيتي ستارز ..وانا اقولهم يا جدعان عشان تشتري لازم يبقي معاك 10000 جنيه :022yb4: وانا مش في جيبي الا 800 جنيه :d يقولوا لأ يا عم ..يلا بس..اروح اشوف ..الاقي تيشرت 600 جنيه وبنطلون 1000 جنيه :022yb4: يلااااا يا جدعان من هنا ..واللي يضايق انها حاجات عاديه مش الواااو يعني

ايوه انا كدا بس هما بينرفزوني

يعني جبت بدي عادي جدا ولبساه عادي اوووووووي

ولقيت مرة واحدة بنت منهم بتقولي ايه دا بدي

بقولها تصوري

قالتلي جبتيه امتي بقولها مش فاكرة ماما جابتهولي

قالتلي حلو بقولها شكر قالتلي بس انا زعلانة علشان مش قلتيلي

كنت عايزة اقولها هو انا لازم اديكي تقرير

و يا لهوي لو واحدة منهم جت بلبس مختلف ممكن يبقي وحش اووووووووووي

و قديم من زماااااااااان من الاخر اخره العتبة

وتلاقي واحدة تانية تقولها واااااااااااااااااااااااو

و في ثانية تقولك اصل مش عارفة دا بكام وانا في سري بقولها وربنا ما يستاهل اصلا دا قديم

و اصلا اسلوبهم ينرفزك

طب بص التفاهة وتقولي طبيعية ولا مش طبيعية

هما شلة مع بعضهم وانا اخري معاهم صباح الخير يا جاري

اعدوا مرة والله اكتر من ساعتين بيتفقوا عايزين يروحوا مع بعض الدروس

بلون لبس واحد يعني كلهم يلبسوا اخضر موف

ليه بقا يا معلم

علشان المدرس يقولهم واو ايه دا انتوا لابسين زي بعض

واحدة منهم بتقولي هتلبسي ايه قلتلها انتوا هتلبسوا ايه قالتلي اخضر

قلتلها انا احمر

قالتلي مش هتبقي زينا قلتلها اصلي مليش في التفاهة

قالتلي تفاهة دي تفاهة قلتلها ربنا يكملك بعقلك

dr\villa

29-08-2010, 07:32 AM

هههههههههه ايه التفاهه دي ..لأ بجد دول اوفر ..اتأكدي انهم بعقلهم !!

Farawlla

29-08-2010, 07:49 AM

بجد والله تافهين بشكل خيالي

طب ركز معايا الموبايلات (( مرض العصر يا جاد ))

فيهم واحدة وربنا ما معاها موبايل مدية رقم اختها للكل

انا عاملة عبيطة ومش معرفاها اني معايا موبايل

التفاهة بعينها

خاصمت صحبتها حزر فزر ليه

علشان رنت عليها و صحبتها مش رنت عليها

و شتمت واحدة ليه علشان مش بعتتلها رسالة من فترة

وواحدة تانية برضوا زعقتلها ليه علشان لما بعتتلها رسالة مش كتبتها اسمها في الاخر

يعني انا بعتها من موبايلي ل مني مثلا لو انا مكتبتش ل مني دي في الاخر تزعل

مش عارفة ليه

وتشتغل التفاهة بقي بعينها قبل الدرس تقولك يا ((ه)) سمعتي

وتشتغل الاغنية و هما مروحين

لو واحدة مشيت لوحدها تبقي بنت وحشة

طبعا الي بتمشي لوحدها انا علشان بيقفوا ساعة يصوروا يا جماعة يلا

استني شوية علشان نفك

ببقي مضطرة ان انا الي افك علي البيت

بجد بينحورني بس انا من النوع الي بعمل نفسي مش واخدة بالي

اه علي فكرة نسيت اقولك

ان لازم لازم يروحوا يسالوا المجموعات التانية الي بياخدوا عند نفس مستر المادة بتاعتها

المستر اداكم ايه وشرح ايه و هزر في الحصة ولا لا وقال ايه

و حصل ايه ويجوا ادام المستر يقولوا يا مستر احنا زعلانين اصل حضرتك

هزرت مع مجموعة اسماء مثلا

عايزة اقولهم ربنا يكملكم بتفاهتكم دي

dr\villa

29-08-2010, 08:09 AM

هههههههههههه كفايه ..حرام عليكي كفايه ...انا ابتديت اكره البنات هههههه..انا ليا صحاب بنات كتير بس مابيعملوش كده
هما كده لبيمثلوا ..لصحابك دول فيهم حاجه مش طبيعيه
:d:d

Farawlla

29-08-2010, 08:15 AM

تمثيل اوفر اوووووووووووووي

و الله مرة كانوا هيشلوني

كان عندي درس الانجلش في البيت وطبعا اول مرة يجوي عندي البيت

اعدنا عادي و كل شوية واحدة تقولي واو الارج حلو اقوله ميرسي

بعد الدرس مصممين يشووغوا اوضتي طبعا انا مهملة جداااااا

بس الاوضة كانت مترتبة كل الي فيها اني قبل الدرس كنت نايمة و صحيت

و مش لحقت اعدل السرير علشان الدرس وكدا

دخلوا لقوا البطانية مش مطبقة

لقيت واحد منهم تقولي ياي مش مترتبة

قلت يا فتاح يا عليم

قلتلهم انا مهلمة انتوا مالكو

اسكت علشان شايلة منهم عالاخر وبينحروني

و كلهم اصلا ولا بيفهموا في لبس ولا اي حاجة كله تمثيل

علشان يشغلوا بعض عن المذاكرة بس تفكير اطفالي اووووووووووووووي

dr\villa

29-08-2010, 08:25 AM

خلاص فكك منهم ..يعني هو مفيش غيرهم !!....اكيد فيه ناس كتير ...احنا هنا في اسماعيليه عشان المدينه صغيره ..فا هتلاقي الدروس في السنترز اعداد كبيره زي محاضرات ومدرجات والجو ده ...فيه ناس اصلا معرفش اسمائهم وكانوا معايا في الدروس ..مش عارف انتوا ايه نظامكوا بس لو كده ...اتعرفي علي ناس جديده

Farawlla

29-08-2010, 08:27 AM

لا احنا يعني مش سنترات علشان السنترات بعيدة

انا اصلا تقريبا قطعت علاقاتي معاهم

اصل مش ناقصة خنقة وتفاهة

اوفر اوي البنات دي بنفض لهم عالاخر واروح واجي الدرس لوحدي

dr\villa

29-08-2010, 08:34 AM

لأ مينفعش لوحدك ...لازم يبقي ليكي صحاب !!

the golden flower

29-08-2010, 05:33 PM

ياعينى يافراولة كل ده ومستحملة البنات دى
ايه ده انا عمرى ماشوفت حد بالبشكل ده
وانتى اللى مخليكى تصاحبيهم لما هما بيضايقوكى
انا لو منك كنت اتشليت لا لا مكنتش صاحبتهم خالص
بس غعلا موضوع اللبس اللى الدوك بيتكلم عنه هوا اللى بيحصل
بس انا طبعا باستثناء الناس دى
انا شخصية مستقلة عن باقى الناس
انا رئيسة جمهورية نفسى
وتقبلوا مرورى

Farawlla

29-08-2010, 05:52 PM

لأ مينفعش لوحدك ...لازم يبقي ليكي صحاب !!

ايوه انا عندي اصحاب وبحبهم اوي بس هما مش من بلدي

بعيد بس بنحب بعض اوي دول بس علشان الدروس واحلي حاجة انهم

مش بيحبوني علشان كدا مش مرتبطين بيا و بنفض لهم علشان اعرف اذاكر

لما يتفقوا يروحوا درس بنفض واروح لوحدي و المدرسة اروح لوحدي

اصل من الاخر مش بحب امشي تبع حد انا احب اني يبقي ليا اصحاب

بس محدش يفرض عليا رايه

ياعينى يافراولة كل ده ومستحملة البنات دى
ايه ده انا عمرى ماشوفت حد بالبشكل ده
وانتى اللى مخليكى تصاحبيهم لما هما بيضايقوكى
انا لو منك كنت اتشليت لا لا مكنتش صاحبتهم خالص
بس غعلا موضوع اللبس اللى الدوك بيتكلم عنه هوا اللى بيحصل
بس انا طبعا باستثناء الناس دى
انا شخصية مستقلة عن باقى الناس
انا رئيسة جمهورية نفسى

وتلاقيهم طول ما هما اعدين

والله الكلام دا حقيقي تلاقي كل واحدة بتتكلم عن اصحاب اختها

واللبس الي جابته صاحبة اختها اواخت واخو صاحبة اختها عملت ايه

وصاحبت اختها رنت عليها الساعة كذا واختها رنت عليها بعدها

و الرسايل بقا دي موال تاني تقولك اصل صاحبت اختي بعتت رسالة كذا

وتلاقيها في ثانية قالت الرسالة كانها بتذاكر فيها طول الليل

انا احلي حاجة يا بنتي ان اخري معاهم الدروس ومنفضة

انا زيك رئيسة جمهورية نفسي بس بحب اصحابي التنين اوووووووي

علشان عكس دول تماما

the golden flower

29-08-2010, 07:51 PM

وتلاقيهم طول ما هما اعدين

والله الكلام دا حقيقي تلاقي كل واحدة بتتكلم عن اصحاب اختها

واللبس الي جابته صاحبة اختها اواخت واخو صاحبة اختها عملت ايه

وصاحبت اختها رنت عليها الساعة كذا واختها رنت عليها بعدها

و الرسايل بقا دي موال تاني تقولك اصل صاحبت اختي بعتت رسالة كذا

وتلاقيها في ثانية قالت الرسالة كانها بتذاكر فيها طول الليل

انا احلي حاجة يا بنتي ان اخري معاهم الدروس ومنفضة

انا زيك رئيسة جمهورية نفسي بس بحب اصحابي التنين اوووووووي

علشان عكس دول تماما

ربنا يعينك يابنتى
انا مقدرش استحمل الناس دى
احسن حاجة الاستقلااااااااااااااااال والحرية
مفيش صحاب بجد للدرجة اللى بنتمناها
بس اكييد فى ناس كويسة كتير
وانتى اكيد من الناس دى
ربنا يوفقك ويكرمك يارب

Farawlla

29-08-2010, 08:02 PM

يا بنتي انا ماشية علي مبدا

طنش تعيش منعنش

the golden flower

29-08-2010, 08:03 PM

هههههههههه
الله حلو المبدا ده
انا تقريبا بردو ماشية بيه

Farawlla

29-08-2010, 09:34 PM

the golden flower

30-08-2010, 09:50 AM

بصي من الاخر

دا احسن مبدا تمشي عليه

علشان كمان تتفوقي في الثانوي

ولو قلتي لواحدة مثلا علي حاجة كويسة انتي بتعمليها تحسن مستواكي

تقولك لا دي غلط مهما كانت مع ان الحاجة فعلا صح

يبقي طنش تعيش منعنش

الله عليكى ياارسطو
بتقولى حكم والله يابنتى
عندك حق لقد قلتها ومازلت اقولها وان اتنازل عنها
((طنش تعيش منعنش))

عاشقه الاقصى2

30-08-2010, 08:19 PM

السلام عليكم
استمر يا دكتور
فى جمله فى الموضوع بتعجبنى

وهى
احفظ ذى الجاموسه تعدى ذى الناموسه
ربنا يوفقك

dr\villa

31-08-2010, 03:10 AM

احنا زعلانين ليه ؟؟؟
ـــــــــــــــــــــــــــــــــــــــــــــ

مش لسه الحزب الوطني بيفوز في الانتخابات ؟؟!!
مش لسه الشرطه في خدمه الشعب ...والشعب يقلع عينه عشان الشرطه ؟؟!!
مش لسه الاهلي بياخد الدوري والزمالك بيتغلب والحكام تمام ؟؟!!
مش لسه موصلناش كاس عالم ..و لسه حسن شحاته محلقش شعره ؟؟!!
مش لسه عمرو دياب الهضبه حتي لو نزل البوم فاضي ؟؟!!
مش لسه الناس بتكره تامر حسني حتي لو عمل قرد ..وحتي لو جه علي نفسه وشال شعر صدره ؟؟!!

مش لسه الشرطه المصريه اسرع شرطه في العالم في الحصول علي الاعترافات ؟؟!! وده طبعا بعد اول كف من اي مخبر

مش لسه المخبرين بيلعبوا جيم في ايديهم بس ؟؟!! وعلي رأي احمد السقا ..ده مش كف دول 7 كفوف في بعض

مش لسه الشباب بيتسلي بالبنات ؟؟
مش لسه البنات بتصدق الشباب ؟؟!!
مش لسه مصر ام الدنيا ..وكل العالم بيحبها ؟؟!!
مش لسه بنضرب في الجزاير ونيجي هنا نعملهم رحلات ترفيهيه للاهرامات ؟؟
مش لسه بتاخد رخصتك من عسكري المرور ب 10 جنيه ؟؟
مش لسه عماد متعب مخطبش ومقضيها ؟؟!!
(مقيضها دلوقتي مع يارا نعوم ..يا بخته )

مش لسه الدنيا زحمه والجو حر ؟؟
مش لسه الحراميه شغالين وكلو تمام ؟؟
مش لسه فيه ناس عامله سبع رجاله في بعض ويقلبوا قطه مع اول قلم ؟؟
مش لسه عمرو دياب بيحب وحسن يوسف بيتجوز ؟؟!!
مش لسه العميد بيقول ان الابيض قادم ؟؟
مش لسه بيبسي المشروب الرسمي لمنتخب مصر ؟؟
مش لسه بريل الراعي الرسمي للراجل المصري ؟؟!!
مش لسه الكوسه في الجامعات ...و ولاد الدكاتره بيتعينوا ؟؟
مش لسه الناس بتشرب شاي بالياسمين ؟؟
مش لسه عادل امام بيهدي افلامه للسيد الرئيس راعي الفنون في مصر ؟؟!!

يبقي ايه المشكله ؟؟ زعلانين ليه ؟؟!!
وانا كمان احب اهدي المقال ده للسيد الرئيس
راعي المقالات في مصر
:d:d:d:d

Abu Ezz

31-08-2010, 03:53 AM

ههههههههههههههحلوة واللهحاجة تفرحومش لسه انت بتكتب حاجات حلوة زى دى ؟؟

the golden flower

31-08-2010, 08:38 AM

هههههههههههه
حلوة اوى يادوك
ماشاء الله عليك
بس انا سمعت ان شعار الشرطة بقى ((الشرطة والشعب فى خدمة الوطن))
مش عارفة الكلام ده صح ولالا
تقبل مرورى

dr\villa

31-08-2010, 10:59 AM

thanksssss ya shbab :P

Mostafa Walid

31-08-2010, 03:36 PM

Mostafa Walid

31-08-2010, 03:50 PM

يا بنتي انا ماشية علي مبدا

طنش تعيش منعنش
و نعم المبادى يا ريهام وسيبك من البنات الفاضيه ديه مش حتنفع خليكى فى درستك بس واحنا موجودين لو عايزه اى حاجة :av4056bb7jp3:

Mostafa Walid

31-08-2010, 03:54 PM

dr\villa

31-08-2010, 05:19 PM

ربنا يخليك يا مصطفي
شكرا علي المتابعه يا كبير
:d:d

Abu Ezz

31-08-2010, 06:49 PM

قررننا نحن
إغلاق هذا التوبيك لأجل غي مسمى
وفى الختام السلام

dr\villa

31-08-2010, 10:03 PM

قررننا نحن
إغلاق هذا التوبيك لأجل غي مسمى
وفى الختام السلام

نحن !! اللي هما مين دول ؟؟ انت ؟؟:p

dr\villa

01-09-2010, 07:02 AM

هعمل نفسي
ــــــــــــــــــــــــــ
هعمل نفسي مصدق ان حنان ترك في مسلسل ساره كانت بتحب احمد رزق
مع ان مش عارف هي بتحبه من انهي زاويه ده ؟؟
:d:d:d:
هعمل نفسي مصدق ان عضلات عمرو دياب دي طبيعيه ومش نفخ ومش بحقن
مع ان مش عارف مكنش قادر يجري في استاد القاهره ليه ؟؟!!
بس اكيد كان لسه جاي من التمرين ومفرهد
:d:d:d:d

هعمل نفسي مصدق ان (ممدوح هاااي بقولك انت )هيرجعلك عضلات جسمك ولياقتك وهيرجعلك رشاقه جسمك وجماله في اسبوعين
مع ان مش عارف هو ليه بكرش ؟؟؟
:d:d:d:d:d

هعمل نفسي مصدق ان فودافون شبكه المحمول الاول في العالم ..وموبينيل شبكه المحمول الاولي في مصر
وده علي اساس ان مصر مش جزء من العالم
:d:d:d:d:d

هعمل نفسي مصدق ان هند صبري حولت اتصالات بعد ما كانت بتيجي في الاعلان وتقولك انا فودافون
:d:d

هعمل نفسي مصدق حمله شيبسي (مصر هتختار طعمها ) وطلع في الاخر مصر طعمها جمبري
مع ان مصر كلها بعتت انا عايز شيبسي بطعم البانجو
:d:d:d:d:d

هعمل نفسي مصدق ان هند صبري مش لاقيه حد يتجوزها وعايزه تتجوز
تقريبا ماجربتش تنزل مصر وده لان ربنا حماها من الشباب اللي هيريل وراها
:d:d:d:d:d

هعمل نفسي مصدق ان الريس حضر فرح هاني رمزي
و هنا بقي نو كومنت عشان فيه رقابه بجد
:d:d:d:d:d

هعمل نفسي مصدق ان الابيض قادم
هو بصراحه العميد وعد ..اول ما يطلعله شعر... الابيض هيجي علي طول
:d:d:d:d:d

هعمل نفسي مصدق ان كريم عبد العزيز راح اسرائيل جاب مني ذكي وولادها ورجع

الاختلاف بينه وبين شريف منير كان علي وسيله المواصلات ..مكنوش عارفين يرجعها بالتوك توك ولا بالقطار

:d:d:d:d:d:d

هعمل نفسي مصدق ان تامر حسني رجع من لبنان لمصر في الفتره اللي كانوا بينقلوا اخوه من البيت للمستشفي

بس ممكن المستشفي بعيده شويه عن البيت ...او عربيه الاسعاف اتأخرت

:d:d:d:d:d

هعمل نفسي مصدق ان عمرو ذكي ..البلدوزر

تقريبا اللي سموه كده ماشافوش اميل هسكي بتاع انجلترا ...ولا شافوا محمد شعبان بتاع انبي وهو بيعلم عليه بعد ماتش انبي والزمالك

كان نازل خبر بيقول : ان محمد شعبان اصاب عمرو ذكي بجروح في رقبته
امال لو كان مسك حسين ياسر ..كان موته ؟؟!!

:d:d:d:d

هعمل نفسي مصدق ان احمد حلمي ممكن يشتغل بودي جارد

عملا بمبدأ واحد صاحبي (يابني الخناقات مش بالجسم دي بالقلب والا مكنش تامر حسني طحن احمد زاهر في الفيلم )
واكيد طبعا احمد حلمي قلبه كبير ..ده بيحب مني ذكي
:d:d:d:d:d