|
مشاهدة النسخة كاملة : مبرووووك .. تم تعيينك رئيساً للجمهورية hassan_23690 24-10-2006, 06:53 PM <div align="center">هو الموضوع باين من عنوانه.. كل واحد يدخل ويقول هيعمل ايه لو بقي رئيس للجمهورية :D :D بالنسبة لي انا هاشيل الفيزيا من الثانوية العامة :D </div> القطة الروشة 24-10-2006, 08:12 PM وانا هلغي المرحلة الثانوية كلها واى حد عايز كليه يخشها برحته :P بس ده عمره ما هيحصل :D FRANKENSTEIN 24-10-2006, 08:28 PM ياه يا حسن الموضوع دا انا شايفه اكتر منه خمس مرات ف المنتدي بس برضه لو بقيت رئيس حسجن البلد كلها واريح دماغي من الصحافه والصداع دا hassan_23690 24-10-2006, 08:38 PM <div class='quotetop'>إقتباس(القطة الروشة @ Oct 24 2006, 08:12 PM) 235035</div> وانا هلغي المرحلة الثانوية كلها واى حد عايز كليه يخشها برحته :P بس ده عمره ما هيحصل :D [/b] هههههههههه ولو حصل هتبقي مصيبة <div class='quotetop'>إقتباس(بات مان 2 @ Oct 24 2006, 08:28 PM) 235037</div> ياه يا حسن الموضوع دا انا شايفه اكتر منه خمس مرات ف المنتدي بس برضه لو بقيت رئيس حسجن البلد كلها واريح دماغي من الصحافه والصداع دا [/b] 5 مرات :unsure: ;) خلاص خلاص خليها دي المرة السادسة :D :D The_Relativistic200 26-10-2006, 03:11 AM طبعا هسرق :D :P واعمل وزراة للسرقة تتخصص فى سرقة المواطنين الغلابة وتتبرع بالاموال لعلاج اطفال شعب مصر الشقيق Miss_CaR!zma 26-10-2006, 12:28 PM مممممممممم لو بقيت رئيسه جمهوريه مصر العربيه افتراضا بانى نجيت من الاغتيال :D اول حاجه ههتم بيها هى تعليم الاطفال هتقولوا ليه؟ اقول الطفل المصرى اذكر طفل فى العالم بلا منازع لحد سن 6 سنين وماذا بعد 6 سنين؟ بيبدا الغباء يحل عليه الا من رحم ربه والسبب ان التعليم بتاعنا عايز recorder وركن عقل حتى الرياضه بنحفظ فيها نظريات وبعدين لو حد هيحارب بجد هيبقى مش الجيل 2006 ده لا دفعه الاطفال اللى بعد 10 سنين لو كان مصر لسه فيها عمر وبس :rolleyes: اينشتاين 26-10-2006, 01:50 PM اول حاجة هاسيب الاحزاب تشتغل براحتها تانى حاجة هالغى الدستور ده واعمل دستور جديد ويكون دستور محترم زى دول اوروبا وهاخلى الرئيس ما يقعدش اكتر من فترتين ف الحكم زى امريكا تالت حاجة هاخلى كل الجرايد تبقى حرة وكل صحفى يقول اللى على كيفه بس اللى هيجيب سيرتى هيعرف ايه اللى هيجراله رابع حاجة هاحجم نشاط الاخوان عشان لحسوا عقول المصريين وهامنع اى نشاط سياسى باسم الدين عشان الشعب المصرى ده ساذج وبيصدق اى حد خامس حاجة بقى عشان اضحك ع الشعب المصرى هاربى دقنى وابنى جوامع عشان يقولوا رئيس مؤمن وبتاع ربنا ويصدقونى على طول ( شعب طيب اوى اوى اوى ) سادس حاجة هامنع الاختلاط ف الجامعة عشان البلاوى اللى بتحصل من وراه وهاصدر قانون ينص على ان الطلبة اللى يتجوزوا عرفى يدخلوا السجن سابع حاجة هاخلى الثانوية سنة واحدة والغى الفيزيا الهابلة اللى بناخدها دى واحط فيزيا حديثة ( كمبيوتر وستالايت والكترونيات الخ الخ ) عشان الفيزيا ام العلوم وانا عايز اطلع اجيال عبقرية ( انا عارف انى باحلم ) تامن حاجة هافتح موقع وكل مواطن عنده شكوة يحطها فيه او بمعنى اصح هاعمل منتدى وكل وزير يبقى له عضوية والمواطن اللى له شكوى يخش يشتكيه والوزير يرد عليه وانا ابقى الادمن تاسع حاجة ادخل المية والنور للمناطق المعزولة وابنى مدن جديدة ف المحافظات عشان الضغط يقل على العاصمة عاشر حاجة اخلى وزارة الثقافة تفتح مكتبة كبيرة او بالاصح دار نشر كبيرة تصدر كل الكتب وتنزلها باسعار زهيدة جدا عشان انا باعانى من ارتفاع اسعار الكتب وعايز كل الشباب يقروا ويتثقفوا بدل الاغانى الهابطة والتشييت ايه رأيكم بقى فى البرنامج الانتخابى بتاعى انتخبونى بقى براءة 26-10-2006, 02:21 PM وانا هشتري علبة رانى بالخوخ علشان بحبه لا علبة ايه ؟؟ انا هحتكر رانى كله اللى فى السوق وهخلى الاكل ببلاش وهحطه فى حنفيات زى الميه .. اما عن التعليم فهمنع منعا باتا حد يتعلم فى مصر هبعت بعثات الصومال والشيشان وفلسطين والعراق هناك هنتعلم احسن من اى مكان تانى بجد نسيت صحيح الاخ بركه هعلق راسه تذكار على باب زويله .. رغم ان منظره يغم بس مينفعش يعنى ننسي الراجل ده عمل توشكى وحاجات جميلة زيها .. بس كده The_Relativistic200 26-10-2006, 02:49 PM يا اينشتين كونك قلت دستور مع نفسك ادى اول غلط انت متعرفش البلد ناقصها ايه تحديدا دورت على الحاجات اللى تمسك بس زى ما نا شايف صحافة ودستور وتعليم فين الصحة لو رحت التأمين الصحى زيى هتشوف العجب ولا فى الخيال وبرضو فى مستشفى اطفال ابو الريش تقطع القلب انا اول حاجة اعملها الصحة الناس هتتعلم من غير صحة ازاى نص الطلبة والمدرسين مكسحين وعندهم عقد نفسية انا عن نفسى مش هقدر حاليا لانى معنديش الخبرة الكافية بس الصحة اهم حاجة هلغى كرة القدم دى خالص ونوفر فلوسها لحاجة تانية وهو ده اللى اقدر اعمله فلا احب افتى فى اللى مقدرش عليه فهمت قصدى يا اينشتين :D ويا رحمة ارحمينى يرحمك ربنا توشكى ايه اللى لسه مطلعش منها كيلو بلح حتى وبتستهلك فلوس على الفاضى والله الشعب ده غلبان ميعرفش حاجة :D :D براءة 26-10-2006, 02:57 PM نا بقول هعلق راس الراجل مش هعمله تمثال |