مشاهدة النسخة كاملة : كل البنات تعيط بصوت عالي


جميله
24-10-2006, 10:16 PM
<div align="center">أكد العلماء ان البكاء يطيل عمر المرأة‏.

ويفسر العالم رأيه بأن الدموع تحتوي علي نسبة من السموم تخرج من الجسم عن طريق البكاء مما يؤدي إلى خلو الجسم

منها.

‏ كما أن علماء الطب النفسي يؤكدون أن البكاء ينقذ امرأة العصر الحديث من الضغط العصبي الذي تعانيه وهي تواجه

مشاكل الحياة اليومية بعد خروجها للعمل‏,‏ ويري أطباء العيون أن الدموع تغسل العيون وتفرغ الشحنات السامة التي

تحدثها التوترات العصبية والعاطفية والانفعالات المتعددة التي تمر بها بصفة دائمة‏.‏

حبس الدموع يعني التسمم البطيء

يقول العالم الأمريكي آرثر فرونك :

بما أن الدموع تخرج المواد السامة من الجسم فإن حبس الدموع يعني التسمم البطيء,‏ وبما أن المرأة لها استعداد

فطري للبكاء اكثر من الرجل فإنها تعيش عمرا أطول منه بعد أن تتخلص من نسبة السموم التي تخرج عن طريق البكاء‏.

‏والنصيحة التي يقدمها العالم الأمريكي للمرأة هي إلا تحاول كبت دموعها ولا تؤجل البكاء عند مواجهة أي مشكلة

تواجهها فقد يكون في بعض الأحيان البكاء هو الحل‏

انتقل الى الاعلى</div>http://www.asmilies.com/smiliespic/psmilie/001.gif (http://www.asmilies.com)

=ivan=
24-10-2006, 10:53 PM
هههههههههههههههههههههههه...

طب اشمعنا البنات يعنى ؟؟ ... هى السموم اللى بتطلع فى الدموع دى مبتطلعش غير معاكو واحنا لأ !! ..

معلش .. عيطوا بقى .
===========

جميله
24-10-2006, 11:00 PM
علشان البنات حساسه اكتر يا باشمهندس

و دمعتها على خدها

و كل سنه و انت طيب

loza99
24-10-2006, 11:00 PM
شكرا علي الموضوع ياجميلة وعلي فكرة لكل اللي هيمروا الكلام ده صحيح بجد

وكمان ده مش للبنات فقط ياريت الولاد كمان يعيطوا يمكن يخلصوا من عقدهم

"سوري.. الكلام ده للمعقدين بس من الولاد يعني مش كلهم"

جميله
24-10-2006, 11:07 PM
المشكله الولاد بيشوفوا العياط عيب

احنا لا ... احنا بنعيط في اي وقت

ميرسي على المرور loza99

نهى جلال
25-10-2006, 12:01 AM
دا اكيد علشان البنات حساسة عن الاولاد :P :D
لكن الاولاد بيشوفوا ان ده عيب
وبعدين الاولاد هيجيبوا رقة وحساسية منين علشان يعيطوا ؟ :P :lol: :lol:
لا في بعض الاولاد حساسين وعندهم دم وبيعيطوا في اوقات كتير( بس ده قله قليلة مش قدنا ). B)
وشكرا ياجميلة على الافادة :)
وكل سنة وانتم طيبين

جميله
25-10-2006, 12:07 AM
ميرسي يا مودي روز يا حبيبتي يا عسل على المرور اللذيذ ده

و انتي معايا في كلامي و افتكر كل البنات معايا

و كل سنه و انتي طيبه :)

ranony
25-10-2006, 12:16 AM
شكرا ع الموضوع يا جميلة و انا فعلا سمعت الحكاية دى قبل كده
و فكرت كتير اوى هما الولاد ما بيعيطوش ليه لما يتعرضوا لموقف يضايقهم
هل يفتقدون الاحساس ام يرون البكاء ضعف؟؟؟؟؟؟؟؟؟؟؟
يا ريت اى ولد يمر يجاوب ع السؤال لانه محيرنى
thank u
happy eid :)

_GUIDE_
25-10-2006, 02:06 AM
شكرا على الموضوع
بس البكاء مش عيب انا ساعات بعيط من الظلم وده مش عيب
مره تانيه شكرا على الموضوع

doko
25-10-2006, 02:47 AM
موضوع جميل بارك الله فيكى


وجزاك الله كل خير

emoo
25-10-2006, 06:13 AM
وااااااااااااااااااااااااااااااااااااااااااااااااا ااااااااء
لا على فكره مش كل الولاد معندهمش احساس
بس هيا دى الفطره ربنا خلق الولاد عندهم قدرة تحمل اكتر من البنات
و عندهم صبر اكتر من البنات
ولا فى اعتراض :(

القطة الروشة
25-10-2006, 11:30 AM
طب قوليلي

ده انا اختك

انا مش هعيط بس انا هصوت

بس طبعا الاعمار بيد الله

ميرسي يا بت قصدي يا ابلة

=ivan=
25-10-2006, 02:39 PM
<div class='quotetop'>إقتباس</div>علشان البنات حساسه اكتر يا باشمهندس

و دمعتها على خدها

و كل سنه و انت طيب
[/b]

باشمهندس !! .. هو باين علية وللا ايه ؟؟ ..

وطبعا البنات حساسة اكتر .. و كل سنة وانتى طيبة يا جميلة ..

============================================

<div class='quotetop'>إقتباس</div> وكمان ده مش للبنات فقط ياريت الولاد كمان يعيطوا يمكن يخلصوا من عقدهم

"سوري.. الكلام ده للمعقدين بس من الولاد يعني مش كلهم"[/b]

ههههههههههههههههههههههههههههه .... معرفش والله .. انا بضحك اصلا على طول ...

=============================================
<div class='quotetop'>إقتباس</div>
هل يفتقدون الاحساس ام يرون البكاء ضعف؟؟؟؟؟؟؟؟؟؟؟
يا ريت اى ولد يمر يجاوب ع السؤال لانه محيرنى[/b]


لا .. هو مفيش فقدان احساس ... لكن الغضب عندنا بيغلب الحزن ... واظن الفرق واضح ..

غير ان الاختيار تانى " البكاء ضعف " .. ممكن يبقى صح ساعات كتير .....


======================================


شكرا على الموضوع اللذيذ .. وكل سنة وانتو طيبين

LA STELLA
25-10-2006, 04:26 PM
احب ارد على نقطة الاول
بتاعة ان الدموع ضعف فى احيان كتير
لا هى مش ضعف ولا حاجة
و ان الغضب عندكم يغلب الحزن
قمة الخطر
لان الغضب نتايجه وحشة و دمار

و الدموع انواع طبعا
فمنها اللى بيمثل و يتمسكن طبعا
لكن الدموع عامة
اللى اتكلمت عنها جميلة
الحزن
او الكبت
او..
او..

طبعا ليها فوايدها
و ليها برده فوايد نفسية كمان

يعنى مثلا حتى تلاقوا يقولك عيط عيط يمكن ترتاح
احسن من لما الواحد يكتم جواه و تيجى له عقدة
الدموع بتريح نوعا ما لكن ليس دائما او تريح غالبا

ده حتى العين بيبقى شكلها حلو بعد العياط :rolleyes:
بتبقى بتلمع كدة و الواحد وشه احمر حلو كدة...ههههههههههههه

شكرا ع الموضوع الحلو كتير

و احتمال يبقى لى عودة ان شاء الله لما افتكر الكلام اللى كنت برد اقوله اصلا بس نسيته لما جيت ارد :lol: :unsure: :o :huh: :rolleyes:

=ivan=
26-10-2006, 09:35 PM
ده حتى العين بيبقى شكلها حلو بعد العياط rolleyes.gif
بتبقى بتلمع كدة و الواحد وشه احمر حلو كدة...ههههههههههههه

----------------------------------------------------------------
=================================

هههههههههههههههههههههههههههههه..... ماشى ماشى .. بس فى ناس مبتعيطش من عينيها بس .. بتخرج كل اللى جواها ...وبتبقى النتايج سيئة للغاية ...
مبتبقاش عينيه بس اللى بتلمع

FRANKENSTEIN
26-10-2006, 11:30 PM
يعيطوا وعقد
لا فيه طرق تانية لاطاله العمر غير العياط
اهم طريقه تبتعد عن المرأه عشان بتقصف العمر
هههههههههه
وفيه اكل اكل صحي واياك تاكل اكل مراتك
ثالثا ممارسة الرياضه واياك تاخد مراتك معاك النادي

جميله
27-10-2006, 01:19 AM
شكرا رنوني ... سيف الله المسلول .... دوكو ... ايمو .... حابي ..... احمد يشن ... بسام .... على المرور

معلش اتاخرت في الرد

المهم ...الدموع و العياط و كل ده مش ضعف و مش عيب

و مش البنات بس اللي تعيط الرجاله كمان

لكن البنات احساسها باي حاجه بتكون اسرع

يعني مثلا لو طفل عيه

امه بتبقى هتوت عليه .... و ابوه عادي خالص

دي كل الحكايه

و شكرا مره تانيه و كل سنه و انتم طيبين :)

shahra
28-11-2006, 09:13 PM
انا تقريبا ببكي كل يوم :wacko:

وبابا بيسميهم موع التماسيح
;)

Mr. Medhat Salah
15-09-2010, 09:30 PM
http://madridi4arab.net/up//uploads/images/domain-4802c244ce.gif

دينا دونا
21-09-2010, 03:11 AM
ثـانكـس علي التوبيكـ الرائـع


تقبلي مروري :) :)

smsma81
21-09-2010, 09:46 AM
وبما أن المرأة لها استعداد

فطري للبكاء اكثر من الرجل فإنها تعيش عمرا أطول منه بعد أن تتخلص من نسبة السموم التي تخرج عن طريق البكاء‏.

انا مبحبش اعيط بحس ان المشكله مش حتتحل بالدموع.ومش بحب الراجل اللس بيعيط وبيقول بريح عن نفسي لانه بحس انه ضعيف مش قادر يفكر وياخد قرار

Mr. Ali 1
03-10-2010, 01:19 AM
بما أن الدموع تخرج المواد السامة من الجسم فإن حبس الدموع يعني التسمم البطيء,‏ وبما أن المرأة لها استعداد فطري للبكاء اكثر من الرجل فإنها تعيش عمرا أطول منه بعد أن تتخلص من نسبة السموم التي تخرج عن طريق البكاء‏.

صح كلام سليم .
هي تخرج السموم وترتاح وتصدرها للراجل ويتكل !!!!!!!! هههههههههههههههههه