كلمتين صغيرين ياحلوين يامقطقطين(الطلبه الجدد بطب بيطري القاهره ) [الأرشيف]

SENDRILLA

10-09-2009, 02:45 PM

اولا المواد
بصوا مبدئيا انتو عندكو في سنه اولي التيرم الاول 7 مواد
هستولوجي واناتومي ورعاية حيوان ولغه وحاسب الي وبيولوجي وبيوفيزيكس
ناخدهم واحده واحده كده
الهستولوجي :
ماده لذيذه جداااااااا
النظري بتاعها في التيرم الاول عباره عن انواه الانسجه اللي في الجسم
كل دكتور هيدخل يشرحلكو نسيج منهم
وطبعا كله بالانجليش
العملي بتاعها سكشن ساعتين كل اسبوع والدكتور بيدخل يشرحلكو ملخص كده للنسيج اللي خدتوه في النظري وبعدين تشوفو 7 عينات تقريبا وترسموهم في الكتاب باقلام ازرق واحمر خشب
ومذاكرة الماده في التيرم الاول حلوه جدا من كتاب دكتور سمير الشافعي واطلس د.جهاد
وفي ناس بتفضل الاطلس مع كتاب القسم بتاع د. مختار
انا بقي كنت بذاكر من ال3 واحيانا معاهم ورق
_____________________________
الاناتومي :
ماده برده مش بطاله
هتاخدو فيها في التيرم الاول القدم الاماميه والخلفيه لحيوان نموذجي وهو الحصان
ده العملي
النظري بقي حاجات كلها في جسم الحيوان وبرده كنموذج الحصان
بس مش فاكره الموضوعات بالظبط بصراحه
لكن المره الجايه اكون لقيت الكتاب واشوف
والمذاكره غالبا من ورق بينزل في المكتبات وبيبقي ملخص
وعلي حسب الورق اللي بترتاحيله تمام
والنظري سكشن كل اسبوع 3 ساعات بس يعني ممكن تاخدو ساعتين بس والساعه يا اما تراجعو فيها اللي خدتوه في السكشن ده واللي فات يا اما غالبا بتعدو تضحكو وتهزرو اصل جو المشرحه لذيذ اوي ;)
________________________________
رعاية الحيوان :
النظري بتاعها بتاخدو الحصان مثلا وتاخدو كل حاجه عنه
6 حيوانات او 7 وكل حاجه عنه وكل دكتور بيدخل يشرح حيوان من اوله لاخره
وبتتذاكر من المحاضرات
العملي بتاخدو في الكليه الجديده
نص السكشن تقريبا نظري عملي والباقي عملي ع الحيوان
وبرده بيتذاكر من السكاشن وممكن ورق مساعد يعني
__________________________________
البيولوجي:
ينقسم ل2
زولوجي وبوتاني
الاتنين ازبل من بعض :d
يعني هما مش صعبين بس المشكله انكو مش هتبقو عارفين تذاكرو منين
بس في ورق بينزل في الاخر كده مراجعات نهائيه هيظبطكو
والعملي هتتقسمو مجموعتين مجموعه تاخد زولوجي الاول 6 اسابيع والتانيه بوتاني وتبدلو بعدين
وبتاخدوها في علوم
_____________________________________
بيوفيزيكس او فيزياء حيويه:
ودي برده في علوم
وهتعدو طول السنه بتحاولو تفهمو الدكتوره بتقول ايه
غالبا مش هتعرفو يعني بس حاولو
وفي ناس كتير بتفهم يعني زيي كده الحمد لله ;)
بس اللي ظبطنا مراجعه برده كده مع الدكتوره وجبت فيها جيد جدا
والعملي بتاعها 8 تجارب تقريبا وهتشتغلو واحده فيها في امتحان العملي
______________________________________
عنجليزي:d :
بتبقي محاضره كل اسبوع وانصحكو انكو تحضروها
وفي الاخر الدكتور بتشوف حد كان بيكتب وراها كل حاجه وتقولله ينزللها في المكتبه والدفعه كلها تصورها
ومن السهل تقفيلها لو عندكو خلفيه عن الانجليش من ثانوي واعدادي وكده
_____________________________________
حاسب الي :
وده سمعت انه اتلغي من عليكو
بس يعني هنقول انها ماده مش كتير بينجحو فيها
مش لحلجه غير لان الدكتره مزاجها كده
بس سمعت ان الدكتوره دي مسكت منصب في كليتها
وبالتالي اللي هيديكو المعيدين
لو المعيدين اللي هيدوكو يبقي ان شاء الله اضمنو امتياز
لان الماده هايفه جدا
بس الدكتوره مكانتش حتي راضيه تعرفنا احنا خدنا ايه في الكتاب ومخدناش ايه

يااااااه
ايدي وجعتني اوي من الكتابه
بس يارب تكونو استفدتو
وعلي فكره اول 3 مواد ب 100
والباقي ب 50
يعني مجمل التيرم 500 درجه
ومش هنقبل باقل من امتياز سامعين:)
وربنا يوفقكو
وان شاء الله الحلقه الجايه يا اما تختارو انتو موضوعها
يا اما لو تحبو انا اكلمكو في حاجه تانيه
والسلام عليكم ورحمة الله

د\رغدة

10-09-2009, 03:13 PM

انا برضو داخلة بيطري القاهرة ويا ريت اكون معاكم
اهلا وسهلا بيكي يالاءاوتسمحيلي اقولك يا لولي وان شاء الله نكون مع بعض ونبقي اصحاب كمان وربنا يوفقنا في الكلية الجامدة دي

د\رغدة

10-09-2009, 03:18 PM

متشكرين ليكي جدا ياسندريلا ومعلش تعبنالك ايديكي وانشاء الله نتقابل في المشرحة زي ما انتي عايزة بس موضوع المواد ده شكلة مش سهل خالص ربنا يعديها علي خير

Hamset_Etab

10-09-2009, 07:33 PM

تشوفو 7 عينات تقريبا وترسموهم في الكتاب باقلام ازرق واحمر خشب

يا راجل!!!!
هو انا هرسم تانى
ده ربنا عداها على خير فى الاحياء بس مش كل مره تسلم الجره
_____________________________

البيولوجي:
ينقسم ل2
زولوجي وبوتاني
الاتنين ازبل من بعض :d
احلى حاجه فيكى الصراحه:bosyht9:
_____________________________________
بيوفيزيكس او فيزياء حيويه:
وهتعدو طول السنه بتحاولو تفهمو الدكتوره بتقول ايه
غالبا مش هتعرفو يعني بس حاولو
طيب كويس انى عرفت
بس المهم الفيزياء دى مش زى بتاعه ثانوى مش كده؟؟؟؟؟؟
______________________________________

حاسب الي :
ودهبس يعني هنقول انها ماده مش كتير بينجحو فيها

ماشى يا حجه ادعيلنا نعدى والنبى

يااااااه
ايدي وجعتني اوي من الكتابه
لا الف سلامه
بس يارب تكونو استفدتو
كتير اوى شكرااااااااا ليكى

ومش هنقبل باقل من امتياز سامعين:)
يسمع منك ربنا
وان شاء الله الحلقه الجايه يا اما تختارو انتو موضوعها
يا اما لو تحبو انا اكلمكو في حاجه تانيه
اختارى انتى حاجه كده على ذوقك
بس طلب صغير
ايه حكايه الكليه الجديده والقديمه دى
انا مش فاهمه حاجه خالص:(

والسلام عليكم ورحمة الله

وعليكم السلام ورحمه الله

SENDRILLA

10-09-2009, 07:34 PM

متشكرين ليكي جدا ياسندريلا ومعلش تعبنالك ايديكي وانشاء الله نتقابل في المشرحة زي ما انتي عايزة بس موضوع المواد ده شكلة مش سهل خالص ربنا يعديها علي خير
العفو يا رغده علي ايه
ده واجبي يا قمر:)
بالنسبه للمواد
عايزه اقوللك ان التيرم الاول سهل جدا
اول اسبوعين تلاته في الدراسه دي هتقولي ايه اللي كانت بتقولهولنا ده فين السهوله دي
بس بعدين هتعرفي انه فعلا سهل
ومواده لذيذه جدا بجد
والدكاتره هيبقو حاسين بيكو وبرهبتكو من دخول الكليه
ومش هيشدو حيلهم عليكو اوي غير لما يحسو ان خلاص قلبكو جمد ع الكليه وتعبها
بس حقيقي الكليه صعبه اوي واللي مش داخلها بمزاجه ومقتنع بيها انصحه يحول من قبل ما يدخلها :stickjo4:

SENDRILLA

10-09-2009, 07:40 PM

وعليكم السلام ورحمه الله

بصي يا قمر
فتحي مخك معايا كده
الكليه القديمه دي في ميدان الجيزه
جنب زراعه
في شارع الجامعه
ومؤخرا حطو يافته كده منور عليها اسم الكليه قبل كده بقي كنا بنعرفها بالشبه :p
الكليه الجديده
جنب مستشفي الطللبه والمدينه الجامعيه
علي نفس الصف يعني
احنا خدنا سنه اولي كلها في الكليه القديمه ماعدا سكاشن الرعايه كنا بنروح الكليه الجديده ناخدها
سنه تانيه من المفترض اننا نبقي في الكليه الجديده
لكن سمعت يعني انهم هيخلو سنه اولي في الكليه الجديده عشان نضيفه ولذيذه واحنا نكمل السنه دي في الكليه القديمه :040vk0:
علي اساس ان انتو علي راسكو رييشه :mad:
بالنسبه للكلام اللي قلتهولك علي مواد علوم يعني
والله انا ماقصدش اعقدكو
ده فعلا اللي بيحصل
بس ده ميمنعش اني الحمد لله جبت امتياز التيرمين ومرتبه علي الدفعه برده في التيرمين ;)
بس هتلاقو نفسكو تايهين في الاول بس هتتظبطو في الاخر
وانا بس اما اتعرف عليكو هبقي اديلكو المفيد من الورق
عشان مش كل شويه رايحه فين رايحه المكتبه جايه منين جايه من المكتبه :006et4:
واحنا في الخدمه يعني يا همسه

SENDRILLA

11-09-2009, 11:59 PM

ازيكو يابناويت
يارب تكونو بخير
النهارده بقي جايبالكو حاجه جديده
رغم اني فاصله وعايزه نام:giljotiiniug3:
بس طلبت معايا احط رد دلوقتي :bosyht9:
ماعلينا :028ja7:
المهم النهارده معانا ايه بقي
يوم في حياة بيطراوي
يومه بيبدأ زي كل الناس مع بعض الاختلافات البسيطه:006et4:
يعني الناس بتفطر شاي بلبن وبقسماط مثلا ولو امكن ساندوتش مربي
لكن بيطراوي بيفطر كوباية ميه ساقعه ع الريق عشان بس يلحق المحاضره اللي بيبتدي 8 والباب بيتقفل الساعه 8 الا ربع
الناس بتنزل متهندمه ومتظبطه عشان شكلها قدام الناس;)
بيطاروي كل همه ياخد في ايده البالطو الحيله والمشرط والفورسيبس ملقاط بالبلدي يعني ويمكن ساندوتش عشان ياكله في المشرحه ع الريحه:frown:
بينزل متلهوج عشان يلحق اتوبيسه ولا ميكروباصه ولا تاكسيه ولا عربية المترو ولا عربية بابا اللي بيوصله رأفة بحاله :friendsxs3:
يادوب يوصل الكليه في المعاد يدخل جري ع المحاضره ولا السكشن
يا لحق يعد ياملحقش
ماعلينا المهم انه يحضر عشان لو جه متاخر ثانيتين هيلاقي نفسه قاعد ع السلم في ايده كوباية نسكافيه من عند عمو جيمي عشان يفوق كده ويعرف يلاقي حد ياخد منه المحاضره وياحبذا لو كان يتقل عليه يشرحهاله :friendsxs3:
بعدين بيجري علي عمو جيمي برده يخطفله واحد باتيه علي واحد عصير ولا كان بيبسي عشان يلحق المحاضره التانيه عشان الاولي بتخلص 11 التانيه بتبدي 10.30 رأفة بحال الطلبه عشان يعرفو يفطرو :022yb4:
راح المحاضره الاولي والتانيه ومنها ع السكشن
والسكشن النهارده ايييييييييييه
النهارده هنشرح حصان :excl:
مفيش بقي اغمن عليا اغمن عليا :p
لأ ده انت ان مكنتش تتخانق علي كرسي تلزقه في الترابيزه وتبحلق للمعيد
هتطلع من السكشن دماغك انضف من الصيني بعد غسيله
:excl:
خلص الاولاني والتاني هوب الساعه جات 6
يانهار 6 وانا مكلتش من الصبح غير واحد باتيه
اما الحق اروح بيتنا عشان اتغدي بقي
بس مين يروحك بيتكو الساعه 666666:excl::excl::excl:
قدامك لبعد العشا علي ماتوصل بيتكو في امان الله
يكون الغدا بقي عشا :006et4:وتوفيرا في ميزانية البيت برده ممكن تنام خفيف :d
يادوبك تلحق تشوف صورت ورق ايه من مين وبتاع ايه وتقرا المحاضرتين كأنهم ورقتين جرنان بتوع صفحة الحوادث والوفيات :022yb4:
تنام زي القتيل والمنبه مظبوط تمام ع الفجر عشان اذاكر كلمتين وابقي متفوق :bosyht9:
هوب تلاقي منبه بس من النوع التقيل شويه نازل علي دماغط
قوم يابني ولا يابنتي الله يخرب بيت اللي يدخل ابنه بيطري قوم الساعه 7 يادوبك تلحق نص المحاضره التاني لو الدكتور كان ابن حلال
وترجع ريمه لعادتها القديمه
ودواليك
هوب يوم ورا التاني
عندنا امتحان عملي الاسبوع الجاي يا ولاد يا شطار
ورقه من هنا علي ورقه من هنا علي كلمتين من هنا تعدي الماده الحمد لله وتعدي اللي بعدها واللي بعدها وتلاقي النتيجه منوره والناجح يرفع ايده والله يرحمك ياعبد الحليم
ناخد اجازه يوم ورا يوم نرجع تاني لموال قديم
وهانت فاضل اربع سنين بس
يعني زي شكة الدبووووس
بس دبوس رخم شويه

وادي حياة بيطراوي
وسنه ورا سنه يتخرج ويشتغل في المكان اللي ربنا يريده بقي
واللي بعد كده نامو بس وانتو هتحلمو بيه
وبسسسسس
وكل سنه وانتو طيبين:022yb4:
ونلتقي في حلقه جديده ان شاء الله بقي علي خير

lobna24

12-09-2009, 04:42 AM

lobna24

12-09-2009, 04:55 AM

ازيكو يابناويت

يارب تكونو بخير
النهارده بقي جايبالكو حاجه جديده
رغم اني فاصله وعايزه نام:giljotiiniug3:
بس طلبت معايا احط رد دلوقتي :bosyht9:
ماعلينا :028ja7:
المهم النهارده معانا ايه بقي
يوم في حياة بيطراوي
يومه بيبدأ زي كل الناس مع بعض الاختلافات البسيطه:006et4:
يعني الناس بتفطر شاي بلبن وبقسماط مثلا ولو امكن ساندوتش مربي
لكن بيطراوي بيفطر كوباية ميه ساقعه ع الريق عشان بس يلحق المحاضره اللي بيبتدي 8 والباب بيتقفل الساعه 8 الا ربع
الناس بتنزل متهندمه ومتظبطه عشان شكلها قدام الناس;)
بيطاروي كل همه ياخد في ايده البالطو الحيله والمشرط والفورسيبس ملقاط بالبلدي يعني ويمكن ساندوتش عشان ياكله في المشرحه ع الريحه:frown:
بينزل متلهوج عشان يلحق اتوبيسه ولا ميكروباصه ولا تاكسيه ولا عربية المترو ولا عربية بابا اللي بيوصله رأفة بحاله :friendsxs3:
يادوب يوصل الكليه في المعاد يدخل جري ع المحاضره ولا السكشن
يا لحق يعد ياملحقش
ماعلينا المهم انه يحضر عشان لو جه متاخر ثانيتين هيلاقي نفسه قاعد ع السلم في ايده كوباية نسكافيه من عند عمو جيمي عشان يفوق كده ويعرف يلاقي حد ياخد منه المحاضره وياحبذا لو كان يتقل عليه يشرحهاله :friendsxs3:
بعدين بيجري علي عمو جيمي برده يخطفله واحد باتيه علي واحد عصير ولا كان بيبسي عشان يلحق المحاضره التانيه عشان الاولي بتخلص 11 التانيه بتبدي 10.30 رأفة بحال الطلبه عشان يعرفو يفطرو :022yb4:
راح المحاضره الاولي والتانيه ومنها ع السكشن
والسكشن النهارده ايييييييييييه
النهارده هنشرح حصان :excl:
مفيش بقي اغمن عليا اغمن عليا :p
لأ ده انت ان مكنتش تتخانق علي كرسي تلزقه في الترابيزه وتبحلق للمعيد
هتطلع من السكشن دماغك انضف من الصيني بعد غسيله
:excl:
خلص الاولاني والتاني هوب الساعه جات 6
يانهار 6 وانا مكلتش من الصبح غير واحد باتيه
اما الحق اروح بيتنا عشان اتغدي بقي
بس مين يروحك بيتكو الساعه 666666:excl::excl::excl:
قدامك لبعد العشا علي ماتوصل بيتكو في امان الله
يكون الغدا بقي عشا :006et4:وتوفيرا في ميزانية البيت برده ممكن تنام خفيف :d
يادوبك تلحق تشوف صورت ورق ايه من مين وبتاع ايه وتقرا المحاضرتين كأنهم ورقتين جرنان بتوع صفحة الحوادث والوفيات :022yb4:
تنام زي القتيل والمنبه مظبوط تمام ع الفجر عشان اذاكر كلمتين وابقي متفوق :bosyht9:
هوب تلاقي منبه بس من النوع التقيل شويه نازل علي دماغط
قوم يابني ولا يابنتي الله يخرب بيت اللي يدخل ابنه بيطري قوم الساعه 7 يادوبك تلحق نص المحاضره التاني لو الدكتور كان ابن حلال
وترجع ريمه لعادتها القديمه
ودواليك
هوب يوم ورا التاني
عندنا امتحان عملي الاسبوع الجاي يا ولاد يا شطار
ورقه من هنا علي ورقه من هنا علي كلمتين من هنا تعدي الماده الحمد لله وتعدي اللي بعدها واللي بعدها وتلاقي النتيجه منوره والناجح يرفع ايده والله يرحمك ياعبد الحليم
ناخد اجازه يوم ورا يوم نرجع تاني لموال قديم
وهانت فاضل اربع سنين بس
يعني زي شكة الدبووووس
بس دبوس رخم شويه

وادي حياة بيطراوي
وسنه ورا سنه يتخرج ويشتغل في المكان اللي ربنا يريده بقي
واللي بعد كده نامو بس وانتو هتحلمو بيه
وبسسسسس
وكل سنه وانتو طيبين:022yb4:
ونلتقي في حلقه جديده ان شاء الله بقي علي خير

بجد شكرا ليكى يا قمر اووووووووووووى
بجد مش عارفه من غيرك كنا هنعمل ايه
بجد تعبناكى اووووووى
لا تعبناكى ايه
انتى تعبانه لوحدك اصلن :bosyht9:
ههههههههه
انا لبنى وياريت تكون اصحاب :stickjo4:

SENDRILLA

12-09-2009, 01:06 PM

سورررررررررررررررى جدا انى دخلت متاخره بس معلش بقى
ما كنتش اعرف ان الموقع ده هيفدنى لحد ما اخلص تعليم واتجوز كمان
هههههههههههههههه
انا كنت بحسب خلاص ايام الثانويه اللى عشناها سوا بحلوها ومرها وخلاص
بس الظاهر اننا هنشرف هنا على طوووووووووووووووووووووول
عشان بس ما اطولش عليكو
انا لبنى داخله معاكو بيطرى القاهره لسه سنه اولى وفرحانه جداااا انى لقيت حد معايا ف الكليه اصل انا من بنها ومفيش حد معااااايا خالص ف الكليه وده كان مضايقنى اووى :(انى مش ليا صحاب بس خلاص بقى والا ايه ؟؟؟؟؟
هههههه:bosyht9:
اهلا بيكي يا لبني
بيطري القاهره هينور بأهل بنها ياقمر:022yb4:
وانتي تنوري المنتدي كله يا جميل
ويارب نكون بنقدر نفيدك

بجد شكرا ليكى يا قمر اووووووووووووى

العفو يا حبيبتي علي ايه بس
بجد مش عارفه من غيرك كنا هنعمل ايه
كنتي هتعملي كحك العيد والبيتي فور بقي والذي منه
بجد تعبناكى اووووووى
لا تعبناكى ايه
انتى تعبانه لوحدك اصلن :bosyht9:
هههههه كويس انك خدتي بالك:p
ههههههههه
انا لبنى وياريت تكون اصحاب :stickjo4:

انا يشرفني اننا نكون اصحاب ياقمر
هبعتلك ميلي ان شاء الله واكلمك في اقرب وقت
بس بلاش العصايه دي عشان بخاف :giljotiiniug3:

lobna24

12-09-2009, 03:26 PM

اهلا بيكي يا لبني

بيطري القاهره هينور بأهل بنها ياقمر:022yb4:
وانتي تنوري المنتدي كله يا جميل
ويارب نكون بنقدر نفيدك

انا يشرفني اننا نكون اصحاب ياقمر

هبعتلك ميلي ان شاء الله واكلمك في اقرب وقت
بس بلاش العصايه دي عشان بخاف :giljotiiniug3:

ههههههههه ماشى بلاش العصايه :abdoog8:ده ينفع ههههههههههههه
بهزر طبعا اوعى تزعلى

Hamset_Etab

12-09-2009, 05:45 PM

شكراااااااااااااااا ليكى يا سندريلا
مش عارفين نودى جمايلك فين والله:078111rg3:
بس تعرفى برغم اللى انتى قولتيه عن الكليه الا انها اهون الف مره من ثانوى وقرفه
فى الدروس مكنش فيه عم جيمى كان فيه عزيزه(عقبال املتك دى العصايه اللى بننضرب بيها عشان تفوقنا لو نمنا اصل النسكافيه كان خطر على صحتنا)
وكان فيه مدرسه لحد 2.30 بعدها اول درس يخلص 4 وبعدها الدرس اللى بيخلص 6 والمواصلات زى الطين برده
واروح تعبانه ولو قلت انام حبه
الاقى فى اجتماع حاله طؤارى فى ا البيت
ازاى تنامى وانتى فى ثانويه عامه ومش عارفه ايه
استنى الست ام همسه عشان تعملى القهوه واعد لحد 3 الفجر
وبعدين الست ام همسه تحن عليا وتقولى قومى نامى السهر مضر :frown:
واروح المدرسه نايمه على روحى واول ما دخل هاتك يا زعيق من الميس
مجبتيش الكراسه ليه يا زفته؟؟
اصلى نسيت يا ميس
نساكى الموت يا ختى اقفى هنا لحد الحصه ما تخلص
تعرفى دى كانت ميس الوطنيه (اصل الفاضى بيعمل قاضى)
انا فاكره ان من ساعه 3 اعدادى معملتش كراسه للمدرسه خالص

Phenom_taker

12-09-2009, 09:05 PM

اه ايوا ايوا بتوع بيطرى القاهره عاملين شله وفرحانين

انما انا غلبان لوحدى بيطرى الزقازيق

الا ماحدش جبر خاطرى بكلمتين وقالى شرفت معانا

lobna24

13-09-2009, 12:02 AM

اه ايوا ايوا بتوع بيطرى القاهره عاملين شله وفرحانين

انما انا غلبان لوحدى بيطرى الزقازيق

الا ماحدش جبر خاطرى بكلمتين وقالى شرفت معانا

شرفت معانا
هههههههههه:av4056bb7jp3:

SENDRILLA

13-09-2009, 12:32 AM

شكراااااااااااااااا ليكى يا سندريلا
العفو ياقمر

مش عارفين نودى جمايلك فين والله:078111rg3:
وديها تتفسح عشان بقالها كتير مخرجتش :039uw8:
بس تعرفى برغم اللى انتى قولتيه عن الكليه الا انها اهون الف مره من ثانوى وقرفه
بالتأكيد يا قمر بدون شك يعني
فى الدروس مكنش فيه عم جيمى كان فيه عزيزه(عقبال املتك دى العصايه اللى بننضرب بيها عشان تفوقنا لو نمنا اصل النسكافيه كان خطر على صحتنا)
ههههههههههه اوفر برده تصدقي
وكان فيه مدرسه لحد 2.30 بعدها اول درس يخلص 4 وبعدها الدرس اللى بيخلص 6 والمواصلات زى الطين برده
واروح تعبانه ولو قلت انام حبه
الاقى فى اجتماع حاله طؤارى فى ا البيت
ازاى تنامى وانتى فى ثانويه عامه ومش عارفه ايه
اه صحيح ازاي :mad: هههههههه
استنى الست ام همسه عشان تعملى القهوه واعد لحد 3 الفجر
لأ انا كنت بصحي 3 الفجر
مكنتش باخد دروس اساسا يعني اخري بره البيت الساعه 2
اذاكر لحد 9 كده وانام واصحي 3
شفتي بقي الدروس مضره بالصحه ازاي :stickjo4:
وبعدين الست ام همسه تحن عليا وتقولى قومى نامى السهر مضر :frown:
ياحيني بتصعبي عليها
واروح المدرسه نايمه على روحى واول ما دخل هاتك يا زعيق من الميس
مجبتيش الكراسه ليه يا زفته؟؟
هههههههه الله يرحم كانت اياااااااام :abdoog8:
اصلى نسيت يا ميس
نساكى الموت يا ختى اقفى هنا لحد الحصه ما تخلص
اها وشك للحيطه وارفعي ايدك وشيلي الشنطه وشغل البيبيهات ده :confused:
تعرفى دى كانت ميس الوطنيه (اصل الفاضى بيعمل قاضى)

انا فاكره ان من ساعه 3 اعدادى معملتش كراسه للمدرسه خالص

اها مياكلش معانا الكلام ده في بيطري يا همسه هاه:049gc0:
يعني لازم محاضره بمحاضره تكتبيها زي حالاتي او محاضره بمحاضره تصوريها زي حالات معظم الدفعه
بس الفرق ان هنا الدكتور مش هيمسكلك عصايه ويقوللك كملي كشكولك
لا انتي اللي هتتحملي بقي:abdoog8:

عاشقـــ الانمى ـــة

13-09-2009, 12:35 AM

يا سلام لو كل الطلبة زيك يا زوزا:d

SENDRILLA

13-09-2009, 12:35 AM

اه ايوا ايوا بتوع بيطرى القاهره عاملين شله وفرحانين

انما انا غلبان لوحدى بيطرى الزقازيق

الا ماحدش جبر خاطرى بكلمتين وقالى شرفت معانا
لأ طبعا ده انت تنور بيطري كلها
سواء في القاهره او الزقازيق مش فارقه
بس هي الفكره اني حاولت اجمع بتوع بيطري القاهره عشان اقدر افيدهم
واعتقد ان في ناس هنا كبيره في الزقازيق
دور واكيد هتلاقي حد يفيدك
وممكن تستفيد من هنا برده بس اعتقد في اختلاف في المواد ونظام الدراسه وكده
علي العموم ربنا يوفقك وتلاقي حد معاك ان شاء الله

SENDRILLA

13-09-2009, 12:40 AM

يا سلام لو كل الطلبة زيك يا زوزا:d

حنان في بيتنا قصدي في موضوعنا
نورتي يا نونا
وبالنسبه بقي لو كل الطلبه زيي
كانت البلد هتستورد طلبه من بره يا ماما :romarioxp6:

Hamset_Etab

13-09-2009, 05:34 AM

اها مياكلش معانا الكلام ده في بيطري يا همسه هاه:049gc0:

يعني لازم محاضره بمحاضره تكتبيها زي حالاتي او محاضره بمحاضره تصوريها زي حالات معظم الدفعه
بس الفرق ان هنا الدكتور مش هيمسكلك عصايه ويقوللك كملي كشكولك

لا انتي اللي هتتحملي بقي:abdoog8:

لالالالالالالا احنا رجاله برده
وكنت منتظمه فى الدروس كلها الحمد لله
لكن المدرسه دى كنت وخداها بالدراع:mad:
والابله الشاطره اللى كانت تعرف تمسكنى
كنت بجريهم ورايا الفصل كله:d
يله كانت اياااااااااااااااااااااام
المهم كنت عوزه اعرف منك هو الجدول نزل ولا لا؟
اصلى شوفت الجدول بتاع اسكندريه نزل يعنى:o

ملك الرحمة

13-09-2009, 11:36 AM

انا داخلة اولي بيطري القاهرة ان شاء الله
واتمني انضم ليكم ونبقي اصدقاء

مشكورة جدا سندريلا علي المعلومات

SENDRILLA

13-09-2009, 02:35 PM

لالالالالالالا احنا رجاله برده

وكنت منتظمه فى الدروس كلها الحمد لله
لكن المدرسه دى كنت وخداها بالدراع:mad:
والابله الشاطره اللى كانت تعرف تمسكنى
كنت بجريهم ورايا الفصل كله:d
يله كانت اياااااااااااااااااااااام
المهم كنت عوزه اعرف منك هو الجدول نزل ولا لا؟

اصلى شوفت الجدول بتاع اسكندريه نزل يعنى:o

لسه يا همسه الجدول منزلش
غالبا بينزل الاسبوع اللي قبل الدراسه
بس ع العموم اول ما يجيلي الجدول هنزلهولكو هنا ان شاء الله ياقمر

SENDRILLA

13-09-2009, 02:36 PM

انا داخلة اولي بيطري القاهرة ان شاء الله
واتمني انضم ليكم ونبقي اصدقاء

مشكورة جدا سندريلا علي المعلومات

صديقه جديده هتنور القسم والكليه كلها:022yb4:
اهلا بيكي يا ملك
ويارب تتبسطي معانا
بالنسبه للمعلومات بقي تابعي انتي بس وهتلاقي كل جديد ان شاء الله

د\رغدة

13-09-2009, 06:43 PM

اهلا وسهلابيكي ياملوكة وتنورينا طبعا واحنا يشرفنا كلنا انك تنضمي لينا

ملك الرحمة

13-09-2009, 06:55 PM

متشكرة جدا ليكم واسعدتني معرفتكم

ياريت نقدر نتواصل مع بعض ونفيد بعض ونستفيد باذن الله

حمااده

13-09-2009, 11:28 PM

يا سندريلا احنا هنروح اول يوم علوم وبيطرى وبعدين انه مواد الى لازم نختارها دى وانا برحب بكل الموجودين ويارب نفهم كلنا يا همسة عتاب

SENDRILLA

13-09-2009, 11:35 PM

يا سندريلا احنا هنروح اول يوم علوم وبيطرى وبعدين انه مواد الى لازم نختارها دى وانا برحب بكل الموجودين ويارب نفهم كلنا يا همسة عتاب
بص يا دوك
انت اول يوم هتروح علوم وتاني يوم كمان
بس غالبا لو في حفلة استقبال في الكليه في ناس بتوع الاتحاد هييجو ياخدوكو من الجامعه يودوكو الكليه الجديده عشان الحفله
تمام ؟ !!!
مش فاهمه ايه المواد اللي تختارها دي
ماعتقدش انك تقصد المواد الاختياريه عشان دي ماتجابش سيرتها ولسه هتبتدو تختارو من التيرم التاني
بيبقو عباره عن 5 مواد مطالب انك تاخدهم علي مدار ال5 سنين
غير المواد الاساسيه يعني
وممكن تاخد 7 ويختارولك اعلي 5
تمام
لكن بالنسبه للجدول اللي همسه حااطاه
فده مفيش حاجه هتختارها
انت بس قبل الدراسه بكام يوم تروح الكليه هتنزل كشوفات بالسكاشن وكده او ممكن تكلم شؤون الطلبه وتسألهم
وتشوف سكشنك وغالبا لو اسمك احمد يبقي سكشن أ
فهتشوف سكاشن أ مواعيدها ايه وهتروحها
ومتقلقش الحاجات دي والتوهان ده بيبقي طبيعي في الاول
اسبوع من الدراسه وهتلاقي كل حاجه اتظبطت
وبالتوفيق يا دكتور ان شاء الله

SENDRILLA

13-09-2009, 11:48 PM

ازيكو يا دكاتره
دلوقتي مش هقول بنات بقي عشان بقي في ولاد ;)
بصو وانا بتصفح احد المنتديات لقيت الكلام ده
وحسيت انه هيفيدكو

بسم الله الرحمن الرحيم
انا فتحت الموضوع ده يا جماعه عشان لاحظت ان في طلبه داخله الكليه جديده في سنه اولي او في كانت في اقاليم وعاوزين يحولوا القاهره وحاسه انهم تايهين ومحتارين وبصراحه ده كان احساسنا كلنا قبل ماندخل الكليه
عشان كده انا هكلمكم هنا علي 4 نقط

اولا :- نظام الكليه
النظام هو الساعات المعتمده وهو نظام اوربي مش بيتطبق غير عندنا وزراعة القاهره وحاسبات سنه اولي
المهم النظام ده يتلخص ان كل ماده متحددلها ساعات معينه تتدرس فيها وليك مواد محدده كل تيرم ممكن تأجل منها اللي انت عاوزه لكن مش ممكن تزود عليها مواد من التيرم اللي بعده
يعني ليك حرية التسجيل والاختيار في المواد اللي انت عاوز تدرسها كل تيرم بس في حدود المواد اللي مسموح بيها كل تيرم بس
بشرط ان لا يزيد عدد ساعات التيرم عن 25 ساعه بس

لكن في حاجتين مهمين خلوا النظام ده بإجماع الاراء كلها انه نظام فاشل
اول حاجه ان في مواد مترتبه علي بعضها يعني مثلا تشريح واحد تدرسه في تيرم وتشريح 2 تدرسه في التيرم اللي بعده
ولو شيلت تشريح واحد يبقي تاخده التيرم اللي بعده " مش السنه اللي بعدها " ولازم لازم تأجل تشريح 2 لانه معتمد عليه
وممكن تشريح 2 يأجلك مواد تانيه السنه اللي بعدها

يعني لو شلت حاجه ممكن تأجلك مواد كتير
وممكن تفضل تأجل كده لحد ناتقعد اكتر من خمس سنين في الكليه
تاني حاجه بقي ان مفيش SUMMER COURSE يعني المواد اللي هتشيلها ماينفعش تاخدها في الصيف عشان كده هتأجل هتأجل
مفيش مفر
هو ده تقريبا ملخص النظام

ثانيا :- المواد والدراسه نفسها
مكدبش عليكم الدراسه صعبه وعاوزه مذاكره واهتمام
ومش كل الدكاتره كويسه " وده موجود في كل الكليات "
وعاوزه اقولكم ان مفيش حاجه سهله اصلا واللي عاوز ينجح ويبقي ليه مستقبل ومكانه في المجتمع لازم يستحمل الصعب ويعديها
لكن لو ذاكرت واهتميت وحضرت محاضرات هتلاقي الموضوع سهل شويه وهتمشي فيه

ثالثا :- العملي والحيوانات
طبعا في ناس كتير بتخاف من الحيوانات وان طبعا كنت واحده منهم
لكن صدقوني هتتعودوا عليهم شويه شويه وهتلاقوهم عسولين وامامير اوي وهتحبوهم وهتحبوا التعامل معاهم
يعني نا فاكره ان اول حيوان امسكه واتعامل معاه كان حصان وطبعا انتوا عارفين الحصان بيخوف وكبير وقوي ازاي
لكن دلوقتي انا بحب الخيول جدا جدا ومش بخاف منهم خالص

عاوزه اقول كمان ان العملي مهم اوي ولازم تهتموا بيه عشان مفيش دكتور بيطري شاطر الا اللي بيشتغل عملي حلو

رابعا :- الشغل
طبعا احنا مجالاتنا كتييييييييييييييييييييييير جدا
منها شركات الادويه - المعامل البيطريه - معامل التحاليل - الصيدليات - العيادات والمستشفيات البيطريه - وزارة الصحه والحجر - المزارع - مزارع الاسماك - معارض الادويه البيطريه - مصانع الاعلاف - المشاريع الحره وتربية الحيوانات - الجيش والشرطه والمطار

يعني الشغل كتيير اوي ومحدش يقلق منه بس انت تتشطر في الكليه وتحدد هدفك وربنا يعينك ان شاء الله

مش عارفه اقولكم ايه تاني
اخر حاجه هقولها حاولوا تحبوا الكليه عشان تمشوا فيها
ودي كلمة حق مني مش عشان احببكم في الكليه ولا حاجه
انا فعلا بحبها اوي وبحمد ربنا ان انا فيها وفعلا هي احسن من غيرها بكتير
وسيبك من اللي يقول عليك دكتور بهايم ولا الحاجات دي
ده اصلا جهل واحنا داخلين في كل حاجه في حياة الناس

ودلوقتي انا هقتبسلكم بعض الكلام من ناس قديمه في الكليه وانتوا تحكموا بقي في الاخر

monmonayaa "سنه اولي"

اقتباس انا على فكرة عايزة اقولكم انى الاول كان نفسى ادخل كلية صيدلة بس ربنا ما اردش وكنت كتبه بعدها طب بيطرى القاهرة..وهى دى اللى انا هدخلها ان شاء الله انا الاول مكنتش عارفه انها مليانه تخصصات كتير ومجالاتها كتير كنت فاكرة انها فى حد ذاتها تخصص لوحدها بس روحت الكليه وسالت طلبه ودكتور فى الجامعه اعرفه من بعيد
مش عارفه سبحان الله انا لقيت نفسى راضيه وحبيتها يمكن اكتر من الصيدله وبينى وبينكم لقيتها مراحتش بعيد بالعكس جواها برضه مجال الصيدله وحاجات تانيه كتير قلت يمكن لما ادرس احب حاجات تانيه اكتر...وربنا معايا بقى واكيد انتوا كمان معايا بالنصائح ...وجزاكم الله خيرا

طارق فحسب

اقتباس بجد انا اؤكدلك انك مستحيل تسمعى كلام من اى واحد فى الكلية وتحبطى ابداهو طبعا انا عاذرك لانك بتفكرينى بنفسى اول ما دخلت الكلية عشت كنت هاموت على صيدلة بس اهو اللى حصل
بصراحة عشت فى اكتئاب وزادت الطينة بلا وعييت بعد 3 ايام من الدراسة ورقدت فى السرير شهر كامل واللة
بس بجد بعد كدة الحمد للة حبيت الكلية بطريقة غريبة لانها بصراحة كدة احسن كلية فى مصر مع احترامى لباقى الكليات وربنا يوفقك

dr_desperado

اقتباس أنا بكتب الموضوع دا و بإختصار علشان شايف في ناس مأروفة من البيطري

أولا لكل واحد داخل كلية الطب الببيطري أحب أقولك إنك في إختيارك لأي كلية في الزمن دا بتختار أكل عيشك

مجالات الطب البيطري كتييييييييييييرة جدا

1_إنت بتدرس كذا مجال في الكلية .. سيبك من الدراسة المهم إن عاوز تعرف إن مجرد بتردس أكتر من حاجة فا دا بيوسع نطاق شغلك يعني مش هتقعد تدور على شغل كتير زي بعض الكليات

2_ هقولك على حاجة إحنا مش بنتمحك في كليات تانية لكن
إنت ممكن تشتغل شغل الصيدلة لإنك بتدرس pharma

و معروف على مستوى العالم إن شركات الأدوية في أي بلد ( و إسأل بنفسك ) هتلاقي فيها بيطريين شغالين و الحمد لله

طاب بلاش لحسن الصيدليين يزعلوا

مجال اللحوم قولي شركات الأغذية عددها قد إية
شركات الدواجن (بتكسب كتير و الفضل لله ) صناعة الدواجن مشاريع شاغله العالم و أكيد ليك دخل في الموضوع
مزارع الأسماك
التحاليل
الطب الشرعي

في حجات كتييييرة أوي

بس مش دي الميزة

الميزة إن عدد كليت الطب البيطري في الوطن العربي قليل جدا ... علشان كدة تلاقيهم على طول مطلوبين

عاوزك تحسبها كده لما تلاقي الكليات التانية عدد طلبها و الخريجين منها زي الرز و علشان يبدأ يشتغل عايز راس مال كبير و خبرة علشان يبأ لية إسم مشهور و الناس تبتدي تروحله يكون شعره إبيض

أنا مش بهاجم كليات تانية

لكن أنا بقول الحقيقة
خريج كلية طب بيطري و لله الحمد مع إنه بيطلع عينه في الدراسة لكن الحمد لله بيلاقي فرص عمل

و سيبك من اللي يقولك دي مهنة قذرة

يقول صلى الله علية وسلم( فيما معناه) عندما سئل أو في البهائم أجر ؟؟
قال نعم في كل ذي كبد رطبة أجر

أو كما قال صلى الله علية وسلم

و بعدين مفيش شغل مش متعب

و متعب و مؤرف بس أقدر أتكسب منه
يبأ الحمد لله

صدقني محدش لاقي النعمة دي إنك تكون مطلوب في أكتر من جهة

نسأل الله إنه يرزقنا و يقوي إيمننا بالله و بالقدر

قول الحمد لله

وفي كلام من ده كتيير اوي
لو تجولتوا في الساحه هتلاقوه
المهم دلوقتي لو في اي استفسار تاني عن الكليه
ياريت يتطتب في الموضوع ده واحنا هنرد عليه
ولو في اي حد تاني عنده رأي غير ده وبيكره الكليه وشايف انها وحشه برضه يقول عشان الصوره تبقي كامله

ويارب تكونو استفدتو ولو جزء صغير من الرد ده
وبالتوفيق ان شاء الله

lobna24

14-09-2009, 01:43 AM

انا داخلة اولي بيطري القاهرة ان شاء الله
واتمني انضم ليكم ونبقي اصدقاء

مشكورة جدا سندريلا علي المعلومات

هههههههههههه
مش بقول الدفعه كلها بنااااات
ع العموم مرحبا بيكى معانا يا قمر
انا لبنى اولى بيطرى القاهره معاكى يعنى:friendsxs3:

حمااده

14-09-2009, 01:45 AM

طب حسب الجدول معاد سكاشن كليه علوم الساعة كام اول يوم ولو فى حد من الاتحاد هنقابلهم فى كلية طب بيطرى ولا علوم وانا متشكر جدا وخليها عليكى انا تعبك معايا ومعلشهو7 مواد دول اكيد انتى عارفة نظامهم انه الاسهل والافضل على مدار السنين وعلى فكرة انا محمد مش احمد

حمااده

14-09-2009, 01:47 AM

ماشى يا لبنى بس فى رجاله اهم واهلا بيكى

lobna24

14-09-2009, 01:56 AM

lobna24

14-09-2009, 02:26 AM

ماشى يا لبنى بس فى رجاله اهم واهلا بيكى

والله ما كنش قصدى
بس النت عندى مهنج ومش شفت ردك غير بعد ما كتبت
عااادى بقى
والا اغنى اغنيه البنت ذى الولد مهش كماله عدد
هههههههههههههههه;)

حمااده

14-09-2009, 10:23 AM

:022yb4:لا يا ستى متغنيش لما نجيب امتياز نغنى كلنا الناجح يرفع اديه مش اغنية تانية

SENDRILLA

14-09-2009, 12:53 PM

طب حسب الجدول معاد سكاشن كليه علوم الساعة كام
ده هيتحدد علي اساس جدول كلية علوم مش بيطري
وده هتلاقيه في كلية علوم عند مبني رعاية الشباب كده
وممكن ينزل ع النت برده
اول يوم ولو فى حد من الاتحاد هنقابلهم فى كلية طب بيطرى ولا علوم
بتوع الاتحاد غالبا بيجولكو علي علوم في المدرج
عشان عارفين انكو مش هتعرفو تروحو الكليه ولا حاجه
وهياخدوكو ويروحو علي الكليه
ده اللي حصل معانا مش عارفه ده هيتكرر السنه دي ولا في تغيير
وانا متشكر جدا وخليها عليكى انا تعبك معايا ومعلشهو7 مواد دول اكيد انتى عارفة نظامهم انه الاسهل والافضل على مدار السنين وعلى فكرة انا محمد مش احمد
ولا تعب ولا حاجه يا محمد
والمواد انا اتكلمت عنها بالتفصيل هنا في الموضوع
لو عايز تستفسر عن حاجه فيها اسأل تاني وميهمكش

SENDRILLA

14-09-2009, 12:59 PM

اه صحيح بالنسبه لكلامك يا سندريلا بجد مريح اوووووووووووووووووووى
وشكرا ليكى ع انك تعبه نفسك معانا يعنى وكده وجزاكى الله خيرا ع العموم
بس انا عاوزه اعرف بس اروح ادفع المصاريف امتى ؟؟
اصل كل اما اروح الاقى انهم بيقولوا لسه مش اتحددت
اعمل ايه؟؟؟؟؟؟؟؟؟؟؟؟؟؟؟؟
اولا مرسي علي كلامك الحلو واللي بيشجعني اني اقدملكم كل جديد
بالنسبه للمصاريف ياستي
انتي شاغله بالك ليه يعني
كده كده الكارنيه مش بيتعمل غير بعد الكليه بشهر كده ولا حاجه
وقبل كده بتدخلي الكليه ببطاقة الترشيح
يعني تخلي بالك انها لازم تكون موجوده معاكي اول يوم
انتي ممكن تاخدي رقم شؤون الطلبه من الدليل وتكلميهم لو عاوزه تستفسري عن حاجه
بدل ما تنزلي كل شويه
وممكن تدفعي المصاريف الاسبوع اللي قبل الدراسه او اول اسبوع في الدراسه
وبتبقي تقريبا 160 جنيه
بس مش هي دي بس كل الفلوس اللي بتدفعيها
انتي بتجيبي الكتب بقي بعد كده من مركز المطبوعات في البدروم بتاع مبني الاداره
وتقريبا بيدخلولهم في 500 او اكتر شويه :bosyht9:
وربنا يعينكم ويعيننا بقي :d

SENDRILLA

14-09-2009, 01:02 PM

:022yb4:لا يا ستى متغنيش لما نجيب امتياز نغنى كلنا الناجح يرفع اديه مش اغنية تانية
ياريييييييييت
والله هفرحلكو اوي لو جبتو تقديرات كويسه اول سنه
بس هي الامتيازات عندنا شاحه شويه
يعني التيرم الاول كنا 8 وبقينا 2 :d
بس مين عالم ان شاء الله ترفعو راسنا بقي :)

SENDRILLA

14-09-2009, 01:38 PM

ازاي اجيب امتيااااااز
سؤال مفيش طالب داخل كليه مبيسألهوش
ولأن فاقد الشيء لا يعطيه
فانا الحمد لله جايبه امتياز التيرمين وطالعه التانيه ع الدفعه السنه دي
وعشان كده حبيت اقوللكو علي شوية حاجات يمكن تفيدكو
اذاكر ازاااااااي؟
سؤال بيتبادر في ذهن كل واحد فيكو مش كده
عايزه بس اقوللكو علي حاجه
كل واحد ليه طبيعه وحاجه متعود عليها
مش شرط كل الناس اللي بتذاكر بنفس الطريقه تجيب نفس التقدير
ده بيبقي نصيب اولا واخيرا وكمان بتبقي حاجات نسبيه من شخص للتاني
بس يعني انا عارفه انكو هتبقو مزنوقين شويه عشان معندكوش اجازات وكده
بس كله هيعدي ان شاء الله
نبدأ في المفيد بقي
كليتنا من كليات قليله اوي اللي بيصعب فيها النجاح من غير فهم
يعني تقدرو تقولو 70 % فهم والباقي حفظ علي دماغ نضيفه
نشوف كده ماده ماده ونشوف هنذاكرها مع بعض ازاي
الاناتومي اللي هو التشريح يعني
ده هيدخللكو في الاول دكتور ياسر يديكو اكبر جزء في المنهج
وبجد ده دكتور كويس جدا هتعرفو تكتبو وراه وتترجمو وتعملو كل حاجه
ولو ذاكرتو الجزء ده من حاجه غير المحاضره هتبقو غلطانين
بعدي هيدخل كل دكتور يديكو محاضرتين تقريبا
ودي بتختلف بقي من دكتور للتاني
بس انت شويه شويه هيبقي عندك حس كده تقدر تعرف المحاضره دي كويسه واذاكر من الكشكول ولا اجيب ورق اذاكر منه
ده النظري
العملي انت احسنلك تكتب نوتس كده عن اللي بيتقال في السكشن
عشان تقدر تفتكر انت خدت ايه
ومعاك كتاب عملي الوان وجميل تقدر تستفيد منه كتير
وعندي سيديهات عملي كتير هبقي اجيبهالكو في الدراسه ان شاء الله وتنسخوها من بعض تمام
والامتحان عباره عن 30 عينه محطوط ابره ع المكان اللي مفروض تقول اسمه سواء كان عضم او عضلات او شرايين او اورده او اعصاب
ومدة كل عينه 30 ثانيه
وعملي الترم الاول رخم شويه
انا عن نفسي نزلت فيه 10 درجات بس عوضت نظري وجبت امتياز
خلص الاناتومي وان شاء الله تجيبو امتياز فيه
الهستولوجي
ده بقي فاكهة سنه اولي
ماده لذيذه جداا
محتاجه حفظ حبتين
بس رئيس قسم الهستولوجي دكتور كويس جدا اسمه دكتور مختار
هييجي في اخر محاضره من السنه يديكو الحاجات المهمه الي تذاكروها
بس الباقي مش هيتشاب لان انت عندك شفوي ولازم تبقي مذاكر كله بس الحاجات اللي الدكتور قال عليها تحفظها زي اسمك
والعملي كويس اوي وبرده بينزل سيديهات بتظبطه وبيبقي في 3 سكاشن مراجعه هتظبط الدنيا
والامتحان عباره عن 30 عينه بتتقسم بقي ميكرسكوبات وشاشه وبيانات
والماده من 100
50 نظري و30 عملي و 15 شفوي و5 نشاط او 10 شفوي و10 نشاط
خلص الهستولوجي وادي امتياز كمان
رعاية الحيوان
دي مذاكرتها محاضرات وسكاشن وبس
وهي دي السهولله انك مش هتبقي متشتت
والدكاتره كويسين اوي في القسم ده
وبرده الماده دي 100
50 نظري و30 عملي ( 15 نظري عملي تمتحنه في ورقه و 15 عملي عالحيوان وشفوي عملي ) و20 شفوي نظري
ولو مجبتش في الماده دي امتياز انت حر :abdoog8:
البيولوجي
ودي في علوم
وده بوتاني وزولوجي
والماده من 50 25 بوتاني و25 زولوجي
12.5 نظري وزيهم عملي
حاجه كده تافهه يعني
وغالبا هتذاكرو من ورق
وبرده سهل جدا تجيبو امتياز
بيوفيزيكس
دي ماده في علوم
الماده رخمه شويه او شويتين يعني
وبتذاكروها من الكتاب او احتمال ورق
والعملي 8 تجارب هتجيلك واحده منهم في الامتحان
والحرف اللي بتنساه في العملي بتنقص عليه درجات
يعني عايزه واحد صميم
ودي من 50 نص نظري ونص عملي
حاسب الي
ايامنا كانت صعوبتها في الدكتوره بتاعتها
عشان هي مزاجها تسقط الناس
ومكانتش بترضي تقوللنا حتي احنا خدنا ايه
بس اصحابي اللي خدوه سامر كورس
قالولي معيدين هما اللي ادوهم المقرر واللي قالوه جه في الامتحان
ودي من 50 نص نظري والباقي عملي وشفوي
ويارب تكون اسمها من سنتنا
انجليش
وده من 50
ومحاضره واحده في الاسبوع
لو حضرتها خير وبركه
محضرتهاش هيجيلك ملزمه اخر التيرم تجيب بيها 50 مش امتياز بس

___________________
التيرم الاول من اسهل مايمكن
بس صعوبته انكو بتبقو تايهين شويه
بس مجرد مابتعمل صداقات بتلاقي الموضوع سهل اوي
والشاطر اللي يتأقلم بسهوله
واياك اياك اياك تقرف من العملي ع الحيوان
لان لو الدكتور حس كده ودخلتله في العملي هيظبطك وهيشيلك الماده لو حب
والكلام ده هيتقاللك كتير
الموضوع مش محتاج انك تقرف خالص
الموضوع بسيط اوي محتاج شويه اراده وعزيمه
ودايما تفتكرو النجاح سهل بس الاصعب الحفاظ عليه
ومش كل اللي جاب 95 في ثانوي يجيب امتياز في الكليه
معلش طولت عليكو
بس الرد ده كان بناءا علي طلب دكتور حماده
عشان يعرف اننا مش بنتأخر عن مساعدة حد
وربنا يوفقكو
واللي هيجيب امتياز ليه عندي هديه حلوه :romarioxp6:

حمااده

14-09-2009, 02:18 PM

SENDRILLA

14-09-2009, 02:22 PM

الف شكر يا دكتورة سندريلا وربنا يسمع منك وان شاء الله انا بقولك حضرى الهدية ومستنين السيدهات
معلش اتخرت فى الرد عليكى شوية
بالنسبة للمواد انا قصدى المادتين الزيادة عن الخمسة ندرسهمن امتى فى انه سنة يعنى وناخد انه الاول وبجد والله الف شكر ليكى وربنا يخليكى لينا وتبقى اولى الدفعة السنة دى بقا
مفيش حاجه اسمها مادتين زياده
انت عندك سبع مواد بتدرسهم التيرم الاول
منهم مادتين في علوم والباقي في بيطري
واسفه اذا كنت مش قادره افهم انت عاوز ايه بالظبط

lobna24

14-09-2009, 03:23 PM

ازاي اجيب امتيااااااز

سؤال مفيش طالب داخل كليه مبيسألهوش
ولأن فاقد الشيء لا يعطيه
فانا الحمد لله جايبه امتياز التيرمين وطالعه التانيه ع الدفعه السنه دي
وعشان كده حبيت اقوللكو علي شوية حاجات يمكن تفيدكو
اذاكر ازاااااااي؟
سؤال بيتبادر في ذهن كل واحد فيكو مش كده
عايزه بس اقوللكو علي حاجه
كل واحد ليه طبيعه وحاجه متعود عليها
مش شرط كل الناس اللي بتذاكر بنفس الطريقه تجيب نفس التقدير
ده بيبقي نصيب اولا واخيرا وكمان بتبقي حاجات نسبيه من شخص للتاني
بس يعني انا عارفه انكو هتبقو مزنوقين شويه عشان معندكوش اجازات وكده
بس كله هيعدي ان شاء الله
نبدأ في المفيد بقي
كليتنا من كليات قليله اوي اللي بيصعب فيها النجاح من غير فهم
يعني تقدرو تقولو 70 % فهم والباقي حفظ علي دماغ نضيفه
نشوف كده ماده ماده ونشوف هنذاكرها مع بعض ازاي
الاناتومي اللي هو التشريح يعني
ده هيدخللكو في الاول دكتور ياسر يديكو اكبر جزء في المنهج
وبجد ده دكتور كويس جدا هتعرفو تكتبو وراه وتترجمو وتعملو كل حاجه
ولو ذاكرتو الجزء ده من حاجه غير المحاضره هتبقو غلطانين
بعدي هيدخل كل دكتور يديكو محاضرتين تقريبا
ودي بتختلف بقي من دكتور للتاني
بس انت شويه شويه هيبقي عندك حس كده تقدر تعرف المحاضره دي كويسه واذاكر من الكشكول ولا اجيب ورق اذاكر منه
ده النظري
العملي انت احسنلك تكتب نوتس كده عن اللي بيتقال في السكشن
عشان تقدر تفتكر انت خدت ايه
ومعاك كتاب عملي الوان وجميل تقدر تستفيد منه كتير
وعندي سيديهات عملي كتير هبقي اجيبهالكو في الدراسه ان شاء الله وتنسخوها من بعض تمام
والامتحان عباره عن 30 عينه محطوط ابره ع المكان اللي مفروض تقول اسمه سواء كان عضم او عضلات او شرايين او اورده او اعصاب
ومدة كل عينه 30 ثانيه
وعملي الترم الاول رخم شويه
انا عن نفسي نزلت فيه 10 درجات بس عوضت نظري وجبت امتياز
خلص الاناتومي وان شاء الله تجيبو امتياز فيه
الهستولوجي
ده بقي فاكهة سنه اولي
ماده لذيذه جداا
محتاجه حفظ حبتين
بس رئيس قسم الهستولوجي دكتور كويس جدا اسمه دكتور مختار
هييجي في اخر محاضره من السنه يديكو الحاجات المهمه الي تذاكروها
بس الباقي مش هيتشاب لان انت عندك شفوي ولازم تبقي مذاكر كله بس الحاجات اللي الدكتور قال عليها تحفظها زي اسمك
والعملي كويس اوي وبرده بينزل سيديهات بتظبطه وبيبقي في 3 سكاشن مراجعه هتظبط الدنيا
والامتحان عباره عن 30 عينه بتتقسم بقي ميكرسكوبات وشاشه وبيانات
والماده من 100
50 نظري و30 عملي و 15 شفوي و5 نشاط او 10 شفوي و10 نشاط
خلص الهستولوجي وادي امتياز كمان
رعاية الحيوان
دي مذاكرتها محاضرات وسكاشن وبس
وهي دي السهولله انك مش هتبقي متشتت
والدكاتره كويسين اوي في القسم ده
وبرده الماده دي 100
50 نظري و30 عملي ( 15 نظري عملي تمتحنه في ورقه و 15 عملي عالحيوان وشفوي عملي ) و20 شفوي نظري
ولو مجبتش في الماده دي امتياز انت حر :abdoog8:
البيولوجي
ودي في علوم
وده بوتاني وزولوجي
والماده من 50 25 بوتاني و25 زولوجي
12.5 نظري وزيهم عملي
حاجه كده تافهه يعني
وغالبا هتذاكرو من ورق
وبرده سهل جدا تجيبو امتياز
بيوفيزيكس
دي ماده في علوم
الماده رخمه شويه او شويتين يعني
وبتذاكروها من الكتاب او احتمال ورق
والعملي 8 تجارب هتجيلك واحده منهم في الامتحان
والحرف اللي بتنساه في العملي بتنقص عليه درجات
يعني عايزه واحد صميم
ودي من 50 نص نظري ونص عملي
حاسب الي
ايامنا كانت صعوبتها في الدكتوره بتاعتها
عشان هي مزاجها تسقط الناس
ومكانتش بترضي تقوللنا حتي احنا خدنا ايه
بس اصحابي اللي خدوه سامر كورس
قالولي معيدين هما اللي ادوهم المقرر واللي قالوه جه في الامتحان
ودي من 50 نص نظري والباقي عملي وشفوي
ويارب تكون اسمها من سنتنا
انجليش
وده من 50
ومحاضره واحده في الاسبوع
لو حضرتها خير وبركه
محضرتهاش هيجيلك ملزمه اخر التيرم تجيب بيها 50 مش امتياز بس

___________________
التيرم الاول من اسهل مايمكن
بس صعوبته انكو بتبقو تايهين شويه
بس مجرد مابتعمل صداقات بتلاقي الموضوع سهل اوي
والشاطر اللي يتأقلم بسهوله
واياك اياك اياك تقرف من العملي ع الحيوان
لان لو الدكتور حس كده ودخلتله في العملي هيظبطك وهيشيلك الماده لو حب
والكلام ده هيتقاللك كتير
الموضوع مش محتاج انك تقرف خالص
الموضوع بسيط اوي محتاج شويه اراده وعزيمه
ودايما تفتكرو النجاح سهل بس الاصعب الحفاظ عليه
ومش كل اللي جاب 95 في ثانوي يجيب امتياز في الكليه
معلش طولت عليكو
بس الرد ده كان بناءا علي طلب دكتور حماده
عشان يعرف اننا مش بنتأخر عن مساعدة حد
وربنا يوفقكو

واللي هيجيب امتياز ليه عندي هديه حلوه :romarioxp6:

شكرا ليكى يا قمر وادعيلنا انتى بس :d

SENDRILLA

14-09-2009, 03:23 PM

سوري يا دوك انا مكنتش فاهماك
انت قصدك علي المواد الاختياريه
هو الموضوع كبير شويه
انت المواد الختياريه ممكن تبتدي تاخدها من التيرم التاني سنه اولي
وعلي حسب الساعات المعتمده الفاضيه بيقوللك مسموحلك حد اقصي كام ماده التيرم ده
يعني انا مثلا خدت مادتين التيرم التاني
تاريخ وثروه جبت واحده امتياز وواحده مقبول بلا فخر
وبعدين هحاول اخد المواد السهله ويختارولي اعلي 5 مواد منهم بقي
اتمني اكون قدرت افيدك يا دكتور

SENDRILLA

14-09-2009, 03:26 PM

شكرا ليكى يا قمر وادعيلنا انتى بس :d
ربنا يوفقكو يا جميل
ويعينكو علي كليتنا دي
المهم تكونو بتستفيدو

lobna24

14-09-2009, 07:23 PM

ربنا يوفقكو يا جميل
ويعينكو علي كليتنا دي
المهم تكونو بتستفيدو

اه اكيد طبعا بنستفاد
ده اللى ما بيستفدش من الغربال يبقى اعمى
ههههههههههههههههههههههه
بهزر معاكى يا سكر اكيد طبعا يعنى وان شاء الله ربنا يكرمك على المجهود اللى بتعمليه ده :078111rg3:

Hamset_Etab

14-09-2009, 11:29 PM

يالهوووووووتى
اعمل ايه يعنى دلوقتى
اولع فى نفسى واخلص
هو انا اخلص من احياء وفيزياء امسك فى البلاوى دى كلها ياربى
بص يا زوزو هسالك سؤال وردى عليه ضرورى لو سمحتى
لو انا مثلا جبت فى الاربع سنين مقبول والسنه الاخيره جبت جيد جدا
هيبقى فى السى فى بتاعى انى جيبه جيد جدا ولا ايه بالظبط

lobna24

15-09-2009, 02:10 AM

يالهوووووووتى

اعمل ايه يعنى دلوقتى
اولع فى نفسى واخلص
ههههههههه ولا يهمك استنى شويه حتى تبقى الولعه جماعيه
هو انا اخلص من احياء وفيزياء امسك فى البلاوى دى كلها ياربى
:bosyht9:ومين سمعك يا همسه ربنا يعنا بقى
وخليكى فاكره ان كل قوووى ليه الاقوووى منه
بص يا زوزو هسالك سؤال وردى عليه ضرورى لو سمحتى
لو انا مثلا جبت فى الاربع سنين مقبول والسنه الاخيره جبت جيد جدا
هيبقى فى السى فى بتاعى انى جيبه جيد جدا ولا ايه بالظبط

يارب خليك معانا بقى

Hamset_Etab

15-09-2009, 02:44 AM

اسكتى يا لبنى انا مكنتش اعرف ان الجامعه فيها كل وجع الدماغ ده
انا كنت مفكره بعد الثانويه هرتاح
انا صحابى كلهم اللى فى كليه عايشين مبسوطين جدا ولا كلياتهم قرفاهم ولا غيره
دول السنه عندهم كلها اجازه ماعدا الشهر اللى قبل الامتحان
اشمعنا انا بقى حظى يطلع كده:frown:
ده انا كنت بذاكر طول السنه وادح واجى على نفسى واسهر واقول بكره تروق وتحلى والكليه هتبقى احلى
ادخل القى كل الكلام ده
المواد صعبه والدكاتره غلسه
ليه بس ده كله
هى الكليه دى هطلع كل الدفعه زويل على وجع الدماغ ده

lobna24

15-09-2009, 03:32 AM

ربنا يستر علينا بقى
ده والله بقيت احس بغربه لما باجى اكتب حاجه مش عارفه امسك القلم
لو فى موضوع ف مجله او جرنال او ف منتدى ولقيت شكله كبييييير شويه مش برضى اقراه بكسل
حسيت انى كرهت التعليم من السنتين اللى فاتوا دول
ربنا يسمحك قلبتى علينا المواجع

حمااده

15-09-2009, 09:57 AM

هههههههههههههههههههههههه
الله على احلى دكاترة من اولها كده امال لما تبدا الدراسة هنعمل ايه

SENDRILLA

15-09-2009, 11:06 AM

يالهوووووووتى

اعمل ايه يعنى دلوقتى
اولع فى نفسى واخلص
يابنتي البنزين غلي
بلاش تكاليف زياده بقي
هو انا اخلص من احياء وفيزياء امسك فى البلاوى دى كلها ياربى
بص يا زوزو هسالك سؤال وردى عليه ضرورى لو سمحتى
لو انا مثلا جبت فى الاربع سنين مقبول والسنه الاخيره جبت جيد جدا
هيبقى فى السى فى بتاعى انى جيبه جيد جدا ولا ايه بالظبط

بصي يا حبي
الكليه نفس نظام ثانوي بالظبط
التقدير بيبقي تراكمي
يعني يجمعولك مجموع ال5 سنين
ويقسمو علي 5
ويضيفولك المواد الاخياريه اللي زي المستوي الرفيه
لو فوق 55 مقبول
فوق 65 جيد
فوق 75 جيد جدا
فوق 85 امتياز
بس الموضوع بسيط اوي

SENDRILLA

15-09-2009, 11:18 AM

اسكتى يا لبنى انا مكنتش اعرف ان الجامعه فيها كل وجع الدماغ ده
هههههه ضحكتيني
بصي الفرق بين ثانوي وجامعه انك في ثانوي بتنجحي عشان اهلك عايزينك تنجحي بالغصب يعني
لكن في كليه انتي ومزاجك بقي

انا كنت مفكره بعد الثانويه هرتاح
هههه ده بعدك
انا صحابى كلهم اللى فى كليه عايشين مبسوطين جدا ولا كلياتهم قرفاهم ولا غيره
دول السنه عندهم كلها اجازه ماعدا الشهر اللى قبل الامتحان
اشمعنا انا بقى حظى يطلع كده:frown:
ياحبيبتي انتي لو بصيتي لاصحابك في تجاره واداب هيجيلك حاله نفسيه
انا بصي عندي 2 اخوات اكبر مني واحد كان تجاره والتاني هندسه
وللأسف كنت اكتر واحده متبهدله فيهم
بس نعمل ايه بقي يا هموستي النجاح مش سهل
واما تتخرجي تلاقي نفسك ليكي مكانه كبيره وسط زمايلك
هتعرفي ان اللي عملتيه مراحش هدر
ده انا كنت بذاكر طول السنه وادح واجى على نفسى واسهر واقول بكره تروق وتحلى والكليه هتبقى احلى
تصدقي كنت بقول كده برده
بس والله اريح من الثانويه كتير
وبكره تجربي
ادخل القى كل الكلام ده
المواد صعبه والدكاتره غلسه
مين قاللك كده
يكونش انا قلت كده ومخدتش بالي :039uw8:
يابنتي والله المواد مش صعبه
التيرم الاول ده اتفه ما يكون
بقوللك كان في 8 امتياز من 300
يعني بالنسبه لكليتنا حاجه عظيمه ;)
ليه بس ده كله

هى الكليه دى هطلع كل الدفعه زويل على وجع الدماغ ده

يابنتي خليها علي الله متفكريش فيها من دلوقتي
انا بس والله بقوللكو الكلام ده عشان كنت داخله الكليه دي مش فاهمه اي حاجه في اي حاجه
ولو مكنتش لحقت نفسي كنت ضعت
فحبيت انوركو يعني مش اكتر
وانتي يا لبني خليها علي الله
والله مفيش احسن من انك تعملي اللي عليكي والباقي بقي علي ربنا
وياسلام عليك يا دكتور حماده
مفيش اعقل من كده
عقلهم بقي احسن دي بنات وبتتدلع :p
ربنا يوفقكو يارب والاقيكو كلكو كده اوائل الدفعه في كل السنين

حمااده

15-09-2009, 12:06 PM

وياسلام عليك يا دكتور حماده

مفيش اعقل من كده
بينى وبينك غير انى نفسى فى امتياز ابويا واعدنى
عقلهم بقي احسن دي بنات وبتتدلع :p
دلع بنات او الصيام مأثر عليهم وهيعقلوا قريب:abdoog8:

ربنا يوفقكو يارب والاقيكو كلكو كده اوائل الدفعه في كل السنين
يا رب وفى الاخر متقلقيش هنكمل مسيرتك ونجيب جيد جدا على الاقل بس ركزى انتى السنة دى عشان عاوزين التقديرات الحلوة

والله انا كنت قلقان من التقديرات جدا بس الحمد الله والله كلامك اللى مطمنى وليكى هدية لو ربنا كرمنى وجبت تقدير حلو :friendsxs3:
وربنا يوفقنا كلناونرتاح قريب ياهمسة
على فكرة انا لما فهمت الجدول لقيت ان فى يوم اجازة غيرالجمعة
الحمد الله ادى يوم جه اهه لوحده زيادة

SENDRILLA

15-09-2009, 02:33 PM

والله انا كنت قلقان من التقديرات جدا بس الحمد الله والله كلامك اللى مطمنى وليكى هدية لو ربنا كرمنى وجبت تقدير حلو :friendsxs3:
وربنا يوفقنا كلناونرتاح قريب ياهمسة
على فكرة انا لما فهمت الجدول لقيت ان فى يوم اجازة غيرالجمعة
الحمد الله ادى يوم جه اهه لوحده زيادة
ماشي لما نشوف
بالنسبه ليوم الاجازه بقي
هو هيبقي فعلا في يوم الاتنين اجازه ل سكاشن "ج" و "د"
بس كل البنات اللي هنا غالبا "ب "
فمتزعلهمش بقي
انت بقي لو مش محول من كليه تانيه هتبقي في جيم او دال ان شاء الله
بس هي هتفرق معاك في يوم هتاخد السكاشن بتاعتك متأخر
بس انتو ممكن بعدين تحولو من السكشن بس المهم ميكونش العدد كبير عشان ميأثرش علي السكشن بتاعكو
وربنا معاكو

lobna24

15-09-2009, 03:56 PM

ماشي لما نشوف
بالنسبه ليوم الاجازه بقي
هو هيبقي فعلا في يوم الاتنين اجازه ل سكاشن "ج" و "د"
بس كل البنات اللي هنا غالبا "ب "
فمتزعلهمش بقي
انت بقي لو مش محول من كليه تانيه هتبقي في جيم او دال ان شاء الله
بس هي هتفرق معاك في يوم هتاخد السكاشن بتاعتك متأخر
بس انتو ممكن بعدين تحولو من السكشن بس المهم ميكونش العدد كبير عشان ميأثرش علي السكشن بتاعكو
وربنا معاكو

طب وانا هبقى سكشن ايه انا مش محوله ولا حاجه :bosyht9:

Hamset_Etab

15-09-2009, 05:02 PM

SENDRILLA

15-09-2009, 07:15 PM

طب وانا هبقى سكشن ايه انا مش محوله ولا حاجه :bosyht9:
اها انتي برده يالبني ممكن تبقي سكشن ج او د
حسب الاسماء يعني
ربنا ييسرلكو الحال ان شاء الله

SENDRILLA

15-09-2009, 07:19 PM

ايه ده هو انتو متفقين عليا ولا ايه

ماشى ماشى:stickjo4:
هو انا مش محبطه ولا كسلانه مش عوزه اذاكر
كل الحكايه انى عارفه قدراتى كويس
وكمان عارفه انى مش ذكيه بس مجتهده
يعنى اللى ميجيش معايا بالذكاء يجى معايا بالمذاكره اليامه
مابالك بقى لما الكليه بتبقى كده
هتبقى حاجه متعبه

ربنا يستر بقى

واحنا نقدر نتفق عليكي برده ياقمر
وبعدين الكليه اهم حاجه فيها الاجتهاد
بس لو مكنتيش ذكيه مكنتيش بقيتي معانا في الكليه يا هموستي
بلاش بس التواضع ده :d
بالنسبه لمتعبه فأكيد مفيش حاجه مريحه
ولازم تاخدي بالك ان الدراسه دي طاعه لربنا
يعني كل مجهود بتبذليه فيها في ميزان حسناتك:)

Hamset_Etab

15-09-2009, 08:35 PM

واحنا نقدر نتفق عليكي برده ياقمر
ربنا يخليكى
وبعدين الكليه اهم حاجه فيها الاجتهاد
والله ان شاء الله ناويه
بس لو مكنتيش ذكيه مكنتيش بقيتي معانا في الكليه يا هموستي
ده كله ببركه دعى الوالدين مش اكتر
بلاش بس التواضع ده :d
لا والله مش تواضع خالص
بالنسبه لمتعبه فأكيد مفيش حاجه مريحه
ولازم تاخدي بالك ان الدراسه دي طاعه لربنا
اكيد طبعا
يعني كل مجهود بتبذليه فيها في ميزان حسناتك:)
شكراااااا ليكى كتير يا سندريلا
ومعلش هرخم عليكى واسالك سؤال
ممكن توصفيلى كليه علوم دى فين(بس بالتفصيل لانى مش من القاهره):(
معلش تعباكى معايا

حمااده

15-09-2009, 08:36 PM

انا مش فاهم يا سندريلا يعنى هى السكاشن نزلت فى الكلية اروح اشوفها ولا لسة انا حرف م
بس انا محول من الاسماعلية مش القاهرة على طول
وهو فى فرق بين الدكاترة فى السكاشن

حمااده

15-09-2009, 08:39 PM

ازيكوا انتوا عاملين احنا مش متفقين عليكى يا همسة احنا نقدر برده
ويا سندريلا مش المحاضرات بتبقى الدفعة كلها
وبعدين هى السكاشن متقسمة ابجدى ولا تحويلات ولا البنات الاول ولا ايه ولو نزلت قوليلى وانا اروح اجبها

SENDRILLA

15-09-2009, 08:40 PM

شكراااااا ليكى كتير يا سندريلا
ومعلش هرخم عليكى واسالك سؤال
ممكن توصفيلى كليه علوم دى فين(بس بالتفصيل لانى مش من القاهره):(

معلش تعباكى معايا

مانا لازم اعرف انتي بتيجي ازاي
يعني ميكيوباص مترو
حسب يعني
بس عموما هي علوم جوه الجامعه نفسها
قوليلي بتركبي ايه وانا اوصفلك

SENDRILLA

15-09-2009, 08:44 PM

انا مش فاهم يا سندريلا يعنى هى السكاشن نزلت فى الكلية اروح اشوفها ولا لسة انا حرف م
بس انا محول من الاسماعلية مش القاهرة على طول
وهو فى فرق بين الدكاترة فى السكاشن
بص يا دوك
كشوفات السكاشن دي بتنزل غالبا في اول الدراسه وابقي اتصل بشؤون الطلبه اتأكد برده
بالنسبه لانك محول
فانت كده غالبا هتبقي اخر سكشن
مش عارفه غيرو النظام ده وللا لا

مش فاهمه السؤال الاخير ده يا حماده معلش
ازيكوا انتوا عاملين احنا مش متفقين عليكى يا همسة احنا نقدر برده
ويا سندريلا مش المحاضرات بتبقى الدفعة كلها
وبعدين هى السكاشن متقسمة ابجدى ولا تحويلات ولا البنات الاول ولا ايه ولو نزلت قوليلى وانا اروح اجبها

المحاضرات في كليتنا بتبقي الدفعه كلها
لكن في علوم بتتقسمو مجموعتين ابجدي
وبتبدلو مع بعض المحاضرات
السكاشن بتبقي متقسمه ابجدي طبعا
بس غالبا بيبقي المحولين اخر سكشن
غالبا مش متأكده بصراحه:)

حمااده

15-09-2009, 08:46 PM

SENDRILLA

15-09-2009, 08:54 PM

بصى معلش يا سندرلا انا ممكن اوصف على قدى كده انتى يا همسة قولتى انك هتعقدى فى المدينة
بصى انتى هتمشى خطوطين صغيرين جمب المدينة عان تبقى فى ميدان الجيزة وتركبى من هناك اى مينى باص هيوديكى الجامعة القاهرة ب50قرش فقط لاغير ولو تعرفى توصفى احسن يا سندرلا اوصفى انتى
هو لو هي هتيجي مدينه الاول
يبقي في ميكروباصات من قدام المدينه بتعدي علي كل ابواب الجامعه
ممكن تنزلي باب رئيسي
وتمشي قدام شويه اول مبني هيقابلك في وشك ده مكتوب عليه مبني النبات
ده بتاع السكاشن
تمشي شمال شويه هتلاقي مدرج والي وبعدين مشرفه علي ما اتذكر
علي حسب مجموعتك بقي هتاخدي في انهي مدرج
بالنسبه لسكاشن البيوفيزيكس
هتنزلي عند باب المترو
وتسألي علي ملحق البيوفيزيكس
هي السكاشن هتبقي فيه
ياريت اكون عرفت افيدك

د\رغدة

15-09-2009, 08:58 PM

ربنا يكرمك ويجازيكي ياسندريلا عنا خيرا وزي ماتكوني بتقري افكاري انا كنت نفسي اسأل السؤال ده وبجد مش عارفة اشكرك ازاي ومحتاجين دعواتك

Hamset_Etab

15-09-2009, 09:02 PM

بصى معلش يا سندرلا انا ممكن اوصف على قدى كده انتى يا همسة قولتى انك هتعقدى فى المدينة
بصى انتى هتمشى خطوطين صغيرين جمب المدينة عان تبقى فى ميدان الجيزة وتركبى من هناك اى مينى باص هيوديكى الجامعة القاهرة ب50قرش فقط لاغير ولو تعرفى توصفى احسن يا سندرلا اوصفى انتى
شكرا يا محمد
ربنا يخليك بجد انا كده فهمت

هو لو هي هتيجي مدينه الاول
يبقي في ميكروباصات من قدام المدينه بتعدي علي كل ابواب الجامعه
ممكن تنزلي باب رئيسي
وتمشي قدام شويه اول مبني هيقابلك في وشك ده مكتوب عليه مبني النبات
ده بتاع السكاشن
تمشي شمال شويه هتلاقي مدرج والي وبعدين مشرفه علي ما اتذكر
علي حسب مجموعتك بقي هتاخدي في انهي مدرج
شكرا يا سندريلا لحد كده فاهمه جدا
بالنسبه لسكاشن البيوفيزيكس
هتنزلي عند باب المترو
هو مين عمل ايه
انا مش فاهمه خالص:028ja7:
وتسألي علي ملحق البيوفيزيكس
هي السكاشن هتبقي فيه
ياريت اكون عرفت افيدك
اكيد طبعا
بس المدينه غالبا مش هتفتح اول يوم
فانا لما اركب المترو انزل فى محطه الجامعه مع صحابى بتوع علاج طبيعى ولا ايه

د\رغدة

15-09-2009, 09:06 PM

وانا رحت فين ياست همسة لا انا كدة زعلت منك

حمااده

15-09-2009, 09:11 PM

حمااده

15-09-2009, 09:12 PM

ازيك يا دكتورة رغدة هو انتى معانا فى سنة برده
معلش والله اصل انا لسة مشترك من كام يوم بس
بس انتى منورة والله

SENDRILLA

15-09-2009, 09:17 PM

ربنا يكرمك ويجازيكي ياسندريلا عنا خيرا وزي ماتكوني بتقري افكاري انا كنت نفسي اسأل السؤال ده وبجد مش عارفة اشكرك ازاي ومحتاجين دعواتك
ربنا يكرمك انتي يا كمان يارغودتي
انا اللي مش عارفه اشكرك ازاي علي الكلام الحلو ده

SENDRILLA

15-09-2009, 09:20 PM

شكرا يا محمد

ربنا يخليك بجد انا كده فهمت

اكيد طبعا
بس المدينه غالبا مش هتفتح اول يوم

فانا لما اركب المترو انزل فى محطه الجامعه مع صحابى بتوع علاج طبيعى ولا ايه

ايوه ياقمر هتنزلي محطة الجامعه
في باب للجامعه هناك اسمه باب المترو تمام
هتدخلي من الباب ده هتعدي علي اعلام ودار علوم وتدخلي شمال شويه
هتلاقي مبني قطقوط كده وابيض دور واحد هو ده مبني البيوفيزيكس اللي هتاخدو فيه السكاشن
بالنسبه لعلوم من عند باب المترو بقي
فهو مشوار طويل شويه جوه الجامعه
هتمشي علي طووووول
هتعدي علي تجاره ومدرج العيوطي وبعدين هتلاقي سلمتين كده وسور شكله حلو بنسميه سور الصين العظيم:d
لو دخلتي من الباب اللي علي شمالك هو ده مبني البوتاني والزولوجي
لو كملتي ودخلتي يمين هتلاقي المبني الرئيس بتاع علوم ومدرجات والي ومشرفه
اكتبي الوصف ده معاكي هتحتاجيه اول يوم :d

SENDRILLA

15-09-2009, 09:23 PM

لاشكر على واجب كلنا هنا عشان نساعد بعض بس هو انا عاوز اسالك
هو انتى اول يو الجامعة هتروحى كلية علوم منين يعنى من بتكوا ولا من المدينة ولا هتقابلى حد قدام بيطرى وتروحى معاه عشان نعرف نوصفلك احس لو انتى مش هتروحى من المدينة اول يوم

هو مفيش مدينه اول اسبوع تقريبا
وانا وصفتلها علي حسب ماهي قالت انها هتركب مترو
لو عايزين تعرفو توصلو للكليه القديمه والجديده ازاي
انا بايته معاكو
اسألو براحتكو فرصه :d:d

Hamset_Etab

15-09-2009, 09:31 PM

وانا رحت فين ياست همسة لا انا كدة زعلت منك
وانا اقدر على زعلك برده
انا زى ما قلتلك بقى:d
يارب ميكنش فى بينا زعل ابدا

حمااده

15-09-2009, 09:32 PM

والله هى فرصة انك معانا واحنا متنورين بيكى والله
بصى معلش هو انتى قولتى قبل كده ان فى ورق وسيدهات و3 كتب بتوع مادة واحدة كنى جايباهم ل3 دكاترة هو كل دكتور بيدىيكشن معين وهنجيب الحاجات دى ازاى

SENDRILLA

15-09-2009, 09:33 PM

وانا اقدر على زعلك برده

انا زى ما قلتلك بقى:d

يارب ميكنش فى بينا زعل ابدا

اجيب شجره و2 لمون :d

Hamset_Etab

15-09-2009, 09:35 PM

اجيب شجره و2 لمون :d
هههههههههههه يا ريت والنبى

SENDRILLA

15-09-2009, 09:37 PM

والله هى فرصة انك معانا واحنا متنورين بيكى والله
بلاش احراج بقي ده تلاقي النور قطع عندكو :d
بصى معلش هو انتى قولتى قبل كده ان فى ورق وسيدهات و3 كتب بتوع مادة واحدة كنى جايباهم ل3 دكاترة هو كل دكتور بيدىيكشن معين وهنجيب الحاجات دى ازاى
لأ مش شرط كل دكتور يدي سكشن
يعني هما بيختاروها بركاوي
وساعات دكتور يزهق من سكشن يقوم راميه لزميله
دكتور يتعب يقوم محولنا علي دكتور تاني
كده يعني
بالنسبه للسيديهات
دي بتنتشر في الدفعه
بس منعا للفتن يعني والقيل والقال
اول ما الدراسه تبتدي كل واحد فيكو يجبلي فلاشه 4 او 8 جيجا وانا انزللكو الحاجات بتاعت التيرم كله
الكتب
لو حد فيكو احتاج اي حاجه ممكن يطلبها مني وانا اجيبهاله
بس هو لازم تشتري الكتب كلها غالبا
عشان بيبقي فيها عملي يتكتب ويترسم وكده
الكتب بتبقي في مركز المطبوعات في البدروم بتاع مبني الاداره
هتلاقي الهستولوجي ب 120
الاناتومي من القسم في الكليه القديمه ب 100
زولوجي وبوتاني من مركز المطبوعات اللي في علوم ب 130
البيوفيزيكس ب 50 علي ما اتذكر
ودواليك بقي :d
هي الكتب عندنا غاليه شويتين
بس فيها الشفا :p

Hamset_Etab

15-09-2009, 09:38 PM

امممممممممم
انا ان شاء الله هاجى من البيت على كليه علوم
وشكرااااااااااااااااا ليكوا اوى على المساعده
ربنا يخليكوا ليا وتجاوبوا على اسئلتى كمان وكمان:d

SENDRILLA

15-09-2009, 09:39 PM

هههههههههههه يا ريت والنبى

طيب في السكه اهوه يا همسه انتي ورغده :d
بس ممكن يسخن بقي مليش دعوه:bosyht9:

SENDRILLA

15-09-2009, 09:40 PM

امممممممممم

انا ان شاء الله هاجى من البيت على كليه علوم
وشكرااااااااااااااااا ليكوا اوى على المساعده
ربنا يخليكوا ليا وتجاوبوا على اسئلتى كمان وكمان:d

ياريتني كنت لقيت حد يقوللي اروح واجي ازاي
انا اول يوم رحت الكليه القديمه اتبهدلت
محدش كان يعرفها
يييييي ولا اليوم اللي رحت فيه الجامعه
قعدنا سنتين علي ما لقينا مدرج والي
ورحنا كان نص المحاضره خلص بس اساسا مكانش في دكتور كان اعتذر ساعتها :d

د\رغدة

15-09-2009, 09:44 PM

اجيب شجره و2 لمون :d
والله ياسندريلا انا بحب الكلمة دي اوي كانت فية وحده صحبتي بحبها اسمها سارة علي طول بتقولها فكرتيني بالذي مضي

SENDRILLA

15-09-2009, 09:47 PM

والله ياسندريلا انا بحب الكلمة دي اوي كانت فية وحده صحبتي بحبها اسمها سارة علي طول بتقولها فكرتيني بالذي مضي
اي خدعه يا رغده
عشان تعرفي ان انا مش اي حد :av4056bb7jp3:
ابعتيلي ميلك يارغده
عايزه اكلمك قبل ما اقوم:romarioxp6:

Hamset_Etab

15-09-2009, 09:50 PM

ياريتني كنت لقيت حد يقوللي اروح واجي ازاي
انا اول يوم رحت الكليه القديمه اتبهدلت
محدش كان يعرفها
يييييي ولا اليوم اللي رحت فيه الجامعه
قعدنا سنتين علي ما لقينا مدرج والي
ورحنا كان نص المحاضره خلص بس اساسا مكانش في دكتور كان اعتذر ساعتها :d
هههههههههههههه تعيشى وتاخدى غيرها يا قمر
اهو انا خايفه من كده
بس ان شاء الله مش هتوه بعد الدرس الخصوصى بتاعك يا ميس
وكمان رودى معايا

حمااده

15-09-2009, 10:01 PM

SENDRILLA

15-09-2009, 10:02 PM

هههههههههههههه تعيشى وتاخدى غيرها يا قمر

اهو انا خايفه من كده
بس ان شاء الله مش هتوه بعد الدرس الخصوصى بتاعك يا ميس
وكمان رودى معايا

هههههههههههه
ده انا قعدت انا ولبني ساعه برده عشان اوصفلها ازاي تروح الكليه القديمه والجديده :d
ياللا بقي يا همسه نعمل ايه كله بثوابه :p:p
بهزر طبعا انتو كلكو زي اخواتي
وانا بجد سعيده جدا بمعرفتكو دي
ربنا يخليكو لمصر يا شباب
وانا حاسه انكو هتبقو اصحاب جامدين
ولو ميمنعش اكون معاكو يعني :d

حمااده

15-09-2009, 10:07 PM

مش بقولك يا همسة الف شكر نسيتىاساسا ان انا موجود بس انا مقدر
اصبرى عليا انتى بس وانا اخلى القسم ده مليان دكاترة

SENDRILLA

15-09-2009, 10:10 PM

مش بقولك يا همسة الف شكر نسيتىاساسا ان انا موجود بس انا مقدر
اصبرى عليا انتى بس وانا اخلى القسم ده مليان دكاترة
ياريت يا دكتور
واحنا نكره ننشط القسم
دي امنية حياتي قبل ما اموت هكتبها في الوصيه :d:d

د\رغدة

15-09-2009, 10:13 PM

دي انتي الخير والبركة ياسندريلا وربنا يخليكي لينا

Hamset_Etab

15-09-2009, 10:14 PM

هههههههههههههههههه
انا اخاف بقا بقا من لمتكوا كده مانا لوحدى وسطكوا بس ربنا يخليكوا ليعض
لوحده ليه ما انتا معانا اهوه
ده انتا الخير والبركه
قضتوها ايملات وسبتونى لوحدى فى اموقع
طيب ياريت كان الميل شغال
انا محضر الفلاشة اه يا سندريلا
وانا كمان:d
بس هوصللك ازاى فى الدراسة وانتى قولت ممنوع نت فى الدراسة
لا يا سيدى اكيد مش تقصد انه مفيش نهائى
اكيد هيبقى فيه نت للحاجات الضروريه
انا فاكره ان طول السنه اللى فاتت كنت بفتح المنتدى عشان كنت بذاكر منه
والف شكر ليى
وانا كمان بشكرك يا سندريلا من قلبى والله

هههههههههههه
ده انا قعدت انا ولبني ساعه برده عشان اوصفلها ازاي تروح الكليه القديمه والجديده :d
ما انتى لسه هتقعدى معايا الساعه دى عشان توصفيلى الكليه القديمه فين اراضيها
ياللا بقي يا همسه نعمل ايه كله بثوابه :p:p
ماشى ماشى
بهزر طبعا انتو كلكو زي اخواتي
وانا بجد سعيده جدا بمعرفتكو دي
ربنا يخليكو لمصر يا شباب
لا جامده الدعوه دى
وانا حاسه انكو هتبقو اصحاب جامدين
اكيد ان شاء الله
ولو ميمنعش اكون معاكو يعني :d
ده انتى اولنا
امال فين لبنى مش باينه خالص النهارده يعنى

Hamset_Etab

15-09-2009, 10:26 PM

اهوه يا محمد مش انا الى مشيت
سندريلا ورودى هما اللى مقضينها ايميلات:frown:
بس الميل يشتغل بس
وانا قفله خالص ومش هكلمهم برده:p

د\رغدة

15-09-2009, 10:34 PM

يابنتي والله احنا معاكي ولسه سندريلا مضفتنيش عندها

SENDRILLA

15-09-2009, 10:36 PM

هههههههههههههههههه
انا اخاف بقا بقا من لمتكوا كده مانا لوحدى وسطكوا بس ربنا يخليكوا ليعض
قضتوها ايملات وسبتونى لوحدى فى اموقع
انا محضر الفلاشة اه يا سندريلا
بس هوصللك ازاى فى الدراسة وانتى قولت ممنوع نت فى الدراسة
والف شكر ليى
لأ والله مش مقضيينها ايميلات ولا حاجه
انا بس عملت 3 او 4 تليفونات بس وجيت :p
والفلاشه لو اعرف اخدها منك دلوقتي والله اجيبلك الحاجات كلها
ان شاء الله اقرب فرصه اجيبهالكو
ممنوع نت ايه بس يا دوك
انا مدمنة نت اساسا
بس بعصر علي نفسي لمونه وبحاول مادخلش كتير يعني
بس هتتدبر ان شاء الله هتاخد السيديهات متقلقش ههههههه

حمااده

15-09-2009, 10:39 PM

انا اخاف بقا بقا من لمتكوا كده مانا لوحدى وسطكوا بس ربنا يخليكوا ليعض
لوحده ليه ما انتا معانا اهوه
ده انتا الخير والبركه
مش بالكلام بىالافعال
قضتوها ايملات وسبتونى لوحدى فى اموقع
طيب ياريت كان الميل شغال
هو لسة عاطل بيدور على شغل قوليلى هو خريج ايه وانا يمكن اساعده
انا محضر الفلاشة اه يا سندريلا
وانا كمان:d
بس اناحضرتها ااول
لبس هوصللك ازاى فى الدراسة وانتى قولت ممنوع نت فى الدراسة
لا يا سيدى اكيد مش تقصد انه مفيش نهائى
اكيد هيبقى فيه نت للحاجات الضروريه
اما نشوف الدراسة مش بعيد بس سندريلا شكلها جدعة
انا فاكره ان طول السنه اللى فاتت كنت بفتح المنتدى عشان كنت بذاكر منه
والف شكر ليى

SENDRILLA

15-09-2009, 10:40 PM

:d
وانا كمان بشكرك يا سندريلا من قلبى والله

ده انتى اولنا

امال فين لبنى مش باينه خالص النهارده يعنى

العفو ياحبيبتي علي ايه بس
خلاص انا هقوللكو علي مكانها هنا بدل ما اوصفها 4 مرات ههههههههه
بالنسبه للبني بقي هي كانت معايا الضهر كده
بس مدخلتش تاني
وبترفعي روحي المعدنيه بكلامك ده يا هموستي
اهوه يا محمد مش انا الى مشيت
سندريلا ورودى هما اللى مقضينها ايميلات:frown:
بس الميل يشتغل بس
وانا قفله خالص ومش هكلمهم برده:p
اها شغل نداله يعني
والله لسه مكلمتش رغده ولا مره ع الميل
مش عارفه الميل فيه حاجه ولا ايه
دي انتي الخير والبركة ياسندريلا وربنا يخليكي لينا

الكلمه دي بقولها لتيتا علي طول يارغده
بلاش تحرجيني بقي
يابنتي والله احنا معاكي ولسه سندريلا مضفتنيش عندها
قوليلهم يارغده
ياساتر علي الظن الوحش

SENDRILLA

15-09-2009, 10:43 PM

بس سندريلا شكلها جدعة

ههههههههههه يبقي متعرفنيش

حمااده

15-09-2009, 10:44 PM

ههههههههههههههههههههههه
شوفتوا بقا اه الميل علق عشان تعرفوا ان الله حق
هو انتى يا رغدة مكبرلى ولا انا مش ظاهر عندك خالص
على العموم ربنا يخلى سندريلا وهمسة جابرين بخاطرى ولبنى لما بتيجى

د\رغدة

15-09-2009, 10:45 PM

سندريلا عايزة اسألك علي اسم قاموس كويس اشترية

حمااده

15-09-2009, 10:46 PM

ههههههههههه يبقي متعرفنيش
بس انتى اعملى حركة ندلة ولا مش جدعنة وانتى تشوفى
عاوزة تعصبنى ماشى يادكتورة:abdoog8:
الذوق موجود

Hamset_Etab

15-09-2009, 10:46 PM

ماشى ماشى انا ظنى وحش بردوه
انا بهزر والله
عادى وحياه ربنا
بس ادعوا الميل المنيل بتاعى يشتغل
نزلت نسخه ويندوز مرتين وبرده مفيش فايده
هجيب اسطوانه ويندوز تانيه بقى
حد عنده واحده حلوه؟؟

SENDRILLA

15-09-2009, 10:48 PM

سندريلا عايزة اسألك علي اسم قاموس كويس اشترية
عايز نصيحتي
متشتريش قواميس
اصل انت لو كل كلمه بصيت في معاناها في القاموس
اللي هتذاكره في ساعه هتذاكره في 2
وانت في عرض دقيقه
لازم تشغل مخك شويه مش اكتر
في الاول الدكاتره هيترجمولك
بعدين هتلاقي نفسك عندك خلفيه كفايه تقدر تخمن
هتلاقي نفسك بتعرف نتيجة التحاليل
وبعض الادويه
يعني هتحس انك الي حد ما بقيت دكتور

د\رغدة

15-09-2009, 10:49 PM

يارب الميل بتاعك يشتغل ياهمسة واللي عنده اسطوانل حلوة يجبهالك ازاي

SENDRILLA

15-09-2009, 10:50 PM

بس انتى اعملى حركة ندلة ولا مش جدعنة وانتى تشوفى
عاوزة تعصبنى ماشى يادكتورة:abdoog8:
الذوق موجود
ماقدرش اندل معاكو اساسا :d
اصل انا غلباااااااااااان :bosyht9:

ماشى ماشى انا ظنى وحش بردوه
انا بهزر والله
عادى وحياه ربنا
بس ادعوا الميل المنيل بتاعى يشتغل
نزلت نسخه ويندوز مرتين وبرده مفيش فايده
هجيب اسطوانه ويندوز تانيه بقى
حد عنده واحده حلوه؟؟

ده انا بهزر معاكي يا هموستي
وعشان اثبتلك حسن نيتي
باكل كيمو كونو اجيبلك واحده :p

Hamset_Etab

15-09-2009, 10:50 PM

ههههههههههههههههههههههه
شوفتوا بقا اه الميل علق عشان تعرفوا ان الله حق
قولهم والنبى
هو انتى يا رغدة مكبرلى ولا انا مش ظاهر عندك خالص
لا ازاى بتقول كده
هى رودى الجهاز بتعها بطى حبيتن فمش عارفه تكتب كتير
على العموم ربنا يخلى سندريلا وهمسة جابرين بخاطرى ولبنى لما بتيجى
لا مش احنا بس
وكمان رغده

حمااده

15-09-2009, 10:51 PM

على فكرة رغدة اللى سالت مش انا هو انتى بكلميها بصيغة المذكر ولا بتكلمينى انا

د\رغدة

15-09-2009, 10:53 PM

اهلا وسهلا بحضرتك يادكتور معلش اصلي لسة جديدة علي جو النت ده واعذروني الثانوية العامة جعلتني انطوائية وعمرى ماكلمت ولاد اقبل كده يعني مش قصدي اطنش حضرتك

حمااده

15-09-2009, 10:54 PM

Hamset_Etab

15-09-2009, 10:54 PM

يارب الميل بتاعك يشتغل ياهمسة واللي عنده اسطوانل حلوة يجبهالك ازاي
يارب يا رودى
اممممم مش عارفه صحيح حكايه الاسطوانه دى ازاى
بس اكيد انى مش هستنى لحد بعد العيد
عشان اما نتقابل
انا هدور على حد من جيرانى ينسخلى وحده
اصل بابا مش فاضى خالص
احنا فى العشره الاواخر بقى

Hamset_Etab

15-09-2009, 10:58 PM

والله يا همسة اناعندى نسختينى نسخةمشغلة زى الفل بس انا مشغلها استراحة لان عندى نسخة حلوة لويندوز 7 رويال
بس الجهاز بتاعىمش عاوز يشغلها
هظبط الهارد عشان اعرف اشغلها بس
بعتقد ان الايمي مالوش دعوة انا عندى احدث نسخ للياهو بس مشغل نسخة قديمة شوية بس 100%
ان شاء اله تعرف تشغلها على جهازك
ومشكله الميل دى حصلت قبل كده
وكان حلها انى غيرت نسخه الويندوز
فمش عارفه بقى

حمااده

15-09-2009, 10:58 PM

تصدقى بالله يا رغدة انا اول مرة اشترك فى موقع عشان اتكلم فيه ولسة مشترك من يومين
واول مرة اكلم بنات على النت اوغيرة
مكلمتش غير اختى واولاد خالى
بس والله بحاول اتقلم بسرعة
لان مش لاقى فى الموقع غير بنات اقفقل الجهاز والموقع ولا اتكلم يعنى وبعدين
ماشاء الله شكلهم كلهم بنات محترمة جدا
ويا ستى ولا يهمك خالص ولا كانى موجود
مش هقولك حتى اعترينى زميلك

د\رغدة

15-09-2009, 10:59 PM

خلي بابا يدعلنا معاكي ياهمسة وربنا يقوية

SENDRILLA

15-09-2009, 11:00 PM

معلش بقي مضطره اسيبكو
اشوفكو بكره علي خير لو شاء ربنا
ولو احتجتو اي حاجه اكتبو في الموضوع وانا هرد لما ادخل ان شاء الله

Hamset_Etab

15-09-2009, 11:03 PM

معلش بقي مضطره اسيبكو
اشوفكو بكره علي خير لو شاء ربنا
ولو احتجتو اي حاجه اكتبو في الموضوع وانا هرد لما ادخل ان شاء الله
باى يا قمر
نشوفك على خير بكره ان شاء اله

د\رغدة

15-09-2009, 11:03 PM

لا يادكتور ولا تقفل الجهاز ولا حاجة بس استحملوني شوية لحد لما اخد علي الجو وحضرتك زي اخويا بس انا عقد شوية

د\رغدة

15-09-2009, 11:04 PM

مع السلامة ياسندريلا هتوحشينا

حمااده

15-09-2009, 11:12 PM

سلام يا همسة نشوفك على خير
وشكرا يا رغدة
انا قاعد اهه بس متعملوش شلة عليا

حمااده

15-09-2009, 11:13 PM

معلش انا مش فاهم هو سندرلا اللى ماشية ولا همسة سندرلا قالت انها بايته

Hamset_Etab

15-09-2009, 11:19 PM

سلام يا همسة نشوفك على خير
وشكرا يا رغدة
انا قاعد اهه بس متعملوش شلة عليا
ههههههههههه شله ايه بس يا محمد
محسسنى اننا من مصر وانتا من الهند
لو كان فيه شله يبقى كلنا فيها ومفيش حد براها

سلام بقى يا كل الشله عشان عينى وجعتى من النت :(
هقضيها شويه تليفزيون
:d

حمااده

15-09-2009, 11:25 PM

ماشى اشوفكوا بكرة على خير بقا
اصل لازم اقوم دلوقتى
على فكرة يا رغدة انا عندىقاموس على الجهاز مش بتاع طب يعنى نما قاموس شامل وجامد جدا بيترجم اى حاجة حتى ماقع النت الاجنبى لو عاوزاه ممكن اجبهولك

lobna24

16-09-2009, 02:41 AM

ده انتى اولنا

امال فين لبنى مش باينه خالص النهارده يعنى

ههههههههههههههههههههه
شكرا انك مهتمه بى يا همسه يا قمر انتى
بس قولت اخرج شويه لحسن اتخنقـــــــــــــــــــــــــــــــــــــــــــــ ــــــــــــــــــــــــــــت خالص
وشكلنا اجازتنا هتطول اوووووووووووى:stickjo4:

lobna24

16-09-2009, 02:50 AM

ده انا بهزر معاكي يا هموستي
وعشان اثبتلك حسن نيتي
باكل كيمو كونو اجيبلك واحده :p
ايه ده ايه ده
كده ازعل منك مدام كيمو كونو انا فاتنى نص عمرى
لو هتجيبى يبقى تجيبى لنا كلنا والا ايه :stickjo4:

lobna24

16-09-2009, 02:54 AM

يعني هتحس انك الي حد ما بقيت دكتور

ههههههههههههههههههه
بجد يعنى بعد اد ايه كده اصلى بحب كده اوووى
عاوزه احس بنفسى يعنى
اصلى عاوزه اجيب سلحفه وعصفورتين من زمان وعاوزه اعمل عليهم دكتوره وماما قالتلى هتجبلى ان شاء الله ف الدراسه
عشان وانا صغيره ما كنتش برضى اسيب العصفوره ف القفص وبفضل مسكاها ف ايدى لحد ما تتخنق وتموت
فماما قالت مش هتجبلى الا لما اكبر واعقل :bosyht9:
ههههههههههههههههههههههههههه

SENDRILLA

16-09-2009, 08:08 AM

ههههههههههههههههههه
بجد يعنى بعد اد ايه كده اصلى بحب كده اوووى
عاوزه احس بنفسى يعنى
اصلى عاوزه اجيب سلحفه وعصفورتين من زمان وعاوزه اعمل عليهم دكتوره وماما قالتلى هتجبلى ان شاء الله ف الدراسه
عشان وانا صغيره ما كنتش برضى اسيب العصفوره ف القفص وبفضل مسكاها ف ايدى لحد ما تتخنق وتموت
فماما قالت مش هتجبلى الا لما اكبر واعقل :bosyht9:
ههههههههههههههههههههههههههه
بصي يا حبي
انتي مش هتشرحي ضفادع
انتي هتشرحي "Donkey " اللي هو المفروض انه حصاان بس الاحصنه بقي يوم ما تدخل المشرحه بيبقي عيد :av4056bb7jp3:
العينات واضحه ونضيفه بتبقي جامده الصراحه
بس ده مبيحصلش كتير
اصل الحمير علي قفا مين يشيل
لكن الاحصنه غاليه جدا
بس مش بيبقي باين عليه يعني بتحسي ان الاتنين واحد
وهتقرفي بقي وكده هييجي علي دماغك
بس انصحك خليكي مفهماهم في البيت انه حصان
عشان لو دخلتي عليهم مره وانتي مستعيره عضم من المشرحه ولا لقوكي بتتفرجي علي فيديو تشريح
هيطردوكي من البيت :blush:
بس حتة تحسي انك دكتوره بقي
هتلاقي نفسك اي حد يعمل تحاليل في البيت لازم تعدي علي سيادتك اولا
واساسا كل حاجه بتبقي مكتوبه بالتفصيل
بس طبعا للي يعرف انجليش بسيط كدد
يعني مش محتاجه دكتره خالص :romarioxp6:
بس هتروحي تكشفي مثلا لاقدر الله هتحسي انك فاهمه الدكتور بيقوللك ايه
مش زي الاول بتسدي ودانك لحد ما يقوللك تاخدي الدوا كام مره في اليوم :stickjo4:
انا رايحه النهارده زياره لمستشفي 57375 بقي يا دكاتره
دعواتكو تبقي زياره حلوه ونقدر نحقق الهدف من وراها
وان شاء الله الزياره الجايه تبقي لطلبة بيطري بس :)

د\رغدة

16-09-2009, 08:56 AM

معلش ياجماعة انا دخلت امبارح من غير ما اقول اصلي كنت عايزة انام موت وشكرايادكتور محمد علي اهتمامك

حمااده

16-09-2009, 10:40 AM

وشكرايادكتور محمد علي اهتمامك[/SIZE]
ولا يهمك لاشكر على واجب:078111rg3:

حمااده

16-09-2009, 10:49 AM

بصي يا حبي

انتي مش هتشرحي ضفادع
انتي هتشرحي "Donkey " اللي هو المفروض انه حصاان بس الاحصنه بقي يوم ما تدخل المشرحه بيبقي عيد :av4056bb7jp3:
لما ال donky خلوه حصان
يبقى ال horse اترقى اايه
العينات واضحه ونضيفه بتبقي جامده الصراحه
بس ده مبيحصلش كتير
اصل الحمير علي قفا مين يشيل
لكن الاحصنه غاليه جدا
بس مش بيبقي باين عليه يعني بتحسي ان الاتنين واحد
وهتقرفي بقي وكده هييجي علي دماغك
بس انصحك خليكي مفهماهم في البيت انه حصان
عشان لو دخلتي عليهم مره وانتي مستعيره عضم من المشرحه ولا لقوكي بتتفرجي علي فيديو تشريح
هيطردوكي من البيت :blush:
هههههههههههههههههه
انا منعنى من الاكل معاهم من اول حصة تشريح اجبلهم العضم البيت
بس حتة تحسي انك دكتوره بقي
هتلاقي نفسك اي حد يعمل تحاليل في البيت لازم تعدي علي سيادتك اولاد
انا اساسا ماسك العيلة تحاليل واشعة وروشتات وكل حاجة قولتلهم من السنة اللى فاتت انا فى المجموعة الطبية وسبونى بقا انا هعرفكوا والحمد الله الانجليزى كا جايب شغله
واساسا كل حاجه بتبقي مكتوبه بالتفصيل
بس طبعا للي يعرف انجليش بسيط كدد
يعني مش محتاجه دكتره خالص :romarioxp6:
بس هتروحي تكشفي مثلا لاقدر الله هتحسي انك فاهمه الدكتور بيقوللك ايه
مش زي الاول بتسدي ودانك لحد ما يقوللك تاخدي الدوا كام مره في اليوم :stickjo4:
انا رايحه النهارده زياره لمستشفي 57375 بقي يا دكاتره
زيارة دكاكينى من غير متقولىلحد
دعواتكو تبقي زياره حلوه ونقدر نحقق الهدف من وراها
يارب تكون زيارة مفيدة مباركة

وان شاء الله الزياره الجايه تبقي لطلبة بيطري بس :)ا
اما نشوف انتى خدتى الزيارة الاولى ليكى لوحدك
طب كنتى قولى ناخد شوية ثواب معاكى

ترجعى بلالسلامة والزيارة الجاية تبقى معلنة :stickjo4:

Hamset_Etab

16-09-2009, 11:10 AM

بصي يا حبي

انتي مش هتشرحي ضفادع
ليه كده هو احنا مبشبهش بتوع علوم:blush:
انتي هتشرحي "donkey " اللي هو المفروض انه حصاان بس الاحصنه بقي يوم ما تدخل المشرحه بيبقي عيد :av4056bb7jp3:
donkey donkey ماهى السنه باينه من اولها
بمبى ان شاء الله:blush:
العينات واضحه ونضيفه بتبقي جامده الصراحه
بس ده مبيحصلش كتير
اصل الحمير علي قفا مين يشيل
لكن الاحصنه غاليه جدا
بس مش بيبقي باين عليه يعني بتحسي ان الاتنين واحد
وهتقرفي بقي وكده هييجي علي دماغك
بس انصحك خليكي مفهماهم في البيت انه حصان
ده اكيد طبعا:blush:
عشان لو دخلتي عليهم مره وانتي مستعيره عضم من المشرحه ولا لقوكي بتتفرجي علي فيديو تشريح
هيطردوكي من البيت :blush:
انا متاكده
بس حتة تحسي انك دكتوره بقي
هتلاقي نفسك اي حد يعمل تحاليل في البيت لازم تعدي علي سيادتك اولا
واساسا كل حاجه بتبقي مكتوبه بالتفصيل
بس طبعا للي يعرف انجليش بسيط كدد
يعني مش محتاجه دكتره خالص :romarioxp6:
بس هتروحي تكشفي مثلا لاقدر الله هتحسي انك فاهمه الدكتور بيقوللك ايه
مش زي الاول بتسدي ودانك لحد ما يقوللك تاخدي الدوا كام مره في اليوم :stickjo4:
فعلا والله ده اللى بيحصل
وحتى تاخدى الدوا كام مره دى مش بسمعها
انا اللى بركز فيه هو ان الدوا فيه حقن ولا لا
وتبقى ليله بيضه لو فى حقنه
انا رايحه النهارده زياره لمستشفي 57375 بقي يا دكاتره
شكلك قلبك جامد
انا فى تار بينى وبين اى مستشفى
وكمان الدكاتره
دعواتكو تبقي زياره حلوه ونقدر نحقق الهدف من وراها
يارب ان شاء الله

وان شاء الله الزياره الجايه تبقي لطلبة بيطري بس :)

اه طلبه بيطرى كلها ماعده انا
انا مش بتاعه مستشفيات خالص
ولو هموت مش بدخلها
دى شكلها يرعب
ان شاء الله ندور على طريقه تانيه ناخد بيها ثواب

Hamset_Etab

16-09-2009, 11:14 AM

ههههههههههههههههههه

بجد يعنى بعد اد ايه كده اصلى بحب كده اوووى
عاوزه احس بنفسى يعنى
ياراجل:p
اصلى عاوزه اجيب سلحفه وعصفورتين من زمان وعاوزه اعمل عليهم دكتوره وماما قالتلى هتجبلى ان شاء الله ف الدراسه
عشان وانا صغيره ما كنتش برضى اسيب العصفوره ف القفص وبفضل مسكاها ف ايدى لحد ما تتخنق وتموت
يا مفتريه
حرام عليكى موتى العصفوره:(
فماما قالت مش هتجبلى الا لما اكبر واعقل :bosyht9:
ههههههههههههههههههههههههههه

ههههههههههههه طيب ابقى جيبيلى عصفوره وياكى
اقولك جيبى 2:d
بس بلاش السلحفه والنبى

د\رغدة

16-09-2009, 11:42 AM

ايه يا جماعة بلاش العصافير دي عشان انفلونزا الطيور

حمااده

16-09-2009, 12:49 PM

ايه يا جماعة بلاش العصافير دي عشان انفلونزا الطيور
يعنى هى جت على العصافير مه كل حاجة عندها افلونزا حتى الخيول
عشان كده الحمد الله انهم بيسترخصوا ويجيواا donky:022yb4:

lobna24

16-09-2009, 01:57 PM

ايه يا جماعة بلاش العصافير دي عشان انفلونزا الطيور

حرررررام عليكى مش تظلميهم والله دول حلويين اوووووووى
انا بموت فيهم

lobna24

16-09-2009, 01:59 PM

يعنى هى جت على العصافير مه كل حاجة عندها افلونزا حتى الخيول
عشان كده الحمد الله انهم بيسترخصوا ويجيواا donky:022yb4:

هههههههههههههههههههههههههه
الحمد لله
بس الحمار ده معفن اوووووووى:confused:

lobna24

16-09-2009, 02:01 PM

اه طلبه بيطرى كلها ماعده انا

انا مش بتاعه مستشفيات خالص
ولو هموت مش بدخلها
دى شكلها يرعب

ان شاء الله ندور على طريقه تانيه ناخد بيها ثواب

ليه كده ده بحب المستشفيات اووووووووووووووووووى
بس الحكومى المعفنه بجد هى اللى شكلها يشائم

lobna24

16-09-2009, 02:08 PM

بصي يا حبي

انتي مش هتشرحي ضفادع
تمام اوووى كده
انتي هتشرحي "donkey "
ليه كده ما احنا كنا تمام
ههههههههههههههههه انتى مكسوفه تقولى حمااااااااار
اللي هو المفروض انه حصاان بس الاحصنه بقي يوم ما تدخل المشرحه بيبقي عيد :av4056bb7jp3:
العينات واضحه ونضيفه بتبقي جامده الصراحه
الله يطمنك
بس ده مبيحصلش كتير
اصل الحمير علي قفا مين يشيل
ده اكيد يعنى
لكن الاحصنه غاليه جدا
بس مش بيبقي باين عليه يعني بتحسي ان الاتنين واحد
وهتقرفي بقي وكده هييجي علي دماغك
شكلنا كلنا هناخد ع دماغنا
بس انصحك خليكي مفهماهم في البيت انه حصان
دا كنت بذل نينى وهى بتشرح الضفدعه
اكيد هيطلعوه على
عشان لو دخلتي عليهم مره وانتي مستعيره عضم من المشرحه ولا لقوكي بتتفرجي علي فيديو تشريح
هيطردوكي من البيت :blush:
بس حتة تحسي انك دكتوره بقي
هتلاقي نفسك اي حد يعمل تحاليل في البيت لازم تعدي علي سيادتك اولا
واساسا كل حاجه بتبقي مكتوبه بالتفصيل
بس طبعا للي يعرف انجليش بسيط كدد
يعني مش محتاجه دكتره خالص :romarioxp6:
يعنى السيط والا الغنى
بس هتروحي تكشفي مثلا لاقدر الله هتحسي انك فاهمه الدكتور بيقوللك ايه
مش زي الاول بتسدي ودانك لحد ما يقوللك تاخدي الدوا كام مره في اليوم :stickjo4:
انا رايحه النهارده زياره لمستشفي 57375 بقي يا دكاتره
دعواتكو تبقي زياره حلوه ونقدر نحقق الهدف من وراها

وان شاء الله الزياره الجايه تبقي لطلبة بيطري بس :)

ان شاء الله ربنا معاكى
بس ياريتك كنتى قولتى كنت جيت معاكى

lobna24

16-09-2009, 02:19 PM

ههههههههههههه طيب ابقى جيبيلى عصفوره وياكى

اقولك جيبى 2:d
بس بلاش السلحفه والنبى

خلاص ان شاء الله بس ادعيلى بس
لحسن ماما شايفه انى مش عاقله
ههههههههههههههه
فعلا النساء ناقصات عقل ودين

حمااده

16-09-2009, 04:00 PM

هههههههههههههههههههههههههه
الحمد لله
بس الحمار ده معفن اوووووووى:confused:
مهم مش هيجيبوى اى حمير برده لازم تكون هنجة على الاخر من كتر ال:abdoog8:

حمااده

16-09-2009, 04:01 PM

ان شاء الله ربنا معاكى
بس ياريتك كنتى قولتى كنت جيت معاكى
لا هى عملتهافى السر كانت عاوزة تبقى وحدها:mad:

حمااده

16-09-2009, 04:03 PM

ياجماعاه هى بيطرى بنات بس ولا ايه انا وانا فى الاسماعلية كان كل اللى بيقدما بنات ولما جيت القاهرة لسة مسمعتش عن ولاد خالص
يالا بقى البركة فيكوا
افتقدانكى يا سندريلا النهاردة

SENDRILLA

16-09-2009, 05:51 PM

انا جيت الحمد لله من الزياره
وده لينك الموضوع اللي فيه التفاصيل
http://www.thanwya.com/vb/showthread.php?p=1609985#post1609985

هبقي ادخل بعد الفطار بقي ان شاء الله
ومرسي يا محمد انا اللي كنت مفتقداكو
لما ادخل تاني هبقي ارد علي كل واحد بقي مش هقدر دلوقتي معلش
اشوفكو بعد الفطار
صوما مقبولا وافطارا شهيا بقي بس اوعو تاكلو الاطباق:p

lobna24

16-09-2009, 06:45 PM

انا جيت الحمد لله من الزياره

وده لينك الموضوع اللي فيه التفاصيل
http://www.thanwya.com/vb/showthread.php?p=1609985#post1609985

هبقي ادخل بعد الفطار بقي ان شاء الله
ان شاء الله واحنى مستنينك ان شاء الله
ومرسي يا محمد انا اللي كنت مفتقداكو
واحنا كمان اكيد كنا مفتقدينك
لما ادخل تاني هبقي ارد علي كل واحد بقي مش هقدر دلوقتي معلش
اشوفكو بعد الفطار
بس انتى خلصى بسرعه بقى

صوما مقبولا وافطارا شهيا بقي بس اوعو تاكلو الاطباق:p

هههههههههههههههههههههههههههههههههههه
اسره القناه الاولى تتمنى لكم صوما مقبولا وافطارا شهيا
واتفرجوا بقى ع مسلسل بكااااااااااار:romarioxp6:
هههههههههههههههههه

SENDRILLA

17-09-2009, 12:02 AM

اه طلبه بيطرى كلها ماعده انا

انا مش بتاعه مستشفيات خالص
ولو هموت مش بدخلها
دى شكلها يرعب

ان شاء الله ندور على طريقه تانيه ناخد بيها ثواب

يابنتي هي 57 دي مستشفي
دي فندق 9 نجوم ونص :d
طرق الثواب كتير بس اللي يعمل والله:frown:
اقتباس:
المشاركة الأصلية كتبت بواسطة حمااده http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1609176#post1609176)
يعنى هى جت على العصافير مه كل حاجة عندها افلونزا حتى الخيول
عشان كده الحمد الله انهم بيسترخصوا ويجيواا donky:022yb4:

هههههههههههههههههههههههههه
الحمد لله
بس الحمار ده معفن اوووووووى:confused:

معقن
اومال هتعملي ايه في المشرحه;)
ياخوفي يابدران لتكسفونا قدام الاجانب ونلاقي واحده مغمن عليها مين ؟ تطلع انتي :d

SENDRILLA

17-09-2009, 12:07 AM

ان شاء الله ربنا معاكى
بس ياريتك كنتى قولتى كنت جيت معاكى
والله ياقمر العدد كان محدود 7 بس
ان شاء الله الزياره الجايه بجد نحاول نجيب تصريح بعدد اكبر وتكونو معايا

لا هى عملتهافى السر كانت عاوزة تبقى وحدها:angry:

لأ والله ابدا
زي ماقلت العدد كان محدود اوي
وانا قلت اجرب والمره الجايه نبقي خبره بقي:d
ياجماعاه هى بيطرى بنات بس ولا ايه انا وانا فى الاسماعلية كان كل اللى بيقدما بنات ولما جيت القاهرة لسة مسمعتش عن ولاد خالص
يالا بقى البركة فيكوا
افتقدانكى يا سندريلا النهاردة
من ناحية كلها بنات
فمتقلقش هتلاقي كام ولد يونسوك كده :av4056bb7jp3:
والله انا اللي مفتقداكو اوي:)

علي فكره لما رحت علوم سألتلكو علي الجدول
قالولي لسه منزلش :bosyht9:
متقلقوش كل تأخيره وفيها خيره :)

lobna24

17-09-2009, 03:19 AM

مهم مش هيجيبوى اى حمير برده لازم تكون هنجة على الاخر من كتر ال:abdoog8:
انت هتقولى :bosyht9:

lobna24

17-09-2009, 03:24 AM

والله ياقمر العدد كان محدود 7 بس
ان شاء الله الزياره الجايه بجد نحاول نجيب تصريح بعدد اكبر وتكونو معايا

ولا يهمك يا زوزو المره الجاي بقى ان شااء الله

من ناحية كلها بنات
فمتقلقش هتلاقي كام ولد يونسوك كده :av4056bb7jp3:
هههههههههههههههههههههه
المفروض بقى تحمد ربنا
والله انا اللي مفتقداكو اوي:)
اه ده البنات دوووووول سووس وبغل كده ف المذاكره اسالينى انا

علي فكره لما رحت علوم سألتلكو علي الجدول
قالولي لسه منزلش :bosyht9:
متقلقوش كل تأخيره وفيها خيره :)
طيب الحمد لله نبقى ننزل بعد العيد بقى ان شاء الله

SENDRILLA

17-09-2009, 12:44 PM

طيب الحمد لله نبقى ننزل بعد العيد بقى ان شاء الله
اها ان شاء الله تنزلو بعد العيد يكون نزل
ويمكن ينزل ع النت ويوفر عليكو النزول :romarioxp6:

د\رغدة

17-09-2009, 01:07 PM

ازيك ياسندريلا ايه اخبارك يارب تكوني بخير لوسمحت ان عايزة اسألك هم مقسمين الدفعة (ا-ب -ج-د - ه- و) انا مش فهمة حاجة من الجدول خالص يوم الاثنين مثلا فية 4مواد هيبدأوا في نفس الوقت

نبرة حزن

17-09-2009, 01:24 PM

ازيكم يا دكاترة

احب انضم ليكم

وانا داخلة اولي بيطري القاهرة ان شاء الله

SENDRILLA

17-09-2009, 01:30 PM

ازيك ياسندريلا ايه اخبارك يارب تكوني بخير لوسمحت ان عايزة اسألك هم مقسمين الدفعة (ا-ب -ج-د - ه- و) انا مش فهمة حاجة من الجدول خالص يوم الاثنين مثلا فية 4مواد هيبدأوا في نفس الوقت
بصي يا رغودتي
فرضنا ان الدفعه مثلا 240 طالب فرضا يعني
يبقي تتقسم علي 6 بكام
ارجعي لجدول الضرب بقي
يبقي 40
يعني كل سكشن فيه 40
والسكاشن مش زي المحاضرات
مينفعش نعد 200 واحد في مكان واحد
طبعا هتلاقي محدش فاهم حاجه
وبالتالي بتتقسم سكاشن
وكل سكشنين بيبقو بالتبادل مع بعضهم
يعني انا كنت سكشن أ
انا مثلا بخلص هستولوجي واروح اناتومي
يكون سكشن ب مخلص اناتومي ورايح هستولوجي
وفي نفس الوقت بيكون كل سكشن في مكانه بياخد سكشنه
بس سكشن عنده رعايه والتاني جاسب والتالت اناتومي وهكذا
يارب اكون قدرت اوصلك المعاومه
ازيكم يا دكاترة

احب انضم ليكم

وانا داخلة اولي بيطري القاهرة ان شاء الله
ازيك انتي ياقمر
علي فكره ياجماعه نبرة حزن هي ملك الرحمه
بس هي نسيت الباس تقريبا
اهلا بيكي يا ملك

د\رغدة

17-09-2009, 01:32 PM

وانا هعرف انا (ا-ب -ح .. امتة قبل الدراسة ولا بعدها

SENDRILLA

17-09-2009, 01:34 PM

بصو يا دكاتره
النهارده وانا بكلم ملك الرحمه ع الميل
كان في سوء فهم كده وصلنا لان في موضوع كويس اوي ليه نفس فكرة الموضوع ده في منتدي تاني
وكان المفروض عشان افهم اني ادخل الموضوع اشوفه
وبالفعل بعتتلي اللينك ودخلت
وبصراحه الموضوع فيه مجهود جامد جدا
من طالب عندنا في الفرقه التالته اسمه احمد فتحي ( علي حسب ما ملك قالتلي :078111rg3:)
وهو اسمه في المنتدي brave heart
حبيت انقللكو الموضوع هنا عشان تستفيدو منه
هو كاتبه علي هيئة حلقات
وكمان ده اكبر مني يعني اكيد انا كمان هستفيد منه
ربنا يجازيه خير
وهنزللكو الموضوع بنفس الصوره
حلقات
ودي الحلقه الاولي
وهحاول انزللكو كل يوم حلقه او 2 عشان قبل العيد بقي والكحك والبيتي فور بقي
كل سنه وانتو طيبين
اليكم بالحلقه الاولي

http://sor.w2hm.com/files/image/t/5.gif

تحية طيبة وبعد؛

لم أكن أنوي عمل مثل هذا الموضوع خصوصا في الوقت الحالي..نظرا لإنشغالي ولضيق الوقت في هذا الشهر المبارك.

ولكن طالما هناك ولو شخص يحتاج لهذه المعلومات فلايمكنني تأخير الموضوع

وهذا العمل خالص لوجه الله ...لا اريد شيئا سوي الدعاء لي ولوالداي
وأتمني ان يوفقني الله في تقديم كل ما أملك من إفادة

والله الموفق

.
.

الموضوع خاص بطلبة( جامعة القاهرة)

................................

أولا :أهلا بكل طالب طب بيطري جديد...وإن شاء الله بالتوفيق في الدراسة..وفي المجال البيطري بصفة عامة.

ونصيحة للجميع : حب الكلية وإلا هتتعب أوي

حتي لو مش حابب الكلية إقنع نفسك بما قسمه الله ليك...لأن هو ده النصيب في الأول ولأخر

فامشي فيها بمزاجك وإلا إنت إللي هتتحمل كل العواقب بعد كدا...اللهم بلغت اللهم فاشهد.

..............................

نظام الدراسة والكلية

.

.

الكلية نظامها بيتبع حاجة إسمها (نظام الساعات المعتمدة) هو في حد ذاته مش وحش...لكن بكل اسف بيطبق في كليتنا غلط خالص يعني بياخدوا من النظام ده إللي علي مزاجهم..يعني مش بيطبق بحذافيرة.

برده لسه موضحتش يعني إيه ساعات معتمدة

أقولك

النظام ده يعني ليك في الترم مواد بعدد ساعات معينة متقدرش تسجل مواد أكتر من العدد المخصص للترم..يعني كل مادة ليها عدد ساعات ثابتة (جزء للمحاضرات وجزء للعملي)....المهم في أول السنة هيقولك تروح تسجل مواد الترم إللي عليك في بدايه اول اسبوع دراسي وإلا مش هتحضر السكاشن....

أوضح أكتر

ولانه زي ماقلت نظام ساعات مش مطبق صح ..فانت غصب عنك هتلاقي جدول نزلك بالمواد إللي عليك في الترم وهو ده إللي حضرتك مطالب تروح تسجل مواد الترم ده عند المشرف الأكاديمي

(المشرف الاكاديمي هو دكتور مسؤل عن عدد طلبة معين طول السنة ...من حيث تسجيل المواد أو اي حاجه إنت محتاجها علي طول تلجأ ليه.....وهما بينزلوا كشف اول الدراسة بأسامي المشرفين دول وارقام الطلية إللي مع كل مشرف)

متقلقش يعني كل شيء هيكون واضح بإذن الله.

المهم هتلقي جدول المواد بتاع الترم الأول نزل ممكن قبل الدراسة كمان بكام يوم....وده إللي هتستمر عليه طول الترم إن شاء الله.

اوك

طب بالنسبة للمحاضرات.

في كليتنا العزيزة المحاضرات ليها موعد واحد!! يعني مش بمزاج حضرتك ..وده برده يخالف نظام الساعات المعتمدة! لكن نقول إيه!

المهم كل الطلبة بتحضر مع بعضها موعد المحاضرة بتاع كل مادة...ومش بيكون فيه إعادة ليها. عشان كدا لازم متفوتش حاجه (وهنوضح الحضور ده بعدين إن شاء الله).

يعني يمكن يكون موعد المحاضرة واحد لقله عدد الدفعات

بالنسبالنا كنا 450 تقريبا أو اقل شويه. والدفعة إللي بعدينا حوالي 250

مش عارف إنتوا كام بئي؟!

بالنسبة للسكاشن

اولا يعني إيه سكشن:

سكشن ده هو الجزء العملي من المادة واللي المفترض إنك بتطبق فيه عمليا ...يعني علي حسب المادة

المهم...بيقسموا الدفعة كلها إلي 6 سكاشن إن شاء الله

أ – ب – ج – د – هــ - و

ترتيب ابجدي

وبينزل للسكاشن مواعيد مختلفه ...هنا بئي مش كله مع بعضو زي المحاضرات!

وكل واحد لما يشوف رقمة في الدفعة (علي الكرنية إن شاء الله) هيعرف هو في اني سكشن

وعليه بيشوف موعده إمتي في الجدول وبيحضر علي اساس الموعد ده

وغالبا بيكون أ وب مع بعض بالتبادل

و

ج , د مع بعض

هـ , و مش بعض

هما بيقسموها كدا..ومحدش يسألني ليه؟!

اوك ..كدا وضحنا شوية نظام الكلية ونبذه عن المحاضرات والسكاشن

دلوقتي إنت المفروض عرفت بئي مكانك في الدفعة والامور بتضحح واحدة واحدة

.....................................

الأدوات المطلوبة

ييجي حد يقولي طب أنا مطلوب مني أدوات إيه يا دكتور؟!

أقولك أنا

أهم شيء محتاجة في بداية الكلية هو البالطو ...

ومش هتدخل اي سكشن لاي مادة من غيرة (مع إنه بيفوتوا كتير يعني..بس نخلينا محترمين أحسن ونجيب البلطوا عشان مش كل مرة هتعدي علي خير)

هتلاقي ناس تقولك ادوات تشريح ومش عارف إيه.

سيبك من اي كلام ...وهتسمع كلام في الكلية دي كتير اووووي

اسمع من هنا وخرج منها هنا!!http://www.thanwya.com/vb/images/smilies/Bg-010.gif

إنت كل إللي محتاجة في أولي حاليا

هو البالطو عشان كل السكاشن

بالإضافة لألوان خشب

ودي هيطلبوها منك في قسم الهستولوجي عشان الرسم

(هنتكلم عن الهستو دي بالتفصيل بعدين إن شاء الله)

يعني الخلاصة

بالطوا و ألوان خشب ....ليس إلا.

طيب في ناس مش عارفة تجيب منين البالطوا....اقولك ببساطة هتلاقي ناس بتبيعة داخل الكلية ...أو ممكن حضرتك تنزل القصر العيني هتلاقي هناك محلات ادوات طبية ملهاش عدد . وكمان هيكون سعرها أحسن من سعر الكلية!

والألوان....أكيد مش محتاج أقولكم يعني.http://www.thanwya.com/vb/images/smilies/3rbloadiz_3.png

أوك كدا إتكلمنا عن الأدوات إللي انا محتاجها

....................................

طيب معلومة مهمة لازم نقولها في الأول

الكلية بتاعتنا ليها مقرين...والأتنين في ميدان الجيزة...في واحد أمام كوبري فيصل و (جمب مدينة الطلبة للبنات) بالظبط...والمقر ده هو إللي فيه الأدارة

وفيه بعض اقسام الكلية

والمقر التاني

برده يعتبر في الميدان ..لكن ده أمام كلية زراعة بالظبط وده بيسموه المبني القديم

والأول بيسموه المبني الجديد

والمقر ده فيه باقي الاقسم وفيه أغلب العملي لـأنه فيه المشرحة والهستولوجي وكدا

وهنتكلم تفصيلا لاحقا إن شاء الله.

وعموما هما في الجدول بيقولك المدرج الفلاني في المبني القديم او الجديد

وبالمثل السكشن الفلاني برده في المبني القديم او الجديد

متقلقش يعني الجدول بيكون فيه التفاصيل دي...بس ربنا معاكوا لأن الواحد بيفضل رايح جاي من هنا لهنا لحد ما الصحة راحت خلاص! ولسه لما تعرفوا بقية المشورة!!

انا بهزر طبعاhttp://www.thanwya.com/vb/images/smilies/3rbloadiz_3.png...الأمور هتبئي تمام إن شاء الله

......................................

برده لازم نذكر حاجه كمان ...مصاريف الكلية ملهاش دعورة بفلوش الكتب

مصاريف الكلية هتدفعها هتدفعها في اول السنة

وهي بتكون في حوالي يعني 150 يزيد او يقل شوية ...مش متذكر والله

أما الكتب فانت حر تجيبها والا متجيبهاش ملهاش دعورة بالمصاريف...وإن شاء الله برده مش هننسي موضوع الكتب لما نتكلم بعد كدا.

امممممممممم

أعتقد كدا مش ناسي حاجة إن شاء الله

دي بس مقدمة بسيطة ....وهييجي تفصيلا كل شيء عن المذاكرة والمواد وكدا إن شاء الله

ولو إفتكرت شيء هضيفة واكيد مش هبخل بيه بعون الله

لو في اي شيء مش واضح انا موجود بفضل الله

والسلام عليكم

يتبع؛

BraVe He*RT

د\رغدة

17-09-2009, 01:36 PM

ازيكم يا دكاترة

احب انضم ليكم

وانا داخلة اولي بيطري القاهرة ان شاء الله
الحمد لله انتي ايه اخبارك طبعا انتي منضمة لينا ودي حاجة تشرفنا وربنا يوفقنا كلنا

د\رغدة

17-09-2009, 01:45 PM

سندريلا هو انا المفروض اذاكر كام ساعة تقريبا انا عرفة انها بتختلف من شخص لاخر بس قوليلي علي المتوسط

نبرة حزن

17-09-2009, 01:46 PM

الحمد لله
متشكرة جدا ليكم سندريلاا ورغدة

ياريت نقدر نفيد ونستفيد من بعض

lobna24

17-09-2009, 01:58 PM

بجد يا زوزو شغل جاااااااااااامد اوووووووووى وتمام جدا
مش عارفين نودى الجمايل دى فين

SENDRILLA

17-09-2009, 01:58 PM

سندريلا هو انا المفروض اذاكر كام ساعة تقريبا انا عرفة انها بتختلف من شخص لاخر بس قوليلي علي المتوسط
بالنسبه للسكاشن
انتي قبل الدراسه بكام يوم كده ممكن تنزل الكشوفات
المذاكره بقي
والله ياقمر مش عارفه اقوللك بالظبط
بس اقوللك عن نفسي
انا في الايام اللي كنت بنزل فيها الكليه كنت تقريبا برجع البيت علي 8 وساعات 9 وممكن 6 علي حسب يعني :d
المهم ان انا لازم اكل طبعا عشان ممكن اكون مكلتش خالص طول اليوم وبعدين اتفرج ع التليفزيون شويه او اعد ع النت
وبعدين اشوف لو في حاجه عايزه ابص عليها ورق جبته مثلا كتاب جديد كده يعني
وبعدين انام علي حسب الوقت بقي غالبا 9 او 10 بالكتير
واصحي ممكن علي 3 او 4 الفجر كده يعني
واعد اذاكر ساعتين كده لحد ما معاد النزور ييجي وامشي
بس بيبقو ساعتين فيهم بركه يعني ممكن اعد يوم كامل ماقدرش اخلص اللي خلصته في الساعتين دول
وانصحك تعملي كده
واعد كل اسبوع اقول انا متأخره في المذاكره وفايتاني محاضرات كتير ان شاء الله الاسبوع الجاي يكون مش عليا حاجه
وارجع الاسبوع اللي بعده يتراكم عليا حاجات اكتر واكتر
بس اللي كان بيظبط ان احنا بنبتدي امتحانات بدري اوي وبنخلص متأخر اوي
وبالتالي بيبقي في ايام مش اقل من 3 او 4 بين كل ماده والتانيه
ودول بتلمي فيهم اللي مش ممكن تتخيليه
بس خدي بالك انا بلطش طول التيرم اه بس برده اكيد في جزء ذاكرته كويس جزء فهمته اوي وده بيسهللي اوي المراجعه
احيانا في حاجات ببقي بذاكرها لاول مره ليلة الامتحان
وبجيب فيها امتياز عادي :bosyht9:
بس مش اعد طول السنه استني الكام يوم اللي قبل الامتحان
وبعدين خليكي وسط
ولا تعدي في البيت قافله علي نفسك ومتشوفيش حد زي نظام ثانوي
ولا تخلي بابك مفتوح علي طول وتقضيها خروجات وزيارات ونت وكده وتقولي هجيب امتياز
خير الامور الوسط
معلش انا رغيت كتير
بس عشان اقدر اوصللك الصوره كامله
وربنا يوفقك يا حبيبتي

SENDRILLA

17-09-2009, 01:59 PM

بجد يا زوزو شغل جاااااااااااامد اوووووووووى وتمام جدا
مش عارفين نودى الجمايل دى فين
متقوليش كده يا لولي
ده واجبي ياقمر
المهم ييجي بفايده والاقي الامتيازات منوره :)

lobna24

17-09-2009, 02:03 PM

ازيكم يا دكاترة

احب انضم ليكم

وانا داخلة اولي بيطري القاهرة ان شاء الله

اكيد تشريفينا ده احنا نبقى تمااااااام ف الكليه:039uw8:

حمااده

17-09-2009, 02:30 PM

ازيكم يا دكاترة

احب انضم ليكم
انتى خلاص بقتى معانا
وانا داخلة اولي بيطري القاهرة ان شاء الله
نورتى الكلية مع اهلها طبعا

نبرة حزن

17-09-2009, 03:06 PM

متشكرةجدا ليكم
لبني وحمادة

ويارب اكون عند حسن ظنكم

د\رغدة

17-09-2009, 03:25 PM

متشكرة جدا ليكي ياسندريلا بجد والله الواحد مش عارف يشكرك ازاي ربنا يجازيكي خير ويجعلة في ميزان حسناتك

حمااده

17-09-2009, 04:08 PM

متشكرةجدا ليكم
لبني وحمادة

ويارب اكون عند حسن ظنكم
ان شاء الله
المه فعلا كلنا نفيد بعض
وفعلا الدفعة دى مش هتتكرر
ماشى يا سندريلا انتى وشرين :p
دفعتنا مش هتتكرر:022yb4:

حمااده

17-09-2009, 04:10 PM

اكيد تشريفينا ده احنا نبقى تمااااااام ف الكليه:039uw8:
نبقى تمام
هههههههههههههههههه ده احنا هنبقا تمام اوى
تمام على الاخر
بس ربنا يستر

Hamset_Etab

17-09-2009, 06:59 PM

اهلا بيكى يا ملك
التوبيك نور بوجودك :)

ازيك يا زوزو
شكراااااااااااااا اوى على الحلقه اللى نزلتيها
ربنا يجازيكى خير ياقمر

وحشانى اووووووووى يا رغده والله
وانتى كمان يا لبنى ربنا يعلم انا حبتكوا اد ايه

ازيك يا دكتور محمد يارب تكون بخير
انا فرحانه اوى عددنا بيكبر
هشكلنا هنبقى جروب جامد اوى
هيسكر الدنيا:d

SENDRILLA

17-09-2009, 07:01 PM

متشكرة جدا ليكي ياسندريلا بجد والله الواحد مش عارف يشكرك ازاي ربنا يجازيكي خير ويجعلة في ميزان حسناتك
العفو يا حبيبة قلبي
ربنا يجازيكي خير مثله ياقمر

SENDRILLA

17-09-2009, 07:03 PM

نبقى تمام
هههههههههههههههههه ده احنا هنبقا تمام اوى
تمام على الاخر
بس ربنا يستر
حاسه باللي انت نفسك تقوله
انت نفسك ولد واحد يدخل يقول انا بيطري القاهره صح:d
والله ماتقلق يادوك
بكره تزهق من كتر الولاد

SENDRILLA

17-09-2009, 07:04 PM

ان شاء الله
المه فعلا كلنا نفيد بعض
وفعلا الدفعة دى مش هتتكرر
ماشى يا سندريلا انتى وشرين :p
دفعتنا مش هتتكرر:022yb4:
ايوه طبعا يا محمد مش هتتكرر هههههههه

SENDRILLA

17-09-2009, 07:07 PM

اهلا بيكى يا ملك

التوبيك نور بوجودك :)

ازيك يا زوزو
شكراااااااااااااا اوى على الحلقه اللى نزلتيها
ربنا يجازيكى خير ياقمر
جزاكي مثله ياحبيبتي

وحشانى اووووووووى يا رغده والله
وانتى كمان يا لبنى ربنا يعلم انا حبتكوا اد ايه

ازيك يا دكتور محمد يارب تكون بخير
انا فرحانه اوى عددنا بيكبر
هشكلنا هنبقى جروب جامد اوى

هيسكر الدنيا:d

طبعا يا همسه ان شاء الله
وبعدين لحد دلوقتي مفيش منتدي لدفعه معينه في الكليه او حتي لكل الدفعات
وانا طبعا لا افقه شيء في عمل المنتديات
فعايزين حد جامد كده من دفعتكو يعمل منتدي كده لينا وبس
هو احنا حاليا في 3 جروبات ع الفيس بوك
لو حد عايز ممكن اقولهمله
بس المنتدي بيبقي احلي بكتير طبعا

SENDRILLA

17-09-2009, 07:08 PM

دي الحلقه التانيه يادكاتره
السلام عليكم ورحمه الله وبركاته
.
.

بعد ما اتكلمنا عن نظام الكلية بصفة عامة..هنبدأ ندخل إن شاء الله في تفاصيل أكتر شوية

أول حاجه هتكلم عن المواد إللي هناخدها في سنة أولي

الفرقة الأولي كلها 14 مادة مقسمة علي الترمين...يعني كل ترم 7 مواد إن شاء الله

ومحدش يتخض أغلبها مواد تافهه إن صح التعبير!

المهم هقول مواد الترم الأول وبعدين نستفيض براحتنا

مواد الترم الأول وتشمل:

تشريح خيل واجنة Anatomy

الخلية والأنسجة Histology

رعاية الحيوان Animal management

علم أحياء Biology

بيوفيزيا Biophysics

كومبيوتر

إنجليزي

وكدا يبئوا 7 مواد ...دول بتوع الترم الأول

وننسي دلوقتي ال 7 بتوع الترم التاني...إن شاء الله هذكرهم في الوقت المناسب ..مفيش داعي نذكرهم حاليا ...خلينا نركز دلوقتي في ال7 دول

طبعا أكيد أنا مرتبهم بحكمة مش ترتيب عشوائي!

ترتيبهم ده من حيث الأهمية وليس الصعوبة ...وهنفهم معني أهمية دي مع الوقت .

أوك

في حاجة مهمة جدا بئي لازم نقولها ...بس محدش يتصدم يا جماعة

الحكاية ومافيها إن المواد دي مش كلها هتتاخد في كلية طب بيطري

في 5 منهم في كليتنا ...واتنين تانين في كلية علوم

إللي هما

Biology

Biophysics

فاكرين لما قلت إن الصحة راحت من كتر المشورة؟!http://www.thanwya.com/vb/images/smilies/3rbloadiz_3.png

عموما محدش يقلق...هو الفكرة إن الكلية عاملة يومين من الجدول بتاع المواد لكلية علوم (طبعا كلية علوم موجودة داخل الجامعة نفسها)!

وغالبا بيكونوا السبت والأحد من كل إسبوع بيكونوا مخصصين للمادتين دول...حضرتك هتروح هنا تدور علي القسمين دول وتشوف موعدك إمتي وتحضر.

وده ينقلنا لنقطة مهمة جدا جدا

إن اول يوم ليك في الكلية مش هيكون في بيطري..لا هيكون في كلية علوم بالجامعة!

إلا إذا الكلية غيرت ايام السبت والأحد بتوع علوم لايام تانية...,إن كنت اشك في كدا لأن الكلية طول عمرها ماشية علي هذا السستم.

لكن طبعا مرجعك الأول والأخير في الحركة هو جدول الترم إللي هيكون معاك لأن ممكن والله اعلم يغيروا الايام أو كدا.

لكن في كلا الحالتين هتروح الجامعة لا محالة.

طبعا في لأول هتتعب شوية لحد ما توصل الاقسام في كلية علوم لكن معلش في الأول بس..وبعد كدا هتتعود علي الدنيا .

ده بالنسبة لمادتين علوم.

نرجع تاني لل5 مواد إللي في الكلية بتاعتنا نفسها

طبعا أهم 3 فيهم بمعني الكلمة هما

التشريح

والهستولوجي

رعاية الحيوان

لكن مش معني كدا إننا نهمل الكومبيوتر وال الإنجليزي.

واذكر إن والحمد لله نص دفعتي كانت شايلة كومبيوتر من الإستهتار

والله العظيم بجد ...كان شيء عجيب.!!http://www.thanwya.com/vb/images/smilies/3rbloadiz_2.png

أنا بقول كدا عشان محدش يستهتر لازم كل مادة تكون عندك مهمة إذا كنت بتبص لنجاح وتقدير بإذن الله.

أنا بس ذكرت إن أول 3 أهم ليس إلا يعني..يعني تديهم وقت اكتر من مذاكرتك.

لحد دلوقتي لسه مدخلناش في تفاصيل اي مادة..

انا كل ده بتكلم جينرالي

...........................................

في شوية ملاحظات مهمة لازم تتقال قبل ماندخل في تفاصيل كل مادة إن شاء الله

أولا: من الأخر يا جماعة كليتنا مش كلية كافتريات يعني مينفعش فيها نكبر دماغنا ونقضيها تضييع وقت واستهتار بجميع انواعه...بجد مينفعش خاااااااالص وإلا هتضيع في الكلية

الهزاز ده ممكن يحصل في أماكن تانية إنما كليتنا لا...مفيش اساسا وقت للهزار لازم المذاكرة اول بأول عشان الدنيا متضيعش معاك.

ثانيا : الكلية غير الثانوي العام خاااااالص...يعني ياجماعة نحاول كدا ننسي نظام ثانوي في كل شيء زي طريقة المذاكرة والحفظ والدروس والحورات دي كلها.

الكلية مش كدا تماما...الكلية كلها مجهود شخصي منك

والمذاكرة تكون بفهم لأن ده طب يعني أحفظ اه مقلناش لا ..لكن احفظ بعد مافهم الأول .

ثالثا : الكلية في الأول هتكون صدمة لأغلب الناس...يعني حياة تانية ..حرية كبيرة عن زمان..محدش هيقولك إنت بتعمل إيه! حتي أهلك بيكونوا شالوا الضغط عنك علي اساس إنك عديت من خطر الثانوي العام.

فده بيعمل صدمة للناس في اول الكلية ..ده غير إختلاف الحياة واختلاف لغة الدراسة ..كل ده بيعمل صدمة ليك بجد ...

الشاطر بئي هو إللي يقدر يفوق من الصدمة دي بسرعة

طب ممكن ندي الصدمة دي رانج أقولك اه

ممكن تستمر لشهر..شهر ونص!

مش اكتر من كدا ...وكل ما تلحق نفسك بدري كل ما هيعود عليك بالنفع في الأخر وتجيب تقدير إن شاء الله.

طيب لو الوقت سرقك وده بيحصل للأسف مع ناس كتيييير ...يلاقي الدنيا حلوة وينسي إن وراه امتحانات! بتوصل والله للشيل وبلاوي الشيل...ربنا يحفظنا منه

(هتكلم عنه تفصيلا )

طب أزاي نفوق من الصدمة... ببساطة جدا إنك متسمحش لنفسك تنفتح علي الأخر وتتمسك بتركيزك لأقصي درجة حتي لو فضلت فترة مش فاهم حاجه في الكلية (وده الطبيعي في الأول) برده خليك مركز قدر الإمكان.

رابعا: الدراسة في الكلية كلها إنجليزي باستثناء كام ماده كدا هتقابلهم في السكة إنما كله انجليزي...في الأول هتتعب جامد من الغة الجديدة.

خصوصا وإن الانجليزي مش إنجليزي لغة عامة ...لا ده لغة طب ومصطلحات فهتتعب شوية في الأول لحد ماتاخد ع الجو.

في ناس كتير هتقولك هات قاموس والكلام ده

بجد يا جماعة الطريقة دي اثبتت فشلها تماما ..مش هينفع أفضل اترجم كلمة كلمة

نصيحتي بئي للناس

إنسي خالص حكاية القاموس دي...كل إللي عليك إنك تركز كويس جدا مع الدكتور في المحاضرة....وعلي قد ماتقدر تكتب وراه كلمات بترجمتها أكتب

(هما بيشرحوا بالعربي لكن بيقولوا المصطلحات بالأنجلش) في دكاترة بتقدر وبتترجم كتير وفي ناس بتكبر دماغها وتفضل تشرح وخلاص ويقولك مثلا

Epithelium tissue

والا إنت فاهم حاجة ...بعد شبترين تلاتة هتعرف معناها بئي!!!

عادي جدااااااااا..........المهم خليك صبور وجمع كلمات علي أد ماتقدر

ولم تبدأ تذاكر....إستخدم ذاكرتك والكلمات إللي كتبتها وحاول تفهم إللي في الكتاب أو الورق....يعني حاول تفهم المقطع بيتكلم عن إيه بصفة عامة.

خطأ شائع وخطيييييييير جدا وبيقع في أغلب الناس ..إنك تبئي عايز تترجم الفقرة كلها!!

صدقني مش هتعرف ...دا غير إنك هتعقد نفسك

إنت استغلت كلمات كمفتاح لفهم المعني العام للفقرة...وصدقني هتفهمها حتي لو مترجمتش كلمات فيها!

استمر علي كدا لحد ما هتاخد علي جو الكلية والدراسة..بعد كدا هتلاقي نفسك تمام وفاهم كويس ...لكن مفيش شك لإنك هتتعب شوية في الاول وده طبيعي يعني ...ميخوش إطلاقا.

مثلا دي فقرة كمثال

Epithelial tissue covers the whole surface of the body. It is made up of cells closely packed and ranged in one or more layers. This tissue is specialised to form the covering or lining of all internal and external body surfaces. Epithelial tissue that occurs on surfaces on the interior of the body is known as endothelium. Epithelial cells are packed tightly together, with almost no intercellular spaces and only a small amount of intercellular substance. Epithelial tissue, regardless of the type, is usually separated from the underlying tissue by a thin sheet of connective tissue; basement membrane. The basement membrane provides structural support for the epithelium and also binds it to neighbouring structures

بتتكلم عن تكوين epith tissue

ممكن في الاول تحس إنك مش فاهم حاجة...برده طبيعي جدا

القصد هنا إنك مش لازم تترجم كلمة كلمة لا ...إنت تبص علي كلمات تعتبر مفاتيح وهتفهمك الجملة كلها ...ودي زي ماقلت إللي هتحاول تجمعها من المحاضرات.

يعني مثلا لو بصينا إيه الكلمات إللي غريبة شوية علينا...ممكن نقول

Epithelial

Tissue

Cell

Endothelial

Intercellular space

Basement membrane

Structural support

يعني بيتهيألي دي معظم الكلمات الغريبة شوية عليك

إنت في المحاضرة هتسمع المصطلحات دي...حاول تكتبها زي ماقلت ..ولما تيجي تذاكر إبدا في قراءة الفقرة أكيد هيقف معاك كلمة ..اتنين..تلاته...لكن برده في الأخر هوصل للمعني العام

وعمر ما كلمة هتوقف فهم المعني العام

بس

هو ده إللي عايز أوصله من المثال ده

وصدقوني الكلام بعد كدا هيبئي تافه اوي

يعني مثلا كلام زي اللي قلته ده بالنسبالي تااااااااافه جدا ومصلحاته ركيكة حتي!http://www.thanwya.com/vb/images/smilies/3rbloadiz_3.png

مقارنة بمصطلحات تانية !

لكن هي كدا...كل شيء بيكون صعب في الأول

وانا برده وقتها مكنتش فاهم اي حاجه زيكم كدا ....عادي يعني

ومش لازم نترجمها بئي خليها كدا تدي منظر!!http://www.thanwya.com/vb/images/smilies/3rbloadiz_3.png

اكتفي بهذا القدر الأن

ولي عودة إن شاء الله

يتبع؛

BraVe He*RT

د\رغدة

17-09-2009, 07:50 PM

والله انتي وحشتيني اكتر يا همسة فينك يابنتي مش باينه ليه ياريت تصلحي الميل بقي

د\رغدة

17-09-2009, 07:53 PM

ايه ياسندريلا مش بقيت لاقية كلمة شكر اقولها انتي بتحرجينا بذوقك ده بجد ربنا يديكي علي اد نيتك ويوفقك لما يحبه ويرضاه وبجد متشكرين ليكي جدا وللدكتور اللي كتب الموضوع

SENDRILLA

17-09-2009, 07:56 PM

ايه ياسندريلا مش بقيت لاقية كلمة شكر اقولها انتي بتحرجينا بذوقك ده بجد ربنا يديكي علي اد نيتك ويوفقك لما يحبه ويرضاه وبجد متشكرين ليكي جدا وللدكتور اللي كتب الموضوع
ايه يا رغده متقوليش كده
مانا قلتلكو قبل كده وبكرر
بجد هتبقي اكبر كلمة شكر اني اشوف تقديراتكو ع الاقل التيرم الاول
صدقيني وقتها هفرحلكو اكتر ما هفرح لنفسي
(اذا كنت جايبه تقدير يفرح يعني :d)
مستعجله اتعرف عليكو وجها لوجه في الكليه بقي
يارب الدراسه متتأجلش تاني
قولو امين :028ja7:

د\رغدة

17-09-2009, 08:05 PM

ربنا يخليكي لينا يا سندريلا والله انا نفسي اشوفك جدا ويارب نفرحك كلنا ويارب نشوفك الاولي علي الدفعة ال4 سنين اللي جاين انشاء الله

lobna24

17-09-2009, 08:19 PM

شكرااااااااااااااااااااااا ليكى يا زوزو بس فعلن ع رأى رغده مفيش كلمه شكرا توفى حقك
واكيد هندعيلك ان شاء الله
ولعلمك دى تعتبر صدقه جاريه لانها امانه احنا ان شاء الله نوصلها للى بعدنا ان شااء الله

lobna24

17-09-2009, 08:20 PM

طبعا يا همسه ان شاء الله

وبعدين لحد دلوقتي مفيش منتدي لدفعه معينه في الكليه او حتي لكل الدفعات
وانا طبعا لا افقه شيء في عمل المنتديات
فعايزين حد جامد كده من دفعتكو يعمل منتدي كده لينا وبس
هو احنا حاليا في 3 جروبات ع الفيس بوك
لو حد عايز ممكن اقولهمله

بس المنتدي بيبقي احلي بكتير طبعا

ان شاااء الله ان هحاووووووووول اعمل منتدى بس ادعو لى لانى كنت واخده دوره كده بس ياريت افتكر منها حاجه ربنا يستر
وياريت تقولى لى ع الجروبات اللى ع الفيس بوك دى عشان ادخل عليها بقى :)

حمااده

17-09-2009, 08:41 PM

الف شكر ياسندريلا البنات قاموا بالواجب معاكى على الاخر
بس برده لازم اشكرك بنفسى
ومنورين يا جماعة كلكوا والله
ركزى يا لبنى هتفتكرى عاوزين منتدى لبيطرى وبس انا مش اى حد
وفعلا ايه الجروبات ديه يا سندريلا

د\رغدة

18-09-2009, 05:51 AM

كل سنة وانتم طيبين يا احلي دكاترة وربنا يعود علينا الايام بخير والسنة الجاية زي دلوقتي ان شاء الله يكون كل واحد ربنا حقق له اللي بيحلم بية انا حبيت بس ابقي اول حد يقولقوا كل سنة وانتم طيبين وعيد سعيد

حمااده

18-09-2009, 10:04 AM

وانتى طيبة يا رغدة
كل سنة وانتوا طيبينhttp://http://www3.0zz0.com/2009/09/18/08/935680500.gif (http://www.0zz0.com)

حمااده

18-09-2009, 10:05 AM

http://www3.0zz0.com/2009/09/18/08/935680500.gif

حمااده

18-09-2009, 10:07 AM

يا رب الصورة تعجبكوا ومحدش يعلق لانى لسة بتعلم

نبرة حزن

18-09-2009, 10:33 AM

كل عام اونتم بالف صحة وخير
كل عام وانتي طيبة رغدة
كل عام وانت طيب يا دكتور ومشكور علي الصورة

حمااده

18-09-2009, 11:03 AM

وانتى طيبة يل نبرة(ملك)

عبدالله الكومى

18-09-2009, 01:25 PM

كل سنة وانتم طبين يا جماعة

lobna24

18-09-2009, 03:56 PM

كل سنه وانتم طيبين
والصوره حلوه يا دوك محمد

SENDRILLA

18-09-2009, 05:43 PM

كل سنه وانتو طيبين يا دكاتره
ويارب عيد سعيد عليكو
وجامده اوي الصوره يا محمد
تسلم ايدك
ريحتكو مني النهارده بقي
واحتمال بكره كمان:028ja7:
بس قلت ادخل ف السريع احطلكو الحلقه التالته
عشان احتمال ماقدرش ادخل بكره كمان :frown:
دي الحلقه التالته

السلام عليكم ورحمة الله وبركاتة
.
.

دلوقتي إن شاء الله هنبدأ كلام عن أول ماة من مواد الترم

وهي

التشريح Anatomy

بدايتا لازم نعرف إن التشريح هيفضل معاك سنتين بحالهم بدرسه أولي وتانية وكله بيساعد بعضه

يعني بتاخد علي 4 كورسات ..كل كورس في تيرم

طيب ...ال4 كورسات دول بيتكلموا عن إيه ومتقسمين

إزاي

أولا هما مش بيدرسوا كل الحيوانات ...لكن بيشرحوا تفصيلا الحصان horse

او بيسمي برده equine (عشان لو شفتها متستغربش)

يعني بيعتبروا الحصان ده هو الحيوان الأساسي أو المثالي إللي بندرس عليه ...ومقياسا عليه بئي ياقي للحيوانات مع وجود إختلافات بسيطة طبعا من حيوان لأخر..إنما الأساس واحد طبعا

المهم ..نرجع تاني لل4 كورسات متقسمين إزاي

الأول : بتناول تفصيلا القوائم الأمامية والخلفية (الأطراف يعني ) إسمها fore&hind limbs

أو بيسموها برده thoracic &pelvic limbs

وده هو الكورس إللي بيتاخد في الترم الأول من سنة أولي (هنرجعله تاني تفصيلا)

التاني : بيتناول الصدر والبطن thorax & abdomen

وده في الترم التاني من أولي

التالت : بيتناول ال head&neck

وده في الترم الأول من سنة تانية

بالثلاث كورسات دول ..كدا يبئي جسم الحصان اتاخد كامل

ييجي بئي الكورس الرابع والأخير

بيتناول مقارنة بين 6 حيوانات ...يعني كورس تجميعيd بئي بيلم كل الحيوانات بعد ما

درست الحصان تفصيلا

بيسمي تشريح مقارن comparative anatomy

وهو كورس ممتع وسهل مووووووت والحمد لله انا جيب فيه إمتياز بفضل الله.http://www.thanwya.com/vb/images/smilies/Bg-001.gif

طبعا في ملحوظة لازم ناخد بالنا منها

طالما إن التشريح 4 كورسات بالتتابع يبئي معني كدا إني مش هعرف أخد أي كورس تالي غير

لما أنجح في إللي قبليه...يعني ببساطه لاقدر الله لو شلت الأول مش هتعرف تاخد التاني وهكذا لأن كلها سلسلة واحدة فلازم تنجح في كل واحد عشان ينقلك للي بعدية

لان اساسا مينفعش اخد بطن وصدر وانا اساسا منجحتش في القوائم

طب إزاي بالعقل حتي؟!!

لكن طبعا أنا مش بخوف حد ...دي كانت معلومة لازم تاخد بالك مها بس للأمانه عشان تاخد بالك

لكن أحب اطمنكم إن التشريح من اسهل مواد الكلية ومحدش بيشيله في الدفعة إلا نادرااااا جدا

وبيكونوا واحد والا اتنين او كدا ومثلا عشان محضرش إمتحان او محلش خالص او كدا

لكن بصفة عامة القسم ده محترم جدا وكله دكاترة زي العسل ومن أفضل اقسام الكلية بيدي تقديرات والحمد للهhttp://www.thanwya.com/vb/images/smilies/Bg-011.gif

اوك

نتكلم بئي دلوقتي عن أول كورس هتاخده وهو

Anatomy of fore & hind limbs

الكورس علية 100 درجة

مقسمة كالتالي

50 درجة إمتحان الترم (التحريري)

30 عملي

20 شفوي

وبمناسبة الشفوي (الكلية اي مادة فيها بتمتحنها 3 امتحانات نظري وعملي وشفوي...وفي الشفوي بتدخل للدكتور إنت وكام واحد وبيبدا يسالك في المنهج فيس تو فيس

لكن مش عايز حد يقلق والله الشفوي ده متعة ...والدكاترة بتبئي متعاونه جدا وبستهل عليك)

المهم نرجع تاني

بعد ما تكلمنا عن تقسيمة الدرجات نمسك الكورس شوية

زي ماقلنا الكورس بيتناول الأطراف من حيث ايه بئي

من حيث كل حاجه

يعني هيتكلم عن الأطراف من كل حاجه

هيتكلم عن العظم إللي فيها .......العضلات ..الأعصاب...الأوعية الدموية..وخلافة

يعني كل حاجه في القوائم بالتفصيل.

بالنسبة لدكاترة المادة

علي وقتي انا كان رئيس القسم...دكتور جمال مسعود

بجد شخصية جميلة جدا ومحبوب جدا من الطلبة (كان بيجيب امتحانات سهلة اوي)http://www.thanwya.com/vb/images/smilies/Bg-001.gif

لكن للأسف هو أخر مدة ليه في رئاسة القسم كانت السنادي...يعني مش عارف مين هييجي يجديد مكانه

إنتوا وحظكم بئي !!http://www.thanwya.com/vb/images/smilies/Bg-032.gif

وفي دكاترة كتير بئي كلهم جامدين والله أذكر منهم حاليا

د. العياط

د. سامر

د. ياسر

د.سيد

د.عصام

وناس تاني كتير بئي بس مش فاكر اسامي

كلهم دكاترة محترمة جدا

ودول الدكاترة إللي بتشرح المحاضرات...طب نظامها إيه المحاضرات

مثلا كل جزء من المادة بينزل ليه دكتور معين ...يعني المادة مقسمة علي دكاترة كتير مش دكتور واحد بيشرح المادة كلها.....ومش عارف هل ده عيب والا ميزة!!

لكن في النهاية إللي بيحط الإمتحان رئيس القسم ..طبعا بعلمه من الدكاترة بالإجزاء إللي اتقالت والكلام ده طبعا.

بالتأكيد المحاضرات مهمة بالذات في اول كورس ده...لأن الماده لسه جديدة عليك ولازم تحضر عشان تفهم وهيسهل عليك المذاكرة كمان.

يعني حضور المحاضرات مهم جداااا...واكتب مع الدكاترة أي حاجه تقدر تكتبها...لأن كل كلمة بتكتبها هتيجي في يوم وتنفعك والله....أسألوني انا!http://www.thanwya.com/vb/images/smilies/3rbloadiz_3.png

بالنسبة لكل دكتور هيشرح أني جزء في الكورس فدي بتختلف برده مش ثابته..يعني القسم هو إللي بيحدد يعني مفيش دكتور ثابت لأي جزء

لكن بصفة عامة أغلب الدكاترة شرحهم حلو وهتفهم لو مركز معاه في المحاضرة.

.......................

المحاضرات بتكون مرتين في الاسبوع ..يعني محاضرتيتن

وهتعرف مكان المدرج من جدول الترم (بيكتبلك كل محاضرة في اي مكان بالظبط)

.......................................

طيب نتكلم عن العملي (السكاشن)

أولا السكاشن بتاعة التشريح بتتاخد في المشرحة ...ودي مكانها في الدور الأرضي بقسم الترشيح بالكلية القديمة

يعني أوصل بس للكلية القديمة واسأل علي قسم اتشريح هتلاقي نفسك وصلت

المهم إيه بئي نظام المشرحة دي!!

طبعا مش عايز حد يتخض من المشرحة ....ويقلبها جو افلام رعب!!http://www.thanwya.com/vb/images/smilies/Bg-005.gif

عادي جداااااااااااااا

هو طبيعي المشرحة مش هيكون ريحتهل بارفان http://www.thanwya.com/vb/images/smilies/3rbloadiz_3.png...لا طبعا في الأول هتحس بغثيان شويه من ريحتها...لأنه بيبئوا حاطين الجثث في فورمالين (مادة حافظة بتمنع التعفن للحفاظ ع الجثة)

طبعا اول سكشن ليك هتلاقي الحياة غريبة وهتلاقي نفسك قرفان من الدنيا والريحة كلها!

لكن معلش إستحمل ..ده الطبيعي في الأول

المهم خليك متفائل....وبكرة تلاقي نفسك متعود علي ريحة المشرحة وبتحبها كمان!!http://www.thanwya.com/vb/images/smilies/ff.gif

وطبعا الموضوع مش بيخلي من الكوميديا ...ده شيء طبيعي!

أذكر موقف

كنا أول سكشن اناتومي ...والناس كلها كانت مستغربة الموقف واللي زود عليها إن في بنت أغمي غليها وكانت ليله!! بس طبعا دي بتبئي بنات خفيفة شوية!http://www.thanwya.com/vb/images/smilies/Bg-001.gif

لكن لازم نذكر برده إن في بنات قلبها جامد ...الجثة هي إللي تخاف منها!!http://www.thanwya.com/vb/images/smilies/Bg-042.gif

لا بجد ...كل شيء هيكون بسيط بس المهم تاخد الامور ببساطة وحب.

النظام بئي إن السكشن بيتقسم إلي مجموعتين أو تلاتة ومعاهم دكتور يشرحلهم علي جثة

وبما إن الكورس عن الأطراف

فالجثة بتبئي عبارةة عن رجل أمامية أو خلفية ...حسب السكشن يعني.

وكل سكشن بيتشرح جزء مثلا مرة عظم مرة أوعية مرة اعصاب وهكذا

والدكتور بيشرح ادامك علي الجثة ويحفظ كمان

.....................

مهم جدا إنك تجيب جلافز معاك ( جوانيي طبي يعني) هتقولي ليه يا دكتور

اقولك عشان وانت واقف مع الدكتور تمسك الجثة بإيدك وتشوف كل جزء بنفسك..ده مهم جدااااااااااا

وصدقوني إللي بيمسك الجثة بإيدة بتفرق تماما عن الفرجة كدا

أولا بيخليك تحفظ أحسن ..دا غير غنه خلاص هيجمد قلبك ومش هتخاف من اي حاجه.

فنصيحة مني لازم تمسك كل حاجة بإيدك ومتخفش

لان لو فضت عايش في جو الرعب وقرفان من الجثة هتتعب أوي وانت الخسران!

..............................

بالنسبة للمعيدين في المشرحة هما

د. سماح

د. نور

د. ايمن

د.حمدي

د. عمرو

مقدرش اقول مين افضل من مين لأن كلهم دكاترة كويسين جدا

لكن الفرق إن كل واحد وله اسلوبه ...فيه بيفهم

وفيه بحفظ ...وهكذا ...كل واحد وطريقتة

وإن مع الوقت إختار إللي يعجبك واقف معاه ...محدش هيقولك لا يعني

ولو حد عايز يعرف أنا كنت بفضل شرح مين ...يبئي يسألني بيني وبينه وانا أقوله!!http://www.thanwya.com/vb/images/smilies/Bg-039.gif

.........................

كمان لازم تسال المعيد في اي حاجه مش عارفها...متتكسفش يعني

اي جزء مش عارفو وقفه ...أو خليك يشرحهولك تاني

وهما بجد ناس متعاونه جدااااااااااااااا

وبيحبوا الطلبة جداااااااااااااااااااااا

…………………………

امممممممممممممممم

فاضل إيه تاني!

اه

بالنسبة للكتب

فالقسم بيعمل كتاب نظري بالإضافة للكتاب العملي وبيكون عابرة عن اطلس ملون

وبيبئي حلو اوي بيساعدك في مذاكرة البيت...لكن طبعا لا يغني عن الجثة الحقيقية

إياك أن تهمل المشرحة...لازم تحضر كل السكاشن وإلا إنت اللي هتضر!

الكتابين بيكونوا في حدود 100 جنية أو اقل نسبيا

............................

نيجي للمذاكرة

من الأخر محدش بيذاكر من كتاب القسم النظري لانه طويييييل اوي وتقسيمه مش حلوة خالص ومليان تفاصيل مش بتتقال في المحاضرات (مرجع يعني)

كلكة مهمة جدا خدها مني ورطز فيها

إنت ملتزم باللي إتقال في المحاضرات ...وده حتي هيتقالك من رئيس السم

متقلقش يعني

طب هتقولي هذاكر منين...

من الأخر برده الدفعة كلها بتذاكر من ورق

وفي ورق لدكتورين بس

ورق دكتور سيد

وورق دكتور أيمن

طبعا كل ورق وليه اسلوبة المتميز بيه...لكن هما الاتنين نفس الكلام طبعا

عايز تعرف أنا بفضل مين أسألني بيني وبينك وانا اقولك؟http://www.thanwya.com/vb/images/smilies/Bg-039.gif

لأن رأيي مش مقياس....ده مجرد وجهة نظر خاصة بيا أنا

لأن مثلا انا بفضل ورق فلان...غيري بيفضل ورق فلان

وات عموما هتشوف الاتنين بنفسك واختار إللي هيريحك!

الورق بيتباع في الكلية القديمة والجديدة...وعموما هتلاقي الورق في الدفعة كلها

لان كل الدفعات بتذاكر منه علي طول

………………….

مذاكرة العملي.......اهم شيء تخرج من المشرحة حافظ حلو جدا وكاتب إن امكن

ومعاك في البيت الأطلس بئي قلب فيه كدا برحتك

بس بصفة عامة أنا بنصح تجيب الكتب كها حتي لو مش بذاكر منها أو غالية

لكن انا شخصيا بجيب كل الكتب ....برده بتنفع فيأوقات والله

وبرجعلها كتير.

...............................

تقريبا كدا غطينا كل نواحي المادة...

كفاية كدا دلوقتي ...كتبت كتيير!http://www.thanwya.com/vb/images/smilies/Bg-047.gif

ولنا عودة إن شاء الله مع مادة أخري

أو إضافة أخري للتشريح مذكرنهاش دلوقتي

.

.

لو فيه شيء مش واضح أسأل علي طووووول

دمتم بخير

والسلام عليكم ورحمة الله

يتبع إن شاء الله

BraVe He*RT

حمااده

18-09-2009, 08:18 PM

ربنا يخليكوا والف شكر
انا اصلى حبت اتعلم استحدم الصور

Hamset_Etab

19-09-2009, 01:27 AM

شكر يا زوزو على الحلقه
بجد تحفه
وحلوه اوى الصوره يا محمد
كل سنه وانتو طيبين

د\رغدة

19-09-2009, 12:03 PM

ميرسي ياسندريلا علي الحلقة وكل سنة وانتي طيبة وربنا يعود علينا الايام بخير ويتقبل منا ومنكي وربنا يكرمك يارب والله الحلقات دي حلوة جدااااا

SENDRILLA

20-09-2009, 07:29 PM

ايه ده هو كله لسه معيد ولا ايه
خلاص بقي العيد خلص القسم بينش خالص كده من غيركو
تالت مره ادخل واخرج وانا مغمومه ههههههه

حمااده

20-09-2009, 07:59 PM

ايه ده هو كله لسه معيد ولا ايه
خلاص بقي العيد خلص القسم بينش خالص كده من غيركو
تالت مره ادخل واخرج وانا مغمومه ههههههه
ليه كده احنا نقدر برده على زعلك انت منورة وكل سنة وانتى طيبة
بس انتى ال مختفية

حمااده

20-09-2009, 08:04 PM

شو فتى اهم الاعضاء بداوا يهلوا اهه
منوة يا همسة

Hamset_Etab

20-09-2009, 08:13 PM

انا جيت اهوه يا سندريلا
هما بقى اللى مكسلين
شكل الكحك نيمهم:blush:

SENDRILLA

20-09-2009, 08:26 PM

ليه كده احنا نقدر برده على زعلك انت منورة وكل سنة وانتى طيبة
بس انتى ال مختفية
اها والله ظروف كده
بس غصب عني
بس انا قلت عيد بقي وهدخل الاقي بيطري كلها هنا :d

SENDRILLA

20-09-2009, 08:30 PM

شو فتى اهم الاعضاء بداوا يهلوا اهه
منوة يا همسة
لا ماهي همسه مبلطه معايا ع الميل من بدري :d
ياللا كل سنه وانتو طيبين:022yb4:
وعيد سعيد:d

و1000 مبروك
:d
ومنجيلكوش في حاجه وحشه ان شاء الله ;)

SENDRILLA

20-09-2009, 08:46 PM

بصو يا قطاقيط
جبتلكو الحلقه الرابعه يمكن تفوقوا شويه كده :bosyht9:
السلام عليكم ورحمة الله وبركاتة

.
.

تحدثنا سابقا عن مادة التشريح Anatomy

وتحدثنا باستفاضة

ولكن

فاضل شيء صغير لابد من ذكرة عشان ننتهي من المادة وننتقل لغيرها

بالنسبة للعملي ...أول جزء منه هيبئي عن العظم Bone

يعني كل عظمة إسمها إيه وكدا..وطبعا بكل بياناتها والكلام ده

الموضوع جميل وممتع يعني محدش يقلق..ومن كتر التكرار هتحفظ وتفهم كمان إن شاء الله

المهم

إللي عايز اقوله...إن في المشرحة في إمكانية تستعير بعض الbone

يعني عادي الدكاترة مش بيقولوا حاجه تقدر تستعير لمدة إسبوع أو كد

ده يعني للي حابب إنه يذاكرها في بيته أو كدا يعني...(حرية شخصية)

وعموما بردة في إمكانية تانية للي عايز bone

ممكن يتعامل مع عمال المشرحة ...شغل دماغك يعني !http://www.thanwya.com/vb/images/smilies/Bg-032.gif

مش هينفع أقول كل التفاصيل هنا...إنما لو حد عايز يعرف أكتر ...يسألني بيني وبينه!!http://www.thanwya.com/vb/images/smilies/qqb021.gif

كدا الحمد لله مفيش حاجع تاني نقدر نقولها ....فينيش!http://www.thanwya.com/vb/images/smilies/3rbloadiz_3.png

.................................................. .........

هنبدا نتكلم بئي عن تاني مادة وهي

الخلايا والأنسجة

هستولوجي Histology

زي ماقلنا عن التشريح...برده الهستولوجي مش كورس واحد

لأ ...هي هتفضل معاك سنه اوي كلها بس

يعني 2 كورس..واحد في الترم الأول ..وواحد في الترم التاني

وكالعادة الأول بيتكلم generally أما التاني بيكون اكثر تخصصا

طيب اولا نعرف يعني إيه كلمة هستولوجي والمادة فكرتها إيه؟

هستولوجي يعني علم الأنسجة

بمعني إنك بتدرس أنواع الأنسجة المختلفة في جسم الحيوان (والإنسان سواء)

من حيث كل شيء وبتعرف شكل كل نسيج تحت الميكروسكوب وشكل الخلايا المختلفة وتركيبها ووصفها..يعني من الأخر هي تشريح ولن تشريح ميكروسكوبي وليس تشريح عين مجردة!!

يعني المادة كلها بتتكلم في خلايا وأنسجة لا تري بالعين

إذا العملي بتاعها كله تعامل مع الميكروسكوب

وبمعني أدق هدف المادة إنها تعرفك شكل النسيج الطبيعي في حالة ال normal

عشان بعد كدا هتعرف شكلة في الحالة المرضية في سنة تالتة إن شاء الله

المهم نبدأ بئي نتكلم عن إللي يهمنا وهو أول كورس ..ونسيب التاني بعدين !

Histology1

الكورس عليه 100 درجة (زي الاناتومي)

50....تحريري

30...عملي

20....شفهي

طيب نمسك الكورس تفصيلا شويه هو بيتكلم عن إيه

عبارة عن شباتر وتشمل :

Epithelial tissue

Connective tissue

Muscular tissue

Nervous tissue

Cardiovascular

بالإضافة إلي أول جزء هتاخدة في المادة وهو

Cytology

اي دراسة الخلية الحية...ودة الأساس (يعني هو بيبدأ الاول يشرحلك اساسا يعني إيه خليه..وإيه هي مكوناتها....وكل جزء فيها تركيبة إيه ووظيفتة إيه..وهكذا )

بعد كدا يبدأ بئي يدخل في الشباتر إللي ذكرنها في الأول

ملحوظة كلمة tissue يعني ...نسيج

وبالتالي هما كدا بترتيب إللي فوق

نسيج طلائي

نسيج ضام

نسيج عضلي

نسيج عصبي

والأخير عن الأوعية الدموية (شرايين ..اوردة...شعيرات )

طبعا للأمانة في الأول هتتوه جامد مع الدكاترة ...ومحدش اساسا بيقول عربي إلا قليل أوي

يعني هتلاقي المصطلحات الغريبة نازلة عليك زي المطرhttp://www.thanwya.com/vb/images/smilies/Bg-042.gif

لكن عموما أنا برده فهمتك علي الأقل اسامي الشباتر!

إللي اساسا مفهمتهاش الا بعد فترة والحمد لله!!!http://www.thanwya.com/vb/images/smilies/3rbloadiz_3.png

والله إنت لو فهمت الشابتر عايز يقول إيه اساسا...خلاص كل حاجه هتكون سهلة

اوك

بالنسبة لدكاترة المادة

كان وقتها رئيس القسم ...دكتور مختار

وغالبا والله اعلم هو برده هيكون موجود حاليا .

والحقيقة مش فاكر اسامي حد منهم خالص...(مكنتش بهتم بالاسامي وحتي الأن ماعدا قسم التشريح لأنه بحبهم وبحب القسم جدا)!!

عموما برده نفس النظام زي التشريح ...

برده كل دكتور هينزل يشرح جزء معين ولما يخلصه يهنزل دكتور غيرة وهكذا

إنما عموما رئيس القسم بينزل في الأول يكلمك عن المادة شوية ...ويقولكم الكلمتين المعروفين بئي عن الكلية وانسي الثانوي العام والحورات إللي من النوع ده!!

المهم

المحاضرات مهمة جداااااا

لازم تحضر كل شيء عشان تفهم...وطبعا خليك مع الدكتور بيكتب إكتب معاه بيرسم إرسم معاه....لأن برده رسم الدكتور بيكون أبسط من الكتب وكدا يعني

دا غير إنه هيسهل عليك

وعموما المادة كلها رسومات مع النظري ...يعني كل حاجة ليها رسمها وشرحها ..وده الطبيعي محنا قلنا كلها انسجة وخلايا ..فلازم أكون عارف شكل كل حاجه.

................................

بالنسبة للسكاشن بئي

السكشن ما هو إلا تطبيق علي النظري زي ماقلت قبل كدا

يعني مثلا جينا في المحاضرة إتكلمنا عن tissue معين

ييجي في السكشن في نفس الأسبوع...المعيد بيقول الكلام تاني بس باختصار طبعا ويقولك هتشوف إيه تحت الميكروسكوب وكدا وازاي هتفرق الجزء ده عن الجزء ده

وإيه بيميز ال slide ده عن ده ...وهكذا

يعد كدا بيديك كام slide بتوع السكشن وتشتغل بنفسك ...وطبعا الدكاترة حواليك بيساعدوا وكدا يعني واي حاجه مش بيتأخروا خالص.

وأحيانا بيكون في عينات جاهزة تشوفها بس

يعني جزء كدا وجزء كدا

المهم كتاب القسم بيكون فيه جزء للرسم

المفروض بئي إن حضرتك بتفهم السكشن وتشوف الميكروسكوبات كويس وتبدأ ترسم كل واحد في مكانة بالكتاب ...ولازم كل سكشن ترسم إللي بتشوفه تحت الميكروسكوب

يعني مش بتالف ....لا ببساطة برتسم إللي عينك شايفاى تحت الميكروسكوب أيا كان!!

وطبعا برسم بألوان خشب (ودي ذكرتها قبل كدا)

.....................................

المادة ليها ...محاضرتين نظري في الإسبوع

كل مدتها ساعتين .....(ومكان المدرج مكتوب في الجدول)

وليها سكشن واحد في الإسبوع

مدتة...3 ساعات

..............................

كتاب القسم بيكون شامل النظري والعملي ...وعشان كدا غصب عن سيادتك هتشترية لإن الرسم في الكتاب عليه حوالي 5 درجات من المادة ..فانت كدا كدا هتجيبة

هو بحوالي 80 او 90 جنية http://www.thanwya.com/vb/images/smilies/Bg-001.gif

...........................

أوك

نيجي بئي لمذاكرة المادة

للأسف وللأسف وللأسف

لأني سمعت كلام كتير جدا في الكلية من كل واحد

ناس تقولك زاكر كلام وسيبك من الرسم...وناس تقولك زاكر الرسم كويس ومتحفظش كلام.

كل ده اثرعليا وشتتني ...والترم كان قرب يخصلص وكنت حائر أزاكر إزاي؟!http://www.thanwya.com/vb/images/smilies/Bg-005.gifhttp://www.thanwya.com/vb/images/smilies/3rbloadiz_2.png

وفي الأخر

الحمد لله علي كل شيء جبيت فيها مقبول

وضاع مني درجات المادة إللي دلوقتي بقول عليها أتفه من التفاهه ...واتمني لو ارجع امتحنها تاني!!

لكن الحمد لله ...فعلا محدش بيتعلم ببلاش!!http://www.thanwya.com/vb/images/smilies/3rbloadiz_2.png

عموما عن تجربتي الشخصية إللي وصلت ليه

هو إن حضرتك لازم تفهم الكلام النظري الأول كويس من المحاضرة وبعد كدا تطابق الكلام مع الرسم بالبيانات....يعني المذاكرة الصح تذاكر الإتنين في واحد

يعني أنا اوك برسم وانا بذاكر لكن في نفس الوقت أقرأ النظري بتاع كل رسمه

بحيث إني لما إرسمها اقدر أشرح إللي قدامي ده إيه بالتفصيل

وبيتكون من كذا وكذا

مش مجرد إني بارسم وخلاص....

وعموما في أطلس القسم بينزله جمييييييل جدا في الرسم بالبيانات وهو مرسوم يدوي كمان ...فأكثر من رائع ده هيساعدك كتير في المذاكرة.

لكن مع النظري زي ماقلت

طيب حد هيقولي اذاكر النظري ..الكلام يعني منين؟

اقولك

والله هتلاقي ورق كتير بيتباع بس عن تجربة كل مختصر وتعبااان جدا

فانت من الأخر بئي تعمل إيه

تحاول تكتب محاضرات كويس جداااااااااا

ولو مش بتعرف ...صور من إصحابك

البنات ما شاء الله ميتوصوش في الكتابة وبتنسيق كمانhttp://www.thanwya.com/vb/images/smilies/Bg-011.gif
هههههههههههههه احم احم (sendrilla )

وذاكر من محاضراتك مع الاطلس ...والجزء إللي تلاقيه مش تمام في المحاضرة أو مختصر ...سيادتك ترجع بئي للكتاب فيه.

الكتاب مش وحش لكن رغاي شوية ...إنما انت ممكن لتخص مع نفسك وتعمل ورق حلو كدا تذاكر منه...

زي ماقلنا قبل كدا العملي محتاجة بس شوية مجهود منك مش أكتر...يعني أوعي تنتظر إن الورق وكل حاجه بتيجي ع الجاهز...لا دا قليل اوي

إنما مجهودك الشخصي هو اللي هينفعك في الكلية دي

أسألوني أناhttp://www.thanwya.com/vb/images/smilies/3rbloadiz_3.png

دانا شفت ايام في سنة تانية في بعض المواد...والله مكنا لاقيين الورقة اللي نذاكر منها ههههههه

حاجة تضحك وربنا.http://www.thanwya.com/vb/images/smilies/3rbloadiz_3.png

لكن بجد طالما بتكتب محاضرات خلاص..يبئي انت كدا في السليم

وهكرر الكلمة دي

كليتنا ومذاكرتك كلها اساسا ...المحاضرات ثم المحاضرات ثم المحاضراتhttp://www.thanwya.com/vb/images/smilies/Bg-040.gif

يعني لو لقيت ورق مش عارف مين وورق محاضرات حلو

إرمي الورق التانيhttp://www.thanwya.com/vb/images/smilies/Bg-010.gif وخد ورق المحاضرات..هو اللي
هيخليك تجيب تقدير كمانhttp://www.thanwya.com/vb/images/smilies/Bg-011.gif

اللهم بلغت اللهم فاشهد...بس.

يعني تقريبا كدا ده المهم حاليا

لو في شيء جديد افتكرته ...هنضيفه بإذن الرحمن

والسلام عليكم

يتبع إن شاء الله

BraVe He*RT

حمااده

20-09-2009, 10:13 PM

تسلم ايدك يا سندريلا

د\رغدة

20-09-2009, 11:37 PM

ربنا يخليكي لينا يا سوسو ياحبيبتي وميحرمناش منك ابدا وياريت تدعلنا عشان الموضوع شكلة صعب خالص

Hamset_Etab

21-09-2009, 09:36 AM

شو فتى اهم الاعضاء بداوا يهلوا اهه
منوة يا همسة
ده التوبيك منور بيك يا دوك
كل سنه وانت طيب

لا ماهي همسه مبلطه معايا ع الميل من بدري :d

ماهو من كتر النق انا قومت خااااااااااالص
ماشى :stickjo4:

حمااده

21-09-2009, 12:57 PM

لا انا مش ماشى انتى اللى مشيتى يا همسة

Hamset_Etab

22-09-2009, 08:49 PM

يا اهلا يا اهلا بالدكاتره اللى ناموا
هو انتوا حد حسدكوا ولا ايه:blush:
فين زوزو ورودى ولبنى ومحمد؟؟؟؟؟؟؟؟؟؟؟؟؟:angry2:

dr/jessy

22-09-2009, 09:34 PM

بجد شكرا على هذه المعلومات القيمة هذه انا لسة رايحة سنة اولى وسعيدة جدا لانتمائى لهذا المنتدى الذى افادنا بكثير بالمعلومات :022yb4::022yb4:

lobna24

22-09-2009, 11:38 PM

بجد شكرا على هذه المعلومات القيمة هذه انا لسة رايحة سنة اولى وسعيدة جدا لانتمائى لهذا المنتدى الذى افادنا بكثير بالمعلومات :022yb4::022yb4:
ههههههههههههههههههههههه
يا هلا يا هلا تنورى معانا
ومعلش بقى يا محمد ربنا يصبرك
ههههههههههه

حمااده

23-09-2009, 03:05 AM

ههههههههههههههههههههههه
يا هلا يا هلا تنورى معانا
ومعلش بقى يا محمد ربنا يصبرك
ههههههههههه

ماشى اتحدوا عليا بس مش ههون عليكوا

حمااده

23-09-2009, 03:08 AM

يا اهلا يا اهلا بالدكاتره اللى ناموا

هو انتوا حد حسدكوا ولا ايه:blush:
فين زوزو ورودى ولبنى ومحمد؟؟؟؟؟؟؟؟؟؟؟؟؟:angry2:

والله عشان خاطرك انتى بس انا مبطلعش على النت غير لما افتح اموقع وابص عليكى بس مش بتكونى موجوده

Mego_me

23-09-2009, 06:26 AM

اهلا بيكم يا طلا يا جداد :078111rg3: والله هتنورو الطب البيطري في كل المحافظات :039uw8: يا جماعه بالنسبه للطلاب الجداد محدش يخاف من الكليه ومحدش يسمع كلام الناس اللي بتقول انها صعبه ...والله الكليه سهله جدا بس اللي مش هيزاكر مش هيجيب واكيد طبعا كلكم شطار :d وانا كنت عامل موضوع في منتدي تاني... بس هنا اللي عنده اي استفسار يقوله....اتمنا لكم دراسه سعيده :d

SENDRILLA

23-09-2009, 11:45 AM

يا اهلا يا اهلا بالدكاتره اللى ناموا

هو انتوا حد حسدكوا ولا ايه:blush:
فين زوزو ورودى ولبنى ومحمد؟؟؟؟؟؟؟؟؟؟؟؟؟:angry2:

ههههههههه
اها ياهمسه شكلنا كده
لا بس ان شاء الله نرجع لنشاطنا تاني
ويرجع القسم زي ماكان
وحشتوني والله

SENDRILLA

23-09-2009, 11:46 AM

بجد شكرا على هذه المعلومات القيمة هذه انا لسة رايحة سنة اولى وسعيدة جدا لانتمائى لهذا المنتدى الذى افادنا بكثير بالمعلومات :022yb4::022yb4:
اهلا بيكي معانا
والكليه هتور بيكي يا جيسي
بس انتي خليكي معانا وانتي مش هتندمي :)

SENDRILLA

23-09-2009, 11:48 AM

ههههههههههههههههههههههه
يا هلا يا هلا تنورى معانا
ومعلش بقى يا محمد ربنا يصبرك
ههههههههههه
اها يالبني
بجد كده عيب اوي
حتي اللي جايين تاني بنات برده :stickjo4:
ربنا يرزقه بحد يونسه بقي يا لولي هههههه

SENDRILLA

23-09-2009, 11:51 AM

ماشى اتحدوا عليا بس مش ههون عليكوا
:p:d
كنت هبعت دول بس بس لقيته بيقوللي
المشاركة التي كتبتها قصيرة جداً. الرجاء إجعل رسالتك على الأقل 10 حقول.
:d

SENDRILLA

23-09-2009, 11:53 AM

حمااده

23-09-2009, 02:52 PM

ههههههههه

اها ياهمسه شكلنا كده
لا بس ان شاء الله نرجع لنشاطنا تاني
ويرجع القسم زي ماكان

وحشتوني والله

هتوحشونى يبقى مش هنشوفك دلوقتى
والله عاوزين ننشط المنتدى
وبلاش تغيبى كتير انتى كنى هنا على طول:slap1qk6:

حمااده

23-09-2009, 02:54 PM

منور يا دكتور ميجو
ها دكتور ميجو واخدين بالكوا
دكتور ميجو
مش دكتورة
عشان تسكتوا خالص
وربنا يبعت واحد فى سنة اولى

حمااده

23-09-2009, 02:56 PM

بجد شكرا على هذه المعلومات القيمة هذه انا لسة رايحة سنة اولى وسعيدة جدا لانتمائى لهذا المنتدى الذى افادنا بكثير بالمعلومات :022yb4::022yb4:

منورة يا دكتورة خالص
انتى فى القاهرة برده
على العموم هنا البنات كانوا منشطين المنتدى جامد
واا معاعهم طبعا
بس شكلهم بياخدو قرص منزلى
مشغولين فى المطبخ على طول
بس محدش عارف اكلهم طعمه ايه:stickjo4:

حمااده

23-09-2009, 02:59 PM

اها يالبني

بجد كده عيب اوي
حتي اللي جايين تاني بنات برده :stickjo4:

ربنا يرزقه بحد يونسه بقي يا لولي هههههه

هو انا بشحت ولا بدلل
انا كده تمام
شيخ القبيلة
ومش محتاج حد
انا كنت مشغول جدا اخر يومين كده عشان كان عندنا فرح
عقبالكوا بقا:p

عبدالله الكومى

23-09-2009, 04:21 PM

ايه يا دكترة طب انا معاك برده ولا ايه . بس المشكلة انى مش فى القاهرة ومتقلقش خالص

عبدالله الكومى

23-09-2009, 04:24 PM

ويعدين ألف مبروك معقبالنا احنا الاثنين

SENDRILLA

23-09-2009, 04:57 PM

انا قلت بس اجيبلكو الحلقه دي
وبعدين نتفاهم هههههه
إن شاء الله المرادي هنتكلم عن ثالث مادة وهي

رعاية الحيوان Animal management

المادة بتتكلم ببساطة عن رعاية الحيوان في المراحل المختلفة

وكمان بتتناول رعاية حيوانات مختلفة منها الحصان والأبقار ..إلخ

يعني كل جزء منها بيتكلم عن حيوان وكيفية الرعاية ليه

اوك ..ده مجرد تفسير بسيط عن محتوي المادة

...................

درجات المادة زي السابق

100 درجة

50 تحريري

30 عملي

20
شفهي (وممكن 15) علي حسب بئي!

طبعا في بداية المنهج بتنزل رئيس القسم (د.ميرفت) _وبجد دكتورة زوق جدا جدا وبتحب الطلبة جدا جدا_

وبتدي خلفية عن المنهج وهكذا يعني

بالإضافة إنها بتشرح جزء في بداية المنهج ..وكمان بتشرح رعاية حيوان معين

غالبا بتشرح الأرنب ...واعتقد برده النظام مش هيتغير

...................

طيب المادة زي ماقلت مقسمة علي رعاية حيوانات مختلفة..كل دكتورة بيشرح جزء منها

اوك

يعني مثلا نذكر كمثال

دكتور ربيع شرح الابقار

دكتور عصام..شرح الجمل

دكتور ميرفت ..شرحت الأرانب

دكتور محمد..شرح الحصان

ودكتور( )...شرحت الأغنام

دكتورة هبة..شرحت دواجن

ده كان في السنة بتاعتي..

حاليا معرفش هيكون نفس النظام والا إيه

لكن برده ارجح وبشدة إن التقسيمة مش هتتغير ونفس الدكاترة دي هتشرح نفي الأجزاء...لأنها غالبا معروفة كدا دايما وكل واحد بيشرح الجزء إللي هو عامل دراسات عليه ...(في حد اعتقادي يعني)!

المهم علي الأقل خليك فاكر أسامي الدكاترة ..هتنفعك برده!

وبجد كلهم دكاترة حلوين جدا جدا ..ومحترمين جدا.

...............................

بالنسبة للمحاضرات وكيفية المذاكرة.

بجد يا جماعة المادة جميلة وممتعة ...ونصيحة مني أحضر كل محاضراتها واكتب ورا الدكاترة

وكلهم الحمد لله بيدو الطلبة فرصة تكتب في المحاضرة..مش بيقلبوا زي ناس الله يسامهحم!

يعني الخلاصة لو كتبت كل حاجه في المحاضرة وذاكرت منها هتجيب التقدر إللي انت عايزة

عن نفسي كنت بذاكر من ورقي إللي بكتبه في المحاضرة

وممكن بس ترجع للكتاب في حتت كدا لو مكتبتهاش حلو في المحاضرة مثلا.

......................

الكتب

.

.

هما كتابين صغيرين ..واحد عملي وواحد نظري

وتمنهم حوالي 90 جنية!

.............

العملي (السكشن)

عملي المادة دي بيكون عبارة عن إيه؟

ده مش هقدر أحكم عليه بصفة عامة لأن كل واحد ودرجة تقبله!

هو العملي بتاعها بيكون تعامل مباشر مع الحيوان

(حصان وبقرة ) بس

يعني هو جميل والله...بس لو مش بتحب الكونتاكت مع الحيوان هتبئي هي دي المشكلة

لكن هو ممتع جدا ...بتطلع تتعامل مع الحيوان

طبعا مش فاكر كل السكاشن

لكن في سكاشن بيعرفك كل جزء في الحيوان اسمه إيه؟

وفيه بيعرفك إزاي تدخل علي الحيوان وتطنه

دا غير سكاشن ال

التسنين يعني …Dentation

هيعرفك سن كل حيوان أد ايه من الفك وعدد الاسنان

وكاد يعني..بجد هي ممتعة اوي..بس المهم خليك جريء وتعامل مع الحيوان

ومتقلقش اساسا بيكون جايبين حيوان مدرب دا غير العامل إللي معاك في الكشن

يعني توكل وخش ع الحيوان بقلب جامد

ولو طلعت من المادة كلها بأنك تكون شجاع وتلمس الحيوان وانت مش خايف

انا شايف أن ده مكسب المادة كلها!.

ومن معيدين العملي

دكتورة عبير

دكتورة بسمة

دكتور قاسم

...

...................

العملي هو سكشن واحد في الاسبوع

وأهم شيء تكتب ورا المعيد ...لأنه أفضل شيء تذاكر من اللي كاتبه بإيدك

ومش هتحتاج لكتاب والا شرا ورق والا وجع دماغ!

المحاضرات مش متذكر محاضرة والا اتنين في الإسبوع

بس عموما هتعرف من جدول الترم.

.................

تقريبا قلنا كل حاجه عن المادة كدا

يبقي فقط شوية ملاحظات سريعة

1- المادة رغم سهولتها جدا في المحاضرات والسكاشن ..وإنك هتحس بمتعه وانت بتسمع الدكتور!

لكن الحقيقة بتحتاج منك حفظ اثناء المذاكرة

يعني حاول تفهم في المحاضرة كويس...لكن لازم عليك تاخد بالك من المادة في الحفظ

دي نقطة لازم تاخد بالك منها.

2- بجد فرصة لازم تغتنمها...المادة دي لازم متضيعهاش من إيدك ..بجد مادة تقدير لأنها سهلة ولأن القسم كله ناس محترمة ورئيسة القسم كويسة جدا في امتحاناتها.

وخسارة لو ضيعت تقدير المادة دي بجد.

……………..

كدا تقريبا خلاص بالنسبة للمادة دي

................

وإن شاء الله نكمل في وقت تاني

السلام عليكم

يتبع

SENDRILLA

23-09-2009, 05:14 PM

هتوحشونى يبقى مش هنشوفك دلوقتى
والله عاوزين ننشط المنتدى
وبلاش تغيبى كتير انتى كنى هنا على طول:slap1qk6:
مانا جيت تاني اهوه
انا بقول بس وحشتوني عشان غبت عنكو يومين تقربا مش كده
ومش هغيب عنكو تاني ان شاء الله الا لو في ظروف

SENDRILLA

23-09-2009, 05:17 PM

هو انا بشحت ولا بدلل
انا كده تمام
شيخ القبيلة
ومش محتاج حد
انا كنت مشغول جدا اخر يومين كده عشان كان عندنا فرح
عقبالكوا بقا:p
الف مبروك يا دكتور:av4056bb7jp3:
وعقبالكو جميعا ان شاء الله
بس يبقي حد ينسي يبعتلي دعوه
وانا اظبطه :abdoog8:

Mego_me

23-09-2009, 05:24 PM

منور يا دكتور ميجو
ها دكتور ميجو واخدين بالكوا
دكتور ميجو
مش دكتورة
عشان تسكتوا خالص
وربنا يبعت واحد فى سنة اولى

فعلا يابوحميد البنات كتار اوي في الكليه بس متخفش احنا الاغلبيه واللي ماسكين الحكم:)

وده راجع لرغبتهم في دخول الكليه اكتر من الولاد:d

Mego_me

23-09-2009, 05:28 PM

بس بجد دكتور سندريلا مظبطاكم في شرح الكليه بموادها ليكم .بجد ربنا يجازيها خير .......وانا ان شاء الله هبقي ارفعلكم اسطوانات الخاصه بالمواد وكل الفيديوهات لكل ماده....

SENDRILLA

23-09-2009, 05:32 PM

بس بجد دكتور سندريلا مظبطاكم في شرح الكليه بموادها ليكم .بجد ربنا يجازيها خير .......وانا ان شاء الله هبقي ارفعلكم اسطوانات الخاصه بالمواد وكل الفيديوهات لكل ماده....
ربنا يخليك يا دكتور
هو حضرتك الفرقه الكام بقي ؟:028ja7:

SENDRILLA

23-09-2009, 05:35 PM

دكتور ربيع شرح الابقار

دكتور عصام..شرح الجمل

دكتور ميرفت ..شرحت الأرانب

دكتور محمد..شرح الحصان

ودكتور( )...شرحت الأغنام

دكتورة هبة..شرحت دواجن

عندي بس تعليق صغير
هي الدكتور اللي شرحت الاغنام اسمها د.منال
وفي جزء كمان في الدواجن بتشرحه د.عبير
بالاضافه الي الجزء اللي بتشرحه د.هبه
وترتيبهم في الدخول
د.ميرفت
د.محمد يوسف
د.منال
د.عصام
د.ربيع
د.هبه
د.عبير
د.ميرفت تاني
بس مش عارفه اذا كان الترتيب هيتغير ولا زي ماهو بصراحه
بس ع العموم هي ماده سهله ولذيذه
بس العملي بتاعها بيخدع شويه
وانت وحظك علي حسب الدكتور اللي هتدخلله في الشفوي
علي حسب رقم الشيت اللي هيجيلك
كده يعني ;)
بالتوفيق يا دكاتره

Mego_me

23-09-2009, 05:41 PM

ربنا يخليك يا دكتور
هو حضرتك الفرقه الكام بقي ؟:028ja7:
انا طب بيطري القاهره .....الفرقه التالته ان شاء الله....يعني لسه هداخلها :)

SENDRILLA

23-09-2009, 06:54 PM

انا طب بيطري القاهره .....الفرقه التالته ان شاء الله....يعني لسه هداخلها :)
اها ماشاءالله
انا بقي لسه داخله تانيه ان شاء الله
الا بيك ف المنتي معانا يا دكتور
وان شاء الله تقدر تفيد وتستفيد

Mego_me

23-09-2009, 07:18 PM

اها ماشاءالله
انا بقي لسه داخله تانيه ان شاء الله
الا بيك ف المنتي معانا يا دكتور
وان شاء الله تقدر تفيد وتستفيد

اهلا بيكي....شدي بقي في تانيه عشان صعبه ومحتاجه شغل كتير تانيه دي عنق الزجاجه اللي بيعديها بسلام بيرتاح بعد كده...خلي بالك من البايو ولو احتاجتي اي مساعده انا موجود.....

SENDRILLA

23-09-2009, 10:29 PM

اهلا بيكي....شدي بقي في تانيه عشان صعبه ومحتاجه شغل كتير تانيه دي عنق الزجاجه اللي بيعديها بسلام بيرتاح بعد كده...خلي بالك من البايو ولو احتاجتي اي مساعده انا موجود.....
ربنا ييسرلنا الحال يا دكتور
بس هو مش التيرم الاول سهل شويه ولا انا متهيألي عشان فرحانه بال3 ايام اللي عندي اجازه :022yb4:
هي البايو دي اللي ربنا يسترها علينا منها
بسمع عنها كلام مخيف اوي :friendsxs3:
واكيد يا دكتور لو احتجت حاجه هقول لحضرتك ان شاء الله

حمااده

23-09-2009, 10:58 PM

منورين يا دكاترة انا مش مصدق ان الدكاترة اخيرا اتجمعوا تانى

حمااده

23-09-2009, 11:00 PM

الف مبروك يا دكتور:av4056bb7jp3:
وعقبالكو جميعا ان شاء الله
بس يبقي حد ينسي يبعتلي دعوه
وانا اظبطه :abdoog8:
ماشى بس متنسيش انتى
الدراسة قربت اهه
عاوزين نشد

حمااده

23-09-2009, 11:05 PM

بس بجد دكتور سندريلا مظبطاكم في شرح الكليه بموادها ليكم .بجد ربنا يجازيها خير .......وانا ان شاء الله هبقي ارفعلكم اسطوانات الخاصه بالمواد وكل الفيديوهات لكل ماده....
ربنا يخليك يا دكتور ويوفقك وعاوزين نشوفكوا يا دكاترة فى الكلية مش تقضوها اجازات

حمااده

23-09-2009, 11:12 PM

انتى فين يا همسة انتى الللى مش موجوده اهه

Mego_me

23-09-2009, 11:28 PM

ربنا ييسرلنا الحال يا دكتور
بس هو مش التيرم الاول سهل شويه ولا انا متهيألي عشان فرحانه بال3 ايام اللي عندي اجازه :022yb4:
هي البايو دي اللي ربنا يسترها علينا منها
بسمع عنها كلام مخيف اوي :friendsxs3:
واكيد يا دكتور لو احتجت حاجه هقول لحضرتك ان شاء الله

بصراحه يا دكتوره الترم الاول مش سهل خاااالص عشان مضحكش عليكي.....التيرم ده هيتوقف عليه مستقبلك في الكليه

بالنسبه للبايو :الماده مش صعبه بس هي محتاجه فهم + حفظ .....مشكله الماده دي في دكاتره قسمها.....مش هغلط فيهم عشان بيتسجلنا ....الدكاتره بيدوكي حقك بالظبط يعني مثلا في الهستولوجي بيقولو عدي ويعدو الناس هنا انتي لو جايبه في البيبر 14 وناقصك درجه واحده علي النجاح هيشيلوكي (لا قدر الله طبعا) لو ذاكرتي من اول يوم متخفيش من اي حاجه كمان فيه امتحانات شيتات بتبقي علي كل شابتر .....وانتي بتحضري العملي هتحسي انك عسكري في الجيش الدكاتره هنا فظاع....هي دي البايو
خلي بالك امتحان العملي مش اوبن بوك يعني مش هيبقي معاكي ورق واصلا هما 13 ان نون مش صعبين خالص

بالنسبه للفيسيولوجي : لو عايزه تفهمي طب بجد تذاكري الماده دي وهي ماده اساسها الاول الفهم بتحسي انك بجد دكتوره وبجد هتستمتعي بمذاكرتها بس اهم حاجه انك تذاكري من اول الدراسه
العملي حلو هتاخدو قياس الهيموجلوبين وجهاز الضغط وحاجات لذيذه

هما دول المادتين اللي عندك بالنسبه للمادتين التانيين الاناتومي والتربيه دول ترميهم في الزباله وتقفلي عليهم ......متذاكرهمش لان البايو والفسيولوجي دول داهيه

متخفيش سنه تانيه مش صعيه بس لو مذاكرتيش متستنيش اي نتيجه....

ربنا يوفقنا جميعا

Mego_me

23-09-2009, 11:30 PM

ربنا يخليك يا دكتور ويوفقك وعاوزين نشوفكوا يا دكاترة فى الكلية مش تقضوها اجازات

اي حاجه تحتاجها يابوحميد قول هنا....اي استفسار اي ورق تحتاجه قول.....متخفش هتلاقينا قاعدين علي قلبكم في الكليه.:d

nona28

24-09-2009, 05:22 AM

وحشتونى اوووووى يا جماعه والله

SENDRILLA

24-09-2009, 10:53 AM

بصراحه يا دكتوره الترم الاول مش سهل خاااالص عشان مضحكش عليكي.....التيرم ده هيتوقف عليه مستقبلك في الكليه

بالنسبه للبايو :الماده مش صعبه بس هي محتاجه فهم + حفظ .....مشكله الماده دي في دكاتره قسمها.....مش هغلط فيهم عشان بيتسجلنا ....الدكاتره بيدوكي حقك بالظبط يعني مثلا في الهستولوجي بيقولو عدي ويعدو الناس هنا انتي لو جايبه في البيبر 14 وناقصك درجه واحده علي النجاح هيشيلوكي (لا قدر الله طبعا) لو ذاكرتي من اول يوم متخفيش من اي حاجه كمان فيه امتحانات شيتات بتبقي علي كل شابتر .....وانتي بتحضري العملي هتحسي انك عسكري في الجيش الدكاتره هنا فظاع....هي دي البايو
خلي بالك امتحان العملي مش اوبن بوك يعني مش هيبقي معاكي ورق واصلا هما 13 ان نون مش صعبين خالص

بالنسبه للفيسيولوجي : لو عايزه تفهمي طب بجد تذاكري الماده دي وهي ماده اساسها الاول الفهم بتحسي انك بجد دكتوره وبجد هتستمتعي بمذاكرتها بس اهم حاجه انك تذاكري من اول الدراسه
العملي حلو هتاخدو قياس الهيموجلوبين وجهاز الضغط وحاجات لذيذه

هما دول المادتين اللي عندك بالنسبه للمادتين التانيين الاناتومي والتربيه دول ترميهم في الزباله وتقفلي عليهم ......متذاكرهمش لان البايو والفسيولوجي دول داهيه

متخفيش سنه تانيه مش صعيه بس لو مذاكرتيش متستنيش اي نتيجه....

ربنا يوفقنا جميعا
ربنا يكرمك بجد يا دكتور
انا فعلا كنت خايفه من اني داخله سنه جديده مش عارفه اكتر من ان المواد دي هاخدها وبس
بس كده احسن كتير بجد
ربنا يجعله في ميزان حسناتك ان شاء الله
بالنسبه للمذاكره
يعني انا طول عمري كن عندي يقين ان انا من النوع اللي بذاكر ومبيلاقيش
يعني كنت من اكتر الناس اللي بتذاكر ومكنتش بجيب يعني درجات معديه ولا حاجه
بس لما سبتها علي ربنا وعملت اللي عليا علي قد ما قدرت
الحمد لله ربنا اكرمني جامد في سنه اولي وجبت امتياز
فانا ناويه امشي علي اللي مشيت عليه قبل كده
اعمل اللي عليا والباقي لي ربنا بقي
انجح مانجحش اجيب تقدير ماجيبش المهم ان ضميرييبقي مستريح وخلاص
وربنا يوفقك انت كمان يا دكتور وتلاقي سنه تالته كويسه كده وبنت ناس :d
وجزاك الله خيرا