فرحان بعروض شركات المحمول فى شهر رمضان؟؟؟ طب انسى وزير الاتصالات وراك وراك اقرى الخبر [الأرشيف]

مشاهدة النسخة كاملة : فرحان بعروض شركات المحمول فى شهر رمضان؟؟؟ طب انسى وزير الاتصالات وراك وراك اقرى الخبر

الأستاذة هدى

08-09-2009, 03:40 AM

ممكن حد يعرفنى ايه يزعل وزير الاتصالات من حرق اسعار المكالمات ؟؟؟؟؟؟؟؟؟؟؟؟؟

انا افهم ان وزير الاتصالات يطالب الشركات بمراعاة المواطن وحقوقه والدفاع عن المواطن بينما وزيرنا الهمام بيهدد انه رمضان اخر ميعاد لصالح المواطن وعلى الشركات العودة لنهب المواطن والا مش هيحصلها طيب !!!!!!!

ممكن حد يفهمنى ليه الوزير ده بيعمل كده؟؟؟؟؟؟؟؟:blush:
طارق كامل‏:‏ نهاية رمضان مهلة
لوقف حرق الأسعار بالمحمول

أكد الدكتور طارق كامل وزير الاتصالات وتكنولوجيا المعلومات أن الجهاز القومي لتنظيم الاتصالات قادر علي ضبط سوق اتصالات المحمول في مصر من حيث العروض التي تضر بالسوق‏.‏

وأشار إلي أن الشركات أمامها مهلة حتي نهاية رمضان لوقف أي ممارسات تقل فيها أسعار الاتصالات عن أسعار التكلفة لحرق الأسعار‏,‏ وتحقيق مصالح خاصة علي حساب باقي الأطراف‏.

وهذا هو الرابط
http://www.ahram.org.eg/Index.asp?CurFN=fron10.htm&DID=10064

BaNZeR

08-09-2009, 06:18 AM

كان في خبر جبته امبارح من الجمهورية يمكن هو ده الدافع لذلك

المصرية للاتصالات تشكو شركات المحمول

قدمت الشركة المصرية للاتصالات شكوي للجهاز القومي لتنظيم الاتصالات ضد شركات المحمول احتجاجا علي عروض رمضان التي خفضت التعريفة إلي 5 قروش للدقيقة..أكد المهندس عقيل بشير رئيس الشركة ان الجهاز وعد باتخاذ الاجراءات القانونية وقال ان هذه العروض "حرق أسعار" ومنافسة غير عادلة وليست في صالح المستخدمين.

Mr. Medhat Salah

08-09-2009, 12:34 PM

والله المصريه لاتصالات الاصول تقفل بقه هم دوووول حرقوا اعصابنا

بروف انس

08-09-2009, 01:42 PM

ahmed_hos777

08-09-2009, 01:52 PM

الأستاذة هدى

08-09-2009, 03:58 PM

الأستاذة هدى

08-09-2009, 04:02 PM

والله المصريه لاتصالات الاصول تقفل بقه هم دوووول حرقوا اعصابنا

ماهى مشكلتنا ان مافيش عندنا اصول
السوق بيمشى عندنا بمزاج الكبار وليس بأصول وآليات السوق
لدرجة ان السوق بيمشى رغما عن رغبة العملاء عكس آلية السوق فى العالم كله

وحسبنا الله ونعم الوكيل

الأستاذة هدى

08-09-2009, 04:07 PM

دي مش اسمها المصريه للاتصالات دي اسمها الاسرائيليه للاتصالات في اشتراك للتليفون الثابت ب 36 جنيه والله بيسرقونا ربنا يخلي لنا المحمول ويبعد عنا بتوع الاسلاك دا كمان كان في عرض لخدمه التليفون الثابت من شركه اجنبيه لكن الدوله رفضت علشان تفضل المصريه للاتصالات المحتكره لسوق التليفون الثابت وكمان تحتكر سرعات النت

صدقت
وربنا يريحنا منها الشركة دى
زى ما ريحنا من احتكار فودافون وام نبيل بنزول اتصالات للسوق المصرية
التى رحمتنا من سرقتهم فى اسعار الكروت
وقيمة المكالمات
وربنا يريحنا من المحتكرة للإتصالات التى تنهب اموالنا بالباطل

الأستاذة هدى

08-09-2009, 04:14 PM

سعر ال5 قروش من الدقيقة 3
والله الارضى نهب فلوس على الفاضى منه لله اللى خلى فاتورة التليفون 4مرات فى السنة
يعنى 4 اشتراكات وومفيش مكالمات مجانية
يعنى 4 دمغات
يعنى 4ضريبة مبيعات
يعنى 4طوابير للدفع
يعنى 4جمعيات علشان تدفع فاتورة ارضى فى السنة
للعلم ثمن اى فاتورة ارضى فى مدة واحدة كنا ندفعوا مرة واحدة بس فى السنة كلها وكان كمان التليفون مباشر

هنفضل نقول منه لله وحسبى الله ونعم الوكيل
ولا شىء يتم اصلاحه ولا هم ينتهون عن نهبنا
اعتقد انه علينا الامتناع عن استعمال التليفون الأرضى حتى نلقن هؤلاء المحتكرين الجشعين درسا فى احترام الناس

وندعو الله قريبا دخول شركة منافسة للمحكترة للإتصالات حتى تعدلها عن نهب الناس مثلما فعلت اتصالات وغيرت السوق المصرى
مثلا الكارت ابو عشرة فاكرين ايام كان يباع ب12ونص و13 جنية ؟؟؟
قيمة الكارت ابو عشرة كانت تصفصف على 2 جنية !!!!!!!!!
لا اعلم لما لم تتم محاسبة شركتى النصب عن سرقة اموال المصريين طيلة هذه الفترة قبل دخول اتصالات للمنافسة وتعديلها للأوضاع الخطأ وقد كانت كثيرة لا تعد

وبدلا من ان يحزن وزير الاتصالات على حرق الاسعار كان عليه محاسبة هذه الشركات ومحاسبتها منذ البداية على سرقة اموال المواطن المصرى
لكن هنقول ايه؟؟؟؟؟؟؟؟؟؟؟

الأستاذة هدى

08-09-2009, 04:16 PM

وزير الاتصالات يتهم شركات المحمول بـ«حرق الأسعار».. ويهدد بمنعها من إضافة مشتركين جدد

كتب محمد مجاهد ٨/ ٩/ ٢٠٠٩http://aadbmedia.gazayerli.net/photo.aspx?ID=103060&ImageWidth=240 (http://www.almasry-alyoum.com/popimage.aspx?ImageID=103060)طارق كامل

وجه الدكتور طارق كامل، وزير الاتصالات وتكنولوجيا المعلومات، تهديدا غير مسبوق لشركات المحمول، إذا استمرت فى سياسة حرق الأسعار، التى تنتهجها الآن مع تخفيض سعر الدقيقة إلى ٥ قروش.
وقال الوزير، فى مؤتمر صحفى عقده، أمس، إنه يمتلك آليات تجبر الشركات على وقف سياسة الإضرار بسوق الاتصالات، موضحا أنه سيتدخل بكل قوته كوزير لوقف منح الشركات أرقاماً جديدة للعملاء، ومنعها من إضافة مشتركين جدد ووقف توسعاتها.
وتابع: «عقدت اجتماعات مع شركات المحمول، خلال الأسبوع الماضى، وحذرتها من استمرار خفض الأسعار لما بعد شهر رمضان»، مشيرا إلى أنه ليس ضد خفض تعريفة المحمول، لكن آليات السوق تفرض عليه حماية باقى المشغلين، فى إشارة منه إلى الشركة المصرية للاتصالات.
كانت «المصرية للاتصالات» أشارت إلى تضررها من عروض شركات المحمول منذ بداية شهر رمضان، والتى خفضت سعر الدقيقة إلى ٥ قروش.
غير أن وزير الاتصالات أكد فى المؤتمر الصحفى أن زيادة الإقبال على استخدام المحمول تعود بالفوائد على الشركة المصرية للاتصالات.
وأكد الوزير أن النمو الكبير فى أعداد مشتركى المحمول سيتوقف بعد سنوات نتيجة مرحلة التشبع التى ستمر بها السوق المصرية، بعدما وصل عدد المشتركين إلى ٥٥ مليون مشترك.
من جهة أخرى، وقعت، أمس، شركتا فودافون مصر و«المصرية للاتصالات» اتفاقا للتعاون فيما بينهما، ويسمح لـ«فودافون» باستخدام البوابة الدولية لـ«المصرية للاتصالات» فى تقديم خدمات المكالمات الدولية لعملاء الشركة،
وقال المهندس طارق طنطاوى، العضو المنتدب لـ«المصرية للاتصالات» إن الاتفاق سيمكن الشركة من تحصيل ٤ مليارات جنيه خلال ٣ سنوات، مشيراً إلى أن الباب مفتوح أمام شركة موبينيل لتوقيع اتفاق مشابه إذا أرادت.

وهذا هو الرابط

http://www.almasry-alyoum.com/article2.aspx?ArticleID=225265

الراجل ياعينى بيفكر فى الصورة وسرحان شكله ما نمش الليل بيفكر ازاى يعكنن علينا؟؟؟؟؟؟؟؟؟؟

BaNZeR

08-09-2009, 07:40 PM

ممكن افهم ازاى هذه العروض ليست فى صالح المستخدمين؟؟؟
ممكن حد يشرحها لى يمكن احنا مش عارفين مصلحتنا؟؟؟

مهو مش حينفع تشتكي وتقول ده في مصلحة المستخدم

مش المحمول بيطلع موجات كهرومغناطيسية مضرة بالمخ وتصيب بالسرطان
خلاص يبقى التليفون السلكي صحي اكتر :d

الأستاذة هدى

08-09-2009, 08:23 PM

مهو مش حينفع تشتكي وتقول ده في مصلحة المستخدم

مش المحمول بيطلع موجات كهرومغناطيسية مضرة بالمخ وتصيب بالسرطان
خلاص يبقى التليفون السلكي صحي اكتر :d

اااااااااه
يعنى تفتكر يا حماسى انسى انتكاسى ((بمناسبة المحمول :))))

انهم خايفين ع المستخدم صحيا لا يستخدم المحمول كتير بمناسبة تخفيض سعر المكالمة ؟؟؟
امممم.......الصراحة اللى ما يعرفش الحكومة بتخاف ع المواطنين كان ظلمها !!!!!!!!:blush:

BaNZeR

08-09-2009, 08:47 PM

اااااااااه
يعنى تفتكر يا حماسى انسى انتكاسى ((بمناسبة المحمول :))))

انهم خايفين ع المستخدم صحيا لا يستخدم المحمول كتير بمناسبة تخفيض سعر المكالمة ؟؟؟
امممم.......الصراحة اللى ما يعرفش الحكومة بتخاف ع المواطنين كان ظلمها !!!!!!!!:blush:

عشان تعرفو إنه الحكومة في خدمة الشعب والشعب في مواجهة الحكومة :d

وكفاية حماسي ده لا الحكومة تصدق والاقيها جنبي بعد شوية :d

ليها حق المصرية للاتصالات تزعل
لما توصل دقيقة الموبايل قد دقيقة تليفون البيت لازم يزعلو طبعاً :d

الأستاذة هدى

08-09-2009, 09:20 PM

عشان تعرفو إنه الحكومة في خدمة الشعب والشعب في مواجهة الحكومة :d

وكفاية حماسي ده لا الحكومة تصدق والاقيها جنبي بعد شوية :d

ليها حق المصرية للاتصالات تزعل
لما توصل دقيقة الموبايل قد دقيقة تليفون البيت لازم يزعلو طبعاً :d

والشعب فى مواجهة مين؟؟؟؟

ماليش دعوة يا عم
انت حماسى انا مش زيك
واما تجيلك الحكومة اوعى تقول انك ف عصابتى
ماشى؟؟؟

م.وليد شعلان

08-09-2009, 09:29 PM

الأستاذة هدى

08-09-2009, 09:53 PM

والله عندك حق يا أبلة هدى

المفروض ان الوزير يكون محايد ومالوش دعوة المصرية بتشتكى والا بتتزفت , ما احنا بنشتكى من سنين , يعنى ما شفناش وزير طلع اتكلم علينا ولا حاجة ,

تقبلى وافر تحياتى

م / وليد

نورت الموضوع يا باشمهندس
لكن الحكاية الوزير اما بيشوف حاجة تخالف سياسة الحكومة الرشيدة بيتكلم لأن واضح ان دى وظيفته !!!!!!!
وطبعا تخفيض المكالمات وتحقيق رفاهية للشعب ولو فى نقطة واحدة من احتياجات الشعب ((ولو انه احتياج غير رئيسى )) من الواضح انه يعز جدا على الحكومة ان يتم لذلك تجد الوزير هيتجنن من العروض وتخفيض اسعار المكالمات وكأنها حرب شخصية بينه وبين المواطنين !!!!!!!!!!
تقبل تحياتى وتقديرى

الأستاذة هدى

08-09-2009, 09:59 PM

ومازالت التصريحات النارية تتوالى ومهلة كمان للشركات والا ... هى حرة ..... هيقطعوا عليها مية وهوى !!!!!!

الاتصالات تمهل شركات المحمول 12 يوما لوقف حرق الأسعار
08/09/2009
http://www.egypty.com/Component/Photo/People_talk/20090908012453_People_talk_Photo2.jpg
شراكة تتيح لفودافون استخدام شبكة المصرية للإتصالات حدد الدكتور طارق كامل وزير الاتصالات وتكنولوجيا المعلومات المصري نهاية شهر رمضان كمهلة لشركات المحمول لوقف حرق الأسعار، وأكد قدرة الجهاز القومى لتنظيم الاتصالات على ضبط السوق.
وحدد الممارسات الضارة بالعروض التي تقل فيها أسعار الاتصالات عن أسعار التكلفة لتحقيق مصالح خاصة على حساب باقى الأطراف.
وأضاف انه من المنتظر تطبيق قواعد جديدة منها تحديد قيم المكالمات ومعاقبة الشركة المخالفة حيث لا يجوز أن تستفيد شركة من عرض معين لزيادة مشتركيها على حساب السوق بالكامل.
وفي تصريحات سابقة، قال المهندس عقيل بشير رئيس مجلس إدارة الشركة المصرية للاتصالات إن عروض شركات المحمول بطرح دقيقة الاتصال ب 5 قروش فقط تقل عن التكلفة الحقيقية، وشدد على ان شركته لن تسمح باستمرارها.
وفي سياق آخر، انتقد نائب رئيس الشركة المصرية للاتصالات المهندس عماد الأزهرى هذه العروض لأنها لا تسرى إلا بدء من الدقيقة الثالثة للاتصال،وهو ما لا يحقق مصلحة المستهلك لأن متوسط مدة مكالمة المحمول دقيقتين.

فودافون والمصرية للاتصالات

وفي سياق متصل، وقعت شركتا المصرية للاتصالات وفودافون الاثنين اتفاقية تعاون مشترك يعطي لفودافون مصر حق استخدام البوابة الدولية للشركة المصرية للاتصالات لتقديم خدمات الاتصالات الدولية واستغلال البنية التحتية لها لخدمة عملائها.
ومن المنتظر أن تحقق المصرية للاتصالات عائدا يصل الى 4 مليارت جنيه خلال فترة الشراكة التي تمتد تاى 3 سنوات.
وصرح الدكتور طارق كامل بأن الاتفاقية تدخل حيز التنفيذ فورا وتأتي في اطار إستراتيجية الوزارة نحو ضخ المزيد من الاستثمارات المحلية والأجنبية إلى السوق المصرية لتوسيع سوق الأعمال في مجال الاتصالات وتكنولوجيا المعلومات وتوفير المزيد من فرص العمل.
ويتضمن الاتفاق قيام الشركة المصرية للاتصالات بتقديم خدمات الاتصال الدولي لشركة فودافون مصر من خلال بوابتها الدولية وذلك في إطار سياسة المكالمات الدولية التي أصدرها الجهاز القومي لتنظيم الاتصالات مؤخرا.
وتغطي الشراكة بنود الدوائر الالكترونية وغيرها من أصول البنية التحتية التي تؤجرها فودافون مصر من المصرية للاتصالات في جميع أنحاء الجمهورية.
وبالنسبة للطرف الثاني، تسعى فودافون من توقيع الاتفاقية إلى ضمان توفير خدمات عالية الجودة لعملائها في السوق المصرية على المدى البعيد خاصة في مجال الاتصالات الدولية مستغلة خدمات الجملة المتميزة التي تقدمها المصرية للاتصالات وذلك لزيادة قدراتها على مواكبة التطورات الكبيرة التي يشهدها قطاع الاتصالات وللاستفادة المثلى من سوق مشغلي المحمول في مصر.
وتمتلك الشركة المصرية للاتصالات 45 % من أسهم شركة فودافون المطروحة في البورصة المصرية وأفاد رئيس مجلس إدارة الشركة المصرية للاتصالات المهندس عقيل بشير أن قيمة إستثمار الشركة تضافت أكثر من 3 مرات، لتصل إلى 20 مليار جنيه، بالاضافة إلى العائد السنوى المحقق خلال عام 2008 البالغ 1.3 مليار جنيه.
وتعمل الشركة على تنويع مصادر دخلها لمواجهة متطلبات النمو والمنافسة والتوسع فى إنشاء البنية الأساسية بالإ تقديم خدمات التليفون الثابت والانترنت الأرضى فائق السرعة وخدمات القيمة المضافة.
وفي الاطار ذاته، قال إن إعادة هيكلة الشركة المصرية للاتصالات وخاصة هيكل قياداتها كان مطلوبا بالاضافة إلى التوسع إقليميا ودوليا بإنشاء أو المشاركة في كابلات بحرية.
ووقع الاتفاقية المهندس طارق طنطاوي الرئيس التنفيذي للمصرية للاتصالات والمهندس حاتم دويدار الرئيس التنفيذي والعضو المنتدب لشركة فودافون مصر بحضور الدكتور عمرو بدوي الرئيس التنفيذي للجهاز القومي لتنظيم الاتصالات والمهندس عقيل بشير رئيس مجلس إدارة المصرية للاتصالات وعدد من القيادات وزارة الاتصالات وتكنولوجيا المعلومات.

وهذا هو الرابط

http://www.egypty.com/people-talk-details.aspx?people_talk=3215

Mr.Hani

08-09-2009, 10:04 PM

الحكومة مش هاين عليها تسيب الشعب ينبسط شهر
ما حصلش شهر
ده من 6 الصبح الى 4 عصرا
يعنى اقل من نصف شهر كمان
فلازم تعكنن عليه
كأن الحكومة دى عدو الشعب
مش جاية لخدمة الشعب
حاجة عجيبة فعلا

الأستاذة هدى

08-09-2009, 10:19 PM

الحكومة مش هاين عليها تسيب الشعب ينبسط شهر
ما حصلش شهر
ده من 6 الصبح الى 4 عصرا
يعنى اقل من نصف شهر كمان
فلازم تعكنن عليه
كأن الحكومة دى عدو الشعب
مش جاية لخدمة الشعب
حاجة عجيبة فعلا

كلام حضرتك مظبوط جدا
ازاى تسيب الشعب ينبسط ؟؟؟؟
بس من 6 الصبح ل 4 عصرا الحقيقة مش عارفة العروض تفاصيلها ايه؟؟؟
والله حضرتك اوحيت لى بفكرة الآن ان نتكلم فى العروض المتاحة
تكلفة العرض
وكيفيته
وسعر الدقيقة فيه
ممكن تفاصيل عرض من 6 الى 4 ده مشكور ؟؟
والباقى يتكلم عن العرض الخاص بخطه
وسأبدأ بنفسى
عرض اتصالات فى رمضان للمحمول خلال شهر رمضان سعر الدقيقة 15 قرش بشرط ان تكون مشترك فى عرض "كل الناس " اللى الدقيقة فيه ب19 قرش غير كده لن تستفيد بعرض رمضان!!!!!

ها يا جماعة تفاصيل عروض الخطوط الأخرى فى انتظار سماعكم مشكورين

Mr.Hani

08-09-2009, 10:34 PM

كلام حضرتك مظبوط جدا
ازاى تسيب الشعب ينبسط ؟؟؟؟
بس من 6 الصبح ل 4 عصرا الحقيقة مش عارفة العروض تفاصيلها ايه؟؟؟
والله حضرتك اوحيت لى بفكرة الآن ان نتكلم فى العروض المتاحة
تكلفة العرض
وكيفيته
وسعر الدقيقة فيه
ممكن تفاصيل عرض من 6 الى 4 ده مشكور ؟؟
والباقى يتكلم عن العرض الخاص بخطه
وسأبدأ بنفسى
عرض اتصالات فى رمضان للمحمول خلال شهر رمضان سعر الدقيقة 15 قرش بشرط ان تكون مشترك فى عرض "كل الناس " اللى الدقيقة فيه ب19 قرش غير كده لن تستفيد بعرض رمضان!!!!!

ها يا جماعة تفاصيل عروض الخطوط الأخرى فى انتظار سماعكم مشكورين

فعلا كتير على الشعب ينبسط كام يوم
هوه الشعب ها يفتري
اما عن عروض فودافون وموبينيل فهى كاالتالى
من 6 الصبح حتى 4 حصرا الدقيقة بخمس قروش فقط
يعنى بينافسوا المصرية للاتصالات
علشان كده الوزير الهمام تدخل
وليه ياهمام لم تتدخل اثناء استنزاف شركات المحمول لجيوب الشعب سنوات طويلة
صعبان عليك كام يوم
لو حسبنا العرض
هايكون 10 ساعات فى اليوم
يعنى اقل من نصف يوم
يعنى بالحساب حوالى 12 يوم ونصف تقريبا فى الشهر
فعلا
كتير على الشعب ينبسط 12 يوم فى الشهر الكريم
ايه الشعب الغريب ده اللى ها يفترى وينبسط 12 يوم فى الشهر
ويجعله عامر

الأستاذة هدى

08-09-2009, 11:09 PM

فعلا كتير على الشعب ينبسط كام يوم
هوه الشعب ها يفتري
اما عن عروض فودافون وموبينيل فهى كاالتالى
من 6 الصبح حتى 4 حصرا الدقيقة بخمس قروش فقط
يعنى بينافسوا المصرية للاتصالات
علشان كده الوزير الهمام تدخل
وليه ياهمام لم تتدخل اثناء استنزاف شركات المحمول لجيوب الشعب سنوات طويلة
صعبان عليك كام يوم
لو حسبنا العرض
هايكون 10 ساعات فى اليوم
يعنى اقل من نصف يوم
يعنى بالحساب حوالى 12 يوم ونصف تقريبا فى الشهر
فعلا
كتير على الشعب ينبسط 12 يوم فى الشهر الكريم
ايه الشعب الغريب ده اللى ها يفترى وينبسط 12 يوم فى الشهر
ويجعله عامر

يعنى من 6 الصبح ل 4 ((حصرا)) بس وكمان بيبصوا للشعب الغلبان فيهم ؟؟؟؟!!!!!!
وتفاصيل الإشتراك ايه؟؟؟؟
اصل انا اعرف ان موبينيل الشهيرة بام نبيل لا تفوتها فرصة او عرض دون ان تقبض من المشترك رسوم اشتراك متوسطها خمسة جنيهات ، فماذا عن رسوم الإشتراك فى هذا العرض الرمضانى؟؟؟
وهل هو للإتصال بجميع الخطوط أم خطوط ام نبيل فقط ؟؟؟؟

الأستاذة هدى

09-09-2009, 12:18 AM

وهذا استطلاع لموقع اخر عن موضوعنا
وطبعا احنا سبقناه باستطلاعنا الضمنى هنا
شارك برأيك: عروض شركات المحمول مفيدة ام ضارة؟

http://productnews.link.net/AFP/english/eco/06-09-2009/photo_1252207426032-1-1.jpg اضغط للتكبير (javascript:popup('http://productnews.link.net/AFP/english/eco/06-09-2009/photo_1252207426032-1-0.jpg','شارك برأيك: عروض شركات المحمول مفيدة ام ضارة؟');)

احفظ الخبر (javascript:addCookieArray('شارك برأيك: عروض شركات المحمول مفيدة ام ضارة؟','http://www.masrawy.com/News/Egypt/Politics/2009/september/8/mobileoffers.aspx');)
اطبع (http://www.masrawy.com/News/Egypt/Politics/2009/september/8/mobileoffers.aspx#)
أضف تعليق (http://www.masrawy.com/News/Egypt/Politics/2009/september/8/mobileoffers.aspx#Comments1_dlDimmed)
ارسل (javascript:getUrlMail();)

9/8/2009 3:44:00 PM
اثارت العروض الترويجية التي تقدمها شركات المحمول في مصر جدلا حول اضرارها وفوائدها بعد اعلان الشركات عن تخفيضات كبيرة في قيمة المكالمات.
وكانت شركتا موبينيل وفودافون قد اعلنتا عن تخفيض قيمة دقيقة المحمول إلى 5 قروش خلال شهر رمضان.
وقال وزير الاتصالات الدكتور طارق كامل (http://www.masrawy.com/News/Egypt/Economy/2009/september/7/mobile.aspx) وزير الاتصالات وتكنولوجيا المعلومات أن مثل هذه العروض تضر بالسوق وأمهل الشركات حتى نهاية رمضان لوقف أى ممارسات تقل فيها أسعار الاتصالات عن أسعار التكلفة لحرق الأسعار.
وهدد بتطبيق عقوبات على أى شركة مخالفة من خلال العديد من الآليات ومنها تحديد الأرقام للشركة المخالفة.
كما تقدمت الشركة المصرية للاتصالات (http://www.masrawy.com/News/Egypt/Economy/AF/2009/September/8/961579.aspx) بشكوى للجهاز القومي لتنظيم الاتصالات ضد شركات المحمول احتجاجا على هذه العروض وقالت انها تضر بقواعد المنافسة.
بينما يرى كثير من المشتركين انهم المستفيدون من هذه العروض التي تخفض اسعار المكالمات بما يخفف من الاعباء المالية عليهم.
فما رأيك انت، هل ترى ان مثل هذه العروض تحمل ضررا بقواعد المنافسة الشريفة في السوق؟ ام انك تعتبرها فرصة لتقليل نفقاتك على مكالمات المحمول؟
ولماذا تتحرك الحكومة الان لوقف تخفيض الاسعار بينما لم تتحرك بنفس السرعة والجدية حينما تشهد اسعار السلع والخدمات ارتفاعات غير مبررة؟

وهذا هو الرابط
http://www.masrawy.com/News/Egypt/Politics/2009/september/8/mobileoffers.aspx

BaNZeR

09-09-2009, 01:33 AM

يعنى من 6 الصبح ل 4 ((حصرا)) بس وكمان بيبصوا للشعب الغلبان فيهم ؟؟؟؟!!!!!!
وتفاصيل الإشتراك ايه؟؟؟؟
اصل انا اعرف ان موبينيل الشهيرة بام نبيل لا تفوتها فرصة او عرض دون ان تقبض من المشترك رسوم اشتراك متوسطها خمسة جنيهات ، فماذا عن رسوم الإشتراك فى هذا العرض الرمضانى؟؟؟
وهل هو للإتصال بجميع الخطوط أم خطوط ام نبيل فقط ؟؟؟؟

عرض فودافون الكلام في نهار رمضان بخمس قروش ومن الدقيقة الثالثة فقط

يعني انا لو كلمت واحد دقيقتين بس مش حخش في العرض
ولو كلمت واحد ساعة كل دقيقة في وقت مش حدخل في العرض برده
يعني العرض للى بيرغو بس
ونهار رمضان محدش بيتكلم فيه غير قليل جداً
عن نفسي بكون نايم معظمه اصلاً :d

ومع ذلك مش هاين عليهم برده العرض يبقى موجود

ده العرض بتاعنا اللى ميعتبرش عرض

الأستاذة هدى

09-09-2009, 02:29 AM

عرض فودافون الكلام في نهار رمضان بخمس قروش ومن الدقيقة الثالثة فقط

يعني انا لو كلمت واحد دقيقتين بس مش حخش في العرض
ولو كلمت واحد ساعة كل دقيقة في وقت مش حدخل في العرض برده
يعني العرض للى بيرغو بس
ونهار رمضان محدش بيتكلم فيه غير قليل جداً
عن نفسي بكون نايم معظمه اصلاً :d

ومع ذلك مش هاين عليهم برده العرض يبقى موجود

ده العرض بتاعنا اللى ميعتبرش عرض

طيب والاشتراك فى العرض نفسه مقابل خصم كام؟؟؟؟

BaNZeR

09-09-2009, 02:51 AM

طيب والاشتراك فى العرض نفسه مقابل خصم كام؟؟؟؟

مش عارف الخصم بس أقصاها يعني حتكون 2 جنيه للرسالة حسب ما سمعت

aelsoudy

09-09-2009, 11:36 AM

الأستاذة هدى

09-09-2009, 03:25 PM

مش عارف الخصم بس أقصاها يعني حتكون 2 جنيه للرسالة حسب ما سمعت

وام نبيل اقل اشتراك فى عرض بيكلف خمسة جنية
يعنى كمان الاشتراك مش ببلاش واخرتها عشر ساعات فى اليوم بس وبصين للناس فيهم ؟؟؟؟!!!!!!!!!!!

حسبنا الله ونعم الوكيل

الأستاذة هدى

09-09-2009, 03:32 PM

اكيد اكيد له مصلحة في الموضوع ده
اعتقد برده ان في شركتين من التلاتة مش قادره تجاري عروض شركة .........(اكيد عارفنها )
واعتقد انها قدمت العرض الرمضاني لاثبات وجودها قبل ما المشتركين تروح خالص وممكن الشكوى تكون من هنا

مشكور لمرورك الكريم

وحتى لو فيه شكوى المفروض يراعى مصلحة المواطن ويكون البقاء للأصلح للمواطن
وهذا ما تراعيه كافة الدول
شركة موبينيل فرع الجزائر اعلنت من فترة انها ستخرج من السوق الجزائرى لتحقيقها خسائر هناك نتيجة مراعاة الدولة لأسعار الخدمة المقدمة لمواطنيها بينما هنا ارباح موبينيل عندنا بالملايين من دم الشعب المسكين الذى يعمل مسئولوه على امتصاص دمائه لصالح اصحاب المليارات من رجال الأعمال الغلابة !!!!!!!!!!

مستر عصام kz

10-09-2009, 09:11 AM

والله المفروض نعمل حملة لوقف استخدام التليفون الارضى بسبب ارتفاع السعر الغير مبرر فى الاشتراك الشهرى

sara1994

10-09-2009, 10:09 AM

ماهو شهر رمضان هيخلص هايرجعوا تانى يرفعوا الاسعار من قبل حتى اتصالات ما تتكلم وبعدين ما يسيبنوا نعيش شويه دا دقيقة المكالمة من غير اشتراك فى اى عروض 40 قرش حرام عليهم

totta2010

10-09-2009, 12:37 PM

هو عر ض اتصالات ده ف رمضان بس ؟
طيب وبعدين هنرجع لعرض ال19 قرش ولا ايه؟

مجرد حلم

10-09-2009, 01:56 PM

الأستاذة هدى

10-09-2009, 02:56 PM

والله المفروض نعمل حملة لوقف استخدام التليفون الارضى بسبب ارتفاع السعر الغير مبرر فى الاشتراك الشهرى

فعلا المفروض نعمل حملة ضد الشركة التى تسرقنا وتمارس علينا عقود إذعان يبطلها القانون
وقرأت اقتراح من احد المواطنين اقترح مطالبنا فى هذه الحملة وهى:
1- رجوع الفواتير لنظام السداد النصف سنوى يعنى نسدد مرتين فقط فى السنة وليس اربعة حتى نعفى من الرسوم لاربعة مرات .
2- تخفيض الاشتراك الشهرى .
3- عودة المكالمات المجانية الشهرية كما كانت من قبل.

تقبل تحياتى

الأستاذة هدى

10-09-2009, 02:59 PM

ماهو شهر رمضان هيخلص هايرجعوا تانى يرفعوا الاسعار من قبل حتى اتصالات ما تتكلم وبعدين ما يسيبنوا نعيش شويه دا دقيقة المكالمة من غير اشتراك فى اى عروض 40 قرش حرام عليهم

ايوة ان شاء الله بعد رمضان هيرجعوا كل واحد لنظامه الأصلى وتسعيرته الأصلية

يسيبونا ليه؟؟؟
وكانوا فين ايام ما كنا بنتسرق ؟؟؟؟؟؟؟؟؟

نورتى الموضوع يا سارة

الأستاذة هدى

10-09-2009, 03:01 PM

هو عر ض اتصالات ده ف رمضان بس ؟
طيب وبعدين هنرجع لعرض ال19 قرش ولا ايه؟

ايوة كل واحد هيرجع لنظامه الأصلى
ومع ذلك الوزير زعلان وبيتوعد :bosyht9:

الأستاذة هدى

10-09-2009, 03:07 PM

الوزير عضو فى مافيا الحكومة لسرقة الشعب عاملين اعلانات للاسرائيلية للاتصالات وهى المحتكرة للسوق ونهب لفلوسنا فى حد بيخد اشتراك ثابت زى عندنا وخدمة سوده ومتقدرش تعترض على فاتورة حسبى الله ونعم الوكيل

هى فعلا ليست شركتنا ولا تعمل لصالحنا
انها المحتكرة للإتصالات او على رأيك الإسرائيلية للاتصالات :d
وطبعا فاتورة وخدمة سودا وماتقدرش تعترض على فاتورتك لأنها عقود اذعان عاجبك خليك ادفع مش عاجبك امشى وييجى غيرك :blush:
هو ده تعامل حكومتنا معانا :angry2:
وحسبنا الله ونعم الوكيل

تقبل تحياتى

**تسابيح**

10-09-2009, 05:19 PM

BaNZeR

10-09-2009, 07:05 PM

سؤال بسيط بقي
ع بانزر غير اسمه واحنا منعرفاش:d

لا لا ابداً ده حكاية يطول شرحها :d
بس يظهر ده حيبقى المتعارف عليه في قسمي :d

الأستاذة هدى

10-09-2009, 09:50 PM

كل الحكاية واللي الكل ملاحظها

ان التليفون الارضي بيخسر
بدليل الاعلانات بتاعة التليفونات الارضية
دا اكبر دليل ع الخسارة
وهم بقي عايزين يمصوا دمنا بأي طريقة
بالنسبة لشركات المحمول هم بينفسوا بعض
بحس انه في صلحنا يارب شركة رابعة تطلع عشان يبقي
في صالحنا اكثر:d:d:d

سؤال بسيط بقي
ع بانزر غير اسمه واحنا منعرفاش:d
شكرا ع الخبر

لا على فكرة انتى فسرتى كثرة اعلانات التليفون الأرضى انهم بيخسروا وده مش حقيقى هم بيكسبوا ملايين وبيعلنوا مكاسبهم كمان بس المشكلة انهم بيبصوا لقدام وان استمر تخفيض سعر المكالمات على المحمول فإنهم من المحتمل ان يخسروا من ارباحهم وهو ما يرفضونه بالقطع واليكى هذا الخبر عن ارباحهم العام الماضى لتعرفى الحقيقة

492.2 مليون دولار أرباح المصرية للاتصالات في 2008

("")
قالت الشركة المصرية للاتصالات امس إن صافي أرباحها في عام 2008 زاد عشرة في المئة ليصل إلى 2.79 مليار جنيه مصري (492.2 مليون دولار).
وتحتكر «المصرية للاتصالات» خطوط اتصالات الهاتف الثابت في مصر.
وذكرت الشركة في بيان أن الايرادات زادت 1.2 في المئة لتصل إلى 10.12 مليارات جنيه. وبلغ اجمالي عدد المشتركين في خطوط الهاتف الثابت 11.7 مليون مشترك بارتفاع أربعة في المئة عن عام 2007.
(رويترز)
الرابط
http://www.aljarida.com/AlJarida/Article.aspx?id=101675

وطبعا شركات المحمول بينافسوا بعض وده طبعا يكون فى صالحنا ويارب تدخل شركة رابعة وخامسة التجربة أثبتت ان ذلك فى مصلحتنا بالتأكيد

عن بانزر بقى اعتقد جاوبك

نورتى الموضوع يا قمر

جمال سراج

11-09-2009, 01:48 PM

الأستاذة هدى

11-09-2009, 07:45 PM

على اى حال

مهما كانت العروض الوقتى ورخصها الا انهم لهم طرقهم الماكرة فى سحب الرصيد بلاش نقول سرقة الرصيد !!!!!!!!! جنتلة منى وذوق مش اكتر
كذا دقيقة تضيع دون اتصال او كل شوية يقطع الشبكة وتتصل تانى
او تيجى تكشف عن رصيدك تلاقيه نصه ازاى كدا من غير كلام
اما عن التليفون الارضى ابو 36 كل 3 شهور فدول بوخم قوى واصبح ملوش لازمة وياريت كلنا نلغيه اذا لم يكن له لازمة
بعد ما كان 24 كل 6 شهور مع كذا الف مكالمة مجانية
الوقتى مفيش اى مجانية - فلوس بتدفع فى الهوا وللهوا اشى ضرائب مبيعات واشى خدمات وزفت ونيلة
هى نقصاكوا انتوا كمان
حياتنا كلها اقساط
من الاكل والشرب وحتى الجواز والخلفة والله حتى اللى بيخلف عيل بيستلف وبيقسط
انا بتكلم عن الغلابة اللى زينا مش اصحاب الارانب والخرفان والتيران والحيتان زى ما بيقولوا!!!!!!
ومع هذا الاحقاد شغالة ميه ميه على الشركات المنافسة رغم انها بتتفنن وبتكسب من الهوا بردو بس بتضحك علينا عاااااااااااااال قوى
ولعل ابرزها زى ما سمعنا سحب او الغاء مليون ونص خط لاشتراكاتهم مع احد الشركات اللى كان مفيش غيرها وهو دا اللى مولع الدنيا
على فكرة ياريت نرشد استخدام الموبيل لاننا من اكتر الدول استخداما للموبيل متاسف بتفاهة وبمنظرة
كان زمان المنظرة تبدوا ربما فقط فى تعليق الموبيل بحزام البنطلون حتى لو كان مفيش فيه رصيد وهو دا اللى كان فى الغالب او تمن الرنة بس!!!!!!!!!!!!!!1 اه والله كنت بشوف كدا
انما الوقتى الولاد والبنات بيكلموا بعض موبيلات ضهرهم فى ضهر بعض خصوصا الحبيبة فى المدارس والجامعات!!!!!!!!!!!!
افترى وقلة ادب مش اكتر!!!!

تحياتى

سرقة الرصيد موجود فى شركة النصب الام ام نبيل فقط والله اعلم
تستعلم عن رصيدك اللى هو حقك ب20 قرش زى ما يكونوا خايفين تعرف رصيدك لا تاخد بالك من السرقة
انما شركة اتصالات محترمة جدا وليس عندها هذا النظام من السرقة
وتصلك رسالة بتكلفة المكالمة ورصيدك المتبقى عقب كل مكالمة
وتعرف رصيدك مجانا فى اى وقت انشالله ميت مرة يوميا
طيب ليه نضطر لشركة حرامية وبتسرقنا ؟؟؟؟
ده محتاج تفسير مننا احنا ياريت تجاوبونى عليه

لكن انا ما سمعتش عن حكاية الغاء مليون ونص خط دى
ممكن تفاصيل اكتر؟؟؟؟؟؟

وطبعا طرق الاستخدام وترشيدها تختلف من شخص للآخر
اعرف ناس بتتفق بعدد الرنات على امور معينة
مثلا رنة واحدة يعنى كلمنى او واحشنى :d
رنتين انا رجعت البيت
تلات رنات افتكر طلب معين
وهكذا اعتقد ان الرنات اختراع مصرى خااالص :d

تقبل تحياتى وتقديرى