مشاهدة النسخة كاملة : اسال مجرب ومتسالش استاذ
dr.oraby 08-09-2009, 06:04 PM طبعا الموضوع باين من عنوانه
انا كنت طالب ثانويه عامه بس الحمد الله سبتها على خير وفى صيدله دلوقتى
بوجه موضوعى دا لكل طالب او طالبه ثانويه عامه عاوز <ه>يستفسر عن اى حاجه او عاوز يعرف هو ماشى صح ولا غلط وان شاء الله ربنا يوفقنى واقدر اقدم له نصيحه تفيده او تفيدها
كله يخش ويسال فى اى حاجه حتى لو بعيده عن الدراسه وكلنا اخوات مع بعض وان شاء الله نعرف نساعد بعض
وانا ان شاء الله هحطلكو امتحانات ومراجعات على قد مقدر علشان تستفيدو وربنا يوفك كل واحد للى هو عاوزه
اوعى تتكبر او تتكسف الرسول عليه الصلاه والسلام قال يضيع العلم بين شيئين الكبر والحياء
علشان كده عاوز كله يخش ويقول رايه واى حاجه عاوز يقولها وانا تحت امركو
معلش بقا انا طولت عليكم سلاااااااااااااااااااااااااااام:p;)
dr.oraby 08-09-2009, 06:11 PM متنسوش يا جماعه التسويط :abdoog8:على الموضوع فوووووووووووووووووق:d:006et4:
لوفلى طالبه 08-09-2009, 07:07 PM راااااااااااااااااااائع جدا جدا جدا
بجد كان نفسى حد يعمل كده ونساله
بجد الف شكر اوىىىىىىىىى
ومبارك عليك الصيدله والله حلم حياتى انى ادخلها
بس انت جامعة ايه ؟:d
ههههههه
بس بجد شكرا اوى
وان شاء الله هنهريك اسئله:d
dr.oraby 08-09-2009, 07:26 PM شكرا يا جميل على ردك الحلو ده وانشاء الله ربنا يوفقك وتدخلى الكليه اللى انت عاوزاها
على فكره انا من بنها بس فى صيدله الزقازيق شدى حيلك بقا علشان تجيلى
GALAXYY 08-09-2009, 08:08 PM we do not like irrelevant comments if u have something to say in english say it
if u dont dont give us a headache
dr.oraby 08-09-2009, 08:24 PM على فكره الطريقه دى مش كويسه والموضوع ده مش اجبارى انا قلت اللى عاوز نصيحه هحاول اقدمهاله مش ان حد يخش ويكتب كلام زى ده
مش هو ده اللى كنت منتظره من موضوع زى ده
وبرده انا هتكلم عربى مع انى لو اتكلمت انجليزى مش هتفرق معايا بالعكس فى كلام انجليزى ممكن مقدرش اعبر عنه بالعربى
بس انا فضلت العربى علشان الموضوع يكون سهل وبسيط وكل الناس تتكلم ببساطه من غير تعقيد
ومتشكر جدا على الرد الجميل ده
أحمد حافظ جلال 08-09-2009, 11:23 PM فكرة رائعة
http://akhawat.islamway.com/forum/uploads/post-20628-1188454615.gif
دمت للخير مرشدا
مرمرينا التابعى 09-09-2009, 12:25 AM موضوع رائع فعلا وربنا يجزيك كل خير وشد حيلك عشان قريب كده نقلك يا دكتور.:022yb4::d
el_magic 09-09-2009, 11:08 PM موضوع جميل
وانا اللى هبتدى بالاسئلة
هو المفروض الواحد يكون مخلص المناهج كلها على امتى ويبدا مراجعات فى شهر كام ؟
بالنسبة لى انا بحفظ بسرعة جدا يعنى ممكن الحاجة اشوفها مرة وافضل حافظها سنين بس بكره جدا الحفظ وبكون متضايق وانا بحفظ وبفضل الفهم لانى الحمد لله مش بحتاج مجهود كتير علشان افهم فالافضل فى رأيك اخد احياء ولا رياضة انا عن نفسى عاوز اخد رياضة 2
Dr. R KH 10-09-2009, 12:27 AM فكرة حلوة أوي و ان شاء الله الطلبة يستفيدوا منها لأننا كلنا كنا محتاجين حد أكبر منا نسأله ف حاجات كتير
أنا كمان خلصت ثانوية و الحمد لله دخلت طب أسنان و نفسي أساعد طلبة الثانوية اذا حضرتك معندكش مانع
dr.oraby 10-09-2009, 11:20 PM شكرا ليك ياdr r kh وربنا يوفقك فى الاسنان دى محتاجه مجهود كبير
وشرف ليا طبعا انك تشاركنى فى الموضوع ده وانشاء الله نستفيد من بعض كلنا
(http://www.thanwya.com/vb/member.php?u=282768)
dr.oraby 10-09-2009, 11:51 PM سؤالك جميل جدا يا magic ويمكن طلبه كتير بيسالوه
بالنسبه ليك انا شايف من كلامك يعنى انك ماشاء الله زكى بتفهم وتحفظ وانا شخصيا بحب الطلبه اللى من النوع ده اوى
انا كنت زيك كده بس كان الفهم عندى يغلب على الحفظ كتير وكنت بتضايق اوى لما احفظ حاجه مش فاهمها وبتروح من زهنى على طول
انا بنصحك الاول انك تفهم الحاجه كويس اوى قبل متحفظها علشان لو اتسالت فيها بشكل تانى او سؤال عاوز لف ودوران تعرف تجاوب ودى النوعيه اللى بيسموها للطالب المتميز فى الامتحان وبيبقا عليها حوالى 10 % من اسئله الامتحان تقريبا اما لوكنت حافظ بدون فهم ممكن متعرفش تجاوب لو السؤال جالك بطريقه تانيه
بالنسبه لسؤالك عن المراجعه المفروض انك تكون مخلص المنهج مع الاستاذ بتاعك على اول شهر اتنين حسب المواد فى مواد بتاخد وقت كتير شويه وفى مواد بتخلص قبل كده بس خلينا فى المتوسط علشان تقعد تراجع 3 شهور اللى هما تلاته واربعه وخمسه وتشوف انتا عاوز ايه من المنهج بحيث شهر سته مبيبداش وانت لسه فى حاجه مش مراجعها كويس
طبعا بيبقا فى حتت من المنهج عاوزه كل شويه تتراجع كده والا هتنساها زى العضويه مثلا فى الكيمياء دى برضه تكون مظبتها قبل شهر سته
بعد كده بقا تشوف اول ماده عليك فى الامتحانات غالبا عربى وبتبقا من اول عشره سته مثلا حسب الجدول تبدا تزاكرها من واحد سته ونصيحه مهمه جدا اوعى تسيب حاجه فى المنهج متراجعش عليها حتى لو هتقراها قرايه سريعه بس متسيبش حاجه خالص فى الكتاب عينك معدتش عليها حتى لو مقريتهاش وده هيفيدك جدا فى الامتحان ان شاء الله
اما بالنسبه لعلمى رياضه ولا علوم دا يرجع ليك انت بتحب ايه او طموحاتك فين عاوز تبقا ايه لما تخلص ثانوى
عموما الاثنين عاوزين دماغ شغاله وفهم ومتصدقش اللى يقولك الاحياء كلها حفظ لا دى عاوزه واحد بيفهم وبيفهم اوى كمان وميمشيش فيها غير الفاهم
انا نفسى طبعا اكون افدتك ولو بحته صغيره وطبعا لو عاوز اى حاجه تانيه انا تحت امرك وياريت تقولى استفدت ولا لا
وشكر ليك يا ماجيك وربنا يوفقك
el_magic 11-09-2009, 03:50 AM العفو يا دكتور
وشكرا ليك على ردك
واكيد انا استفدت منك كتير والموضوع فعلا مفيد
yomna1993 25-09-2009, 11:37 PM شكرا على الموضوع
عايزة اعرف راي حضرتك او راي اي زميلة \ة
في حكاية الدروس في السناتر باعداد كبيرة؟
NoUrHaN_Z 25-09-2009, 11:44 PM أنا السنه دى أول مره أجرب أروح سنتر
جربت سنتر قريب من بيتى
كان عددنا حوالى 10
زى مانكون ف درس عادى
و المستر كان شرحه حلو جداااااااا
يوصلك المعلومه من أول مره
بس طبعا بتفرق من سنتر للتانى
يعنى مثلا أنا اعرف سنتر اسمه خطاب
دا مدرس الإنجليزى فيه بيغلط غلطات شنيعه ف الجرامر
المفروض ان اى مدرس أو حتى طالب مايغلطش فيها
على العموم انتى إسألى حد يكون جرب ف السنتر اللى انتى عايزه تروحيه و إسأليه على النظام هناك
و انا عن نفسى إذا كنت هاكمل مع السنتر اللى باخد فيه و لا لأ
فده يتوقف على نتيجة إمتحان أول شهر ان شاء الله
yomna1993 26-09-2009, 12:21 AM جزاكي الله خير يا نورهان
على متابعتك الجميلة
بس انا مقصدش على شرح المدرس بس
انا مثلا باخد مع مدرسين كويسين و كل حاجة و مش عايزة اسيبهم بس المشكلة ان عددنا بيوصل ل 40 طالب
و طبعا بغض النظر على ان التركيز بيبقى مشتت
و ان المستر مبياخدش باله مننا ساعات كتير
ان اصلا خطر التجمعات الكبيرة دي دلوقتي
فانا عايزة اعرف السنتر كده مش ليه مشاكل و سلبيات
ميرسي ليكي يا قمر
و ربنا يوفقك و يوفقني و كل المسلمين
NoUrHaN_Z 26-09-2009, 03:19 AM يا نهار ملون 40 واحد :eek:
دا المفروض 40 دا يكون عدد التلاميذ الفصل
طب هاقولك اقتراحين
الأولانى شوفى اصحابك اللى بياخدوا معاكى ف السنتر
و اعمليلهم حالة ارهاب :stickjo4:
قوليلهم كل شويه احنا ف السنتر دا زحمه و كتير و الفيروس بينتشر بسرعه
و احنا لازم نحافظ على نفسا و الكلام الكبير ده
و جمعى حوالى 5 أو 6 بنات
و شوفى لو المستر ينفع يدلكوا درس عادى
و الله الحل ده حلو أوى و بيجيب نتجه عن تجربه B)
و ممكن برضه تلاقى ف السنتر نظام الدرس الخاص
دا غير المجموعه علشان بيبقى فيه العدد قليل و بتدفعى فيه أكتر شويه من المجموعه
يعنى كأنه درس
الإقتراح التانى دا بقى اييييييييه؟
سيبك خالص من كل ده لأن السناتر كلها هاتقفل
و دا قرار من الوزير علشان الإعداد بتبقى كتير و بيساعد على نشر الفيروس الجديد
و ربنا معاكى
Dr. R KH 26-09-2009, 04:25 AM ربنا يوفقك يا يمنى
الموضوع ده بيفرق من مدرس لمدرس يعني في مدرسين لو بيشرحوا لواحد زي مية و في مدرسين مش بيركزوا كويس مع العدد الكبير
و بردو على حسب الطالب لو انتي بتستوعبي كويس خلاص مفيش مشكلة لو حسيتي ان في حاجات ممكن تفوتك اعملي زي ما نورهان قالت جمعي 5 بنات و خدوا لوحدكوا
|| Dr sCorpion || 26-09-2009, 06:26 AM اعتقد يا جماعه ان حكاية العدد الكبير دى مش بتفرق اوى
بس طبعا عشان انتشار الامراض مش كويسه
واكيد المجموعه الصغيره افضل
40 واحد دى مش كبيره خالص
انا كنت فى درس الانجليزى فى مجموعه 100 واحد تقريبا
وعادى الحمد لله الدرجات كانت تمام ومش فارقه
بس هى بتفرق مع الطالب نفسه
ان كان يقدر يستوعب فى المجموعه الكبيره او لا
بس حاليا الافضل طبعا تكون المجوعات صغيره عشان انتشار الامراض وكده
وربنا يوفقكم كلكم
Dr/yara 26-09-2009, 07:46 AM اذبكم يا جماعه واسمحولى اكون معاك بعد اذنكنم طبعا انا لسه مخلصه ثانوى والحمد الله دخلت اللى كنت بحلم بيه انا فى صيجله بنى سويف وعلى فكرة حكايه العدد ده مبتفرقش كتير انا كنت برده باخد دروس وكانت الاعداد كبيره بس الصراحه انا جيت فى الاخر واعدت فى البيت وجبت مدرسين فى البيت وعلى فكره انا جاتلى طب بس انا فضلت الصيدله وانا مبحبش حكايه السناتر ده خالص وبصراحه مفكرتش اجربها وعلى فكرة الموضوع حلو جداا وربنا يقدرنا ونفيد ناس كتير لان انا لما كنت فى المرحله ده كنت عايزه اسال اى حد بس مكنتش بلاقى وتقبلوا مرورى
yomna1993 26-09-2009, 09:48 PM اول حاجة شكرا جدا للي اهتموا بموضوعي انا و ناس كتير
جزاكم الله الجنة
انا على فكرة مقتنعة بالمدرسين الي باخد معاهم و في منهم كويسين جدا في الشرح
مع ان العدد كبير بس الحمد لله تمام بفهم
بس المشكلة مثلا انهم بيهملوا حاجات كتير جدا يعني مثلا الواجب مبيتعلمش
اه و عندي 2 مدرسين مبيقبلوش ان حد يسالهم على اي سؤال لا في الواجب ولا في الحصة بيقولولي روحي اسالي المساعدين بتوعي بره
بينرفزوني جدا و طبعا مبعرفش اسال مساعدين انا
و طبعا العدد الكبير عشان مش بيدوا دروس خاصة ..مع انهم بياخدوا نفس مبلغ الحصص للدروس الخاصة و يمكن اكتر
يعني و المميزات هي الشرح و الامتحانات الاسبوعية
معادلة صعبة :bosyht9:
شكرا ليكم بجد و معلش تعبتكم معايا:)
طارق حسام 27-09-2009, 06:50 PM طب بالنسبة لي أنا أنا كنت ناوي
أروح المدرسة و المدرسين كويسين
و عدد الطلاب بيكون قليل جداً لأنو كلو بياخد
دروس و بيعض في البيت
ايه رأيك في الموضوع ده
Dr/yara 27-09-2009, 10:57 PM اذيكم كلكم وان اشاء الله كل الى يحلم بحاجه يقدر يحققها
اولا اختى فى الله يمنى اذا كنت من النوع اللى بيسيطر على نفسه وتعرفى تدربى نفسك على الحل وكده يبقى مشكله الواجب اتحلت انت ممكن تشترى كتب خارجيه وتحلى فيها وغالبا الاجابات بتكون فى نهايه الكتاب او فى كتاب منفصل وعلى فكره انا كنت مدمنه كتب خارجيه اكتر من المذكرات اما بالنسبه للاساله انت ممكن بعد نهايه الحصه او اقبليها تسالى المدرس نفسه وحكايه انه مبيردش على الاساله ده موضوع غير تربوى لان التعليم اصله اساله ولو انت مقتنعهبالشرح وعرفتى تدربى نفسك كويس وتسيطرى على الاسأله يبقى استمرى ولكن لو معرفتيش نصيحه من اخت اكبر التدريب والحل والاسئله اهم كتير جدا من الشرح فى حد ذاته لان الشرح يضع امامك النقط الاساسيه فقط اما الحل فبيعرفك على كل حاجه وبيعرفك نقط ضعفك وقوتك وعلى فكره اللى بيقول ان الامتحان معتمد كله على الفهم مش صح خالص
انا انصحك اذا كانت حالتك النديه تسمح انك تاخده درس تانى فى المواد الى المدرسين مبيردوش على اسالتها لمده شهر واحد لان الوقت ضرورى للحفاظ عليه عشان متزنقيش زى فى الاخر وتحددى انت مرتاحه مع مين اكتر واختارى المدرس التانى يكون من النوع اللى بيحل كتير وبيشرحو بيرد على الاسأله وبصراحه انا مش عارفه نضام الدروس عندكم
Dr/yara 27-09-2009, 11:08 PM اسفه انى طولت عليكم راغيه بقى هتقولى ايه بالنسبه لاخويه فى الله حسام مرواح المدرسه لو مش هيضيعلك وقتك يبقى كويس بس متعتمدش عليه فى المقام الاول لان المنهج عمره مبيخلص فى المدرسه ولو خلص بيبقى فى اخر السنه بس انت تخده زى مراجعه لان فى جزئيات فى المنهج بتتنسى بسرعهوممكن لو كانت فى حاجه واقعه منك من الدرس تخلى مدرس الفصل يشرحهالك على فكره انا كنت بعمل كده وصدقنى فى مواد كنت مستريحه جدا وانا براجعه وممكن تستفيد كمان من مدرس المدرسه انك تساله عن الحاجات اللى بتقف قدامك فى الكتب الخارجيه انا فكره والله انى المدرس اقلى فى مره ان اليوم اللى مبرحش فيه بيبقى يوم جميل من كتر الاساله اللى كنت بسالها وعلى فكره عاده مدرس الفصل بيجاوب كويس اصل بيبقى عايز يبين نفسه انه شاطر الا من رحم ربى
yomna1993 28-09-2009, 10:48 PM جزاكي الله خير يا دكتورة يارا
بجد كلامك جميل و عجبني جدا
ربنا يبارك فيكي يا قمراية
و شكرا تاني لاهتمامك
Dr/yara 28-09-2009, 11:23 PM بتشكرينى على ايه ده انت اختى ويارب يوفقك وتدخلى طب ولا صيدله حسب ميولك يعنى ولو احتجتى اى حاجه تانى انا تحت امرك فى اى وقت بس انت مقلتليش انت هتعملى ايه ونفسك تخشى كليه ايه وبعدين مفيش غير قمر واحده ((((( يمنى)))))))) :av4056bb7jp3:
نور يوسر 23-08-2011, 12:28 AM بس بقى يا دكتور انا عاوزه اسأل حضرتك سؤال انا جبت فى سنه تانيه ثانوى 96% وانا مكمله علمى علوم ياترى هقدر الحق صيدله ولا اعمل ايه دلوقتى احول رياضه يعنى
SwOrD OF JusTice 30-08-2011, 07:59 PM الموضوع بقاله سنتين منحطش فيه رد !
وصاحبته مدخلتش من 5 اشهر
اعتقد انها مش هترد :d
NeVeR CoMe BacK 31-08-2011, 02:33 AM انا عن نفسى فى الاستطلاع عملت (((( ياعم انا فاضيلك ))) احسن رد قرأته الصراحة :d
|