اجمع كل البشمهندسين والبشمهندسات...تحديد مصير المنتدى [الأرشيف]

جعلتني مهندسا

09-09-2009, 03:12 AM

بسم الله الرحمن الرحيم

ما تخافوش ما تقلاقوش ماتعلهوش

نظرا لان معظم المواضيع قلبت شات

كل الحكاية أن في يوم من الأيام
كنت اقترحت في قسم صوت الأعضاء
أننا نقسم قسم كليات المجموعة الهندسية
الى أقسام!

أيوه الى أقسام زي
مدني
عمارةوكليات الفنون التطبيقية
كهرباء
ميكانيكا
واعدادي طبعا
وهكذا.........
وفي نفس الوقت هيكون في حته تعملو فيها اللي أنتو عايزينه وممكن نسميها
واحة الالهندسة

في الحقيقة الادارة وافقت عليه على حسب ردودهم

بس كان فيه بعض الأعضاء بيعترضوا
أيوه أنت
ما تنكنرش:040vk0::040vk0:

الى أن توصلنا معا الى حل
اللي طبعا أعترف اني كان المفروض أعمله قبل
ما أقترح الاقتراح ده
وأنا بأعتذر عن ذلك:p

كان لازم ناخد رأيكم من الأول

فهل أنت مع هذا الاقراح

أم أنت ضد هذا الاقتراح

والسلام عليكم ورحمة الله وبركاته

جعلتني مهندسا

09-09-2009, 03:14 AM

يوووووووووووووو

نسيت أعمل الاستطلاع أعذروني

EnG.Mohammed

09-09-2009, 03:19 AM

يعني انتا شايف ان فيه اقبال اوي على القسم لدرجه اننا نعمل اقسام كمان ؟؟؟؟؟؟؟؟؟؟؟؟؟!!!!

يعني انا شايف اغلب الي هنا في اعدادي و الباقي متقسمين على اقسام يعني ممكن متلاقيش الا اتنين او تلاته في كل قسم
اعتقد فكره مش حلوه دلوئتي

لكن الفكره نفسها حلوه بس مش وقتها دلوئتي وقتها لما يكوون فيه اعداد وكدا وناس بتشارك نسنتنى بدايه الدراسه ونشوف

جعلتني مهندسا

09-09-2009, 03:21 AM

على فكرة الادارة بتقول اننا لازم نبص لقدام

عشان كده هي مؤيدة للموضوع ده

KeMoZzAzZ

09-09-2009, 03:34 AM

لا انا معترض مع الموضوع انا اسف
لانى احب يكون القسم جينيرال عشان نقدر كلنا نتكلم مع بعض
انما لو قسمناها هيبقى الحوار مش لذيذ وهتختفى الروح اللى هنا
وانا مش فاهم ماله الشات :d ناس حريته صحيح :d

من وجهة نظرى معترض

بروف انس

09-09-2009, 03:35 AM

دا اللي في كليه هندسه وبيدخلوا الموقع حوالي 10 يعني لما نيجي نقسم يعني هيكون المعدل مهندس / قسم
والله فكره ويا سلام لو نعين مشرفين لكل قسم يبقي انا كده ضمنت مشرف هههههههههههه

ياعم مينفعش هو احنا ذي بتوع الطب دا الدكاتره حوالي 200 ولا 300 اما احنا شويه صغيرين خالص خليها كمان سنه او اتنين علي ما نكون كبرنا العدد والجماعه بتوع ثانوي دخلوا الكليات

محمد.كوم1992

09-09-2009, 03:35 AM

هيا بصرااحة فكرة جامدة
وفعلا هتلاقي اقبال بس ممكن قسم زي ميكانيكا متلاقيش د خالص بيدخله او اي قسم تاني
يعني يا ريت يكون في ناس متتخصصين للمواضيع الي زي دي
والي عنده حاجة يفيد التاني حتى لو كان مش في القسم ده
وربنا يسهل

Eng. Alios

09-09-2009, 03:35 AM

و الله انا رأيي انه فعلاً لازم تتقسم لاقسام كالتالي :

- قسم اعدادي هندسة
- قسم اعدادي عمارة ( كلية الفنون الجميلة عمارة )
- قسم الهندسة المدنية
- قسم هندسة العمارة ( كلية الفنون الجميلة عمارة )
- قسم هندسة العمارة ( كلية الهندسة )
- قسم هندسة الميكانيكا ( باور - انتاج - سيارات - ميكا الكترونيكس )
- قسم هندسة الكهرباء
- قسم هندسة الحاسبات
- قسم الهندسة النووية
- قسم الهندسة الكيمائية
- قسم هندسة الغزل و النسيج
- قسم الهندسة الكهروميكانيكية
- قسم هندسة الطاقة
- قسم هندسة البتروكيماويات
- قسم هندسة الحاسب الآلي و الاتصالات
- قسم الهندسة الطبية
- قسم هندسة الالكترونيات
- قسم الهندسة الصناعية
- قسم هندسة التحكم
- قسم هندسة الانشاءات
- قسم هندسة و ادارة التشييد
- قسم هندسة التصميم المكيانيكي
- قسم هندسة المواد
- قسم هندسة التصنيع
- قسم هندسة الغاز الطبيعي
- قسم هندسة البرمجيات ( كلية الحاسبات و المعلومات بجامعة حلوان )
- قسم كلية البترول و التعدين بالسويس

طبعاً الاقسام دي صحيحة و مؤكد منها .... و بكده نبقى ضممنا كل تخصصات الهندسة .... من اقسام عامة و خاصة
مع العلم بإن : كلية الحاسبات و المعلومات من الكليات الهندسية (ذات تخصص الاربع سنوات) و كلية الفنون الجميلة (عمارة) من الكليات الهندسية ...

جزاكم الله كل خير

جعلتني مهندسا

09-09-2009, 03:39 AM

يعنى أنا عايز أعرف

هو في حد حط دلوقتي ولا قبل كده أيام الدراسة حاجة لقسم معين

وبعدين منا بقول نعمل قسم واحة الهندسة لللي عايز شات

أعمل ايه بعد كده بس

Eng. Alios

09-09-2009, 03:42 AM

انا برضه بأيد فكرتك ... احنا نعمل فعلاً قسم نسميه واحه الهندسة او نسميه مجتمع المهندسين ... للي عايز يتكلم و يعمل شات براحته ..

بروف انس

09-09-2009, 03:43 AM

يا بشمهندس ممكن تشوف عدد المهندسين اللي موجودين ونعمل حصر لهم ولو طلعوا اكتر من 30 مهندس انا موافق تعمل اللي التقسيم

جعلتني مهندسا

09-09-2009, 03:45 AM

بص للمستقبل

مش لازم النهارده ايه

لازم احنا عوزين بكره ازاي

EnG.Mohammed

09-09-2009, 03:47 AM

ايه ياعم كل الاقسام دي ده انتا حاطط اقسام اكتر من عدد االناس الي في هندسه في المنتدى !

بروف انس

09-09-2009, 03:49 AM

والله صدقني يا بشمهندس التقسيمه اللي انت عايز تعملها في القسم الهندسي هتشتت الاعضاء كمان مش هتلاقي غير قسم واحد بس اللي شغال هو قسم واحه الهندسه

جعلتني مهندسا

09-09-2009, 03:55 AM

طب ياسيدي شغل القسم ده

وباقي الأقسام نخليها براحتها

أنا بس عايز أشوف القسم منظم زي باقي الأقسام

Eng. Alios

09-09-2009, 03:59 AM

ايه ياعم كل الاقسام دي ده انتا حاطط اقسام اكتر من عدد االناس الي في هندسه في المنتدى !

خلاص , بلاش نعمل الاقسام دي ... و نخلي القسم سهلبيسة سهلبيسة .. هالله هالله ع البعاليصة !

بروف انس

09-09-2009, 03:59 AM

طب يجماعه نقوم نصلي الفجر حالا ونبقي نكمل بعد الصلاه او لما الاعضاء يصحوا سلاااااااااااااااااااااااااااااااااااااااااااام

جعلتني مهندسا

09-09-2009, 04:04 AM

طيب نقوم نصلي

ربنا يهدينا وينصرنا

EnG.BeLaL

09-09-2009, 04:11 AM

يا باشمهندس لو قسمناه هيقل الاقبال اكتر من الاول
و بعدين ما حضرتك طلبت مني و قولتلك مش هينفع
خصوصا و ان معظم اللي في القسم دلوقتي اعدادي

Eng. Alios

09-09-2009, 04:22 AM

مع حضرتك حق ....... احنا فعلاً لو قسمناه ح يقل الاقبال ...

انا برضه ملاحظ ان في المنتديات الخاصة بالجامعات المصرية انهم مش مقسمين القسم الخاص بكلية الهندسة عندهم ...

يعني مثلاُ منتدى جامعة حلوان او جامعة عين شمس او جامعة اسكندرية مش عاملين اقسام فرعية في الاقسام الخاصة بكلية الهندسة فيهم ...

خلينا كده احسن ..

EnG.Mohammed

09-09-2009, 04:38 AM

خلاص , بلاش نعمل الاقسام دي ... و نخلي القسم سهلبيسة سهلبيسة .. هالله هالله ع البعاليصة !

مع حضرتك حق ....... احنا فعلاً لو قسمناه ح يقل الاقبال ...

انا برضه ملاحظ ان في المنتديات الخاصة بالجامعات المصرية انهم مش مقسمين القسم الخاص بكلية الهندسة عندهم ...

يعني مثلاُ منتدى جامعة حلوان او جامعة عين شمس او جامعة اسكندرية مش عاملين اقسام فرعية في الاقسام الخاصة بكلية الهندسة فيهم ...

خلينا كده احسن ..

انتا مع مين بالظبت بقا دلوئتي ؟؟؟؟؟؟؟؟؟؟؟؟؟؟؟؟؟؟؟؟ :blush:

Eng. Alios

09-09-2009, 04:55 AM

انتا مع مين بالظبت بقا دلوئتي ؟؟؟؟؟؟؟؟؟؟؟؟؟؟؟؟؟؟؟؟ :blush:

انا مع الله اولاً

ثانياً : انا ماشي على حسب انتم ما تمشوا ... انا بس حبيت اقترح

جعلتني مهندسا

09-09-2009, 05:04 AM

بس يبنى منك له متعملوش دوشة :d
يا محمد افندى
التنظيم مطلوب
انت فى كهربا انا فى مدنى ايه علاقة الاتنين ببعض
طبعا علاقة تناسب عكسى
لما نقسم كل قسم كدا هتخصص المجالات
بتاع مدنى يجى يدخ على مدنى علطول بتاع كهربا كذلك الخ الخ
انما هتسيبه فى بعضه كدا مينفعش
ومش مهم احنا نستفيد دلوقت اللى بعدنا يجى ويستفيد
لما تحط مواضيع كهربا فى كهربا ومواضيع مدنى فى مدنى
يبق بتشيل نظرية التشتت وبيبقا كل واحد عارف هيدخل القسم كذا
شكلك مفهمتش وهتغلبنى معاك (ايموشن وحد بيضرب واحد )

وأنا معايا ما يثبت كلامي أمام حضرات المستشارين

بروف انس

09-09-2009, 05:15 AM

وأنا معايا ما يثبت كلامي أمام حضرات المستشارين

شكلنا كده مش هنعرف نقنعك يا بشمهندس احمد انا خايف علي القسم احسن بتوع الطب يضحكوا علينا ويفكرونا قله:d والقسم اصلا علي ما حد بيحط موضوع بيكون القسم تراكم عليه التراب واحتلته العناكب فبلاش فضايح قدام الاقسام التانيه بسم الله ماشاء الله علي اقسام الطب كل يوم تلاقي موضوع ام احنا يعيني كل جمعه تلاقي موضوع وفي موضوع من ايام توت عنخ امون :dفي القسم محدش عارف بيتكلم عن ايه وكمان قسم كليه التجاره تلاقي فيه 50 او 60 واحد في اليوم

BaNZeR

09-09-2009, 05:34 AM

الحمد لله
مش أنا لوحدي

مش حقول كفاية رأي المشرف اللى عارف كويس القسم ده شغال ازاي

لكن حقولك رأي الاعضاء كلهم بيقولو لأ
عدا رأيين بس ويمكن يغيروا رأيهم لو فهموا

على فكرة ياجماعة الموضوع اللى اتعمل للادارة اهه
لتطوير البوابة.:..:..:.... (http://www.thanwya.com/vb/showthread.php?t=152011)

وحتلاقوه فيه كمان اعتراضي
ايوه انا الشخص المذكور وبيقولي متنكرش

انا مش بوجه اتاهم لحد وعارف إنك بتهزر :d

بس بوجه اعتراضي الكامل للموضوع

واديك شفت الموضوع

انتا نسيت اهم حاجة وهي التصويت

بس عامة هو مش محتاج
لانه الردود كلها باينة
واللى اعترضو يعتبرو من الجدد ومش على قدر المعرفة من القسم
لكن نحسبهم برده مقلتش حاجة

ثم أنا يكفيني ردود اللى بعد اعدادي لأن هما دول اللى حيشيلو الاقسام

لو بتفكر لقدام ابقى ادعي ربنا يدينا طولة العمر ونعمل الموضوع ده كمان سنة ولا سنتين قدام

انتهيت

BaNZeR

09-09-2009, 05:36 AM

بالمناسبة الموضوع اللى ذكرته
لتطوير البوابة.:..:..:.... (http://www.thanwya.com/vb/showthread.php?t=152011)

ياريت محدش يرد فيه

وياريت نقاشنا كله يبقى هنا عشان منزعجش الادارة هناك

وفي الآخر خالص حبقى نحط القرار النهائي اللى حنوصله هنا

eng7oudash

09-09-2009, 06:06 AM

بصوا يا جدعان .. او يا بشمهندسين

من غير ما اعمل اقتباسات و أعلق على كلام كتير

انا شايف ان مفيش ضرر من تقسيم القسم و يكون 6 اقسام

اعدادى
مدنى
عمارة
كهريا
ميكانيكا
الساحة العامة

كلامى لبانزر بقى

بص يا محمد .. اولا انا شايفك متحمس اوى ضد فكرة التقسيم .. خليك مرن شوية .
التقسيم مش هيضر بحاجة .. لا و كمان ممكن ميفيدش الاقسام فى حاجة دلوقت
يعنى ممكن نلاقى قسم فاضى خالص مفيوهش اى موضوع
و يكون الكلام كله موجود فى قسم الساحة العامة
لكن لما حد يدخل فى قسم عمارة و عاوز حاجة من عمارة .. اكيد هيبقى عارف يروح فين
و اللى شايف انه يقدر يفيد فى عمارة .. اكيد برده هيدخل يشوف اللى موجود فيها

يعنى مش شرط انك عشان كهربا .. يبقى انت قاعد فى قسم كهربا بس

لا يا عم .. خليك براحتك .. لو عندك معلومة للى فى مدنى ادخل قوله .. او ميكانيك .. او .. او ...

يا ريت تكون وجهة نظرى وصلت

و مستنى اشوف التعليق منكم

Eng_lfc

09-09-2009, 06:16 AM

محمد.كوم1992

09-09-2009, 06:17 AM

وجهة نظرك وصلت طبعا
وهو ده الكلام الي انا قولته قبل كده

محمد.كوم1992

09-09-2009, 06:20 AM

يا ريت يا جماعة الي موافق ع الفكرة يقول انا موافق والي معترض يقول انا بعترض
او نعمل موضوع تاني ونعمل فيه استطلاع
انتم ايه رأيكم
مستني الردود

BaNZeR

09-09-2009, 08:57 AM

كلامى لبانزر بقى

بص يا محمد .. اولا انا شايفك متحمس اوى ضد فكرة التقسيم .. خليك مرن شوية .
التقسيم مش هيضر بحاجة .. لا و كمان ممكن ميفيدش الاقسام فى حاجة دلوقت

وجهة نظرك واصلة يا باشا ومازلت ارفض الفكرة :d
ناخدها واحدة واحدة عشان انتو شايفني متحمس زيادة
بقيت حماسي على آخر الزمن :d (موضوع متشغلوش بالكو بيه :d )

بص ياسيدي

يعنى ممكن نلاقى قسم فاضى خالص مفيوهش اى موضوع
و يكون الكلام كله موجود فى قسم الساحة العامة

ده كده يقين منك إنه ممكن القسم يكون فاضي
يبقى ليه نعمله دلوقتي واحنا عارفين إنه حيبقى فاضي
وليه نحير الناس بين الساحة العامة والموضوع الاصلي
وحيبقى ايه فايدة الساحة العامة غير الشات !!
هو احنا بنظم القسم ولا بنقلبه لمنتدى داخلي تاني ؟؟

لكن لما حد يدخل فى قسم عمارة و عاوز حاجة من عمارة .. اكيد هيبقى عارف يروح فين

حيروح فين إذا كان القسم فاضي !!

يعنى مش شرط انك عشان كهربا .. يبقى انت قاعد فى قسم كهربا بس

قولي مين معايا دلوقتي في كهربا من سكان القسم ؟
وقولي مين معاك انت في مدني غير يمكن واحد تاني ؟
ومين مع كيمو مثلاً في عمارة ؟
حتشغل الاقسام ازاي

لا يا عم .. خليك براحتك .. لو عندك معلومة للى فى مدنى ادخل قوله .. او ميكانيك .. او .. او ...

مع احترامي الكبير لسيادتك
بس انت كده بتعتمد على حاجة ثانوية جداً
وده معناه إني لو لقيت كتاب لمدني ااقدمهولك ولو انت لقيت كتاب عن كهربا تقدمهولي

وده حيبقى نادر الحدوث لإنه اكيد كل واحد لما يدور بيدور في مجاله بس
واكيد من البديهي طبعاً إنه أنا في كهربا أكيد مش حعرف معلومات عن عمارة ولا ميكانيكا
حاجة نادرة جداً

خلينا في الواقع يا محمود
دلوقتي احنا كلنا 5 او 6 اللى اكبر من اعدادي
يعني بمعدل شخص ونص تقريباً لكل قسم
حنشغل الاقسام ازاي ؟

انا معارضتش الفكرة لو اتنفذت في المستقبل في حالة وجود اعضاء كافيين للمهمة
وده ممكن يتحقق السنة الجاي عشان دفعة اعدادي كتير السنادي

انا المفروض بالعكس مرفضش الفكرة
لإني حالياً بفيد مش بستفيد

بس لما التقسيم يتعمل لا حعرف افيد ولا استفيد

انا بايت في القسم هنا كل يوم وعارف النظام حيكون ايه

فكروا بالواقع شوية ياجماعة
مش معنى إني أكون مرن إني اتساهل في جميع القرارات والاقتراحات دون دراسة

etisalat__011

09-09-2009, 11:54 AM

انا موافق على التقسيم
بس كله يكون تحت مسمى المجموعة الهندسية

و زى ما قسموا المجموعة الطبية يقسمونا احنا كمان

محمد.كوم1992

09-09-2009, 01:15 PM

خلاص يا جماعة في موضوع تاني عن الاستطلاع وبس هناك هنصوت عن ارائنا
وهنا نتناقش ونقترح حلول ترضي الكل
رابط الموضوع الي فيه الاستطلاع اهو
http://www.thanwya.com/vb/showthread.php?t=152283

Its My Life

09-09-2009, 01:29 PM

مش فهمه حاجه
فاكيد مش هاوافق على حاجه مش فهماها

جعلتني مهندسا

09-09-2009, 01:59 PM

محمد.كوم1992

09-09-2009, 02:08 PM

مش فهمه حاجه
فاكيد مش هاوافق على حاجه مش فهماها
الموضوع بسيط
الموضوع اقتراح لتقسيم قسم الهندسة
يعني نخليه اقسام لكا تخصص
يعني يبقى فيه قسم لاعدادي وقسم لمدني وقسم لعمارة وقسم لاتصالات و ...........
توفيرا للوقت والجهد
وفي موضوع استطلاع تاني عشان التصويت ممكن حضرتك تروحي تقولي رأيك هناك من هنا :
http://www.thanwya.com/vb/showthread.php?t=152283
وهنا الموضوع ده عشان المناقشة

اتمنى اني اكون افدتك

EnG.Mohammed

09-09-2009, 02:24 PM

خلاص ياجماعه في حل ظريف جدا ان المشرف مثلا يعمل كذا موضوع مثبت كل واحد باسم قسم معين يعيني يعمل موضوع لبتوع مدني وموضع لبتوع اعدادي وكدا ولو لقى ان المواضيع دي شغاله وناس بتنزل حاجات فيها وكدا ( وده طبعا مستحيل لان مفيش حد في المنتدى كل قسم فيه واحد او اتنين بالكتير) يبقى نعمل موضوع الاقسام دي

eng7oudash

09-09-2009, 05:43 PM

وجهة نظرك واصلة يا باشا ومازلت ارفض الفكرة :d
ناخدها واحدة واحدة عشان انتو شايفني متحمس زيادة
بقيت حماسي على آخر الزمن :d (موضوع متشغلوش بالكو بيه :d )

بص ياسيدي

حاضر .. بصيت اهه :d
:abdoog8:

ده كده يقين منك إنه ممكن القسم يكون فاضي
يبقى ليه نعمله دلوقتي واحنا عارفين إنه حيبقى فاضي
وليه نحير الناس بين الساحة العامة والموضوع الاصلي
وحيبقى ايه فايدة الساحة العامة غير الشات !!
هو احنا بنظم القسم ولا بنقلبه لمنتدى داخلي تاني ؟؟

بنعمله للمستقبل ... مش شرط يوم ما نعلمه يبقى مليان مواضيع .. واحدة واحدة هيتملى
و الساحة هتفضل زى ما القسم عليه .. اى سؤال عام .. او اى موضوع مش مرتبط بقسم معين

حيروح فين إذا كان القسم فاضي !!

يروح الساحة .. و هى هتبقى مكان الجميع عادى

قولي مين معايا دلوقتي في كهربا من سكان القسم ؟
وقولي مين معاك انت في مدني غير يمكن واحد تاني ؟
ومين مع كيمو مثلاً في عمارة ؟
حتشغل الاقسام ازاي

انا ميكانيكا باور :):)

الاقسام هتشتغل واحدة واحدة زى ما قولنا

مع احترامي الكبير لسيادتك
بس انت كده بتعتمد على حاجة ثانوية جداً
وده معناه إني لو لقيت كتاب لمدني ااقدمهولك ولو انت لقيت كتاب عن كهربا تقدمهولي

قلت انا ميكانيكا باور:stickjo4:

وده

حيبقى نادر الحدوث لإنه اكيد كل واحد لما يدور بيدور في مجاله بس

واكيد من البديهي طبعاً إنه أنا في كهربا أكيد مش حعرف معلومات عن عمارة ولا ميكانيكا
حاجة نادرة جداً

قولنا انت ليه متخرجش من قسمك ... بالعكس .. انت مش هتدخل قسمك غير للجد بس
و عيش حياتك يا عم عادى فى الساحة العامة

خلينا في الواقع يا محمود
دلوقتي احنا كلنا 5 او 6 اللى اكبر من اعدادي
يعني بمعدل شخص ونص تقريباً لكل قسم
حنشغل الاقسام ازاي ؟

نفس الكلام .. الاقسام هتشتغل واحدة واحدة .. حتى اللى ييجى فى نص السنة او السنة اللى جاية حتى .. هيلاقى الاقسام قدامه .. يقدر لو عنده معلومة يفيد بيها فى القسم
مش مستعجلين على تنشيط الاقسام دلوقت

انا معارضتش الفكرة لو اتنفذت في المستقبل في حالة وجود اعضاء كافيين للمهمة
وده ممكن يتحقق السنة الجاي عشان دفعة اعدادي كتير السنادي

انا المفروض بالعكس مرفضش الفكرة
لإني حالياً بفيد مش بستفيد

بس لما التقسيم يتعمل لا حعرف افيد ولا استفيد

انا بايت في القسم هنا كل يوم وعارف النظام حيكون ايه

قلت مش مطلوب مننا اننا ننشط الاقسام دلوقت .. واحدة واحدة هتنبقى الاقسام كويسة .. الاول بس ننقل فى كل قسم المواضيع اللى تخصه
و المواضيع العامة .. تكون فى الساحة العامة .. و المواضيع المشتركة بين اكتر من قسم تكون فى الساحة العامة برده

فكروا بالواقع شوية ياجماعة

مش معنى إني أكون مرن إني اتساهل في جميع القرارات والاقتراحات دون دراسة

انا مش بقول اتساهل .. انا بقول خليك مرن .. يعنى اى كان القرار .. تقسيم او لا .. تبقى مش زعلان :d

انا موافق على التقسيم

بس كله يكون تحت مسمى المجموعة الهندسية

و زى ما قسموا المجموعة الطبية يقسمونا احنا كمان

كلمة زى المجموعة الطبية دى بتغيظنى اوى ... احنا هندسة يا هندسة .. ملناش دعوة هما بيعملو ايه :p:p

مش فهمه حاجه

فاكيد مش هاوافق على حاجه مش فهماها

كل ده و مش فاهمة .. :huh:

eng7oudash

09-09-2009, 05:45 PM

BaNZeR

09-09-2009, 07:00 PM

قلت انا ميكانيكا باور:stickjo4:

ياعم اعتبرني بقول مثال
يا سيدي انت باور وانا باور مش فارقة
قصدي يعني ميكانيكا باور وكهربا باور :d

قولنا انت ليه متخرجش من قسمك ... بالعكس .. انت مش هتدخل قسمك غير للجد بس
و عيش حياتك يا عم عادى فى الساحة العامة
ماشي الساحة العامة ده حيبقى مكان تجمع البشمهندسين الزهقانين
يعني من الآخر أكيد مش حنتكلم في المادة العلمية بتاعتنا
لو اتكلمنا في الساحة العامة عن المادة العلمية يبقى مفرقناش عن اللى موجود دلوقتي
ولو متكلمناش يبقى لو انا داخل لمادة علمية مش حخرج بره قسمي
صح

نفس الكلام .. الاقسام هتشتغل واحدة واحدة .. حتى اللى ييجى فى نص السنة او السنة اللى جاية حتى .. هيلاقى الاقسام قدامه .. يقدر لو عنده معلومة يفيد بيها فى القسم
مش مستعجلين على تنشيط الاقسام دلوقت

قلت مش مطلوب مننا اننا ننشط الاقسام دلوقت .. واحدة واحدة هتنبقى الاقسام كويسة .. الاول بس ننقل فى كل قسم المواضيع اللى تخصه

طب واحدة واحدة وبلاش كل ده :d
هو ايه اللى واحدة واحدة والسنة والجاية ومش مستعجلين
اتكلم عن نفسك بس انت اللى حتنشط قسمك لوحدك :d
لكن انا بقى مستعجل
مش حنعمل قسم عشان ابات فيه لوحدي مستني حد يقابلني سنة كمان او سنتين

ثم إنه مفيش حاجة اسمها نعمل قسم ومش مطلوب مننا تنشيطه دلوقتي
المفروض ده مخالف لادارة المنتدى لو اتحط قسم جديد
مينفعش يبقى خامل الفترة ده كلها

وفين بقى المواضيع اللى حتتنقل لكل قسم ده
كام موضوع بخصوص مستقبل كل قسم وحيفضلو في الساحة العامة :d

*******************************

كلمة زى المجموعة الطبية دى بتغيظنى اوى ... احنا هندسة يا هندسة .. ملناش دعوة هما بيعملو ايه :p:p

اه ده احد الاسباب اللى بتخليني اقول ده مش ديموقراطية زي ما بتقولو
كل اللى داخل صوت لموافق عالتقسيم (مش كله كله :d)
يا إما جديد ومش فاهم يا إما اقتداءً باقسام طب
والثورة ده ماقامتش غير لما طب اتقسمت
بس مش حنحكم على حد زور برده

معلش يا محمد .. بس مش شايف انه اقتراح حلو خاالص

يا يتقسم المنتدى اقسام .. يا أما يفضل زى ما هو

انا فعلاً شايف إنه اقتراح المواضيع المثبتة مش لطيف

جعلتني مهندسا

09-09-2009, 08:02 PM

eng7oudash

09-09-2009, 08:15 PM

كفاية اقتباسات كدا

انا يتهيألى اننا اتكلمنا فى كل نقطة اكتر من مرة .. و متفقناش ... ( نو بروبلم )

يتهيألى ان الموضوع بقى واضح كدا للكل .. ولا لسه يا بوسى ( Eng_bosy ) ؟؟

نستنى بقى نشوف نتيجة التصويت هتبقى ايه

و يا ريت نتفق على وقت يقف فيه التصويت

و احنا كلنا طبعا مش عاوزين غير مصلحة القسم .. و كل واحد شايف المصلحة من وجهة نظره

و عشان الامانة لازم اعلق على الحتة دى

ثم إنه مفيش حاجة اسمها نعمل قسم ومش مطلوب مننا تنشيطه دلوقتي
المفروض ده مخالف لادارة المنتدى لو اتحط قسم جديد
مينفعش يبقى خامل الفترة ده كلها

مظنش ان الاقسام لو اتعملت هتبقى نشيطة ... على الاقل فى الفترة الاولى .. و لازم تكون الادارة عارفة كدا

جعلتني مهندسا

09-09-2009, 08:32 PM

وعلى فكرة

أي قسم في الدنيا كلها لازم يتطور مع مرور الزمن

هي دي الدنيا

وأكبر دليل هو المنتدى ده

أكيد طبعا كان في الأول صغير ومفهوش أعضاء كتير ولا مواضيع كتير

لكنه بعد حوالي 6 سنين بقى من أهم المنتديات

ودا طبعا بسبب توافر مقومات النجاح والتي تكمن في

ادارة ناجحة

اصرار وثقة بالنفس

أعضاء قادرين على تحمل المسؤولية

BaNZeR

09-09-2009, 08:54 PM

مش عارف اقولك ايه يا محمود
بس احنا كده بنفضل نلف حوالين بعض

وعلى فكرة

أي قسم في الدنيا كلها لازم يتطور مع مرور الزمن

هي دي الدنيا

وأكبر دليل هو المنتدى ده

أكيد طبعا كان في الأول صغير ومفهوش أعضاء كتير ولا مواضيع كتير

لكنه بعد حوالي 6 سنين بقى من أهم المنتديات

ودا طبعا بسبب توافر مقومات النجاح والتي تكمن في

ادارة ناجحة

اصرار وثقة بالنفس

أعضاء قادرين على تحمل المسؤولية

طيب يا عم الفيلسوف ابقى خلي التقسيمة ده تنفعك :d
الاقسام بتتطور لما المنتدى بيحتاج لكده
لو بصيتو مثلاً لطب
ليه قسمو طب ؟
مش عشان فيها مجالات متعددة
لأ انتو فاهمين غلط

طب كانت سلطة
طب فيها صيدلة وفيها بطري وفيها بشري
كل كلية منفصلة عن التانية
مش زي هندسة كلية واحدة

طيب لسه الاقسام بتتطور ولقيو إنه طب اسنان اصحابه كتار
وليهم اهتمامات واحدة وليهم مواضيعهم الخاصة
راحو عملولهم قسم جديد لوحده لطب اسنان غير بتاع بشري

لكن لا مؤاخذة مش نيجي في مكان فاضي وملوش زباين ونقول يلا نقسمه عشان لما يتطور باذن الله في المستقبل يكون متقسم جاهز :d
يا صلاة النبي :d

ده إن شاء الله حيكون آخر كلام عندي إن لم يجد فكرة جديدة ارد عليها

لو حصل ونتيجة التصويت - الديموكراتية ده - كانت في صالح التقسيم

فأرجو التقسيم يكون للأقسام التالية

اعدادي
اتصالات
كهربا باور
حاسبات ونظم
عمارة
مدني
ميكانيكا انتاج
ميكانيكا باور
الميكاترونكس
تعدين وفلزات
بترول
هندسة طبية
الهندسة الكيميائية
الهندسة النووية
هندسة الطيران والفضاء

(طبعاً في حاجات انا مش فاكرها مش كاتبها)

أي تقسيم غير كدا حيكون ظالم للناس اللى بتدور عالاقسام ده
كل قسم من دول ليه اهتمامات مختلفة
مينفعش ندمج اتنين او تلاتة مع بعض تحت مسمى واحد
أي واحد يقولي مش حنحط قسم كذا عشان ملوش زباين حقله لأ احنا بنقسم وبنظم وبنطور للمستقبل مش لازم ينشط دلوقتي
اي واحد حيعترض هو حر :040vk0:

واعملو بعد كده اللى انتو عايزينه عشان انا تعبت من الكتابة
:slap1qk6:

جعلتني مهندسا

09-09-2009, 09:10 PM

والله دي وجهة نظرك لازم أحترمها

وأدينا بنعمل الاستطلاع أهة ويا يتقسم يا ما يتقسمش

وأكيد طبعا احنا بندور على مصلحة المنتدى مش مصلحة شخصية

وشكرا

eng7oudash

09-09-2009, 09:48 PM

مش عارف اقولك ايه يا محمود

بس احنا كده بنفضل نلف حوالين بعض

طيب يا عم الفيلسوف ابقى خلي التقسيمة ده تنفعك :d

الاقسام بتتطور لما المنتدى بيحتاج لكده

لو بصيتو مثلاً لطب
ليه قسمو طب ؟
مش عشان فيها مجالات متعددة
لأ انتو فاهمين غلط

طب كانت سلطة
طب فيها صيدلة وفيها بطري وفيها بشري
كل كلية منفصلة عن التانية

مش زي هندسة كلية واحدة

طيب لسه الاقسام بتتطور ولقيو إنه طب اسنان اصحابه كتار

وليهم اهتمامات واحدة وليهم مواضيعهم الخاصة

راحو عملولهم قسم جديد لوحده لطب اسنان غير بتاع بشري

لكن لا مؤاخذة مش نيجي في مكان فاضي وملوش زباين ونقول يلا نقسمه عشان لما يتطور باذن الله في المستقبل يكون متقسم جاهز :d

يا صلاة النبي :d

ده إن شاء الله حيكون آخر كلام عندي إن لم يجد فكرة جديدة ارد عليها

لو حصل ونتيجة التصويت - الديموكراتية ده - كانت في صالح التقسيم

فأرجو التقسيم يكون للأقسام التالية

اعدادي

اتصالات
كهربا باور
حاسبات ونظم
عمارة
مدني
ميكانيكا انتاج
ميكانيكا باور
الميكاترونكس
تعدين وفلزات
بترول
هندسة طبية
الهندسة الكيميائية
الهندسة النووية

هندسة الطيران والفضاء

(طبعاً في حاجات انا مش فاكرها مش كاتبها)

أي تقسيم غير كدا حيكون ظالم للناس اللى بتدور عالاقسام ده

كل قسم من دول ليه اهتمامات مختلفة
مينفعش ندمج اتنين او تلاتة مع بعض تحت مسمى واحد
أي واحد يقولي مش حنحط قسم كذا عشان ملوش زباين حقله لأ احنا بنقسم وبنظم وبنطور للمستقبل مش لازم ينشط دلوقتي
اي واحد حيعترض هو حر :040vk0:

واعملو بعد كده اللى انتو عايزينه عشان انا تعبت من الكتابة

:slap1qk6:

والله دي وجهة نظرك لازم أحترمها

وأدينا بنعمل الاستطلاع أهة ويا يتقسم يا ما يتقسمش

وأكيد طبعا احنا بندور على مصلحة المنتدى مش مصلحة شخصية

وشكرا

هى اه وجهة نظر .. و المفروض انها تحترم

بس دى معلش يا بانزر مينفعش احترمها

لانك بتتريق جااامد فيها .. قلنا خليك مرن

.. يعنى لو اتقسم .. تفكر يبقى ازاى حلو بعد ما يتقسم

مش لو اتقسم يبقى هبوظهولكوا

كلامك مش حلو يا محمد .. و مش هعلق على حتت منه .. بس هو معجابنيش فى مجملة

لان لو انت عاوز كل قسم يبقى مستقل اوى اوى اوى كدا .( حضرتك بتتريق طبعا ) .. يبقى انت عاوز تثبت فسل نظرية التقسيم ..

انا مش عاوز اتكلم ... الكلام دلوقت بقى واضح للكل .. و باقى التصويت فى الموضوع التانى

pinkykitty

09-09-2009, 11:03 PM

بصوا يا جماعة انا أويد موضوع التقسيم ده وبشدة
ليه بقى.... لأن القسم فعلا محتاج يترتب يعني مثلا كل واحد عايز حاجة او عنده استفسار يقوم يعمله موضوع وطبعا المواضيع بتكتر وبتتكرر وبعدين بتتحذف يعني ما حدش بيستفاد منها بعد كده ...لكن لما نقسم كل قسم لوحدة حيكون فيه تنظيم اكتر والسؤال اللي بيتسأل الكل حيستفاد منه ومش حيتكرر لان كل واحد عرف هو رايح فين وهدفه ايه بالظبط يعني مثلا واحد داخل قسم نووي عنده سؤال معين يسأله وبعدين يترد عليه فبعد كده لو حد عنده استفسار في نفس السؤال حيدخل على الموضوع اللي فيه السؤال ده ...لكن لما يكون القسم سلطة زي دلوقتي السؤال اللي بيتسأل بيترد عليه وبعدين بيفضل ينزل لتحت لحد ما يتنقل الصفحة التانية وطبعا بما ان ما حدش حيقعد يدور في المواضيع ديه كلها فالطبيعي انه حيعمله موضوع يسأل فيه السؤال تااااااااااااني ويترد عليه تاااااااااني وبعدين يتنقل وهكذا ...لكن لما يكون كل قسم لوحده المواضيع مش حتكون كتير اوي فكل واحد حيكون سهل عليه انه يستفاد من غير ما يعمل مواضيع مكررة وتعمل دوشة ..فطبعا كده مش حينفع احنا بجد لازم نطور القسم ونغيره علشان الكل يستفيد اكتر الموضوع ممكن ياخد شوية وقت عقبال ما القسم يتملى لكن احنا بنبص لقدام مش بنبص تحت رجلينا وخلاص ده رايي يا جماعة ممكن توافقو عليه او تختلفوا معاه وع العموم افتكر نتيجة الاستطلاع هي اللي حتحدد

جعلتني مهندسا

09-09-2009, 11:13 PM

هو ده الكلام المظبوط

BaNZeR

10-09-2009, 12:28 AM

هى اه وجهة نظر .. و المفروض انها تحترم

بس دى معلش يا بانزر مينفعش احترمها

لانك بتتريق جااامد فيها .. قلنا خليك مرن

.. يعنى لو اتقسم .. تفكر يبقى ازاى حلو بعد ما يتقسم

مش لو اتقسم يبقى هبوظهولكوا

كلامك مش حلو يا محمد .. و مش هعلق على حتت منه .. بس هو معجابنيش فى مجملة

لان لو انت عاوز كل قسم يبقى مستقل اوى اوى اوى كدا .( حضرتك بتتريق طبعا ) .. يبقى انت عاوز تثبت فسل نظرية التقسيم ..

انا مش عاوز اتكلم ... الكلام دلوقت بقى واضح للكل .. و باقى التصويت فى الموضوع التانى[/center]

انا بتريق فيها جامد :o
ماشي ياعم براحتك اعتبرني بتريق

بس انا مش بهزر
واللى قلته ده لو مقلتوش دلوقتي حتلاقي بعد شهرين تلاتة
واحد بيقولك واشمعنى قسم بترول ده المفروض يبقى قسم مستقل

وكمان شهرين تلاقي اللى يقولك اشمعنى دول بس وعايزين قسم هندسة طبية

وبعدين انتو لو حتقسمو للتخصيص يبقى تفصلو كل فرع لوحده بقى
عشان يبقى التخصص صح
ولا انا كلامي غلط

انا مش بتريق
بس هندسة في حقيقتها متعددة جداً واقسامها كبيرة جداً وانت مذكرتش غير الحاجات العامة الاكثر انتشاراً بس

لكن لو زي ما بتقول بتفكروا لقدام ومش مستعجلين عالتقسيم يبقى نحط كل الاقسام اللى محتاجينها

ولا اشمعنى ده مش حنفكر فيها لقدام

يمكن الجملتين الآخرنيين يكون فيهم نبرة تريقة زي ما بتقول بس دول بفسر بيهم وجهة نظري
وماشي ياعم متردش عليا مش مشكلة
المهم ابقى وضحت اللى عندي

هو ده الكلام المظبوط

متقول رأيك في الحكاية طيب بدل ما انت ولعتها وقاعد تتفرج على الردود كده بس :d

محدش يزعل ياجماعة انا والله مش قصدي اتريق على حد
انا بهزر بس في زمرة النقاش بتحسو إني بتخانق لكن ده مجرد اسلوبي مش اكتر
وانا بحط الاتنين جوه بعض فمش بيبانو

محدش يزعل لو سمحتو يا إما ........ :d

جعلتني مهندسا

10-09-2009, 12:34 AM

لا لا ما تخافش مفيش خد زعلان

خفت أنا بقى اما دي

بصوا يا جماعة أنا عرضت الموضوع على اللورد وعرضت عليه المواضيع والاستطلاع والمناقشات دى

وهو هيشوف

Eng. Alios

10-09-2009, 12:46 AM

ياريت تشيلوا اقتراحي من الموضوع ... لان الاقسام اللي انا كاتبها ياما قوي فعلاً ...

eng7oudash

10-09-2009, 02:21 AM

محدش يزعل ياجماعة انا والله مش قصدي اتريق على حد
انا بهزر بس في زمرة النقاش بتحسو إني بتخانق لكن ده مجرد اسلوبي مش اكتر
وانا بحط الاتنين جوه بعض فمش بيبانو

محدش يزعل لو سمحتو يا إما ........ :d

عيب عليك يا عم

زعل ايه .. ربنا ميجبش زعل

titto19991

10-09-2009, 09:45 AM

انج امي قالت لا م-بلال قال لا بنزار قال لا يمكن بنكيكتي قالت اه بس انا بقول لا (مع الاعتذار للاغنية):)

جعلتني مهندسا

12-09-2009, 02:13 AM

أي أغنية دي

أكيد طبعا محدش سمع أغنية في الدنيا كلها شبه دي

BaNZeR

12-09-2009, 02:23 AM

هو انا كانو بيغنوني في اغنية ولا حاجة
بقيت مشهور اهه :d

eng_salwa

22-09-2009, 12:32 AM

ياللهوول انا فاتني كتير عن القسم بقي
مبدئيا مش موافقه علي القصه بتاعت التقسيم ديه
انتم اعدادي 20 طالب تقريبااا اعملوا لنفسكم قسم براحتكم
بس مطالبووش كمان بتقسيم الاقسام لمواد ميكانيكيه ومواد كهربيه
في كمان في التوبيك بتاع الاستفتاء مدني وعماره في قسم واحد
مدني وعماره في قسم واحد يا ماشاء الله
مين ادي صاحب الفكره الحق انه يقسم القسم لاقسامنا احنااا
الكهربا فيه مين الا الباشمندسين بلال ومحمد بنزر
والميكانيكا انااا ومش بتابع كل يوم اصلا و محمود كمان تقريبا باور
كل قسم هتقتح علي اتنين بقي
اللي في قسم اعدادي يطالب بفتح قسم لاعدادي براحتكم يا اعداي
واللي في كهربا و ميكانيكا يطالبه لو عاوزين
ليه واحد يقول اقتراح علي لسان كل الاقسام اللي في المجموعه دييييه
مش من حقه اصلااااااااااااااااااااااا
وبصراحه الموضوع خرج عن فكرته بقي مجرد موضوع لاقيناه نتسلي فيه والسلام
عاوزه اشوف ردود كل اللي وافق علي الفكره ديه ايام الدراسه هيبقي فينهم
وانا كواحده في قسم ميكانيكا اللي هو المفروض قسم من ضمن الاقسام مش موافقه
ولو اتعمل انا بره عنه مش داخله فيييييه نهائي يبقي مافيش في ميكا الا الباشمهندس محمود تقريبااااا
اعملووا القسم ميكانيكا علي واحد بقي يبقي قسم جميل جدااااااااااااااااااااااااااااااا صراحه
فكره بدون تريقه يعني اقل من اننا حتي ننقاشها كل ده
وان شاء الله هنوصل وباجماع الاراء رفض الفكرررره
وعلي فكره الاستفتاء ده مش مجدي برضه اللي في التوبيك التاني
كل الاعضااء مش موافقين وتلاقي في الاستفتاء عدد اللي موافقين 20
لو الاستفتاء ده هو اللي هيحكم في المصير ويقسم وكلام فارغ يبقي طبعاااا بكل اسف استفتاء مش نافع