مشاهدة النسخة كاملة : ازاى الثانوية فرقت فى شخصيتك
ranony 27-10-2006, 03:44 PM اكيد اى مرحلة تعليمية و عمرية بنعدى بيها بيبقى ليها تاثير على شخصيتنا و بتغير حاجات كتيرة اوى فيها مثل طريقة تفكيرنا
و كل مرحلة ليها سلبيات و ايجابيات
يا ريت كل عضو انتهى من مرحلة الثانوية يدخل يقول ايه كان اثرها ع شخصيته يعنى استفاد منها ايه و كمان ايه كانت سلبيتها عليه
انا هابدا انا فى اولى كلية و الحقيقة انا استفدت من الثانوية حاجة مهمة اوى و هى انى بقيت اجتماعية و ده نتيجة للدروس اللى خلتنى احتك بناس ما اعرفهمش و كان لازم انى اكون معارف و صداقات و ده نفعنى جدا فى الكلية بقى من الساهل انى اتعرف على الناس
و السلبية انها خلصت مخزون المزاكرة اللى عندى يعنى حاسة انى مش قادرة ازاكر ...........يا رب ده يكون موقتا
مغترب وبس 27-10-2006, 03:58 PM لا أشعر انها قد أثرت في
فانا كما انا :)
ranony 27-10-2006, 03:58 PM شكرا ع مروركم الجميل يا اسيل و يا مغترب
و ممكن انت تكون مش واخد بالك من تاثيرها
thank u
جميله 27-10-2006, 04:22 PM ميرسي رنوني على الموضوع
انا كمان اولى هندسه زراعيه
انا خدت من الثانويه حاجات كتير
اهمها الكائبه و الحزن و العياط و الانقطاع عن العالم
خدت منها كمان انها فرقت بيني و بين اصحابي اللي بقينا كل واحد في حته
بس انا الحمد لله اتخلصت من كل الحاجات دي في الفتره اللي فاتت
و بقيت مستعده مره تانيه للمذاكره ووجع الدماغ .... و اهم حاجه التفوق
و لو على اصحابي فاحنا بنتقابل برده و بنروح الصبح مع بعض و احيانا بنرجع مع بعض
و في رمضان كنا بنصلي التراويح كل ليله مع بعض
بس احنا للأسف بدأنا كل واحده تنشغل باللي و راها
بس لا يمكن ان شاء الله ننسى بعض
أمين هتيمى 27-10-2006, 04:25 PM انا لسة فى الثانوية
لكن الثانوية علمتنى اتحمل المسؤلية وشكرا
loza99 27-10-2006, 04:46 PM انا خلال الثانويه حسيت فعلا بذاتي الحمد لله كان كل مدرسيني بيحبوني
وكانوا دايما بيدوني نصائح تساعدني في حياتي مش بس في الدراسة
ومن ثقتهم فيا اللي انا لاحظتها انا حسيت فعلا باني ليا قيمة في الدنيا
وبالتالي ده اداني ثقة في نفسي و اكيد الثقة دي ادتني قوه ان شاء الله
هكمل بيها حياتي ............ انا بشكر كل الناس دي اللي ساعدتني بجد
لما لاقت فيا الامل ......
براءة 27-10-2006, 05:30 PM مع انى لسه فى ثانوية
بس بصراحه
الثانوية شحططنا وعلمتنا الادب
بجد النهارده احنا فى مكان وبكرة فى مكان
ده انا درس الكيمياء بتاعى بركبله مواصلتين _ اذا ربنا كرمنا ولقينا _ وكمان الساعه 8 الصبح يعنى علشان اوصل .. اخرج امته واجهز امتى
ده انا مدرستي لما بروحها بروحها 9 الا ربع ...
ده غير ان مثلا فى الانجليزى لفيت _ الى الان_ على 3 مدرسين وحاليا انا عند الرابع وكل واحد بطريقه وطلبات و و و و ..........
بجد ربنا يكرم الثانوية
نسيت اقولكم يا جماعه ادعولى علشان عندى بكرة 3 دروس بس ...
الامير صاصا 27-10-2006, 05:37 PM انا والله لسه فى ثانوية ومخنوق منها خنقة طين
ونفسى تعدى بخيرها وبشرها
شكرا على الموضوع
محمد البري 27-10-2006, 05:47 PM والله الثانوية اثرت فيا قوي
علمتني ان الاستهزاء بالحاجا بيضيع الواحد
انا كانت امنيتي اني ادخل كلية طب واطلع جراح :(
جبت في تاينة ثانوي 98 في المية قلت يا حلاوة ما هو سهل اهو ال ثانوية عامة ال
انا متغرتش بس ركنت على مجموع سنة تانية وفكرت ان التنسيق هيثبت بس للأسف بأى اتغير
جبت في تالتة 94 في المية ولولا الواحد في المية بتاع المستوى التخين كان زماني بشحت ع السيدة
بس الحمد لله رب العالمين ربنا وفقني ودخلت كلية صيدلة والحمد لله مبسوط فيها اي نعم مفتحتش كتاب بس مبسوط
اتعلمت من الثانوية ان
ليس المجد تمرا انت آكله .... لن تبلغ المجد حتى تلعق الصبر
واتعلمت الاعتماد على النفس وتحمل المسؤلية
واتعلمت ان الدروس دي مضيعة للوقت
وبرضو انا اتعلمت حاجات كتيرة قوي منها الصبر وتحمل الملل الرهيب بسبب المزاكرة
FRANKENSTEIN 27-10-2006, 06:14 PM بلاش اجاوب ع السؤال دا
انا داخل الثانوية وانا مش محترم كلام بس
شكلي حطلع منها ع الاحداث ان شاء الله
The_Relativistic200 27-10-2006, 06:19 PM فرقت جدا
فرقت خالص
لن اقول ايضا الا قول الشاعر المعاصر:-
واذا ما دخلت ما يسمى ....بثانوية بئس مكانا ومثوى
انا حاليا بقايا شخص
لكن الواحد اتعلم ان الدولة لما يبقى نفسها فى حاجة بتعرف تعملها
شكسبير 27-10-2006, 10:13 PM اه ثم اه ثم اه من الى ماتسمى الثانوية
حاجة ملهاش شكل ولا معنى
زرعت الحزن فى قلوبنا وماسبتة
كملت بالكابة والمرض
دخلنا شباب خرجنا شيوخ
مساجين العباسية صعوبنا عليهم
واساتذة الثانوية عصرونا
دروس خصوصة وخدنا
بكا ونواح اخر السنا مقصرنا
مجاميع منيلا شلنا
نعمل ايه اكتر من كدة
انا رايح 3 ثانوى ادبى وكان نفسى ادخل سياسة واقتصاد لكن يلا المهم ربنا يوفقنا واتعلمت ( لا تؤجل عمل اليوم الى الغد ) وانا لن انسى هذه المقولة مدى الحياة وطهقانة وعايزة السنة تعدى بسرعة علشان اروح الكلية
ranony 28-10-2006, 01:47 AM ميرسى اوى يا جماعة على مروركم
و ربنا مع اللى فى 2و3 ثانوى و يدخولوا الكليات اللى عيزينها
اكيد فعلا اى مرحلة عمرية فى حياة الانسان بتفرق حتى لو الابتدائى وشكرا لكاتب الموضوع وجزاك الله كل خير
ranony 28-10-2006, 02:34 AM شكرا يا dokoعلى المرور الكريم
Miss_CaR!zma 28-10-2006, 01:22 PM ياااااااه
اولا يا ranony
ميرسى لموضوعك
وفعلا شد انتباهى اوى مع انى داخله للمره الاخيره باذن الله
بالنسبه للثانويه فموالى كبير معاها صراحه
اتغيرت اولا 180 درجه عن اولى ثانوى مش هقول الاعدادى
يعنى تانيه حسيت ان مستقبلى دى بدايته والسنه دى هتتبنى عليها حياتى بالكامل
فطبيعى مسؤليه كبيره وخصوصا ان فى آمال عريضه من بابا وماما
المهم خيبت املهم فيا :P وجبت مجموع اقل شويه من التوقعات
وحاليا رياضه وفيزيكس وطبعا بموت فى الفيزيا بطريقه فظيعه :rolleyes:
ده كله رغى مش ليه لازمه
يا ستى الثانويه دى دمرتنى خالص يعنى فى اوقات فراغى بقيت اجيب ورقه طول وارتفاع اكتب فيها حاجات غريبه عن مستقبلى
واترقيت اخيرا وبقيت طالبه الثانوى الاكثر برودا على الاطلاق فى العيله واعتقد دى كفايه لا طب ولا هندسه دى كفايه اوى :D
وسورى على رغيى بس الموضوع ده بالذات المفروض مش فى حد يفتحنى فيه
وربنا يوفقنا جميعا واشوفكم على خير باذن الله :)
MohammeD el_SadaT 28-10-2006, 02:16 PM <div align="center">اتعلمت اهم درس فى حياتى
انى ابطل
اللا مبالاه
كنت احلى واحد يطنش ويكبر دلوقتى بضرب نفسى
.......................
انتو عرفين بقه </div>
ranony 28-10-2006, 03:43 PM ميرسى على المرور يا tweety , سادات
و فعلا يا سادات الثانوية علمت ناس كتير عدم اللا مبالاة بس فى اتعلموها للاسف بعد فوات الاوان يعنى بعد ما خلصوا
و ربنا معاكى يا tweety
|