مشاهدة النسخة كاملة : سلطنة عمان و الشهادات المعادلة
مناجية الله 10-09-2009, 09:34 PM السلام عليكم ورحمة الله وبركاته يا جماعة الخير اخباركم ايه
وايه بأه الواحد تعب والنتيجة مش عايزة تظهر !!!!!!!!!!!!!!!!!!!!!!
ربنا يجبها بالسلامة ..........
الموضوع ده لكل الاولاد والبنوتات اللي جايين من سلطنة عمان
يعني نتكلم مع بعض ويقولوا جايبين كام ومنين في مصر ونفسهم في ايه ؟؟؟؟؟؟؟
وان شاء الله نبارك لبعض
وربنا يحقق امالينا ..................
Break The Ice 11-09-2009, 12:58 AM طب ايه رأيك تبدأي انتي وتقوليلنا انتي منين من مصر وكنتي فين فعمان وجايبة كام ونفسك ف إيه؟؟؟؟
داليا2009 11-09-2009, 01:20 AM السلام عليكم انا داليا من صلالة ممكن نتعرف
Break The Ice 11-09-2009, 01:59 AM داليا ممكن أعرف اسمك كامل؟ تقريبا عارفاكي أنا..لو مش عايزة تقولي اسمك قولي اسم المدرسة الي كنتي فيها..دا بعد إذنك طبعا..
داليا2009 11-09-2009, 02:31 AM انا كنت في مدرسة السعادة
what about you???
Break The Ice 11-09-2009, 02:49 AM يالاااااهوي! فيينك يا بنتي من زماااان؟ وايه الصدفة العجيبة دي!
أنا Dina:-)
Break The Ice 11-09-2009, 03:02 AM أنا هطلع بئا عشان أنا فاتحة من عالموبايل أصلي كنت ف إسكندرية ومروحة دلوأتي:-q
عايزة أتكلم معاكي بئالنا كتير أوي:-)
يلا وقت تاني بئا..بااااي:-)
breaker 11-09-2009, 04:53 AM يا جماعة تنويه بس عشان تبقوا فاهمين كويس حاجة مهمة ...
التنسيق بيتم كالتالي ..
أولا : كل كلية في الجامعات المصرية بتقدم تقرير شامل و متكامل لوزارة التعليم العالي عن مدى استيعابها لأعداد معينة .
دا في مصر بيوقفوا لحد هنا طبعا في البلاد المتقدمة بتقوم الكليات بالتنسيق مع النقابات التابعة ليها الكليات عن عمل احصاءات عن احتياج سوق العمل كخطة حمسية و عشرية و خمس عشرية و عشرينية . و على اساسها بيحدد الأعداد المطلوبة من الثانوية العامة .
ثانيا : وزارة التربية و التعليم بتعمل احصائيات عن أعداد المتقدمين للثانوية العامة و تصورها عن نسبة النجاح و كم أعداد اللي ممكن يتقدموا من الثانوية العامة و بتبعتها لوزارة التعليم العالي عشان تبتدي الوزارة المعنية بدراسة هذه الأعداد و دراسة أعداد المقاعد التي يمكن للكليات استيعابها .
ثالثا : بعد السيناريو المتوقع لما تطلع نتيجة الثانوية العامة بيقسموها الى 3 مراحل و يبتدوا يوزعوها من كليات قمة لكيات قاع و الترتيب دا مش موجود الحمدلله الى في وطنا العربي اللي ماشاء الله عليه بصراحة .
رابعا : بعد ما يقسموا أعداد المقاعد و قبل عملية التنسيق الفعلية لطلاب الثانوية العامة بيقتطعوا أعداد معينة من المقاعد بتاعة كل الكليات مبنية على احصائيات السنوات السابقة لطلاب الشهادات المعادلة و طلاب الدبلومات الصناعية و غيرهم من طلاب الشهادات المختلفة.
خامسا : بعد التنسيق الفعلي ما يتم للثانوية العامة المصرية بيشوفوا كم تبقى من المقاعد الشاغرة او الفارغة و يضموها للأعداد المخصصة للشهادات اللي بعدها .
سادسا : تبدأ مرحلة التنسيق للشهادات الأخرى و هنا نختص الشهادات المعادلة عشان بس ترتاحوا و تفهموا و ما يجيش أي حد يقلقكوا .
تنسيق الشهادات المعادلة :
أولا : كل دولة عربية يتم التنسيق بين طلبة حاملي شهادتها على حدة (لوحدها)
لأن كل دولة عربية يخصصلها عدد معين من المقاعد في الكليات حسب نسبة عدد الطلاب المصريين المتقدمين
مثلا نقول عمان متقدم منها 10 مصريين (دا مثال توضيحي مش أكتر) فهنا مافيش مانع انهم يدوا ال 10 كلهم التخصص اللي هما عايزينه لأنهم مش هيشكلوا ضغط و اصلا كانوا حاطين للمتقدمين من عمان 80 مقعد منهم 20 طب و 20 هندسة و 40 باقي التخصصات لكن السنة دي مثلا اتقدم بس ال 10 دول فكلهم بيروحوا اللي هما عايزينه . بغض النظر عن مجموعهم الاعتباري (المعادل من قبل وزارة التعليم العالي)
لو كان المتقدم على سبيل المثال 300 طالب و طالبة من عمان هنا لا في عدد كبير يبقى هيعملوا احصائية عن مجاميعهم و يشوفوا أعلى مجموع و اللي بعده و اللي بعده و هكذا و لو كان مخصص 300 مكان مثلا لطلبة عمان أول 20 منها طب يبقى اول أعلى 20 مجموع هيروحوا طب و الطالب رقم 20 هو دا الحد الأدنى للطب اللي اتاخد من عمان .
و كل دولة عربية بيتم فيها الكلام بنفس الأسلوب .
توكلوا على الله و ما تقلقوش من اي حاجة و ان شاء الله ربنا يوفقكوا و يحفظكوا جميعا .
و النتيجة ان شاء الله قريبة و تم تأجيل الدراسة في الجامعات حتى 3 أكتوبر يعني ما تقلقوش كلكم هتلحقوا كل حاجة
قلبي معاكم و البتوفيق
داليا2009 11-09-2009, 05:10 AM انا كمان في اسكندرية يا دينا
داليا2009 11-09-2009, 05:14 AM breaker هو انت من سلطنة عمان
breaker 11-09-2009, 05:16 AM لا بس كنت من دولة عربية تانية من زمان و دخلت التنسيق زيكوا و كنت ملم شوية بالموضوع زيكوا كدا
داليا2009 11-09-2009, 05:19 AM يا ترى دخلت كلية ايه؟
breaker 11-09-2009, 05:20 AM هندسة و الحمدلله
داليا2009 11-09-2009, 05:24 AM هل ترى ان نظام التنسيق عادل ؟
هل هنااااك اي سبب يمكن ان يدفع للتفاؤل؟
ياريت لو ا حد يا جماعة عنده خبرة في الموضوع يرد لان زي م نتوا عارفين ما فيش حدود دنيا للكليات ظهرت ؟؟؟
breaker 11-09-2009, 05:30 AM ما ينفعش الحدود الدنيا تبان قبل عملية التنسيق نفسها .
عارفة يعني ايه حد أدنى؟؟ يعني اقرأي مثالي اللي فوق هتفهميه
لنفرض انتوا 300 طالب و هما محددين لعمان 20 مقعد طب و 20 مقعد هندسة مثلا يعني
هياخدوا أول أعلى 20 مجموع منكم يحطوهم طب (طبعا للي مختارين دا رغبة اولى) لو بس اللي مختارين 15 واحد رغبة اولى
طب ال 5 اللي بعدهم بترتيب المجموع مش عايزين طب بس في 5 بعدهم على طول في المجموع مختارين طب حظهم بيروحوا طب و الطالب رقم 20 هو دا الحد الأدنى للطب لطلبة عمان ..
عشان كدا الحد الأدنى الكمبيوتر هو اللي بيقولوا بعد عملية التنسيق اللي بتحصل يعني مستحيل واحد يجي يقولك ان انا هجيبلك الحد الأدنى قبل عملية فرز التنسيق و الكلام دا .
الحد الأدنى معناه آخر طالب او طالبة في التخصص الفلاني دا هو الحد الأدنى
هل عمان بيتقدم منها عدد طلاب كتير في التنسيق؟؟ لو مش كتير و اقل من 50 واحد مثلا يبقى مافيش داعي للقلق لو مثلا 100 او اكتر يعني برضه مش موضوع مقلق توكلي على ربنا ان شاء الله خير
breaker 11-09-2009, 05:36 AM بعدين الحدود الدنيا ملهاش دعوة ببتاعة الثانوية العامة المصرية خالص .. انا على سنتي من الدولة اللي أنا جاي منها كان الطب واخد حدود دنيا 60% !!!! و انا الوحيد في الكشف اللي مختلف عنهم رحت تخصص غير عن كل الكشف مع ان كان ترتيبي عليهم الرابع من ناحية المجموع
breaker 11-09-2009, 05:38 AM لأن رغبتي الأولى ما اكنتش طب
مناجية الله 11-09-2009, 05:38 AM سلام عليكم ورحمة الله وبركاته
ايه يا جماعة محدش يعني رد وقال نسبته يعني كده دولي او دي دي
انا عموما من اسكندرية وجايبة93
فين الباقي .....................
ولو حد يعرف نتايج ناس تانية من صحابه وكده يقول
يللا هنا عمان ......................
مناجية الله 11-09-2009, 05:41 AM فينكم يا جماعة
كام يا دولي ونفسك في ايه ومنين ؟؟؟؟؟؟
مناجية الله 11-09-2009, 03:15 PM .........................فيييينكم
داليا2009 11-09-2009, 04:30 PM احنا هنااااااااا يا مناجية انتى ال فين
داليا2009 11-09-2009, 04:31 PM انا من اسكندرية؟
Break The Ice 11-09-2009, 06:59 PM أنا جبت للأسف 91.7% كنت في ظروف صعبة شوية..قوليلهم يا داليا إني كنت شاطرة زمان بس ثانوية عامة قضت عليا :'(
أعرف واحد جاب 96 و واحد تقريبا 95 وواحدة 93 وحد جاب 88 وحد 89..بس بصراحة الباطنة جنوب ودوا الورق يتصحح في منطقة تانية والمجاميع نازلة عالاخر فاتبهدلنا وكلنا جاتلنا صدمة من النسب..
أنا كنت عايزة أكتب رغبة أولى سياسة وإقتصاد بس-الله يسامح الي كان السبب-"اتكتبلي" رغبة أولى صيدلة على أساس تيجي أي صيدلة حتى لو أسيوط وبعدين أحول-ودي طبعا مجرد أحلام ومحدش مقتنع إن مجموعي مش هيجيب صيدلة-وأنا أصلا مش عايزاها خالص خالص:-(
ربنا يسهل المهم تطلع النتيجة ونخلص..
Break The Ice 11-09-2009, 07:04 PM 100 مسا Breaker
المنتدى نور~
داليا2009 11-09-2009, 07:11 PM ربنا يوفئك يادينا انا برده سمعت ان الدرجات نازلة السنه دي معظم الناس ما بين92 و93
داليا2009 11-09-2009, 07:16 PM ع فكرة يا دينا انت بنت من اذكى البنات ال اعرفهم
بصي هو من الاخر كل شئ اسمه ونصيب ,وبعدين دى كلية الصيدلة كويسة جدا ومستقبلها حلو
داليا2009 11-09-2009, 07:19 PM انا ليا قرايب دخلوا الكلية ال بتقولي عليها ديه واتخرجوا كمان بس قاعدين في البيت مش لاقيين وظيفة ؟.اصل محتاجة واسطة جامدة
مناجية الله 12-09-2009, 01:29 AM ربنا يوفقك يا رب يا دينا وعلى فكرة في سنة اختي كانت ليها واحدة صحبتها وجايبة 90 ودخلت صيدلة بس احنا علينا ندعي وربنا يكرمنا
وانتي يا دولي جبتي كام
يعني عموما كده النسب نازلة ولا عالية من خلال اللي سمعتوه
وفين الباقي ....................
breaker 12-09-2009, 02:59 AM منور بوجودك يا break the ice ان شاء الله تدخلي اللي انتي عايزاه
بتمنالك التوفيق
مناجية الله 12-09-2009, 04:49 AM ربنا يوفق الجميع
el-shenawy 12-09-2009, 06:16 AM السلام عليكم ورحمة الله
اولا : ربنا يكرم الجميع وكل واحد تجيله الكلية اللي هو عايزها .
ثانيا : انا كمان كنت في صلالة وجايب 90.7 ونفسي في هندسة .
بس انا كاتب بردوا رغبة اولى صيدلة زيك يا دينا وربنا يكرم واللي يجي كلوا خير .:(
:022yb4:
el-shenawy 12-09-2009, 06:17 AM داليا لو ممكن سؤال
انتي كاتبة رغبة أولى إيه ؟
داليا2009 12-09-2009, 06:19 AM ممكن سؤال؟
حضرتك اسمك ايه؟
el-shenawy 12-09-2009, 06:24 AM على فكرة ممكن تكوني تعرفيني عامة انا اسمي مصطفى .
مناجية الله 12-09-2009, 06:30 AM وعليكم السلام ورحمة الله وبركاته
اهلا بيك يا شناوي
ربنا يوفقك و يوفقنا كلنا
بس يا داليا ليه مردتيش على مصطفى وليه مش عايزة تقولي نسبتك كام ؟؟؟؟؟؟؟؟؟؟؟؟؟
يا ترى يا هل ترى .................
داليا2009 12-09-2009, 06:35 AM ياااااااارب تكون النتيجة بكرة
el-shenawy 12-09-2009, 06:39 AM أهلا بيكي مناجية .
وربنا يوفق الجميع بس
ممكن اعرف مناجية انتي كمان كاتبة رغبة اولى ايه ؟
داليا2009 12-09-2009, 06:40 AM انا من زمان نفسي ادخل طب اسنان
el-shenawy 12-09-2009, 06:46 AM طيب ممكن سؤال كتبتي رغبة اولى طب ليه ؟
ليه مكتبتيش اللي انتي حابه تدخليه الأول .
el-shenawy 12-09-2009, 07:00 AM مناجية على فكرة انتي كمان مردتيش على .
انت كاتبة رغبة أولى إيه ؟
مناجية الله 12-09-2009, 07:38 AM مانا كاتبة في الاول خاااااااالص انا كتبت صيدلة اول حاجة
بس بردوا داليا مقالتش جايبة كام ونفسها في ايه .........؟؟؟؟؟؟؟؟؟؟؟
death princess 12-09-2009, 01:01 PM هاي يا جماعة انا كنت في مسقط وجايبة 91 وكتبت رغبة اولى طب.......
مناجية الله 12-09-2009, 02:46 PM أهلا يا برنسس بيكي
طيب ومنين في مصر ................؟؟؟؟؟؟؟؟؟؟؟؟
مناجية الله 13-09-2009, 04:43 AM واخيرا بعد 48 ساعة هنعرف مصيرنا في أي كلية
يا رب يا كريم يا ذا الجلال والاكرام اكرمنا جميعا وحقق لنا ما تتمناه أنفسنا وابسط لنا الخير انت العلام العليم يا أرحم الراحمين
آآآآآآآآآآآآآ مين يا رب العالمين
ها فين الباقي وفينك يا دولي ...........
el-shenawy 13-09-2009, 06:41 AM يا رب يا مناجية .;)
بس يا رب يكون ده اخر كلام وميرجعوش في كلامهم تاني .
وبالتوفيق .:022yb4:
death princess 13-09-2009, 02:32 PM يا رب ان شاء الله
انا من المنوفية ومن القاهرة يعني على حسب الكلية فين هعد....
|