المساعد الشخصي الرقمي

مشاهدة النسخة كاملة : كليه العلوم ..مزايا الخط ومميزات الكرت

islamfigo2007
11-09-2009, 06:54 AM
السلام عليكم ورحمة الله..

مبروك لكل خريجي الثانويه العامه
ومبروك لكل اللي دخلوا علوم

وبالمناسبه اللطيفه دي
ليكوا عندي كلمتين

اراهن ان محدش دخل علوم بمزاجه
ومحدش كان بيفكر فيها ولا بيحلم بيها وهو في ثانوي
وكمان محدش كتبها رغبه اولى

كلنا كنا بنحلم بطب وصيدله وهندسه وعلاج طبيعي الخ الخ الخ
علشان كلنا شايفين ان دي كليات القمه
والبني ادم الايام دي بيتقيم وهو في ثانوي بمجموعه ودخل كلية ايه
الكل شايف ان طب دي احسن كليه
والكل شايف ان لو الواحد بقى دكتور يبقى خلاص المفروض ميعوزش اي حاجه من الدنيا
لان كل حاجه هتكون اتحق***ه
حتى اهالينا واحنا صغيرين كان نفسهم كلنا نطلع دكاتره
انا مش هققل ابدا من شان كلية الطب ولا الدكاتره
بالعكس خالص
دول فئه في المجتمع بجد تعبوا للي وصلوله
وليهم مني كل تقدير واحترام
انا بس اتكلمت عنهم على سبيل المثال عشان اوضح كلامي

نرجع لموضوعنا..

حسيت بايه لما عرفت ان مجموعك وداك كلية علوم؟؟
خيبة امل؟؟
قالولك عليها صعبه؟؟
ولا مصوا شفايفهم وقالولك يا حرام مالقيتش غير علوم؟؟


صدقني كلنا عشنا الاحساس ده
بس ده علشان بنبص للدنيا من زاويه صغيره اوي
اقصى طموحاتنا كلمة يا دكتور
واقصى احلامنا نلبس بالطو ابيض
منعرفش ان كلية علوم بجد كليه مهمه
ومنعرفش ان خريج علوم زي الجوكر
ممكن يعمل حاجات كتير اوي
وممكن يشتغل في اماكن كتير اوي
كلية علوم بتدرس اصل العلم
بندرس التركيب الدقيق والمجهري والتشريحي للخليه اللي هيتكون منها عضو في جسم الانسان((في اقسام البيولوجي))
والعضو ده الدكتور هييجي يكمل دراسه علشان يعرف يعالجه
بندرس تركيب جهاز مثلا زي بتاع الاشعه((في اقسام الفيزيا))
علشان ييجي الدكتور يستخدم الجهاز ده
بندرس طبقات الارض والصخور((في اقسام الجيولوجيا))
علشان ييجي المهندسين يعرفوا اماكن الميه والارض اللي تنفع تتبنى

كل دي امثله بسيطه اوي علشان اعرفكوا ان طالب كلية العلوم بيدرس العلم البحت
اللي بقية العلوم بتبني فرائضها عليه
يعني علوم هيا الاساس


شوفوا
تخصصات الكليه الكتيره واقسامها المتنوعه
بتدي فرصه كبيره اوي في مجالات شغل كتير
ممكن خريج علوم يشتغل في معامل التحاليل وممكن في مصانع الاسمده والكمياويات والالبان والمنظفات
ممكن يشتغل في شركات البترول
ممكن يشتغل في مجال الكمبيوتر والبرمجه
ممكن يشتغل في التدريس
بجد حاجات كتييييير اوي اوي


بامانه كلية علوم دي كليه حلوه اوي
حاولوا تتعلموا فيها بجد علشان لما تتخرجوا هتختاروا وظايفكوا مش وظايفكوا هيا اللي تختاركو
واهم من الوظيفه
اننا نتعلم بجد
ونكون فاهمين وعارفين الحياه ماشيه ازاي
محدش يضحك عليكوا ويقول علوم صعبه
علوم فيها الصعب:abdoog8: والسهل:av4056bb7jp3: زيها زي اي كليه
وعلى فكره كلمة صعب دي احنا اللي اخترعناها واحنا اللي صدقناها واحنا كمان اللي هنتغلب عليها ونمحيها ان شاء الله


مره تانيه الف مبروك عليكو الكليه
وربنا يوفقنا كلنا
وانا في خدمتكوا دايما..
scre3m
11-09-2009, 09:37 AM
الف شكر على المجهود الرائع
masaka
11-09-2009, 01:57 PM
شكررررا على المجهود بس لو تعرف حاجه عن قسم علوم الحاسب ارجوك فدنى
DESIGN2000
11-09-2009, 02:46 PM
انا طالب فى كلية علوم وافتخر على فكره انا كان نفسى اخش كلية علوم وفرحت قوى لما جتلى الحمد لله
ومن وجهة نظرى ان علوم ه اهم كلية لان بيطلع منها العلماء زى احمد زويلل لكن الغرب تعمل على جعلها كليه هامشية فى المجتمع المصرى حتى لا تنهض المه وتبقى فى حالة ركود وتخلف لو كل واحد يحط طموح انه يبقى زى الدكتور زويل وغيره باذن الله ربنا هيوفقه
مطرود مسبقا
11-09-2009, 07:26 PM
امنيه حياتي اني اخش علوم والحمد الله اتحققت
Nogha
11-09-2009, 07:48 PM
موضوع رائع ما شاء الله
انا رايحة تانية علوم اسكندرية قسم كيميا حيوى ان شاء الله و فخورة جدا بالكلية و على فكرة كانت حلمى من و انا فإبتدائى و معايا زميلتى جايبة 97% يعنى مجموع صيدلة بس دخلت علوم لأنها شايفة انها احسن كلية فى الدنيا

لكن الغرب تعمل على جعلها كليه هامشية فى المجتمع المصرى حتى لا تنهض المه وتبقى فى حالة ركود وتخلف لو كل واحد يحط طموح انه يبقى زى الدكتور زويل وغيره باذن الله ربنا هيوفقه
كلام صح 1000000%
doodee
12-09-2009, 01:19 AM
الف شكرررررررررررررررررررررررررررررررر
كل الكلام ده صح وافتخر باني انضممت لهذه الكلية
dedeee
16-09-2009, 12:43 PM
هي كليه علوم فيها قسم هندسة وراثية و قسم طب شرعي جنائي ارجوووووووووو الرد بسرعة
MuHaMeD kHaLeD
17-09-2009, 03:41 PM
عايز ااقلك اني داخلها بمزاجي
و ارادتي
و محدش غصبني عليها
و او كنت عايز ادخل صيدله كنت دخلتها
hassnabdu
06-10-2009, 02:40 PM
مليون مشكور يا باشا
الامبراطورةالفارسة
06-10-2009, 05:59 PM
كلية علوم كانت كل احلامى وفعلا هية الجوكر