تسجيل الدخول

مشاهدة النسخة كاملة : لو سمحت . ايه الحل

Phenom_taker
12-09-2009, 07:00 AM
لو سمحت فى حاجه بس عاوز اعرفها للناس

ليه كل واحد بيتكلم عادى او يهزر شويه

التانى يقوله لو سمحت ماسمحلكش تتكلم بالطريقه دى

وانا اعترض على اسلوب الرد

ليه كده

وليه اى واحد مشرف او ادراى يخش يحذف اى موضوع او اى رد على مزاجه

ولا كمنه يعنى ادارى ومعاه خاصيه الحذف

ليه المشرف او الادارى مايبعتش رساله خاصه بسيطه

ينبه فيها العضو بكل بساطه الى الرد او الحذف

يقوله مثلا ردك ظبطه شويه فيه كذا



ليه مافيش مرونه من الاعضاء

كل اما واحد يقول حاجه

التانى علاطول يقول ماسمحلكش وايه الطريقه اللى بتتكلم بيها دى وانا اعترض على اسلوب الرد

هو الحل بقى ان احنا نقعد نقول حضرتك والكلام ده ولا ايه

كل حاجه حضرتك ومش حضرتك

فين المرونه فى الكلام والمعامله

لو الرد على المشكله دى بانه منتدى تعليمى

وايه يعنى منتدى تعليمى فى منتديات تانيه تعليميه كتير بس لذيذه اوى ومرونه جامده فيها

مرونه اه فى الكلام مع الاحترام برده

انما مش كل كلمه كل واحد يقول اعترض على اسلوب الرد والكلام

عادى وايه المشكله لما نتكلم عادى او نهزر

وفى اعضاء هنا عاملين مشاركات بالالوف بس مش يستحقوا مشرفين

وفى اعضاء مشاركتهم فى الميات بس يستحقوا الاشراف

انا بتكلم مع مشرف التصميم كابو

بقوله ياعم انا بعتلك التصميم على الخاص مش رديت عليا وقولتى التصميم حلو ولا وحش زى مايكون مابعتلكش حاجه

يقوم يقولى

انا ماسمحلكش تكلمنى بالطريقه دى واعترض على اسلوب الرد

وبيقولى ايه كلمة ياعم دى هو احنا صحاب ولا بنلعب مع بعض

على اساس ان كلمه عم دى شتيمه

المفروض ان انا كنت اقوله حضرتك
والكلام ده

بالاضافه انه لسه طالب 2 ثانوى

وبرده كنت كاتب رد فيه صوره للتصميم بس المفروض كنت ابعتهالو خاص مش احطها فى الموضوع

المفروض فى رساله خاصه ينبهنى لكده

لا راح جاى معدل فى مشاركتى وكتب كلام تانى خالص

ومش كل اداراى او مشرف يحذف اى موضوع او رد زى ماهو عاوز

حتى الموضوع ده ممكن الاقيه اتحذف

بدام انى باقترح حاجه كويسه ومش متوفره هنا

فابسط حاجه يروح جاى الادارى حاذفه


أأمل من الاداره ان تناقش هذا الموضوع


ومش خايف انى اتوقف ولا حاجه

بدام انى باعمل حاجه صح وعاوز اطور المنتدى

وانا ما بقولش الفاظ خارجه ولا حاجه

ده كل الللى بقوله مشكله وعاوز حلها
Amethyst
12-09-2009, 07:28 AM
أساساً أساساً
المفروض يكون فيه هاك
يبعت برايفت ماسيدج لما الموضوع يتعمل فيه أي حاجة
و لما أي مشاركة داخل الموضوع تتعدل يبعت له برايفت ماسيدج سبب التعديييل
:)
بالنسبة للمروونة
ماليش أحكي فيها
لأني حاسة إن فيه مرووونة بيني و بين الأعضاء اللي عرفتهم في المعاملة
:)
عاشقـــ الانمى ـــة
12-09-2009, 11:37 AM
طبعا انا كنت بالصدفة فى قسم الجرافيكس والتمصيم
وشوفت كلام حضرتك ورد المشرف عليك
بس هو ممكن يكون انفعل شوية من طريقة كلامك
هى مش سلطة ولا حاجة
مجرد عضو بيرد على عضو
مش مشرف بيرد على عضو
وبعدين انتوا اخوات يعنى
فعدى الموقف بقى مش لازم موضوع
..Just Stop
12-09-2009, 11:50 AM
سلام عليكم
طريقة الكلام بتختلف من شخص للتانى
يعنى مش اى حد تهزر معاه
كلمه عادى فى البداية واعرف نظامه ايه لو كان قابل للهزار هزر براحتك
لو كان الهزار بيخليه قابل للكسر فمتهزرش معاه
دى حاجة منقدرش نتكلم عليها لانها حرية شخصية منقدرش نقول لحد هز مع دا او ركب الوش الخشب لدا
عموما ممكن تلاقيه كان متضايق واللا حاجة فطلعهم عليك :d
بس كابو محترم يعنى وعادى
انتو اخوات محصلش حاجة يعنى
""""""
لو هتتكلم عن المرونة بوجه عام
فحدث ولا حرج دامفيش مرونة اكتر من اللى هنا
دا بيشتمو بعض فى الردود بهزر احم( بس مش شتيمة خارجة يعنى ):d
ربنا يهديهم
؛؛؛؛؛؛
نيجى لنقطة ارسال رسالة لكل واحد يتنقله و يتحذفله او يتعدله رد
ادخل على مواضيع المخالفات المثبتة فى القسم دا هتجاوب على نفسك بنفسك
؛؛؛؛؛؛
وعلى فكرة محدش هنا بيحذف او بينقل حاجة بمزاجه
ولو حاسس انك اتظلمت فى موضوع اتنقل ليك
هات الرابط ونا هشوف شغلى
دمت فى رعاية الله
Lost Dreamer
13-09-2009, 12:57 PM
ومش خايف انى اتوقف ولا حاجه
ده كل الللى بقوله مشكله وعاوز حلها



بتفكروني بسعد زغلول:d

زي متقال لحضتك قبل كده

كان فيه هاك بيبعت رسايل لوحده للاعضاء الي موضايعم محذوفه بس اتشال

الاداي او المشرف

مش هيقدر كل شويه يبعت رسايل خاصه تفيد العضو بان موضوعه اتحذف

حضرتك شوف موضوع اخبرني عن مخالفه فيه مخالفات قد ايه

ده عغير الي بيتبلغ عنه برسايل خاصه او علي الميل

اما بخصوص المشرف فتلاقيه كان مدايق ولا حاجه

صيام بقي وكل سنه وانت طيب :d

كان سيدنا عمر بن الخطاب بيقول

قول فيما معناه ان الواحد لازم يلتمس لصاحبه الاعذار حاجه زي كده _ محدش ياخد راي الاخ محمود طه في اي حديث يا جماعه خطر الموت _ :d

..............................

ليه كل واحد

ليه كده

ليه اى واحد مشرف او ادراى



ليه المشرف او الادارى



ليه.. يوم ماقبلتك قولت انا ليه :d
_GUIDE_
13-09-2009, 07:47 PM
مرة كنت واقف بتفرج على خناقة
كان نفسى اشوف قلم بوكس شلوط
انما الاتنين طول الخناقة وقفين عملين يقوله لبعض
انت مش عارف انت بتكلم مين
والتانى يقوله لا انت اللى مش عارف انت بتكلم مين
الموضوع ده بيفكرنى بالخناقة دى مش عارف ليه
عمتا خير دى ظاهرة صحية مفيش خوف منها
ربنا يشفينا جميعا
BaNZeR
13-09-2009, 09:33 PM
لو تعامل واحد لأول مرة يبقى تعامله باسلوب مهذب شوية

بعد ما تتعودوا على بعض صاحبو براحتك وقولو اللى انت عايزو

يعني انا لو شتمت كابو دلوقتي اكيد مش حيتكلم :p

كابو ده حبيبي وهو والله مشغول جداً
عشان كده يمكن ادايق من طريقتك معاه في النقد اللى مجملها إنك مش شايف شغلك او بتتأخر فيه

وهو بيتعرض للنقد ده كتير وبيزعل على الرغم إنه بيقدم مساعدة مش بيتأخر في شغل هو مطالب بيه
:: [ K A B B O W ] ::
13-09-2009, 11:37 PM
اوكى بما ان الموضوع بسببى

اولا انا مش متكبر على اى حد و لا اى حاجه

و عمر ما اشراف و لا غيره هيخلينى اعامل الناس بطريقه وحشه

و لو حضرتك شوفت ردى و ردك كنت عرفت سبب كلامى

مع كل الناس اللى اعرفهم هنا شوف هم لبيهزروا معايا ازاى و انا كمان و مفيش اى مشاكل

حتى محمد اللى لسه رادد قبلى كونت لسه من كام يوم رديت على رد ليه بهزار و فى قسمه

و هو رد عليا بقمة الجمال و الادب

و انتهى الموضوع لانه عارفنى وانا عارفه كويس

انا كان اعتراضى انك بحسسيسنى انى عملت حاجه غلط انى مردتش على رسالتك

اللى هى اصلا خاصه بمسابقه يعنى مفيهاش رد

هرد عليك اقولك ايه يعنى انت مشاركتك كانت عاوزه تعمل كذا و كذا و اخدت الدرجه الفلانيه

و كمان ده مش مبرر فعلا لردى بالطريقه دى و عمر ما كان اسلوبى كده فى الرد مهما كان السبب

و اعتقد ان اللى متابع ردودى يعرف كده كويس

انما السبب فى كده انى مضغوط بسبب حاجات كتيره جدا

و ربنا اعلم انا عامل ازاى الايام دى

و حالتى ازاى فى الشغل علشان عاوز اخلص حاجات كتيره جدا قبل ما الدراسه تبدا

و بعد كل وجع الدماغ ده روحت البيت و بشوف المنتدى لقيت واحد بيقول لى كده

متوقع منى اتكلم ازاى يعنى ؟


************************************************** ******************

ثانيا بالنسبه لردك اللى انا حررته

اعتقد لو حضرتك فكرت لثوانى بس انا حررته ليه

كنت هتعرف انه حفظ لحقوقك فى المقام الاول

و بحفظ لاى حد شارك فى المسابقه حقوقه بانه يبعت لى تصميمه فى رساله خاصه

علشان مفيش حد ياخد فكرته و يقلده و يشاركه فى درجته

عرفت حضرتك السبب ؟


************************************************** *****************



ثالثا و ده الاهم لو كنت شايف انى غلطان فانا اسف ليك

و لو كان ده ميكفيكش فالمسابقه هتتوقف و بدل اعلانها فى توقيعى

هيكون اعتذار ليك

يا ريت ده يرضى حضرتك



و يا ريت حضرتك تشوف اسباب اى حاجه تحصل قبل ما تظن غلط فى غيرك

فى رعاية الله
:: [ K A B B O W ] ::
16-09-2009, 03:50 AM
طيب حضرتك كاتب موضوع كبير فى اهم قسم فى المنتدى
لطلب حل المشكله و صاحب المشكله رد عليك
Then What ?
Phenom_taker
16-09-2009, 07:04 AM
عموما شكرا ليك ع الاعتذار

وانا مش عاوز نهزر سوا ولا نصاحب بعض

بقولك ياعم انا بعتلك التصميم مش رديت عليا ولا علقت عليه ليه

تقوم تقولى ياعم ايه هى دى كلمه احنا صحاب ولا بنلعب سوا ولا ايه

انا ولا عاوز نكون صحاب ولا نلعب سوا

ولا عاوزك تقولى حضرتك

عموما شكرا ع الاعتذار وكان مالوش لازمه انك تعتذر

عموما حصل خير
عاشقـــ الانمى ـــة
16-09-2009, 11:19 AM
بما ان الموضوع الحمد لله اتحل
سمعنا بقى كلمتك الشهيرة يا استاذ محمود:d
..Just Stop
16-09-2009, 12:00 PM
سمعنا بقى كلمتك الشهيرة يا استاذ محمود:d

اه فاكرها انا الكلمة دى:d
حاجة اولها كاف واخرها دال
ايه اممممممممممم اه افتكرت
حصل خير :d
BaNZeR
16-09-2009, 03:59 PM
بما ان الموضوع الحمد لله اتحل


سمعنا بقى كلمتك الشهيرة يا استاذ محمود:d

وحضرتك النائبة اللى شغالة مكان شريف دلوقتي ولا ايه :d
:: [ K A B B O W ] ::
16-09-2009, 04:09 PM
وانا مش عاوز نهزر سوا ولا نصاحب بعض




The same here<_<
..Just Stop
16-09-2009, 05:06 PM
اوكى نقولها وامرنا لله
كلوزد
:d