attentino
12-09-2009, 02:04 PM
الخبر بتاع الالغاء اكيد
وعايز الفت نظركوا لحاجه مهمه محدش واخد باله مها ان طلبة انتساب مينفعش يدخلوا الجامعه
عشان الكارنيه بتاعكم مكتوب فيه انتساب
وهما هيشوفوا الكارنيه بتاعك وانت داخل الجامعه وهيمنعوك من الدخول لأن هما عايزين يمنعوا الزحمه جوا الجامعه
ومافيش حاجه اسمها احضر مع انتظام زى بعض الناس معتقد لأن كده يبقوا معملوش حاجه
الأميـرمحمد
12-09-2009, 03:51 PM
طيب فين المصدر ؟؟
الله يطمن قلبك زي ما قلقتنا !!
mina_totti65
13-09-2009, 01:58 AM
انا هسئل بكره ان شاء الله وباذن الله تتحل وممكن الناس تعدى عادى ان شاء الله انت عارف كل حاجه ماشيه هنا ازى
vampire1188
13-09-2009, 05:23 AM
وعايز الفت نظركوا لحاجه مهمه محدش واخد باله مها ان طلبة انتساب مينفعش يدخلوا الجامعه
عشان الكارنيه بتاعكم مكتوب فيه انتساب
كلام غلط ميه في الميه .. ومالوش اي اساس من الصحة
يعني ايه طالب انتساب يتمنع من دخول الجامعة ؟! .. اظاهر انك مش دايس في الجامعة وعارف اللي فيها !!
سيادتك 25% اصلا من الطلبة الكتيرة اللي بتشوفها في الجامعة .. بتبقي مش من الجامعة اصلا
وجايين لصحابهم يتفسحوا عندهم !!
دا نمرة واحد
نمرة اتنين .. امن الجامعة والبوابات عمره مايقدر يمنع طالب سواءا انتساب او انتظام من دخول الجامعة
نمرة تلاته .. لو انتا انتساب وعايز تخش وبتاع الامن استهبل عليك
شوط فيه وقوله انا داخل اعمل اثبات قيد في شئون الطلبة
لو فتح بوقه معاك بعد الكلمتين دول يبقي اقلع الجزمة وحطها في بوقه (سوري يعني)
ومافيش حاجه اسمها احضر مع انتظام زى بعض الناس معتقد لأن كده يبقوا معملوش حاجه
دي ممكن تكون صح او غلط .. على حسب
بس اللي انتا مش عارفه ان مافيش حد اصلا بيخش المحاضرات بالكارنيه زي مانتا فاكر
بتوع تجارة انجليش نفسهم مش بيخشوا المحاضرة بالكارنيه !!
مابالك بتجارة عربي ؟!
بس فيه بعض الناس بتخاف تحضر معا تجارة انجليش لان الدكتور بيبقي عارفهم
والاعداد بتبقي قليلة وبيبقي باين مين في الجروب ومين مش في الجروب
غير كدا انه بيتاخد حضور غياب .. يعني اللي مش في الجروب بيتقفش
عايز تقنعني ان تجارة عربي هايتعمل فيها حضور وغياب ؟!
اقولك معلومة بسيطة اوي
تجارة انتظام فيها 4 مجموعات .. كل مجموعة منهم عدد الطلبة فيها مش اقل 1500 طالب
بعد القرار الجديد كل مجموعة هاتتقسم تبقي مجموعتين
يعني كل مجموعة هاتبقي قول مثلا 750 طالب
عايز تقنعني ان الدكتور هاياخد غياب وحضور 750 طالب في المدرج ؟!
دا اصلا المحاضرة ام ساعة ونص هاتخلص وهايكون الغياب لسه ماتاخدش !!
صلي ع النبي .. وماتبقاش تقول اخبار من دماغك
احنا هنا في القسم دا متعودين اي حد يحط خبر يبقي متأكد منه
انا نفسي .. والله العظيم تلاته كنت عارف خبر الغاء انتساب دا من فترة
ومارضيتش احطه عشان انا مش متأكد لانها كانت مجرد شائعات لسه ..
ومازلت بقول اني مش متأكد .. لان الجدول مانزلش ..
اما ينزل .. ساعتها اقول اه انتساب مالهاش محاضرات
وبكررها تاني .. يا جماااااااااااعة
انتظروا نزول الجداول وكل حاجة هاتبان ان شاء الله
metab9
13-09-2009, 05:27 AM
صحيح والله
الراجل ده دخل عشان يقلقنا
عمرو ع
13-09-2009, 10:21 AM
يا جماعه
سورى يا فامبير
الراجل دا مقلش كلام غلط ولا حاجه
سورى لكل الناس يعنى
اللى بتقول الراجل اللى قال هيمنعوا انتساب من الدخول كلامه غلط
طيب افهم فى ايه هيلغوا انتساب وفى ايه هيدخلوهم يعملوا زحمه تانى
لو فعلا انتساب اتلغت يبقا انسى يا فامبير ان ناس من بره الجمعه تدخل وهيبقا بقا فى نظام ممكن يعملوه انهم يخلوا يوم لبتوع انتساب يجوا فيه يعملوا اللى همل عاوزينه زى مثلا اتنين ثلاثاء يبقا احنا مش موجودين فى اليوم ده يبقا اجازه بالنسبه لينا لكن مش هيمنعوهم يعتبوها يعنى لكن فعلا لو دخلوا وحضروا وعملوا زحمه يقا ملهاش لزمه اصلا يلغوا انتساب لما كدا كدا هيبقا فى تكدس وزحمه واسف لمغالطه كلامك مره تانيه يا فامبير
max519
13-09-2009, 03:52 PM
ياجماعه انتوا فاهمين غلط والله الانتساب حيتلغى فى حاله تفشى الفيروووووووووووووووووووووووووووووس ركزوا بقىىىىىىىى
vampire1188
13-09-2009, 10:17 PM
طيب افهم فى ايه هيلغوا انتساب وفى ايه هيدخلوهم يعملوا زحمه تانى لو فعلا انتساب اتلغت يبقا انسى يا فامبير ان ناس من بره الجمعه تدخل
اقولك على معلومة ظريفة وخفيفة
جامعة القاهرة ليها كام بوابة ؟ .. حوالي 4 بوابات .. كل بوابة عليها حوالي 2 أمن وظابط
في مرة من المرات القليلة جدااااا .. كنت نازل وداخل من بوابة من احد البوابات بتاعة الجامعة
وفوجئت بان فيه زحمة رهيييييييبة جدا جدا جدا لدرجة ان الناس كانت واقفة في الشارع من طول الطابور !!
عشان ايه دا بقي ؟! .. عشان الظابط والامن كانوا واقفين ومابيدخلوش حد الا بالكارنيه
انا ساعتها والله العظيم فضلت واقف حوالي ربع ساعة عشان اعرف ادخل من البوابة
يعني عشان يدخلوا الناس دي .. هايعملوا زحمة على بوابات الجامعة .. وهما اصلا مش عايزين يعملوا زحمة
يبقي ازاي بقي هايدققوا في الكارنيهات ؟!
عشان تبقي عارف احنا مش في الجامعة الامريكية عشان ماتخشش الا بالكارنيه الممغنط بتاعك !!
دي جامعة القاهرة .. يعني ارزع الكارنيه في وش الامن واجري عشان فيه غيرك 30 وراك عايزين يخشوا !
وهيبقا بقا فى نظام ممكن يعملوه انهم يخلوا يوم لبتوع انتساب يجوا فيه يعملوا اللى همل عاوزينه زى مثلا اتنين ثلاثاء
دي اه انا معاك فيها .. ممكن تحصل فعلا
mostafa_music
14-09-2009, 03:16 AM
خلاص
اللى راح راح واللى جه جه
كله رااااااااااااااااااااااااااااح
انا بقى عندى احساس كبير ان مش هايبقى فى محاضرات لأنتظام وانتساب
حد هايسألنى ليه ؟ هاقولو معرفش اهو احساس وخلاص
vampire1188
14-09-2009, 05:39 AM
انا بقى عندى احساس كبير ان مش هايبقى فى محاضرات لأنتظام وانتساب حد هايسألنى ليه ؟ هاقولو معرفش اهو احساس وخلاص
انا متفائل ان شاء الله .. وبالرغم من دا متوقع ان الدراسة يتم تأجيلها كلياً
حازم كرومبو
26-09-2009, 03:12 AM
ما مصروفات كلية تجارة دمياط انتساب
invent_yas2020
26-09-2009, 03:03 PM
شكرا للى بيفكرو صح زى فمبير