تشرف وزيرنا العبقري المهندس يسري الجمل بأفتاء ترباوي طبي خرافة وكانه جاب التايهة وهي في الحقيقة قرار اعدام لمليون معلم في علاج انفلونزا الخنازير بأختراع نظام الفترات بس فيه اسئلة علمية والشاطر يجاوب
1- اذا فرضنا ان في تلميذ واحد اتصاب وطبعا حيعدي زميله (منطقي) واكيد حيعدي المدرس (بأعتبار انه بني ادم ممكن يعديه) المدرس بيشتغل في كام فصل وكام فترة (تفتكروا المدرس مش ممكن يكون وسيط مناسب لنقل العدوي )ولا الوزارة صدقت ان المعلمين كائن لا يصاب
2- الطلاب في الفترة الأولي مصاب (بيعطس علي التخت ) الطلاب في الفترة الثانية بيحط ايده علي نفس التخت (اكيد حيتصاب) ولا حيعقموا التخت
3- الأطفال طلعة من الفترة الأولي وزمايلهم دخلة الفترة الثانية زحمة تفتكر الأحتمال وارد للعدوي
4- الطلاب شربوا من الحنفية زمايلهم شربوا من نفس الحنفية
5- تفتكر طالب في الفترة الثالثة الساعة 10 مسائا صاحي وبيستوعب معلومات
6- تفتكروا مدرس شغال 12 ساعة اخر حصة بيشرح
7- في نهاية الترم هل حيكون فيه لسة مدرسين شاغلين 12 ساعة وكمان اكثر عرضة للأصابه ام ان الوزير يكون نجح في القضاء علي مليون معلم ونقلهم الي مثواهم الأخير
8- تفتكروا ان الذكاء المصري تغلب علي الذكاء الأوربي والفرنسي والأمارتي وكل الدول والأمم المتحدة وجابو التايهة بتقسيم الفترات والله هي هي (او ممكن انا فاهم الموضوع غلط)

ياجماعة اتكلموا قبل ما الوزير يخلص علي المدرسين والطلاب واولياء الأمور

يا جماعه دي كارثه وان مش شغاااااااااااااااااااااااااااااااااااااااااااااااا ااااااال الا فتره واحده بس مش فترتين هو انا لاقي نفسي

12 ساعه مخالف لقانون العامملين بالدوله اللي بيحدد 7 ساعات يوميا فقط

ياجماعة كله كلام ولايوجد قرار رسمي للآن بفترتين أو ثلاثة أيام وأي قرار سيصدر لن يؤثر على نصاب المعلمين

اضغاث احلاممممممممممممممممم

من الثابت علميا ان المدرس كائن لا يمرض و لا بيحس و لا حتي بيعطس
و ممكن تربطه في العلم 24 ساعه و مش هيقول اي اي

فالمدرس لا يمكن يصاب بالمرض لان مش معقول فقر و قله قيمه و اهانه و كمان مرض
معقوله يا راجل
المدرس مثل الزمالك يمرض يمرض يمرض ولكن لا يموت لانه عايش علشان يتعذب

بمناسبة ان المعلم كائن خرافى لا يمرض او يحق له المرض عندى سؤال نفسى حد يجاوبنى عليه هل من حق وزير التعليم وطبعا بالاتفاق مع وزير الصحة حرمان المدرس من الاجازات المرضية التى يحتاجها وده بيتم فى اثناء الصيف على سبيل المثال ويتم تحويل المدرس للقومسيون الطبى لاجازةمرضية مدتها يوم او يومين يلف ويدوخ السبع دوخات ليعتمدها

هل هذه التعليمات بمنع الاجازا ت المرضية للمدرسين من التأمين الصحى التابع لهكل مدرس حسب سكنه

هل هذه التعليمات قانونية او دستورية؟ ارجو ان اجد اجابة شافية



وشكرا مقدما

تعليق :
المدارس سوف تكون السبب الرئيسى لنقل العدوى الى كل منزل وكل اسرة وكل طفل سليم فى الدولة
ونقول مع الوباء من ليبيا والوباء من البريدعة والتيفوت من المياه وفيرس سى من المجارى والسرطانات من الحقول و....... العهد الذى نشهدة من قلة الضمير والصراع على ؟؟؟؟؟؟؟؟ والسجون الممتلاه والمحاكم المزدحكة و...... ربنا ارحمنا فانت بنا راحم ؟؟؟؟؟؟

لو نعلم نهاية رمسيس الثاني واغراقة ملايين المصريين في البحر الاحمر عند مطارتة موسي نعلم ان رمسيس القرن 21 لن يمةت قبل يغرق 80 مليون ومصر
رمسيس الثاني كان بيحارب اليهود وعلي باطل رمسيس الحالي حبيب اليهود وبيوصل رسائل كمان

نعم ...بتقول ايه .........معلش مكنتش واخد بالي

طب ما احنا عارفين انة عايز يعدمنا علشان يوفر شوية فى ميزانية الدولة
ربنا يكتر من امثالة بين الوزراء ودة هيبقى افضل حل للمشكلة السكانية فى مصر

يا جماعة كل الموضوع ان الناس قالو نجرب الموضوع، لو عدت العملية بسلام (ودا طبعا مش هايحصل ان شاء الله) يبقى نجح سعادة المسئول الكبير وعبر بالمركب الى بر الامان وسوف يسجلها له التاريخ بحروف من ذهب.
لو حصل بقى وظهرت حالات عدوى وطبعا حالات موت ووفيات بسبب الجهل والتاخر الطبي وقلة الاحتياطات الطبية الموجودة في كل شبر في الجو المدرسي ( اللي احد عناصرة الاساسية هي الاختلاط) يبقى ان شاء الله نستفيد من التجربة دي في التعامل مع الازمات المشابهة في المستقبل، دا طبعا لو كان هايبقى فاضل مستقبل.
وبعدين الطلبة اصلا مرضانين من غير حاجة. يعني طبيعي ان اي طالب ممكن يجيله اصابة انفلوانزا او حمى عادية جدا ومالهاش علاقة بالوباء لاننا داخلين على فصل الشتا، دا طبعا هايحصل في كل مدرسة، بل بالعكس احتمال يحصل في كل فصل، يبقى ايه العمل ساعتها؟ طبعا العملية التعليمية هاتتعطل في كل الفصول. و اعتقد وقتها المدرس مش هايبقى داخل الفصل بصفته مدرس، دا هايبقى ممرضة. وانسوا بقى موضوع التدريس دا.
ونصيحة لاي مدرس زميل : لو جالك برد ولا انفلوانزا اوعى تروح المدرسة احسن هايحطوك في اوضة العزل اللي فيها الفيران والعيال هايضحكو عليك.
وماتنساش تتشاهد على روحك وانت داخل من باب المدرسة كل يوم الصبح. .

اشهد ان لا اله الا الله وان سيدنا محمد رسول الله.

أشوفكوا في الاخرة.

ودانك منين ياجحا ( سيادته)

بصراحة انت ممتاز فى أثارة هذة القضية .أنا سمعت أن المدرسين من كوكب المريخ وبالتالى لا يمرضوا ولا يموتوا دى بس بتكون غيبوبة وبيفوقو بعد شوية

المدرس لا يمرض ولا يموت
وان مرض
يتبهدل لما ياخذ اجازة مرضى
وان مات
هناك طابور من المتعلمين جاهز يحل محله
وسلم لى عالتعليم

بصراحة انت ممتاز فى أثارة هذة القضية .أنا سمعت أن المدرسين من كوكب المريخ وبالتالى لا يمرضوا ولا يموتوا دى بس بتكون غيبوبة وبيفوقو بعد شوية

ههههههههههههههههههههههههههههههههههههههههههه


ياريت غيبوبه بس

والله يا جماعة الموضوع دة مش هيعدي بالساهل

1(f' j3*1g'

ربنا يسترها

اضغاث احلاممممممممممممممممم
عجبك كلمة أضغاث أحلام (غير) !!!!!!!

يا جماعة دى وظيفة الوزير تدمير التعليم ويضيع هيبة المعلم وبس وطبعا الكلام ده وفقا للاجندة اللى الكل يعرفها ربنا يخدهم