مشاهدة النسخة كاملة : قصة حياتي 2
Last Fantasy 13-09-2009, 11:20 PM بسم الله الرحمن الرحيم
ده رابط الجزء الأول
http://www.thanwya.com/vb/showthread.php?t=52432
أنا حبدأ بالتعريف عن نفسي وبعد كده حتكلم بتلخيص عن البارت الأول وبعد كده طريقة البارت التاني
Details About Me
الاسم : محمد
السن / 19 سنة
الدراسة / أولي تجارة إنجليزي
الهواية / كمبيوتر وتصميم (بس لسه مبتدأ ) :)
Summary ( Part 1 ) Not all
أنا حكيت شوية عن حياتي الشخصية وبتلخيص كده أنا ليا 3 إخوات بنات ( بموت فيهم ) و كان ليا أخ توفي مارس 2003
Part 2 Show
أنا ححكي تفاصيل معينة عن حياتي بس أنا حبيت أضيف فكرة حلوه برضو في الجزء التاني لو حبيتو تسألوني عن مواقف معينة في حياتي وأنا أجاوب عليها وبعد كده أسمع التعليق والنقض ودي أكتر حاجه بسعي عليها
**تسابيح** 14-09-2009, 03:05 AM ربنا يوفقك ف حياتك كلها
Last Fantasy 15-09-2009, 01:27 PM أنا ححكي حكايتي معي خطيبتي ( نظريا مش رسمي يعني ) مينفعش أحكي تفاصيل معرفتي بيها لسببين علشان الادارة وعلشان ممكن حد يعرفني يقرا الموضوع ده فيسببلها إحراج المهم أنا عرفتها وبعد كده بفترة هيا مكنتش لسه عقلت أو خليني أقول نضجت المهم هيا كانت متعودة تخرج في البلكونة من غير حجاب وكان ده بينرفزني وهيا بسم الله ماشاء الله جميلة اوي ففي يوم لقيت كام واحد واقف في الشارع وعنيهم رصده البلكونة بتاعتها وهيا واقفه مدخلتش إضايقت دا غير إني كنت بفكر في نفس الوقت إني عايز أسيبها لأني عندي مبدأ إني مش ححب غير اللي حتجوزها وكنت خايف أحبها عشان كده كنت عايز أبعد المهم مصدقت لقيت الفرصة المناسبة والكلام ده كان أيام الامتحانات رحت قايلها إني مش حكلمها تاني وكده فاتضح إنها كانت لسه ناقلة جديد وفبيتهم القديم كان عادي عندها تخرج بشعرها وكده فهيا مش مقدرة قصدي إيه فحست إن كرامتها إتهانت فقلتلي ومالو وقعدت فترة عادي جدا لحد مجات أيام الامتحانات لقيت دماغي مشغولة بيها مش عارف أكل ولا عارف أذاكر ولا عارف أعمل حاجة خالص بمعني أصح مش عارف أعيش رحت متصل بيها أستجديها نفسي أكلمها ساعتها أتاكدت إني بحبها لأني مش عارف أعيش من غيرها فوضحتلها وجهة نظري وهيا كانت زعلانة وبصراحة هيا ليها حق لأني مقدرتش إنها كانت عايشة في بيئة تانية قبل كده رحت مكلم أختها الكبيرة قلتلها أنا قصدي ايه وإني بخاف عليها علشان كده إتصرفت بالطريقة دي ويمكن تكون الطريقة غلط بس وجهة النظر والمقصد صح فكلمت أختها لحد مقلبها حن عليا بعد العذاب ده بعدها بقي وإحنا في تفاهم علطول ومزعلتهاش ولا مرة بس بتقلقني كتير عليها وهيا متهورة وأنا بخاف عليها أوي ومش عارف القلق ده جالي منين بقالي فترة بفكر فيها 24 ساعة معرفش أنام غير لما أكلمها وأشوفها كنت عايز أطلب منكو طلب هيا مبتتكلمش خالص هيا أصغر مني بـ4 سنين فأنا حاسس إن فيه مساحة بيني وبينها ووضحتلها الكلام ده كذا مرة أنا عارف إن هيا بتحبني وعشان كده بتخاف تقول كلمة تخليني أحس إنها تافهة أو شبه كده مع إنها من أذكي الناس اللي قابلتهم في حياتي فمش عارف أعمل ايه نفسي أموت المساحة اللي بينا علشان تحكيلي كل حاجه أنا بحكيلها كل حاجه تقريبا طول الوقت أنا اللي بتكلم وهيا بتسمع حتي التعليق علي اللي أنا بقوله مبسمعهوش منها
Last Fantasy 16-09-2009, 11:06 PM مش عارف أكمل الموضع ولا أنا مش شايف أي إهتمام أنا بقول لو حد عايز يعرف تفاصلي أكتر يسألني وأنا أجاوب
ahmed yay 18-09-2009, 01:48 AM مش عارف أكمل الموضع ولا أنا مش شايف أي إهتمام أنا بقول لو حد عايز يعرف تفاصلي أكتر يسألني وأنا أجاوب
السلام عليكم.
اخبارك ايه القصه بتاعتك جميله وانا لسه حالا مخلصها وربنا يكرمك ويوفقك بس انا عاوز اعرف حكايتك مع الكمبيوتر اللى انت قلت فى البارت الاول انك هاتحكيها.
سلام.
Dr.Gehad 18-09-2009, 02:26 AM السلام عليكم ورحمة الله وبركاته
والله الكلام دا حلو وجميل جدا انك تكون صريح كدا وانت اخدت خطوه اجمل انك كلمت اختها
بس انا حسه من كلامك انك لسه صغير تفكيرك يعنى صغير وكمان هى صغيره اوىىىىى يعنى اصغر منك باربع سنين يعنى عندها 15 سنه ودى لسه صغيره خاااااااااالص فانت بلاش تحير نفسك معاها وتحيرها معاك و تتفقوا على وقت تخطبها فيه ومتكلمهاش دلوقتى لحد ما تخطبها رسمى ودا راى يعنى وانت حر فى الاول وفى الاخر
والسلام ختام
Last Fantasy 18-09-2009, 08:51 PM السلام عليكم.
اخبارك ايه القصه بتاعتك جميله وانا لسه حالا مخلصها وربنا يكرمك ويوفقك بس انا عاوز اعرف حكايتك مع الكمبيوتر اللى انت قلت فى البارت الاول انك هاتحكيها.
سلام.
ححكيها في الرد الجاي ومتشكر علي وجودك يا جميل
السلام عليكم ورحمة الله وبركاته
والله الكلام دا حلو وجميل جدا انك تكون صريح كدا وانت اخدت خطوه اجمل انك كلمت اختها
بس انا حسه من كلامك انك لسه صغير تفكيرك يعنى صغير وكمان هى صغيره اوىىىىى يعنى اصغر منك باربع سنين يعنى عندها 15 سنه ودى لسه صغيره خاااااااااالص فانت بلاش تحير نفسك معاها وتحيرها معاك و تتفقوا على وقت تخطبها فيه ومتكلمهاش دلوقتى لحد ما تخطبها رسمى ودا راى يعنى وانت حر فى الاول وفى الاخر
والسلام ختام
إنتوا تعرفو أنا كل ماكلم حد يقولي نفس الرد بس أنا بحب التحدي وحعمل أي حاجة علشان أتجوزها ولو علي موتي مش علشان بحبها وبس علشان ده مبدأي إني عمري مطلعت ندل ولا حاجة وحناضل لحد اخر يوم في عمري ولو حتحدي أي حد يقف في طريقي لأني مؤمن بكده
Its My Life 18-09-2009, 09:14 PM مش عارف أكمل الموضع ولا أنا مش شايف أي إهتمام أنا بقول لو حد عايز يعرف تفاصلي أكتر يسألني وأنا أجاوب
لا كمل كمل
دي حدوته شيقه خالص:022yb4:
كمل كمل
Last Fantasy 19-09-2009, 05:15 PM حكايتي مع الكمبيوتر
تبدأ حكايتي مع الكمبيوتر وأنا في سنة 4 إبتدائي يعني بعد ما جينا من السعودية بكام شهر كان جوز خالتي لسه شاري كمبيوتر وحبينا نشتريه منه فاشتريناه وزي مدايما عارفين محدش عارف الخير فين كان جهاز وحش خالص ممكن تقول عليه يكفر اللي يقعد عليه يعني كان كل ما تيجي تقيده لازم تنزله ويندوز يمكن تقولو إني ببالغ بس دا فعلا اللي كان بيحصل كان بيبوظ كل يوم يمكن أكتر من مرة في اليوم وزي ماقلت محدش عارف الخير فين من كتر ما الجهاز كان بيبوظ أنا إتعلمت واحدة واحدة إزاي أصلح وكده بعد كده كنا بنوديه لواحد صاحب بابا من البلد يصلحه فكنت بقعد عنده فترات طويلة فاتعلمت كتير في الصيانة بعد كده أنا كان عندي حب إستطلاع أخدت فترة بقي أتعلم في النت وكده وبقيت أعمل منتديات وأعمل مواقع وبعدها بفترة قعدت علي الهاكر بس معرفتش أتعمق فيه بعد كده دخلت علي الصيانة تاني وبقيت متابع للبرامج لحد موصلت لمرحلة الفوتوشوب لأني بموت فيه وبموت في التصميم بقيت أصمم أو علي قد ما أقدر أتعلم إزاي أصمم فحاولت بتاع 3 سنين أتعلم من مواقع عربية بس مجابتش معايا أكتر من الاساسيات فملقتش غير حل واحد المواقع الاجنبي بس أنا معنديش مهارة في اللغة في الوقت ده إني أقرا شرح تصميم كامل بالانجليزي فرحت منزل الوافي الذهبي للترجمة وبرنامج pronunciation بتاع LongMan بتاع النطق وبقيت شغال عليهم أترجم وأنفذ لمدة سنة ( السنة اللي كنت مأجل فيها ) بقيت دلوقتي الحمد لله بعرف أتابع من غير ترجمة خالص وده التصميم اللي أنا شغال عليه في الوقت اللي أنا بكتب فيه الرد ده
http://psd.tutsplus.com/tutorials/text-effects-tutorials/add-fantastic-color-to-3d-text-part-i/
حبقي أوريكوا النتيجة وأدعولي ربنا يوفقني وعلي فكرة أنا كان نفسي أطلع مبرمج أي لغة مش حتفرق بس لقيت أنها بتاخد وقت طويل والغلطة فيها بتأبيده فملقتش غير التصميم لأنو هو أكتر حاجة تخليك متميز عن غيرك لأن مفيش تصميمين شبه بعض عشان كده إن شاء الله في المخطط بإذن الله إني أخد كورس إنجليزي أثناء الكلية وبعد كده أخلص إختبارات الـ ICDL وبعد كده اخد دورة برمجة أو تصميم
أدعولي بالتوفيق
**تسابيح** 20-09-2009, 06:02 AM مش عارف أكمل الموضع ولا أنا مش شايف أي إهتمام أنا بقول لو حد عايز يعرف تفاصلي أكتر يسألني وأنا أجاوب
عايز رأي بصراحة
انا كنت قرأت الجرء الأول وكنت بتقول انك نفسك تدخل هندسة
وانك مش هتحب الا اللي تتجوزها مباديء حلو صح بس هي راحت فين المباديء دي؟؟!!هل سنة بحالهم ممكن تغير مبادئك
معلش بس انت كلامك متناقض
انا شايفة انك مينفعش تستمر في العلاقة دي
لان خلي بالك انك ليك 3 اخوات بنات(ربنا يخليهملك)وزي انت ما بتحبهم وبتخاف عليهم لازم برده تخاف ع اي واحدة تانيه والا مش ترضاه عليهم
اكيد مترضهوش ع اي بنت تانية
وانت ف سن مشاعرك فيه متغيرة يعني مش سن حقيقي انك تقرر انك تحب ياريت تراجع نفسك
بالتوفيق
Last Fantasy 20-09-2009, 07:08 PM طيب أعمل ايه يعني علي إفتراض صحة كلامك وإني مشاعري متغيرة أنا دلوقتي معرفش مكلمهاش وزي ما قلت عمري متعديت حدودي معاها ومش عايز حد يرد ويقولي إنتا في سن المراهقة لأني عارف يعني ايه سن المراهقة وعارف إمتا أكون بضحك علي نفسي وإمتا لا
**تسابيح** 21-09-2009, 12:22 PM طيب ماشي انا سحبت راي بدل هو مضايقك
انت حر في تصرفاتك !!!
looody 23-09-2009, 07:14 PM على فكره الموضوع جميل خلينى معاك وانك فعلا بتحبها ومتاكد من حبك ليها هل انت متاكد من حبها ليك
ولو متاكد هل واثق انها مش هتتغير لما تعدى سن المراهقه حاول تفكر كويس ومستنيه ردك
انا اولى حقوق ربنا يوفقك
Last Fantasy 23-09-2009, 09:00 PM طيب ماشي انا سحبت راي بدل هو مضايقك
انت حر في تصرفاتك !!!
والله أنا لو مش مهتم لرأيك مكنتش رديت دا غير إن وجودك يشرفني وأنا بيضايقني بس لما حد ينصحني أبعد عنها
بحس من ناحيته حاجه لكن في حالتك أنا متأكد إن رأيك كله علي مصلحتي علشان كد أنا مضايقتش
على فكره الموضوع جميل خلينى معاك وانك فعلا بتحبها ومتاكد من حبك ليها هل انت متاكد من حبها ليك
ولو متاكد هل واثق انها مش هتتغير لما تعدى سن المراهقه حاول تفكر كويس ومستنيه ردك
انا اولى حقوق ربنا يوفقك
أنا مش عارف هيا ممكت تتغير بعد سن المراهقة ولا لا ؟ بس كون إني متأكد من حبها ليا متأكد ميه ميه بس أنا مبحبش حب مراهقة لأني عارف يعني ايه حب مراهقة أنا متأكد إن المعني مش حيوصل زي منا قاصد بس أنا بتعشم إنها متتغيرش
booklife 23-09-2009, 10:13 PM انت ممكن تكون متاكد من شعورك
بس متعرفش شعورها ايه
هى لسه صغيرة وهى برده فى فترة مراهقة
وانا قريت قصتك كلها
وشكرا ليك
booklife 23-09-2009, 10:22 PM وانا بهنيك على شجاعتك مش كتير اللى بيملوكها عشان يعبروا عن نفسهم
Last Fantasy 24-09-2009, 01:41 AM متشكر أوي علي وجودك في الموضوع بس ايه رأيك أكمل ولا ؟!
booklife 24-09-2009, 12:21 PM كمل ايوة انا متابعة
looody 24-09-2009, 07:09 PM يعنى ايه فاهم سن المراهقه لو فاهم هتبقى متاكد نها هتتغير
بس على فكره انا اعرف ناس كده والموضوع تم
looody 24-09-2009, 07:15 PM حاول الفتره دى تخليها تركز فى المذاكره
Last Fantasy 24-09-2009, 11:07 PM كمل ايوة انا متابعة
إن شاء الله بس شوية كده لحد مخلص المصايب اللي ورايا دي
يعنى ايه فاهم سن المراهقه لو فاهم هتبقى متاكد نها هتتغير
بس على فكره انا اعرف ناس كده والموضوع تم
أنا عارف قصدك ايه بس حتي المراهق لحد ما ينضج مابينساش بسهولة ولحد الوقت ده أنا عامل حسابي يعني لو افترضنا إنها مراهقة وإستنت تحبني لحد أولي كلية مثلا يبقي تقريبا أولي كلية سن حلو أحكم عليها فيها دا من نحيتكم إنتم أنا حكمت خلاص
حاول الفتره دى تخليها تركز فى المذاكره
أنا علي فكرة إدتها هدق إنها تدخل صيدلة بس مش بطريقة مباشرة أحسن تفكروا علشان خاطري ولا حاجه
Last Fantasy 26-09-2009, 03:53 AM حكاية العيد
بداية خليني أقول إن ده أسود عيد عدي عليا ويمكن أرجع في الزمن لقبل العيد بيومين تبدأ الحكاية لما والدتي عرفت إني بكلم خطبتي (مش رسمي ) وبحكم إن والدتي ست متدينة جدا فقامت الدنيا فوق دماغي علي ما أتذكر في يوم الوقفة ومامتي حبت تزودها فاتصلت بأهل النت ردت عليها والدتها (ست جامده أوي ) علي دخلتي ساعة الفطار وكانت أول مره مصليش المغرب في الجامع فوالدتي معرفتش تكلمها في وجودي علي أساس إني معرفش دا غير إني متوقعتش كده المهم تفاصيل المحادثة (ماما: سلام عليكم .حضرتك أم دعاء ، أم دعاء : أيوه ، ماما : كنت عايزه أتكلم معاكي في موضوع مهم ، أم دعاء :إتفضلي ،جيت أنا داخل ، ماما حبت تفصل قلتلها :طيب أكلمك بعد مانصلي التراويح بقي وقفلوا ) لقيت بعد صلاة العشاء أختها إتصلت بيا بتقولي إلحق مامتك إتصلت بمامتي وحكتلي اللي حصل أنا برج من نافوخي طار يعني أنا طول حياتي مفيش مرة أختلفت مع ماما في الرأي غير رأيها هو اللي مشي يعني قصدي لو إختلاف بيني وبينها رأيها يمشي لكن لو حصل إختلاف في وجهات النظر بيني وبينها في علاقاتي مع الناس ملهاش حق تتصرف بمعني إنها مثلا شافتني بصاحب واحد مش عاجبها تجي تقولي متصحبوش ولو حصل وبيحصل كتير طبعا ملهاش تتصرف يعني أحرجتني كذا مره مع ناس أعرفهم المشكلة إني مش مصاحبهم دي شافتني مرة أو مرتين معاهم وحاجات زي كده (نفسي أبقي موضوعي مرة وأنا بتكلم مش عارف ) المهم جينا في الصبح يوم العيد وإحنا المفروض بيجلنا كل عيد واحد صاحب بابا بالعربية يودينا بيت عمي في قرية جنبنا فشديت مع ماما مشداة كلامية عنيفة في الاخر حلفت لأخرج بره البيت وأسيبه خدو برضو اللي كان جوايا تخيل إنسان إنتا كت بتحبه حب لا يوصف وتخيل الحب ده ممكن يوصل في لحظة من اللحظات إنك بقيت مش طايق والله أنا الكلام ده تقيل عليا يعني عمري مفكرت في يوم مجرد فكر بس إني أكره ماما بس التزمت والعصبية دي كرهتني في حياتي هيا ليه مش مقتنعة إني أقدر أتحمل مسئولية أفعالي حتي لو غلط نفسي تسيبني أغلط مهو أنا مش حتعلم كده بالطريقه دي لو عشت مليون سنة المهم رحت قايلهم مش معيد معاكو وطبعا بابا زعق معايا وإزاااااااااااي وعمك وكلام من ده المهم نمت بعد صلاة العيد صحيت المغرب أكمل الباقي بعدين أصل أنا زهقت
*ساسُّو* 26-09-2009, 03:49 PM كنت متابعة الجزء الاول مع حضرتك
بس عايزة اقول لحضرتك حاجتين
حضرتك ممكن تكون اتعلقت بيها عشان بتسمعك وتهتم بكل حاجة ليك
بس دى صغيرة فرق السن برده هى ممكن تشوفك اخ كبير بيخاف عليها
فكر شويتين قبل ما تكمل وقبل ما تقولها كل حاجة
عشان لا قدر الله بعدت عنها مش تزعل من اى تصرف ليها
تانى حاجة اكيد والد حضرتك بيستنى العيد عشان تتجمعوا على فرحة كبيرة
كدة حصل زعل جامد واكيد والدتك مش تقصد انها تزعلك
مش ممكن كانت عايزة توقفك لانها شايفة انك غلط تكلمها من غير سبب رسمى
عشان كدة عملت كدة
حضرتك ناقش والدتك وفهمها وافتح مجال كلام معاها وصارحها بكل حاجة
هى اللى هتشجعك وتخطب لك
على فكرة ولا ام بتشوف ابنها كبير
مهما حصل هتفضل النونو بتاعها اللى عايزاه معاها طول عمرها
لو بتكلمها فى اى قرار ليك حاول تقنعها برأيك
حتى لو هتجرب مليون طريقة ان شاء الله هتقتنع برأيك
بس اثبتلها صح انك بقيت راجل
وانك تقدر تاخد القرار الصح
ومنتظرة الباقى بس بعد ما حضرتك تهدى شوية
ان شاء الله لو فيها خير تكمل مع البنت دى ربنا هيوفقك
Last Fantasy 26-09-2009, 10:37 PM كنت متابعة الجزء الاول مع حضرتك
بس عايزة اقول لحضرتك حاجتين
حضرتك ممكن تكون اتعلقت بيها عشان بتسمعك وتهتم بكل حاجة ليك
بس دى صغيرة فرق السن برده هى ممكن تشوفك اخ كبير بيخاف عليها
فكر شويتين قبل ما تكمل وقبل ما تقولها كل حاجة
عشان لا قدر الله بعدت عنها مش تزعل من اى تصرف ليها
تانى حاجة اكيد والد حضرتك بيستنى العيد عشان تتجمعوا على فرحة كبيرة
كدة حصل زعل جامد واكيد والدتك مش تقصد انها تزعلك
مش ممكن كانت عايزة توقفك لانها شايفة انك غلط تكلمها من غير سبب رسمى
عشان كدة عملت كدة
حضرتك ناقش والدتك وفهمها وافتح مجال كلام معاها وصارحها بكل حاجة
هى اللى هتشجعك وتخطب لك
على فكرة ولا ام بتشوف ابنها كبير
مهما حصل هتفضل النونو بتاعها اللى عايزاه معاها طول عمرها
لو بتكلمها فى اى قرار ليك حاول تقنعها برأيك
حتى لو هتجرب مليون طريقة ان شاء الله هتقتنع برأيك
بس اثبتلها صح انك بقيت راجل
وانك تقدر تاخد القرار الصح
ومنتظرة الباقى بس بعد ما حضرتك تهدى شوية
ان شاء الله لو فيها خير تكمل مع البنت دى ربنا هيوفقك
أنا الموضوع ده قالب دماغي أوي مش عارف أتصرف أعمل ايه بخصوص والدي ووالدتي أنا متأكد إن كل كلمة أولتيها صح بس أنا سايب مساحه بين كل اللي حوليا لحد معرف أظبط أفكاري وأشوف حعمل ايه ؟ متشكر أوي علي وجودك وردك
booklife 26-09-2009, 11:00 PM انا من رايى حاول تقول لماماتك ممكن تفهمك
وبعدين هى لسه مقلتش حاجة فحاول تصلح الوضع
Last Fantasy 26-09-2009, 11:46 PM انا من رايى حاول تقول لماماتك ممكن تفهمك
وبعدين هى لسه مقلتش حاجة فحاول تصلح الوضع
بصراحه مليش نفس أكلمها الفتره دي خالص بس إن شاء الله أعمل كده بس علي فكره ماما معندهاش تفاهم من النوع بتاع الحديث من طرف واحد
booklife 26-09-2009, 11:55 PM ممكن تكلم باباك يكلمها
Last Fantasy 28-09-2009, 01:29 AM No Way بابا عمري مبتكلم معاه سواء في مواضيع زي كده أو حتي العادية
booklife 28-09-2009, 04:17 PM ليه
ما هى دى الطريق الوحيدة تكلمه
ممكن يتفهم ويقولها
Fe w2t da mfrod tsbr la3'et ma el mawdo3 ehda
5als w ba3d kada 7awl ttklm ma3 tant w uncle
b hdo2 w da mogrd r2y
MuHaMeD kHaLeD 29-09-2009, 05:27 AM مع احترامي لكل الاراء و الردود
بس انا حاسس ان الحكايه فيها فبركه
كتير اوي و واضحه خالص و اي حد لو دقق
شويه هيكتشفها
في رعاية الله
Last Fantasy 01-10-2009, 11:37 AM ليه
ما هى دى الطريق الوحيدة تكلمه
ممكن يتفهم ويقولها
أنا مينفعش أقول كل حاجه لان فيه حاجات لازم يكون عندي تحفظ عليها بتبقي أسرار والمعرفه ليها مع احترامي ليكوا إنتوا أصدقاء بتنصحوا مش حتتصرفوا ففيه حاجات مش لازم تعرفوها لكن أنا بحاول أتصرف وأنا سايب الميه بمجاريها وأشوف بعد كده أعمل ايه
fe w2t da mfrod tsbr la3'et ma el mawdo3 ehda
5als w ba3d kada 7awl ttklm ma3 tant w uncle
b hdo2 w da mogrd r2y
متشكر علي الرد
مع احترامي لكل الاراء و الردود
بس انا حاسس ان الحكايه فيها فبركه
كتير اوي و واضحه خالص و اي حد لو دقق
شويه هيكتشفها
في رعاية الله
كل اللي فهمتوا إنك بتشكك في اللي أنا قلته وعلي إفتراض إن كلامك صح إعتبرها تجربة خيالية وقولي حتتصرف إزاي وعلي العموم مفيش موضوع إنتا بترد عليه ومتأكد إنه صحيح ميه ميه بس دي بترجع للثقة والاحساس بالصدق
Last Fantasy 02-10-2009, 01:16 AM اللي حقولو دلوقتي بعتبره أسوأ موقف ممكن يتضوع فيه بني ادم إنك تفقد عيلتك معنويا حتقولو يعني ايه إسمعو الحكاية دي وزي مبيقولو الحرب بتبدأ بحادثة صغيرة حتعرفوا قصدي ايه دلوقتي خلوكو معايا نرجع ليومين فاتوا من تاريخ المشاركة كنت خارج من المطبخ وقابلتني أختي الكبيرة بتزعق وتشتمني شتايم بس بالذوق المهم أنا كنت ساعتها مقفول وقلتلها أبعدي عني دلوقتي مش عايز أكلم حد فلقتها بتقول " سرقت الهدية وأدتها لحبيبة القلب " محدش فاهم حاجه طبعا ولا أنا ساعتها كنت فاهم فمردتش شوية لقيتها قاعدة شغالة شتايم وتهديدات زي " والله لسود عشتك إنتا وهي " ، " والله لمتصلة بأمها " طبعا مبردش قلت شوية وحدور عليها وتلاقيها ونخلص شوية لقيت ماما كمان قلبت عليا ولقيتها بتقولي "والله لمتصل علي البنت دلوقتي محلفاها " قلتها ومالو ورحت مديها نمرة البيت بتاعت حبيبتي المهم جاية تتصل أنا حذرتها علشان مبقاش وقعت في الغلط قلتلها " لو اتصلتي بيها حتسأل بنتها حتقولها متعرفتيش وأكيد حيجوا يسألوني وأنا حقول معرفهاش شوفي بقي حيبقي منظرك إيه قدامهم " شكت في كلامي شوية وقلتلي خلاص إحلفي إنك مخدت الهدية قلتلها والله مخدتها ولا أعرف ايه هيا أساسا نيجي بقي علي التفاصيل كنا من البداية أول معرفت حبيبتي أدتني هدية قلب أحمر فأحتفظت بيه شوية بعد مالجماعه عرفوا أنوا من حبيبتي فاختلفت مع أختي مره علشان حاجه مش فاكرها فأخدت القلب وخبتو تحت السرير بتاعها فبعد متصلحنا سألتها قلتلي علي مكانه بس أنا طنشت لأنو مكنش بيذكرني بذكري حلوه ( اللي هيا فترة خناقتي أو خلوني أقول إختلاقي مع حبيبتي ) فمجبتوش فجه لما جوز أختي كان قاعد عندنا فترة العيد فبنهزر فبيقولي تبيعلي القلب بكام فمش عايز أبينلو ان الموضوع له أهمية بالنسبه ليا فقلتله موافق علي كام قللي 5 جنيه قلتله 10 جنيه قلي خد 6 جنيه وحاطهم علي الترابيزة رحت واخدهم وقلتله حاخد ال6 جنيه والقلب ومنتش واخد حاجه قاعدنا هزرنا وقل لأختي متديهوش حاجه وهيا أخدت الموضوع بجد المهم ده قبل الموقف بيوم تقريبا نرجع بقي ساعة الموقف أختي بدور علي الهدية وقاعده تهديد وشتايم بس بناتي :040vk0: وهي بدور لقيت القلب فرحت واخده لقيتها مسكه فيا وبتتعافي عليا بتقولي سيب القلب دا محمد دافعلك تمنه ولقيته مقطعه الباكدج بتاعه لقيت دماغي ضاع رحت نازل فيها ضرب وراحت قاعده تتضرب هيا وماما بس عادي يعني ضرب حربم رحت سايبهم وعايز أخرج طبعا مينفعش أرد حتي علي ماما فماما واقفه بيني وبينها وبتقولها سيبيه يخرج ودي حلفه يمين طلاق مهي سايباني غير لما تبهدلني ببص وهيا قاعده تتضرب وماما واقفه بينا ببص لقيت أيد ماما جه فيه كدمة وأديها أحمرت من ضرب ماما أتنرفزت تاني رحت ضربها علقه كمان فماما واقفه بينا مش عارف أطولها وهيا قاعده تتضرب خفت علي ماما فقلت أنضرب أحسن ما ماما يجي عليها ضرب رحت ساحب أختي وضربها بعيد عن ماما بعد ماشرحتني خرابيش المهم راحت واخده الهدية في الاخر قلت يللا مش مشكلة فبخوفها علشان تبعد رحت عامل نفسي بجري عليها راحت قافله علي نفسها الاوضة وقعدت هديت شوية شوية كمان لقيت أختي الصغيرة لقت الهدية اللي كانوا بيدورا عليها تخيلوا ترد تقول ايه شتايم اجين وتهديدات لتسود عشتي وعشتها رحت رايحلها وقايلها ربنا يهديكي بس أنا وقعت يمين إني عمري ممد أيدي علي أخواتي البنات علشان محدش يذكرني في يوم أني كنت أخ وحش أنا اخر مره ضربت فيه أختي الصغيره كان من سنتين المهم شوية بابا جه أختي طبعا لازم تحكي بطريقتها فسخنت بابا عليا لقيته أتعصب عليا قلتله أهدي دقيقه ونديت ماما قلتلها أحكي بعد ما بابا سمع من أخواتي إتنرفز عليها وقام يضربها والله العظيم قمت حشت عنها وبعد ده برضوا قعدت تشتم والله العظيم كنت بشفق عليها ساعتها لأن واحده بالطريقة دي بتفقد الناس اللي حواليها بسهولة كلموني بقي وعايز أسمع تعليقاتكم في الموضوع ده ضروري
|